13944	PSA 1:1	Ba neza zrente̱ naca na chee̱ bénnea' quebe dxezi'e̱ da dxuluzéajni'i benne' we̱n da cale̱la ca' le̱', ne quebe dxune̱' tuze benne' dul-la ca', ne quebe dxune̱' tu zren benne' ca' dxelún le̱' chee̱ Dios.
13948	PSA 1:5	Quebe xelexegá'ana chawe' benne' we̱n da cale̱la ca' gate guchi'a Dios chee̱', ne quebe xelú'u benne' dul-la ca' naga zaj nazraga benne' xrlátaje ca'.
14010	PSA 7:7	Xran, dute̱ xel-la' dxezrá'a chiu', guzé̱. Bexechaj benne' ca' dxulusaca zi'e̱ neda' lu xel-la' dxelezrá'a chee̱'. Gusel-la da gácale̱ na neda' gate guchi'u da dxaca chia' ca da gunná be'u.
14043	PSA 9:12	Le gul-la chee̱ Xránadxu, Bénnea' zue̱' xe̱zre Sión. Le guzén benne' xe̱zre ca' ca zaj naca da ca' nune̱',
14044	PSA 9:13	lawe' da dxeajsá lazre̱' chee̱ benne' ca', ne dxexebéaj lazre̱' chee̱ benne' we̱te benne'. Quebe gul-la lazre̱' ca da dxululáwizra benne' ba xache' ca' Le̱'.
14049	PSA 9:18	Benne' we̱n da cale̱la ca' xeledéqueze̱' lu lataj ba xa'. Xúgute̱ benne' ca' dxelal-la lazre̱' Xránadxu Dios.
14050	PSA 9:19	Quegá chadía chacanna gal-la lazre' Dios benne' xache' ca', ne quegá tu chi'ize xenite da dxelebeza lazre̱' le̱'.
14064	PSA 10:12	Guxasa, Xrana' Dios, ne bze̱ na'u. Quebe gal-la lazru'u benne' xache' ca'.
14067	PSA 10:15	Dxugú' xel-la' wal-la chee̱ benne' we̱n da cale̱la. Guleaj láwela da cale̱la da nune̱', da na' be̱ne̱' lu da bagache'.
14088	PSA 13:2	¿Ájate̱queze gal-la lazru' neda', Xran? ¿Gal-la lázrtequezu' neda'? ¿Ájatequeze quebe le'enu' da dxaca chia'?
14139	PSA 18:9	Bdxuaj zren chee̱ xi' lu zrine̱', ne bdxuaj xi' lu dxu'e̱ da bzezxe na da de̱ lawe̱', na' xi' na' gudel-la na bau ca'.
14140	PSA 18:10	Bzéxruje̱' da zria zran xabáa, na' bétaje̱', na' guzúa da chul-la zran ni'e̱.
14148	PSA 18:18	Bselé̱' neda' lu na' benne' wal-la dxeledábague̱' neda', ne lu na' benne' ca' dxelecuídene̱' neda', benne' zaj nácadxe̱' wál-la ca neda'.
14195	PSA 19:14	Bucache chawe' neda', we̱n zrin chiu', chee̱ quebe bi dul-la guna' du lazra'. Quebe gu'u lataj nna be'e dul-la neda'. Nadxa gaca' du lazra', ne quebe baga' zria chee̱ dul-la na'.
14204	PSA 20:8	Bal-la benne' dxuluxrén lazre̱' carro ca' chee̱ wedil-la, na' xezícadxe̱' dxuluxrén lázre̱' bzrina' ca'. Dxi'u dxuxrén lázredxu La Xránadxu Dios.
14220	PSA 21:14	Begá'ana szrénqueze Lue', Xran, lu xel-la' wal-la chiu'. Tu gúl-lazquezdxu, ne tu güe lá'anazquezdxu Lue' ca naca xel-la' waca chiu'.
