13959	PSA 2:10	Na'a, le'e, wenná bea, le xene da nigá dxuzéajni'ida' le'e. Le guse̱de da nigá dxusízreda' le'e, benne' dxelenná bea lu xe̱zr la xu.
13961	PSA 2:12	Le gapa ba lá'ana Zrí'ine̱' chee̱ quebe zre̱'e̱, checa' cuía xile la neza chee̱le, lawe' da la zra'ate̱ Le̱'. Da ba neza zrente̱ naca na chee̱ xúgute̱ benne' dxuluxrén lazre̱' Le̱'.
13966	PSA 3:5	Gudxezre xa'a, bláwizra' Xrana' Dios, na' Le̱' beche̱be̱' chia' naga zue̱' lu xi'a lá'azxa chee̱'.
13970	PSA 3:9	Xel-la' weselá za' lu na'u, Xrana' Dios. Be̱n da chawe' chee̱ bénneache chiu'.
13973	PSA 4:3	Le'e, bénneache, ¿ájate̱scha' gucá'ana dítjale neda'? ¿Ájate̱scha' zri'ile da quebe zaca, ne chéajle̱le da we̱n lazre'?
14003	PSA 6:11	Dxelexedué'e, ne zaj zua lu da sté̱bele̱'e̱ xúgute̱ benne' dxeledábague̱' neda'. Chadite̱ xelexebigue̱' naga zua', ne xelexedué'ene̱'.
14027	PSA 8:6	Be̱nu' le̱' látezdxa szren ca nacu' Lué'queze, ne bzu' chee̱' xel-la' szren, ne xel-la' ba lá'ana.
14028	PSA 8:7	Be̱nu' dxenná bé'ene̱' xúgute̱ da ca' nunu'. Xúgute̱ na bdeu' lu ne̱'e̱,
14056	PSA 10:4	Benne' we̱n da cale̱la na' lu xel-la' dxucá'ana szren cuine̱' quebe dxape' Dios ba lá'ana, ne quebe dxéquene̱' che zua Dios.
14076	PSA 11:6	Gudée̱' benne' ca' dxelune̱' da cale̱la lu da zi' da xa', da zaj naca na xi', ne da dxuzézrele̱'e da dxala na ca xedxe, ne tu be' lále̱'e̱, da ca' sel-le̱' lawe' benne' ca'.
14099	PSA 14:7	Xídatega Bénnea' guselé̱' benne' Israel ca'. Gate gun Xránadxu xelexezrín benne' chee̱' ca', benne' ca' zaj nada'u zítu'la, na' welebé zri'ine zre sua Jacob, ne welebéle̱'e̱quezne̱' benne' Israel ca'.
14116	PSA 17:1	Bze̱ naga chi'a, Xran. Ben xanne' da dxuláwizra' Lue'. Guzí' da dxenaba' Lue', naca' du lazra'.
14121	PSA 17:6	Dxuláwizra' Lue', Dios, lawe' da dxennu' chi'a. Bze̱ naga chi'a, na' bene da dxennía'.
14149	PSA 18:19	Buluzague̱' neda' gate na' zua' lu da sté̱bele̱'e̱, san Xrana' Dios gúcale̱ne̱' neda'.
14150	PSA 18:20	Bebéaje̱' neda' naga xu'a, ne bzue̱' neda' tu lataj zren. Bselé̱' neda' lawe' da bezaca ba lazre̱' chia'.
14176	PSA 18:46	Benne' zitu' ca' gulate ni'a ne̱'e̱, na' beledxúaje̱' dxelezrízie̱' lu xe̱zre zrentau' chee̱' ca'.
14181	PSA 18:51	Dxun Dios dxenná bea bénnea' waláz chee̱', ne dxexache lazre̱' bénnea' guqué̱'e̱, bénnea' naque̱' David, ne zri'ine zre sue̱' chadía chacanna.
