| 23214 | MAT 1:1 | Jesucrist ngol lo dii cheen rey David nu lo dii cheen Abraham. Lo yech ne mkee na re dii cheen re xey Jesús: |
| 23225 | MAT 1:12 | Leezha ngulo mloo re xaa Babilonia re xey be xkyizhyo xaa: Jeconías ngok xuz Salatiel, Salatiel ngok xuz Zorobabel. |
| 23236 | MAT 1:23 | Lee tub ngwnaa, me zer chaal kwaan tub xaabyi, weyyxiin me nu zan me tub xgann me, xaa role Emanuel, (wdizh ne nii: “Dios nzo kwaan be”). [Is. 7:14] |
| 23261 | MAT 2:23 | Gorna mzhin xaa zee, nya xaa ngu xaa tub yezh kwaan le Nazaret. Nu kwaane ngok zee mbarlo kwaan nzhé xaa mzaa kwent kwaan nzhé Dios lo lee xaa yilo: “Lee Jesús role Xaa Nazaret”. |
| 23270 | MAT 3:9 | Nu natot gu yalxwa nu yé gu: “Lee be nak dii cheen Abraham”; nel wlipa na nii na lo gu, Dios nzho mod le axta noka re ke ne gaka dii cheen Abraham. |
| 23271 | MAT 3:10 | Lee yibyag nzobla cho lox re yag kwaan nanzaat xle wen, zee choog xaaya nu koo xaaya lo ki. |
| 23272 | MAT 3:11 | Wlipa na nii na, na nchubnis re gu kwaan nis zee laa gu kwaan nawent kwaan kale gu nu wii gu lo Dios, per lee tich na nze stub xaa chubnis re gu kwaan Mbi Naban nu kwaan ki. Lee xaa nonra lo na, kwaanzee nanzhaalt xek na tich xkyelyed xaa, nel nanont na. |
| 23282 | MAT 4:4 | Per Jesús mkeb nzhé: —Lo Xkyech Dios nkee: “Nanebt pan nle zee mban re myet, nel noka re wdizh kwaan nroo roo Dios nle zee mban re myet”. [Dt. 8:3] |
| 23317 | MAT 5:14 | ’Re gu nak mod xni lo yizhyo ne. Lee tub yezh kwaan nzhi axta yek tub yi nyent mod le xaa zee nayunta. |
| 23325 | MAT 5:22 | Per lee na nii: Loka cho xaa kwaan yii lo wechxinn noka naab jwes kwent lo xaa, nu loka xaa yé lo wechxinn “Xaa ned” noka naab re xaa nak zhiin kwent lo xaa, nu loka xaa yé lo wechxinn “Bxen” nya xaa lo ki kwaan tira nanyuyyt. |
| 23331 | MAT 5:28 | Per lee na nii: Loka xaa kwaan wii lo tub ngwnaa nu le xaa xgab chaal xaa me, ngulola mchaal xaa me naz leen lextoo xaa. |
| 23334 | MAT 5:31 | ’Re be mbin kwaan nzhé re xey be xaa yilo leezha né xaa: “Loka xaa nlaa xngwnaa, nzhaal zaa xaa tub yech kwaan nzhé lee xaa nawiitra lo me”. |
| 23340 | MAT 5:37 | Nebse yé gu: “Le naya”, o “Nalet naya”. Nu nacheroot gu nel kwaane nak tub kwaan nroo lo Maxuu. |
| 23389 | MAT 7:4 | ¿xomod le lu ryez yé lu lo wechxinn lu: “Laa ko na paj kwaan nzho leen mbeelo lu”? |
| 23416 | MAT 8:2 | Lo re myet ba mroo tub xaa nyall cho, nu mbii xaa lo Jesús nu mkichxub xaa nu mkichyek xaa axta lo yo, zee nzhé xaa lo Jesús: —Xaa Nabeyy, chelee lu nzhekla lu nzho mod sekwen lu na lo yalyizh ne. |
| 23422 | MAT 8:8 | Lee xaa nabeyy lo tub gayoo soldad nzhé: —Xaa Nabeyy, nalet lu xgab yé lu zeeb leen li na, nebse nabeyy zee gakwen xmos na. |