14233	PSA 22:13	Zaj naxechaj benne' dxeledábague̱' neda' ca be̱zre ca'. Zaj naxechaj benne' neda' zaj naque̱' ca be̱zre wal-la ca' chee̱ Basán.
14236	PSA 22:16	Bexaca xel-la' wal-la chia' ca tu xé'ena xu la'a, na' luzra' bedá' na chichja'. Nuzú' neda' lu xu xrte chee̱ xel-la' gute.
14240	PSA 22:20	Quebe xebigu' naga zua', Xran. Nacu' xel-la' wal-la chia'. Gudázega gácale̱nu' neda', Xran.
14242	PSA 22:22	Bselá neda' lu dxu'a be̱zre xixre'. Bselá neda' lu luzu be̱zre wal-la ca'.
14275	PSA 25:7	Quebe chajsá lazru' dul-la da be̱na' gate ne naca' benne' cuide', ne ca gudábaga' xrtizru'. Nen dute̱ xel-la' dxexache lazre' chiu', bsa lazre' neda', ne nen dute̱ xel-la' zri'i lazre' chiu', Xran.
14276	PSA 25:8	Xrlátaje, ne li lazre' naca Xránadxu Dios. Chee̱ le̱ na' gusé̱dene̱' benne' dul-la ca' da dxal-la' xelune̱'.
14279	PSA 25:11	Lawe' da dxunu' ca da ba gunníu', Xran, gunite lau' ca naca dul-la nuna', da naca na zren.
14286	PSA 25:18	Gunná' ca dxezaca zi'a, ne ca dxunle̱'a zrin, na' bnite lau xúgute̱ dul-la da nabaga'.
14299	PSA 26:9	Quebe guzría xi'u neda' tu zren nen benne' dul-la ca', ne quebe gutiu' neda' tu zren nen benne' ca' dxelútie̱' benneáche,
14305	PSA 27:3	Láqueze xeléchaj tu cue' benne' dxjaque̱' wedil-la neda', benne' ca' dxeledábague̱' neda', quebe zrébequeza'. Láqueze xuluzúe̱' neda' lu wedil-la, neda' guxrén lázrequeza' Dios.
14329	PSA 29:4	Dxen chi'i Xránadxu ca naca xel-la' wal-la chee̱ na. Dxen chi'i Xránadxu dute̱ xel-la' szren chee̱ na.
14334	PSA 29:9	Chi'i Xránadxu dxuxrize na xaga wal-la ca'. Dxuchibe na xrlegue xaga ca', na' lu xudau' chee̱' dxelenná xúgute̱ bénneache: “¡Gaca ba Dios!”
14341	PSA 30:5	Le gul-la chee̱ Xránadxu, le'e nácale benne' cheé̱queze̱'. Le xe̱ Le̱': “Xcalenu'”, ne dxajsá lázrele naque̱' lá'azxa,
14362	PSA 31:13	Benne' caní ba gulal-la lazre̱' neda' ca dxelal-la lazre̱' tu benne' gate. Naca' neda' ca tu xé'ena xu da nalá'a.
14370	PSA 31:21	Lu da bagácheze naga zu' Lue' dxucachu' benne' ca' chee̱ quebe bi xelún bénneache chee̱'. Dxuzú' benne' ca' tu lu xu'u nagache chee̱ quebe bi gun chee̱' xel-la' wetil-la dizra' chee̱ bénneache.
14375	PSA 32:1	¡Ba neza zrente̱ naca na chee̱ bénnea' Dios ba bnite lawe̱' dul-la da gubágue̱', ne ba gudúe̱' zria da guzúa chee̱'!
14377	PSA 32:3	Gate quebe guxrúale̱pa' dul-la gubaga', bedú lazra' lawe' da gudxezra' bedú zra.
14379	PSA 32:5	Nadxa guxrúale̱pa' dul-la gubaga', ne quebe bcacha' zria da guzúa chia'. Bechugu lazra' guxrúale̱pa' na lau Lue', Xran, na' Lue' bnite lau' chee̱ dul-la gubaga'.
