13945	PSA 1:2	Zue̱' xel-la' dxebé lawe' da dxuzúe̱' dizra' da nadxixruj bea Xránadxu, ne ca naca da nadxixruj bea na, te zra ne chizrela dxelaba lazre̱' na.
13952	PSA 2:3	Dxelenné̱': “Guselá cuínadxu lu xel-la' dxenná bea chee̱', ne guzúadxu chalá'ala da zaj nadxixruj bé'ene̱' dxi'u.”
13954	PSA 2:5	Lu xel-la' dxezrá'a chee̱' dxedil-le̱' le̱', ne lu xel-la' snia chee̱' dxuchebe̱' le̱'.
13960	PSA 2:11	Le gun zrin chee̱ Xránadxu Dios, dute̱ xel-la' dxezrebe chee̱le. Nen xel-la' dxezrize chee̱le, le be lau Le̱'.
13963	PSA 3:2	Xrana' Dios, ba naxánle̱'e̱ benne' dxeledábague̱' neda'. Benne' zante̱ dxeledíl-lale̱ne̱' neda'.
13969	PSA 3:8	Guzé̱, Xrana' Dios. Bselá neda', Dios chia'. Be̱n we̱' xraga benne' ca' dxeledíl-lale̱ne̱' neda', ne guzuzruj lazxa benne' xriwe̱' ca'.
13970	PSA 3:9	Xel-la' weselá za' lu na'u, Xrana' Dios. Be̱n da chawe' chee̱ bénneache chiu'.
13977	PSA 4:7	Benne' zante̱ dxelenné̱': “¿Nuzra gun gá'anatu' chawe'?” Dute̱ xel-la' zri'i lazre' chiu' bxue netu', Xran.
13978	PSA 4:8	Lue' bzu' xel-la' dxebé lu xichaj lázrdawa', da naca na zrendxa ca da zaj napa benne' zaj nápale̱'e̱ zrua', ne xrise uva wal-la.
13979	PSA 4:9	Dute̱ xel-la' dxebeza zri lazre' gata', ne gasia', lawe' da dxunu' Lue', Xran, zua' zri'a chawe'.
13987	PSA 5:8	Neda' waca chu'a lizru' lawe' da nazrí'ile̱'e̱nu' neda'. Güe lá'ana' Lue' lu xudau' lá'azxa chiu' dute̱ xel-la' dxezrebe.
13991	PSA 5:12	Welebéle̱'e̱ benne' ca' dxuluxrén lazre̱' Lue'. Welebézre xá'aqueze̱' dute̱ xel-la' dxelebé lawe' da dxucú'uju' le̱'. Lau Lue' welebéle̱'e̱ benne' ca' zaj nazrí'ine̱' Lue'.
13994	PSA 6:2	Lue', Xran, quebe til-lu' neda' lu xel-la' snia chiu', ne quebe gudéu' neda' ba xa' lu xel-la' dxezrá'a chiu'.
13995	PSA 6:3	Bexache lazre' neda', Xran, lawe' da quebe chawe' zua'. Bexún neda', Xran, lawe' da dxedéa' xel-la' zi'.
13997	PSA 6:5	Gudá, Xran, bselá bénne'du xu'a. Bselá neda' dute̱ xel-la' zri'i lazre' chiu'.
14000	PSA 6:8	Ba dxane xiaj lawa' xel-la' dxebezre. Ba bebízrqueze nisa xuzru xiaj lawa' lawe' da zrále̱'e̱ benne' dxulusaca zi'e̱ neda'.
14006	PSA 7:3	chee̱ quebe xele̱l-le̱' neda' ca dxun be̱zre xixre', na' xuluzúzruje̱' neda' naga quebe nu chilá' nu guselá neda'.
14009	PSA 7:6	Che caní be̱na', be̱ lataj benne' dxedábague̱' neda' gau zi' ne xezrúnene̱' neda'. Be̱ lataj bénnea' guchuchu guléaje̱' neda' lu xu, ne xusunitie̱' xel-la' ba lá'ana chia'.
