13946	PSA 1:3	Bönniʼ ni náquiëʼ ca tu yaga dxeʼ ga naca raʼ nisa, le ribía sizxöni cateʼ ridxín dza que, en bitiʼ caʼ rizóa gubáʼayisö. Yúguʼtë le runëʼ taʼrúaj dxiʼa.
13955	PSA 2:6	Innë́ʼ: “Nuzóa cazaʼ bönniʼ nabö́ cazaʼ xilatjëʼ ga inná bëʼë. Inná bëʼë lu Guíʼa Sión, le naca guíʼa láʼayi quiaʼ.”
13956	PSA 2:7	Quíxjöiʼidaʼ libíʼiliʼ didzaʼ nuzóëʼ tsaz Dios. Xanruʼ Dios gudxi cazëʼ nedaʼ: “Liʼ nacuʼ Zxíʼinaʼ. Naʼa dza nuzóa cazaʼ Liʼ.
13957	PSA 2:8	Gunábini nedaʼ, ateʼ gunaʼ ga ilequi quiuʼ yuguʼ yödzö. Guequi caʼ quiuʼ idútë yödzölió.
13975	PSA 4:5	Guliʼgadxi Lëʼ, en bítiʼrö gunliʼ dul-laʼ. Guliʼsáʼ ladxiʼ ca naca lë ni cateʼ dëliʼ ga rátaʼliʼ, en guliʼsóa dxisö.
13991	PSA 5:12	Uluʼdzeja nupa tuʼzxöni ladxiʼ Liʼ. Lu yöl-laʼ rudzeja quéguequi gúl-lagaca quiuʼ tuʼ rácalenuʼ léguequi. Tuʼzíʼ xibóʼ nupa nadxíʼigaca Liʼ.
13997	PSA 6:5	Gudá dusölóʼ nedaʼ, Xan. Tuʼ nadxíʼinuʼ nedaʼ, busölá nedaʼ lu yöl-laʼ guti.
14013	PSA 7:10	Ben ga udxi que le xihuiʼ tun nupa tuáʼ döʼ, pero buzóa tsutsu nupa tun le naca dxiʼa, tuʼ nacuʼ Liʼ idú tsahuiʼ, Dios, en ruchiʼa rusörö́uʼ le taʼzáʼ ládxiʼgaca bönachi, en le taʼguínnaj ícjaguequi.
14023	PSA 8:2	¡Xanaʼ Dios, bicaʼ ba Loʼ idútë yödzölió! ¡Xitsáʼtërö ca lúzxiba nayë́pisuʼ Liʼ!
14024	PSA 8:3	Túl-labiʼ bíʼidoʼ, encaʼ biʼi huë́ʼënidoʼ yöl-laʼ zxön quiuʼ sal-laʼ nacuáʼ nupa taʼdáʼbagaʼ Liʼ. Uzóa dxíuʼ nupa naʼ bitiʼ taʼléʼe Liʼ dxiʼa, encaʼ nupa taʼdáʼbagaʼ Liʼ.
14031	PSA 8:10	¡Xanaʼ Dios, bicaʼ ba loʼ idútë yödzölió!
14034	PSA 9:3	¡Udzéjadaʼ, en uziʼa xibóʼ! ¡Gul-laʼ yöl-laʼ ba que Loʼ, tuʼ nayë́pisëtëruʼ!
14039	PSA 9:8	Zóaticaʼsëʼ Xanruʼ Dios. Naguixjëʼ tsaz lataj ga röʼë rinná bëʼë en ruchiʼa rusörö́ëʼ quégaca bönachi.
14040	PSA 9:9	Uchiʼa usörö́ëʼ quégaca bönachi yödzölió lu le naca tsahuiʼ. Uchiʼa usörö́ëʼ quégaca yuguʼ yödzö lu le nácatë.
14043	PSA 9:12	Guliʼgul-la yöl-laʼ ba queëʼ Xanruʼ, zoëʼ ga naʼ nazíʼi le Sión. Buliʼsiyö́n bönachi yuguʼ yödzö ca naca yuguʼ le nunëʼ.
