23233	MAT 1:20	Dxácate̱ dxudé lazre̱' da nigá, ble'e lau tu gubáz chee̱ xabáa, gubáz chee̱ Xránadxu, ga zua José na' lu bchigala, na' guzre̱' le̱': ―José, zri'ine zre sua David, quebe zrebu' si' lu na'u María chee̱ gácabe' zru'ulu', lawe' da bidu biu na' sanbe' zabe' ne̱ chee̱ Be' Lá'azxa chee̱ Dios.
23240	MAT 2:2	Na' gulenabe̱': ―¿Ga zua bidu na' ba gúlajbe' chee̱ gácabe' benne' nna bé'ene̱' benne' judío ca'? Gate zuantu' chalá'a naga dxalaj gubizra blé'entu' belaj chee̱be', na' bla'ntu' nigá chee̱ gúe lá'ana gúe szrentu'-be'.
23242	MAT 2:4	Nadxa Herodes, wenná bea na', btupe̱' xúgute̱ benne' xíchaje̱ chee̱ bxruze ca', ne benne' dxuluxuzájle̱'e̱ da nadxixruj bea Dios, na' gunábene̱' benne' ca': ―¿Gazra na' galaj Cristo?
23243	MAT 2:5	Benne' caní gulé̱'e̱ le̱': ―Lu xe̱zre Belén da nababa xe̱zr la xu Judea, lawe' da bzuaj caní tu benne' bchálaje̱' waláz chee̱ Dios, gate na' gunné̱':
23246	MAT 2:8	Nadxa gusel-le̱' benne' ca' chjaque̱' xe̱zre Belén, ne guzre̱' le̱': ―Le chjaca na', ne le naba xanne' chee̱ bidu na', na' ca cheajxrácale-be', na' le guzén neda' chee̱ cha'a neda' gúe lá'ana gúe szrena'-be'.
23251	MAT 2:13	Ca gudé besí'aca benne' sina gula ca', nadxa tu gubáz chee̱ xabáa, gubáz chee̱ Xránadxu ble'e lawe̱' José lu bchigala, na' guzre̱' le̱': ―Guxasa. Becá'a bidu na', ne xrnabe', na' le chjaca lu xe̱zr la xu Egipto, na' xegá'anu' ga na' ca zrindxa zra xapa' lue' xetú. Caní dxal-la' gunu' lawe' da wexilaj Herodes bidu nigá chee̱ gutie̱'-be'.
23258	MAT 2:20	―Guxásache. Beche̱'e̱ bidu chiu' nigá, ne xrnabe'. Bexíaj lu xe̱zr la xu Israel, lawe' da ba gulate benne' ca' gulaca lazre̱' xelútie̱' bidu nigá.
23263	MAT 3:2	Dxenné̱': ―Le xebí'i lazre' lawe' da ba zua gáguze zra nna bea Dios lu xe̱zr la xu nigá.
23268	MAT 3:7	Gate ble'e Juan benne' zan benne' xudau' fariseo, ne benne' xudau' saduceo zá'aque̱' chee̱ xelexedxúe̱' nisa, na' guzre̱' benne' ca': ―Le'e, be̱ snia. ¿Zua nu guzre le'e guzrúnnajle da ba xa' da za'?
23275	MAT 3:14	Nédxute̱ Juan quebe guca lazre̱', na' dxe̱'e̱ Jesús: ―Lue' dxal-la' guchú'u neda' nisa. Quebe zaca' neda' guchúa' Lue' nisa.
23276	MAT 3:15	Jesús guzre̱' le̱': ―Be̱' lataj gaca caní na'a. Dxun na ba xen gundxu xúgute̱ da xrlátaje lau Dios. Nadxa Juan be̱ne̱' ca'.
23278	MAT 3:17	Nadxa ben tu chi'i lu be', gunné̱': ―Benne' nigá naque̱' Zrí'inequeza' nazrí'ite̱ lazra'. Dxezaca ba lázrele̱na' Le̱'.
