14094	PSA 14:2	Xránadxu Dios zue̱' xabáa dxenné̱'e̱ bénneache chee̱ lé'ene̱' che zua nu benne' dxéajni'ine̱', bénnea' dxape̱' ba lá'ana Dios.
14113	PSA 16:9	Chee̱ le̱ na' gubé lázrdawa', ne gubéle̱'e̱quezda', na' zra gacha' lu xe̱dxu ba cueza lazra'
14115	PSA 16:11	Gulé'enu' neda' da guna' chee̱ gata' chia' xel-la' nabán. Naga zu' Lue' wabéle̱'e̱quezda', na' cuitu' Lue' súatequeze da ba neza chia'.
14129	PSA 17:14	Bselá neda' lu na' benne' ca' nen ni'a ná'quezu', Xran. Bselá neda' lu na' bénneache, benne' ca' zaj dxe'e̱ gunne xue chee̱ xe̱zr la xu nigaze, benne' ca' dxeláguqueze̱' da zácale̱'e̱ chiu'. Da nigáqueze dxulugawe̱' zrí'ine̱' ca', ne dxexegá'anaqueze da dxelágu zri'ine zre sue̱'.
14192	PSA 19:11	Zaj naca na da dxezá lázredxadxu ca oro, ne ca oro zrente̱ da zácale̱'e̱ na. Zaj naca na zíxredxa ca bzrína'dau', da nácale̱'e̱ na zixre.
14227	PSA 22:7	Neda' naca' ca tu be̱la' gúna'dau', ne quegá bénneache. Dxelecuide bénneache neda', ne dxuluzúe̱' neda' chalá'ala.
14254	PSA 23:2	Ca dxelezrúa zríla'du ca' ba guláguba' xixre' xá'adau', caní dxune̱' chia' chee̱ xezí' lazra'. Gune̱' chia' ca dxaca chee̱ zrila' ca' dxeché̱'e̱-ba' dxu'a xe̱gu nisa da de̱ zrize.
14287	PSA 25:19	Gunná' benne' ca' dxeledábague̱' neda' ca naxánle̱'e̱ne̱', ne ca dxelecuídele̱'e̱ne̱' neda'.
14321	PSA 28:5	Lawe' da quebe gulape̱' ba lá'ana da be̱n Xránadxu, ne quegá da be̱ne̱' lu ni'a ná'queze̱', guxrínnaje̱' benne' ca', ne gudée̱' le̱' lu da ba xa'.
14323	PSA 28:7	Xránadxu naque̱' Bénnea' dxuzé̱ chúchue̱' neda', ne dxucu'uje̱' neda'. Bxren lazra' Le̱', na' gúcale̱ne̱' neda', na' chee̱ le̱ na' gubéle̱'e̱da', na' gul-laqueza', ne güe lá'anaqueza' Le̱'.
14324	PSA 28:8	Xránadxu naque̱' Bénnea' dxuzé̱ chúchue̱' benne' chee̱' ca', ne naque̱' Benne' dxucu'uje̱', ne dxuselé̱' bénnea' guqué̱'e̱.
14357	PSA 31:8	Béle̱'e̱da', ne sua' lu da ba neza lawe' da dxexache lazru' neda'. Caní dxunu' lawe' da dxelé'equeznu' ca da dxezaca zi'a. Nézenu' ca dxedéa' lu da ba xa'.
14367	PSA 31:18	Quebe gu'u lataj xedué'eda', Xran, lawe' da dxuláwizra' Lue'. Be̱n xelexedué'e benne' ca' dxelebéaj xíchaje̱' Lue'. Be̱n xelezúa zrie̱' lu lataj ba xa'.
14383	PSA 32:9	Quebe gacu' ca tu bzrina' u tu bea, be̱ quebe bi dxeléajni'iba', bea ca' dxun na ba xen nna be'enu'-ba', na' cu'u xia dxú'aba', chee̱ gunu' xelunba' ca dxaca lazru'.”
14462	PSA 36:4	Da tu dxuchálajzqueze̱' naca na da zrinnaj, ne da we̱n lazre'. Québedxa dxéajni'ine̱', ne québedxa dxune̱' da xrlátaje.
14607	PSA 44:10	Nusán lazru' netu', ne nunu' dxexedué'entu', ne quebe dxéajle̱nu' benne' chee̱ntu' ca' dxjaque̱' wedil-la.
