14322	PSA 28:6	¡Gaca ba Xránadxu Dios, Bénnea' benne̱' chi'a gate bláwizra' Le̱'!
14327	PSA 29:2	¡Da xabáa naca La Xránadxu! ¡Le güe lá'ana na! Le guzú zríbele lau Xránadxu lá'azxa gate xelé̱'e̱.
14334	PSA 29:9	Chi'i Xránadxu dxuxrize na xaga wal-la ca'. Dxuchibe na xrlegue xaga ca', na' lu xudau' chee̱' dxelenná xúgute̱ bénneache: “¡Gaca ba Dios!”
14371	PSA 31:22	¡Gaca ba Xránadxu Dios! Lu xel-la' dxexache lazre' chee̱' be̱ne̱' da zrente̱ chee̱ gúcale̱ne̱' neda' tu lu xe̱zre naga guca wedil-la.
14373	PSA 31:24	¡Le zri'i Xránadxu, xúgute̱le le'e nácale benne' chee̱ Lé̱queze̱'! Xránadxu dxuxúe̱' benne' ca' quebe dxulusane̱' Le̱', na' dxuxunézrujle̱'e̱ chee̱ benne' ca' dxulucá'ana szrene̱' Le̱'.
14375	PSA 32:1	¡Ba neza zrente̱ naca na chee̱ bénnea' Dios ba bnite lawe̱' dul-la da gubágue̱', ne ba gudúe̱' zria da guzúa chee̱'!
14376	PSA 32:2	¡Ba neza zrente̱ naca na chee̱ bénnea' Dios quebe dxusebague̱' le̱' zria, bénnea' quebe dxezí xe̱'e̱!
14451	PSA 35:21	Belún le̱' chia'. Gulenné̱': “¡E! ¡E! ¡Ba blé'entu' da nune̱'!”
14452	PSA 35:22	¡Xran, ba blé'equeznu' da dxelune̱'! ¡Quebe sua zriu'! ¡Xran, quebe gusanu' neda'!
14453	PSA 35:23	¡Guxasa, guzúa guchi'u chia'! ¡Gudá, Xrana' Dios, chee̱ gácale̱nu' neda'!
14454	PSA 35:24	¡Bchi'a chia' lu da xrlátaje chiu', Xrana' Dios! ¡Quebe gu'u benne' ca' lataj xuluzrizre̱' chia'!
14455	PSA 35:25	¡Quebe gu'u lataj xelenné̱': “Ba guca da dxezá lázredxu!” ¡Quebe xelenné̱': “Ba bendxu chie̱'!”
14457	PSA 35:27	Be̱n xelúl-la, ne xelebé benne' ca' zaj de̱'e̱ neda', chee̱ xelennáqueze̱': “Tu xegá'ana szrénzqueze Xránadxu, Bénnea' dxezá lazre̱' sua lu xel-la' dxebeza zri lazre' benne' we̱n zrin chee̱'!”
14540	PSA 39:6	Nunu' chia' sua' bábaze zra, na' iza chia' québequeze bi naca na lau Lue'. ¡Da líqueze quebe bi zaj naca zra chee̱ xúgute̱ bénneache!
14541	PSA 39:7	¡Da líqueze zaj naca bénneache ca tu zrúl-laze! ¡Da líqueze dácheze naca zaj dxe' bénneache gunne xue chee̱ xel-la' nabán chee̱'! ¡Dxulucúdie̱' xel-la' gunní'a, ne quebe zaj nézene̱' nu chee̱ gaca na!
14546	PSA 39:12	Dxudéu' ba xa' tu benne' ba nun dul-la chee̱ dxuzéajni'inu' le̱', ne ca dxun béadu dxuteba' ladxe' dxuzría xi'u da nazrí'idxe bénnea'. ¡Da líqueze quebe bi zaj naca zra chee̱ xúgute̱ bénneache!
14580	PSA 41:14	¡Gaca ba Xránadxu, Dios chee̱ benne' Israel ca' gaxuane iza, ne chadía chacanna! ¡Ca'an naca na, ne ca'an gaca na!