14387	PSA 33:2	Le gucá'ana szren Dios nen da zríadi'i na du da dxínnele. Le gúl-laqueze chee̱' nen da dxúl-lale̱nle, ne nen tu da nua na chi du.
14388	PSA 33:3	Le gul-la chee̱ Le̱' tu da cube. Le gul-la cháwedau', quínnele dute̱ xel-la' dxebé.
14401	PSA 33:16	Quebe la benne' wenná bea ne̱ chee̱ benne' dxjaque̱' wedil-la zante̱ chee̱', ne quebe la benne' wal-la ne̱ chee̱ xel-la' wal-la da nape̱'.
14402	PSA 33:17	Quebe nu benne' le̱' ne̱ chee̱ bzrina', ne quebe nu la ne̱ chee̱ xel-la' wal-la zren chee̱'.
14429	PSA 34:22	Dul-la da dxun benne' we̱n da cale̱la gute na le̱', na' xelebía xi' benne' ca' dxelecuídene̱' benne' xrlátaje.
14431	PSA 35:1	Xran, bsizre benne' ca' dxelenné̱' chia'. Gudíl-lale̱ benne' ca' dxeledíl-lale̱ne̱' neda'.
14433	PSA 35:3	Gude̱l-la xia chee̱ wedil-la chee̱ guzagu' benne' ca' dxululague̱' neda'. Guzre neda' nacu' Benne' dxuselé̱' neda'.
14435	PSA 35:5	Be̱n xelaque̱' ca tu xizre be̱be da dxua be', ne gusel-la gubáz chee̱ xabáa chiu' chee̱ gulague̱' benne' ca'.
14436	PSA 35:6	Be̱n chul-la neza naga xeledée̱', na' gaca na naga xelebile̱', ne gusel-la gubáz chee̱ xabáa chiu' chee̱ gulague̱' benne' ca'.
14438	PSA 35:8	Gusel-la da guzría xi na benne' ca', ne quebe xeleque be'ene̱'. Be̱n que̱la xralaj chee̱' na' lé̱queze̱', ne cheajlecházie̱' naga xelebía xi'e̱.
14440	PSA 35:10	Xúgute̱ zrita xu'a xelenná na: Xran, ¿núzraqueze naca ca nacu' Lue'? Dxuseláu' benne' xache' lu na' benne' wál-ladxa ca le̱', ne benne' dxexazrje lu na' benne' dxebane̱' da du de̱ chee̱'.
14487	PSA 37:16	Cháwedxa naca da du da de̱ chee̱ benne' xrlátaje ca da gunní'a da zaj napa zánete̱ benne' dul-la ca',
14505	PSA 37:34	Guleza lazre' Xránadxu, ne be̱n ca da ba gunné̱', na' Le̱' chísaqueze̱' Lue' chee̱ gaca chiu' xe̱zr la xu nigá. Gate xelebía xi' benne' dul-la ca', na' lé'enu' na.
14530	PSA 38:19	Chee̱ le̱ na' xrúale̱pequeza' da cale̱la da be̱na', ne xewine lazra' ca naca dul-la da nabaga'.
14536	PSA 39:2	Neda' gunnía': Guxúe xanne' cuina' chee̱ quebe guna' dul-la lu da guchálaja'. Tu guxúe xánnezqueza' ca da guchálaja' dxácate̱ na' zua benne' we̱n da cale̱la naga zua'.
14546	PSA 39:12	Dxudéu' ba xa' tu benne' ba nun dul-la chee̱ dxuzéajni'inu' le̱', ne ca dxun béadu dxuteba' ladxe' dxuzría xi'u da nazrí'idxe bénnea'. ¡Da líqueze quebe bi zaj naca zra chee̱ xúgute̱ bénneache!
14571	PSA 41:5	Gunnía': Xrana' Dios, bexache lazre' neda'. Bexún bénne'du xu'a lawe' da be̱na' dul-la gate gudábaga' Lue'.
