24980	LUK 1:18	Nach Zequerian' gože' anglən': ―¿Nacxa gaquə əṉezda' de'e nga? Nada' bac̱h naca' beṉə' golə na' no'ol c̱hia'anə' ḻeczə beṉə' golə.
24996	LUK 1:34	Nach gož Marian' anglən': ―¿Nacxa gaquə sana' bdao'? la' bitoṉə' žaga' nda' beṉə' byo.
25028	LUK 1:66	Na' yoguə'əḻoḻ beṉə' gwse'enene' dižə'ənə' gwso'one' xbab ḻo'o yic̱hɉla'ažda'oga'aque'enə' c̱he de'e ca', na' gosə'əne': ―¿Bixa gon bdao' na'anə'? Gosə'əne' ca' c̱hedə' gosə'əṉezene' de que zoczə Diozən' len ḻebo'.
25104	LUK 3:10	Nach beṉə' ca' chəsə'əzenag xtiže'enə' gosə'əṉabene' Juanṉə' gwse'ene': ―¿Bi ca de'e cheyaḻə' gonto'?
25108	LUK 3:14	Na' beṉə' ca' zɉənaque' soḻdad ḻeczə gosə'əṉabene' ḻe' gwse'ene': ―¿C̱hexa neto' ža? ¿Bi ca de'e cheyaḻə'əch gonto'? Nach Juanṉə' gože' ḻega'aque': ―Bitoch əca'ale ḻa fuers de'en de c̱he beṉə', na' nic gacle testigw faḻs contr beṉə' yoblə par əca'ale xmechga'aque'. Ḻe'e gon banez len laxɉwlen'.
25154	LUK 4:22	Na' yoguə' beṉə' ca' gwse'ene dižə' de'en be'enə' besyə'əbanene' catec mba naquə xtižə' Jeso'osən', na' gwso'e dižə' güen c̱he'enə'. Na' gwse' lɉuežɉga'aque': ―¿Ecaguə bengan' xi'iṉ Jwsen'?
25218	LUK 6:3	Na' Jeso'osən' gože' ḻega'aque': ―¿Ecabi za'alažə'əle de'en bablable can' ben de'e Rei Dabin' catə' ḻe' na' beṉə' lɉuežɉe' ca' gosə'ədone'?
25254	LUK 6:39	Nach Jeso'osən' be'elene' beṉə' ca' ža'anə' yeto jempl. Na' bsaquə'əlebene' beṉə' fariseo ca' na' beṉə' ca' choso'osed choso'olo'i ḻein' ca beṉə' lc̱hoḻ c̱hedə' bito gwse'eɉni'ine' de'en naquə de'e ḻi na' de'e na'anə' bito goquə yoso'osed yoso'olo'ine'en beṉə' yoblə. Na' gwne': ―¿Eguaquə to beṉə' lc̱hoḻ cue'e nez yeto beṉə' lc̱hoḻən'? Bito gaque'. Ṉezecho de que txen žɉəsə'əbix̱e' to ḻo'o yech.
25288	LUK 7:24	Na' catə' besyə'əsa'ac disipl c̱he Juanṉə' nach Jeso'osən' be'elene' beṉə' ca' zɉəndobən' xtižə' Juanṉə', gože' ḻega'aque': ―¿Nacxa naquə ben' ɉəle'itgüeiczele latɉə dašən'? ¿Ešayec̱hə šayen chaque'? Bito.
25295	LUK 7:31	Nach Jeso'osən' gože' ḻega'aque': ―¿Nac əgwsaquə'əlebetgüeida' le'e mbanḻe ṉa'a? na' ¿nac nacle?
25313	LUK 7:49	Nach beṉə' ca' chsa'o len Jeso'osən' txen lao mesən' gwzolao chse' lɉuežɉe': ―¿Noxa benga chaclizene' de que ḻe'enə' chezi'ixene' doḻə'?
25344	LUK 8:30	Nach Jeso'osən' gožga'aquen': ―¿Bi lele? Na' gosə'ənan: ―Legion leto'. Gosə'ənan ca' c̱hedə' zanən gwso'on yic̱hɉla'aždao' be'en'.
