13955	PSA 2:6	Dxenné̱': “Lu xi'a lá'azxa chia', xi'a Sión ba nuzúa' benne' gaque̱' Wenná Bea waláz chia' neda'.”
13996	PSA 6:4	Sté̱bele̱'e̱ zua xichaj lázrdawa'. Xran, ¿bátala gácale̱nu' neda'?
14043	PSA 9:12	Le gul-la chee̱ Xránadxu, Bénnea' zue̱' xe̱zre Sión. Le guzén benne' xe̱zre ca' ca zaj naca da ca' nune̱',
14046	PSA 9:15	chee̱ guzenda' bénneache da dxue lá'ana' Lue', naga dxu'untu' xe̱zre Sión, ne chee̱ beda' lawe' da bseláu' neda'.
14164	PSA 18:34	Dxune̱' ni'a ca zaj naca ni'a bzrina' xixre' ne dxuzúa chúchue̱' neda' lu xi'a Sión chee̱'.
14199	PSA 20:3	Dxenaba' Le̱' naga zue̱' lataj lá'azxa chee̱' sel-le̱' da gácale̱ na lue', ne chee̱ xi'a Sión xide̱' guxre̱' lue'.
14439	PSA 35:9	Nadxa béle̱'e̱quezda' ca naca da nun Xránadxu Dios. Sua' lu da ba neza lawe' da bselé̱' neda'.
14667	PSA 48:3	Sión, da naca na xi'a chee̱ Dios, naca na sibe, ne xrtante̱. Naca na xe̱zre chee̱ Wenná Bea zrente̱, da dxunna na xel-la' dxebé dute̱ xe̱zr la xu nigá.
14676	PSA 48:12	Xelebéle̱'e̱ bénneache zaj zre̱'e̱ Sión. Xelebéle̱'e̱ bénneache zaj zre̱'e̱ xe̱zre ca' chee̱ Judá ne̱ chee̱ da dxuchi'u chee̱'.
14702	PSA 50:2	Lu xi'a Sión, da naca na xrtánle̱'e̱ ba bzaní' Dios.
14743	PSA 51:20	Dute̱ xel-la' zri'i lazre' chiu', be̱n gaca chawe' chee̱ xe̱zre Sión. Bsegula ze'e da nazechaj na xe̱zre Jerusalén.
14762	PSA 53:7	Dxenaba' Dios gune̱' dxuaj Sión da gácale̱ na benne' Israel ca'. Gate ba nun Dios xelezrín bénneache chee̱' lu xe̱zr la xu cheé̱queze̱', xelebé zri'ine zre sua Jacob, ne xelezúa lu da ba neza benne' Israel ca'.
14824	PSA 58:3	¡Cabíze̱'! ¡Lu lázrdaule dxugú'u beale da zrinnaj! ¡Sté̱bele̱'e̱ dxuzúale bénneache lu xe̱zr la xu chia'!
14859	PSA 60:8	Dios gunné̱' lu lataj lá'azxa chee̱': “Wabéquezda' neda'. Gunna' late weaj chee̱le xe̱zr la xu chee̱ benne' Siquem, ne gudxixra' chee̱le xe̱zr la xu de̱ cuita xe̱gu Sucot.
14861	PSA 60:10	Xe̱zr la xu chee̱ benne' Moab naca na ca tu zriga' da xuzru nisa guná'a, na' xe̱zr la xu chee̱ benne' Edom guchichan' nen zrela'. Si'a ba neza xe̱zr la xu chee̱ benne' Filistea.”
14870	PSA 61:5	Tu súazqueza' lu xu'u lá'azxa chiu'. Sua chawa'a cuitu' Lue' ca zaj zua chawe' bedxuj dxé'enedu ca' zran xrila bedxuj.
14912	PSA 65:2	Naca chiu' Lue', Dios, güe lá'anantu' Lue' lu xe̱zre Sión, na' guntu' da guche̱be lázrentu' chiu'.
14961	PSA 68:9	na' guzrú' xe̱zr la xu na'. Cá'anqueze gúcale̱'e̱ xiuj lau Dios. Xi'a Sinaí guzrize na lau Dios, Dios chee̱ benne' Israel ca'.