| 23427 | MAT 8:13 | Zee lee Jesús nzhé lo xaa nabeyy lo tub gayoo soldad: —Zyaa, nel ngwii lu lo Dios, zee ngokwen xmos lu. Leeka gorzee lee xmos xaa ngokwen. |
| 23431 | MAT 8:17 | Kwaane ngok, zee mbarlo kwaan mkee Chay, xaa mzaa kwent kwaan nzhé Dios lo lee xaa yilo, leezha nzhé xaa: “Lee xaa wee re yalyizh cheen be nu re yalne cheen be”. [Is. 53:4] |
| 23434 | MAT 8:20 | Jesús nzhé: —Lee re mbaz nkano ma yeer pa nzho ma, nu lee re mbyin nkano ma xlaaz ma; per lee na, Xaa Mzhin Ngok Myet, nankanot na mer li na. |
| 23436 | MAT 8:22 | Jesús mkeb nzhé: —Reke tich na, laa kach re xaa nak mod xaa ngut re xaa ngut. Lu, gwa nu bzaa kwent cheen pa nabeyy Dios. |
| 23451 | MAT 9:3 | Lak maestr xaa nlu xtizh Dios nle xgab: —Lee kwaan nii Jesús nak jwalt lo Dios, nel nzhekla xaa gak lal xaa kwaan Dios. |
| 23454 | MAT 9:6 | Le na kwaane lo gu, zee wii gu lee na nkano yalnabeyy chee re jwalt, nel na nak Xaa Mzhin Ngok Myet. Kwaanzee nzhé xaa lo mdeen: —Guxche nu bzen xkyag lu, zyaa garli lu. |
| 23455 | MAT 9:7 | Lee mdeen nguxche nu mzen xkyag nu nya garli. |
| 23462 | MAT 9:14 | Lee re xaa nzhake tich Juan Xaa Nchubnis, mbii lo Jesús nu nzhé: —Re nu, nu re fariseo nkwan gorna nanzhawt nu nik tik kwaan. ¿Chozhiin lee re xaa kaseed lo lu nankwant? |
| 23465 | MAT 9:17 | Nu nixa nangot xaa xis ub kwaan kub leen mbud yed gox, nel lee xis ub kwaan kub gorna yixooba chaza mbud gox. Lee xis ub kwaan ngu leena xo lo yo, nu noka mbud lux. Kwaanzee nzhaal yo xis ub kwaan kub leen tub mbud yed kub. |
| 23466 | MAT 9:18 | Gorna lee Jesús kanii lee tub xaa mzhin lo xaa, xaa ne nak tub xaa nabeyy pa nkasa be nseed be xtizh Dios, nu mkichxub xaa lo Jesús nu nzhé xaa: —Lee xchap na ngulola ngut. Per chelee lu yiid lu zhib lu yaa lu yek mad, zroban mad stub welt. |
| 23481 | MAT 9:33 | Nu gorna mroo mbi mal lextoo xaa muud gorzee mzelo xaa mdizh xaa. Lee re myet mdedyall nu nzhé: —¡Nik tub welt nanet be tub kwaan snee lo re xaa lazh be! |
| 23489 | MAT 10:3 | Lip, Tol, Max, Teo (xaa nak na, mtop na demi kwaan nya naz Roma), Chag (xgann Alfeo), Tadeo, |
| 23503 | MAT 10:17 | List bzo gu lo re myet napaka yalaa xaa gu lo re xaa nak zhiin, nu zaa xaaya yenn gu pa nkasa be nseed be xtizh Dios. |
| 23511 | MAT 10:25 | Nik tub xaa nseed nyent mod gakra lo xmaestr xaa, nu nik tub xaa nkee zhiin nyent mod gakra lo xaa nkee xaa zhiin. Chelee nii re xaa lo ngwzan xaa nabeyy yoo: “Lu nak Beelzebú, xaa nak mer Maxuu”, noka re xinn xaa, xaa nzho yoo nii re xaa lo sbaa. |