25390	LUK 9:20	Nach gože' ḻega'aque': ―¿C̱hexa le'e? ¿bi nale? ¿non' naca'? Nach gož Bedən' ḻe': ―Len' naco' Crist ben' gwleɉ Diozən' par gaquəleno' ṉasyon c̱hechon'.
25468	LUK 10:36	Beyož be' Jeso'osən' dižə' can' goc c̱he ben' ɉəsyə'əxen beṉə' bguan ca', nach gože' ben' chsed chlo'i ḻein': ―¿Bi chacdo'? ¿noe' beṉə' ca' goquene' de que beṉə' probən' naquə lɉuežɉe' ben' cheyaḻə' gaquene' c̱hei?
25589	LUK 13:2	Nach boži'i Jeso'osən' xtižə'əga'aque'enə' gože' ḻega'aque': ―¿Echonḻe xbabən' de que beṉə' ca' gwsa'at gwso'onche' de'e maləch cle ca beṉə' Galilea ca' yeḻa' laogüe de'en goc c̱hega'aque' ca'?
25607	LUK 13:20	Nach de'e yoblə gozne': ―¿Nac əgwsaquə'əlebecho yeḻə' gwnabia' c̱he Diozən'?
25798	LUK 18:41	―¿Bi che'endo' gona' len le'? Nach beṉə' lc̱hoḻən' gože'ene': ―X̱ana' benšga par nic̱h yele'ida'.
25853	LUK 20:5	Na' boso'oxi'e gosə'əne': ―¿Bi ṉacho? La' šə ṉacho de que Diozən' bseḻe'e de'e Juanṉə' par bc̱hoe' beṉə' nis, nach əṉe' chio'o: “¿Bixc̱hen' bito gwyeɉḻe'ele c̱he'?”
25865	LUK 20:17	Na' Jeso'osən' bgüiachgüe' ḻega'aque' na' gože' ḻega'aque': ―¿Bixa zeɉen ža, de'en nga nyoɉən' ḻe'e Xtižə' Diozən' c̱hia' de'en gwxaquə'əlebəda' ca yeɉ squin?, nan: Yeɉ de'en cui gwso'olažə' mues güen yo'o ca', ḻen banaquən yeɉ squin.
25968	LUK 22:35	Na' gože' disipl c̱he' ca': ―¿Ede de'e byažɉele catə' bseḻa'a le'e ɉətix̱ɉue'ile xtiža'anə'? Bseḻa'a le'e sin cui bi'ale mech na' nic bsod, na' nic bi'ale xelle. Nach gwse'ene': ―Bitobi byažɉəto'.
25985	LUK 22:52	Jeso'osən' gože' bx̱oz əblao ca' na' beṉə' gwnabia' c̱he x̱a'ag yo'odaonə', na' beṉə' golə beṉə' blao ca', beṉə' ca' zɉa'ac zɉəsə'əxene'ene', gože' ḻega'aque': ―¿Eca to beṉə' bguanṉə' chsaquə'əlebele nda' za'acle len spad len yag zedex̱enḻe nada'?
26004	LUK 22:71	Nach gosə'əne': ―¿Nochxa testigw chyažɉecho? Chio'on babenecho ṉa'a chžia chnite'e Diozən' de'en ne' ca'.
26026	LUK 23:22	Na' de'e əgwyoṉ lase gož Pilatən' ḻega'aque': ―¿Bi de'e mal bene'enə'? Ni to de'e xiṉɉ cui cheželda' šə bin' none'. Na' con gona' mendad yesə'əyine'ene' nach əgwsana'ane'.
26044	LUK 23:40	Pero na' ben' yeto gwdiḻe' ḻe' gože'ene': ―¿Ebito chžebo' Diozən'? len badacho ḻe'e yag corozən' par gatcho.
26077	LUK 24:17	Nach gože' ḻega'aque': ―¿Bi dižə'ən cho'ele entr le'e lao ngo'ole nezən'? ¿Bixc̱hen' za'acchguale trist?
26078	LUK 24:18	Na' toe' ben' le' Cleofas boži'e xtiže'en gože'ene': ―¿Nacxa chactguan' bagwza'o Jerosalenṉə' na' cuiṉə' gacbe'ido' de'e ca' ze'e goc lao syodan'? ¿Ede'en naco' beṉə' zitə' ža?