14621	PSA 44:24	¡Bebán, Xran! ¿Bizr chee̱ na' dxasiu'? ¡Bebán! ¡Quebe su' zitu' tu chi'ize!
14624	PSA 44:27	¡Guxasa, gúcale̱ netu', ne dute̱ xel-la' dxexache lazre' chiu', bselá netu'!
14631	PSA 45:7	Lataj blau naga dxe'u, Dios, naca na da chadía chacanna, ne súatequeze na. ¡Xrlátaje naca ca dxenná be'u!
14656	PSA 47:2	¡Le capa na'le, le'e, xúgute̱ bénneache! ¡Le güe lá'ana Dios nen dute̱ xel-la' dxebé!
14661	PSA 47:7	¡Le gul-la da gaca ba Dios! ¡Le gul-la! ¡Le gul-la da gaca ba Wenná Bea chee̱dxu! ¡Le gul-la!
14662	PSA 47:8	¡Dios naque̱' Wenná Bea dute̱ lu xe̱zr la xu nigá! ¡Le gul-la chee̱' nen dute̱ xel-la' dxéajni'i chee̱le!
14666	PSA 48:2	¡Zrente̱ naca Xránadxu! ¡Naca chee̱' güe lá'anale̱'e̱dxu Le̱' ga naca lu xe̱zre chee̱ Dios chee̱dxu, da dxe' na lu xi'a lá'azxa chee̱'!
14800	PSA 56:5	¡Dxuxrén lazra' Dios, na' güe lá'ana' xrtizre̱'! ¡Dxuxrén lazra' Dios, na' québedxa zreba'! ¿Bízraqueze gaca gun bénneache chia' neda'?
14806	PSA 56:11	¡Dxuxrén lazra' Dios, na' güe lá'ana' xrtizre̱'! ¡Dxuxrén lazra' Xránadxu, na' güe lá'ana' xrtizre̱'!
14807	PSA 56:12	¡Dxuxrén lazra' Dios, na' québedxa zreba'! ¿Bízraqueze gaca gun bénneache chia' neda'?
14824	PSA 58:3	¡Cabíze̱'! ¡Lu lázrdaule dxugú'u beale da zrinnaj! ¡Sté̱bele̱'e̱ dxuzúale bénneache lu xe̱zr la xu chia'!
14944	PSA 66:20	¡Gaca báqueze Dios! ¡Quebe bzue̱' chalá'ala da bchálajle̱na' Le̱', san bexache lazre̱' neda'!
14957	PSA 68:5	¡Le gul-la chee̱ Dios! ¡Le gul-la da du ca' chee̱ Láqueze̱'! ¡Le gucá'ana szren Bénnea' dxe'e̱ xabáa, nazí le̱' Jah! ¡Le be lau Le̱'!
14965	PSA 68:13	¡Buluzrúnnuje̱'! ¡Buluzrunnuj wenná bea ca' nen ca naca benne' chee̱' dxjaque̱' wedil-la, na' benne' ca' zaj nagá'ana lu xu'u lizre̱' belexequé̱'e̱ da bulucá'ana benne' ca' buluzrúnnuje̱'.
14972	PSA 68:20	¡Gaca ba Xránadxu! ¡Tu zra tu zra dxusezrate̱' dxi'u da chawe' chee̱'! ¡Naque̱' Dios, dxuselé̱' dxi'u!
14985	PSA 68:33	¡Le gul-la chee̱ Dios, le'e zrale du gabí'i xe̱zr la xu! ¡Le gul-la chee̱ Xránadxu!
14986	PSA 68:34	¡Le gul-la chee̱ Bénnea' dxe'e̱ xabáa na'ala, da zua na nédxute̱! ¡Le nna' xque, wanné̱', ne zízrajle̱'e̱ nne̱'!
14987	PSA 68:35	¡Le nne̱ nápale̱'e̱ Dios xel-la' waca! ¡Lu xel-la' szren chee̱' dxuxúequeze̱' benne' Israel ca', na' zran xabáa nalá' xel-la' waca chee̱'!
14988	PSA 68:36	Benne' zrébentu' nacu' Lue', Dios, naga zu' lataj lá'azxa chiu'. Dios chee̱ benne' Israel ca', Lé̱queze̱' dxutipe̱' lazre' bénneache chee̱'. ¡Gaca ba Dios!
15030	PSA 70:5	Benne' ca' zá'aque̱' lau Lue' xelebene̱', ne xelezúe̱' lu da ba neza. Benne' ca' dxelé̱'e̱ Lue': “Xcalenu'” lawe' da bseláu' le̱', tu dxelennázqueze̱': “¡Zrente̱ naca Dios!”
