23268	MAT 3:7	Per chi baguiaa Waj zien ree bénfarisew në ree bénsaducew bidxin din tiobnijs reeman, rëbaman loj reeman: ―¡Xiꞌn xindxab! ¿Chu bagojn lëjt din laadi loj castiroꞌ ni zëëd?
23390	MAT 7:5	¡Bén rusquiee! Yalojxgaj gol been ziꞌc rayal, chi ma rüjndi zian dxel ma zileꞌ guiëbidi loj stijb bejn: “Ad laat na̱j ni rüjnl.”
23396	MAT 7:11	Nacli lëjt najdi béndol rajc rudëëdi ni rën xiꞌndi. ¡Diidxgui xDadidi bén yuꞌ xanyabaa, nid zudëëdaman ni zagdxe loj ree bén rniab laan ya!
23439	MAT 8:25	Dxel bicwëën ree xbejnman laaman, rëb reeman: ―¡Dad, gunaj dunujn! ¡Ma cayzëëban xan nijs!
23475	MAT 9:27	Chi baza Jesús yagaj, binal tioꞌp bénlutiaꞌp laaman, rbixdiaj reeman, rëb reeman: ―¡Jesús, xdiaa Davi, baya dunujn!
23549	MAT 11:21	―¡Probza lëjt bén Corazín! ¡Probza lëjt bén Betsaida! Din bal luguiedx Tiro në luguiedx Sidón niajc ree milagr ni goc ladxidi, diizd gocli nayüjn reeman xgab por xtol reeman, niajcw reeman lajd yaꞌs nuroob tëë cobdëj guijc reeman ziꞌc tijb sen guial ma bayüjn reeman xgab por xtol reeman.
23592	MAT 12:34	¡Xiꞌn xindxab! ¿Xoza guinieedi diidx zagdxe ree awa benmal lëjt? Din ni yuꞌ luxdoo bejn laan rnieeman.
23692	MAT 14:26	Dxel baguiaa ree xbejnman laaman rzaman loj nijs guin, dád bidxeb reeman abiꞌ gurixdiaj reeman rëb reeman: ―¡Tijb anman!
23693	MAT 14:27	Per guneenë Jesús laa reeman rëbaman: ―¡Gol baguꞌ luxdoodi! ¡Najn, ad rdxebidi!
23696	MAT 14:30	Per chi baguiaaman bidoxhan cabiꞌ dxel bidxebaman, abiꞌ guial guzuloj cazëëbaman xan nijs guin guridxaꞌman rëbaman: ―¡Gognë naj, Dad!
23709	MAT 15:7	¡Bén rusquiee! ¡Rüjnzidi guial nabandi xnejz! Waliqui ni gunee Isaías, bén badëë xtiidx Dios loj ree bejn, chi rëbaman:
23724	MAT 15:22	Abiꞌ yagaj zojb tijb béngunaa za niz Canaán, briiman, rbixdiajman rëbaman loj Jesús: ―¡Dad, xdiaa Davi, baya naj! Da xiꞌndxaꞌpan yuꞌ bendxab luxdoom, dád rusagziman laam.
23727	MAT 15:25	Per béngunaa guin bigzuxibaman loj Jesús, rëbaman: ―¡Dad, gognë naj!
23730	MAT 15:28	Dxel rëb Jesús lojman: ―¡Na, waliquil rliladxil con guidib luxdool! Gac ziꞌc rënl. Loj hor guin gajc bayajc xiꞌn bén guin.
23763	MAT 16:22	Dxel gulëëcaan Bëd laaman, rëbaman lojman: ―¡Dios ad zabëëladxt lüj, Dad! ¡Laaman ad zatiëjbt saquil zian!
23773	MAT 17:4	Dxel rëb Bëd loj Jesús: ―Dad, ¡zagdxe na̱j nadxuꞌ ree guie! Bal rënl, günan choon ranch, tijban par lüj, tijban par Moisejs, stijban par Elías.
23786	MAT 17:17	Badxiꞌ Jesúsan, rëbaman: ―¡Benguijdx, bén ad rliladxt! ¿Xt goc gazunëꞌn lëjt? ¿Xt goc gadaanan lëjt? Gol tanë xinzii guie.
