14316	PSA 27:14	Le cueza xelá' Xránadxu. Le gutipa lázrele, na' Le̱' guzé̱ chúchue̱' le'e. Awe', le cueza xelá' Xránadxu.
14664	PSA 47:10	Dxelezraga benne' dxelenná bé'ene̱' xúgute̱ cue' xe̱zr la xu tu zren nen bénneache chee̱ Dios chee̱ Abraham. Benne' ca' dxelenná be'e̱ du gabí'i xe̱zr la xu buludée̱' xel-la' dxenná bea chee̱' lu na' Dios. Le̱' dxenná bé'ene̱' xúgute̱ benne' wenná bea ca'.
14729	PSA 51:6	Lau' Lue' be̱na' dul-la. Awe', lau' Lué'queze, ne ba be̱na' da cale̱la lau' Lue'. Caní dxaca na chia' chee̱ gaca bea nacu' xrlátaje lu da dxenníu', ne nacu' du lazre' ca da dxuchi'u chee̱ bénneache.
14878	PSA 62:4	¿Ajate̱zcha' gucuézale da gunle chee̱ tu benne', na' dxunle ba xen xúgute̱le guzría xile le̱', ca dxun tu benne' dxuchínnaje̱' tu ze'e da ba de̱ chalá'ala, u tu le'aj da ba guzru'?
15162	PSA 77:12	Cheajsá lazra' chee̱ da zrente̱ ca' da be̱n Jah. Awe', cheajsá lazra' chee̱ da be̱nu' nédxudaute̱ da ca' dxexebánentu'.
15171	PSA 77:21	Guche̱'u bénneache chiu' ca zrila' ca' lu na' Moisés, ne lu na' Aarón.
15308	PSA 83:7	benne' Edom ca', ne benne' Ismael ca', ne benne' Moab ca', ne benne' zri'ine zre sua ca' Agar,
15309	PSA 83:8	ne benne' Gebal ca', ne benne' Amón ca', ne benne' Amalec ca', ne benne' Filistea ca', ne benne' zaj zre̱'e̱ xe̱zre Tiro.
15310	PSA 83:9	Cá'anqueze benne' Asiria ca' zaj nune̱' le̱' tuze. Xúgute̱ benne' caní dxelune̱' zrin chee̱ zri'ine zre sua Lot.
15460	PSA 90:17	Xránantu' Dios, be̱n gaca chee̱ntu' da chawe' chiu'. Be̱n chepe ban ca naca zrin dxuntu'. Awe', Xran, be̱n chepe ban ca naca zrin dxuntu'.
15571	PSA 99:6	Moisés, ne Aarón gulaque̱' bxruze chee̱' ca'. Samuel guque̱' tu benne' bchálajle̱ne̱' Le̱'. Gulenné̱' Xránadxu Dios, na' Le̱' beche̱be̱'.
15678	PSA 105:5	Le'e, zri'ine zre sua Abraham, we̱n zrin chee̱ Xránadxu. Le'e, zri'ine zre sua Jacob, bénnea' guqué̱'e̱, Le gusá lazre' xel-la' waca ca', ne da zrente̱ ca' da be̱ne̱', ne ca naca da bchi'e̱ chee̱le.
15682	PSA 105:9	xel-la' wezría na' bé̱nle̱ne̱' Abraham, da na' bzetaj cuine̱' guche̱be lazre̱' chee̱ Isaac,
15699	PSA 105:26	Nadxa gusel-le̱' Moisés, we̱n zrin chee̱', lau bénneache chee̱' ca', ne Aarón, bénnea' guqué̱'e̱.
15715	PSA 105:42	Caní be̱n Dios lawe' da bsa lazre̱' xrtizre̱' lá'azxa da guche̱be lazre̱' gune̱' chee̱ Abraham, we̱n zrin chee̱'.
15734	PSA 106:16	Gulaque̱' xa lazre' chee̱ Moisés naga zaj zre̱'e̱, ne chee̱ Aarón, Bénnea' gucá'a Xránadxu Dios.
15735	PSA 106:17	Nadxa bzra xe̱zr la xu na', ne gude̱be na Datán, ne bgacu na benne' ca' zaj de̱'e̱ Abiram.
15908	PSA 115:10	Le guxrén lazre' Xránadxu, le'e, bxruze chee̱ Dios, nácale zri'ine zre sua Aarón. Le̱' dxácale̱ne̱' le'e, ne dxuxúe̱' le'e.