14613	PSA 44:16	Tu zra tu zra tu dxexedué'ezquezda', ne tu zúazqueza' lu da sté̱bele̱'e̱
14622	PSA 44:25	¿Bizr chee̱ na' nucache cuinu', ne quebe dxeque be'enu' ca dxezaca zí'intu', ne ca dxuluchine benne' ca' netu'?
14623	PSA 44:26	Ba nate ni'a na' bénne'du xú'untu', ne dxeajcházete̱ntu' lu xu, na' ba dé̱te̱ntu' sudxú'ala lu xe̱zr la xu.
14635	PSA 45:11	Bene, nú'uladau', ne gunná' xque, ne bze̱ naga da nnia': Bzala lazru' lazriu' ne lizre xrau',
14641	PSA 45:17	Waláz chee̱ xra xrna'u xelexezúa zri'inu', bi ca' gunu' xelenná beabe' du gabí'i xe̱zr la xu.
15012	PSA 69:24	Be̱n xelechul-la xiaj lawe̱' chee̱ québedxa xelelé'ene̱', ne be̱n tu xelexrízrezqueze benne' ca'.
15122	PSA 74:19	Quebe gusanu' lu na' benne' zaj naque̱' ca be̱ snia ca' benne' ca' nazrí'iquezu', ne quebe gal-la lazru' tu chi'ize bénneache chiu' zaj zue̱' lu da ba xa'.
15176	PSA 78:5	Bzue̱' tu da nadxixruj bea na da xelún benne' Israel ca', ne da bdxixruj be'ene̱' ca' da xelún zri'ine zre sua Jacob. Gunná bé'ene̱' xra xrtáudxu ca' xuluzenne̱' bi chee̱' ca' ca naca da gunná bé'ene̱',
15298	PSA 82:5	Quebe bi zaj nézene̱', ne quebe dxeléajni'ine̱', na' dxeledé̱' lu da chul-la. Dxuluzrizre̱' ca naca da zaj de̱ lu xe̱zr la xu.
15324	PSA 84:4	Ba belún chje̱gu ca' xrú'uneba', na' buchuj ca' zaj de̱ lataj naga dxuluzríaba' biadu chee̱ba' ca' naga zua lu cugu chiu' Lue', Dios, napu' dute̱ xel-la' waca. Nacu' Lue' Wenná Bea chia', ne Dios chia'.
15362	PSA 86:15	Lue', Xrana', nacu' Dios dxexache lazru' netu', ne nacu' zren lazre', ne quebe dxezrá'azeu', san zúate̱quezu' xexache lazru' netu', ne nacu' li lazre'.
15364	PSA 86:17	Ble'e neda' tu da gaca bea na gaca chawe' chia', ne be̱n xelelé'e benne' ca' dxelecuídene̱' neda' da na', ne be̱n xelexedué'ene̱', lawe' da nacu' Lue', Xrana' Dios, Bénnea' gúcale̱ne̱' neda', ne bexúe zrene̱' neda'.
15509	PSA 94:12	Ba neza zrente̱ naca na chee̱ bénnea' dxuzéajni'inu', Xran, ne dxusé̱denu' le̱' ca naca da nadxixruj be'u,
15572	PSA 99:7	Tu lu beuj bza bchálajle̱ne̱' benne' ca'. Buluzúe̱' dizra' da gunná bé'ene̱', ne da ca' bdxixruj be'ene̱' le̱'.
15624	PSA 103:8	Naca Xránadxu Benne' dxexache lazre', ne Benne' zri'i lazre'. Quebe dxezrá'azie̱', san zrente̱ naca xel-la' zri'i lazre' chee̱'.
15629	PSA 103:13	Ca zri'i lazre' naca xra bidu ca' nen zrí'inequeze̱', caníqueze naca zri'i lazre' Xránadxu nen benne' ca' dxelape̱' Le̱' ba lá'ana.
15655	PSA 104:17	Lu xaga ca' dxuluzría bxínnedu ca' xrú'uneba', na' lu zruze na ca' zaj zua lizre bxuze' ca'.
15667	PSA 104:29	Gate quebe dxenná'u-ba', na' dxelezrébeba'. Gate dxucuasu' be' dxelecá'aba', na' dxeláteba', ne dxelexácaba' xu xrte.