23803	MAT 18:7	¡Probza bénguidxliuj guial yuꞌ daꞌt ni rusajb laaman loj dol! Zianczi yuꞌ ni mal guin loj guidxliuj, per ¡probza bén gusajb bejn ree loj dol!
23828	MAT 18:32	Dxel gurejdx rey guin mojs guin, zianz rëbaman lojman: “¡Mojs guijdx! Benan perdon gra ni ralil lon guial beenl naya.
23891	MAT 20:30	Dxel tioꞌp ree bénlutiaꞌp zojb cwëꞌ nejz chi biguiejn reeman cadëd Jesús niz yagaj, gurixdiaj reeman rëb reeman: ―¡Dad, xdiaa Davi, baya dunujn!
23892	MAT 20:31	Abiꞌ rdilë ree ben guin laa reeman din yacwëëz roꞌ reeman, per mazri ribixdiaj reeman rëb reeman: ―¡Dad, xdiaa Davi, baya dunujn!
23904	MAT 21:9	Abiꞌ ziꞌc ree bén ned ziꞌc ree bén zidnal laaman, rbixdiaj reeman, rëb reeman: ―¡Benzaꞌc bendxoon na̱j xdiaa rey Davi! ¡Nüjnleꞌ Dios bén guxhaalaman! ¡Benzaꞌc bendxoon na̱j Dios bén yuꞌ xanyabaa!
23914	MAT 21:19	Abiꞌ baguiaaman zojb tijb yag higo cwëꞌ nejz, dxel gubigaman cwëꞌn, per ganaxzi balag ca lojn. Zianz rëbaman loj yag higo guin: ―¡Ad yuꞌtri dxej tial higo! Loj hor guin gajc gubidx yag guin.
23970	MAT 22:29	Badxiꞌ Jesúsan, rëbaman: ―¡Ragdxadi guial ad nünbeetidi xtiidx Dios ad nünbee tëëtidi xhienaag na̱j xguialrniabeeman!
24004	MAT 23:17	¡Natontidi, wed natiaꞌp lojdi! ¿Conin mazri lasajc: Or guin ya o yadoo beenleꞌ or guin?
24011	MAT 23:24	¡Bénlutiaꞌp, rajpidi cudad chitëë guiëbidi tijb bizëdlajs, abiꞌ rguiëjbidi tijb camell!
24013	MAT 23:26	¡Bénfarisew lutiaꞌp: Yalojxgaj gol basia, zian guiguien waliquidi nayadi loj Dios!
24019	MAT 23:32	¡Gol balooxza ni guzuloj been xbéngulalidi!
24020	MAT 23:33	’¡Béndol, xiꞌn xindxab! ¿Xhienaag laadi loj castiroꞌ ni yuꞌ gabijl?
24024	MAT 23:37	Rëb tëë Jesús: ―¡Bén Jerusalén, bén Jerusalén, rugüjtidi bén rudëë ree xtiidx Dios loj ree bejn abiꞌ rucaaguiajdi bén rxhiaal Dios lojdi! ¡Bëlczi volt guyënan nuchagan lasaꞌdi, ziꞌc rüjn tijb gui̱d ruchajg lasaꞌ ree xiꞌnb lën xhiilib, per ad gutiëjbtidi!
24045	MAT 24:19	¡Probza ree béngunaa nüü xiꞌn o bén caꞌ ree xindobëz lën ree dxejzii!
24172	MAT 26:49	Chi bidxin Judas bibigaman loj Jesús, dxel rëbaman: ―¡Xchan, Mextr! Laa gudaw gajcaman xid xhajgaman.
24202	MAT 27:4	rëbaman loj reeman: ―Ma benan dol guial banen tijb bén achet dol rajp. Badxiꞌ reeman laan rëb reeman: ―Xhieczi yaguieenan, ¡lüj gunaj!
24220	MAT 27:22	Abiꞌ rëb Pilato loj reeman: ―¿Xhieza günnëꞌn Jesús, bén rëb ree bejn na̱j Cristo? Badxiꞌ gra reeman laan rëb reeman: ―¡Bacaaman loj crüjz!