14967	PSA 68:15	Gate be̱se dinnaj Dios zrente̱ wenná bea ca' lataj na', na' bexruj bezxe' da bgacu na xi'a Salmón.
14970	PSA 68:18	Da zaj naché̱' benne' ca' lu wedil-la da napa Dios zánete̱ cue' gaxúa zaj naca na. Xránadxu Dios zezé̱'e̱ xi'a Sinaí chee̱ sue̱' lataj lá'azxa chee̱'.
15024	PSA 69:36	Dios guselé̱' benne' zaj zre̱'e̱ xe̱zre Sión, ne xexune̱' xe̱zre ca' zaj zra na lu xe̱zr la xu chee̱ benne' Judá ca', na' tu xelezúazqueze̱' na', ne gata' chee̱' xe̱zr la xu na'.
15054	PSA 71:23	¡Sua' lu da ba neza gate gúl-laqueza' chiu' Lue', ne béqueze bénne'du xu'a, bénne'du' bexa'u!
15065	PSA 72:10	Benne' wenná bea chee̱ xe̱zr la xu Tarsis, ne wenná bea ca' chee̱ tu tu cue' xe̱zr la xu zitu' ca' xelelé̱'e̱ zaj nu'e̱ da xulunézruje̱' chee̱', na' benne' wenná bea chee̱ xe̱zr la xu Sabá, ne wenná bea chee̱ Seba xulunézruje̱' chee̱' da gunní'a.
15070	PSA 72:15	Gaca ban wenná bea nigá, na' xulunézruje̱' chee̱' oro chee̱ xe̱zr la xu Sabá, na' tu xelenábazqueze bénneache Dios gácale̱ne̱' le̱', ne te zra chizrela xelenabe̱' Dios gune̱' gaca chawe' chee̱ wenná bea na'.
15105	PSA 74:2	Bsá lazre' bénneache chiu', benne' ca' guzi'u nédxudaute̱. Benne' ca' bexa'u chee̱ gunu' xelaque̱' benne' cheé̱quezu', benne' ca' zaj zre̱'e̱ lu xi'a Sión nigá, naga zúaquezu' Lue'.
15140	PSA 76:3	Lu xe̱zre Salem zua lataj lá'azxa chee̱'. Lu xe̱zre Sión zua naga zúaqueze̱'.
15231	PSA 78:60	Guleaj xíchaje̱' xu'u xide lá'azxa chee̱' zua na xe̱zre Silo, xu'u xide na' guzuáqueze̱' ládujla benne' ca'.
15239	PSA 78:68	san bequé̱'e̱ zri'ine zre sua Judá, ne xi'a Sión, da na' nazrí'ile̱'e̱ne̱'.
15311	PSA 83:10	Be̱n chee̱ benne' caní ca be̱nu' chee̱ benne' Madián ca', ne ca be̱nu' chee̱ Sísara, ne ca be̱nu' chee̱ Jabín dxu'a xe̱gu Cisón,
15326	PSA 84:6	Ba neza zrente̱ naca na chee̱ benne' ca', Lue' dxuzúa chuchu' le̱', benne' ca' dxelezá lazre̱' chjaque̱' xi'a lá'azxa chiu', xi'a Sión.
15328	PSA 84:8	Dxelácadxe̱' benne' wal-la dxácate̱ ne zaj xu'e̱ neza lawe' da xelelé'ene̱' Dios lu xi'a lá'azxa chee̱', xi'a Sión.
15365	PSA 87:1	Lane xe̱zre Sión zria na lu xi'a lá'azxa.
15366	PSA 87:2	Nazrí'idxa Xránadxu Dios lataj naga dxuluchi'a benne' zaj zre̱'e̱ xe̱zre Sión, ca nazrí'ine̱' xúgute̱ xu'u lizre zri'ine zre sua Jacob.