15910	PSA 115:12	Xránadxu dxajsá lazre̱' dxi'u, na' gune̱' dxi'u da chawe'. Gune̱' da chawe' chee̱ benne' Israel ca'. Gune̱' da chawe' chee̱ bxruze chee̱', zri'ine zre sua Aarón.
15921	PSA 116:5	Cháwe'le̱'e̱ naca Xránadxu Dios, ne xrlátaje naque̱'. Awe', dxexache lazre' Dios chee̱dxu dxi'u.
15940	PSA 118:3	Dxal-la' xelenná zri'ine zre sua Aarón: ¡Chadía chacanna dxexache lazre̱' dxi'u!
16239	PSA 133:2	Naca na ca tu da za da dxuluzúa xíchaje̱', da dxedínnete̱ na dxu'a lawe̱', ca na' dxedínnete̱ na lu luzru Aarón, ne dxedínnete̱ na ga zria zre̱'.
16262	PSA 135:19	Le'e, benne' xrtía Israel, le güe lá'ana Xránadxu Dios. Le'e, benne' xrtia Aarón, le güe lá'ana Xránadxu Dios.
23214	MAT 1:1	Da caní zaj naca na la chee̱ benne' zaj naque̱' xra wdé chee̱ Jesucristo. Jesús nigá nababe̱' zri'ine zre sua David, ne zri'ine zre sua Abraham.
23215	MAT 1:2	Abraham nigá guque̱' xra Isaac. Isaac nigá guque̱' xra Jacob. Jacob nigá guque̱' xra Judá, ne benne' biche̱' ca'.
23216	MAT 1:3	Judá nigá guque̱' xra Fares, ne Zara, na' Tamar guque̱' xrna Fares, ne Zara caní. Fares nigá guque̱' xra Esrom. Esrom nigá guque̱' xra Aram.
23217	MAT 1:4	Aram nigá guque̱' xra Aminadab. Aminadab nigá guque̱' xra Naasón. Naasón nigá guque̱' xra Salmón.
23220	MAT 1:7	Salomón nigá guque̱' xra Roboam. Roboam nigá guque̱' xra Abías. Abías nigá guque̱' xra Asa.
23221	MAT 1:8	Asa nigá guque̱' xra Josafat. Josafat nigá guque̱' xra Joram. Joram nigá guque̱' xra Uzías.
23222	MAT 1:9	Uzías nigá guque̱' xra Jotam. Jotam nigá guque̱' xra Acaz. Acaz nigá guque̱' xra Ezequías.
23223	MAT 1:10	Ezequías nigá guque̱' xra Manasés. Manasés nigá guque̱' xra Amón Amón nigá guque̱' xra Josías.
23226	MAT 1:13	Zorobabel nigá guque̱' xra Abiud. Abiud nigá guque̱' xra Eliaquim. Eliaquim nigá guque̱' xra Azor.
23227	MAT 1:14	Azor nigá guque̱' xra Sadoc. Sadoc nigá guque̱' xra Aquim. Aquim nigá guque̱' xra Eliud.
23230	MAT 1:17	Caní naca, gulaca chidá' cue' bénneache gate guzú lau zua Abraham, ca bzrinte̱ zra zua David, na' gulaca xechidá' cue' bénneache ca' gate guzú lau zua David, ca bzrinte̱ zra gate na' benne' Babilonia ca' guleché̱'e̱ benne' Israel ca' lu xe̱zr la xu chee̱', na' gulaca xechidá' cue' bénneache ca' gate guzú lau zra na', ca bzrinte̱ zra gulaj Cristo.
23260	MAT 2:22	Ca guneze José dxenná bea Arquelao naga nababa Judea waláz chee̱ xre̱', Herodes na', na' bzrebe José xexíaje̱' ga na'. Nadxa bexíaje̱' naga nababa Galilea ca da ba guzre gubáz chee̱ xabáa le̱' lu bchigala.
23270	MAT 3:9	Quebe guéquele lale, dxennale le'eze: “Nalatu' lawe' da nácantu' xrtia Abraham.” Neda' dxapa' le'e: Dios waca xexune̱' xiaj caní zri'ine xrtia Abraham.
