23233	MAT 1:20	Xhigabga cayujnni cheni baluiloj te xangl Dios lojni, lo bacaḻ räjpni lojni: ―José xajg toDavid, na'c guidxejblu xca'lu Marii gacni chäällu sa'csi xi'nni nani chu najc xten Sprit Dxan xten Dios.
23281	MAT 4:3	Sas biääd beṉdxab lojni, räjpni: ―Palga guliilu Xi'n Dioslu, gunibee gac reguijre yätxtiil.
23282	MAT 4:4	Badzu' Jesús diidxre lojni, räjpni: ―Loj reguijtz xten Dios caj scree: “Xhet ganaxdi yäḻtxtiil guibajṉ rebejṉ; sibajṉzani con guiraa diidx nani rnii Dios.”
23284	MAT 4:6	―Palga Xi'n Dios luj, bitiäjs lo yujli, sa'csi scree caj loj rexquijtz Dios: Sinibee Dios rexanglni ga'preni luj; siliäsreni luj con ṉaareni didi gacnaj ni'lu lo reguijga.
23285	MAT 4:7	Badzu' Jesús diidxre lojni, räjpni: ―Caj loj rexquijtz Dios: “Na'c faḻlu Dad ni najc Xtioslu.”
23288	MAT 4:10	Dxejcti räjp Jesús lojni: ―¡Huij nez rec beṉdxab! Scree caj loj rexquijtz Dios: “Dad Xtiostislu gaṉlu; lojtisni chulu.”
23303	MAT 4:25	Xhidalduxh beṉ Galilee huinajlni, näj rebeṉ reguedx Decápolis, näjza rebeṉ guedx Jerusalén, näjza rebeṉ Judea näjza rebejṉ ni tre' stelaad gueu Jordán.
23316	MAT 5:13	Räjpzani: ―La'tu najctu si'c sejd lo guedxliujre. Palga di sejd gac nadzujy, ¿xho gacsacni nadzujy? ¿Xhi gun bejṉni dxejc? Susäḻreni sejdga detz yu', suläj bejṉ yejcni.
23319	MAT 5:16	Xcäḻnabaṉsa'ctu najc si'c te bajl loj rebeṉ guedxliuj. Suhuiireni xtzunsa'ctu dxejc siliä'preni xpala'n xtadtu ni yu' xhaguibaa.
23320	MAT 5:17	Räjpzani: ―Na'c guntu xhigab siädgudzucaä́ leii xten toMoisés, niclaza rediidx ni baluii redad ni gunii xtidx Dios. Xhet siäddzucaä́dini, narä siälä te guluiäpacni si'cni najcni.
23345	MAT 5:42	Nani guiniab xhi guiniabxlia'ni lojlu, badeedni. Nani guiniablaa xhi guinablaani lojlu na'c gudxojnluni lojni, na'c gäblu: “Xhetini.”
23350	MAT 5:47	Palga guiniitu: “Xchan”, lagajctis loj resa'tu, ¿xhini'c rujntu ni najc hueenru lo chutis bejṉ? ¿La et sigajcdiza rujn rebejṉ nani di gumbee Dios?
23360	MAT 6:9	Ni'cni scree coḻguinii lo Dios: Xtadnu ni yu' xhaguibaa dxan najc lajlu.
23369	MAT 6:18	te na'c gacbee rebejṉ cagucua'ntu, xtadtistu suhuii cagucuanxhiga'tztu. Xtadtu ni cahuii xhi cayunxhiga'tztu suniidxni xhi xca'tu nez loj rebejṉ.
23379	MAT 6:28	’¿Xhicuent runduxhtu xhigab xcuent xhajbtu? ¡Coḻhuii reguii ni tre' nesiät! ¿Xho roobreni? ¿Xho rialreni? Direni gun dzuun, dizareni guzaa xhajbreni.