14010	PSA 7:7	Xran, dute̱ xel-la' dxezrá'a chiu', guzé̱. Bexechaj benne' ca' dxulusaca zi'e̱ neda' lu xel-la' dxelezrá'a chee̱'. Gusel-la da gácale̱ na neda' gate guchi'u da dxaca chia' ca da gunná be'u.
14011	PSA 7:8	Xúgute̱ benne' zaj zre̱'e̱ xe̱zr la xu xelezrague̱' lau'. Gunná be'e benne' ca' dute̱ xel-la' szren chiu'.
14021	PSA 7:18	Güe lá'anaqueza' Xrana' Dios ca da xrlátaje da dxune̱', ne gúl-laqueza' chee̱ La Xrana' Dios, Bénnea' naque̱' szrente̱.
14023	PSA 8:2	Lue' Dios, Xránantu', zrente̱ naca Lau' du gabí'i xe̱zr la xu. Zrendxa naca xel-la' szren chiu' ca xabáa.
14024	PSA 8:3	Bidu ca', ne bidu dxe'ene ca' dxelúl-labe' ca naca na. Zúaquezu' lataj chawe' naga quebe xelezrín benne' ca' dxeledábague̱' lue'. Dxuzúa zriu' benne' dxeledábague̱' lue', ne benne' dxelecuídene̱' Lue'.
14027	PSA 8:6	Be̱nu' le̱' látezdxa szren ca nacu' Lué'queze, ne bzu' chee̱' xel-la' szren, ne xel-la' ba lá'ana.
14034	PSA 9:3	Wabéquezda', ne gúl-laqueza' ca naca chiu'. Gul-la' chee̱ lau' Lue', nacu' Dios zrente̱.
14037	PSA 9:6	Gudil-lu' benne' xe̱zr la xu ca', ne bzria xi'u benne' we̱n da cale̱la ca'. Bsulu' la benne' ca' chadía chacanna.
14045	PSA 9:14	Bexache lazre' neda', Xran. Gunná' da dxezaca' lu ni'a na' benne' ca' dxelecuídene̱' neda'. Dxeca'u neda' lu na' xel-la' gute,
14053	PSA 10:1	¿Bizr chee̱ na' zu' zitu', Xran? ¿Bizr chee̱ na' dxucache cuinu' gate dxeledé xel-la' zi' bénneache chiu'?
14054	PSA 10:2	Benne' we̱n da cale̱la dxenáu zi' xuzre̱' benne' xache' lu xel-la' dxucá'ana szren cuine̱', na' xeajchaze benne' xache' na' lu da ba nucuéza bénnea'.
14056	PSA 10:4	Benne' we̱n da cale̱la na' lu xel-la' dxucá'ana szren cuine̱' quebe dxape' Dios ba lá'ana, ne quebe dxéquene̱' che zua Dios.
14061	PSA 10:9	Bagácheze dxebeze̱' ca dxun be̱zre xixre'. Dxebeze̱' ga séquene̱' que̱l-le̱' benne' xache' ca'. Dxe̱l-le̱' benne' xache' lu xralaj chee̱', ne dxexu'e̱ le̱'.
14067	PSA 10:15	Dxugú' xel-la' wal-la chee̱ benne' we̱n da cale̱la. Guleaj láwela da cale̱la da nune̱', da na' be̱ne̱' lu da bagache'.
14070	PSA 10:18	chee̱ guchi'u chee̱ bi we̱zé̱bedu ca', ne chee̱ benne' dxeledée̱' xel-la' zi', chee̱ québedxa bi da cale̱la xelún benne' ca' dxelune̱' da cale̱la chee̱ bénne'du caní.
14076	PSA 11:6	Gudée̱' benne' ca' dxelune̱' da cale̱la lu da zi' da xa', da zaj naca na xi', ne da dxuzézrele̱'e da dxala na ca xedxe, ne tu be' lále̱'e̱, da ca' sel-le̱' lawe' benne' ca'.