14046	PSA 9:15	para gaca usiyöndaʼ bönachi yöl-laʼ ba quiuʼ Liʼ. Ga naca ga nu tsaza yödzö quiuʼ nazíʼi le Sión, udzéjadaʼ tuʼ nusölóʼ nedaʼ.
14055	PSA 10:3	Run ba zxön cuinëʼ bönniʼ ruʼë döʼ ca naca le xihuiʼ rizë́ ládxëʼë. Bönniʼ ruhuídiʼnëʼ rulidza ditjëʼ luzë́ʼë, en ruzóëʼ Dios tsöláʼalö.
14057	PSA 10:5	Ruziʼë xibé yúguʼtë le runëʼ. Bitiʼ caʼ réquibeʼenëʼ zoëʼ Dios Nu ruchiʼa rusörö́ quégaca bönachi. Ruzóëʼ tsöláʼalö nupa bitiʼ taʼléʼe lëʼ dxiʼa.
14065	PSA 10:13	¿Bizx que bönniʼ naʼ ruʼë döʼ nuzóëʼ Dios tsöláʼalö? Gudxëʼ laʼ cuinsëʼ: Bitiʼ uzíʼ lëʼ Dios nedaʼ.
14066	PSA 10:14	Liʼ biléʼe quézinuʼ lë ni, Xan. Ruíʼi ládxuʼu nu riguíʼi rizácaʼ, en nu risëbi ladxiʼ, en zóaticaʼsuʼ gácalenuʼ léguequi. Nu naca bayechiʼ rigúʼu cuini lu noʼo, Xan, tuʼ zóaticaʼsuʼ gácalenuʼ nu riyadza riyudxi.
14070	PSA 10:18	Ruchiʼa rusörö́uʼ quégaca nupa nácagaca uzëbi, en nupa zoa nu ribía no léguequi, para cabirö uluʼxösa bönachi yödzölió ni luzë́ʼeguequi.
14072	PSA 11:2	Buyútsöcaʼ, zö́ngaca nupa tuáʼ döʼ yaga uxitiʼ. Nuzóagaca yágadoʼ lahui tuchiʼ lu du rusé, para ilútiëʼ bagáchiʼsö nupa nácagaca dxiʼa.
14073	PSA 11:3	Channö ilaʼguínnaj yuguʼ le tuʼzóa tsutsu le naca dxiʼa, ¿bizxi caz gaca gun nu naca tsahuiʼ?
14081	PSA 12:4	Xan, buzóa dxisö nupa naʼ tuíʼi didzaʼ yúlajdoʼ, en buzagaʼ ruíʼigaca nupa tun ba zxön cuínguequi.
14085	PSA 12:8	Liʼ caz, Xan, gun chiʼu léguequi, en usölóʼ léguequi lu náʼagaca nupa tuáʼ döʼ naʼa dza.
14092	PSA 13:6	Nedaʼ ruzxöni ládxaʼa yöl-laʼ dxiʼi ladxiʼ quiuʼ. Rudzéjadaʼ tuʼ rusölóʼ nedaʼ. Gul-laʼ queëʼ Xanruʼ, tuʼ benëʼ quiaʼ le naca dxiʼa.
14097	PSA 14:5	Lu yöl-laʼ radxi ridzöbi quéguequi taʼzxizi tuʼ taʼléʼe Xanruʼ Dios, en zóalenëʼ bönachi tsahuiʼ.
14099	PSA 14:7	Raca ládxaʼa irúaj Sión Nu usölá bönachi Israel. Cateʼ gunëʼ Xanruʼ ga uluʼdxín bönachi queëʼ nadzúngaca xilátjaguequi, uluʼdzeja zxíʼini xiʼsóëʼ Jacob, bönachi Israel, en uluʼzíʼ xibë́ʼ Dios.
14100	PSA 15:1	¿Nuzxi caz bönachi tsöjsóa xilatjuʼ, Xan? ¿Nuzxi caz tsöjsóa ga naca láʼayi quiuʼ?
14112	PSA 16:8	Chinunaʼ ga zóaticaʼsëʼ Xanruʼ lahuaʼ. Tuʼ zoëʼ cuitaʼ bitiʼ bi utsáʼ nedaʼ.
14115	PSA 16:11	Nunuʼ ga núnbëʼa nöza ichë́ʼ nedaʼ ga soaʼ ibanaʼ. Ga zuʼ Liʼ gataʼ quiaʼ yöl-laʼ rudzeja idú, ateʼ cuituʼ Liʼ uzíʼticaʼsaʼ xibóʼ.