23382	MAT 6:31	Ni'cni na'c chutu yärsia' guntu xhigab: “¿Xhicha guidaunu, xhicha guiduṉnu, xhicha gacwnu?”
23388	MAT 7:3	¿Xhicuent ruhuiilu loj guijxh ni yu' baloj sa'lu, luxh dilu fii yagro nani yu' lagajc balojlu?
23389	MAT 7:4	¿Xhicuent gäblu lo sa'lu, nädoṉnu cuää́ guijxh ni yu' neṉ balojlu, luxh dilu fii loj yagro ni yu' neṉ balojlu?
23406	MAT 7:21	Räjpzani: ―Xhet guiraadi renani rnii, “Dad, Dad”, jiu' lo xcäḻrnibee Dios xhaguibaa. Ganaxtis renani rujn si'cni rlajz Xtadä ni yu' xhaguibaa.
23434	MAT 8:20	Räjp Jesús lojni: ―Rebäjz rajpreni xpiliääreni, remane' ni rutajt xhaguibaa rajpreni xpitiääzreni, niluxh narä Xi'n Dios ni gujc Niguii dina gapä cadro gaa yecä.
23440	MAT 8:26	Dxejc räjp Jesús: ―¿Xhicuent rdxejbtu, bejṉ ni guxii rililajz? Dxejcti huistieni, gudidxa'ni lo bej näjza lo nisdoo, te biacdxireni.
23443	MAT 8:29	Guredxa'reni räjpreni: ―¿Xhicuent siädchu'lu loonu luj ni najc Jesús Xi'n Dios? ¿La siäädlu ree te gusacsílu nuure luxh gad gaḻdi xoṟnu, ä?
23452	MAT 9:4	Dxejc gucbegajc Jesús xhi xhigab cayujnreni, dxejc räjpni lojreni: ―¿Xhicuent cayujntu xhigabguijdx neṉ lastootu?
23454	MAT 9:6	Dec gunä te gacbeetu Xi'n Dios ni gujc Niguii rajp yäḻrnibee lo guedxliujre te gudzucajni dojḻ. Dxejcti räjpni loj beṉracxhuuga: ―Huistie, cua' xta'lu, huij rolijzlu.
23459	MAT 9:11	Che bahuii rebeṉ guidoo, ni laa refarisee, xhi cayujn Jesús, räjpreni loj rexpejṉpac Jesús: ―¿Xhicuent raunäj xmastrtu rebejṉ nani ruquijx xcuent reyuj näjza rebejṉ ni di gac xpeṉ Israel?
23475	MAT 9:27	Che birii Jesús ro'c, huinajl tio'p bejṉni nani di fii. Rbedxa'reni roonreni räjpreni: ―Balaslajz nuure, Xi'n toDavid.
23506	MAT 10:20	Sa'csi et la'ditu ni guinii dxejc, Sprit xten Xtadtu Dios ni yu' neṉ lastootu, laani guinii neṉ lastootu.
23509	MAT 10:23	Che guirinajlreni la'tu te gusacsíreni la'tu neṉ te guejdx, coḻguxuṉ ro'c, coḻchäj stee guejdx. Rniliä lojtu, ditu gun gaan tedtu guiraa reguejdx xten rexpejṉ Israel ansde jiääd Xi'n Dios ni gujc Niguii.
23512	MAT 10:26	Räjpzani: ―Ni'cni na'c guidxejbtu rebejṉ, sa'csi anajntu xheti te cos ni niäuu lojni ni di guidzujṉ dxej guixal lojni, te fii chutis bejṉ lojni. Xhetiza te cos xhiga'tzdi ni di guidzujṉ dxej siejn diajg bejṉ xcuentni.
23515	MAT 10:29	’¿La di bejṉ guto' tio'p manbäz ni rutajt por te centaab, ä? Luxh racbee Xtadnu ni yu' xhaguibaa che riajb tejni lo yuj.