14190	PSA 19:9	Da líqueze zaj naca da nadxixruj bea Xránadxu, na' dxelebéle̱'e̱ benne' ca' dxelune̱' ca zaj naca na. Du lazre' zaj naca da dxuzéajni'i Xránadxu dxi'u, da dxuluzúa na dxi'u lu xel-la' naxaní'.
14205	PSA 20:9	Benne' ca' gulate ni'a ne̱'e̱, ne xeajlechazie̱'. Dxi'u bexásadxu, na' ze̱dxu.
14212	PSA 21:6	Zrente̱ naca xabáa chee̱' lawe' da bseláu' le̱'. Be̱nnu' le̱' xel-la' ba lá'ana, ne xel-la' szren.
14217	PSA 21:11	Xúgute̱ da belune̱' lu xe̱zr la xu nigá guzria xi'u, ne xegú' zri'ine zre sue̱' ládujla bénneache,
14228	PSA 22:8	Xúgute̱ benne' dxelelé'e neda' dxelún le̱' chia'. Lu da dxelún le̱' chia' dxelexrá dxu'e̱, ne dxulutá xíchaje̱', dxelenné̱':
14231	PSA 22:11	Guxu'a lu na'u gate quebe ne gálajtea'. Gate ne xu'a lu le̱'e̱ xrna'a, báchequeze nacu' Dios chia'.
14236	PSA 22:16	Bexaca xel-la' wal-la chia' ca tu xé'ena xu la'a, na' luzra' bedá' na chichja'. Nuzú' neda' lu xu xrte chee̱ xel-la' gute.
14238	PSA 22:18	Waca gulaba' ca naca zrita xu'a, na' benne' ca' dxelenné̱'e̱ neda', ne dxelenná' xánnie̱' neda'.
14244	PSA 22:24	Le'e, dxezrébele Xránadxu, le güe lá'ana Le̱'. Le gucá'ana szrene̱', le'e, zri'ine zre sua Jacob. Le zrebe Le̱', le'e, zri'ine zre sua Israel.
14245	PSA 22:25	Quebe bzua Dios chalá'ala, ne quebe gucuídene̱' da zi' da xa' da guledé benne' xache' ca', ne quebe bcache lawe̱' lau benne' ca' san gate bululáwizre̱' Le̱', benne̱' chi'e̱.
14257	PSA 23:5	Dxucuezu' da xi'aj gawa' lácala benne' dxeledábague̱' neda' zaj naxechaj neda'. Dxugú'u da za xichja' da dxapa na neda' ba lá'ana, ne dxusezráteu' zriga' chia'.
14286	PSA 25:18	Gunná' ca dxezaca zi'a, ne ca dxunle̱'a zrin, na' bnite lau xúgute̱ dul-la da nabaga'.
14288	PSA 25:20	Bxue bénne'du xu'a, ne bselá neda'. Quebe gu'u lataj xedué'eda' lawe' da dxuxrén lazra' Lue'.
14297	PSA 26:7	chee̱ cuezre xa'a, xapa' Lue': “Xcalenu'”, ne chee̱ guzenda' bénneache ca naca da zren ca' da nunu'.
14310	PSA 27:8	Lu xichaj lázrdawa' benda' chi'u, gunníu': “Bexilaj chia'.” Xexílaja' chiu', Xran.
14326	PSA 29:1	Le güe lá'ana Xránadxu, le'e, zrale xabáa. Le güe lá'ana xel-la' szren chee̱', ne xel-la' waca chee̱'.
14341	PSA 30:5	Le gul-la chee̱ Xránadxu, le'e nácale benne' cheé̱queze̱'. Le xe̱ Le̱': “Xcalenu'”, ne dxajsá lázrele naque̱' lá'azxa,