14125	PSA 17:10	Bitiʼ caʼ zóalen léguequi yöl-laʼ ruhuéchiʼ ladxiʼ, ateʼ tuíʼi didzaʼ lu yöl-laʼ run ba zxön cuínguequi.
14133	PSA 18:3	Ruzóëʼ Xanruʼ nedaʼ tsutsu, en rapa chiʼë nedaʼ, en rusölë́ʼ nedaʼ. Náquiëʼ Dios quiaʼ, en Nu rutipa ládxaʼa, ateʼ ruzxöni ládxaʼa Lëʼ. Rácalenëʼ nedaʼ lu gudil-la: Rusölë́ʼ nedaʼ, en rizönëʼ nedaʼ.
14138	PSA 18:8	Níʼirö gudödi budóʼ zxuʼ, en guzxizi luyú. Guzxízidaʼ xilíbigaca yuguʼ guíʼa sibi. Guzxízigaca tuʼ gulénëʼ Lëʼ.
14140	PSA 18:10	Benëʼ ga bötaj lúzxiba, en bö́tajëʼ Lë cazëʼ, ateʼ guzóa zxan niʼë le naca chul-la.
14146	PSA 18:16	Níʼirö biláʼ lahui le zoa zxan nísadoʼ, ateʼ biláʼ lahui xilibi yödzölió, cateʼ buzenuʼ bach nupa bitiʼ taʼléʼe Liʼ dxiʼa, Xan, en lu yöl-laʼ rilé quiuʼ bulidza ziʼu léguequi.
14149	PSA 18:19	Cateʼ niʼ chizóa inítiaʼ gulaʼzóa réguʼë nedaʼ, pero Xanruʼ gúcalenëʼ nedaʼ.
14150	PSA 18:20	Bubéajëʼ nedaʼ, en buzóëʼ nedaʼ tu lu lataj zxön. Busölë́ʼ nedaʼ tuʼ guyaza ládxëʼë nedaʼ.
14158	PSA 18:28	Rusölóʼ nupa taʼguíʼi taʼzacaʼ, pero ruzötjuʼ nupa tun ba rahui.
14160	PSA 18:30	Lu yöl-laʼ huáca queëʼ Dios rucul-laʼ bönniʼ guizxi yu röjáquiëʼ gudil-la. Tuʼ zóalenëʼ Dios quiaʼ nedaʼ, rixítiʼa ribixaʼ lu zöʼö run chiʼi léguequi.
14164	PSA 18:34	Runëʼ ga nácagaca niʼa ca níʼagacabaʼ bidxinaʼ guixiʼ, en ruzóëʼ nedaʼ yuguʼ lu guíʼa zxön.
14168	PSA 18:38	Guzóa réguʼa nupa tuʼdíʼi nedaʼ, en bucul-laʼ léguequi. Bitiʼ buécjaʼ ga bidxintë busunítiaʼ léguequi.
14174	PSA 18:44	Busölóʼ nedaʼ lu náʼagaca nupa taʼdáʼbagaʼ, en nunuʼ ga rinná béʼedaʼ bönachi zián yödzö. Tun ca rnna xtídzaʼa bönachi bitiʼ núnbëʼa zíʼalö.
14180	PSA 18:50	Que lë ni naʼ guíaʼ Liʼ: Xclenuʼ Xan, lógaca bönachi zián yödzö, en gul-laʼ yöl-laʼ ba que Loʼ Laʼayi.
14181	PSA 18:51	Rusölá cazëʼ Xanruʼ bönniʼ rinná bëʼë uláz queëʼ, en nadxíʼiticaʼsëʼ nu naʼ nabö́ cazëʼ, nu naʼ naca David, en yuguʼ zxíʼini xiʼsóëʼ ga idxinrö dza udxi.