23536	MAT 11:8	¿Xhini'c huihuiitu? ¿Te bejṉ ni sucheduxh, ä? Ni najntu rebejṉ nani sucheduxh rbäjzreni rolijz reṟeii.
23544	MAT 11:16	’¿Xhicojn guntebloä rebejṉ nani tre' ṉaj, ä? Najcreni si'c najc rebiuux nani rguijt nez lo guii cadro rdo', rbejdxreni lo sa'reni,
23547	MAT 11:19	Dxejcti biäḻä narä, Xi'n Dios ni gujc Niguii, rauä, rä'ä dxejcti räjp rebejṉ: “Niguiire rauxha't, rätejzani bin, najcni xamigw rebeṉdojḻ näjza reniguii ni ruquijx xcuent reyuj ni rajx lo gubier.” Luxh loj rebejṉ ni najc xpejṉ Dios yuduxh xcäḻnajn Dios, ni'cni baxhaḻni guiro'p rebejṉre.
23553	MAT 11:25	Laa dxejcni räjp Jesús: ―Rliä'pä xpala'nlu Xtadä, Dad xten xhaguibaa näjza guedxliuj, sa'csi bacua'tzlu recosre lo rebeṉnajn, lo rebejṉ ni racbee, te baluiiluni loj rebeṉnadolajz ni najc si'c biuxbäz.
23554	MAT 11:26	O'n. Guliini, Xtadä, sa'csi rujnlu xhigab si'c najc hueen gacni.
23555	MAT 11:27	’Guiraa recosre abaniidx Xtadä loä, rutru numbeedi xingaanni; xtadtisni rumbeeni. Rutruza numbeedi xtadni, xtebtis xingaanni, näjza loj renani gudeed xingaanni gumbee xtadni.
23566	MAT 12:8	Sa'csi narä Xi'n Dios ni gujc Niguii rnibeä dxej ni rusilajz rebejṉ.
23573	MAT 12:15	Che gucbee Jesús xhi xhigab cayujnreni, biriini ro'c. Xhidajl bejṉ sanajlni, dxejc basiajc Jesús guiraa rebeṉracxhuu.
23581	MAT 12:23	Guiraa rebejṉ bidxelojreni, räjpreni: ―¿Xhaa laa Xi'n toDavidni, ä?
23586	MAT 12:28	Palga narä rbää́ rebeṉdxab con Xprit xten Dios, guliipacni abidzujṉ xcäḻrnibee Dios lojtu.
23587	MAT 12:29	’Bahuilaare. ¿Xho gac jiu' te bejṉ cuan rolijz te beṉdaan, xho gac cuanni xhixten bejṉga, palga dini gulibxgaani beṉdaanga? Che abiliib bejṉga, sajc cuanni rexhixten bejṉga.
23590	MAT 12:32	Chutis ni guinii xhi te diidx yäḻrniyaj Xi'n Dios ni gujc Niguii sajc gusiäjḻ lajzni, luxh chutis ni guiniyaj Sprit Dxan xten Dios, di Dios gusiäjḻ lajzni, nicla lo guedxliujre, niclaza xhaguibaa.
23598	MAT 12:40	Sa'csi lagajc si'cni guyu' Jonás xque' te bälro choṉ dxej, choṉ yääl, si'cza chu Xi'n Dios ni gujc Niguii neṉ lastoo guedxliuj choṉ dxej, choṉza yääl.
23605	MAT 12:47	Dxejcti biääd tej ni räjp loj Jesús: ―Xnanlu näjza rebejtzlu suga' rolä' rlajzreni guininäjreni luj.
23608	MAT 12:50	Chutis nani rujn si'cni rnibee Xtadä ni yu' xhaguibaa ni'c najc betzä, ni'c najc bisianä, ni'cza najc xnanä.
23610	MAT 13:2	Xhidalduxh bejṉ bire' cadro suga'ni, sas biu'ni neṉ te barcw, ro'c gurejni. Dxejcti rebejṉ gurej nez lo plaii.