26079	LUK 24:19	Na' gože' ḻega'aque': ―¿Bi goquən' nale ca'? Nach gwse'ene': ―De'en goc c̱he Jeso'os beṉə' Nasaret. Goque' profet, na' Diozən' len beṉac̱hən' besyə'əbeine' ḻe' can' blo'e yeḻə' guac c̱he'enə' na' can' be'e dižə'ənə'.
26101	LUK 24:41	Na' ca naquə bitoṉə' se'eɉḻe'e tant chesyə'əbanene' na' tant chesyə'əbeine', Jeso'osən' gože' ḻega'aque': ―¿Ede latə' de'e gaogua'?
26134	JHN 1:21	Na' gwse'ene': ―¿Noxa le' ža? ¿əšə len' Ḻiazən' ben' be' xtižə' Diozən' cana'? Na' gože' ḻega'aque': ―Caguə nada'anə'. Nach gosə'əze'ene': ―¿Ešə len' ben' naquən yidə par güe'elene' neto' xtižə' Diozən'? Na' boži'en gwne': ―Bitoczə.
26135	JHN 1:22	Nach gwse'ene': ―¿Noxaczə le'? nic̱h žɉəyeyežto' beṉə' ca' boso'oseḻə' neto'. ¿Bi natgo' c̱he cuino'?
26159	JHN 1:46	Na' gož Natanaelən' ḻe': ―¿Bat benecho Nasaret na' əchoɉ beṉə' güen? Na' gož Lipən' ḻe': ―Yo'o nic̱h əṉezdo'.
26161	JHN 1:48	Na' gož Natanaelən' ḻe': ―¿Nac chac nombi'o nada'? Na' Jeso'osən' gože'ene': ―Antslə ze'e əṉe' Lipən' le', catə'ən zecha'o xan yag yix̱güionə', ble'ida' le'.
26163	JHN 1:50	Na' Jeso'osən' gože'ene': ―¿Epor ni c̱he de'en gwnia' de que ble'ida' le' xan yag yix̱güion' cheɉḻi'o de que Diozən' gwleɉe' nada' par gaquəlena' ṉasyon c̱hechon' ža? De'e zaquə'əche ca de'e nga ze'e za'ac.
26182	JHN 2:18	Na' beṉə' ca' zɉənaquə beṉə' blao c̱he ṉasyon Izrael c̱heto'on ža'anə' gwse'ene': ―¿Bi yeḻə' guac əgwlo'ido' neto'onə' par nic̱h əṉezeto' šə napo' yeḻə' gwnabia' par bebeɉo' beṉə' ca'?
26193	JHN 3:4	Nach gož Nicodemon' ḻe': ―¿Nacxa gon to beṉə' galɉe' šə banaque' beṉə' golə? ¿Eguaquəch yeyo'e ḻo'o ḻe'e xne'e na' galɉe' yeto?
26198	JHN 3:9	Nach Nicodemon' gože'ene': ―¿Nacxa chactguan' par chac can' na'onə'?
26258	JHN 4:33	Nach gwnato' entr neto': ―¿Šə nolizə babedegua' de'e gwdaogüe'enə'?
26331	JHN 6:5	Na' catə' bgüia Jeso'osən' na' ble'ine' de que baza'ac beṉə' zan gan' zoe'enə', na' gože' Lipən': ―¿Gaxa si'icho de'e əsa'o yoguə' beṉə' quinga?
26354	JHN 6:28	Na' gwse'ene': ―¿Bi cheyaḻə' gonto' par nic̱h yebei Diozən' neto'?
26356	JHN 6:30	Nach gwse'ene': ―¿Bi miḻagr gono' par nic̱h gonḻilažə'əto' le'? ¿Bi gono' le'ito' ža?
26368	JHN 6:42	Na' gosə'əne': ―¿Ecaguə bengan' Jeso'os xi'iṉ Jwse ben' nombia'acho na' ḻeczə ca' xne'enə'? ¿Bixc̱hexa nga nalize' de que ze'e yoban' betɉe' yežlyon'?