23281	MAT 4:3	Nadxa da xriwe̱' bzrin na naga zua Jesús chee̱ gun zréaje na Le̱', na' dxe̱ na Le̱': ―Che Lue' nacu' Zri'ine Dios, gunná be'e xiaj caní xelexaca na xeta xtila.
23282	MAT 4:4	Jesús beche̱be̱': ―Lu xiche chee̱ Dios dxenné̱': “Quebe gaca ban nu benne' gawe̱' xétaze, san nen xúgute̱ dizra' chee̱ Dios gaca bane̱'.”
23284	MAT 4:6	na' guzre na Le̱': ―Che Lue' nacu' Zri'ine Dios, guxrite' nigá, lawe' da dxenná lu xiche chee̱ Dios: Dios nna bé'ene̱' gubáz chee̱ xabáa chee̱' ca' chee̱ xelácale̱ne̱' Lue'. Welexechise̱' Lue' nen ne̱'e̱ chee̱ quebe gunu' zi' ni'u lu xiaj ca'.
23285	MAT 4:7	Na' gunná Jesús: ―Cá'anqueze dxenná lu xiche chee̱ Dios, dxe̱'e̱ bénneache: “Quebe guchínenu' Xranu' Dios cáte̱ze dxaca lazru'.”
23287	MAT 4:9	Na' gunná da xriwe̱', dxe̱ na Le̱': ―Xúgute̱ da caní gunna' chiu' che guzú zribu' gucá'ana szrenu' neda'.
23288	MAT 4:10	Nadxa Jesús guzre̱' na: ―Bexíaj, da xriwe̱', lawe' da dxenná Dios lu xiche chee̱', dxe̱'e̱ bénneache: “Bca'ana szren Xranu' Dios, ne be lá'ana tuze Le̱'.”
23295	MAT 4:17	Ca lu zra na' guzú lau Jesús dxegu'e̱ lban, dxenné̱': ―Le xebí'i lázrele, lawe' da ba zua gáguze zra nna bea Dios lu xe̱zr la xu nigá.
23297	MAT 4:19	Nadxa Jesús dxe̱'e̱ benne' caní: ―Le gun neda' tuze, na' guna' le'e benne' gutúpale chia' bénneache ca dxunle dxezenle bela.
23306	MAT 5:3	Gunná Jesús: ―Da ba neza zrente̱ naca na chee̱ benne' ca' dxelexúnbe'e̱ ca naca xel-la' dxexazrje chee̱' lau Dios. Benne' caní zaj naca chee̱' xelexú'e̱ naga dxenná bea Dios xabáa.
23316	MAT 5:13	Na' gunná Jesús: ―Le'e nácale ca zede' chee̱ bénneache lu xe̱zrla xu nigá. Che zede' nigá xenite xel-la' sna'a chee̱ na, ¿ájazra gácale̱le bénneache ca'? Québedxa gaca guchínedxu zede' caní. ¡Chú'unadxu na, na' xululéaj bénneache le̱ na!
23320	MAT 5:17	Gunná Jesús: ―Quebe dxal-la' guéquele le'e za'a neda' chee̱ cua' ca naca da bdxixruj be'e Moisés, ne ca naca dizra' da buluchalaj benne' ca' buluchálaje̱' waláz chee̱ Dios. Quebe za'a chee̱ cua' na. Za'a chee̱ gulé'eda' cáte̱ze zéaje̱ na.
23324	MAT 5:21	Na' gunná Jesús: ―Le'e ba bénele ca gulenná xrtíale gula ca': “Quebe gútele benne',” na' “Nútete̱ze benne' gutie̱' benne' waxíaje̱' chee̱ cuía xi'e̱.”
23330	MAT 5:27	Na' gunná Jesús: ―Le'e bache bénquezle ca gulenné̱' nédxute̱: “Quebe gunu' dul-la da dxichaj na xrba chee̱ xel-la' nuchaga na'.”