23618	MAT 13:10	Dxejcti gubig rexpejṉpacni, gunabdiidx lojni, räjpreni: ―¿Xhicuent rusule'lu diidx loj rebejṉ con recuent?
23632	MAT 13:24	Dxejc bij Jesús stee cuent, räjpni: ―Xcäḻrnibee Dios xhaguibaa najc si'c te bejṉ nani gule'c ganax triusa'c lo xyujni.
23639	MAT 13:31	Bijza Jesús stee cuent räjpni: ―Xcäḻrnibee Dios xhaguibaa najcni si'c te bedz muxhtas nani cue'c te bejṉ lo xyujni.
23641	MAT 13:33	Bijzani stee cuentre, räjpni: ―Xcäḻrnibee Dios xhaguibaa najc si'c levaduur nani rugu'ch te gunaa lo choṉ mediid ariṉ, dxejc ni'c rusaguijni guideb cojbga.
23645	MAT 13:37	Räjp Jesús lojreni: ―Bejṉ nani rbe'c retriusa'c, najc Xi'n Dios ni gujc Niguii;
23649	MAT 13:41	Xi'n Dios ni gujc Niguii suxhaḻ rexanglni te jiädgutie'reni, te jiädlääreni lo xcäḻrnibeeni guiraa renani rujn riajb bejṉ neṉ dojḻ, näjza reni rujn cosguijdx.
23651	MAT 13:43	Dxejcti rebeṉsa'c sidimbicha'reni si'c gubijdx lo xcäḻrnibee Xtadreni. Palga sobdiajgtu, coḻgucuadiagsa'c.
23653	MAT 13:45	Räjpzani: ―Xcäḻrnibee Dios xhaguibaa najcza si'c najc te dad rapduxh nani caguiil perlsa'c te siini.
23655	MAT 13:47	Räjpzani: ―Xcäḻrnibee Dios xhaguibaa najcza si'c te guijxh ni rusäḻ bejṉ lo nis te rniaazreni guiraloj cuaa bäjl.
23662	MAT 13:54	Huijni lagajc lajdxni. Ro'c gusloj caguluiini neṉ xquidobäzreni ro'c. Dxejcti rdxeloduxh rebeṉ ro'c, räjpreni: ―¿Caro bisieedni reyäḻnajnre? ¿Xho rajc rujnni remilagwr?
23682	MAT 14:16	Räjp Jesús: ―Xhicuent jiireni. La'tu coḻgudeed xhi gaureni.
23683	MAT 14:17	Dxejcti räjpreni: ―Xhetru rajpdinu ree. Gaiitis yätxtiil näjza tio'p bäjl rajpnu.
23689	MAT 14:23	Che gulujx basadiidxni rebejṉ, huä'p Jesús yecdajn te xtebni guninäjni Dios Xtadni. Che gojl guxhijṉ, ro'c sugaxteb Jesús.
23697	MAT 14:31	Lagajc dxejc gunaaz Jesús ṉaani, räjpni loj Pedr: ―Guxii rajplu yäḻrililajz. ¿Xhicuent guctio'p lajzlu?
23699	MAT 14:33	Dxejcti renani sää neṉ barcw bazuxhijbreni nez loj Jesús räjpreni: ―Guliipacni najclu Xi'n Dios.
23704	MAT 15:2	―¿Xhicuent di rexpejṉpaclu jiu xcostrumbr rebeṉgool? ¿Xhicuent direni gusoob yäḻrdiib ṉaareni che rajwreni?
