23243	MAT 2:5	Orze' nkab bixa': ―Yezh Belene, kwa'n ña'n lazh men Judea, porke se' nzhab tu xa' midi'zh por Dios:
23246	MAT 2:8	no or mixë'l Herodes bixa' par yezh Belén, nzhab Herodes lo bixa': ―Wa go ba' par wanabdi'zh go cho ka më'd ba'. No or yazhël go më'd, ne go rëi lon, par nu da yadi'zh nazhon më'd.
23276	MAT 3:15	Per nzhab Jesús: ―Por nal, la' be gake se', par le' be rë kwa'n nzhakla Dios gak. Orze' mililëi' Juan Jesús.
23281	MAT 4:3	Lë'chi nguzubi Mizhab par zenbe' Mizhab Jesús (wi' Mizhab xmod nak Jesús), nzhab Mizhab: ―Chi walika Lu nak Xga'n Dios, bile' ke re' gake yët gawal.
23284	MAT 4:6	par nzhab Mizhab: ―Chi walika nakal Xga'n Dios, bila' gabal dizde re' haxta lo yuo; nela nzobni' ka lo Yech che'n Dios: “Xë'l Me rë ganj che'n Me par kinal, no zen rë ganj ya'l par nayachinal lo ke.”
23285	MAT 4:7	Per nzhab Jesús: ―Nuska nzobni' lo Yech che'n Dios: “Nazenbe'tal Dios che'nal, Me nile' mandadal.”
23287	MAT 4:9	no nzhab Mizhab: ―Na ne rë nak kure' ka'l, chi lë'l ne, nazhon da, mbaino zuxibal xan ni'n haxta gal lol lo yuo.
23297	MAT 4:19	lë'chi nzhab Jesús lo bixa': ―Dikë go ticha, na le kan go men nela mbël ga'.
23306	MAT 5:3	―Nazhon nzha rë men xa' nane, dox naki'n bixa' Dios, porke che'n bixa' nak rë kwa'n kinu Dios par rë men che'n Me.
23352	MAT 6:1	No nzhab Jesús: ―Or le' go tu kwa'n wen, nale't goi namás par ne mene, porke chi nak go sa', ni tu kwa'n wen nane't Xuz go ka' go, Me nzho lo yibë'.
23417	MAT 8:3	Orze' mitsiga' Jesús ya', no migal Me yek miyi' re', nzhab Me: ―Nzhaklan niwenal. Orze' lwega' miak xa' re', no mimbe xa',
23424	MAT 8:10	Or mbin Jesús kure', xe miwi' Me, orze' nzhab Me lo rë xa' nzhakë tich Me: ―Walika kwa'n nin lo go; per ni xid rë men Israel gat nen tu xa' ñila xti'zha nela miyi' re',
23427	MAT 8:13	Orze' nzhab Jesús lo capitán ze': ―Bizë lizhal; sa' gake nela xmod ngwayilal da. No mis orze', tuli miak mos che'n capitán ze'.
23434	MAT 8:20	Orze' nzhab Jesús: ―Rë mbëëz kinu lizh, no rë miyin kinu yo che'n, per Xga'n Dios Me nu nak tu men yizhyuo, gat kinut ni plo ga'.
23435	MAT 8:21	Orze' nzhab xtu men che'n Jesús: ―Gulëz go, galo laka nzhakacha xuza, orze' yi'dkë'n tich go.
23436	MAT 8:22	Per nzhab Jesús: ―Tuli di'kë ticha, bila' ka'ch rë men, xa' nak nela men ngut ba', tsa' men ngut bixa'.
23445	MAT 8:31	nalats midi'zh rë mbi kwa'n nzho laxto' rop rë men re' lo Jesús, nzhabe: ―Chi lë'l kutin no laxto' rë xa' re', neka bila' bi no laxto' rë kuch ba'.
23450	MAT 9:2	Ze' mizhinu pla miyi' tu men nzhakne nax xa' lo tu tapexk, no nagakt win xa'; no or une Jesús dox ñila rë xa' re' Me, orze' nzhab Me lo men nzhakne ze': ―Bizak laxto' xga'n; lë' rë kwa'n nzë'b xkil mizhe' la lo Dios.