15037	PSA 71:6	Lue' núxruquezu' neda' gate gúlajtea'. Lue' be̱nu' bdxuaja' lu le̱'e̱ xrna'a. ¡Tu güe lá'anazqueza' Lue'!
15043	PSA 71:12	¡Dios, quebe su' zitu' naga zua'! ¡Dios chia', gudázega gácale̱nu' neda'!
15044	PSA 71:13	¡Be̱n xelexedué'ene̱'! “Be̱n xelexenite benne' ca' dxeledábague̱' neda'.” “Be̱n xelezúa xel-la' stu', ne xeleque zréaje benne' ca' dxelezá lazre̱' xelune̱' chia' da cale̱la.”
15052	PSA 71:21	¡Gucá'ana szrendxu' neda', ne xue zrénquezu' neda'!
15053	PSA 71:22	¡Cá'anqueze güe lá'anaqueza' Lue', quínnia' da gul-lale̱na'! ¡Dios chia', gúl-laqueza' chee̱ da li chiu', quínnia' da du' zríadi'i na du! ¡Nacu' Benne' Lá'azxa chee̱ benne' Israel ca'!
15054	PSA 71:23	¡Sua' lu da ba neza gate gúl-laqueza' chiu' Lue', ne béqueze bénne'du xu'a, bénne'du' bexa'u!
15055	PSA 71:24	¡Tu guchálajzqueza' chee̱ da xrlátaje chiu' te zra chizrela, lawe' da be̱nu' belexedué'e, ne guleque zréaje benne' ca' belune̱' ba xuzre xelune̱' chia' da cale̱la!
15056	PSA 72:1	¡Dios, be̱n guchi'a wenná bea da dxaca chee̱ntu' ca dxuchí'aquezu' Lue', ne be̱n xelaca xrlátaje zri'ine wenná bea na'!
15074	PSA 72:19	Xrlátaje naca La Le̱' da naca na da xabáa chadía chacanna, na' dute̱ xe̱zr la xu nigá xelelé'ene̱' da xabáa chee̱'. ¡Ca'an naca na, ne ca'an gaca na!
15125	PSA 74:22	¡Guzé̱, Dios! ¡Be̱n ca ba gunnáu'! ¡Bsa lazre' ca dxelún benne' xala ca', dxelún le̱' chiu' te zra te zra!
15301	PSA 82:8	¡Guxasa, Dios! ¡Bchi'a chee̱ bénneache zaj zra' lu xe̱zr la xu, lawe' da naca dute̱ xe̱zr la xu chiu' Lue'!
15303	PSA 83:2	¡Dios, quebe sua zriu'! Quebe su' zrize, Dios, ne quebe gusezxuj dxu'u,
15333	PSA 84:13	¡Dios, napu' dute̱ xel-la' waca! ¡Ba neza zrente̱ naca na chee̱ benne' ca' dxuluxrén lazre̱' Lue'!
15341	PSA 85:8	¡Xran, bexache lazre' netu', ne bselá netu'!
15568	PSA 99:3	Le güe lá'ana La Xránadxu da naca na szren, ne da dxal-la' zrébedxu. ¡Lá'azxa naca Le̱'!
15570	PSA 99:5	Le gucá'ana szren Xránadxu Dios. Le guzú zríbele lau Le̱' naga dxe'e̱. ¡Lá'azxa naca Le̱'!
15575	PSA 100:1	¡Le gul-la lau Xránadxu Dios, le'e zrale du gabí'i xe̱zr la xu!
15576	PSA 100:2	¡Le gucá'ana szren Le̱' dute̱ xel-la' dxebé! ¡Le da lau Le̱', dxúl-lale dute̱ xel-la' dxebé!
15638	PSA 103:22	Le güe lá'ana Xránadxu, xúgute̱le le'e ba nun Dios le'e, zrale xúgute̱ lataj naga dxenná bea Le̱'. ¡Be̱ lá'ana Xránadxu, lue', bénne'du xu'a!
15639	PSA 104:1	Be̱ lá'ana Xránadxu Dios, lue', bénne'du xu'a. ¡Xrana' Dios, szrente̱ nacu' Lue'! Nacu' zra lanu' da xabáa, ne da xrtante̱.