23334	MAT 5:31	Na' gunná Jesús: ―Cá'anqueze gulenné̱' nédxute̱: “Nútete̱ze benne' dxexelé̱'e̱ nen zru'ule̱', dxal-la' gunézruje̱' nu'ula na' tu xiche da dxulé'e na belexelé̱'e̱.”
23336	MAT 5:33	Na' gunná Jesús: ―Cá'anqueze ba bénele ca gulenná benne' gula ca', gulenné̱': “Quebe gucá'anu' cá'aze ca da nache̱be lazru' nen dizra' bca'ana liu' lau Xránadxu Dios.”
23341	MAT 5:38	Na' gunná Jesús: ―Le'e ba bénele ca da gulenné̱' nédxute̱: “Che tu benne' cuéaje̱' xiaj lau', cá'anqueze gunu' chee̱', ne che cuéaje̱' lazxu', cá'anqueze gunu' chee̱'.”
23346	MAT 5:43	Na' gunná Jesús: ―Cá'anqueze ba bénele ca da gulenné̱' nédxute̱: “Bzri'i le sa' ljwezru', ne gucuide benne' dxedábague̱' lue'.”
23352	MAT 6:1	Caní gunná Jesús: ―Le guxúe xanne' cuínale chee̱ quebe gunle da naca chee̱ xel-la' benne' xudau' chee̱le lau bénneache chee̱ xelelé'ene̱' na. Che ca'an dxunle, na' Xrale Dios zue̱' xabáa québequeze bi gunne̱' le'e.
23356	MAT 6:5	Na' gunná Jesús: ―Gate le'e gunle xel-la' dxuláwizra Dios, quebe gunle ca dxelún benne' ca' dxelune̱' xrlátaje cúzreze. Dxeledánene̱' dxelune̱' xel-la' dxuláwizra Dios zaj ze̱ze̱' lu xu'u naga dxulucá'ana szren benne' judío ca' Dios, ne la neza, chee̱ xelelé'e bénneache da dxelune̱'. Da li dxapa' le'e, ba dé̱queze lazruj chee̱'.
23367	MAT 6:16	Na' gunná Jesús: ―Gate le'e dxunle gubasa, quebe guzúale baxache' laule ca dxelún benne' dxelune̱' xrlátaje cúzreze. Benne' caní dxelune̱' ca' chee̱ xelelé'e bénneache le̱' dxelune̱' gubasa. Da li dxapa' le'e, ba dé̱queze lazruj chee̱ benne' ca'.
23370	MAT 6:19	Na' gunná Jesús: ―Quebe gutúpale da gunní'a lu xe̱zr la xu nigá, naga guteba' na, ne da ca' dxelebía xi na, na' xelú'u gubán ne xelebane̱' na.
23373	MAT 6:22	Na' gunná Jesús: ―Xiaj laule zaj naca na ca tu xi' chee̱ be̱l-la' dxen chee̱le. Che xiaj laule zaj naca na chawe', dute̱ ca naca be̱l-la' dxen chee̱le naxaní'.
23375	MAT 6:24	Na' gunná Jesús: ―Netú benne' quebe séquene̱' guzúa cuine̱' lu na' chupa xrane̱', lawe' da wazré̱'e̱ tu xrane̱' ne wazrí'ine̱' xetúe̱', u wéquene̱' ba lá'ana tu xrane̱' na' xetúe̱' guzúe̱' chalá'ala. Quebe séquele guzúa cuinle lu na' Dios, ne lu na' da gunní'a.
23376	MAT 6:25	Na' gunná Jesús: ―Chee̱ le̱ na' dxapa' le'e, quebe cue'le gunne xue ga sa' da gágule da xí'ajle chee̱ gaca banle, ne ga sa' zra lánale da gácule. Zácadxa xel-la' nabán chee̱le ca da dxágule, ne zácadxa be̱l-la' dxen chee̱le ca zra lánale.