15691	PSA 105:18	Buluzré̱'e̱ ní'abe' lu xe̱dxu chee̱ cuaga da be̱xru na ní'abe', gate na' gulu'e̱-be' lizre xia lu xe̱zr la xu Egipto,
15808	PSA 107:42	Gate dxelelé'e benne' xrlátaje ca' da caní, na' dxelebéle̱'e̱ne̱', na' benne' ca' dxelune̱' da cale̱la quebe bi gaca xelenné̱'.
15841	PSA 109:18	De' da gulegú'e̱ bénneache guca na ca tu da gulacu cuine̱', na' guxú'u na le̱'e̱ ca nisa gulé'aje̱', ne guxú'u na zrita chee̱' ca da za.
15972	PSA 119:6	Nadxa québequeze xedué'eda', na' cue'a gunne xue guna' xúgute̱ da bdxixruj be'u.
16014	PSA 119:48	Dxeche̱be lazra' guna' ca bdxixruj be'u, da nazrí'ida', na' gulaba lazra' ca naca xrba chiu'.
16104	PSA 119:138	Da dxuse̱de dizra' chiu' netu', da na' bzu' lu na'ntu', naca na da li, ne da li lazre'.
16398	PSA 145:8	Xránadxu Dios naque̱' zri'i lazre', ne dxexache lazre̱' bénneache chee̱'. Dxezrene̱', ne quebe dxezrá'aze̱', na' dxexache lázrele̱'e̱ dxi'u.
16446	PSA 148:5	¡Le güe lá'ana La Xránadxu, lawe' da gunná bé'ene̱', na' guzúale!
23233	MAT 1:20	Dxácate̱ dxudé lazre̱' da nigá, ble'e lau tu gubáz chee̱ xabáa, gubáz chee̱ Xránadxu, ga zua José na' lu bchigala, na' guzre̱' le̱': ―José, zri'ine zre sua David, quebe zrebu' si' lu na'u María chee̱ gácabe' zru'ulu', lawe' da bidu biu na' sanbe' zabe' ne̱ chee̱ Be' Lá'azxa chee̱ Dios.
23247	MAT 2:9	Ca bexuzre belén benne' sina gula ca da gunná Herodes, wenná bea, nadxa besiá'que̱', na' belaj da belelé'ene̱' gate zaj zre̱'e̱ chalá'a naga dxalaj gubizra zeaj na lau le̱', na' bzrinte̱ na, ne guzúa na naga zua bidu na'.
23254	MAT 2:16	Gate gúquebe'e Herodes gulezí xe̱ benne' sina ca' le̱', na' bzrá'ale̱'e̱, ne gunná bé'ene̱' benne' ca' xelútie̱' xúgute̱ bi biu dxé'enedau', ca zrinte̱ bidu ca' ba zaj zua chup iza, bidu ca' zaj zrabe' xe̱zre Belén, ne bidu ca' zaj zrabe' lu xé̱zredu ca' zaj naxechaj na xe̱zre Belén na'. Caní be̱n Herodes cáte̱ze buluzén benne' sina gula ca' le̱' ca naca zra na' belelé'ene̱' belaj na'.
23299	MAT 4:21	Xelátedauze gusá'aque̱', na' ble'e Jesús xechupa benne'. Tue̱' le̱' Jacobo, ne xetúe̱' le̱' Juan, biche Jacobo nigá. Zaj naque̱' zri'ine Zebedeo, ne zaj xu'e̱ tu lu da dxedá lawe' nísadau' nen xre̱', dxelexún chawe̱' xixruj chee̱'. Jesús bláwizre̱' le̱',
23334	MAT 5:31	Na' gunná Jesús: ―Cá'anqueze gulenné̱' nédxute̱: “Nútete̱ze benne' dxexelé̱'e̱ nen zru'ule̱', dxal-la' gunézruje̱' nu'ula na' tu xiche da dxulé'e na belexelé̱'e̱.”
23335	MAT 5:32	Neda' dxapa' le'e, che tu benne' dxexelé̱'e̱ nen zru'ule̱', na' nu'ula nigá quebe guzúale̱ne̱' benne' xula, benne' chee̱ nu'ula nigá dxuzúe̱' le̱' lu dul-la chee̱ da dxichaj na xrba chee̱ xel-la' nuchaga na' che tu benne' biu xula guchaga ne̱'e̱ nen nu'ula na' bsan benne' chee̱' le̱'. Cá'anqueze le̱' dxune̱' dul-la nen nu'ula na'.