15669	PSA 104:31	¡Chadía chacanna gaca ba Xránadxu Dios! Dxezaca ba lazre' Xránadxu chee̱ da ca' ba núnqueze̱'.
15673	PSA 104:35	Welebía xi' benne' dul-la ca' zaj zre̱'e̱ lu xe̱zr la xu nigá, Na' québedxa cha benne' ca' dxelebéaj xíchaje̱' Dios. ¡Be̱ lá'ana Xránadxu Dios, lue', bénne'du xu'a! ¡Le güe lá'ana Xránadxu!
15674	PSA 105:1	¡Le güe lá'ana Xránadxu Dios! ¡Le gucá'ana szren La Le̱'! ¡Le guzén bénneache dute̱ xe̱zr la xu ca naca da nune̱'!
15675	PSA 105:2	¡Le gul-la chee̱'! ¡Le gul-la da güe lá'anale Le̱'! ¡Le guchalaj chee̱ da zrente̱ ca' da nune̱'!
15676	PSA 105:3	¡Le be lu da naca chee̱'! Xúgute̱ benne' ca' dxelapa ba lá'ana Xránadxu dxal-la' xelebéle̱'e̱ne̱'.
15718	PSA 105:45	chee̱ xulupá'ane̱' ca naca xrba chee̱' ca', ne xelune̱' ca naca da gunná bé'ene̱' ca'. ¡Gaca ba lá'azxa Xránadxu Dios!
15719	PSA 106:1	¡Gaca ba lá'azxa Xránadxu Dios! ¡Le xe̱ Xránadxu Dios: “Xcalenu'!” Caní dxal-la' gunle lawe' da naque̱' xrlátaje, ne lawe' da tu chí'izqueze dxexache lazre̱' dxi'u.
15765	PSA 106:47	¡Bselá netu', Xránantu', nacu' Dios chee̱ntu'! ¡Becá'a netu' ládujla benne' xe̱zr la xu ca', chee̱ güe lá'anantu' Lau' lá'azxa, ne chee̱ béle̱'e̱ntu' lu da dxúl-lantu' chiu'!
15766	PSA 106:48	Cháwedau' naca Xránadxu, Bénnea' naque̱' Dios chee̱ benne' Israel ca' nédxudaute̱, ne chadía chacanna. Xúgute̱ bénneache dxal-la' xelenné̱': ¡Ca'an gaca na! ¡Gaca ba lá'azxa Xránadxu Dios!
15767	PSA 107:1	¡Le güe lá'ana Xránadxu, Benne' xrlátaje! ¡Chadía chacanna naque̱' Benne' zri'i lazre'!
15824	PSA 109:1	¡Dios, dxue lá'ana' Lue'! Quebe xegá'anu' zrize
15882	PSA 113:1	¡Le'e, we̱n zrin chee̱ Xránadxu Dios, le güe lá'ana Le̱'! ¡Le güe lá'ana La Xránadxu Dios!
15883	PSA 113:2	¡Gaca ba lá'azxa La Xránadxu Dios, na'a zra, ne chadía chacanna!
15884	PSA 113:3	¡Naga dxalaj gubizra ca zrinte̱ naga dxebía na gaca ba lá'azxa La Xránadxu Dios!
15885	PSA 113:4	¡Szrente̱ nagá'ana Xránadxu Dios lawe' dute̱ xe̱zr la xu, na' láwela xabáa dxe' da xabáa chee̱'!
15890	PSA 113:9	Dxune̱' zua nu'ula zue̱' tuze ládujla zrí'inequeze̱' ca', na' dxebé nu'ula nigá lawe' da naque̱' xrna bi cheé̱queze̱'. ¡Gaca ba lá'azxa Xránadxu Dios!
15916	PSA 115:18	Dxi'u, benne' ban, güe lá'anadxu Xránadxu, na'a zra, ne chadía chacanna. ¡Le güe lá'ana Xránadxu!
15918	PSA 116:2	ne lawe' da bze̱ nague̱' chia'! Chee̱ le̱ na' guláwizra' Le̱' dxácate̱ naca bana'.
15935	PSA 116:19	Guna' na chale'aj xu'u lizre Xránadxu Dios, da dxe' na lu'ule xe̱zre Jerusalén. ¡Gaca ba lá'azxa Xránadxu Dios!
15936	PSA 117:1	¡Le güe lá'ana Xránadxu Dios, le'e, benne' dute̱ xe̱zr la xu! ¡Le güe lá'ana Le̱', le'e, xúgute̱ bénneache,
15937	PSA 117:2	lawe' da zrente̱ naca xel-la' zri'i lazre' chee̱' ca nazrí'ine̱' dxi'u, ne chadía chacanna naca xel-la' li lazre' chee̱'! ¡Le güe lá'ana Xránadxu!