23705	MAT 15:3	Badzu'ni diidx, räjpni: ―¿Xhicuent di la'tu gusoobzatu xtidx Dios? Dee alga riurutu rexcostumbrtu.
23711	MAT 15:9	Xlia'si rajṉreni narä, sa'csi ruluiireni si'c xtidxä reyäḻrnibee xten rebeṉ guedxliuj.
23715	MAT 15:13	Dxejc laani räjpni: ―Xhitis yajg nani di Xtadä ni yu' xhaguibaa nusuj siliädxa'ni guideb xlobaani.
23724	MAT 15:22	Nejzga rbäjz te gunaa cananee, cabedxa'ni biäädni lo Jesús, räjpni: ―Dad, xi'n toDavid, balaslajz narä. Xindxa'pä yu' xpej beṉdxab lastooni, niluxh cagusacsíduxhnini.
23725	MAT 15:23	Xhet räjpdi Jesús lojni. Dxejcti biädnabduxh rexpejṉpacni lojni, räjpreni: ―Barilaagw gunaare, didi rbedxa'ni siädnajlni luj.
23732	MAT 15:30	Xhidajl bejṉ bidzujṉ cad sobga'ni. Siädnäreni rebeṉ ni rajc ni'ni, rebeṉ ni najc lotiä'p, rebeṉ gop, rebeṉ ni xheti ṉaani, näjza xhidalro beṉ racxhuu, bidzuṉnäjrenini nez loj Jesús. Dxejcti basiajcnireni.
23733	MAT 15:31	Ni'cni lacti bidxeloduxh rebeṉ xhidajlga che bahuiireni rnii regop, riajc reni xheti ṉaani, rsiaj reni rajc ni'ni, ruhuii relotiä'p, dxejc rliä'preni xpala'n Xtios rexpeṉ Israel.
23735	MAT 15:33	Dxejcti räjp rexpejṉpacni lojni: ―¿Xho guidxälnu xhi gau rebeṉ xhidajlre nez lo reyubijzre cadro rut rbäjzdi, ä?
23744	MAT 16:3	Che rajl rsil rniitu: “Etlaadi gac te dxej nadxej sa'csi naxniaa xhaguibaa niluxh tre' za.” Xhoxh numbeetu xhi säloj reseen ni rieṉ xhaguibaa, luxh ditu gumbee xhi säloj reseen xcuent redxejre, nalajznu recos ni cayajc.
23749	MAT 16:8	Luxh gucbee Jesús xhigabga, dxejc räjpni lojreni: ―¿Xhicuent rujntu xhigab xhet yätxtiildi ca'tu, ä? ¡Huinduxh najc xcäḻrililajztu!
23752	MAT 16:11	¿Xhicuent ditu gacbee et yätxtiildi cagusä'tä cheni caniä lojtu coḻnati levaduur xten refarisee näjza resaducee?
23754	MAT 16:13	Che bidzujṉ Jesús región xten Cesarea xten guedx Filipo, gunabdiidx Jesús loj rexpejṉpacni, räjpni: ―¿Chu naj rebejṉ nacä narä Xi'n Dios ni gujc Niguii?
23757	MAT 16:16	Dxejc räjp Simón Pedr: ―Luj najclu Crist, Xi'n Dios nani nabajṉ.
23758	MAT 16:17	Badzu' Jesús diidxre, räjpni: ―Chicbaalu, Simón Pedr, xi'n Jonás, sa'csi xhet bejṉdi baluii dee lojlu, Xtadätis ni yu' xhaguibaa baluiinini lojlu.
23760	MAT 16:19	Narä gunidxä yäḻrnibee lojlu te gulijdxlu rebejṉ nani ahuiliilajz xtidxä. Xhitis ni gusaanlu gunreni, o xhitis ni dilu gusaan gunreni, susoob Dios xtiidxlu.
23768	MAT 16:27	Sa'csi narä Xi'n Dios ni gujc Niguii siälä lo yäḻrdimbicha' xten Xtadä con rexanglni, dxejcti siguixä tebgaj bejṉ si'ctis ni gujc xtzuunni.