26378	JHN 6:52	Nach gwche' bžaš entr beṉə' blao c̱he ṉasyon Izrael c̱heton' gosə'əne': ―¿Nacxa gone'en goṉ cuerp c̱he'enə' gaocho?
26387	JHN 6:61	Na' gocbe'i Jeso'osən' de que chəsə'əže'eše'e por ni c̱he de'en gože' ḻega'aque', na' gozne': ―¿Epor ni c̱he de'en gwnia' can' chene'ele yebiguə'əle gosxanḻə?
26393	JHN 6:67	Na' Jeso'osən' gože' šižiṉte neto': ―¿Elen le'e chene'ele žɉəya'acle?
26408	JHN 7:11	Na' beṉə' blao c̱he ṉasyon Izrael c̱heto'onə' besyə'əyilɉe' ḻe' lao lṉinə' na' gosə'əne': ―¿Ganxa be'ena'anə'?
26412	JHN 7:15	Na' chəsyə'əbane beṉə' blao ca', chəsə'əne': ―¿Bixa cheɉni'i bengan' len caguə babsede' can' nsed chio'onə'?
26422	JHN 7:25	Nach to c̱hopə beṉə' Jerosalen ca' gosə'əne': ―¿Ecaguə bengan' chəsyə'əyilɉe' par nic̱h so'ote'ene'?
26432	JHN 7:35	Nach beṉə' blao c̱he ṉasyon Izrael c̱heton' gosə'əne' entr ḻega'aque': ―¿Ga yeyeɉ bengan' cui yeželechone'? ¿Ešə šeɉlene' beṉə' gwlaž c̱hecho ca' zɉənaselas entr beṉə' griego ca' na' žɉəsedene' beṉə' griego ca'?
26444	JHN 7:47	Nach beṉə' fariseo ca' gwse'e ḻega'aque': ―¿Elente le'e bagwxoayagle?
26469	JHN 8:19	Na' gwse'ene': ―¿Gaxa zo x̱a'onə'? Na' gwna Jeso'osən': ―Ni nada' ni X̱a'anə' cui nombi'ale. Žalə' nombi'ale nada' ḻeczə nombi'ale X̱a'anə'.
26472	JHN 8:22	Na' beṉə' blao c̱he ṉasyon Izrael c̱heto'on gosə'əne': ―¿Eyeyot cuine'enə' ža, de'en ne' gan' yeyeɉe' bito gaquə šeɉcho?
26475	JHN 8:25	Na' gwse'ene': ―¿No naco' le'enə'? Na' gož Jeso'osən' ḻega'aque': ―Nada' naca' ben' bagwnia' le'e bedote.
26517	JHN 9:8	Na' beṉə' gwliž c̱he' ca' na' beṉə' ca' besə'əle'i ḻe' yoguə' las catə' ṉe'e nc̱hoḻe' gosə'əne': ―¿Ecaguə bengan' bable'icho bedote chi'e chṉabe' caridan'?
26519	JHN 9:10	Na' gwse'ene': ―¿Nacxa goquən' gwzolao chle'ido'?
26521	JHN 9:12	Nach gwse' beṉə' ca' ḻe': ―¿Ganxa be'enə'? Na' gože' ḻega'aque': ―Bito ṉezda'.
26525	JHN 9:16	Nach to c̱hopə beṉə' fariseo ca' gosə'əne': ―Ṉezecho bito zo Diozən' len benga c̱hedə' bito chomba'aṉe' ža dezcanzən'. Na' baḻe' gosə'əne': ―¿Nac gon to beṉə' güen de'e mal gone' miḻagr quinga? Na' gwsa'aque' c̱hoplə entr ḻega'aque'.
26526	JHN 9:17	Nach de'e yoblə gwse'e be'en golɉə nc̱hoḻən': ―¿Bi nao' le' c̱he ben' ben par nic̱h chle'ido'? Na' ḻe' gwne': ―Naque' to profet beṉə' bseḻə' Diozən'.