14186	PSA 19:5	Le tuʼzéajniʼi ridxín ga naguélaʼtë luyú, en le tuʼsedi ridxín idútë yödzölió. Ga naʼ nacuáʼ nuzóëʼ Dios xilataj gubidza,
14189	PSA 19:8	Tsahuiʼ naca ca rinná bëʼë Xanruʼ, en run ga huöáca ládxiʼruʼ. Idútë li naca didzaʼ nuzóëʼ Xanruʼ, le run ga réajniʼi nu naca nöxaj ladxiʼ.
14191	PSA 19:10	Dxíʼadoʼ naca gádxiruʼ-nëʼ Xanruʼ, para sóaticaʼsiruʼ. Idú li naca ca ruchiʼa rusörö́ëʼ Xanruʼ bönachi, en idú tsahuiʼ.
14199	PSA 20:3	Rinábidaʼ-nëʼ isö́l-lëʼë le gácalen liʼ le irúaj lataj láʼayi queëʼ. Lë naʼ irúaj Sión gun ga gacuʼ tsutsu.
14205	PSA 20:9	Taʼcuídiʼnëʼ nupa naʼ, en taʼdzöʼë, pero rëʼu ni zuíruʼ, en zóaruʼ tsutsu.
14208	PSA 21:2	Rudzéjanëʼ bönniʼ rinná bëʼë tuʼ zóalen lëʼ yöl-laʼ huáca quiuʼ Liʼ, Xan. Tuʼ busölóʼ lëʼ, yénniʼtërö rudzéjanëʼ.
14211	PSA 21:5	Gunábinëʼ Liʼ guʼu queëʼ yöl-laʼ naʼbán, ateʼ bëʼu le queëʼ. Nunuʼ ga sóaticaʼsëʼ ibanëʼ yuguʼ dza siʼ zaca.
14212	PSA 21:6	Zxöntë naca yöl-laʼ zxön queëʼ tuʼ nusölóʼ lëʼ. Nunuʼ lëʼ bal, en nunuʼ ga nayë́pisëʼ.
14213	PSA 21:7	Zóaticaʼsö le naca dxiʼa nuzúʼ queëʼ. Runuʼ ga rudzéjadeʼenëʼ tuʼ zóalenuʼ lëʼ.
14217	PSA 21:11	Ucuítuʼ yuguʼ zxíʼini xiʼsóagaca nupa naʼ luyú ni, en ubéajuʼ yuguʼ zxíʼiniguequi ládjagaca bönachi.
14225	PSA 22:5	Buluʼzxöni ládxëʼë xuz xtóʼotuʼ Liʼ. Buluʼzxöni ládxëʼë Liʼ, ateʼ busölóʼ légaquiëʼ.
14231	PSA 22:11	Nagáʼanaʼ lu noʼo Liʼ ga gudélaʼtë guljaʼ. Ga gudélaʼtë buzóanu xináʼa nedaʼ nacuʼ Dios quiaʼ.
14237	PSA 22:17	Taʼguʼë nedaʼ lë́ʼajlö ca tunbaʼ yuguʼ böʼcuʼ. Nagúʼugaquiëʼ nedaʼ lë́ʼajlö bönniʼ tuʼë döʼ. Nuzóagaquiëʼ yeru blaga naʼa, en niʼa.
14239	PSA 22:19	Taʼguísiëʼ zxaʼ que queë́gaquiëʼ, en tuʼyúëʼ le gaca bëʼ lahui lariʼ rixóa cúdzaʼa.
14244	PSA 22:24	¡Guliʼcuʼë Xanruʼ yöl-laʼ ba, libíʼiliʼ naʼ rádxiliʼ-nëʼ! ¡Guliʼgun zxön Lëʼ, yúguʼtëliʼ zxíʼini xiʼsóëʼ Jacob! ¡Guliʼgadxi Lëʼ, yúguʼtëliʼ zxíʼini xiʼsóëʼ Israel!
14246	PSA 22:26	Cuʼa Liʼ yöl-laʼ ba ga tuʼdubi bönachi guizxi yu loʼ. Lógaca nupa tadxi Liʼ usudxinaʼ le guzxíʼ lu naʼa gunaʼ quiuʼ.