| 23521 | MAT 10:35 | Lee na nzhal zob dil tub xaabyi kwaan xuz xaa, nu tub madnaa kwaan xnaa mad, nu xiz me kwaan xnaaye me. |
| 23522 | MAT 10:36 | Leeka re sawlizh xaa yii ne xaa. |
| 23527 | MAT 10:41 | Loka xaa kwaan nkayaa tub xaa nzaa kwent kwaan nzhé Dios lo lee xaa, nel ne xaa nak xaa xaa Dios, xaa ne le gan leeka kwaan le xaa zee gan. Loka xaa kwaan nkayaa tub xaa nali nak, nel ne xaa nali nak xaa, xaa zee le gan leeka kwaan le xaa nali gan. |
| 23533 | MAT 11:5 | Guzh gu lo xaa: “Lee syeg, ngwii; nu lee xaa mdeen, nze; nu lee xaa nyall cho, ngokwen; nu lee xaa nkwee, mxal nzha; nu lee re xaa ngut, nroban; nu lee re xaa prob, nzhon wdizh chul cheen Dios. |
| 23535 | MAT 11:7 | Gorna lee xaa mxaal Juan nya, lee Jesús mzelo mzaa kwent cheen Juan lo re xaa, nu nzhé xaa: —Leezha ngwasewii gu lo Juan naz wen, ¿cho nak xaa nzak gu? ¿Che nzak gu lee xaa nak kwenta tub nit kwaan nkun mbi? |
| 23539 | MAT 11:11 | Lee na nii lo re gu, nik stub xaa nangoknont kwenta Juan. Per snee naka, lee xaa nanont tant pa nabeyy Dios, nak mas nonra ke Juan. |
| 23542 | MAT 11:14 | Nu chelee nzhekla gu kayaa gu kwaane, lee Juan nak Li xaa nakladiizh yaad. |
| 23543 | MAT 11:15 | ¡Loka xaa nzob nzha, nzhaal gon kwaane! |
| 23547 | MAT 11:19 | Nu nal, nzhal na Xaa Mzhin Ngok Myet, nzhaw na nu nzho na re kwaan, nu lee re gu né na nak tub xaa nzhaw doo nu tub xaa nzho doo xis ub, nu nak na xmig re xaa ntop demi kwaan nya naz Roma nu noka nak na xmig re xaa nle re kwaan nawent. Mod nii re xaa: “Lee yalnzhak cheen Dios luu klar lo re xaa nzho yek”. |
| 23555 | MAT 11:27 | ’Lee Xuz na mzaa rese kwaan lo na. Nu nik tub nanet cho nak na, xaa nak Xgann xaa, nebse Xuz na ne cho nak na. Nu nik stub xaa nanet cho nak Xuz na, nebse na xaa nak Xgann xaa ne cho nak xaa, nu re xaa nzhekla na zaa na kwent lo. |
| 23559 | MAT 12:1 | Zhe sab, zhe kwaan nzholl re be, xaa Israel lo Dios, Jesús mded pa mgaan xaa nzhobxtil. Lee re nu, xaa mseed lo xaa, ngok nlaan, nu mzelo nu mkiib nu son nzhobxtil nu ndaw nu nzhobxtil. |
| 23561 | MAT 12:3 | Lee Jesús mkeb nzhé: —¿Che zer lab gu Xkyech Dios, kwaan mle David tub welt leezha ngok nlaan re xmig xaa? |
| 23593 | MAT 12:35 | Lee xaa wen nii kwaan wen nel zyen re kwaan wen nzho lextoo xaa, lee xaa nawent nii kwaan nawent nel zyen kwaan nawent nzho lextoo xaa. |
| 23608 | MAT 12:50 | Loka cho nle kwaan nzhekla Xuz na, re xaa zee nak re wech na, nu re bzan na, nu xnaa na. |
| 23617 | MAT 13:9 | ¡Loka xaa nzob nzha, nzhaal gon kwaane! |
| 23622 | MAT 13:14 | Lo re xaa ne mbarlo kwaan nzhé Chay, xaa mzaa kwent kwaan nzhé Dios lo lee xaa yilo, leezha nzhé xaa: Nixa gon guya, nalata yek gu, nixa wii guya, naluta lo gu. |