24221	MAT 27:23	Abiꞌ rëb Pilato loj reeman: ―¿Xhieza ni mal beenman? Per laa reeman mazri rejs rbixdiaj reeman, rëb reeman: ―¡Bacaaman loj crüjz!
24223	MAT 27:25	Badxiꞌ gra ree bén guinan rëb reeman: ―¡Du guijcan, në guijc du xiꞌnan cwiban guial guiëtaman!
24227	MAT 27:29	Abiꞌ beenchaaw reeman tijb coron guiëjch badxeꞌ reeman laan guijcaman, zianz bagaꞌs reeman tijb yag ladxaaman ladbee. Dxel bazuxib reeman lojman, ruzeꞌ reeman laaman, rëb reeman: ―¡Guibanri xrey ree bén Israel!
24309	MRK 1:25	Dxel gudilë Jesús xindxab guin, rëbaman: ―¡Bacwëëz roꞌl, barii luxdoo xin guin!
24311	MRK 1:27	Graczi ree bén rigaꞌ dád badxaloj reeman, riniabdiidx loj lasaꞌ reeman rëb reeman: ―¿Xhie ree nicüban rulüü bén guin? ¡Con guialrniabee ni rajpaman xt ree xindxab ruzoob xtiidxaman!
24368	MRK 3:11	Guiáad ree bén yuꞌ xindxab luxdoo chi ruguiaa reeman Jesús, ruzuxib reeman lojman, rbidxaꞌ reeman rëb reeman: ―¡Lüj na̱j Xiꞌn Dios!
24430	MRK 4:38	Per Jesús nagaꞌyëjsaman loj barcw guin tijb luar na̱j xijchan, nucuugaman tijb almoad. Dxel bacwëën reeman laaman rëb reeman: ―¡Mextr! ¿Nid yuꞌl xgab ya? ¡Ma cayzëëb ree xan nijs!
24431	MRK 4:39	Abiꞌ bixche Jesús, bacwëëzaman bidoxh guin rëb tëëman loj nijs guin: ―¡Bacwëëz, bayajcdxe! Dxel bayajcdxe bi guin con nijs guin.
24441	MRK 5:8	Rëbix zian, guial cayëb Jesús lojx: ―¡Xindxab, barii luxdoo xin guin!
24526	MRK 6:50	Dád cadxeb reeman por ni cuguiaa reeman. Per guneenë Jesús laa reeman rëbaman: ―¡Gol baguꞌ luxdoodi, ad bal rdxebidi, najn!
24548	MRK 7:16	¡Bén rën gucaagdiajg, gol bacaagdiajg!
24612	MRK 9:5	Abiꞌ rëb Bëd lojman: ―Mextr, ¡zagdxen nadxuꞌn guie! Yaguieenan choon ranch, tijban par lüj, tijban par Moisejs, zatijban par Elías.
24626	MRK 9:19	Zeel rëb Jesús: ―¡Bén ad rliladxt! ¿Xt goc gazunëꞌn lëjt gadaan tëën lëjt? Gol tanë xinzii guie.
24631	MRK 9:24	Dxel gurixdiaj xdadix rëbaman: ―¡Rliladxan lüj, gognë naj din chililadxan mazri!
24680	MRK 10:23	Dxel baguiaa Jesús loj gra reeman, abiꞌ rëbaman loj ree xbejnman: ―¡Dád nawëëg na̱j chuꞌ benrijcw loj xguialrniabee Dios!
24681	MRK 10:24	Dád badxa loj ree xbejnman ni rëbaman. Per rëbaman loj reeman zatijb: ―Xiꞌn, ¡bén yuꞌguijc mazri ni rajpaman, dád nawëëg na̱j chuꞌman loj xguialrniabee Dios!
24704	MRK 10:47	Chi biguiejnx cadëd Jesús bén Nazaret niz yagaj, guzuloj cabidxaꞌx rëbix: ―¡Jesús, xdiaa Davi, baya naj!
24705	MRK 10:48	Dád zien ree bejn ridilë laax din yacwëëz roꞌx. Per mazri rejs rbidxaꞌx rëbix: ―¡Xdiaa Davi, baya naj!
24718	MRK 11:9	Abiꞌ ziꞌc ree bén ned, në ree bén nal rbixdiaj reeman, rëb reeman: ―¡Gagnëman dunuj ree yan! ¡Nagleꞌ bén zëëd por Dios!