14092	PSA 13:6	Neda' dxuxrén lazra' Lue' xexache lazru' neda'. Dute̱ lázrdawa' dxebeda' lawe' da dxuseláu' neda'. Gúl-laqueza' chee̱ Xrana' Dios lawe' da ba nune̱' chia' da xrlátaje.
14097	PSA 14:5	Dute̱ xel-la' dxelezrebe dxelezrize benne' ca' lawe' da dxácale̱ Dios benne' xrlátaje ca'.
14115	PSA 16:11	Gulé'enu' neda' da guna' chee̱ gata' chia' xel-la' nabán. Naga zu' Lue' wabéle̱'e̱quezda', na' cuitu' Lue' súatequeze da ba neza chia'.
14125	PSA 17:10	Quebe dxelexache lazre̱' le sa' ljwezre̱', na' dute̱ xel-la' dxulucá'ana szren cuine̱' dxuluchálaje̱'.
14127	PSA 17:12	Zaj naque̱' ca tu be̱zre xíxre'dau' dxaca lázreba' bi gáguba'. Zaj naque̱' ca tu be̱zre xixre', ba nucache cuínaba' chee̱ qué̱l-laba' béadu ca'.
14135	PSA 18:5	Guzúa' lu da ste̱be chee̱ xel-la' gute, na' guca da cale̱la ca tu xe̱gu nisa da bchebe na neda'.
14136	PSA 18:6	Guzúa' lu da ste̱be chu'a lataj ba xa' lawe' da zua' lu da ste̱be chee̱ xel-la' gute.
14146	PSA 18:16	Nadxa belelá' da zaj de̱ lu situj chee̱ nísadau', ne ble'e lau lane xe̱zr la xu da zua na zran nísadau', gate na' gudil-lu' benne' ca' dxeledábague̱' neda', Xran, ne lu xel-la' dxezrá'a chiu' bzagu' benne' ca'.
14160	PSA 18:30	Nen xel-la' waca chiu' guzría xi'a benne' zante̱ dxeledíl-lale̱ne̱' neda'. Che Lue', Dios, súale̱nu' neda' waca guchínnaja' ze'e da zaj naxechaj xe̱zre ca'.
14166	PSA 18:36	Lu xel-la' weselá chiu' bcu'uju' neda', ne nen na'u xabe̱la gúcale̱nu' neda'. Xel-la' zri'i lazre' chiu' ba nucá'ana szren na neda'.
14180	PSA 18:50	Chee̱ le̱ na' xeche̱ba' chiu', Xran, lau benne' xe̱zr la xu ca', na' gúl-laqueza' chee̱ Lau' Lue'.
14183	PSA 19:2	Dxulé'e lau zran xabáa ca naca xel-la' szren chee̱ Dios. Dxuchálajqueze na ca zaj naca da nune̱'.
14189	PSA 19:8	Du lazre' naca da nadxixruj bea Xránadxu, ne dxuzé̱ chacha na bénne'du xú'udxu. Li lazre' naca da dxexeche̱be Xránadxu, ne dxunezruj na xel-la' sina chee̱ benne' ca' quebe zaj nape̱' na.
14190	PSA 19:9	Da líqueze zaj naca da nadxixruj bea Xránadxu, na' dxelebéle̱'e̱ benne' ca' dxelune̱' ca zaj naca na. Du lazre' zaj naca da dxuzéajni'i Xránadxu dxi'u, da dxuluzúa na dxi'u lu xel-la' naxaní'.
14199	PSA 20:3	Dxenaba' Le̱' naga zue̱' lataj lá'azxa chee̱' sel-le̱' da gácale̱ na lue', ne chee̱ xi'a Sión xide̱' guxre̱' lue'.
14203	PSA 20:7	Na'a nezda' dxuselá Xránadxu bénnea' ba gucá'aqueze̱'. Naga zue̱' xabáa lá'azxa chee̱' xenne̱' chi'i bénnea'. Xel-la' waca zrente̱ chee̱' guselé̱' bénnea'.
14208	PSA 21:2	Benne' dxenná bea dxebéle̱'e̱ne̱' nen xel-la' waca chiu', Xran, na' ca naca xel-la' weselá chiu' dxebéle̱'e̱ne̱'.