23296	MAT 4:18	Gate na' zeaj Jesús dxu'a nísadau' ga nababa Galilea, na' blé'ene̱' chupa benne'. Tue̱' le̱' Simón, ne zua xetú le̱' Pedro, na' xetúe̱' le̱' Andrés, biche Simón na'. Benne' caní zaj naque̱' benne' wezén bela, na' dxuluzale̱' xixruj bela chee̱' lu nisa.
23340	MAT 5:37	Le nnaze: “Awe',” u le nnaze: “Cabí,” lawe' da gate tu benne' dxudadxe̱' chee̱' chee̱ da nigá, naca na chee̱ da xriwe̱'.
23425	MAT 8:11	Neda' dxapa' le'e, zá'aca benne' zante̱ chalá'a naga dxalaj gubizra, ne xechalá'ala naga dxebía gubizra, na' xelebé'e̱ tu zren xelawe̱' nen Abraham, ne Isaac, ne Jacob naga dxenná bea Dios xabáa.
23476	MAT 9:28	Ca guxú'u Jesús lu xu'u naga zúaqueze̱', na' benne' la chul-la caní gulebigue̱' lau Le̱', na' Jesús guzre̱' benne' ca': ―¿Dxéajle̱le wazéqueda' xexuna' le'e? Na' gulé̱'e̱ Le̱': ―Awe', Xran.
23488	MAT 10:2	Caní zaj le̱ chazrinnu benne' gubáz ca' chee̱ Jesús: Benne' nedxu le̱' Simón, ne lé̱queze̱' Pedro. Xetúe̱' naque̱' benne' biche Pedro, le̱' Andrés. Xechupe̱' zaj le̱' Jacobo, ne Juan, benne' zaj naque̱' zri'ine Zebedeo.
23489	MAT 10:3	Xezícala benne' ca' zaj le̱' Felipe, ne Bartolomé, ne Tomás. Xetue̱' le̱' Mateo, benne' wechizruj chee̱ xe̱zre. Xetue̱' le̱' Jacobo, zri'ine Alfeo. Xetue̱' le̱' Lebeo, benne' lé̱queze̱' Tadeo.
23537	MAT 11:9	¿Bízraqueze xeajnna'le? ¿Xeajnna'le tu benne' dxuchálaje̱' waláz chee̱ Dios? Awe'. Ca'an guca. Bénnea' ble'ele na' nácadxe̱' blau ca tu benne' dxuchálaje̱' waláz chee̱ Dios.
23659	MAT 13:51	Nadxa bche̱be Jesús benne' ca', dxenné̱': ―¿Dxéajni'ile le'e xúgute̱ da caní? Benne' ca' gulenné̱': ―Awe', Xran.
23729	MAT 15:27	Nadxa nu'ula na' guzre̱' Jesús: ―Awe', Xran, san bécudu ca' dxeláguquezeba' da bízrujdu ca' dxelexruj zran naga dxelagu xránaba'.
23794	MAT 17:25	Pedro beche̱be̱': ―Awe'. Dxízruje̱' na. Nadxa, gate na' guxú'u Pedro lu xu'u, guzre Jesús le̱': ―¿Aja dxéquenu', Simón? ¿Nuzra na' dxuluchizruj lazruj chee̱ xe̱zr la xu benne' ca' dxelenná bea lu xe̱zr la xu nigá? ¿Dxuluchízruje̱' benne' walázr chee̱', u benne' zitu' ca'?
23923	MAT 21:28	Na' guzre Jesús benne' ca': ―¿Aja dxéquele le'e chee̱ da nigá? Tu benne' zaj zra' chupa zrí'ine̱' bi biu, na' guzre̱' tube': “Zri'ina', guxíaj xeajé̱n zrin lu lina chee̱ uva chia'.”
23958	MAT 22:17	Gunná xque. ¿Aja dxéquenu' lue'? ¿Dxun na ba xen quízrujdxu da dxuluchizruj benne' ca' nasel-la César, benne' zitu', che cabí?
23973	MAT 22:32	“Neda' naca' Dios chee̱ Abraham, ne Dios chee̱ Isaac, ne Dios chee̱ Jacob.” Dios quebe naque̱' Dios chee̱ benne' gate, san naque̱' Dios chee̱ benne' ban, benne' ca' ba gulatie̱' lu xe̱zr la xu nigá.