23457	MAT 9:9	No or nguro' Jesús ze', une Me tu miyi' xa' lë Mateo, xa' nikan dimi che'n rey César, nzob xa' lo mes plo ñatix men dimi che'n rey; orze' nzhab Jesús lo xa': ―Dikë ticha. Tuli ngwatsuli Mateo, nzhakë xa' tich Jesús.
23460	MAT 9:12	Or mbin Jesús kure', nzhab Me: ―Rë men gat nzhaknet, gat naki'nt xa' doctor, nab tsa rë xa' nzhakne naki'n doctor.
23472	MAT 9:24	orze' nzhab Jesús: ―Bizë go lizh go, porke gat lë't ngut mizhwin ye'n re', ka naxnaa më'd. Orze' mixizhnu rë men Jesús,
23478	MAT 9:30	Orze' ngwani zalo rop bixa', no chop-chon nzhab Jesús lo bixa': ―Yent cho lo gab go kure'.
23491	MAT 10:5	Or mixë'l Jesús za tu dusen men che'n Me par yalu' bixa' xmod gak men, men che'n Dios, kure' mile' Jesús mandad lo bixa', nzhab Me: ―Nayat go rë yezh plo nzho rë xa' gat lë't men Israel, no ni naya go lazh men Samaria.
23532	MAT 11:4	Orze' nzhab Jesús: ―Wayab go lo Juan rë kwa'n une go no rë kwa'n mbin go;
23535	MAT 11:7	No or ña rë xa' mixë'l Juan, orze' nguzublo kidi'zh Jesús kwent che'n Juan lo rë men, nzhab Me: ―Or ngwa go le'n yuo bizh, ¿cho une go ba'? ¿Chi une go tu men xa' nile' chop xigab or nile' xa' tu kwa'n, nela tu yaxtil kwa'n nikwin mbi rë lad?
23569	MAT 12:11	Orze' nzhab Jesús: ―Cho tu men xid go kinu tu mbëkxi'l, no chi lë' ma la le'n tu zo, zhë kwa'n nayi' kë go zhi'n, ¿gat lë'o ko' ma orze', chi tlë' ma zake zhë ze'?
23583	MAT 12:25	Per lë' Jesús nane la cho xigab kile' bixa', orze' nzhab Me: ―Rë gobier, chi gat nzhin bixa' wen kun rë men che'n xa', lë' bixa' lë'; se'ska rë men yezh, chi gat nzhin bixa' wen, lë' bixa' lë'; mbaino se'ska rë men kun rë xa' lizh xa'.
23597	MAT 12:39	Orze' nzhab Jesús lo bixa': ―Minu la go lo Dios, mbaino nak go lo Dios nela rë xa' nile' burr tsa' ga'; kuze' kina'b go ne go tu kwa'n nazhon, per nanet goi. Nabtsa kwa'n mile' Dios nguzak profet Jonás ne go.
23619	MAT 13:11	Orze' nzhab Jesús lo rë men che'n Me: ―Nabtsa go mila' Dios, ne go kwa'n naga'ch kwa'n kinu Dios plo nile' Dios mandad; per rë xa' ba', nangala't Dios ngane bixa'i,
23632	MAT 13:24	No midi'zh Jesús xtu kwent lo rë men ze', nzhab Me: ―Nu plo nile' Dios mandad nak nela tu miyi' kwa'n ngo'n lazh triu wen lo yuo che'n,
23639	MAT 13:31	No midi'zh Jesús xtu kwent lo rë men, nzhab Me: ―No nu plo nile' Dios mandad nak nela tu lazh win mostas kwa'n mixë'n tu xa' le'n yuo che'n.
23641	MAT 13:33	No midi'zh Jesús xtu kwent, nzhab Me: ―No se'ska nak plo nile' Dios mandad; nake nela levadur kwa'n nguzen tu una' par migoch una'i, le'n tu bëd harin, par zubeche.
