23229	MAT 1:16	Jacob gojc xdad Xiëb lacheel Li. Dxel Li gojc xniaa Jesús, bén la gajc Cristo.
23234	MAT 1:21	Tijb xindoniguiaaw gac xiꞌn Li, yaguꞌl lajx “Jesús”, din por laax gra ree xbejnx gac perdon xtol.
23239	MAT 2:1	Jesús gojlaman Belén tijb guiedx naaz Judea, tiamp gunabee rey Herodes. Dxel bidxin ree bén rajc, Jerusalén, laa reeman na̱j magos, za reeman niz oriente.
23261	MAT 2:23	Chi bidxin reeman ni, gurej reeman guiedx Nazaret. Zian gojc persi guzojb diidx ni gunee ree bén badëë xtiidx Dios loj ree bejn, guial grii laj Jesús bén Nazaret.
23274	MAT 3:13	Lën ree dxej zii guza Jesús niz Galilea wejman roꞌ guiiw Jordán lod zaꞌ Waj, din guroobnijs Waj guin laaman.
23275	MAT 3:14	Per ad nuyëntaman nuroobnijsaman Jesús, rëbaman lojman: ―Lüj rayal guroobnijs naj, ad najt rayal gurobnijs lüj.
23276	MAT 3:15	Dxel rëb Jesús lojman: ―Yo guna gac zian, din mazri zagdxe yaguieen gra ziꞌc rniabee Dios. Dxel cwëjb Waj baroobnijsaman laaman.
23279	MAT 4:1	Dxel binë xSprijt Dios Jesús niz loj yujbidx, din güün xindxab laaman prueb.
23282	MAT 4:4	Per badxiꞌ Jesúsan rëbaman: ―Loj xtiidx Dios rëb: “Ad ganaxtizi guiadxtil guiban bejn, nëgajc gra diidx rniee Dios.”
23285	MAT 4:7	Badxiꞌ Jesúsan, rëbaman: ―Rëb gajc loj xtiidx Dios: “Ad güünl prueb xDadil Dios.”
23288	MAT 4:10	Badxiꞌ Jesúsan, rëbaman: ―Biquied, xindxab, din loj gajc xtiidx Dios rëb: “Gunajchiꞌ xDadil Dios, tijbzi lojman been sirv.”
23290	MAT 4:12	Chi gogbee Jesús guial yuꞌ Waj ladxguiib, bayejcaman Galilea.
23295	MAT 4:17	Diizd dxejzii guzuloj gutieꞌch Jesús xtiidx Dios, rëbaman: ―Gol bayüjn xgab por xtolidi din ma zëëd gajxh xguialrniabee Dios.
23296	MAT 4:18	Laꞌtgaj caza Jesús gajxh roꞌ nijsdoo Galilea, baguiaaman Simón bén la gajc Bëd con bijchaman Andrejs. Cuzaal reeman guijxh loj nijs din guiniaaz reeman bëjl. Guial laan na̱j xchiin reeman.
23297	MAT 4:19	Dxel rëb Jesús loj reeman: ―Gol tanal naj, din gulün lëjt xhienaag güündi din gutoꞌpidi bejn par Dios luar guiniaazidi bëjl.
23299	MAT 4:21	Guzaman zatibdaꞌn dxel baguiaaman zatioꞌp ree bejn, Jacob con bijchaman Waj, xiꞌngaan ree Zebedeo. Yuꞌ reeman loj tijb barcw con xdad reeman cayüjnchaaw xguijxh reeman. Dxel gurejdx Jesús laa reeman,
23301	MAT 4:23	Wej Jesús guidibczi niz Galilea, abiꞌ tijbgaj ree guiedx wejman lën ree yadoo persi balüüman bejn ree. Balüüman laa reeman xtiidx Dios, rëbaman loj reeman xhienaag na̱j xguialrniabee Dios, abiꞌ bayüjnman bén rdoob ree në gra ree bén rajc xhietëëz guialguijdxan.