15369	PSA 87:5	Ca naca chee̱ xe̱zre Sión nnia': Benne' nigá, ne bénnea' gulálaje̱' ga na', na' neda', Dios zrente̱, guzúa chúchua' xe̱zre na'.
15450	PSA 90:7	Dxebía xi'ntu' lawe' da dxezra'u netu'. Sté̱bele̱'e̱ zúantu' lawe' da dxezrá'le̱'u netu'.
15535	PSA 96:4	Szrente̱ naca Xránadxu, ne naca chee̱' güe lá'anale̱'e̱dxu Le̱'. Naca chee̱' gápadxe̱' xel-la' ba lá'ana ca dios ca' chee̱ bénneache,
15552	PSA 97:8	Belén benne' zaj zre̱'e̱ Sión, na' gulebene̱'. Gulebé benne' zaj zre̱'e̱ Judá, ne̱ chee̱ da guchi'u Lue', Xran.
15553	PSA 97:9	Szrente̱ nacu' Lue', Xran, lawe' dute̱ xe̱zr la xu. Szrendxa nacu' Lue' ca xúgute̱ dios chee̱ bénneache.
15567	PSA 99:2	Szrente̱ naca Xránadxu lu xi'a Sión. Naque̱' szren lawe' xúgute̱ cue' xe̱zr la xu ca'.
15571	PSA 99:6	Moisés, ne Aarón gulaque̱' bxruze chee̱' ca'. Samuel guque̱' tu benne' bchálajle̱ne̱' Le̱'. Gulenné̱' Xránadxu Dios, na' Le̱' beche̱be̱'.
15601	PSA 102:14	Chasu', ne xexache lazru' benne' zaj zre̱'e̱ xe̱zre Sión, lawe' da ba bzrin zra xexache lazru' benne' ca'.
15604	PSA 102:17	gate ba bechisu' xe̱zre Sión, Xran, ne xelelé'equezne̱' ca naca da xabáa chee̱ na,
15609	PSA 102:22	Xuluzenne̱' benne' zaj zre̱'e̱ xe̱zre Sión ca szren naca La Xránadxu Dios, chee̱ xelúe lá'ane̱' Le̱' lu xe̱zre Jerusalén,
15817	PSA 108:8	Lu lataj lá'azxa chee̱' gunná Dios: “Wabéquezda' neda'. Gunna' late weaj chee̱le xe̱zr la xu chee̱ benne' Siquem ca', ne gudixra' chee̱le xe̱zr la xu de̱ cuite xe̱gu Sucot.
15819	PSA 108:10	Xe̱zr la xu chee̱ benne' Moab naca na ca tu zriga' da xuzru nisa guná'a, na' lu xe̱zr la xu chee̱ benne' Edom chu'una' zrela' gula. Si'a ba neza xe̱zr la xu chee̱ benne' Filistea.”
15856	PSA 110:2	Naga zu' Sión, gun Xránadxu zriluj xel-la' dxenná bea chiu'. Dxenné̱': “Gunná be'e benne' ca' dxeledábague̱' lue'.
15885	PSA 113:4	¡Szrente̱ nagá'ana Xránadxu Dios lawe' dute̱ xe̱zr la xu, na' láwela xabáa dxe' da xabáa chee̱'!
15929	PSA 116:13	Si'a lu ne̱'e̱ xel-la' weselá, ne guláwizra' Xránadxu Dios.
15953	PSA 118:16	Szrente̱ nagá'ana xel-la' waca zren chee̱ Xránadxu Dios. Da zrente̱ ca' dxun xel-la' waca zren chee̱ Xránadxu.
16121	PSA 119:155	Sté̱bele̱'e̱ naca xelelá benne' ca' dxelebéaj xíchaje̱' Lue', Dios, lawe' da quebe dxelebé'e̱ gunne xue xelune̱' ca naca xrba chiu'.
16179	PSA 125:1	Benne' ca' dxuluxrén lazre' Xránadxu Dios zaj naque̱' ca xi'a Sión, da quebe nu seque' gutá, san tu chí'izqueze zua chacha na.