23653	MAT 13:45	No nzhab Jesús: ―Nu plo nile' Dios mandad nak nela tu xa' nito no nizi', kikwa'n xa' ke chul.
23665	MAT 13:57	No por nak bixa' sa', kuze' nangayilat bixa' widi'zh che'n Dios kwa'n milu' Jesús, per nzhab Jesús lo bixa': ―Rë plo, lë' men ñila ka tu xa' nidi'zh por Dios; per mis rë men lazh xa' no rë men lizh xa', nayilat kwa'n nidi'zh xa'.
23681	MAT 14:15	Per or nzhala la yë'l, nguzubi rë men che'n Me lo Me nzhab bixa': ―Ya cho gor la nal, no yent kwa'n nak dan re'. Guzh go lo rë men, bi bixa', yazi' bixa' kwa'n gao bixa' rë yezh win kwa'n nzhin naka'n re'.
23682	MAT 14:16	Per nzhab Jesús: ―Gat naki'nt bi bixa'; ¡yub go biza' kwa'n gao bixa'!
23683	MAT 14:17	Orze' nkab rë men che'n Me: ―Gat kinut no nayax kwa'n gao rë xa' re', nab tsa gai' pan kun chop mbël kinu no.
23684	MAT 14:18	Orze' nzhab Jesús: ―Dinu goi re'.
23705	MAT 15:3	Orze' nkab Jesús: ―Nu ska go, ¿chon gat nile' go kwa'n nzobni' lo Yech che'n Dios, lë'la rë kostumbr che'n men tiemp nile' go?,
23712	MAT 15:10	Orze' ngurezh Me rë men lo Me, nzhab Me: ―Bin go kure' no bizobyek goi:
23715	MAT 15:13	Orze' nzhab Jesús: ―Rë ya kwa'n nangaxë'nt Xuza, Me nzho lo yibë', lë'i yi'b dub luche.
23717	MAT 15:15	Orze' nzhab Per: ―Bineo lo no kwan gab widi'zh ba'.
23725	MAT 15:23	Per nangakabt Jesús lo una', orze' nguzubi rë men che'n Jesús lo Jesús par mina'b bixa' lo Me, nzhab bixa': ―Bichubla go una' ba', lë' una' nzadkë tich be, nibizhyë una'.
23726	MAT 15:24	Orze' nzhab Jesús lo una' ze': ―Per Dios mixë'l da nab tsa par gaknun rë men Israel, xa' nak nela rë mbëkxi'l ma nguziwan dan ga'.
23728	MAT 15:26	Orze' nzhab Jesús: ―Gat ñalt kwe men yët lo xmë'd men, par za' xa'i gao mbëk.
23729	MAT 15:27	Per nkab una': ―Walika goi; per nu ka mbëk nikan rë biyo ye'n kwa'n nzhab xan mes, che'n xa' nak che'n ma.
23734	MAT 15:32	Orze' ngurezh Jesús rë men che'n Me, nzhab Me: ―Nilats laxto'n rë men re', re' yon ngubizh nzhin bixa' lon, no gat kinut bixa' kwa'n gao bixa'. Gat nzhaklata bi bixa' xlats bixa', nzha ska yazha bixa' nez.
23736	MAT 15:34	Orze' mina'bdi'zh Jesús lo bixa': ―¿Pla pan kinu go? ―Gazhtsai, no pla mbël win ―nkab bixa'.
23743	MAT 16:2	orze' nzhab Jesús lo bixa': ―Or mizhëlyuo, chi naxne nilu' lo yibë', nzhab go: “Biwi', gat lë't kwa'n la yiu yë', lë' lo yibë' nilu' naxne”;
23747	MAT 16:6	orze' nzhab Me lo bixa': ―Ne go, nazen go levadur che'n rë men fariseo, no che'n rë men saduceo.
23748	MAT 16:7	Orze' nzhab bixa' lo wech bixa': ―Ne xa' kuba' lo be, pas por nangayi'dnu be kwa'n gao bei.
23755	MAT 16:14	Orze' nzhab rë men che'n Me: ―Nzho men nidi'zh, go Juan xa' mili'lëi' men le'n nits; más bixa' nzhab, go Li; no xtu ben men nidi'zh go Jeremías, o xtu rë xa' midi'zh por Dios nzhala.