23302	MAT 4:24	Guidibczi niz Siria bireꞌch xtiidx Jesús, abiꞌ bidnë reeman bén cusagdiaj ree gadxagayaa ni mal në graloj ree guialguijdx, bén yuꞌ ree xindxab luxdoo, në ree bén rëjtyaꞌ, nëtëë ree bén ad rileꞌt suli, abiꞌ bayüjn Jesús laa reeman.
23304	MAT 5:1	Chi baguiaa Jesús bén guixiuj ree, wëꞌpaman tijb guijc guiaꞌ abiꞌ gurejman, dxel gubig ree xbejnman lojman.
23413	MAT 7:28	Chi gulox guneenë Jesús bén guin ree, graczi reeman badxa daꞌt loj ziꞌc balüüman laa reeman,
23415	MAT 8:1	Chi baza Jesús ruguiaꞌ guin, dád zien bejn nal laaman.
23417	MAT 8:3	Dxel basli yaa Jesús baquiꞌman laaman, rëbaman: ―Rënan. Bayajc. Chi rëb Jesús zian, loj hor ziigajc biquied guialguijdx guin abiꞌ bayaman.
23418	MAT 8:4	Dxel rëb Jesús lojman: ―Bacaagdiajg ni ganin lüj. Achu loj guiëbil guial ma bayajquil. Lojzi bixhioz wej din guguiaaman lüj, binë gon ni rayal chinël ziꞌc gunabee Moisejs, din gagbee gra ree bejn guial ma bayajquil.
23419	MAT 8:5	Chi guyu Jesús luguiedx Capernaum, tijb suldad Rom rniabee ree suldad bibig lojman, guzajcaman laaman liaadx,
23421	MAT 8:7	Dxel rëb Jesús lojman: ―Gan din yayünan laax.
23424	MAT 8:10	Chi biguiejn Jesús zian, dád badxalojman abiꞌ rëbaman loj ree bén zinal laaman: ―Naj rni lojdi, niꞌqui Israel ad wadxaaglojtan tijb bén rliladx Dios ziꞌc rliladx bén guin Dios.
23427	MAT 8:13	Dxel rëb Jesús loj suldad rniabee guin: ―Baguiaj lidxil, gac tëë ziꞌc ma bililadxil. Abiꞌ loj hor guin gajc bayajc xmojs bén guin.
23428	MAT 8:14	Chi we Jesús lidx Bëd, baguiaaman xnasuegr Bëd nagaꞌman yuꞌman xliaa.
23430	MAT 8:16	Chi ma caxhin, binë ree bejn zien ree bén yuꞌ xindxab luxdoo loj Jesús. Abiꞌ con tijb diidx ni guneeman babëëman xindxab guin luxdoo reeman, bayüjn tëëman gra ree bénragxuu.
23432	MAT 8:18	Chi baguiaa Jesús bénguixiuj nayaw laaman, gunabeeman tëdaman stiblad roꞌ nijs na̱j yagaj.
23433	MAT 8:19	Dxel gubig tijb mextr rajc ley loj Jesús, rëbaman: ―Mextr, rënan guidnaalan lüj bantëëz guin chel.
23434	MAT 8:20	Abiꞌ rëb Jesús lojman: ―Bëz ree yuꞌ xbiliaa reeb, abiꞌ ree biguijn yuꞌ xguixbitiaꞌs reeb. Per Bén guxhaal Dios niꞌqui lod quixh guijcaman ad yuꞌt.
23436	MAT 8:22	Per rëb Jesús lojman: ―Tanal naj, basaꞌnman con ree bén ad rënt guidnal naj, laa reeman guquieꞌch laaman chi guiëtaman.
23437	MAT 8:23	Guyu Jesús loj barcw con ree xbejnman,
23438	MAT 8:24	abiꞌ laꞌtgaj zë reeman loj nijs guin dxejlczi gubiꞌ tijb bidoxh, ma cazëëbczi barcw guin xan nijs. Per Jesús nagaꞌyëjsaman.
23442	MAT 8:28	Chi bidxin Jesús stiblad roꞌ nijs guin, loj xguidxliuj ree bén Gadara, dxel tioꞌp ree xinguiaaw yuꞌ xindxab luxdoo brii reex la̱d ree baa abiꞌ wej reex loj Jesús. Dád nadoxh reex, zeel ad rileꞌt chu tëd lunejz guin.