15938	PSA 118:1	¡Le güe lá'ana Xránadxu Dios lawe' da naque̱' xrlátaje, ne lawe' da chadía chacanna dxexache lazre̱' dxi'u!
15939	PSA 118:2	Dxal-la' xelenná benne' Israel ca': ¡Chadía chacanna dxexache lazre̱' dxi'u!
15940	PSA 118:3	Dxal-la' xelenná zri'ine zre sua Aarón: ¡Chadía chacanna dxexache lazre̱' dxi'u!
15941	PSA 118:4	Dxal-la' xelenná benne' ca' dxelezrebe̱' Xránadxu Dios: ¡Chadía chacanna dxexache lazre̱' dxi'u!
15966	PSA 118:29	¡Le güe lá'ana Xránadxu Dios lawe' da naque̱' xrlátaje, ne lawe' da chadía chacanna dxexache lazre̱' dxi'u!
16210	PSA 130:2	¡Xran, bene chi'a! ¡Bze̱ naga da dxenaba' lau'!
16244	PSA 135:1	¡Le güe lá'ana La Xránadxu Dios! ¡Le güe lá'ana Le̱', le'e, we̱n zrin chee̱ Xránadxu,
16245	PSA 135:2	le'e zrale xu'u lizre Xránadxu Dios, lu chale'aj chee̱ xu'u naga zúaqueze Dios!
16246	PSA 135:3	¡Le güe lá'ana Xránadxu lawe' da naque̱' xrlátaje! ¡Le gul-la da güe lá'anale La Le̱', lawe' da naque̱' zri'i lazre'!
16264	PSA 135:21	Le'e, zrale xe̱zre Sión, le güe lá'ana Xránadxu Dios, Bénnea' zúaqueze̱' xe̱zre Jerusalén. ¡Gaca ba lá'azxa Xránadxu Dios!
16265	PSA 136:1	¡Le güe lá'ana Xránadxu Dios, Benne' xrlátaje! ¡Chadía chacanna dxexache lazre̱' dxi'u!
16266	PSA 136:2	¡Le güe lá'ana Dios, naque̱' szrénte̱dxa ca zaj naca dios chee̱ xe̱zr la xu ca'! ¡Chadía chacanna dxexache lazre̱' dxi'u!
16267	PSA 136:3	¡Le güe lá'ana Xránadxu, naque̱' szrénte̱dxa ca zaj naca xrana xe̱zr la xu ca'! ¡Chadía chacanna dxexache lazre̱' dxi'u!
16268	PSA 136:4	¡Le güe lá'ana Dios na', dxune̱' xel-la' waca zri'a ca'! ¡Chadía chacanna dxexache lazre̱' dxi'u!
16269	PSA 136:5	¡Le güe lá'ana Dios na', be̱ne̱' xabáa dute̱ xel-la' sina chee̱'! ¡Chadía chacanna dxexache lazre̱' dxi'u!
16270	PSA 136:6	¡Le güe lá'ana Dios na', bzue̱' xe̱zr la xu lawe' nísadau'! ¡Chadía chacanna dxexache lazre̱' dxi'u!
16271	PSA 136:7	¡Le güe lá'ana Dios na', be̱ne̱' gubizra ne beu'! ¡Chadía chacanna dxexache lazre̱' dxi'u!
16272	PSA 136:8	¡Be̱ne̱' gubizra chee̱ gusení na te zra! ¡Chadía chacanna dxexache lazre̱' dxi'u!
16273	PSA 136:9	¡Be̱ne̱' beu' ne belaj ca' chee̱ xulusení na chizrela! ¡Chadía chacanna dxexache lazre̱' dxi'u!
16274	PSA 136:10	¡Le güe lá'ana Dios na', be̱tie̱' bi biu nedxu chee̱ benne' Egipto ca'! ¡Chadía chacanna dxexache lazre̱' dxi'u!
16275	PSA 136:11	¡Le güe lá'ana Dios na', bebéaje̱' benne' Israel ca' lu xe̱zr la xu Egipto na'! ¡Chadía chacanna dxexache lazre̱' dxi'u!
16276	PSA 136:12	¡Beche̱'e̱ le̱' dute̱ xel-la' waca zren chee̱'! ¡Chadía chacanna dxexache lazre̱' dxi'u!