23386	MAT 7:1	Na' gunná Jesús: ―Quebe guchí'ale da dxelún le sa' ljwézrele chee̱ quebe guchi'a Dios caní chee̱le le'e.
23392	MAT 7:7	Na' gunná Jesús: ―Le naba, na' Dios gunne̱' na chee̱le. Le xilaj na, na' xezrélele na. Le nne̱ dxu'a dxa xu'u, na' sáluje̱' chee̱le.
23398	MAT 7:13	Na' gunná Jesús: ―Le chu'u lu dxa xu'u lechide'. Dxa xu'u laga, ne neza xu zaj naca naga zjaca benne' xelebía xi'e̱, na' benne' zante̱ zjaque̱' na'.
23400	MAT 7:15	Na' gunná Jesús: ―Le guxúe cuínale chee̱ benne' we̱n lazre' ca', benne' dxelenné̱' zaj naque̱' benne' dxuluchálaje̱' waláz chee̱ Dios. Benne' caní zá'aque̱' naga zrale le'e, zaj nun cuine̱' ca tu benne' dxexruj lazre' ca naca tu zríla'dau', san lu xichaj lázrdawe̱' zaj naque̱' snia ca tu becu' xi'a.
23406	MAT 7:21	Na' gunná Jesús: ―Quebe xelu'e̱ naga dxenná bea Dios xabáa xugute̱ benne' ca' dxelé̱'e̱ neda': “Xrana', Xrana'.” Welú'u tuze benne' ca' dxelune̱' ca da dxaca lazre' Dios zue̱' xabáa.
23409	MAT 7:24	Na' gunná Jesús: ―Bénnea' dxenne̱' chia', ne dxune̱' ca da dxennía', naque̱' ca tu benne' naxéajni'iqueze', benne' be̱ne̱' tu lizre̱' lu xiaj xre.
23416	MAT 8:2	Na' bzrin tu benne' we̱' dxuzru lu xpe̱le̱', ne bzu zribe̱' lau Jesús. Dxe̱'e̱ Le̱': ―Xran, che dxaca lazru', waca xexunu' neda'.
23417	MAT 8:3	Nadxa Jesús guxrúa ne̱'e̱ bénnea'. Dxe̱'e̱ le̱': ―Dxaca lazra'. Na'a dxexuna' lue'. Ca gunné̱' caní, benne' we̱' na' bexácate̱' ca naca xízrawe̱' chee̱'.
23418	MAT 8:4	Na' Jesús guzre̱' le̱': ―Gunná' xque. Quebe nu xu'u ca'. Bexíajze na'a xeajxelé'e cuinu' lau bxruze, ne xeajnezruj guna' ca da dxenná bea lu da bdxixruj be'e Moisés, chee̱ xelelé'e benne' ca' ba bexacu' na'a.
23420	MAT 8:6	dxe̱'e̱ Le̱': ―Xran, bi we̱n zrin chia' de̱be' lizra'. Naxrú'unebe' bine, ne dxezácale̱'e̱be'.
23421	MAT 8:7	Jesús dxe̱'e̱ le̱': ―Wazá'a xexuna'-be'.
23422	MAT 8:8	Benne' dxenná be'e̱ na' gunné̱': ―Xran, quebe naca chia' chu'u lizra'. Cun gunne̱ze, na' xexaca bi we̱n zrin chia'.
23424	MAT 8:10	Gate bene Jesús da nigá, bebánene̱', na' guzre̱' benne' ca' zjácale̱ne̱' Le̱': ―Da li dxapa' le'e, ládujla benne' Israel quebe nu ne xezrelda', benne' dxéajle̱'e̱ chia' ca dxun benne' nigá.
23427	MAT 8:13	Nadxa Jesús guzre̱' benne' dxenná be'e̱ na': ―Bexíaj lizru'. Waca ca da ba guxéajle̱'u. Ca lu zra ná'queze bexácate̱ bi we̱n zrin chee̱'.