24022	MAT 23:35	Ca'an gaca, le'e bágale zria chee̱ xel-la' gute chee̱ xúgute̱ benne' xrlátaje ca' belute xra xrtáule ca', gate guzú lau na nu be̱te Abel, benne' xrlátaje, ne naga bzrinte̱ bé̱tele Zacarías ládujla naga zua lataj lá'azxa chee̱ xudau' ne lataj naga dxuluzezxe̱' be̱ xíxre'du ca', be̱ dxelegú'e̱ lu cugu chee̱ Dios.
24148	MAT 26:25	Nadxa gunná Judas, bénnea' gudée̱' Jesús, dxenné̱': ―Benne' dxuse̱de, ¿quebe naca neda'? Na' beche̱be Jesús, gunné̱': ―Awe', lue' na'.
24255	MAT 27:57	Ca guzú lau dxaca waxrinne, na' bla' tu benne' gunní'a le̱' José, benne' xe̱zre Arimatea, benne' dxéajle̱queze̱' chee̱ Jesús.
24300	MRK 1:16	Gate gudá Jesús dxu'a nísadau' chee̱ Galilea, na' blé'ene̱' Simón, ne Andrés, biche Simón na'. Benne' caní dxuluzale̱' xixruj bela chee̱' lu nísadau' lawe' da zaj naque̱' wezén bela.
24313	MRK 1:29	Ca belexedxúaje̱' lu xu'u na' chee̱ judío ca', na' belezrine̱' lizre Simón, ne Andrés. Jacobo ne Juan dxelune̱' Jesús tu zren.
24343	MRK 2:14	Ca gudé Jesús na', ble'ene' Leví, zri'ine Alfeo, dxe'e̱ lataj chee̱ wechizruj. Na' gunná Jesús, dxe̱'e̱ le̱': ―Be̱n neda' tuze. La guxásate̱ Leví, guxíajle̱ne̱' Jesús.
24355	MRK 2:26	Guxú'e̱ lu xu'u chee̱ Dios gate naca Abiatar bxruze blau, na' David gudawe̱' xeta xtila da dxelu'e̱ lau Dios, da quebe dxal-la' gagu benne' xula, san tuze bxruze ca' zaj naca chee̱' xelawe̱' na. Na' bnézrujte̱ David da gulagu benne' ca' zrále̱ne̱' le̱' chee̱ xeta xtila na'.
24375	MRK 3:18	Bchague̱' Andrés ne Felipe, ne Bartolomé, ne Mateo, ne Tomás, ne Jacobo zri'ine Alfeo, ne Tadeo, ne Simón, benne' dxue lázrele̱'e̱ chee̱ lazrie̱',
24560	MRK 7:28	Na' gunná nu'ula': ―Awe', Xran, san bécudu ca' zaj zra' zran ga dxelágube' dxeláguquezba' xeta bizruj da dxuluzexruj bidu ca'.
24768	MRK 12:26	Na'a, ca naca chee̱ benne' gate che xelexebane̱', ¿quebe ne gulábale ca da naxúaj na lu xiche chee̱ Moisés ca gunná Dios gate na' bchálajle̱ne̱' Moisés tu lu xágadau' da dxala xi'? Gunná Dios caní: “Neda' naca' Dios chee̱ Abraham, ne chee̱ Isaac, ne chee̱ Jacob.”
24789	MRK 13:3	Nadxa xjaque̱' lu xi'a chee̱ xaga olivo ca', da zua na chalá'a ca li dxa xu'u xudau'. Gate dxe' Jesús ga na', na' Pedro, ne Jacobo, ne Juan, ne Andrés gulé̱'e̱ Jesús le̱ze̱':
24885	MRK 14:62	Na' gunná Jesús, dxe̱'e̱ le̱': ―Awe', ca' naca'. Walé'ele neda', Benne' Gulje̱' Bénneache, dxe'a chalá'a xabe̱la chee̱ Dios, nape̱' dute̱ xel-la waca. Walé'ele neda' zezá'a lu beuj bza.
24916	MRK 15:21	Tu benne' chee̱ xe̱zre Cirene le̱' Simón, xra Alejandro, ne Rufo, zezé̱'e̱ le̱'e̱ xixre', na' ca bedée̱' na', na' bulusebague̱' le̱' gu'e̱ xaga béguaj chee̱ Jesús.