23756	MAT 16:15	Orze' nzhab Jesús: ―Go ga', ¿cho da nile' go xigab?
23757	MAT 16:16	Tuli mikab Simón Per, nzhab xa': ―Go Krist, Xga'n Dios, Me kinu yalnaban par dubta'.
23758	MAT 16:17	Orze' nzhab Jesús: ―Wen nzhal, Simón xga'n Jonás; gat lë't men milu'i lol, lë' Xuza Me nzho lo yibë' milu'i lol.
23765	MAT 16:24	Orze' nzhab Me lo rë men che'n Me: ―Chi nzhakla tu go yi'dkë go ticha, bila' go kwa'n nzhakla go yizhyuo re', no biye laxto' go ter gat go por nak go men da, orze'se di'kë go ticha.
23776	MAT 17:7	orze' nguzubi Jesús lo bixa', migal Me bixa', no nzhab Me: ―Waxche go, nanzhebt go.
23778	MAT 17:9	No dub ñadla bixa' yek yi' ze', nzhab Me lo yon xa' re': ―Yent cho lo di'zh go kwa'n une go re', haxta or ruban Xga'n Dios, Me nu nak tu men yizhyuo.
23789	MAT 17:20	Orze' nzhab Jesús: ―Por ña-ñë'd xigab che'n go kun Diose. Walika kwa'n nin lo go, chi kwa'n ñila go Dios ngak nela tu lazh mostas ga', or gab go lo yi' ba': “Yubchi, bizë xtu plo”, no lë'i yubchi, no yent cho tu kwa'n nagak le' go.
23794	MAT 17:25	Nkab Per: ―Lë'i niza' ka Xa'. Or nguio Per le'n yo', tuli ka nzhab Jesús: ―Di xigab che'nal Simón, ¿xmod nile' rë rey yizhyuo re'? ¿Cho lo nikan bixa' dimi? ¿Chi mis lo rë xin xa'i, o lo xa' rë mene?
23795	MAT 17:26	Orze' nzhab Per: ―Lo xa' rë mene. Orze' nzhab Me: ―Kuze' nal, rë xin rey, gat naki'nt za' bixa' dimi ba',
23799	MAT 18:3	no nzhab Me: ―Walika kwa'n nin lo go, rë go, chi nachë'u xmod nak go, mbaino nagak go nela më'd re', orze' gakt yo go plo nile' Dios mandad.
23818	MAT 18:22	Orze' nzhab Jesús: ―Gat lë't sa'i; lë'i nak haxta nagakt lab met pla wëlte.
23834	MAT 19:3	Orze' nguzubi pla men fariseo lo Jesús par zenbe' bixa' Me (wi' bixa' xmod nak Me), kuze' nzhab bixa': ―Lo ley che'n Muisés, ¿chi zak la' tu miyi' tsa' xa' por wanei kwan tu kwa'n?
23839	MAT 19:8	Orze' nzhab Jesús: ―Por niyent kwan gon goi, kuze' nguziyël Muisés la' nzë'b go tsa' go, per or galo gat lë't sa'i.
23841	MAT 19:10	Orze' nzhab rë men che'n Jesús: ―Chi lë'i sa' nak kwent che'n men nzhap una', neka más wen nakwa'nt xa' una'.
23842	MAT 19:11	Orze' nzhab Jesús: ―Gat lë't rë go gak zobyek kure', nab tsa rë xa' mile' Dios gak zobyeke, zobyeke.
23849	MAT 19:18	Orze' nzhab miyi' re': ―¿Cho pa' kwa'ne? Mikab Jesús: ―Nagutal men, nabantal kun una' gat lë' tsa'l, no naliwa'ntal, mbaino nakë'tal kixu' xa' yent kwan nak,
23851	MAT 19:20	Orze' nzhab miyi' xi re': ―Rë kure' mile la, dizde or win da. ¿Kwan ra' más jwalt len?
23852	MAT 19:21	Orze'se nzhab Jesús kure': ―Chi walika nzhaklal gakal tu men nile' rëi lo Dios, bito rë nak kwa'n kinul, orze' biza'i, ka' rë xa' yent kwan kinu, nes gapal yalrrik lo yibë'; orze' dikë ticha.