| 23627 | MAT 13:19 | Lee re xaa kwaan nzhon re wdizh kwaan nak cheen pa nabeyy Dios, nu nanlata yek xaa, xaa ne nak mod nzhobxtil kwaan mla leen naz, zee nzha Maxuu nkiib xtizh Dios leen lextoo xaa. |
| 23628 | MAT 13:20 | Lee nzhobxtil kwaan mla lo ke pa nyent zyen yo nak kwenta re xaa nzhon xtizh Dios, nyakdoola xaa mkayaa xaaya. |
| 23630 | MAT 13:22 | Lee nzhobxtil kwaan mla leen yag yich nak kwenta xaa nzhon xtizh Dios, per lee re xgab yizhyo ne nu re kwaan nzoblazh xaa nkade xaa. Nu rese kwaane ngin xtizh Dios leen lextoo xaa. Kwaane nle zee nanzaat xaa xle. |
| 23632 | MAT 13:24 | Jesús mzaa stub kwent nabix lo re xaa nu nzhé xaa: —Lee na za stub kwent. Lee pa nabeyy Dios nak mod tub xaa nchech nzhobxtil chul lo yo. |
| 23636 | MAT 13:28 | Lee xaa nak cheen nzhobxtil nzhé: “Tub xaa nayii ne na mle kwaane”. Lee re xaa nkee zhiin lo xaa mnabdizh nu nzhé xaa: “¿Che nzhekla lu yakiib nu yixbal?” |
| 23637 | MAT 13:29 | Per lee xaa nzhé: “Laa, nayakiibt guya. Nel chelee gu yakiib gu yixbal napaka kakiib gu nzhobxtil. |
| 23639 | MAT 13:31 | Jesús mzaa stub kwent nabix lo xaa nu nzhé: —Nal lee na za stub kwent lo re gu. Lee pa nabeyy Dios nak mod tub bizh cheen mostas kwaan mxen tub xaa xleyo xaa. |
| 23640 | MAT 13:32 | Leeya nak tub bizh chut lo rese bizh, per gorna mlena nu ngoka tub yag, nu lee re mbyin mdexkwaa xlaaz ma lo re ram cheena. |
| 23641 | MAT 13:33 | Noka nzhé xaa: —Lee na za stub kwent lo re gu. Lee pa nabeyy Dios nak mod lebadur kwaan mlo tub ngwnaa leen chon medid arin zee yixooba. |
| 23644 | MAT 13:36 | Jesús mlaa re myet nu mzeeb xaa leen tub yoo. Leen yoo ba lee re nu, xaa mseed lo xaa, mnabdizh lo xaa: —¿Xomod nak kwent kwaan mzaa lu cheen nzhobxtil rop yixbal? |
| 23645 | MAT 13:37 | Jesús mkeb nzhé: —Lee xaa kwaan mchech nzhobxtil wen nak na, Xaa Mzhin Ngok Myet. |
| 23647 | MAT 13:39 | Lee xaa nayii ne na, xaa mgaan yixbal nak Maxuu. Lee gorna top xaa yalgon nak axta mbizh gwluzhtlaka gorna naab na kwent, lee xaa topa nak re mandad cheen Dios. |
| 23649 | MAT 13:41 | Lee na, Xaa Mzhin Ngok Myet, xaal na mandad cheen na top xaa re xaa kwaan nle nawent, nu re xaa nle zee nle re wechxinn xaa kwaan nawent. |
| 23651 | MAT 13:43 | Zee lee xaa nali nak lo Dios la xni pa nabeyy Xuz na, modxa nla xni mbizh. ¡Loka xaa nzob nzha, nzhaal gon kwaane! |
| 23652 | MAT 13:44 | ’Lee pa nabeyy Dios nak mod zyen doo or kwaan nzholaan leen tub lee leyo. Tub xaa nzha nu nguzhal or ne, nu mbare xaa mlolaan xaaya stub welt leeka lugar zee. Nu nyakdoola xaa nya xaa mto xaa rese kwaan nkano xaa, zee zii xaa leyo pa nguzhal xaa or. |