23443	MAT 8:29	Chi baguiaa reex Jesús, gurixdiaj reex rëb reex: ―¿Xhie rënl con dunujn, Jesús, Xiꞌn Dios? ¿Zëëdil guie ya din gusagzil dunujn chi gadli dxej guidxin?
23445	MAT 8:31	abiꞌ guzajc ree xindxab guin liaadx loj Jesús, rëb reex: ―Bal yabëël dunujn, banee mod yadxuꞌn lën ree cüch guin.
23446	MAT 8:32	Dxel rëb Jesús: ―Gol wej. Dxel barii ree xindxab guin luxdoo ree bén guin bayu reex lën ree cüch guin. Abiꞌ gra reeb guzuloj cuxüün zianz bitidiaꞌ reeb roꞌ tijb balaꞌ xt loj nijs, lod guꞌ reeb nijs abiꞌ güjt reeb.
23448	MAT 8:34	Dxel gra ree bén guiedx guin brii wej lod zaꞌ Jesús, abiꞌ chi baguiaa reeman laaman, guzajc reeman laaman liaadx, din yazaman ladx reeman.
23449	MAT 9:1	Dxel bayu Jesús loj tijb barcw, badëdaman stiblad roꞌ nijs guin abiꞌ badxin ladxaman.
23450	MAT 9:2	Yagaj binë ree bejn tijb xin nëjt xcuerp, nagaꞌx loj da. Chi baguiaa Jesús guial rliladx reeman laaman, rëbaman loj xin ragxuu guin: ―Baguꞌ luxdool zagdxe, xiꞌn. Ma benan perdon xtolil.
23452	MAT 9:4	Per guial gogbee gajc Jesús xhie xgaban cayüjn reeman, dxel rëbaman loj reeman: ―¿Chexc zeel rüjndi xgabmal?
23454	MAT 9:6	Per yan, gulün lëjt guial naj, Bén guxhaal Dios raꞌpan guialrniabee loj guidxliuj guie par günan perdon dol ree. Dxel rëb Jesús loj xin ragxuu guin: ―Bixche. Bacaꞌ ni goꞌtil loj. Baguiaj lidxil.
23457	MAT 9:9	Chi baza Jesús yagaj ziaman, baguiaaman tijb xin la Matew. Zojbix lod ruquijxix impuest, abiꞌ rëbaman lojx: ―Tanal naj. Dxel bisu Matew zinalix laaman.
23458	MAT 9:10	Tijb dxej chi cayaw Jesús lidx Matew con zien ree bén ruquijx impuest në ree bén zëëb xtiidx ad nabant xnejz, gra reeman zojbnë Jesús xan mex con ree xbejnman.
23459	MAT 9:11	Chi baguiaa ree bénfarisew zian, gunabdiidx reeman loj ree xbejn Jesús rëb reeman: ―¿Chexc zeel cayawnë xmextridi bén ruquijx ree impuest në ree béndol?
23460	MAT 9:12	Chi biguiejn Jesús ni rëb reeman, dxel rëbaman: ―Bénnadaan ree ad ryaadxt reeman doctor, bénragxuu ree laa reeman ryaadx doctor.
23462	MAT 9:14	Dxel ree xbejn Waj, bén baroobnijs bejn ree, bibig reeman loj Jesús, zianz gunabdiidx reeman lojman, rëb reeman: ―¿Chexc zeel dunujn con ree bénfarisew dád zienvolt rabaꞌnan, guiáad ree xbejnl ad rbaꞌnt reeman?
23463	MAT 9:15	Badxiꞌ Jesúsan rëbaman: ―Lod yuꞌ guialruxhliaa, ¿wen runaya ree biooz ya chi zaꞌnë xin cuxhliaa guin laa reeman? Per guidxin dxej chiquiedix, dxel guibaꞌn reeman.
23466	MAT 9:18	Laꞌtgaj canee Jesús zian, bidxin tijb bén rniabee lën xyadoo ree bén Israel, abiꞌ bazuxibaman loj Jesús, rëbaman: ―Yangajczi güjt da xiꞌndxaꞌpan, per bal guiꞌtil guixhioob yaal guijquim zabanm.