23400	MAT 7:15	Na' gunná Jesús: ―Le guxúe cuínale chee̱ benne' we̱n lazre' ca', benne' dxelenné̱' zaj naque̱' benne' dxuluchálaje̱' waláz chee̱ Dios. Benne' caní zá'aque̱' naga zrale le'e, zaj nun cuine̱' ca tu benne' dxexruj lazre' ca naca tu zríla'dau', san lu xichaj lázrdawe̱' zaj naque̱' snia ca tu becu' xi'a.
23409	MAT 7:24	Na' gunná Jesús: ―Bénnea' dxenne̱' chia', ne dxune̱' ca da dxennía', naque̱' ca tu benne' naxéajni'iqueze', benne' be̱ne̱' tu lizre̱' lu xiaj xre.
23434	MAT 8:20	Na' Jesús guzre̱' le̱': ―Beza' zaj zua bluaj chee̱ba', na' bxinne zaj zria xrú'uneba', san neda', Benne' Gulje̱' Bénneache, ne naga xrua xíchaja' quebe ga zua.
23470	MAT 9:22	Jesús guxéchaje̱', guné̱'e̱ nu'ula', na' dxe̱'e̱ le̱': ―Be̱n dipa lazru', zrí'ina'dau'. Bache bexacu' lawe' da dxéajle̱'u chia'. La bexácate̱ nu'ula na'.
23507	MAT 10:21	’Xuludé bénneache benne' bíchequeze̱' lu na' benne' xelútie̱' le̱'. Cá'anqueze xra xrna xuludée̱' zrí'ine̱', na' zrí'ine̱' ca' xeledábagabe' xra xrnáquezebe' chee̱ xelátie̱'.
23547	MAT 11:19	Nadxa bla' neda', Benne' Gulje̱' Bénneache, dxawa', ne dxí'aja', na' dxennale naca' neda' benne' wagu xrata, ne benne' dxi'aj, ne ljwezre benne' dul-la, ne benne' wechizruj chee̱ Roma. Naca bea nu benne' nape̱' xel-la' sina chee̱ Dios ne̱ chee̱ da dxun bénnea'.
23553	MAT 11:25	Ca lu zra na' gunná Jesús: ―Dxue lá'ana' Lue', Xrae, nacu' Xrana xabáa, ne Xrana xe̱zr la xu nigá. Dxue lá'ana' Lue' lawe' da bcácheu' da caní lau benne' sina ca', ne lau benne' dxeléajni'ine̱', san blé'enu' na bidu caní.
23576	MAT 12:18	Benne' nigá naque̱' we̱n zrin chia', benne' ba gucá'a. Benne' nigá nazrí'ida', ne dxezaca ba lázrele̱na' Le̱'. Guzúaqueza' xichaj lázrdawe̱' Be' Lá'azxa chia'. Guzenne̱' bénneache xúgute̱ xe̱zr la xu ca dxuchi'a da dxaca.
23580	MAT 12:22	Nadxa guleché̱'e̱ lau Jesús tu benne' la chul-la, benne' quebe dxaca nnie̱', lawe' da xu'e̱ be' xriwe̱'. Jesús bexune̱' benne' nigá, na' belé'ene̱', ne benníe̱'.
23749	MAT 16:8	Jesús dxeque be'ene̱', na' guzre̱' le̱': ―¿Bizr chee̱ na' dxennale naca na lawe' da quebe núale xeta xtila? Láteze dxéajle̱le chia'.
23784	MAT 17:15	―Xran, bexache lazre' zri'ina', dxe'ebe' chuna', ne da zrente̱ da dxezácabe'. Zánete̱ lasa ba xeajcházebe' lu xi', ne lu nisa.
23821	MAT 18:25	Lawe' da quebe de̱ chee̱ benne' we̱n zrin na' da quízruje̱' xrane̱', na' gunná be'e xrane̱' ta'u benne' we̱n zrin na', ne zru'ule̱', ne zrí'ine̱' ca', ne ca nácaqueze da nape̱', chee̱ gazruj da na' dxebague̱'.