14352	PSA 31:3	Bze̱ naga chi'a, ne bselá neda'. Bze̱ chuchu neda', ne bucú'uj neda' chee̱ la'.
14355	PSA 31:6	Lu na'u dxuzúa' bénne'du xu'a, Xran. Lue' bexá'awenu' neda', Dios li lazre'.
14359	PSA 31:10	Bexache lazre' neda', Xrana' Dios, lawe' da zua' lu da ba xa'. Ba bebizre nisa xuzru xiaj lawa' lawe' da dxewí'ine lazra' dute̱ bénne'du xu'a, ne dute̱ be̱la' dxen chia'
14361	PSA 31:12	Xúgute̱ benne' ca' dxeledábague̱' neda' dxelecuídene̱' neda', na' benne' walízr chia' dxuluzúe̱' neda' chelá'ala, na' benne' zaj núnbe'e̱ neda' dxelecuase̱' neda'. Benne' ca' dxelelé'ene̱' neda' la neza dxuluzrúnnuje̱' naga zua'.
14368	PSA 31:19	Be̱n quebe gaca xelenné̱ benne' ca' dxelezí xe̱'e̱, benne' ca' dxelenné̱' da cale̱la chee̱ benne' xrlátaje ca', da dxelenné̱' lu xel-la' dxulucá'ana szren cuina, ne lu xel-la' dxulucá'ana ditaj benne' caní.
14369	PSA 31:20	Da zrente̱ naca xel-la' zri'i lazre' chiu' da napu' chee̱ bi gunu' chee̱ benne' ca' dxelape̱' Lue' ba lá'ana, da na' dxunu' lau xúgute̱ bénneache ne̱ chee̱ benne' ca' dxelebeza lazre̱' Lue'.
14385	PSA 32:11	Le'e, benne' xrlátaje, le be, ne le sua lu da ba neza, ne̱ chee̱ da be̱n Xránadxu, gúcale̱ne̱' le'e. Nen dute̱ xel-la' dxebé le gul-la, le'e, nácale li lazre' lau Le̱'.
14386	PSA 33:1	Le be le'e, benne' xrlátaje, lau Xránadxu Dios. Xrtante̱ naca lau Dios da dxelúe lá'ana benne' xrlátaje ca' Le̱'.
14399	PSA 33:14	Naga zue̱' lataj lá'azxa chee̱' dxenné̱'e̱, na' dxelé'ene̱' ca zaj zra' bénneache lu xe̱zr la xu.
14405	PSA 33:20	Dxebeza lázredxu Xránadxu Dios. Le̱' naque̱' Bénnea' dxácale̱ne̱' dxi'u, ne dxucu'uje̱' dxi'u.
14417	PSA 34:10	Le zrebe Xránadxu Dios, le'e, nácale benne' chee̱ Lé̱queze̱', lawe' da quee bi dxelexazrje benne' ca' dxelezrebe̱' Le̱'.
14428	PSA 34:21	Le̱' dxuxúequeze̱' xúgute̱ zrita xu'e̱, na' netú zrita chee̱' quebe gachaj na.
14434	PSA 35:4	Be̱n xelexedué'e, ne xeleque zréaje benne' ca' dxelaca lazre̱' xelútie̱' neda'. Be̱n xuluzrunnuj, ne xelexedué'e benne' ca' dxelaca lazre̱' xelune̱' chia' da cale̱la.
14456	PSA 35:26	Be̱n xelexedué'e, ne xeleque zréaje xúgute̱ benne' ca' dxelebene̱' gate bi dxaca chia'. Bsi'e̱ xel-la' stu', ne be̱n xelaca xala benne' ca' dxeledábague̱' neda'.
14479	PSA 37:8	Bsan xel-la' xichaj zra'a, ne quebe cuídenu'. Quebe sa lazru' bi xusacu' benne' ca' dxelune̱' da cale̱la,
14492	PSA 37:21	Benne' ca' dxelún da cale̱la tu da dxelenabe̱' tu chí'idauze, ne quebe dxuluxunézruje̱' na, na' benne' xrlátaje dxexache lazre̱' le̱', ne dxunézruje̱' chee̱'.
14520	PSA 38:9	Nate ni'a na'a, ne dxéqueda' ba naxúzrujne zrita xu'a. Dxebezre lazra' lawe' da zua ste̱be lázrdawa'.
14524	PSA 38:13	Benne' ca' dxelaca lazre̱' xelútie̱' neda' dxuluzale̱' xralaj, na' benne' ca' dxelúe lazre̱' bi gaca chia' dxelenné̱' chia' wabía xi'a, ne tu zaj zúaze̱' bi xulusaque̱' neda'.
