14007	PSA 7:4	Xrana' Dios, che be̱na' neda' caní: Che bi da zrinnaj be̱n ni'a na'a.
14083	PSA 12:6	Dxenná Xránadxu Dios: “Na'a xídaqueza' lawe' da dxulusaca zi'e̱ benne' xache' ca', na' dxelebezre lazre' benne' baxache' ca'. Guselá' benne' ca' dxelánene̱' da guna'.”
14106	PSA 16:2	Lu xichaj lázrdawa' gucha' Xrana' Dios: “Lue' nacu' Xrana'. Quebe bi xetú da xrlátaje de̱ chia' da quebe naca na chiu'.”
14334	PSA 29:9	Chi'i Xránadxu dxuxrize na xaga wal-la ca'. Dxuchibe na xrlegue xaga ca', na' lu xudau' chee̱' dxelenná xúgute̱ bénneache: “¡Gaca ba Dios!”
14382	PSA 32:8	Dxenná Xránadxu: “Gulé'eda' lue' neza naga dxal-la' tau'. Gusé̱deda' lue', ne guzéajni'ida' lue' ca dxal-la' gunu'.
14440	PSA 35:10	Xúgute̱ zrita xu'a xelenná na: Xran, ¿núzraqueze naca ca nacu' Lue'? Dxuseláu' benne' xache' lu na' benne' wál-ladxa ca le̱', ne benne' dxexazrje lu na' benne' dxebane̱' da du de̱ chee̱'.
14584	PSA 42:4	Nisa xuzru xiaj lawa' guca na ca xeta dxawa' te zra chizrela, dxácate̱ na' gulé̱'e̱ neda' xúgute̱ zra: “¿Ga na' Dios chiu'?”
14590	PSA 42:10	Xapa' Dios: Lué'queze dxucu'uju' neda'. ¿Bizr chee̱ na' nal-la lazru' neda'? ¿Bizr chee̱ na' dxewí'ine lazra' lawe' da dxusaca zi' benne' dxedábague̱' neda'?
14653	PSA 46:11	Dxenná Dios: “Le sua zrize, ne le xúnbea naca' Dios. Naca' szrendxa ca zaj naca xúgute̱ cue' xe̱zr la xu. Naca' szrendxa ca dute̱ xe̱zr la xu.”
14716	PSA 50:16	Dios guzre̱' benne' we̱n da cale̱la: “¿Bi dxéquenu' lue', dxuchálaju' ca nadxixruj bi'a, ne dxenníu' ca naca chee̱ xel-la' wezría chia'?
14760	PSA 53:5	Dxenná Dios: “¿Quebe dxeléajni'i benne' caní dxelune̱' da cale̱la? Dxele̱'aj dxelawe̱' da dxelebane̱' chee̱ bénneache chia', ne quebe dxelexílaje̱' neda'.”
14886	PSA 62:12	Tu lásaze gunná Dios: na' chupa lasa benda' da nigá: Chee̱ Dios naca xel-la' waca.
14927	PSA 66:3	Le xe̱ Dios: “Dxebánele̱'e̱quezentu' ca zaj naca da nunu'.” Ne̱ chee̱ xel-la' szren chee̱ xel-la' waca chiu' xuluzúa xrtizru' benne' ca' dxeledábague̱' lue'.
14975	PSA 68:23	Gunná Xránadxu: “Guna' xezrinle lázrele, xeza'ale lu xi'a Basán. Guna' xeza'ale lu da situj chee̱ nísadau', xezrinle lázrele,
15086	PSA 73:11	Dxelenná benne' ca' dxelune̱' da cale̱la: “¿Ájazra gaca neze Dios? ¿Dxelé'equeze Bénnea' zue̱' na'ala?”
15121	PSA 74:18	Bsa lazre' da nigá: Benne' ca' dxeledábague̱' lue' ba zaj nun le̱' chiu' Lue', Xran. Benne' xala ca' ba gulenné̱' schanni' chee̱ Lau'.