23856	MAT 19:25	Or mbin rë men che'n Me kure', xe mia'n bixa' tuli, orze' nzhab bixa' lo wech bixa': ―Chi lë'i sba', ¡pas yent cho men le' gan, ro' lo rë kwa'n nazhe'b nzho men!
23857	MAT 19:26	Orze' xe miwi' Jesús lo bixa', no nzhab Jesús: ―Par rë men, nzho kwa'n nagakt le' men; per Dios, yent cho tu kwa'n nagakt le' Dios.
23859	MAT 19:28	Mikab Jesús: ―Walika kwa'n nin lo go, xtu yizhyuo kwa'n laore yo, or zob Xga'n Dios Me nu nak tu men yizhyuo, par le' Me mandad; no rë go xa' mbidkë ticha, se'ska zob za tu dusen go, par kube' go lo dub tu dusen ben men Israel.
23882	MAT 20:21	orze' nzhab Jesús lo una': ―¿Kwan nzhaklal len por lu? Orze' mikab una': ―Or gak go rey, le' go mandad, nzhaklan zob tuga' xga'na re' kad ta' go.
23883	MAT 20:22	Per nzhab Jesús: ―Nanet go kwan kina'b go; ¿chi zo go kwa'n nala kwa'n go'n? Orze' mikab bixa': ―Lë'i gak ka go no.
23884	MAT 20:23	Orze' nzhab Jesús: ―Ter go go kwa'n nala kwa'n go'n, per gat lë't na kube' cho zob kad ta'n; nab tsa Xuza nane cho rë xa' gak zob ta'n.
23897	MAT 21:2	nzhab Me lo bixa': ―Wa go yezh win kwa'n nzhin nali laka re'; or zhin go plo nikido' tu burr gol kun tu burrit, bixëk go ma no di'nu go ma,
23914	MAT 21:19	No ro' nez une Me tu ya nzhao', no ngwatswi' Me, nabei chi nikë xlë loi per pura la nzhi'be, orze' nzhab Jesús: ―Ya nayotra' yi'd men gao men xlë lo ya re'. No mis orze', tuli mibizh ya nzhao' ze'.
23916	MAT 21:21	Orze' nzhab Jesús: ―Walika kwa'n nin lo go, chi lë' go ñila widi'zh che'n Dios, no nale't go chop xigab, orze' lë' nu go le' kwa'n milen kun ya nzhao' ba', no haxta gab go lo yi' ba': “Chi ba', bizë haxta le'n nits”, no lë'i gak.
23919	MAT 21:24	Orze' mikab Jesús: ―Nu da, na'bdi'zh ska tu kwa'n lo go. Bineo, ¿cho mixë'l Juan xa' mili'lëi' men le'n nits? ¿Chi Dios mixë'l xa', o mene? No chi lë' go ne choi, orze' ganin, cho mile' mandad da, kilen rë kure'. Orze' kidi'zh bixa' lo wech bixa': ―¿Chi gab be?: “Diose”, orze' lë' xa' ne lo be: “¿Chon ska nangayila go Juan?”;
23922	MAT 21:27	Orze' mikab bixa' lo Jesús: ―Nanet no cho mixë'l xa'. Orze' nzhab Jesús: ―Nuska da, nanita cho mixë'l da kilen rë kure'.