16184	PSA 126:1	Gate Xránadxu Dios bselé̱' dxi'u lu na' benne' zitu' ca', ne begu'e̱ dxi'u lu xe̱zre Sión, gúquedxu dxenne̱dxu xe̱la.
16199	PSA 128:5	Dxenaba' gun Xránadxu, zue̱' xi'a Sión, gaca chawe' chiu', chee̱ le'enu' gaca chawe' chee̱ xe̱zre Jerusalén xúgute̱ zra naca banu',
16205	PSA 129:5	Be̱n cheajlechaze, ne xelebígaqueze xúgute̱ benne' ca' dxelecuídene̱' benne' Sión ca'.
16232	PSA 132:13	Lawe' da gucá'a Xránadxu Dios xe̱zre Sión, guca lazre̱' sua xu'u lízrequeze̱' ga na'.
16240	PSA 133:3	Dxedínnete̱ na ca xrle̱'e̱la da dxexruj lu xi'a Hermón, ne dxexruj na lu xi'a Sión lawe' da gun Xránadxu Dios gaca chawe' chee̱ bénneache zaj zre̱'e̱ na', ne gunne̱' benne' ca' xel-la' nabán da zeajlí canna.
16243	PSA 134:3	Dxenaba' lau Xránadxu zue̱' Sión gune̱' gaca chawe' chiu', naque̱' Bénnea' be̱ne̱' xabáa, ne xe̱zr la xu.
16254	PSA 135:11	Be̱tie̱' Sehón, wenná bea chee̱ benne' amorreo ca', ne Og, wenná bea chee̱ benne' Basán ca', ne xúgute̱ benne' wenná bea chee̱ benne' Canaán ca'.
16264	PSA 135:21	Le'e, zrale xe̱zre Sión, le güe lá'ana Xránadxu Dios, Bénnea' zúaqueze̱' xe̱zre Jerusalén. ¡Gaca ba lá'azxa Xránadxu Dios!
16283	PSA 136:19	¡Be̱tie̱' Sehón, wenná bea chee̱ benne' amorreo ca'! ¡Chadía chacanna dxexache lazre̱' dxi'u!
16291	PSA 137:1	Dxu'a xe̱gu chee̱ xe̱zr la xu Babilonia gudxé'edxu, ne gudxézredxu gate xeajsá lázredxu chee̱ xe̱zre Sión.
16293	PSA 137:3	Benne' ca' guleché̱'e̱ dxi'u ca benne' zaj nada'u gulenábene̱' dxi'u gúl-ladxu. Benne' ca' buluzría xi' xe̱zre chee̱dxu gulé̱'e̱ dxi'u súadxu lu xel-la' dxebé, gulenné̱': Le gul-la chee̱ntu' da ca' bíl-lale lu xe̱zre Sión.
16305	PSA 138:6	Szrente̱ naca Xránadxu Dios, ne dxácale̱ne̱' benne' baxache' ca', na' quebe dxu'e̱ lataj benne' dxucá'ana szren cuine̱' zrine̱' lau Le̱'.
16393	PSA 145:3	¡Szrente̱ naca Xránadxu Dios, ne naca chee̱' tu güe lá'anazquezdxu Le̱'! ¡Québequeze séquedxu gúnbeadxu ca szrente̱ naque̱'!
16421	PSA 146:10	Tu nna béazqueze Xránadxu Dios. Le'e, benne' xe̱zre Sión, nna be'e Dios chee̱le ne xúgute̱ cuen zri'ine zre súale. ¡Gaca ba lá'azxa Xránadxu Dios!
16426	PSA 147:5	¡Szrente̱ naca Xránadxu Dios, ne nape̱' dute̱ xel-la' waca! ¡Quebe bi de̱ da quebe dxéajni'ine̱'!
16433	PSA 147:12	¡Le güe lá'ana Xránadxu Dios, le'e zrale xe̱zre Jerusalén! ¡Le güe lá'ana Dios chee̱le, le'e zrale xe̱zre Sión!
16454	PSA 148:13	¡Le güe lá'ana La Xránadxu! ¡Szrénte̱dxa naca La Le̱' ca xúgute̱ la bénneache! ¡Da xabáa chee̱' dxulé'e lau na lu xe̱zr la xu, ne xabáa!