15128	PSA 75:2	“Xcalenu'”, dxe̱ntu' Lue', Dios: “Xcalenu'.” Dxuzentu' bénneache zúale̱nu' netu', ne ba nunu' da ca' dxexebánequezentu'.
15129	PSA 75:3	Dxenná Dios: “Ba nuzúa' zra guchi'a chee̱ bénneache. Guchi'a ca naca da xrlátaje.
15131	PSA 75:5	Dxapa' benne' xala ca': Quebe gáwele. Dxapa' benne' ca' dxelune̱' da cale̱la: Quebe gucá'ana szren cuínale.
15253	PSA 79:10	lawe' da xelenná bénneache: “¿Ga na Dios chee̱ benne' ca'?” Bebéaj lazre' benne' ca' belútie̱' we̱n zrin chiu' ca'.
15283	PSA 81:7	Gunná Dios: “Begúa' xua' da buludé̱'e̱' benne' chia' ca'. Bsezrá'a benne' chia' ca' da zi'i.”
15295	PSA 82:2	Dxenná Dios: “¿Bátadxa guchí'ale chee̱ bénneache chia' da quebe naca xrlátaje, ne gápale ba lá'ana benne' ca' zaj nabéaj xíchaje̱' Dios?”
15314	PSA 83:13	lawe' da gulenná benne' caní: “Gaca chee̱dxu xe̱zr la xu naga zaj zra' bénneache chee̱ Dios.”
15462	PSA 91:2	waca xe̱'e̱ Dios: Nacu' Bénnea' dxebeza lazra', ne Bénnea' dxucache chawe̱' neda'. Nacu' Dios chia', na' dxuxrén lazra' Lue'.
15474	PSA 91:14	Dxenná Dios: “Guselá' xúgute̱ benne' ca' zaj nazrí'ine̱' neda', ne gucache chawa' benne' ca' dxelexeche̱be̱' naca' Xrane̱'.
15541	PSA 96:10	Le xe̱ bénneache xe̱zr la xu: Naca Xránadxu Wenná Bea. Nuzúa chúchue̱' xe̱zr la xu nigá, na' quebe nu seque' gutá na. Guchi'e̱ chee̱ bénneache ca naca da xrlátaje.
15719	PSA 106:1	¡Gaca ba lá'azxa Xránadxu Dios! ¡Le xe̱ Xránadxu Dios: “Xcalenu'!” Caní dxal-la' gunle lawe' da naque̱' xrlátaje, ne lawe' da tu chí'izqueze dxexache lazre̱' dxi'u.
15817	PSA 108:8	Lu lataj lá'azxa chee̱' gunná Dios: “Wabéquezda' neda'. Gunna' late weaj chee̱le xe̱zr la xu chee̱ benne' Siquem ca', ne gudixra' chee̱le xe̱zr la xu de̱ cuite xe̱gu Sucot.
15940	PSA 118:3	Dxal-la' xelenná zri'ine zre sua Aarón: ¡Chadía chacanna dxexache lazre̱' dxi'u!
15941	PSA 118:4	Dxal-la' xelenná benne' ca' dxelezrebe̱' Xránadxu Dios: ¡Chadía chacanna dxexache lazre̱' dxi'u!
16208	PSA 129:8	Quebe xelenná benne' dxeledée̱' naga zaj zria na: Dxenábantu' gun Xránantu' Dios gaca chawe' chee̱le. Lu La Xránantu' Dios dxenábantu' gaca chawe' chee̱le.
16338	PSA 140:7	Gucha' Xrana' Dios: Lue' nacu' Dios chia'. Xrana' Dios, bene chi'a dxuláwizra' Lue'.
23236	MAT 1:23	Caní gunné̱': Tu nú'uladau' gúadaube' sanbe' tu bidu biu chee̱be', na' xelu'e̱ labe' Emanuel. Emanuel zéaje̱ na: Dios zúale̱ne̱' dxi'u.