14541	PSA 39:7	¡Da líqueze zaj naca bénneache ca tu zrúl-laze! ¡Da líqueze dácheze naca zaj dxe' bénneache gunne xue chee̱ xel-la' nabán chee̱'! ¡Dxulucúdie̱' xel-la' gunní'a, ne quebe zaj nézene̱' nu chee̱ gaca na!
14542	PSA 39:8	Na'a, Xran, ¿bízraqueze cueza lazra'? Tuzu' Lue' dxal-la' cueza lazra'.
14563	PSA 40:15	Be̱n xelexedué'e, ne xeleque zréaje xúgute̱ benne' ca' dxelaca lazre̱' xelútie̱' neda'. Be̱n xeajxaca bzé̱bela, ne xelexedué'e benne' ca' dxelezá lazre̱' xelune̱' chia' da cale̱la.
14586	PSA 42:6	¿Bizr chee̱ na' dxate ni'a na'u, bénne'du xu'a? ¿Bizr chee̱ na' zu' ste̱be lu xichaj lázrdawa'? Guleza lazre' Dios lawe' da güe lá'anaqueza' Le̱' da xula. Naque̱' Benne' dxuselé̱' neda', ne Dios chia'.
14591	PSA 42:11	Ca tu benne' dxelé̱'e̱ zrita xu'a, ca' dxelún benne' ca' chia', dxelún le̱' chia'. Tu zra tu zra dxelenné̱' chia': “¿Ga na' Dios chiu'?”
14592	PSA 42:12	¿Bizr chee̱ na' dxate ni'a na'u, bénne'du xu'a? ¿Bizr chee̱ na' zu' ste̱be lu xichaj lázrdawa'? Guleza lazre' Dios lawe' da güe lá'anaqueza' Le̱' da xula. Naque̱' Benne' dxuselé̱' neda', ne Dios chia'.
14593	PSA 43:1	Bchi'a chia', Dios, ne ble'e lau naca' xrlátaje. Bselá neda' lu na' benne' ca' dxuluzúe̱' Lue' chalá'ala, ne lu na' benne' ca' dxelezí xe̱'e̱, ne dxelune̱' da zrinnaj.
14597	PSA 43:5	¿Bizr chee̱ na' dxate ni'a na'u, bénne'du xu'a? ¿Bizr chee̱ na' zu' ste̱be lu xichaj lázrdawa'? Guleza lazre' Dios lawe' da güe lá'anaqueza' Le̱' da xula. Naque̱' Benne' dxuselé̱' neda', ne Dios chia'.
14610	PSA 44:13	Bdéu' netu', benne' chiu' ca' cá'aze, ne quebe bi guzi'u.
14614	PSA 44:17	lawe' da dxelenné̱' schanni' chia', ne dxuluzúe̱' neda' chalá'ala, ne dxulutíl-lale̱ neda' benne' ca' dxeledábague̱' neda', nen benne' ca' dxelexebeaj lazre̱' neda'.
14628	PSA 45:4	Bda' xia chiu' dxu'a le̱'u, Lue', benne' wal-la, lu dute̱ xel-la' szren chiu', ne xel-la' dxenná bea chiu'.
14631	PSA 45:7	Lataj blau naga dxe'u, Dios, naca na da chadía chacanna, ne súatequeze na. ¡Xrlátaje naca ca dxenná be'u!
14644	PSA 46:2	Dios naque̱' Benne' dxuxúe̱' dxi'u, ne dxune̱' dxi'u benne' wal-la. Zúate̱queze̱' gácale̱ne̱' dxi'u gate dxededxu xel-la' zi'.