23433	MAT 8:19	Na' bzrin lau Jesús tu benne' dxuxuzájle̱'e̱ da bdxixruj be'e Dios, na' dxe̱'e̱ Le̱': ―Benne' Wesede, dxaca lazra' sále̱na' Lue' gátete̱ze chéaju'.
23434	MAT 8:20	Na' Jesús guzre̱' le̱': ―Beza' zaj zua bluaj chee̱ba', na' bxinne zaj zria xrú'uneba', san neda', Benne' Gulje̱' Bénneache, ne naga xrua xíchaja' quebe ga zua.
23435	MAT 8:21	Bzrin xetú benne' naque̱' benne' ba bsé̱dequeze Jesús, na' guzre̱' Le̱': ―Xran, be̱nna neda' lataj xexá'a nedxu chee̱ cheajxecacha' xra'.
23436	MAT 8:22	Nadxa Jesús guzre̱' le̱': ―Gudále̱n neda'. Be̱' lataj benne' gate ca' xulucache ljwezre̱'.
23439	MAT 8:25	Nadxa benne' ca' dxusé̱dene̱' bulusebane̱' Le̱', na' dxelé̱'e̱ Le̱': ―Xránantu'. Bselá netu'. Ba dxázentu' lu nisa.
23440	MAT 8:26	Jesús guzre̱' le̱': ―¿Bizr chee̱ na' dxezrébele̱'e̱le? Nácale benne' látega dxeleajlí lázre' Dios. Nadxa guxasa Jesús. Gudil-le̱' be' bdunu', ne nísadau', na' la belebé zrite̱ na.
23441	MAT 8:27	Benne' ca' belexebánene̱', gulenné̱': ―¿Núzraqueze benne' nigá? Dxuluzúa be', ne nísadau' dizra' chee̱'.
23443	MAT 8:29	Na' gulezú lawe' dxelebézrexe̱'e̱. Dxelenné̱': ―¿Bizr chee̱ na' za'u naga zúantu', Jesús, Zri'ine Dios? ¿Za'u nigá chee̱ gusaca zi'u netu', ne quebe ne zrin zra?
23445	MAT 8:31	Be' xriwe̱' ca' gulata' xue na Jesús, gulenná na: ―Che Lue' xebéaju' netu' nigá, be̱nna lataj cheajchú'untu' lu cuche ca'.
23446	MAT 8:32	Nadxa Jesús guzre̱' na: ―Le chjaca xca'. Nadxa be' xriwe̱' ca' belexedxúaj na lu benne' ca', na' belexú'u na lu cuche ca'. Nadxa xúgute̱ cuche ca' belelázruba' tu dxu'a xi'a zren, na' xeajlecházeba' lu nísadau' naga gulázeba' nisa, na' guláteba'.
23450	MAT 9:2	Na' bedajlegu'e̱ tu benne' biu lau Le̱', zaj zua zri ni'a ne̱'e̱, zaj naxrúe̱' benne' na' tu lu ta'a blaga'. Gate ble'e Jesús ca dxeléajle̱'e̱ chee̱', na' gunné̱', dxe̱'e̱ benne' we̱': ―Be̱n dipa lazru', zrí'ina'dau'. Dul-la chiu' dxunite lawa'.
23452	MAT 9:4	Lawe' da neze Jesús ca gulenné̱' lu xichaj lázrdawe̱', na' dxe̱'e̱ benne' ca', gunné̱': ―¿Bizr chee̱ na' dxennale caní lu xichaj lázrdaule?
23454	MAT 9:6	Chee̱ le̱ na' gulé'eda' le'e neda', Benne' Gulje̱' Bénneache, napa' xel-la' dxenná bea lu xe̱zr la xu nigá gunite lawa' dul-la. Nadxa dxe̱'e̱ benne' zaj zua zri ni'a ne̱'e̱, gunné̱': ―Bexasa. Becá'a ta'a chiu'. Bexíaj lizru'.