23264	MAT 3:3	Juan nigá naque̱' bénnea' bchalaj Isaías chee̱'. Isaías bchálaje̱' waláz chee̱ Dios gate bzuaje̱' caní: Dxene chi'i benne' dxebezre xe̱'e̱ le̱'e̱ xixre' lawe' lataj, dxenné̱': Le gucá'ana chawe' neza naga te Xránadxu. Le xulí neza lase ca' lau Le̱' naga tée̱'.
23275	MAT 3:14	Nédxute̱ Juan quebe guca lazre̱', na' dxe̱'e̱ Jesús: ―Lue' dxal-la' guchú'u neda' nisa. Quebe zaca' neda' guchúa' Lue' nisa.
23284	MAT 4:6	na' guzre na Le̱': ―Che Lue' nacu' Zri'ine Dios, guxrite' nigá, lawe' da dxenná lu xiche chee̱ Dios: Dios nna bé'ene̱' gubáz chee̱ xabáa chee̱' ca' chee̱ xelácale̱ne̱' Lue'. Welexechise̱' Lue' nen ne̱'e̱ chee̱ quebe gunu' zi' ni'u lu xiaj ca'.
23285	MAT 4:7	Na' gunná Jesús: ―Cá'anqueze dxenná lu xiche chee̱ Dios, dxe̱'e̱ bénneache: “Quebe guchínenu' Xranu' Dios cáte̱ze dxaca lazru'.”
23288	MAT 4:10	Nadxa Jesús guzre̱' na: ―Bexíaj, da xriwe̱', lawe' da dxenná Dios lu xiche chee̱', dxe̱'e̱ bénneache: “Bca'ana szren Xranu' Dios, ne be lá'ana tuze Le̱'.”
23297	MAT 4:19	Nadxa Jesús dxe̱'e̱ benne' caní: ―Le gun neda' tuze, na' guna' le'e benne' gutúpale chia' bénneache ca dxunle dxezenle bela.
23306	MAT 5:3	Gunná Jesús: ―Da ba neza zrente̱ naca na chee̱ benne' ca' dxelexúnbe'e̱ ca naca xel-la' dxexazrje chee̱' lau Dios. Benne' caní zaj naca chee̱' xelexú'e̱ naga dxenná bea Dios xabáa.
23316	MAT 5:13	Na' gunná Jesús: ―Le'e nácale ca zede' chee̱ bénneache lu xe̱zrla xu nigá. Che zede' nigá xenite xel-la' sna'a chee̱ na, ¿ájazra gácale̱le bénneache ca'? Québedxa gaca guchínedxu zede' caní. ¡Chú'unadxu na, na' xululéaj bénneache le̱ na!
23320	MAT 5:17	Gunná Jesús: ―Quebe dxal-la' guéquele le'e za'a neda' chee̱ cua' ca naca da bdxixruj be'e Moisés, ne ca naca dizra' da buluchalaj benne' ca' buluchálaje̱' waláz chee̱ Dios. Quebe za'a chee̱ cua' na. Za'a chee̱ gulé'eda' cáte̱ze zéaje̱ na.
23324	MAT 5:21	Na' gunná Jesús: ―Le'e ba bénele ca gulenná xrtíale gula ca': “Quebe gútele benne',” na' “Nútete̱ze benne' gutie̱' benne' waxíaje̱' chee̱ cuía xi'e̱.”
23330	MAT 5:27	Na' gunná Jesús: ―Le'e bache bénquezle ca gulenné̱' nédxute̱: “Quebe gunu' dul-la da dxichaj na xrba chee̱ xel-la' nuchaga na'.”
23334	MAT 5:31	Na' gunná Jesús: ―Cá'anqueze gulenné̱' nédxute̱: “Nútete̱ze benne' dxexelé̱'e̱ nen zru'ule̱', dxal-la' gunézruje̱' nu'ula na' tu xiche da dxulé'e na belexelé̱'e̱.”
23336	MAT 5:33	Na' gunná Jesús: ―Cá'anqueze ba bénele ca gulenná benne' gula ca', gulenné̱': “Quebe gucá'anu' cá'aze ca da nache̱be lazru' nen dizra' bca'ana liu' lau Xránadxu Dios.”