24924	MRK 15:29	Na' benne' dxeledée̱' na' gulenné̱' schanni' chee̱ Jesús, ne buluté̱' xíchaje̱', dxelenné̱': ―Awe'. Guchínnaju' Lue' xudau' chee̱ntu', na' gate gaca chunna zra, na' xechisu' na.
24937	MRK 15:42	Ca za chizrela bzrin José, benne' Arimatea ga na'. Benne' nigá naque̱' benne' blau ládujla benne' ca' chee̱ xu'u lawe' blau chee̱ judío ca'. Cá'anqueze le̱' dxebeze̱' zra la' Dios chee̱ nna be'e̱. Lawe' da naca zra dxulucueze̱', zra nedxu chee̱ zra dxulupá'ane̱', du lazre̱' guxú'e̱ lau Pilato, na' gunabe̱' si'e̱ lataj xexu'e̱ Jesús.
24967	LUK 1:5	Gate na' naca Herodes wenná bea chee̱ xe̱zre ca' zaj nababa Judea, na' zua tu bxruze le̱' Zacarías, benne' nababe̱' cue' bxruze ca' gunná be'e Abías ca ni'te. Zru'ula Zacarías na' le̱' Elisabet, na' nácaqueze Zacarías na' zre sua benne' ca' gulebábale̱ bxruze Aarón.
25017	LUK 1:55	ca da guche̱be lazre̱' chee̱ xra xrtáudxu ca', chee̱ Abraham, ne chee̱ benne' xrtie̱' ca' chadía chacanna.
25035	LUK 1:73	Da nigá naca na da guche̱be lazre' Dios da bzua chache̱' nen xra xrtáudxu Abraham, da naca tu da gunne̱' chee̱dxu dxi'u.
25043	LUK 2:1	Ca lu zra na' gate dxenná bea Augusto, benne' xe̱zre Roma, benne' dxenná be'e̱ xúgute̱ cue' xe̱zr la xu, le̱' gunná bé'ene̱' xelú'u lu xiche xúgute̱ benne' zaj zre̱'e̱ xe̱zr la xu.
25078	LUK 2:36	Cá'anqueze zua na' tu nu'ula dxenné̱' waláz chee̱ Dios, le̱' Ana. Nu'ula nigá naque̱' zri'ine Fanuel, ne xrtia Aser. Ba naque̱' nu'ula gúlale̱'e̱. Bchaga ne̱'e̱ gate na' naque̱' nu'ula cuíde'te̱, na' guzúale̱ne̱' benne' chee̱' gazre iza.
25080	LUK 2:38	Ana na' bzrínqueze̱' na', na' ca gudé guzre̱' Dios: “Xcalenu'”, na' guzú lawe̱' dxuchálaje̱' chee̱ bidu Jesús nen xúgute̱ benne' ca' dxelebeze̱' benne' na' sel-la Dios chee̱ guselé̱' benne' Jerusalén ca'.
25095	LUK 3:1	Iza chinu' ca dxenná bea Tiberio, benne' dxenná be'e ca naca xe̱zr la xu, na' Poncio Pilato dxenná be'e̱ naga nababa Judea, na' Herodes dxenná be'e̱ naga nababa Galilea, na' Felipe, benne' biche Herodes, dxenná be'e̱ naga nababa Iturea, ne Traconite, na' Lisanias dxenná be'e̱ naga nababa Abilinia.
25096	LUK 3:2	Na' Anás, ne Caifás zaj naque̱' bxruze blau. Ca lu zra na' Dios bchálajle̱ne̱' Juan, zri'ine Zacarías, naga zua Juan le̱'e̱ xixre' lawe' lataj.
25102	LUK 3:8	Le gun da gulé'e na ba bebí'i lázrele, ne quebe nnale lu lázrdaule: Nácantu' xrtia ljwezre Abraham. Neda' dxapa' le'e, Dios wazéquene̱' xexune̱' xiaj caní xrtia Abraham.
25119	LUK 3:25	José nigá guque̱' zri'ine Matatías, Matatías na' guque̱' zri'ine Amós, Amós na' guque̱' zri'ine Nahum, Nahum na' guque̱' zri'ine Esli, Esli na' guque̱' zri'ine Nagai.