26535	JHN 9:26	Na' de'e yoblə gwse'ene': ―¿Bi benene' le'enə'? ¿Nac benen' par nic̱h bachle'ido'?
26601	JHN 11:9	Na' gwna Jeso'osən': ―¿Ecaguə šižiṉ orən' naquə težan'? Beṉə' chda teža bito chc̱hegüe'e c̱hedə' la' nye'eni'inə'.
26626	JHN 11:34	Na' gože' ḻega'aque': ―¿Ga əbcuašə'əlene'? Na' ḻega'aque' gwse'ene': ―X̱anto', yo'o na' le'ido'.
26639	JHN 11:47	Nach bx̱oz əblao c̱he ṉasyon Izrael c̱heton' na' beṉə' fariseo ca' besə'ətobe' yoguə'əḻoḻ beṉə' ca' chəsə'ənabia' ṉasyon c̱heton'. Nach boso'oxi'e gosə'əne': ―¿Naclə gonchon'? la' miḻagr zanṉə' chon benga.
26648	JHN 11:56	Na' besyə'əyilɉe' Jeso'osən', na' ca nite'e chyo'o yo'odao' əblao c̱heton' gwse'e lɉuežɉe': ―¿Bi xbab chontguale? ¿əgüide' lṉi nga?
26812	JHN 16:17	Na' baḻə neto' disipl c̱he' gož lɉuežɉto': ―¿Bi zeɉen de'e nga che'e chio'o de que yeto tyemp da'ozə na' bitoch le'ichone' na' de que techlə yeto tyemp dao' yoblə na' yezle'ichone'? ¿Na' bi zeɉen de'en ne' yeyeɉe' gan' zo X̱e'enə'?
26871	JHN 18:17	Nach no'olən' chapə cho'a puertən' gože' Bedən': ―¿Ecaguə leno' len' naco' disipl c̱he be'enə'? Na' gwne': ―Bito lena' nada'.
26879	JHN 18:25	Na' Bedən' ṉe'e zeche' cho'a yi'inə' par cheže'ine' na' beṉə' ca' zɉəzecha na' gosə'əze'ene': ―¿Ecaguə ḻeczə lenon' naco' disipl c̱he be'enə'? Na' bito gwc̱hebe', na' gwne': ―Bito lena' nada'.
26880	JHN 18:26	To xmos beṉə' gwnabia' c̱he bx̱oz ca' naque' famiḻy c̱he ben' əgwc̱hog Bedən' nague', na' gože' Bedən': ―¿Ecaguə zle'ida' le' len Jeso'osən' ḻo'o güertən'?
26883	JHN 18:29	De'e na'anə' Pilatən' bchoɉe' gan' nitə' beṉə' blao c̱he ṉasyon Izrael c̱heton' na' gože' ḻega'aque': ―¿Bi ben bengan'? ¿Ede bi de'e chaole xya?
26888	JHN 18:34	Jeso'osən' gože'ene': ―¿Econ de'e babidzən yic̱hɉo'onə' nao' ca', o šə beṉə' yoblə gosə'əne' le' ca'anə'?
26903	JHN 19:9	Nach beyo'o Pilatən' len Jeso'osən' de'e yoblə gan' chone' yeḻə' jostisən'. Na' gože' Jeso'osən': ―¿Ga beṉə' le'? Pero Jeso'osən' bito boži'e xtiže'enə'.
26904	JHN 19:10	Nach Pilatən' gože'ene': ―¿Ecui choži'o xtiža'anə'? ¿Ecui ṉezdo'onə' nada' napa' yeḻə' chnabia' par gwsana' le' na' napa' yeḻə' chnabia' par əgwda' le' ḻe'e yag corozən'?
26909	JHN 19:15	Nach ḻega'aque' gwso'osye'e gosə'əne': ―¡Gwcue'e! ¡Bde'e ḻe'e yag corozən'! Na' gož Pilatən' ḻega'aque': ―¿Erei c̱hele nga gona' mendad yoso'ode'ene' ḻe'e yag corozən'? Nach bx̱oz əblao ca' gwse'ene': ―Caguə rei c̱heto' benga. Tozə Sesarən' naque' rei c̱heto'.