23467	MAT 9:19	Dxel zinë Jesús laaman con ree xbejn Jesús.
23468	MAT 9:20	Abiꞌ tijb béngunaa ragxuu ma gojc chiptioꞌp ijz ad rbëzt ryajbaman rejn, gubigaman niz xijch Jesús abiꞌ bagaalaman guiaꞌ xabaman,
23470	MAT 9:22	Per badxiꞌ loj Jesús, abiꞌ baguiaadxijchaman béngunaa guin, dxel rëbaman lojman: ―Zagdxe baguꞌ luxdool, xiꞌn. Ma bayajquil guial bililadxil naj. Abiꞌ loj hor ziigajc bayajc bén guin.
23471	MAT 9:23	Chi bidxin Jesús lidx bén rniabee guin, baguiaaman ma rigaꞌ ree xinrucwejdx din chiquieꞌch reex xiꞌnman, abiꞌ ree bejn roon rbixdiaj reeman guijquim.
23472	MAT 9:24	Dxel rëb Jesús loj reeman: ―Gol barii guie, din ad güjtt bindo guin, nagaꞌyëjszim. Abiꞌ baxijdxnë reeman laaman.
23475	MAT 9:27	Chi baza Jesús yagaj, binal tioꞌp bénlutiaꞌp laaman, rbixdiaj reeman, rëb reeman: ―¡Jesús, xdiaa Davi, baya dunujn!
23476	MAT 9:28	Chi badxin Jesús lod zojbaman, dxel bibig ree bén guin lojman, abiꞌ gunabdiidxaman loj reeman, rëbaman: ―¿Rliladxidi ya guial zileꞌ yayünan lëjt? Badxiꞌ reeman laan rëb reeman: ―Raliduladxan, Dad.
23477	MAT 9:29	Dxel bagaal Jesús guiaaloj reeman, rëbaman: ―Gac ziꞌc rliladxidi.
23478	MAT 9:30	Abiꞌ bayajc guiaaloj reeman, dxel rëb Jesús loj reeman: ―Ad bal chu loj guiëbidi guial bayajc guiaalojdi.
23479	MAT 9:31	Per naabzi baza reeman yagaj, guzuloj catieꞌch reeman diidx guidib niz yagaj ni been Jesús.
23480	MAT 9:32	Chi baza ree bén bayüjn Jesús guiaaloj, dxel bidxinnë ree bejn tijb bengop, yuꞌ xindxab luxdooman.
23481	MAT 9:33	Abiꞌ guloxzi babëë Jesús xindxab guin luxdoo bengop guin, laa guzuloj gajc caneeman. Abiꞌ dád badxaloj ree bejn, rëb reeman: ―Ad goct waguiaa ree lasaꞌ milagr guie niz Israel.
23483	MAT 9:35	Wej Jesús gra ree ciuda në ree guiedx ni rigaꞌ niz yagaj, abiꞌ beegaj lod rejman ruman lën ree yadoo persi rulüüman bejn ree xtiidx Dios, rëbaman loj reeman xhienaag rniabee Dios, rayüjn tëëman graloj guialrdoob në graloj guialguijdx ni rajc ree bejn.
23484	MAT 9:36	Chi baguiaa Jesús benzien guin ree, bayaman laa reeman, guial dád naya rigaꞌ reeman, rigaꞌ reeman ziꞌc xiil ad ryaꞌpt.
23487	MAT 10:1	Gurejdx Jesús chiptioꞌp ree xbejnman, abiꞌ badëëman guialrniabee loj reeman din yabëë reeman xindxab luxdoo ree bejn din yayüjn tëë reeman bejn ree graloj guialrdoob në graloj guialguijdx.
23488	MAT 10:2	Bén guie ree na̱j guidxiptioꞌp ree xi apóstoles Jesús: Simón bén gulëëlajman Bëd, con bijchaman Andrejs, në Jacob con Waj, bén na̱j ree xiꞌn Zebedeo.