| 23653 | MAT 13:45 | ’Lee pa nabeyy Dios nak mod tub xaa nzi perla kwaan non doo. |
| 23657 | MAT 13:49 | Sbaaka gak mbizh gwluzhtlaka lo yizhyo ne. Lee re mandad cheen Dios kweey re xaa nawent lo re xaa nali. |
| 23659 | MAT 13:51 | Jesús mnabdizh: —¿Che mla re kwaane yek re gu? Lee re nu mkeb nzhé: —Mlaya yek nu. |
| 23662 | MAT 13:54 | nu mzhin xaa mer lazh xaa. Zee mseed xaa re myet pa nkasa re be, xaa Israel nseed be xtizh Dios. Lee re myet ndedyall ngwii lo xaa nu mbezh re xaa: —¿Pa mseed xaa ne re kwaan nzhak xaa? ¿Xomod nzho mod nle xaa re kwaan gro ne? |
| 23663 | MAT 13:55 | ¡Lee xaa ne nak xgann Che karpinter nu lee xnaa xaa nak Mari, nu re wech xaa nak Chag, Che, Simón nu Judas! |
| 23669 | MAT 14:3 | Sbaa nzhé Herod nel Herodías, xngwnaa wech xaa Lip, mle zee mkado Herod Juan kwaan kaden, nu mlo xaa Juan lozhyib. |
| 23682 | MAT 14:16 | Lee Jesús mkeb lo re nu né: —Nankint nya re xaa. Zaa gu kwaan gaw xaa. |
| 23710 | MAT 15:8 | Lee re xaa ne nebse kwaan roo xaa mbezh na, per lee lextoo xaa zit doo nzo lo na. |
| 23715 | MAT 15:13 | Jesús mkeb né: —Lee rese yag kwaan namxent Xuz na, xaa nzob naz yiba, dub loxa yiib. |
| 23716 | MAT 15:14 | Laa xaa ba nel syeg xaa, nel chelee tub syeg wee leeka sasyeg syeg ropse xaa la leen yeer. |
| 23724 | MAT 15:22 | Nu lee tub ngwnaa Canaán, me nzho yizhyo ba, mbii gax lo Jesús nu dublegan nzhé me lo Jesús: —Me Nabeyy, lu nak xaa dii cheen rey David, bles lextoo lu ne lu na. Lee xchap na nded doo bid nel nzho mbi mal lextoo mad. |
| 23729 | MAT 15:27 | Lee me nzhé: —See naka, Me Nabeyy. Per noka nzhaw mbak re kwaan byog kwaan nzhab lo mes cheen xbixwann ma. |
| 23733 | MAT 15:31 | Nu lee re xaa nzhi ngwii mdedyall doo nu nzhé xaa: —Lee muud nzho mod nzhadizh, nu lee xaa reenk nzho mod nze, nu lee xaa nzhak net nii nzho mod nze wen, nu lee syeg ngwii. Zee mzelo re xaa mbill lo Xdios be. |
| 23735 | MAT 15:33 | Lee nu nzhé lo xaa: —¿Per pa yixii nu tub lanee kwaan gaw tub lanee myet, pa nik tub xaa nyent? |
| 23736 | MAT 15:34 | Jesús mnabdizh né: —¿Lak pan nzeno gu? Zee nzhé nu: —Gazh pan nu lak mbal dik. |
| 23743 | MAT 16:2 | Per lee Jesús mkeb nzhé: —Leezha naxne na xkaw yiba nzhal mzhel yizhyo mbezh gu: “Nalat yey”. |
| 23744 | MAT 16:3 | Leezha naxne na xkaw yiba nzhal garziil, zee mbezh gu: “Nalzhe roo mbi nu la yey”. Gu nlabeyy re nseyn naz yiba, ¿xomod nanlabeyyt gu re nseyn re mbizh ne? |
| 23747 | MAT 16:6 | Zee né Jesús lo re nu: —Lijer gok gu lo lebadur cheen re fariseo nu re xaa saduceo. |