23926	MAT 21:31	No di lo rop miyi' re', ¿cho miyi' mbin ro' xuz? Mikab bixa': ―Miyi' mile' xa' mandad galo lakai. Orze' nzhab Jesús: ―Walika kwa'n nin lo go, rë xa' nikan dimi che'n Roma, kun rë una' le'n kai (kwa' gal), galo laka bixa' yo lo go plo nile' Dios mandad,
23943	MAT 22:2	―Plo nile' Dios mandad nak nela tu rey xa' mile' jwandang che'n xga'n,
23962	MAT 22:21	Orze' nzhab bixa': ―César nikë loi. Orze' mikab Jesús: ―Ne goix, biza' go che'n César kwa'n nak che'n César, no biza' go che'n Dios kwa'n nak che'n Dios.
23970	MAT 22:29	Orze' mikab Jesús: ―Men migoch yek go, kuze' nagakt zobyek go rë kwa'n nzobni' lo Yech che'n Dios; no ni yalnazhon che'n Dios nanet go kwan.
23983	MAT 22:42	nzhab Me: ―¿Xmod nile' go xigab, plo nzë Krist? ¿Cho Xuz Krist? Nkab bixa': ―Dabi nzhak xuz Krist.
23989	MAT 23:2	―Rë xa' nilu' ley che'n Muisés, no rë men fariseo, nzhab bixa', lë'gaka bixa' nilu'i nela xmod ñalkai.
23995	MAT 23:8	Per nzhab Jesús lo rë men che'n Me: ―Xid go, gat ñalt ne men Maestr lo go, porke tutsa wech rë go por nak go men da; no tutsa maestr kinu go, Me nak Krist.
24029	MAT 24:3	Or nzha bixa' yek lom kwa'n lë Olivos, dub nzob Jesús ze', lë'chi nguzubi nab rë men che'n Me lo Me, par nzhab bixa' lo Me: ―Bine go lo no, ¿pok gak rë kwa'n midi'zh go ba'?, no, ¿kwan pa' yo yizhyuo or nzhazhin la yë'd go xtu wëlt yizhyuo?, mbaino, ¿kwan pa' gak yizhyuo or nzhazhin la loxe?
24030	MAT 24:4	Orze' nzhab Jesús: ―Neu nakide men go,
24090	MAT 25:13	Kuze' nzhab Jesús: ―Gok go natsin, porke nanet go cho zhë no ni or yala.
24141	MAT 26:18	Orze' nzhab Jesús: ―Wa go le'n yezh; ze' yazhë'l go tu miyi', no guzh go lo xa': “Lë' Maestr ne: Lë' or da nzhazhin la, no lizhal len lani Pask kun rë men da.”
24144	MAT 26:21	no dub kiyao bixa', nzhab Me: ―Walika kwa'n nin, yub tu rë go re', gak xa' chi da lo rë xa' gut da.
24146	MAT 26:23	Per nkab Jesús: ―Mis tu rë xa' kwa'n nikë pan che'n le'n kwa'n nzha̱u̱ne.
24148	MAT 26:25	Orze' nzhab Judas, xa' kwa'n le' kure': ―Maestr, ¿chi nai? Nkab Jesús: ―Mis lu nei.
24154	MAT 26:31	orze' nzhab Jesús lo rë men che'n Me: ―Nal yë'l re', lë'u la' nzë'b da, porke se' nzobni' lo Yech che'n Dios: “Lë'da gut miyi' kwa'n nikina mbëkxi'l, no lë' rë mbëkxi'l re'chbe.”
24156	MAT 26:33	Orze' nzhab Per: ―Ter rë xa' re', la' nzë'b go, per nase, nalata go.
24157	MAT 26:34	Orze' nzhab Jesús: ―Walika kwa'n nin lol, mis nal yë'l re', wëlt yon or lox gabal gat nili'be'tal da, orze' kë' tu nguid gai kant.
24184	MAT 26:61	―Mbin no midi'zh xa' ba', nzhab xa': “Na chil yado' che'n Dios, mbaino chontsa ngubizh, kuxkwane xtu wëlt.”
24186	MAT 26:63	Per yent kwa'n ngakab Jesús. Orze' minabdi'zh ngulëi' ro xtu wëlt, nzhab xa': ―Por Dios, Me naban par dubta', bine lo no, chi lu ka nak Krist, Xga'n Dios.