23490	MAT 10:4	në Simón bén biꞌch loj ree bén Cananistas con Judas Iscariote bén yayü Jesús.
23491	MAT 10:5	Chi guxhaal Jesús guidxiptioꞌp ree xbejnman, rëbaman loj reeman: ―Ad chedi niz lod zojb ree bén ad najt bén Israel, niꞌqui ree guiedx rigaꞌ niz Samaria,
23502	MAT 10:16	Rëb tëë Jesús loj ree xbejnman: ―Gol bacaagdiajg ni rnin, naj rxhial lëjt ziꞌc ree xiil loj ree cuyojt. Zeel gol gojc nasin ziꞌc bëël, gol gojc tëë nadoo ziꞌc palom.
23511	MAT 10:25	Bén cusiid rayal xhienladxaman chi ma rajcaman ziꞌc rajc xmextraman guiáad tijb mojs rayal xhienladxix chi ma najx ziꞌc xpatronx. Nacli naj rniabeen lojdi, gulëëlaj ree bejn naj Beelzebú, diidxgui lëjt najdi da bejnan.
23520	MAT 10:34	Rëb tëë Jesús: ―Ad zialtan par yabecdxen luxdoo bejn, zialan din guial chililadx reeman naj chuꞌ wadijl.
23529	MAT 11:1	Chi gulox rëb Jesús loj guidxiptioꞌp ree xbejnman con ree nin chiguieen reeman, dxel bazaman yagaj ziglüüman bejn ree xtiidx Dios loj ree guiedx rigaꞌ niz yagaj.
23530	MAT 11:2	Abiꞌ Waj, laꞌtgaj yuꞌman ladxguiib, cwaꞌman ruson gra ree ni cayüjn Jesús. Dxel guxhaal tioꞌp choon ree xbejnman,
23532	MAT 11:4	Dxel rëb Jesús loj reeman: ―Gol chej gol güjdx loj Waj ni cuguiaadi në ni cucaagdiajguidi.
23535	MAT 11:7	Chi baza ree bén guxhaal Waj, dxel guzuloj Jesús caneeman loj ree bejn xcwent Waj, rëbaman: ―¿Chu naladxidi na̱j bén biquiaadi loj yujbidx? ¿Naladxidi ya najman ziꞌc tijb biqui ni runiib bi?
23548	MAT 11:20	Dxel guzuloj Jesús cadilëman bén zojb ree guiedx lod beenman mazri zien ree milagr. Din bén guin ree ad bayüjnt reeman xgab por xtol reeman, abiꞌ rëbaman loj reeman:
23553	MAT 11:25	Lën ree dxejzii rëb Jesús: ―Dad, ruzatan lüj zagdxe, din ni baquieꞌchil loj ree bén rajc në loj ree bén rigniaꞌ, laan ma balüül loj ree bén ad rajct.
23559	MAT 12:1	Tijb dxej raziiladx ree bejn, chi cadëd Jesús con ree xbejnman loj tijb guiniaa lod yuꞌ trigo, dxel calaan ree xbejnman abiꞌ guzuloj caguiꞌch reeman trigo persi cayaw reeman laan.
23560	MAT 12:2	Abiꞌ chi baguiaa ree bénfarisew ni cayüjn reeman, rëb reeman loj Jesús: ―Baguiaa ree xbejnl nial cayüjn reeman ni ad rayalt güün reeman dxej raziiladx ree bejn.
23561	MAT 12:3	Dxel rëb Jesús loj reeman: ―¿Gadidi gool loj xtiidx Dios ya ni been Davi chi gulaanman con ree xcompniaraman?
23567	MAT 12:9	Chi gudëd gojc zian, dxel baza Jesús abiꞌ guyuman lën tijb yadoo na̱j niz yagaj.
23568	MAT 12:10	Lën yadoo guin zaꞌ tijb bén nëjt tiblad yaa. Abiꞌ guial ree bénfarisew raguiil reeman mod xhie gudxiib reeman guijc Jesús, dxel gunabdiidx reeman lojman, rëb reeman: ―¿Zileꞌ yayüjn bejn tijb bénragxuu dxej raziiladx bejn ya?