14585	PSA 42:5	Dxajsá lazra' chee̱ da caní, ne dxebezre lazra'. Dxajsá lazra' ca guxá'ale̱na' benne' zan ca', ne nuzúa' lawe' le̱' lizre Dios. Tu dxúl-lazquezdxu lu xel-la' dxebé, ne dxue lá'anaquezdxu Dios lu laní.
14590	PSA 42:10	Xapa' Dios: Lué'queze dxucu'uju' neda'. ¿Bizr chee̱ na' nal-la lazru' neda'? ¿Bizr chee̱ na' dxewí'ine lazra' lawe' da dxusaca zi' benne' dxedábague̱' neda'?
14595	PSA 43:3	Gusel-la chia' xel-la' naxaní' chiu', ne da li chiu'. Da caní xulusí na neda' neza. Xeleché̱ na neda' lu xi'a lá'azxa chiu', ne naga zúaquezu' Lue'.
14601	PSA 44:4	Xra xrtáuntu' ca' quebe gulezi'e̱ xe̱zr la xu nigá nen xia nalá cheé̱queze̱', Ne quebe buluselá cuine̱' nen xel-la' wal-la da zaj nape̱'. Lue' bseláuquezu' le̱' nen xel-la' waca chiu', ne nen xel-la' wal-la chiu', ne nen xel-la' naxaní' chiu', lawe' da bezaca ba lazru' nen le̱'.
14614	PSA 44:17	lawe' da dxelenné̱' schanni' chia', ne dxuluzúe̱' neda' chalá'ala, ne dxulutíl-lale̱ neda' benne' ca' dxeledábague̱' neda', nen benne' ca' dxelexebeaj lazre̱' neda'.
14615	PSA 44:18	Xúgute̱ da caní dxaca chee̱ntu', ne quebe ne gal-la lazrentu' Lue', ne quebe ne guzúantu' chalá'ala xel-la' wezría chiu'.
14618	PSA 44:21	La gul-la lázrentu' La Dios chee̱dxu, ne bca'ana szrentu' tu dios da quebe bi zaca,
14652	PSA 46:10	Dxebeque zrie̱' wedil-la da dxelaca du gabí'i xe̱zr la xu. Dxuzúzruje̱' da dxuzala na xaga nalá xéche'ze ca', ne dxíchuje̱' xaga tuche' ca' chee̱ wedil-la, na' dxuzezxe̱' da ca' zaj nache̱' benne' wedil-la ca'.
14661	PSA 47:7	¡Le gul-la da gaca ba Dios! ¡Le gul-la! ¡Le gul-la da gaca ba Wenná Bea chee̱dxu! ¡Le gul-la!
14662	PSA 47:8	¡Dios naque̱' Wenná Bea dute̱ lu xe̱zr la xu nigá! ¡Le gul-la chee̱' nen dute̱ xel-la' dxéajni'i chee̱le!
14678	PSA 48:14	Le nna' xque ca naca ze'e zren naxechaj na xe̱zre na'. Le nna' xanne' ca zaj naca xu'u wal-la chee̱ na, chee̱ guzenle bi chee̱le ca naca xe̱zre na'.
14722	PSA 50:22	Le chéajni'i da nigá na'a, le'e dxal-la lázrele Dios. Ga gaze guzuzruj Dios le'e, ne québedxa sua nu guselá le'e.
14727	PSA 51:4	Gudibe neda' ca naca da cale̱la da nuna', ne bca'ana chawe' neda' chee̱ dul-la da be̱na',
14728	PSA 51:5	lawe' da dxexúnbe'a ca be̱na' gudábaga' Lue', ne ca naca dul-la chia' tu dxáguze na zria neda'.
14730	PSA 51:7	Gunná' xque, báchequeze nabaga' dul-la gate gúlajtea', ne lu dul-la zúaqueza' gate guzrán xrna'a neda'.
14734	PSA 51:11	Quebe gusá lazru' ca naca dul-la da be̱na', na' bsula xúgute̱ da cale̱la da nuna'.
14738	PSA 51:15	Nadxa gusé̱deda' benne' ca' dxelune̱' da zrinnaj ca dxaca lazru' xelune̱', na' benne' dul-la ca' xelexexaque̱' chiu' Lue'.