23340	MAT 5:37	Le nnaze: “Awe',” u le nnaze: “Cabí,” lawe' da gate tu benne' dxudadxe̱' chee̱' chee̱ da nigá, naca na chee̱ da xriwe̱'.
23341	MAT 5:38	Na' gunná Jesús: ―Le'e ba bénele ca da gulenné̱' nédxute̱: “Che tu benne' cuéaje̱' xiaj lau', cá'anqueze gunu' chee̱', ne che cuéaje̱' lazxu', cá'anqueze gunu' chee̱'.”
23346	MAT 5:43	Na' gunná Jesús: ―Cá'anqueze ba bénele ca da gulenné̱' nédxute̱: “Bzri'i le sa' ljwezru', ne gucuide benne' dxedábague̱' lue'.”
23352	MAT 6:1	Caní gunná Jesús: ―Le guxúe xanne' cuínale chee̱ quebe gunle da naca chee̱ xel-la' benne' xudau' chee̱le lau bénneache chee̱ xelelé'ene̱' na. Che ca'an dxunle, na' Xrale Dios zue̱' xabáa québequeze bi gunne̱' le'e.
23356	MAT 6:5	Na' gunná Jesús: ―Gate le'e gunle xel-la' dxuláwizra Dios, quebe gunle ca dxelún benne' ca' dxelune̱' xrlátaje cúzreze. Dxeledánene̱' dxelune̱' xel-la' dxuláwizra Dios zaj ze̱ze̱' lu xu'u naga dxulucá'ana szren benne' judío ca' Dios, ne la neza, chee̱ xelelé'e bénneache da dxelune̱'. Da li dxapa' le'e, ba dé̱queze lazruj chee̱'.
23360	MAT 6:9	Chee̱ le̱ na', le guláwizra Dios nnale caní: Xrantu' Dios, zu' xabáa, gaca lá'azxaqueze Lau'.
23367	MAT 6:16	Na' gunná Jesús: ―Gate le'e dxunle gubasa, quebe guzúale baxache' laule ca dxelún benne' dxelune̱' xrlátaje cúzreze. Benne' caní dxelune̱' ca' chee̱ xelelé'e bénneache le̱' dxelune̱' gubasa. Da li dxapa' le'e, ba dé̱queze lazruj chee̱ benne' ca'.
23370	MAT 6:19	Na' gunná Jesús: ―Quebe gutúpale da gunní'a lu xe̱zr la xu nigá, naga guteba' na, ne da ca' dxelebía xi na, na' xelú'u gubán ne xelebane̱' na.
23373	MAT 6:22	Na' gunná Jesús: ―Xiaj laule zaj naca na ca tu xi' chee̱ be̱l-la' dxen chee̱le. Che xiaj laule zaj naca na chawe', dute̱ ca naca be̱l-la' dxen chee̱le naxaní'.
23375	MAT 6:24	Na' gunná Jesús: ―Netú benne' quebe séquene̱' guzúa cuine̱' lu na' chupa xrane̱', lawe' da wazré̱'e̱ tu xrane̱' ne wazrí'ine̱' xetúe̱', u wéquene̱' ba lá'ana tu xrane̱' na' xetúe̱' guzúe̱' chalá'ala. Quebe séquele guzúa cuinle lu na' Dios, ne lu na' da gunní'a.
23376	MAT 6:25	Na' gunná Jesús: ―Chee̱ le̱ na' dxapa' le'e, quebe cue'le gunne xue ga sa' da gágule da xí'ajle chee̱ gaca banle, ne ga sa' zra lánale da gácule. Zácadxa xel-la' nabán chee̱le ca da dxágule, ne zácadxa be̱l-la' dxen chee̱le ca zra lánale.
23382	MAT 6:31	Chee̱ le̱ na', quebe cué'tecale gunne xue, nnale: “¿Ga sa' da gágudxu? ¿Ga sa' da xí'ajdxu? ¿Ga sa' da gácudxu?”