23457	MAT 9:9	Ca bezá Jesús na', na' blé'ene̱' tu benne' biu le̱' Mateo, dxe'e̱ lataj naga dxuchízruje̱' waláz chee̱ xe̱zre Roma, na' dxe̱'e̱ le̱', gunné̱': 6 ―Be̱n neda' tuze. Nadxa Mateo nigá guxase̱' zéajle̱ne̱' Jesús.
23459	MAT 9:11	Benne' xudau' fariseo ca', gate belelé'ene̱' da nigá, dxelé̱'e̱ benne' ca' dxuse̱de Jesús, gulenné̱': ―¿Bizr chee̱ na' Benne' dxusédene̱' le'e dxágule̱ne̱' benne' wechizruj ca', ne benne' we̱n da zrinnaj ca'?
23460	MAT 9:12	Jesús benne̱' da nigá, na' dxe̱'e̱ benne' ca', gunné̱': ―Quebe dxelechine benne' chawe' nu benne' dxexune̱' bénneache. Benne' we̱' dxelechínene̱' le̱'.
23462	MAT 9:14	Nadxa belezrín lau Jesús benne' ca' dxeledále̱ne̱' Juan, bénnea' dxuchúe̱' bénneache nisa, na' gulenábene̱' Le̱': ―¿Bizr chee̱ na' quebe dxelún gubasa benne' dxusé̱denu' Lue', ca dxuntu' netu', ne ca dxelún benne' xudau' fariseo ca'? Tu dxúnzquezentu' gubasa.
23463	MAT 9:15	Na' Jesús dxe̱'e̱ benne' ca', gunné̱': ―¿Ájala chee̱ na' xelezúa ba xácheze benne' zaj zue̱' laní chee̱ wechaga na' dxácate̱ zua benne' wechaga na' nen le̱'? Wazrín zra gate dua benne' wechaga na'. Nadxa xelúnqueze̱' gubasa.
23466	MAT 9:18	Dxácate̱ na' dxuchalaj Jesús da nigá, na' bzrin tu benne' xíchaje̱ chee̱ benne' judío ca', na' bzu zribe̱' lau Jesús, dxenné̱': ―Bi nu'ula chia' za gútete̱be'. Che Lue' xidu' ne guzé̱ na'u le̱be', wexaca banbe'.
23470	MAT 9:22	Jesús guxéchaje̱', guné̱'e̱ nu'ula', na' dxe̱'e̱ le̱': ―Be̱n dipa lazru', zrí'ina'dau'. Bache bexacu' lawe' da dxéajle̱'u chia'. La bexácate̱ nu'ula na'.
23472	MAT 9:24	Gunná Jesús, dxe̱'e̱ benne' ca': ―Le xedxúaj nigá. Quegá nate bi nú'uladau' nigá. Dxásezebe'. Na' buluzrizre̱' chee̱'.
23475	MAT 9:27	Ca bedxúaj Jesús na', na' chupa benne' xjaque̱' cuzru Le̱', dxelenné̱' zizraj: ―Bexache lazre' netu', Lue', Zri'ine David.
23476	MAT 9:28	Ca guxú'u Jesús lu xu'u naga zúaqueze̱', na' benne' la chul-la caní gulebigue̱' lau Le̱', na' Jesús guzre̱' benne' ca': ―¿Dxéajle̱le wazéqueda' xexuna' le'e? Na' gulé̱'e̱ Le̱': ―Awe', Xran.
23477	MAT 9:29	Nadxa Jesús gudane̱' xiaj lau benne' ca', dxenné̱': ―Gaca chee̱le ca dxéajle̱le.
23478	MAT 9:30	Belexaca xiaj lawe̱'. Nadxa Jesús gunné̱ xuene̱' benne' ca', gunné̱': ―Le guxúe xanne' chee̱ quebe nu neze da nigá.
23481	MAT 9:33	Cáte̱ze bebéaj Jesús be' xriwe̱' nigá, na' benne' quebe dxaca nnie̱' bezú lawe̱' dxuchálaje̱'. Na' benne' ca' belexebánele̱'e̱, dxelenné̱': ―Cabata' ne lé'edxu gaca caní ládujla benne' Israel ca'.