14765	PSA 54:3	Bselá neda', Dios, nen xel-la' waca chiu'. Gúcale̱ neda', Dios, nen xel-la' wal-la chiu'.
14790	PSA 55:19	Xexá'awe̱' bénne'du xu'a lu wedil-la da dxaca chia' neda', ne gune̱' cueza' zri lazra', lácala zaj zra' zánete̱ benne' dxeledábague̱' neda'.
14813	PSA 57:4	Naga zúate̱' xabáa chee̱' sel-le̱' nu guselá neda' lu na' bénnea' dxáca lazre̱' guzría xi'e̱ neda'. Gusel-la Dios xel-la' dxexache lazre', ne da li chee̱'.
14837	PSA 59:4	lawe' da dxelilaj lazre̱' xelútie̱' neda'. Zaj nazraga benne' wal-la ca' chee̱ xeledíl-lale̱ne̱' neda', quegá lawe' da bi zria nabaga', ne quegá ne̱ chee̱ dul-la nuna' neda', Xran.
14843	PSA 59:10	Zaj naca wal-la benne' ca' dxeledábague̱' neda'. Cueza lazra' Lue' lawe' da dxucu'uju' neda', Dios.
14845	PSA 59:12	Quebe gutiu' benne' ca', chee̱ quebe xelal-la lazre' bénneache chia' ca da gunu'. Be̱se dinnaj benne' ca' nen xel-la' waca chiu'. Lue', Xran, Benne' dxucu'uj netu', ben cheajlecházie̱'.
14846	PSA 59:13	Be̱n xeledule̱' lu xel-la' dxulucá'ana szren cuine̱', ne̱ chee̱ dul-la dxelune̱' lu da dxuluchálaje̱', ne ne̱ chee̱ dizra' schanni', ne da we̱n lazre' da dxelenné̱'.
14858	PSA 60:7	Chee̱ xelelá benne' ca' nazrí'iqueznu' Lue', bsel-la le̱' dute̱ xel-la' waca chiu', ne bene chia'.
14896	PSA 63:9	Naca bénne'du xu'a Lue' tuze. Nen na'u wal-la nuxru' neda'.
14926	PSA 66:2	Le gul-la ca naca xel-la' szren chee̱ le̱'. Le gucá'ana szrene̱' gate dxue lá'anale Le̱'.
14957	PSA 68:5	¡Le gul-la chee̱ Dios! ¡Le gul-la da du ca' chee̱ Láqueze̱'! ¡Le gucá'ana szren Bénnea' dxe'e̱ xabáa, nazí le̱' Jah! ¡Le be lau Le̱'!
14970	PSA 68:18	Da zaj naché̱' benne' ca' lu wedil-la da napa Dios zánete̱ cue' gaxúa zaj naca na. Xránadxu Dios zezé̱'e̱ xi'a Sinaí chee̱ sue̱' lataj lá'azxa chee̱'.
14974	PSA 68:22	Da líqueze Dios gune̱' we̱' xichaj benne' ca' dxeledábague̱' Le̱'. Gune̱' we̱' xichaj benne' quebe dxulusane̱' ca zaj naca dul-la da dxelune̱'.
14978	PSA 68:26	Benne' ca' dxelul-la zeajzrie̱' láwe'la, na' benne' zaj nu'e̱ da dxulucuezre̱' zja'aque̱' bzé̱bela. Ládujla zjaca nu'ula cuíde'du ca' zaj núxrube' da du ca' dxulusézxebe'.