14211	PSA 21:5	Gunabe̱' Lue' gunnu' le̱' xel-la' nabán, na' bnézruju' na le̱' chee̱ súaqueze̱' zane' iza.
14212	PSA 21:6	Zrente̱ naca xabáa chee̱' lawe' da bseláu' le̱'. Be̱nnu' le̱' xel-la' ba lá'ana, ne xel-la' szren.
14215	PSA 21:9	Xulétaju' xúgute̱ benne' dxeledábague̱' lue'. Xel-la' waca chiu' xulétaju' benne' ca' dxelecuídene̱' lue'.
14216	PSA 21:10	Lu zra na' zra'u le̱' gaca chee̱ benne' ca' ca guzú' le̱' lu xi' ga dxulúzrie̱' bla'dau'. Xránadxu guzúzruje̱' benne' ca' lu xel-la' dxezrá'a chee̱', na' xi' na' guzezxe na le̱'.
14220	PSA 21:14	Begá'ana szrénqueze Lue', Xran, lu xel-la' wal-la chiu'. Tu gúl-lazquezdxu, ne tu güe lá'anazquezdxu Lue' ca naca xel-la' waca chiu'.
14236	PSA 22:16	Bexaca xel-la' wal-la chia' ca tu xé'ena xu la'a, na' luzra' bedá' na chichja'. Nuzú' neda' lu xu xrte chee̱ xel-la' gute.
14240	PSA 22:20	Quebe xebigu' naga zua', Xran. Nacu' xel-la' wal-la chia'. Gudázega gácale̱nu' neda', Xran.
14249	PSA 22:29	lawe' da xu'u lu na' Xránadxu xel-la' dxenná bea, na' nna bé'ene̱' xúgute̱ benne' xe̱zr la xu ca'.
14256	PSA 23:4	Láqueze tea' naga sua' lu da ste̱be chee̱ xel-la' gute, quebe bi da cale̱la guchebe na neda', lawe' da zúale̱nu' Lue' neda', Xran, na' dxelácale̱ zrise', ne blazru chiu' neda'.
14258	PSA 23:6	Da xrlátaje, ne xel-la' dxexache lazre' chiu' da lítegaze xelezúale̱ na neda' xúgute̱ zra naca bana', na' lizru', Dios, gaca na lizra' chadía chacanna.
14266	PSA 24:8	¿Nuzra na' Wenná Bea szrente̱ nigá? Naque̱' Xránadxu, Benne' wal-la, Bénnea' nape̱' dute̱ xel-la' waca. Naque̱' Xránadxu, Bénnea' dxedxúaje̱' chawe' lu wedil-la.
14275	PSA 25:7	Quebe chajsá lazru' dul-la da be̱na' gate ne naca' benne' cuide', ne ca gudábaga' xrtizru'. Nen dute̱ xel-la' dxexache lazre' chiu', bsa lazre' neda', ne nen dute̱ xel-la' zri'i lazre' chiu', Xran.
14276	PSA 25:8	Xrlátaje, ne li lazre' naca Xránadxu Dios. Chee̱ le̱ na' gusé̱dene̱' benne' dul-la ca' da dxal-la' xelune̱'.
14278	PSA 25:10	Lu xel-la' dxexache lazre', ne lu da li dxeché̱ Xránadxu benne' ca' dxelune̱' ca naca xel-la' wezría chee̱', ne ca da dxuse̱de Le̱'.
14280	PSA 25:12	¿Nu benne' dxezrebe̱' Xránadxu Dios? Le̱' gusé̱dene̱' benne' nigá da dxal-la' gune̱'.
14282	PSA 25:14	Xránadxu Dios naque̱' tuze nen benne' ca' dxelezrebe̱' Le̱', na' gune̱' xelúnbe'e̱ xel-la' wezría chee̱'.
14283	PSA 25:15	Tu dxennázqueza' Xránadxu Dios lawe' da guselé̱' neda' lu na' benne' ca' dxelaca lazre̱' xele̱l-le̱' neda'.