23386	MAT 7:1	Na' gunná Jesús: ―Quebe guchí'ale da dxelún le sa' ljwézrele chee̱ quebe guchi'a Dios caní chee̱le le'e.
23392	MAT 7:7	Na' gunná Jesús: ―Le naba, na' Dios gunne̱' na chee̱le. Le xilaj na, na' xezrélele na. Le nne̱ dxu'a dxa xu'u, na' sáluje̱' chee̱le.
23398	MAT 7:13	Na' gunná Jesús: ―Le chu'u lu dxa xu'u lechide'. Dxa xu'u laga, ne neza xu zaj naca naga zjaca benne' xelebía xi'e̱, na' benne' zante̱ zjaque̱' na'.
23400	MAT 7:15	Na' gunná Jesús: ―Le guxúe cuínale chee̱ benne' we̱n lazre' ca', benne' dxelenné̱' zaj naque̱' benne' dxuluchálaje̱' waláz chee̱ Dios. Benne' caní zá'aque̱' naga zrale le'e, zaj nun cuine̱' ca tu benne' dxexruj lazre' ca naca tu zríla'dau', san lu xichaj lázrdawe̱' zaj naque̱' snia ca tu becu' xi'a.
23406	MAT 7:21	Na' gunná Jesús: ―Quebe xelu'e̱ naga dxenná bea Dios xabáa xugute̱ benne' ca' dxelé̱'e̱ neda': “Xrana', Xrana'.” Welú'u tuze benne' ca' dxelune̱' ca da dxaca lazre' Dios zue̱' xabáa.
23409	MAT 7:24	Na' gunná Jesús: ―Bénnea' dxenne̱' chia', ne dxune̱' ca da dxennía', naque̱' ca tu benne' naxéajni'iqueze', benne' be̱ne̱' tu lizre̱' lu xiaj xre.
23423	MAT 8:9	Caní waca gunu' lawe' da zua benne' dxenná bé'ene̱' neda', ne cá'anqueze neda' dxenná be'eda' benne' ca' dxjaque̱' wedil-la. Gate dxapa' tube': “Guxíaj”, na' dxéajbe'. Na' gate dxapa' bi xula: “Gudá”, na' dxídabe'. Na' gate dxuchíneda' bi we̱n zrin chia' chee̱ bi da gunbe', na' dxunbe' na.
23445	MAT 8:31	Be' xriwe̱' ca' gulata' xue na Jesús, gulenná na: ―Che Lue' xebéaju' netu' nigá, be̱nna lataj cheajchú'untu' lu cuche ca'.
23446	MAT 8:32	Nadxa Jesús guzre̱' na: ―Le chjaca xca'. Nadxa be' xriwe̱' ca' belexedxúaj na lu benne' ca', na' belexú'u na lu cuche ca'. Nadxa xúgute̱ cuche ca' belelázruba' tu dxu'a xi'a zren, na' xeajlecházeba' lu nísadau' naga gulázeba' nisa, na' guláteba'.
23475	MAT 9:27	Ca bedxúaj Jesús na', na' chupa benne' xjaque̱' cuzru Le̱', dxelenné̱' zizraj: ―Bexache lazre' netu', Lue', Zri'ine David.
23488	MAT 10:2	Caní zaj le̱ chazrinnu benne' gubáz ca' chee̱ Jesús: Benne' nedxu le̱' Simón, ne lé̱queze̱' Pedro. Xetúe̱' naque̱' benne' biche Pedro, le̱' Andrés. Xechupe̱' zaj le̱' Jacobo, ne Juan, benne' zaj naque̱' zri'ine Zebedeo.
23502	MAT 10:16	Na' gunná Jesús: ―Le na' xque nigá. Neda' dxesel-la' le'e, gácale ca zrila' zaj zraba' ládujla becu' xi'a ca'. Chee̱ le̱ na', le gaca sina ca zaj naca be̱la', san le gaca dxexruj lazre' ca zaj naca bgúgudu ca'.
23512	MAT 10:26	Na' gunná Jesús: ―Chee̱ le̱ na', quebe zrébele bénneache. Xúgute̱ da bagácheze gaca béaqueze na, na' xúgute̱ da dxelaca ga nagache gulé'e láuqueze na.