24719	MRK 11:10	¡Nagleꞌ bén zëëd nabee ziꞌc dux béngulal ree rey Davi! ¡Quixtëë dux Dad ree Dios Bén yuꞌ xanyabaa!
24723	MRK 11:14	Dxel rëbaman loj yag higo guin: ―¡Ad yuꞌtri dxej gaw bejn ninejxh tia lojl! Abiꞌ biguiejn ree xbejnman ni rëbaman.
24730	MRK 11:21	Dxel basaaladx Bëd ni rëb Jesús, abiꞌ rëbaman lojman: ―Mextr, ¡baguiaa yag higo ni bazaalil diidx guijc ma gubidxan!
24787	MRK 13:1	Chi barii Jesús lën yadooroꞌ Jerusalén, rëb tijb ree xbejnman lojman: ―Mextr, ¡baguiaa xi nix na̱j ree guiaj guin nix tëë na̱j ree yu guin!
24803	MRK 13:17	¡Probza ree béngunaa nüü xiꞌn o bén caꞌ ree xindobëz lën ree dxej zii!
24844	MRK 14:21	Walican guial Bén guxhaal Dios na̱j sacaman ziꞌc ca loj xtiidx Dios. Per, ¡prob bén yayü laaman! Zagdxeli na̱j par laaman ad niutaman loj guidxliuj
24888	MRK 14:65	Yuꞌ reeman rucojp xhiejn lojman, rutaꞌcw tëë reeman lojman, dxel riguin reeman laaman, rëb reeman: ―¡Guneeyaꞌ chu gudin lüj! Guiáad ree bén rajp yagaj wëëz reeman lojman.
24908	MRK 15:13	Dxel gurixdiaj reeman rëb reeman: ―¡Bacaax loj crüjz!
24909	MRK 15:14	Zianz rëb Pilato loj reeman: ―Per ¿xhieza ni mal beenx? Guiáad laa reeman mazri rbixdiaj reeman, rëb reeman: ―¡Bacaax loj crüjz!
24913	MRK 15:18	Dxel guzuloj rbixdiaj reex rëb reex: ―¡Guibanri xrey ree bén Israel!
24990	LUK 1:28	Guyu anjl guin lod yuꞌ Li abiꞌ rëbaman: ―¡Xchan Li, Dios ma gulej lüj! Dios zaꞌnë lüj, ma beenleꞌ tëëman lüj loj gra ree béngunaa.
25004	LUK 1:42	Abiꞌ gunee Elisabet rejs, rëbaman: ―¡Dios ma beenleꞌ lüj loj gra ree béngunaa, beenleꞌ tëëman bejndobëz yuꞌ lënl!
25056	LUK 2:14	¡Benzaꞌc bendxoon na̱j Dios bén yuꞌ xanyabaa, abiꞌ loj guidxliuj yabeꞌcdxeman luxdoo bén rüjn ree ziꞌc rënman!
25101	LUK 3:7	Chi brii zien ree bejn din guroobnijs Waj laa reeman, rëbaman loj reeman: ―¡Xiꞌn xindxab lëjt! ¿Chu bagojn lëjt guial laadi loj castiroꞌ ni zëëd?
25167	LUK 4:35	Dxel gudilë Jesús xindxab guin, rëbaman lojx: ―¡Bacwëëz roꞌl, barii luxdoo xin guin! Zianz badxeꞌbi xindxab guin xin guin luyuj guidib niz loj reeman, bariitix luxdoox achetczi goquix.
25168	LUK 4:36	Graczi reeman badxaloj, rëb loj lasaꞌ reeman: ―¿Xhie ree diidx guin rnieeman? ¡Con guialrniabee ni rajpaman, rniabeeman rarii ree xindxab luxdoo ree bejn!
25173	LUK 4:41	Në zien ree bénragxuu guin rarii xindxab luxdoo, rbidxaꞌ reex rëb reex: ―¡Lüj na̱j Xiꞌn Dios! Per gudilëman xindxab guin ree, ad cwëjbtaman niniee reex, guial ragbee reex laaman na̱j Cristo.