14656	PSA 47:2	¡Le capa na'le, le'e, xúgute̱ bénneache! ¡Le güe lá'ana Dios nen dute̱ xel-la' dxebé!
14663	PSA 47:9	Dxe' Dios naga dxenná be'e̱, lu lataj na' naca na lá'azxa. Dxenná bé'ene̱' xúgute̱ cue' xe̱zr la xu ca'.
14668	PSA 48:4	Dios ba blé'ene̱' dxucache chawe̱' dxi'u, lu xu'u zaca ca' chee̱ xe̱zre chee̱' na'.
14677	PSA 48:13	Le'e, bénneache chee̱ Dios, le chechaj dxu'a xe̱zre na', ne le gulaba ca zaj naca xu'u sibe ca', da dxuluzé̱ chacha na xe̱zre na'.
14681	PSA 49:2	Le xen da nigá, le'e, benne' xúgute̱ cue' xe̱zr la xu. Le guzé̱ nágale, le'e, benne' dute̱ xe̱zr la xu,
14682	PSA 49:3	le'e, benne' blau, ne le'e, benne' xezícadxa, le'e, benne' gunní'a, ne le'e, benne' xache'.
14696	PSA 49:17	Quebe su' ste̱be gate nu benne' dxezrué'ene̱' xel-la' gunní'a, ne gate dxune̱' lizre̱' da zácale̱'e̱dxa,
14697	PSA 49:18	lawe' da gate gatie̱' quebe bi xexu'e̱, ne quebe chéajle̱ xel-la' gunní'a chee̱' le̱'.
14704	PSA 50:4	Xutúbequeze̱' benne' zaj zre̱'e̱ xabáa na'ala, ne benne' zaj zre̱'e̱ xe̱zr la xu, chee̱ guchi'e̱ chee̱ bénneache chee̱'.
14716	PSA 50:16	Dios guzre̱' benne' we̱n da cale̱la: “¿Bi dxéquenu' lue', dxuchálaju' ca nadxixruj bi'a, ne dxenníu' ca naca chee̱ xel-la' wezría chia'?
14722	PSA 50:22	Le chéajni'i da nigá na'a, le'e dxal-la lázrele Dios. Ga gaze guzuzruj Dios le'e, ne québedxa sua nu guselá le'e.
14723	PSA 50:23	Bénnea' guzúe̱' lawa' da güe lá'ane̱' neda' gape̱' neda' ba lá'ana, na' bénnea' dxuxuchá cuine̱' chee̱ gune̱' da xrlátaje, gulé'eda' le̱' ca guselá' le̱', naca' Dios chee̱'.
14729	PSA 51:6	Lau' Lue' be̱na' dul-la. Awe', lau' Lué'queze, ne ba be̱na' da cale̱la lau' Lue'. Caní dxaca na chia' chee̱ gaca bea nacu' xrlátaje lu da dxenníu', ne nacu' du lazre' ca da dxuchi'u chee̱ bénneache.
14733	PSA 51:10	Be̱n xenda' xel-la' dxebé, ne da ba neza, na' xelexezí' le dipa zrita xu'a, da ba gudíchaju'.
14740	PSA 51:17	Xran, gusalaj dxu'a, na' guzenda' bénneache da dxue lá'ana' Lue'.
14742	PSA 51:19	Da guzúadxu lau Dios da dxaca lazre̱' naca na tu lázxdau dxexruj lazre'. Tu lázxdau dxexruj lazre', ne da dxexíaje lazre' quebe guzú' chalá'ala, Dios.
14748	PSA 52:4	Tu dxuchálajzquezu' chee̱ da cale̱la da gunu' chee̱ le sa' ljwezru'. Da dxenníu' naca na ca tu xia da nalále̱'e̱, dxezí xe̱'u ljwezru'.
14779	PSA 55:8	Da líqueze guzrúnnuja' zítu'la, na' súaqueza' le̱'e̱ xixre' lawe' lataj.
14795	PSA 55:24	Lue', Dios, gunu' xelexú'u benne' ca' dxelune̱' da cale̱la lataj ba xa', benne' dxelute benne', ne benne' dxelezí xe̱'e̱, gate quebe ne xelezrine̱' gachaj catite dxal-la' xelaca bane̱', san neda' guxrén lazra' Lue'.