23518	MAT 10:32	Na' gunná Jesús: ―Xúgute̱ benne' ca' dxelexeche̱be̱' zaj naque̱' chia' neda' lau bénneache, cá'anqueze neda' weché̱bequeza' zaj naque̱' chia' neda' lau Xra' zue̱' xabáa.
23520	MAT 10:34	Na' gunná Jesús: ―Quebe guéquele bla'a neda' chee̱ guzúa' xel-la' dxebeza zri lazre' ládujla bénneache. Bla'a neda', quegá chee̱ guzúa' xel-la' dxebeza zri lazre', san chee̱ guzúa' wedil-la.
23526	MAT 10:40	Na' gunná Jesús: ―Che tu benne' gape̱' le'e ba lá'ana, néda'queze gape̱' ba lá'ana, na' bénnea' dxape̱' neda' ba lá'ana, dxápaqueze̱' ba lá'ana Dios, Bénnea' gusel-le̱' neda'.
23531	MAT 11:3	Benne' chupe̱' caní buluche̱be̱' Jesús: ―¿Nacu' Lue' Cristo, Bénnea' dxal-la' xide̱', u che dxal-la' cuézantu' xelá' xetú benne'?
23532	MAT 11:4	Na' beche̱be Jesús: ―Le chjaca cheajé̱zrele Juan da caní dxelé'ele, ne da dxenle.
23538	MAT 11:10	Lu xiche chee̱ Dios naxúaj na ca naca chee̱ Juan na'. Dxenná na: Neda' dxesel-la' benne' gubáz chia' nédxula ca Lue', chee̱ gucueze̱' neza naga teu'.
23553	MAT 11:25	Ca lu zra na' gunná Jesús: ―Dxue lá'ana' Lue', Xrae, nacu' Xrana xabáa, ne Xrana xe̱zr la xu nigá. Dxue lá'ana' Lue' lawe' da bcácheu' da caní lau benne' sina ca', ne lau benne' dxeléajni'ine̱', san blé'enu' na bidu caní.
23560	MAT 12:2	Gate belelé'e benne' xudau' fariseo ca' da caní, na' gulé̱'e̱ Jesús: ―Guná' xque ca dxelún benne' ca' dxusé̱denu', dxelune̱' zrin da quebe naca chee̱' xelune̱' lu zra dxupá'anadxu.
23565	MAT 12:7	¿Quebe ne chéajni'ile ca zéaje̱ da naxúaj na lu xiche chee̱ Dios? Dxenná na: Neda' dxaca lazra' xexache lázrele le sa' ljwézrele, ne quegá gútele be̱ xíxre'du ca' lu cugu chia'. La ba guxéajni'ile da nigá, quebe ne guzría xile bénneache quebe zaj nabague̱' dul-la.
23591	MAT 12:33	Na' gunná Jesús: ―Che naca chawe' tu xaga, dxebía na da zixre chawe', na' che naca tu xaga bize, dxebía na da zixre bize. Ca'an naca, tu xaga naca bea na ne̱ chee̱ da zixre da dxebía na.
23596	MAT 12:38	Nadxa bal-la benne' xudau' fariseo, ne benne' dxuluxuzájle̱'e̱ da nadxixruj bea Dios gulé̱'e̱ Jesús: ―Benne' Wese̱de, dxaca lázrentu' le'entu' chiu' gunu' tu xel-la' waca da za xabáa.
23601	MAT 12:43	Na' gunná Jesús: ―Gate tu be' xriwe̱' dxedxuaj na tu benne', na' dxedá na lataj naga nabizre, dxexilaj na naga xezí' lazre' na, na' che quebe xezrele na, na' dxenná na lu xichaj lázrdau na:
23605	MAT 12:47	Nadxa tu benne' guzre̱' Jesús: ―Xrna'u, ne bi bichu' ca' zaj zre̱'e̱ chalé'ajla. Dxelaca lazre̱' xuluchálajle̱ne̱' Lue'.