23769	MAT 16:28	Rniliä́pac lojtu, loj reni tre' ree ṉaj, yu'reni di guet dxejli ni fixgaareni jiälä narä Xi'n Dios ni gujc Niguii lo xcäḻrnibeä.
23778	MAT 17:9	Cheni sayäjtreni yejc dajnga, gunibee Jesús lojreni, räjpni: ―Rutlojdi gäbtu xhini'c bahuiitu dxejli ni guibaṉsacä narä Xi'n Dios ni gujc Niguii lo rebeṉgut.
23779	MAT 17:10	Dxejcti gunabdiidx rexpejṉpacni lojni: ―¿Xhicuent rnii rebejṉ ni najn xleii Moisés ganid Elías nanab jiääd, ä?
23781	MAT 17:12	niluxh narä rniä lojtu, abiääd Elías, di rebejṉ nienbeeni, luxh bennäjrenini si'ctis ni rlajzreni, basacsíduxhrenini. Sigajcza gunnäjreni narä Xi'n Dios ni gujc Niguii, susacsíduxhreni narä.
23788	MAT 17:19	Dxejc guninäj rexpejṉpacni Jesús te laad, gunabdiidxreni räjpreni: ―¿Xhicuent di niajcdi nibäänu beṉdxab neṉ lastoo biuuxga?
23791	MAT 17:22	Laḻni sasajreni nez región xten Galilee, räjp Jesús: ―Suteedreni narä Xi'n Dios ni gujc Niguii ladzṉaa rebeṉdojḻ te gusacsíreni narä.
23794	MAT 17:25	Räjp Pedr: ―Rguijxnini. Che biu' Pedr neṉ yu', ganid Jesús gunii lojni, räjpni: ―¿Xhi rchalolu, Simón? ¿Chuni'c rusquijx rebejṉ ni rnibee lo guedxliujre? ¿Chuni'c rguijx reimpuest, recuyo't? ¿Rebeṉ lajdxreni o rebeṉzijt?
23807	MAT 18:11	Sa'csi Xi'n Dios ni gujc Niguii biääd te gusḻaani rebejṉ nani agunijt neṉ dojḻ.
23808	MAT 18:12	Räjpzani: ―¿Xho rhuiitu? Palga rajp te bejṉ te gayuu xiil, dxejc nit tejni, ¿laa dini gusaan stabitzubigaaga ni yu' neṉ gurajl te chatiilni xile' ni gunijt, ä?
23810	MAT 18:14	Sigajcza Xtadnu ni yu' xhaguibaa di rlajz nit lo Dios nicla tej reni ahuililajz xtiidxni, ni najc si'c biuxbäzre.
23815	MAT 18:19	’Sigajcza rniä lojtu, palga tio'ptu tejsi xhigab guntu xhini'c guiniabtu lo Dios, che guiniabtuni lo Dios, Xtadä ni yu' xhaguibaa suniidxni ni rniabtu lojni.
23819	MAT 18:23	’Xcäḻrnibee Dios xhaguibaa najc si'c te ṟeii ni rlajz gunni cuent lac nazääb rexmosni lojni.
23831	MAT 18:35	Baluux Jesús cuentga, räjpni: ―Sigajcza gunnäj Xtadä ni yu' xhaguibaa guiraa rebejṉ ni di gusiäḻlajzpac guiraa redojḻ ni rujn resa'ni lojni.
23833	MAT 19:2	Xhidajl bejṉ birinajlni, ro'c basiajcni rebeṉracxhuu,
23838	MAT 19:7	Dxejcti gunabdiidxreni lojni, räjpreni: ―¿Xhicuent gunibee Moisés gudeed niguii te guijtz lo chäälni te si'c gac guṟo'nni gunaaga, ä?
23842	MAT 19:11	Jesús räjp lojreni: ―Xhet guiraadi bejṉ rajc gacbee rediidxre, rebejṉtis ni rudeed Dios te xcäriensa'c ni'ctis racbee.