14289	PSA 25:21	Zaj nuxru da xrlátaje, ne xel-la' li lazre' neda' lawe' da dxebeza lazra' Lue'.
14303	PSA 27:1	Xránadxu Dios naque̱' xel-la' naxaní' chia', ne Benne' dxuselé̱' neda'. ¿Nu benne' gaca guchebe̱' neda'? Xránadxu Dios naque̱' Benne' dxucu'uje̱' neda'. ¿Nu benne' gaca guzúe̱' neda' lu da sté̱bele̱'e̱?
14308	PSA 27:6	Nadxa gune̱' guzétaja' benne' dxeledábague̱' neda', ne zaj naxéchaje̱' neda', na' nen dute̱ xel-la' dxebé gutia' béadu ca' guzúa'-ba' lu cugu chee̱'. Gúl-laqueza', ne tu güe lá'anazqueza' Xránadxu.
14311	PSA 27:9	Quebe gucache lau' chia' neda'. Lu xel-la' dxezrá'a chiu' quebe xebigu' naga zua' neda', we̱n zrin chiu'. Nacu' Benne' dxácale̱ne̱' neda'. Quebe gusanu' neda', ne quebe cueaj xichju' neda', Dios, weselá chia'.
14313	PSA 27:11	Bse̱de neda' da dxaca lazru' guna', Xran, ne ble'e neda' da li lazre' da dxal-la' guna', lawe' da zaj naxán benne' dxeledábague̱' neda'.
14320	PSA 28:4	Bde benne' ca' lu da ba xa' cáte̱ze naca chee̱ da belune̱', cáte̱ze naca da cale̱la da zaj nune̱'. Bunezruj chee̱ benne' ca' cáte̱ze da belune̱', da na' dxal-la' xelezí'e̱.
14326	PSA 29:1	Le güe lá'ana Xránadxu, le'e, zrale xabáa. Le güe lá'ana xel-la' szren chee̱', ne xel-la' waca chee̱'.
14329	PSA 29:4	Dxen chi'i Xránadxu ca naca xel-la' wal-la chee̱ na. Dxen chi'i Xránadxu dute̱ xel-la' szren chee̱ na.
14336	PSA 29:11	Xránadxu Dios dxuzé̱ chache̱' benne' chee̱' ca'. Dxuzúe̱' le̱' lu da ba neza chee̱ xel-la' dxebeza zri lazre'.
14342	PSA 30:6	lawe' da tu chí'idauze dxezré̱'e̱ san chadía chacanna zua xel-la' zri'i lazre' chee̱'. Wabézredxu tu zreze, san che zílala wabéle̱'e̱dxu.
14348	PSA 30:12	Be̱nu' bexaca xel-la' dxebezre chia' xel-la' wexá'a. Bcuasu' xel-la' dxewí'ine lazre' chia', ne bzu' chia' xel-la' dxebé.
14349	PSA 30:13	Chee̱ le̱ na' tu gúl-lazqueza' chiu', lawe' da nacu' da ba neza chia', ne quebe sua zríqueza'. Xrana' Dios, tu güe lá'anazqueza' Lue' chadía chacanna.
14354	PSA 31:5	Bebéaj neda' lu xralaj da ba zaj nucueze̱', chee̱ xele̱l-le̱' neda'. Lue' nacu' Benne' dxuxúe̱' neda'.
14360	PSA 31:11	lawe' da dxedé xel-la' nabán chia' lu da ba xa', ne dxedéa' iza chia' ca' dxebezre lazra'. Dxedú lazra' lawe' da nabaga' zria, na' dxelelá zrita xu'a.
14366	PSA 31:17	Lu xel-la' szren chiu' bxue neda', we̱n zrin chiu'. Lu xel-la' dxexache lazre' chiu' bselá neda'.
14368	PSA 31:19	Be̱n quebe gaca xelenné̱ benne' ca' dxelezí xe̱'e̱, benne' ca' dxelenné̱' da cale̱la chee̱ benne' xrlátaje ca', da dxelenné̱' lu xel-la' dxulucá'ana szren cuina, ne lu xel-la' dxulucá'ana ditaj benne' caní.