27025	ACT 2:7	Bito gwse'eɉni'ine' bin' chac na' besyə'əbanene', gosə'əne': ―¿Ecaguə beṉə' Galilea beṉə' quinga chso'e dižə'ənə'?
27030	ACT 2:12	Na' yoguə' beṉə' ca' besə'ədobə choso'ozenague' besyə'əbanene' na' gwsa'acžeɉlaže'e c̱he de'en chaquən', na' zane' gosə'əne': ―¿Bi zeɉen de'e nga chaquən?
27107	ACT 4:16	Na' beṉə' gwnabia' ca' gwse'e lɉuežɉga'aque': ―¿Bi goncho len beṉə' quinga? Yoguə' beṉə' ža' Jerosalen nga zɉəṉezene' de que gwso'one' to miḻagr xen na' bito gaquə ye'echo beṉə' de que bito gwso'one' miḻagrən'.
27186	ACT 7:1	Nach ben' naquəch bx̱oz əblaonə' gože' Estebanṉə': ―¿Enaquən ca nga chəsə'əna beṉə' quinga?
27276	ACT 8:31	Na' tesorerən' boži'en gože' Lipən': ―¿Nacxa gaquə šeɉni'ida'anə'? la' caguə no nḻa' no əgwzeɉni'ine'en nada'anə'. Nach gotə'əyoine' Lipən' par nic̱h gwloe Lipən' gwche'elene'ene'.
27290	ACT 9:5	Nach Saulən' boži'en gože': ―¿No le' Señor? Nach be'enə' gože'ene': ―Nada' Jeso'osən' nḻagzeɉə nḻagzido'. Na' de'en chono' contr nada', chone zi' cuino' can' chac c̱he to go'oṉ bia'an chlibə lao ya la de'en zo lao garrošən'.
27306	ACT 9:21	Na' yoguə' beṉə' ca' chse'enene' dižə' de'en be'enə' chesyə'əbanene' na' chse' lɉuežɉga'aque': ―¿Ecaguə bengan' chda choṉit choḻane' beṉə' ca' chso'on orasyonṉə' lao Jeso'osən' Jerosalenṉə'? na' ¿əcaguə par na'aczən' bide' nga ṉa'a, par əgwc̱heɉe' beṉə' ca' na' žɉue'e ḻega'aque' lao bx̱oz əblao ca'?
27421	ACT 12:15	Nach beṉə' ca' gwse'e: ―¿Ecaguə chac tonto'onə'? Pero ḻebo' gwzoczbo' segor de que ḻe'enə'. Nach ḻega'aque' gwse'ebo' de que to angl beṉə' chapə chye' Bed na'anə'.
27582	ACT 16:30	Na' ḻe'e bebeɉte' ḻega'aque' ližyan' nach gože' ḻega'aque': ―¿Bi cheyaḻə' gona' par nic̱h cui yeya'a lao yi' gabiḻən'?
27610	ACT 17:18	Na' beṉə' ca' bazɉənao de'en choso'osed choso'olo'i epicoreo ca' na' estoico ca' gosə'əzolaogüe' gwso'elene' Pabən' dižə'. Nach baḻe' gosə'əṉe': ―¿Bi nga əṉa de'e güe' dižə' nga chio'o? Nach yebaḻe' gosə'əne': ―Zedəzenḻɉeine' chio'o c̱he yeto c̱hopə beṉə' cobən' šeɉṉi'alažə'əcho. Gosə'əne' ca' c̱hedə' Pabən' bzeɉni'ine' ḻega'aque' dižə' c̱he Jeso'osən' na' bzeɉni'ine' ḻega'aque' can' beban Jeso'osən' ladɉo beṉə' guat ca'.
27656	ACT 19:2	Nach gože' ḻega'aque': ―¿Ezedəso Spirit c̱he Diozən' ḻo'o yic̱hɉla'ažda'olen' catə'ən gwzolao chonḻilažə'əle Jesocristən'? Nach beṉə' ca' gwse'ene': ―Bito ṉe'e yeneto' šə zo Spirit c̱he Diozən'.