23482	MAT 9:34	Benne' xudau' fariseo ca' gulenné̱': ―Benne' nigá dxebéaje̱' be' xriwe̱', dxuchínene̱' xel-la' waca chee̱ da xriwe̱', da na' dxenná be'e na be' xriwe̱' ca'.
23485	MAT 9:37	Nadxa guzre̱' benne' ca' dxusé̱dene̱': ―Da li, da zrente̱ de̱ da lápadxu, na' bábaze benne' we̱n zrin zaj zre̱'e̱.
23491	MAT 10:5	Nadxa gusel-la Jesús benne' chazrinnu caní. Guzre̱' le̱': ―Quebe cheajle naga zaj zra' benne' quebe zaj naque̱' judío, ne quebe chu'ule xe̱zre ca' zaj nababa Samaria.
23502	MAT 10:16	Na' gunná Jesús: ―Le na' xque nigá. Neda' dxesel-la' le'e, gácale ca zrila' zaj zraba' ládujla becu' xi'a ca'. Chee̱ le̱ na', le gaca sina ca zaj naca be̱la', san le gaca dxexruj lazre' ca zaj naca bgúgudu ca'.
23512	MAT 10:26	Na' gunná Jesús: ―Chee̱ le̱ na', quebe zrébele bénneache. Xúgute̱ da bagácheze gaca béaqueze na, na' xúgute̱ da dxelaca ga nagache gulé'e láuqueze na.
23518	MAT 10:32	Na' gunná Jesús: ―Xúgute̱ benne' ca' dxelexeche̱be̱' zaj naque̱' chia' neda' lau bénneache, cá'anqueze neda' weché̱bequeza' zaj naque̱' chia' neda' lau Xra' zue̱' xabáa.
23520	MAT 10:34	Na' gunná Jesús: ―Quebe guéquele bla'a neda' chee̱ guzúa' xel-la' dxebeza zri lazre' ládujla bénneache. Bla'a neda', quegá chee̱ guzúa' xel-la' dxebeza zri lazre', san chee̱ guzúa' wedil-la.
23526	MAT 10:40	Na' gunná Jesús: ―Che tu benne' gape̱' le'e ba lá'ana, néda'queze gape̱' ba lá'ana, na' bénnea' dxape̱' neda' ba lá'ana, dxápaqueze̱' ba lá'ana Dios, Bénnea' gusel-le̱' neda'.
23531	MAT 11:3	Benne' chupe̱' caní buluche̱be̱' Jesús: ―¿Nacu' Lue' Cristo, Bénnea' dxal-la' xide̱', u che dxal-la' cuézantu' xelá' xetú benne'?
23532	MAT 11:4	Na' beche̱be Jesús: ―Le chjaca cheajé̱zrele Juan da caní dxelé'ele, ne da dxenle.
23535	MAT 11:7	Ca besí'aca benne' chupa ca', na' guzú lau Jesús dxuchálajle̱ne̱' benne' zaj zre̱'e̱ na' ca naca chee̱ Juan. Dxenné̱': ―¿Bizra xeajnna'le le'e le̱'e̱ xixre' na'? ¿Xeajnna'le tu xia da dxuxrize be'?
23549	MAT 11:21	―Baxache' nácale le'e zrale xe̱zre Corazín. Baxache' nácale le'e zrale xe̱zre Betsaida. Caní nácale lawe' da checa' la ba guca lu xe̱zre Tiro, ne lu xe̱zre Sidón ca naca xel-la' waca ca' chee̱ xabáa ca da gulaca ládujla le'e, da zrente̱ ba zeaj gulácue̱' zra lane̱' tuzruj, ne gulegú'e̱ de xíchaje̱' da zaj naca bea na belexebí'i lazre̱'.