23827	MAT 18:31	Gate benne' we̱n zrin ca' xezícala guleque bé'ene̱' da nigá, na' belewí'ine lázrele̱'e̱ne̱', na' xjaque̱' xeajlegue̱zre̱' xrane̱' xúgute̱ da ba guca.
23836	MAT 19:5	Cá'anqueze gunné̱': “Chee̱ le̱ na' benne' biu gusane̱' xra xrne̱'e̱ chee̱ gaque̱' tuze nen zru'ule̱', na' dxupe̱' xelaque̱' ca tuze benne'.”
23840	MAT 19:9	Neda' dxapa' le'e, che tu benne' gusane̱' zru'ule̱', ne quebe dxedále̱ne̱' benne' biu xula, na' che xezúale̱ne̱' nu'ula xula, benne' nigá gune̱' dul-la súale̱ne̱' nu'ula quebe naque̱' zru'ule̱', na' che nu benne' biu xequé̱'e̱ tu nu'ula nusán benne' chee̱', cá'anqueze gun dul-la bénnea' súale̱ne̱' nu'ula quebe naque̱' zru'ule̱'.
23856	MAT 19:25	Gate belenne̱' benne' ca' dxuse̱de Jesús da nigá, na' belexebánele̱'e̱ne̱', na' buluche̱be ljwezre̱': ―¿Nuzra la xca'?
23860	MAT 19:29	Xúgute̱ benne' ca' ba bulucá'ane̱' lizre̱', u benne' biche̱', u nu'ula zane̱', u xre̱', u xrne̱'e̱, u zru'ule̱', u zrí'ine̱', u xe̱zr la xu chee̱', chee̱ xelune̱' zrin chia', xelezí'queze̱' tu gaxúala na, ne xelezí'queze̱' xel-la' nabán zeajlí canna.
23901	MAT 21:6	Nadxa dxupa benne' ca' dxuse̱de Jesús besiá'que̱', ne belune̱' ca da ba gunná be'e Jesús le̱'.
23902	MAT 21:7	Xeajlexrí'e̱ burro bzrise', ne zrí'ineba', na' belezrúe̱' zra lane̱' cúzruba', na' guzría Jesús le̱ba'.
23933	MAT 21:38	Gate belelé'ene̱' zrí'ine̱', na' benne' we̱n zrin ca' gulé̱ ljwezre̱': “Bi nigá xezí' lu na'be' ca naca da caní. Du gute-be' chee̱ xegá'ana chee̱dxu da caní.”
23956	MAT 22:15	Nadxa benne' fariseo ca' besiá'que̱', ne belune̱' tuze dizra' xelebéaje̱' Jesús dizra' chee̱ xelezéquene̱' xelawe̱' zría chee̱'.
23966	MAT 22:25	Naga zúantu' gulezrá' gazre benne' gulácabe' zri'ine tuze benne'. Bi nedxu bchaga na'abe', na' gútebe'. Bi gudxupe' bchaga na'abe' nen nu'ula na' gute benne' biu chee̱' lawe' da quebe nu zri'ine bi nedxu na' gúlajbe'.
24011	MAT 23:24	La chul-la nácale, ne dxaca lázrele cu'ule benne' neza. Dxecá'ale da naca ca tu bé'adau', be̱ zrua lawe' da dxí'ajle, na' quebe dxeque be'ele dxí'ajle da naca ca tu camello, be̱ dxelaga benneache.
24050	MAT 24:24	Caní dxapa' le'e lawe' da xelelá' benne' zan, benne' guzrí xe̱'e̱, na' xelenné̱' zaj naque̱' Cristo, u zaj naque̱' benne' dxuluchálaje̱' waláz chee̱ Dios, na' da zrente̱ xululé'ene̱', ne xelune̱' xel-la' waca zren ca' chee̱ xelezí xe̱'e̱ benne' ca' ba nabéaj Dios. Caní xelune̱' che xelezéquene̱'.
24064	MAT 24:38	Ca lu zra ca' gate quebe ne gun Dios nisa xiuj da guzría xi na bénneache, gulezrá' bénneache ca' dxelé'aj dxelawe̱', ne dxuluchaga ne̱'e̱, ne dxulunézruje̱' zrí'ine̱' ca' chee̱ xuluchaga na'be', cadxa bzrin zra guxú'u Noé lu da zren na' dxedá lawe' nísadau' da nazí le na arca.