25200	LUK 5:24	Per yan, gulün lëjt guial Bén guxhaal Dios rajpaman guialrniabee loj guidxliuj guie din güünman perdon dol ree. Dxel rëb Jesús loj xinragxuu guin: ―¡Bixche, bacaꞌ ni goꞌtil loj! Baguiaj lidxil.
25202	LUK 5:26	Graczi reeman badxaloj ruzaꞌt tëë reeman Dios zagdxe abiꞌ dád bidxeb reeman, rëb reeman: ―¡Niꞌqui tijb ad waguiaat ree ziꞌct na̱j ni cayguiaa ree yan!
25257	LUK 6:42	Abiꞌ bal mazri falt naroob rajpil, ¿xoza guiëbil loj zatijb bejn: “Ad laat na̱j ni rüjnl”? ¡Bén rusquiee! yalojxgaj been ziꞌc rayal, chi ma beenl zian dxel ma zileꞌ guiëbil loj zatijb bejn: “Ad laat na̱j ni rüjnl”.
25287	LUK 7:23	¡Xiquilbaa ree bén ad zucwëëzt chililadx naj!
25338	LUK 8:24	Dxel bacwëën reeman Jesús, rëb reeman: ―¡Mextr! ¡Mextr! ¡Ma cayzëëb ree xan nijs! Abiꞌ bixche Jesús gunabeeman bacwëëz bidoxh guin në xtüjp nijs guin, zianz gulëjz reen dxel bayajcdxe.
25403	LUK 9:33	Chi ma baza ree bén caneenë Jesús, rëb Bëd lojman: ―Mextr, ¡zagdxen nadxuꞌ ree guie! Zajc yaguieenan choon ranch, tijban par lüj, tijban par Moisejs zatijban par Elías. Per ad ragbeet Bëd xhienin caneeman.
25411	LUK 9:41	Badxiꞌ Jesús laan rëbaman: ―¡Benguijdx, bén ad rliladxt! ¿Xt goc gazunëꞌn lëjt gadaan tëën lëjt? Tanë xiꞌnl guie.
25445	LUK 10:13	Rëb tëë Jesús: ―¡Probza lëjt bén Corazín! ¡Probza lëjt bén Betsaida! Din bal guiedx Tiro në guiedx Sidón niajc gra ree milagr ni goc ladxidi, diizd gocli nayüjn reeman xgab por xtol reeman, niajcw reeman lajd yaꞌs nuroob tëë cobdëj guijc reeman ziꞌc tijb sen guial ma bayüjn reeman xgab por xtol reeman.
25487	LUK 11:13	Nacli lëjt najdi béndol rajc rudëëdi ni zagdxe loj xiꞌndi. ¡Diidxgui xDadidi bén yuꞌ xanyabaa, nid zudëë xSprijtaman loj ree bén rniab laaman ya!
25501	LUK 11:27	Laꞌtgaj canee Jesús diidx guin ree, gurixdiaj tijb béngunaa noꞌch loj ree benzien guin, rëbaman: ―¡Xiquilbaa béngunaa bazuj lüj loj guidxliuj, bén baslaa tëë lüj!
25502	LUK 11:28	Per badxiꞌ Jesús laan rëbaman: ―¡Mazri xiquilbaa ree bén rucaagdiajg xtiidx Dios ruzoob tëë reeman xtiidxaman!
25516	LUK 11:42	’¡Probza lëjt bénfarisew! Rbëëcadi ni na̱j par Dios, rüjndi chii lalaꞌ ni rajpidi ziꞌc bidxtil në rud në graloj ni rxübindi abiꞌ rudëëdi tijban loj Dios. Per ad rüjntidi ziꞌc rayal ad rën tëëtidi Dios. Gol bidxgaꞌ Dios ad gucwëëz tëë gudëëdi ni rudëëdi lojman.
25517	LUK 11:43	’¡Probza lëjt, bénfarisew! guial ruladxidi cwedi lod rbej ree bén zojbloj lën ree yadoo, ruladx tëëdi gugajpdioz ree bejn lëjt zagdxe niz lunejz.