| 23755 | MAT 16:14 | Lee nu nzhé: —Tub naz xaa mbezh lee lu nak Juan xaa mchubnis, stub naz xaa mbezh lee lu nak Li, nu stub naz xaa mbezh lee lu nak Jeremías, nu stub naz xaa mbezh lee lu nak stub re xaa mzaa kwent kwaan nzhé Dios lo lee xaa yilo, mrobanla nal. |
| 23756 | MAT 16:15 | Zee mnabdizh Jesús lo re nu: —Lee re gu, ¿cho nak na nle re gu xgab? |
| 23757 | MAT 16:16 | Simón Pér mkeb nzhé: —Lu nak Xaa Mxaal Dios Nabeyy, nak lu Xgann Dios xaa tira mban. |
| 23764 | MAT 16:23 | Per lee Jesús mzere yenn nu nzhé xaa lo Pér: —¡Bachii lo na Maxuu! Lu nanlet xgab kwaan nle Dios xgab; lu nle xgab kwenta re myet. |
| 23772 | MAT 17:3 | Ta mlu Ches kwaan Li kawdizh kwaan Jesús lo re xaa. |
| 23773 | MAT 17:4 | Zee nzhé Pér lo Jesús: —Xaa Nabeyy. ¡Wen nzo nu nee! Nal dexkwaa nu chon ramad: tuba cheen lu, stuba cheen Ches nu stuba cheen Li. |
| 23779 | MAT 17:10 | Zee mnabdizh yon xaa lo Jesús: —¿Chozhiin nzhé re maestr xaa nlu xtizh Dios, yanertlaka Li yaad? |
| 23780 | MAT 17:11 | Zee lee Jesús mkeb nzhé: —Wli, lee Li yaad yilo nu lee xaa dexkwaa reya. |
| 23781 | MAT 17:12 | Per lee na nii lo gu, lee Li mbiidla per namkayaat re myet xaa sinka mle re xaa xaa modxa nzhekla re xaa. Seeka na, Xaa Mzhin Ngok Myet, deed na bid doo lo re xaa ne. |
| 23795 | MAT 17:26 | Pér nzhé: —Lo xaa stub yezha. Zee Jesús nzhé: —Kwaanzee re sawlazh xaa nanzhaalt kix nik tub gaay. |
| 23800 | MAT 18:4 | Lee xaa nonra pa nabeyy Dios, nak xaa nadoo doo nak mod madwin ne. |
| 23801 | MAT 18:5 | Loka cho kayaa tub madwin kwenta madwin ne nel nkela xaa na, noka nkayaa xaa na. |
| 23802 | MAT 18:6 | ’Loka xana tub xaa le zee laa tub madwin na, mad ngwii lo na; mas wen kee xaa tub ke ndok yenn xaa zee, nu gobi xaa xaa leen nistoo zee yep xaa nis. |
| 23825 | MAT 18:29 | Lee xmig xaa mkichxub lo xaa nu ngunaab jabor kwaan dub lextoo lo xaa nu nzhé xaa: “Blesla lu ne lu na; chuwlazh kix na reseya lo lu. Nayét lu lee na nakixta.” |
| 23829 | MAT 18:33 | Leeka medid kwaan mlesla na ngune na lu, leeka medid ba nzhaal lesla lu ne lu wechxinn lu.” |
| 23835 | MAT 19:4 | Lee Jesús mkeb nzhé: —¿Che zer lab gu kwaan nzhé Xkyech Dios, leezha mdexkwaa Dios yizhyo, tubka ngwnaa nu tubka xaabyi mchaal Dios? |
| 23840 | MAT 19:9 | Loka cho xaa nlaa xngwnaa, me namchaalt nik stub xaabyi, nu ka xaa stub ngwnaa, nle xaa tub jwalt gro doo. |
| 23847 | MAT 19:16 | Lee tub xaa ngwanabdizh lo Jesús, nzhé xaa lo Jesús: —Maestr, ¿cho kwaan wen le na zee nzho mod le na gan yalnaban kwaan tira? |
| 23851 | MAT 19:20 | Lee xaa mad nzhé lo Jesús: —Rese kwaane kale na dubse nzexen na. ¿Cho kwaan mas nzho jwalt le na? |