24071	MAT 24:45	Na' gunná Jesús: ―¿Nuzra na' benne' we̱n zrin li lazre' ne dxéajni'ine̱', bénnea' xrane̱' dxucá'anale̱ne̱' le̱' benne' zaj zre̱'e lizre̱' chee̱ gunézruje̱' da xelawe̱' gate zrin zra chee̱ na?
24201	MAT 27:3	Nadxa Judas, bénnea' bdee̱' Jesús, gate guque bé'ene̱' ba buluzría xi'e̱ Jesús, bexíajele̱'e̱ne̱', na' bunézruje̱' da chi dxua dumí plata lau benne' xíchaje̱ ca' chee̱ bxruze ca', ne benne' gula sina ca'.
24283	MAT 28:19	Chee̱ le̱ na' le chjaca, le cheajchálajle̱ benne' zaj zre̱'e̱ du ca naca xe̱zr la xu nigá, ne le cheajsé̱dene̱' ca naca da bsé̱deda' le'e. Le guchúe̱' le̱' nisa lu La Xra', ne lu La Zrí'ine̱', ne lu La Be' Lá'azxa.
24359	MRK 3:2	Judío ca' buluzuzre̱' Jesús che xexune̱' benne' we̱' nigá lu zra dxulupá'ane̱', chee̱ xelezéquene̱' xelagu zria Jesús.
24404	MRK 4:12	Caní dxuna' lawe' da dxelenné̱'e̱, na' quebe dxelaca lazre̱' xelelé'ene̱'. Dxelenne̱', na' quebe dxelaca lazre̱' xeléajni'ine̱', chee̱ quebe xelexebí'i lazre̱', na' chu'u xel-la wenite lau chee̱ dul-la da za nabague̱'.
24428	MRK 4:36	Besá'aque̱' naga zaj zra' benne' zan ca', na' guleché̱'e̱ Jesús lu da dxedá lawe' nísadau' naga ba dxé'queze̱', na' gulennita xezícadxa da ca' dxeledá lawe' nísadau' ca' naga zaj zra' benne', na' xjácale̱ne̱' Le̱'.
24433	MRK 4:41	Belezrébele̱'e̱dxe̱', ne dxelé̱ ljwezre̱': ―¿Núzraqueze benne' nigá? Dxuluzúa dizra' be' bdunu', ne nísadau' chee̱'.
24437	MRK 5:4	Zane' lasa buluchéaje̱' le̱be' nen du xia na'abe', ne ní'abe'. Bzúzrujbe' du xia ca', na' quegá nu guzeque nna bé'ene̱' le̱be'.
24438	MRK 5:5	Dxedáquezebe' te zra chizrela lu xi'a ca', ne lu bluaj ca' naga zaj nagache benne' gate. Dxebezre xa'abe', ne dxeajcházebe' lu xiaj ca', dxun we̱' cuínabe'.
24440	MRK 5:7	Gunné̱ zizraj be' xriwe̱' xu'ube', dxe̱ na Jesús: ―¿Bizra dxaca chiu' nen neda', Jesús, Zri'ine Dios szrente̱? Lu La Xránadxu Dios, dxata' xueda' Lue', quebe gudéu' neda' xel-la zi'.
24467	MRK 5:34	Nadxa gunná Jesús, dxe̱'e̱ nu'ula': ―Bi nú'uladau', ba bexacu' lawe' da guxeajlí lazru' neda'. Bexíaj, cútudxa zrebu'. Ba bexácate̱quezu' chee̱ xízrawe̱' da guzxacu'.
24474	MRK 5:41	Bé̱xrue̱' na'be', ne guzre̱' le̱be': ―Bi nú'uladau', lue' dxapa': ¡Guxasa!
24498	MRK 6:22	Nadxa guxú'u bi nu'ula chee̱ Herodías na' lu xu'u naga dxelé'aj dxelawe̱', ne bxá'abe' lau benne' ca'. Bezaca ba lazre' Herodes ca bxá'abe', ne tuze ca belún benne' ca' zaj zra' dxelawe̱' tu zren nen le̱'. Gunná wenná bea Herodes, dxe̱'e̱ nu'ula cuide' nigá: ―Gunaba neda' ca da dxedánenu', na' gunna' na chiu'.