23553	MAT 11:25	Ca lu zra na' gunná Jesús: ―Dxue lá'ana' Lue', Xrae, nacu' Xrana xabáa, ne Xrana xe̱zr la xu nigá. Dxue lá'ana' Lue' lawe' da bcácheu' da caní lau benne' sina ca', ne lau benne' dxeléajni'ine̱', san blé'enu' na bidu caní.
23560	MAT 12:2	Gate belelé'e benne' xudau' fariseo ca' da caní, na' gulé̱'e̱ Jesús: ―Guná' xque ca dxelún benne' ca' dxusé̱denu', dxelune̱' zrin da quebe naca chee̱' xelune̱' lu zra dxupá'anadxu.
23561	MAT 12:3	Jesús guzre̱' benne' ca': ―¿Quebe ne gulábale le'e ca be̱n David gate na' le̱', ne benne' ljwezre̱' ca' guledune̱'?
23568	MAT 12:10	Zua tu benne' zua zri ne̱'e̱ ga na'. Benne' judío ca' gulaca lazre̱' xelezrelne̱' ájala xelune̱' chee̱ gaca xelagu zrie̱' chee̱ Jesús. Chee̱ le̱ na' gulenábene̱' Le̱': ―¿Dxunna Dios lataj xexundxu benne' we̱' lu zra dxupá'anadxu?
23569	MAT 12:11	Jesús guzre̱' benne' ca': ―Nútete̱ze benne' zue̱' ládujla le'e, che zua tu zrila' chee̱', ne che bíxreba' tu xe̱dxu situj lu zra dxupá'anadxu, ¿quebe chéaje̱' cheajxeléaje̱'-ba' xca'?
23571	MAT 12:13	Nadxa Jesús guzre̱' benne' we̱' na': ―Bli na'u. Ca blí ne̱'e̱, na' bexaca na ca ne̱'e̱ xetú.
23581	MAT 12:23	Xúgute̱ benne' ca' belexebánene̱', gulenné̱': ―¿Naca benne' nigá Zri'ine David zra?
23582	MAT 12:24	Gate belén benne' xudau' fariseo da nigá, na' gulenné̱': ―Benne' nigá dxebéaje̱' be' xriwe̱', dxuchínene̱' xel-la' dxenná bea chee̱ Beelzebú, xrane be' xriwe̱' ca'.
23583	MAT 12:25	Dxeque be'e Jesús ca da dxelenné̱', dxelé̱'e̱ ljwezre̱', na' guzre̱' le̱': ―Lu xu'u lawe' chee̱ gátete̱ze xe̱zre, che xelaca chupa la'a benne' xu'u lawe' ca', ne bal-le̱' xeledíl-lale̱ne̱' xezícadxe̱', na' wexul-la wenite xel-la' dxenná bea chee̱ benne' ca'. Cá'anqueze che tu xe̱zre benne', u tu cue' xrtía ljwezre xelaque̱' chupa la'a, ne xeledíl-lale̱ne̱' le sa' ljwezre̱', wenítequeze xe̱zre na', u xrtía ljwezre ca'.
23591	MAT 12:33	Na' gunná Jesús: ―Che naca chawe' tu xaga, dxebía na da zixre chawe', na' che naca tu xaga bize, dxebía na da zixre bize. Ca'an naca, tu xaga naca bea na ne̱ chee̱ da zixre da dxebía na.
23596	MAT 12:38	Nadxa bal-la benne' xudau' fariseo, ne benne' dxuluxuzájle̱'e̱ da nadxixruj bea Dios gulé̱'e̱ Jesús: ―Benne' Wese̱de, dxaca lázrentu' le'entu' chiu' gunu' tu xel-la' waca da za xabáa.
23597	MAT 12:39	Na' guzre Jesús benne' ca': ―Bénneache we̱n da cale̱la, benne' zaj naque̱' chupa lazre', dxelenábene̱' neda' guna' tu xel-la' waca da za xabáa. Quebe xelelé'equezne̱' tu xel-la' waca, san tuze ca da dxunna bea na ca da guca chee̱ Jonás, benne' bchálaje̱' waláz chee̱ Dios.