14248	PSA 22:28	Bönachi idútë yödzölió tsöjnégaca Xanruʼ, en uluʼhuöáca queëʼ. Bönachi yúguʼtë yödzö luyú ilaʼgúʼu Lëʼ yöl-laʼ ba.
14251	PSA 22:31	Zxíʼini xiʼsóaliʼ ilún xichinëʼ. Ilaʼguixjöʼ lë ni ca naca queëʼ Xanruʼ para ilaʼyöni nupa tsöjsétëgaca luyú ni.
14256	PSA 23:4	Sal-laʼ ridáʼ ga zoa bönadxi gátiaʼ, bitiʼ bi gádxidaʼ tuʼ zóalen cazuʼ nedaʼ, Dios. Len xiyaga quiuʼ, en noʼo rutipuʼ ládxaʼa.
14257	PSA 23:5	Ga nacuáʼ nupa taʼzóa reguʼ nedaʼ, niʼ rucúʼu quiaʼ le gahuaʼ. Rigúʼu icjaʼ le za riláʼ zxixi, en ruliruʼ le guíʼjadaʼ.
14258	PSA 23:6	Le nácatë dusóalengaca nedaʼ le naca dxiʼa, en yöl-laʼ dxiʼi ladxiʼ queëʼ yúguʼtë dza soaʼ ibanaʼ, ateʼ lu yuʼu lidxëʼ Xanruʼ sóaticaʼsaʼ.
14259	PSA 24:1	Nequi queëʼ Xanruʼ Dios luyú ni, en yúguʼtë le dë lahui. Nequi queëʼ yödzölió, en yúguʼtë nupa nacuáʼ niʼ.
14260	PSA 24:2	Naguixjëʼ le lahui nísadoʼ röʼö zxánilö, en nuzóëʼ xilibi luyú ga rëʼ zxan nísadoʼ.
14262	PSA 24:4	Huáca bönniʼ naʼ naca dxiʼa ca runëʼ, en ca rizáʼ ládxëʼë, bönniʼ naʼ bitiʼ runëʼ bal budóʼ guiö́j budóʼ yaga, en bitiʼ rizíʼ yëʼë cateʼ rizíʼ lu nëʼë bi gunëʼ.
14264	PSA 24:6	Caní nácagaca nupa taʼdxín lahuëʼ Dios, nupa naʼ taʼbigaʼ lahuëʼ Dios quégaca zxíʼini xiʼsóëʼ Jacob.
14265	PSA 24:7	Guliʼsalaj ga nu riyaza yödzö laʼayi. Guliʼsalaj ga nu riyaza xilatjëʼ Dios le nuzóëʼ tsaz, ateʼ tsáziëʼ Bönniʼ unná bëʼ nayë́pisëtërëʼ.
14267	PSA 24:9	Guliʼsalaj ga nu riyaza yödzö laʼayi. Guliʼsalaj ga nu riyaza xilatjëʼ Dios le nuzóëʼ tsaz, ateʼ tsáziëʼ Bönniʼ unná bëʼ nayë́pisëtërëʼ.
14281	PSA 25:13	Uluʼzíʼ xibé le naca dxiʼa gunnëʼ quéguequi, ateʼ guequi quégacabiʼ zxíʼini xiʼsóaguequi luyú ni.
14282	PSA 25:14	Xanruʼ zóalenticaʼsëʼ nupa tun ca rnna xtídzëʼë, en ruzéajniʼinëʼ léguequi ca naca didzaʼ rucáʼana tsahuiʼ nunëʼ.
14302	PSA 26:12	Nuzóëʼ Dios nedaʼ ga zoaʼ tsutsu ladja bönachi guizxi yu nudúbigaca queëʼ para cuʼa-nëʼ yöl-laʼ ba Xanruʼ.
14306	PSA 27:4	Tu le rinabaʼ lahuëʼ Xanruʼ Dios, lë naʼ güíʼi ládxiʼsaʼ, le naca para sóaticaʼsaʼ lidxëʼ Xanruʼ yúguʼtë dza soaʼ ibanaʼ, para gaca uyúaʼ yöl-laʼ lachi queëʼ Xanruʼ Dios, en para saʼ ládxaʼa ca naca queëʼ lu yuʼu láʼayi queëʼ.