23606	MAT 12:48	Jesús guzre̱' benne' nigá: ―¿Núnbeale nuzra na' xrna'a, ne bi bícha'dau' ca'?
23626	MAT 13:18	Na' gunná Jesús: ―Le xenne ca zéaje̱ da naca chee̱ benne' dxaza nigá.
23652	MAT 13:44	Na' gunná Jesús: ―Naga dxenná bea Dios naca na ca tu xel-la' gunní'a da nagache na tu lu xe̱zr la xu. Tu benne' bezrélene̱' xel-la' gunní'a nigá, na' bucache̱' na. Ne zúale̱'e̱ xel-la' dxebé zexíaje̱' xeajxé̱tie̱' xúgute̱ da nape̱', na' bezi'e̱ xe̱zr la xu na'.
23653	MAT 13:45	Na' gunná Jesús: ―Naga dxenná bea Dios naca na ca tu da dxexilaj tu benne' we̱te, dxexílaje̱' bga ca' da zaj zaca na.
23655	MAT 13:47	Na' gunná Jesús: ―Ca naca chee̱ benne' ca' xelexú'e̱ naga dxenná bea Dios, naca na ca tu xixruj bela, da dxuluzale̱' lu nísadau', na' dxelezene̱' zane' cue' bela.
23685	MAT 14:19	Nadxa gunná bé'ene̱' gulebé' benne' zan ca' lawe' zrie̱. Guqué̱'e̱ xeta xtila, ne bela ca', na' gunné̱'e̱ xabaala, ne guzre̱' Dios: “Xcalenu'.” Nadxa bzúzruje̱' xeta xtila, ne bnézruje̱' na benne' ca' dxusé̱dene̱', na' benne' ca' gulísie̱' na láwela benne' zan ca'.
23694	MAT 14:28	Na' gunná Pedro, dxe̱'e̱ Jesús: ―Xran, che Lue' na', gunná be'e xida' lawe' nisa naga zu' na'te.
23717	MAT 15:15	Nadxa Pedro guzre̱' Jesús: ―Bzéajni'i netu' ca naca chee̱ da dxulé'e nigá.
23718	MAT 15:16	Gunná Jesús: ―¿Cá'anqueze le'e quebe dxéajni'ile?
23726	MAT 15:24	Nadxa gunná Jesús: ―Dios gusel-le̱' neda' gácale̱za' benne' Israel ca' zaj naque̱' ca zríla'du ca' zaj naníteba'.
23729	MAT 15:27	Nadxa nu'ula na' guzre̱' Jesús: ―Awe', Xran, san bécudu ca' dxeláguquezeba' da bízrujdu ca' dxelexruj zran naga dxelagu xránaba'.
23738	MAT 15:36	Guqué̱'e̱ da gazre xeta xtila, ne béladu ca', na' guzre̱' Dios: “Xcalenu'.” Nadxa bzúzruje̱' na, ne bnézruje̱' na benne' ca' dxusé̱dene̱', na' benne' ca' gulísie̱' na chee̱ benne' zan ca'.
23744	MAT 16:3	Che zílala dxennale: “Quebe chawe' gun na'a zra lawe' da dá'le̱'e̱ beuj xrna zran xabáa.” Le'e dxulé'e cuínale da quebe nácale. Dxácaqueze dxennale ca naca da gun zran xabáa. Quebe dxaca xuzájla'ale ca sa'yeaj da dxaca na'a zra.
23757	MAT 16:16	Gunná Simón Pedro: ―Lue' nacu' Cristo, Zri'ine Dios ban.
23758	MAT 16:17	Beche̱be Jesús: ―Ba neza zren naca na chiu' Simón, zri'ine Jonás. Netú benne' quebe ne gulé'ene̱' lue' da nigá, san Xra' zua xabáa, Le̱' blé'ene̱' lue'.
23764	MAT 16:23	Jesús bexéchaje̱', na' guzre̱' Pedro: ―Gucuasa cuita' neda', lue', da xriwe̱', lawe' da nacu' tu da dxusunegue na neda'. Quebe dxulaba lazru' ca dxun Dios. Ca dxun bénneache dxulaba lazru'.