23569	MAT 12:11	Badxiꞌ Jesúsan rëbaman: ―Bal tijb lëjt rajp tijb xiil, abiꞌ yabib lën balaꞌ dxej raziiladx bejn. ¿Nid zabëëdi laab dxej guin ya?
23571	MAT 12:13	Dxel rëb Jesús loj bénragxuu yaa guin: ―Basli yaal. Abiꞌ basli yaa bén guin, loj hor ziigajc bayajc yaaman ziꞌc na̱j stibladan.
23572	MAT 12:14	Per chi barii ree bénfarisew guin lën yadoo guin, guzuloj cayü reeman diidx xhienaag güün reeman din gugüjt reeman Jesús.
23573	MAT 12:15	Chi gogbee Jesús zian, laa zia gajcaman, abiꞌ zien ree bejn binal laaman. Dxel bayüjnman gra ree bénragxuu,
23580	MAT 12:22	Binë ree bejn tijb xinguiaaw lod zaꞌ Jesús, yuꞌ xindxab luxdoox, natiaꞌp lojx naj tëëx gop. Dxel bayüjn Jesús laax abiꞌ guzuloj rnieex ruguiaa tëëx.
23582	MAT 12:24	Chi biguiejn ree bénfarisew zian, dxel rëb reeman: ―Bén guin rabëë xindxab luxdoo ree bejn por xguialrniabee Beelzebú xin rniabee ree xindxab.
23583	MAT 12:25	Per Jesús gogbee gajcaman xgab cayüjn reeman, abiꞌ rëbaman: ―Gra nacion o ciuda bal id nadxag rigaꞌ bejn, rliaꞌ lasaꞌ reeman, ziangajc tijb famil bal id nadxag rigaꞌ reeman, rliaꞌ lasaꞌ reeman.
23585	MAT 12:27	Lëjt na guial naj rabë xindxab luxdoo ree bejn por xguialrniabee Beelzebú, per bal zianan, ¿chuza rudëë guialrniabee loj xbejndi din yabëë reeman xindxab? Zeel laagajc reeman rulüü guial ad laat rnieedi.
23596	MAT 12:38	Yuꞌ ree bénfarisew con ree mextr ni rajc ley, rëb loj Jesús: ―Mextr, rayënan yaguiaan güünl tijb milagr.
23597	MAT 12:39	Badxiꞌ Jesúsan rëbaman: ―Lëjt benmal, bén ad rüjnt ni rën Dios abiꞌ rëndi günan tijb milagr. Per achetri guguiaadi, tijbzi ziꞌc guzac Jonás bén badëë xtiidx Dios loj ree bejn.
23604	MAT 12:46	Sta canee Jesús loj ree bejn, bidxin xniaaman con ree bijchaman, zaꞌ reeman luleꞌ, rën reeman guinieenë reeman laaman.
23606	MAT 12:48	Per Jesús badxiꞌman xtiidx bén guin rëbaman: ―¿Chu na̱j da nan chu tëë ree nin na̱j da bichan?
23609	MAT 13:1	Dxejzii brii Jesús yu lod zojbaman, bisobaman roꞌ nijs Galilea.
23610	MAT 13:2	Abiꞌ guial dád zien ree bejn bidoꞌp yagaj, beenan naguiejn wëꞌp Jesús loj tijb barcw dxel gurejman lojn, guiáad ree bén guin zaꞌ reeman roꞌ nijs guin.
23618	MAT 13:10	Dxel gubig ree xbejn Jesús lojman rëb reeman: ―¿Chexquiza zeel rulüül bejn ree con ganax ziꞌc cwent ree?
23619	MAT 13:11	Badxiꞌ Jesús laan rëbaman: ―Lëjt, Dios ma basaꞌn lëjt din chigniaꞌdi xhienaag na̱j xguialrniabeeman, per bén guin ree ad basaꞌnt Dios laa reeman chigniaꞌ reeman laan.
23632	MAT 13:24	Be Jesús stijb ni na̱j ziꞌc cwent loj reeman, rëbaman: ―Xguialrniabee Dios na̱j ziꞌc tijb bén badxeꞌ ganax bin zagdxe loj xguiniaa.