14818	PSA 57:9	Bebán lazre', bénne'du xu'a, ne le xebán lázrele, le'e dxínnele da dxúl-lale̱nle, ne da zríadi'i na du. Che zílala chásaqueza'.
14854	PSA 60:3	Dios, Lue' ba bzu' netu' chalá'ala, ne be̱nu' xeajcházentu'. Bzrá'ale̱'e̱nu' netu'. Na'a bedá gácale̱nu' netu'.
14861	PSA 60:10	Xe̱zr la xu chee̱ benne' Moab naca na ca tu zriga' da xuzru nisa guná'a, na' xe̱zr la xu chee̱ benne' Edom guchichan' nen zrela'. Si'a ba neza xe̱zr la xu chee̱ benne' Filistea.”
14863	PSA 60:12	¿Quegá Lue' na' che̱'u neda', Dios, nacu' Bénnea' bzue' netu' chalá'ala, ne quebe guxeájle̱nu' benne' chee̱ntu' ca', benne' dxjaque' wedil-la?
14874	PSA 61:9	Caníqueze gúl-laqueza' chee̱ lau' tu chí'izqueze, ne gúnqueza' tu zra tu zra ca da guche̱be lazra'.
14878	PSA 62:4	¿Ajate̱zcha' gucuézale da gunle chee̱ tu benne', na' dxunle ba xen xúgute̱le guzría xile le̱', ca dxun tu benne' dxuchínnaje̱' tu ze'e da ba de̱ chalá'ala, u tu le'aj da ba guzru'?
14880	PSA 62:6	Lue', bénne'du xu'a, guleza lazre' tuze Dios, lawe' da naca Le̱' Bénnea' dxebeza lazra'.
14883	PSA 62:9	Le cueza lazre' Le̱' tu chí'izqueze, le'e, bénneache. Le xe̱'e̱ ca da dxezá lázrele. Naca Dios Bénnea' dxuxre̱' dxi'u.
14893	PSA 63:6	Xélaje bénne'du xu'a da naca na ca be̱se zrita, ne be̱la' da dxánnele̱'e̱, na' dute̱ xel-la' dxebé güe lá'anaqueza' Lue'
14932	PSA 66:8	Le'e, bénneache, le gucá'ana szren Dios chee̱dxu, ne le guzén bénneache ca da dxue lá'anale Le̱'.
14949	PSA 67:5	Le be, ne le sua lu da ba neza, le'e, bénneache dute̱ xe̱zr la xu, lawe' da guchi'a Dios chee̱le ca naca da xrlátaje, ne guxúequeze̱' xúgute̱ bénneache.
14962	PSA 68:10	Gusel-lu' tu nisa xiuj zílale̱'e̱, Dios. Gate belexedú lazre' bénneache chiu', Lue' btipu' lazre̱'.
14969	PSA 68:17	¿Bizr chee̱ na' dxenna'le, le'e, xi'a zri'a ca', xi'a na' naga dxaca lazre' Dios súaqueze̱'? Da líqueze súaqueze Xránadxu lu xi'a na' chadía chacanna.
14976	PSA 68:24	lawe' da guna' guchuchu guléajle dxen chee̱ benne' ca' dxeledábague̱' le'e, na' xelelé̱'e̱ becu' chee̱le dxen chee̱ benne' ca'.”
14978	PSA 68:26	Benne' ca' dxelul-la zeajzrie̱' láwe'la, na' benne' zaj nu'e̱ da dxulucuezre̱' zja'aque̱' bzé̱bela. Ládujla zjaca nu'ula cuíde'du ca' zaj núxrube' da du ca' dxulusézxebe'.
14986	PSA 68:34	¡Le gul-la chee̱ Bénnea' dxe'e̱ xabáa na'ala, da zua na nédxute̱! ¡Le nna' xque, wanné̱', ne zízrajle̱'e̱ nne̱'!