25122	LUK 3:28	Neri na' guque̱' zri'ine xetú Melqui, Melqui nigá guque̱' zri'ine Adi, Adi na' guque̱' zri'ine Cosam, Cosam na' guque̱' zri'ine Elmodam, Elmodam na' guque̱' zri'ine Er,
25127	LUK 3:33	Naasón na' guque̱' zri'ine Aminadab, Aminadab na' guque̱' zri'ine Aram, Aram na' guque̱' zri'ine Esrom, Esrom na' guque̱' zri'ine Fares, Fares na' guque̱' zri'ine xetú Judá,
25128	LUK 3:34	Judá nigá guque̱' zri'ine Jacob, Jacob na' guque̱' zri'ine Isaac, Isaac na' guque̱' zri'ine Abraham, Abraham na' guque̱' zri'ine Taré, Taré na' guque̱' zri'ine Nacor.
25130	LUK 3:36	Sala na' guque̱' zri'ine Cainán, Cainán na' guque̱' zri'ine Arfaxad, Arfaxad na' guque̱' zri'ine Sem, Sem na' guque̱' zri'ine Noé, Noé na' guque̱' zri'ine Lamec,
25132	LUK 3:38	Cainán na' guque̱' zri'ine Enós, Enós na' guque̱' zri'ine Set, Set na' guque̱' zri'ine Adán, Adán na' guque̱' ca zrí'inequeze Dios.
25229	LUK 6:14	Benne' caní zaj naque̱': Simón, (bénnea' bzue̱' le̱' Pedro), Andrés, (benne' biche Simón na'), Jacobo, Juan, Felipe, Bartolomé,
25230	LUK 6:15	Mateo, Tomás, Jacobo, (zri'ine Alfeo), Simón, (bénnea' dxedábague̱' benne' Roma ca')
25290	LUK 7:26	Che cabí, ¿bizra xeajnna'le? ¿Tu benne' dxuchálaje̱' waláz chee̱ Dios? Awe', ble'ele tu benne' nácadxe̱' szren ca tu benne' dxuchálajé̱' waláz chee̱ Dios.
25458	LUK 10:26	Jesús beche̱be̱': ―¿Bizra da naxúaj na lu da nadxixruj bea Dios? ¿Aja dxéquenu' da dxulabu'?
25525	LUK 11:51	gate na' tu benne' be̱tie̱' Abel, zri'ine Adán, ca bzrinte̱ zra belutie̱' Zacarías gachaj láwela naga zua lucugu, ne naga zua lataj lá'azxa. Ca'an dxapa' le'e, Dios gusebague̱' benne' zaj zre̱'e̱ lu zra na'a zra xel-la gute chee̱ benne' ca'.
25533	LUK 12:5	Na'a dxapa' le'e nu dxal-la' zrébele. Le zrebe Bénnea' gate te xequé̱'e̱ xel-la nabán chee̱ bénneache, nape̱' xel-la dxenná bea gudée̱' bénneache ca' lataj ba xa'. Awe', Le̱' le zrebe.
25603	LUK 13:16	Nú'ula nigá naque̱' xrtia Abraham, na' da xriwe̱' nuchéaj na le̱' lu xízrawe̱' nigá ba zeaj chinu chunna iza, na' ¿quebe dxal-la' xebéaja' xízrawe̱' da nuchéaj na le̱' lu zra dxupá'anadxu?
25605	LUK 13:18	Nadxa gunná Jesús: ―¿Aja naca xel-la dxenná bea chee̱ Dios, ne bi gutil-le lé̱beda' na?
25615	LUK 13:28	Na' cuézrele, ne xagu xá'ate̱ lázxale gate lé'ele Abraham, ne Isaac, ne Jacob, ne xúgute̱ benne' ca' gulenné̱' waláz chee̱ Dios, zaj zue̱' naga dxenná bea Dios, na' le'e zrale chalé'ajla.
25711	LUK 16:22	Bzrin zra gute benne' xache' na', na' belexeché̱' gubáz chee̱ xabáa ca' le̱' zeajxezúale̱ne̱' Abraham lu lataj chawe' chee̱ Dios. Cá'anqueze gute benne' gunní'a na', na' bulucache̱' le̱'.