25552	LUK 12:24	¡Gol baguiaa balo ree! Ad rxübint reeb ad ratoꞌp tëët reeb guialnazaꞌc, ad rajp tëët reeb lod yaguꞌchaaw reeb guialnazaꞌc guin, per Dios rudëëd ni raw reeb. ¡Abiꞌ mazri lasajquidi guial loj reeb!
25555	LUK 12:27	’¡Gol baguiaa xhienaag riniꞌs ree guiaa dajn! Ad rüjnt reen dxiin ad rguib tëët reen. Per niꞌqui rey Salomón ad guzujchaawt ziꞌc zaꞌchaaw ree guiaa guin, majsi mast guzujchaawaman.
25556	LUK 12:28	Abiꞌ bal guiꞌxh dajn ruzujchaaw Dios yan, majsi guixiezi cheꞌcan. ¡Diidxgui lëjt, bén ad rliladxzaꞌct ree laaman nid zuneeman ni gacwidi ya!
25565	LUK 12:37	¡Xiquilbaa ree mojs nagaꞌnaa cabëz xpatron reex! Naj rni lëjt, laagajc patron guin cweꞌc laa reex xan mex, dxel chicchaa xabaman din gudëëman ni gaw reex.
25577	LUK 12:49	’Zialan loj guidxliuj ziꞌc tijb bén zidgacaaguij xhienin, abiꞌ ¡ma rën nejzdoon tiaguijn!
25578	LUK 12:50	Gazaagdiajn guiët tëën, abiꞌ ¡dád yuꞌnayan diizd yan xt chi gacan cumplid!
25584	LUK 12:56	¡Bén rusquiee! Ragbeedi xhie rën guiëb sen rguien xanyabaa në loj guidxliuj, ¿chexquiza zeel ad ragbeetidi xhie rën guiëb ni cayajc loj guidxliuj yan?
25621	LUK 13:34	’¡Bén Jerusalén, bén Jerusalén, rugüjtidi bén rudëë ree xtiidx Dios loj ree bejn rucaaguiaj tëëdi gra ree bén rxhiaal Dios lojdi! ¡Bëlczi volt guyënan nuchagan lasaꞌdi ziꞌc rüjn tijb guid ruchajg lasaꞌ ree xiꞌnb lën xhiilib, per ad cwëjbtidi!
25637	LUK 14:15	Chi biguiejn tijb bén zojbnë Jesús xan mex ni rëbaman, rëbaman loj Jesús: ―¡Xiquilbaa ree bén yayal gaw lod rniabee Dios!
25657	LUK 14:35	Ad rüjntan sirv par luyuj niꞌqui par loj abon, rzëëbzan. ¡Bén rën ree gucaagdiajg, gol bacaagdiajg!
25674	LUK 15:17	Dxel beenx xgab naladxix: “¡Zien ree xin rüjn dxiin lidx da Dadan xt sobr rüjn ni raw reex, guiáad naj guie ma guiëtan bëjz!
25721	LUK 17:1	Rëb Jesús loj ree xbejnman: ―Zianczi yuꞌ ree ni ruzaalguiiw bejn din güünman dol, per ¡probza na̱j bén ruzaalguiiw zatijb bejn guial güünman dol!
25723	LUK 17:3	¡Gol gojp cudad! ’Bal xhie tijb ni mal güün tijb lasaꞌl, guneenëman. Abiꞌ bal bayüjnman xgab por ni beenman, beenman perdon.
25733	LUK 17:13	rbixdiaj reeman, rëb reeman: ―¡Jesús, Mextr, baya dunujn!
25781	LUK 18:24	Chi baguiaa Jesús guial dád yuꞌnayax, rëbaman: ―¡Dád nawëëg na̱j chuꞌ benrijcw loj xguialrniabee Dios!
25795	LUK 18:38	Dxel gurixdiajman rëbaman: ―¡Jesús, xdiaa Davi, baya naj!
25796	LUK 18:39	Bén ned ree rdilë reeman laaman din gucwëëz roꞌman, per mazri rbixdiajman, rëbaman: ―¡Xdiaa Davi, baya naj!