14369	PSA 31:20	Da zrente̱ naca xel-la' zri'i lazre' chiu' da napu' chee̱ bi gunu' chee̱ benne' ca' dxelape̱' Lue' ba lá'ana, da na' dxunu' lau xúgute̱ bénneache ne̱ chee̱ benne' ca' dxelebeza lazre̱' Lue'.
14370	PSA 31:21	Lu da bagácheze naga zu' Lue' dxucachu' benne' ca' chee̱ quebe bi xelún bénneache chee̱'. Dxuzú' benne' ca' tu lu xu'u nagache chee̱ quebe bi gun chee̱' xel-la' wetil-la dizra' chee̱ bénneache.
14371	PSA 31:22	¡Gaca ba Xránadxu Dios! Lu xel-la' dxexache lazre' chee̱' be̱ne̱' da zrente̱ chee̱ gúcale̱ne̱' neda' tu lu xe̱zre naga guca wedil-la.
14378	PSA 32:4	Te zra ne chizrela bdeu' neda' xel-la' zi', Xran. Bedú lazra' ca dxebizre beaj nisa beu' la.
14380	PSA 32:6	Xúgute̱ bénneache chiu' dxal-la' xuluchálajle̱ne̱' Lue' gate de̱ lataj xelexezrelne̱' Lue', na' gate zrin da zi' da xa' da xelezaque̱', da gaca na ca tu xe̱gu nisa zren da dxedxuaj na, na' quebe bi gune na benne' ca'.
14381	PSA 32:7	Lue' nacu' ca tu lataj naga gaca gucache cuina', na' gucache chawu' neda' chee̱ quebe bi da saca'. Tu gul-lazqueza' zizraj ca bseláu' neda' lawe' da dxuxú' neda'.
14382	PSA 32:8	Dxenná Xránadxu: “Gulé'eda' lue' neza naga dxal-la' tau'. Gusé̱deda' lue', ne guzéajni'ida' lue' ca dxal-la' gunu'.
14384	PSA 32:10	Benne' we̱n da cale̱la ca' dxun na ba xen xeledée̱' lu da zi' da xa'. Benne' ca' dxuluxrén lazre̱' Xránadxu, tu dxuxúezqueze̱' le̱' nen dute̱ xel-la' zri'i lazre' chee̱'.
14385	PSA 32:11	Le'e, benne' xrlátaje, le be, ne le sua lu da ba neza, ne̱ chee̱ da be̱n Xránadxu, gúcale̱ne̱' le'e. Nen dute̱ xel-la' dxebé le gul-la, le'e, nácale li lazre' lau Le̱'.
14388	PSA 33:3	Le gul-la chee̱ Le̱' tu da cube. Le gul-la cháwedau', quínnele dute̱ xel-la' dxebé.
14389	PSA 33:4	Li lazre' naca xrtizra' Xránadxu Dios, na' nune̱' dute̱ lu xel-la' li lazre' chee̱'.
14390	PSA 33:5	Le̱' nazrí'ine̱' da naca xrlátaje, ne da naca du lazre'. Zaj núnbea bénneache xel-la' dxexache lazre' chee̱ Xránadxu du gabí'i xe̱zr la xu.
14401	PSA 33:16	Quebe la benne' wenná bea ne̱ chee̱ benne' dxjaque̱' wedil-la zante̱ chee̱', ne quebe la benne' wal-la ne̱ chee̱ xel-la' wal-la da nape̱'.
14402	PSA 33:17	Quebe nu benne' le̱' ne̱ chee̱ bzrina', ne quebe nu la ne̱ chee̱ xel-la' wal-la zren chee̱'.
14404	PSA 33:19	chee̱ guselé̱' le̱' lu xel-la' gute, ne chee̱ gugawe̱' le̱' gate dxaca gubina'.
14409	PSA 34:2	Tu güe lá'anazqueza' Xránadxu Dios te zra chizrela. Tu gúl-lazqueza' da güe lá'ana na Le̱'.