24527	MRK 6:51	Nadxa guluén Jesús lu da dxedá lawe' nísadau' naga zaj zre̱'e̱, na' guleza be' na'. Na' guleque zréajene̱', ne belexebánele̱'e̱ne̱',
24536	MRK 7:4	Gate zjaque̱' lawe' xi'a wa'u, ca dxelexezrine̱' quebe dxelawe̱' xeta che quebe xelibe ne̱'e̱ ca zaj nadxixruj bea benne' xudau' ca'. Cá'anqueze de̱dxa da zante̱ da zjácale̱ne̱', ca xexadxe zriga' da dxelé'aje̱', ne zruaga, ne zriga xé'ena, ne da naga dxelásie̱'.
24569	MRK 7:37	Benne' ca' zaj zra' na' belexebánele̱'e̱ne̱', dxelenné̱': ―Xúgute̱ dxune̱' cháwedau'. Dxexune̱' benne' cuezru ca', na' dxelénte̱ne̱', ne dxexune̱' benne' ca' quebe dxaca nnie̱', na' dxelenné̱tie̱'.
24584	MRK 8:15	Nadxa Jesús gunná bé'ene̱', dxe̱'e̱ benne' ca': ―¡Le nna'xque nigá! Le guxúe cuínale da naca cua zichaj chee̱ xeta xtila chee̱ benne' xudau' fariseo ca', ne ca naca cua zichaj chee̱ xeta xtila chee̱ Herodes.
24625	MRK 9:18	Gátete̱ze na' dxu'ube' da xriwe̱', na' dxe̱l-la na le̱be', ne dxin na le̱be' lu xu. Dxezría bzrina' xú'abe', ne dxagu lázxabe'. Chee̱ le̱ na' ba dxéxrujle̱'e̱be'. Ba gunaba' benne' ca' dxusé̱denu' xelexebéaje̱' be' xriwe̱' na', san quebe gulezéquene̱'.
24634	MRK 9:27	Nadxa gucá'a Jesús na'be', bechise̱'-be'. Na' benne' cuide' na' beze̱be'.
24664	MRK 10:7	“Chee̱ le̱ na' benne' biu na' gusane̱' xruze xrne̱'e̱ chee̱ gaque̱' tuze nen zru'ule̱',
24668	MRK 10:11	Na' Jesús guzre̱' benne' ca': ―Che tu benne' xelé̱'e̱ nen zru'ule̱', ne xezúale̱ne̱' nu'ula xula, dxíchuje̱' xrba chee̱ wechaga na' lawe' da dxusebague̱' zru'ule̱' nedxu na' dul-la.
24683	MRK 10:26	Gate belén benne' ca' dizra' nigá, na' belexebánele̱'e̱ne̱', na' buluche̱be ljwezre̱': ―¿Núzraqueze la xca'?
24686	MRK 10:29	Na' beche̱be Jesús: ―Da li dxapa' le'e, nútete̱ze benne' gusane̱' lizre̱', u benne' biche̱', u nu'ula zane̱', u xre̱', u xrne̱'e̱, u zru'ule̱', u zrí'ine̱', u xe̱zr la xu chee̱' ne̱ chia' neda', u ne̱ chee̱ dizra' chawe' chia',
24694	MRK 10:37	Na' belexeche̱be̱' Le̱': ―Be̱nna netu' lataj cué'entu', tuntu' chalá'a xabe̱la chiu', ne xetuntu' chalá'a xéglala chiu' naga nna be'u xabáa chiu'.
24761	MRK 12:19	―Benne' wese̱de, Moisés bzuaje̱' chee̱dxu da nadxixruj bea nigá: “Che tu benne' biu gatie̱', ne xegá'ana zru'ule̱', na' quebe nu zua bi chee̱ bénnea', na' benne' biche̱' dxal-la' xequé̱'e̱ nu'ula na' gute benne' chee̱' chee̱ sua zri'ine bénnea' gutie̱'.”
24762	MRK 12:20	Gulezrá' gazre benne' biche̱'. Benne' nedxu bchaga na'abe', na' gútebe' quebe nu zrí'inebe' zua.
24834	MRK 14:11	Ca belén benne' ca' ca gunná Judas, gulebéle̱'e̱ne̱', na' guleche̱be lazre̱' xulunézruje̱' le̱' dumí. Nadxa Judas guzú lawe̱' dxexílaje̱' ájala gudée̱' Jesús lu na' benne' ca'.