16457	PSA 149:2	¡Le be, le'e, benne' Israel, lau Bénnea' be̱ne̱' le'e! ¡Le sua xel-la' dxebé, le'e, zrale Sion, lau Bénnea' naque̱' Wenná Bea chee̱le!
23217	MAT 1:4	Aram nigá guque̱' xra Aminadab. Aminadab nigá guque̱' xra Naasón. Naasón nigá guque̱' xra Salmón.
23218	MAT 1:5	Salmón nigá guque̱' xra Booz, na' Rahab guque̱' xrna Booz nigá. Booz nigá guque̱' xra Obed, na' Rut guque̱' xrna Obed nigá. Obed nigá guque̱' xra Isaí.
23219	MAT 1:6	Isaí nigá guque̱' xra David, benne' wenná bea. Wenná bea David nigá, ne nu'ula na' nédxute̱ guque̱' zru'ula Urías gulaque̱' xra xrna Salomón.
23220	MAT 1:7	Salomón nigá guque̱' xra Roboam. Roboam nigá guque̱' xra Abías. Abías nigá guque̱' xra Asa.
23225	MAT 1:12	Jeconías nigá guque̱' xra Salatiel. Salatiel nigá guque̱' xra Zorobabel.
23227	MAT 1:14	Azor nigá guque̱' xra Sadoc. Sadoc nigá guque̱' xra Aquim. Aquim nigá guque̱' xra Eliud.
23296	MAT 4:18	Gate na' zeaj Jesús dxu'a nísadau' ga nababa Galilea, na' blé'ene̱' chupa benne'. Tue̱' le̱' Simón, ne zua xetú le̱' Pedro, na' xetúe̱' le̱' Andrés, biche Simón na'. Benne' caní zaj naque̱' benne' wezén bela, na' dxuluzale̱' xixruj bela chee̱' lu nisa.
23302	MAT 4:24	Ca'an guca, xúgute̱ benne' chee̱ xe̱zr la xu Siria belenne̱' ca da dxun Jesús, na' belezrine̱' lau Jesús, zaj naché̱'e̱ benne' we̱' ca', benne' zaj xu'e̱ xízrawe̱', ne benne' zaj zue̱' lu xel-la' dxudía, ne benne' zaj xu'e̱ be' xriwe̱', ne benne' zaj xu'e̱ chuna', ne benne' zaj naxrú'unie̱' bine, na' bexún Jesús xúgute̱ benne' caní.
23380	MAT 6:29	Dxapa' le'e, Salomón benne' wenná bea na' quebe gucue̱' ca da xrtan chee̱ xiaj caní, na' le̱' gúta'le̱'e̱ chee̱' da gunní'a.
23488	MAT 10:2	Caní zaj le̱ chazrinnu benne' gubáz ca' chee̱ Jesús: Benne' nedxu le̱' Simón, ne lé̱queze̱' Pedro. Xetúe̱' naque̱' benne' biche Pedro, le̱' Andrés. Xechupe̱' zaj le̱' Jacobo, ne Juan, benne' zaj naque̱' zri'ine Zebedeo.
23490	MAT 10:4	Xetúe̱' le̱' Simón, benne' dxe'e̱ gunne xue chee̱ xe̱zr la xu Israel. Xetúe̱' le̱' Judas Iscariote, bénnea' gudée̱' Jesús lu na' benne' dxeledábague̱' Le̱'.
23491	MAT 10:5	Nadxa gusel-la Jesús benne' chazrinnu caní. Guzre̱' le̱': ―Quebe cheajle naga zaj zra' benne' quebe zaj naque̱' judío, ne quebe chu'ule xe̱zre ca' zaj nababa Samaria.
23501	MAT 10:15	Da li dxapa' le'e, ca zrin zra guchi'a Dios, Dios gundxe̱' da ba xa' chee̱ benne' xe̱zre na' quez ca da gune̱' chee̱ benne' Sodoma, ne benne' Gomorra, xe̱zre ca' guzría xi'e̱.