14307	PSA 27:5	Cateʼ idxín dza soa bönadxi quiaʼ, ucáchëʼë Lëʼ nedaʼ lu yuʼu lidxëʼ. Ga nagachiʼ lu yuʼu lidxëʼ ucáchëʼë nedaʼ. Uzóëʼ nedaʼ tsutsu ca tu lu guiö́jtoʼo.
14317	PSA 28:1	Rulidzaʼ Liʼ, Xan. Nacuʼ Guiö́j le ruzóa nedaʼ tsutsu. Ruzë́ naguʼ chiʼa, tuʼ channö usayjuʼ ruʼu, gacaʼ ca tu bönniʼ raziëʼ lataj chul-la.
14319	PSA 28:3	Bitiʼ ichëʼu nedaʼ tsözxö́n len nupa tuáʼ döʼ, en tsözxö́n len nupa nácagaca xihuiʼ, nupa naʼ tuíʼi didzaʼ dxiʼa lahuiʼ lógaca dzaga yuʼu quéguequi, pero yuʼu ládxiʼdoʼguequi le cabí naca tsahuiʼ.
14331	PSA 29:6	Runëʼ Xanruʼ ga taʼxitiʼ guíʼa ca tunbaʼ bë́dxidoʼ. Taʼxitiʼ guíʼa Líbano, en guíʼa Sirión ca tunbaʼ bëdx guíʼa.
14335	PSA 29:10	Guröʼë gunná bëʼë Xanruʼ cateʼ gurö́ʼö nisa lu idútë yödzölió. Ön, röʼë rinná bë́ʼticaʼsëʼ Xanruʼ.
14352	PSA 31:3	Ruzë́ naguʼ quiaʼ, en rusölóʼ nedaʼ. Gacuʼ ca tu guiö́jtoʼo ga soaʼ tsutsu, en ca tu ga soaʼ dxiʼa tsáhuiʼdoʼ lu gudil-la.
14356	PSA 31:7	Bitiʼ riléʼedaʼ dxiʼa nupa tun zxön budóʼ guiö́j budóʼ yaga, pero nedaʼ ruzxöni ládxaʼa Liʼ, Xan.
14365	PSA 31:16	Yúʼugaca lu noʼo yúguʼtë dza soaʼ ibanaʼ. Busölá nedaʼ lu náʼagaca nupa bitiʼ taʼléʼe nedaʼ dxiʼa, en lu náʼagaca nupa taʼzóa reguʼ nedaʼ.
14369	PSA 31:20	¡Bicaʼ zxön yöl-laʼ dxiʼi ladxiʼ quiuʼ, lë naʼ napuʼ para gácalenuʼ nupa tadxi Liʼ! Runuʼ caní quégaca nupa tuʼzxöni ladxiʼ Liʼ lógaca nupa tun ba zxön cuíniguequi.
14376	PSA 32:2	¡Bicaʼ ba bönniʼ naʼ Dios rnnëʼ bitiʼ nabáguëʼë xiguiaʼ, en bitiʼ zóalen lëʼ yöl-laʼ rizíʼ yëʼ!
14377	PSA 32:3	Cateʼ guzóaʼ dxisö ca naca dul-laʼ quiaʼ, budú ládxaʼa tuʼ gunnë́ticaʼsö ládxaʼa.
14379	PSA 32:5	Níʼirö guxóalëpaʼ dul-laʼ nabágaʼa loʼ Liʼ, en bitiʼ bucáchaʼa le xihuiʼ benaʼ. Gunníaʼ: “Ixóalëpaʼ döʼ biʼa lahuëʼ Xanaʼ”, ateʼ buniti loʼ nedaʼ ca naca xiguiaʼ gubágaʼa.
14382	PSA 32:8	Liʼ gunuʼ ga gúl-laticaʼsaʼ quiuʼ Liʼ tuʼ rusölóʼ nedaʼ. Rnnëʼ Dios: “Nedaʼ uzéajniʼidaʼ liʼ, en uluíʼidaʼ liʼ le ral-laʼ gunuʼ. Usédidaʼ liʼ, en uyúticaʼsaʼ liʼ.