14981	PSA 68:29	Dios, ble'e lau xel-la' wal-la chiu'. Bzua chacha, Dios, da na' be̱nu' chee̱ntu'.
14983	PSA 68:31	Gudil-la benne' dxjaque̱' wedil-la chee̱ dute̱ xe̱zr la xu zaj nazrague̱' chee̱ xeledíl-lale̱ne̱' Lue', benne' ca' zaj naque̱' ca be̱zre zan ca' nen biadu chee̱ba' ca', cadxa xuluzúa xúgute̱' dizra' chiu', na' xelunne̱' ca naca xia plata da zaj nape̱'. Be̱se dinnaj benne' dute̱ xe̱zr la xu dxelexezaca ba lazre̱' xelezúe̱' lu wedil-la.
14985	PSA 68:33	¡Le gul-la chee̱ Dios, le'e zrale du gabí'i xe̱zr la xu! ¡Le gul-la chee̱ Xránadxu!
14986	PSA 68:34	¡Le gul-la chee̱ Bénnea' dxe'e̱ xabáa na'ala, da zua na nédxute̱! ¡Le nna' xque, wanné̱', ne zízrajle̱'e̱ nne̱'!
14994	PSA 69:6	Dios, nézqueznu' Lue' naca da xálaze da nuna', ne dxelé'equeznu' dul-la da be̱na'.
14998	PSA 69:10	Lawe' da dxé'le̱'a gunne xue chee̱ lizru' dxal-la na lu lázrdawa'. Gate dxelenné̱' benne' ca' schanni' chiu' Lue', Dios, naca ca dxelenné̱' schanni' chia' neda'.
15012	PSA 69:24	Be̱n xelechul-la xiaj lawe̱' chee̱ québedxa xelelé'ene̱', ne be̱n tu xelexrízrezqueze benne' ca'.
15016	PSA 69:28	Ble'e dul-la da zaj nabaga benne' ca', ne quebe gu'u le̱' lataj xelaque̱' tuze benne' xrlátaje chiu'.
15046	PSA 71:15	Guzenda' bénneache nacu' xrlátaje, ne tu guzénzquezda' le̱' ca da be̱nu' bseláu' neda', láqueze quebe nezda' bal-la lasa bseláu' neda'.
15049	PSA 71:18	Dios, quebe gusán lazru' neda' gate bache guxrúa', ne ba bgucha'. Be̱' neda' lataj guzenda' zri'ine zre sua' ca naca xel-la' waca chiu', ne guzenda' bi za xelalaj ca naca xel-la' wal-la chiu',
15122	PSA 74:19	Quebe gusanu' lu na' benne' zaj naque̱' ca be̱ snia ca' benne' ca' nazrí'iquezu', ne quebe gal-la lazru' tu chi'ize bénneache chiu' zaj zue̱' lu da ba xa'.
15123	PSA 74:20	Gunná' ca naca xel-la' wezría da be̱nu', lawe' da gátete̱ze naca chul-la lu xe̱zr la xu, na' zaj zra' benne' ca' dxelune̱' da zrinnaj.
15126	PSA 74:23	Quebe gal-la lazru' ca da gulenná benne' ca' dxeledábague̱' lue'. Da schaga dxelún benne' ca' dxeledábague̱' Lue' tu dxénzqueze na.
15132	PSA 75:6	Quebe guxrén lázrele xel-la' wal-la chee̱le. Quebe gácale benne' lázxdau zide'.”
15142	PSA 76:5	Benne' xabáa nacu' Lue', ne Benne' wál-ladxa ca xi'a zri'a ca'.
15143	PSA 76:6	Xeajlechaze benne' wal-la ca', ne guláse dínnaje̱'. Netú benne' wal-la ca' quebe belexechisa ne̱'e̱ chee̱ xelune̱' wedil-la.
15178	PSA 78:7	chee̱ xuluxrén lázrebe' Dios, ne quebe xelal-la lázrebe' da ca' be̱n Dios, ne chee̱ xuluzúabe' dizra' da ca' gunná be'e̱.
15180	PSA 78:9	Benne' zrí'ine zre sua Efraín, benne' zaj nu'e̱ da dxuluchínene̱' lu wedil-la buluzrúnnuje̱' naga dxaca wedil-la.