23549	MAT 11:21	―Baxache' nácale le'e zrale xe̱zre Corazín. Baxache' nácale le'e zrale xe̱zre Betsaida. Caní nácale lawe' da checa' la ba guca lu xe̱zre Tiro, ne lu xe̱zre Sidón ca naca xel-la' waca ca' chee̱ xabáa ca da gulaca ládujla le'e, da zrente̱ ba zeaj gulácue̱' zra lane̱' tuzruj, ne gulegú'e̱ de xíchaje̱' da zaj naca bea na belexebí'i lazre̱'.
23550	MAT 11:22	Neda' dxapa' le'e, lu zra guchi'a Dios, gundxe̱' da ba xa' chee̱le quez ca da ba xa' gune̱' chee̱ benne' Tiro, ne benne' Sidón.
23551	MAT 11:23	Le'e zrale xe̱zre Capernaum, ¿dxéquele Dios wechise̱' le'e xabáa? Dios gudée̱' le'e lataj ba xa'. Caní gaca na lawe' da checa' la ba guca lu xe̱zre Sodoma ca naca xel-la' waca ca' chee̱ xabáa ca da gulaca ládujla le'e, nagá'anate̱queze xe̱zre na' lu zra na'a zra.
23552	MAT 11:24	Neda' dxapa' le'e, lu zra guchi'a Dios, gundxe̱' da ba xa' chee̱le quez ca gune̱' da ba xa' chee̱ benne' Sodoma ca'.
23584	MAT 12:26	Cá'anqueze, che Satanás, da xriwe̱', dxebéaje na ljwezre da xriwe̱', le̱ze na dxexún na chupa la'a cuina na. ¿Ájazra gácaqueze nna bea na?
23600	MAT 12:42	Cá'anqueze nu'ula na' gunná be'e̱ chalá'a naga dxedá gubizra beu' zaga ca' wexásaqueze̱' lu zra guchi'a Dios gate guchi'e̱ chee̱ bénneache zaj zre̱'e̱ na'a, na' nu'ula na' gulé'ene̱' zaj nabaga zria benne' caní lawe' da bezé̱'e̱ naga naca zítu'te̱ chee̱ xe̱zr la xu nigá chee̱ xenne̱' dizra' sina da bchalaj Salomón, na' blaudxa ca Salomón na' naca Benne' zue̱' nigá.
23663	MAT 13:55	Benne' nigá naque̱' zri'ine gubizre xaga, na' naca xrne̱'e̱ María. Naque̱' bi biche Jacobo, ne José, ne Simón, ne Judas.
23723	MAT 15:21	Nadxa bedxuaj Jesús na', zexíaje̱' chala'a naga zaj nababa xe̱zre Tiro, ne xe̱zre Sidón.
23757	MAT 16:16	Gunná Simón Pedro: ―Lue' nacu' Cristo, Zri'ine Dios ban.
23758	MAT 16:17	Beche̱be Jesús: ―Ba neza zren naca na chiu' Simón, zri'ine Jonás. Netú benne' quebe ne gulé'ene̱' lue' da nigá, san Xra' zua xabáa, Le̱' blé'ene̱' lue'.
23794	MAT 17:25	Pedro beche̱be̱': ―Awe'. Dxízruje̱' na. Nadxa, gate na' guxú'u Pedro lu xu'u, guzre Jesús le̱': ―¿Aja dxéquenu', Simón? ¿Nuzra na' dxuluchizruj lazruj chee̱ xe̱zr la xu benne' ca' dxelenná bea lu xe̱zr la xu nigá? ¿Dxuluchízruje̱' benne' walázr chee̱', u benne' zitu' ca'?
23900	MAT 21:5	Le xe̱ benne' zaj zra' xe̱zre Sión: “Le nna', Benne' nna bé'ene̱' le'e ze̱'e̱ naga zúale. Dute̱ xel-la' dxexruj lazre' zrie̱' tu burro bzrise'. Zrie̱' tu búrrodau', zri'ine tu be̱ dxua xua.”