23268	MAT 3:7	Ya chin bwaꞌha Jwahn ziahan raꞌ bwiinn fariseu cun bwiinn saduceu raꞌ cagadzihn raꞌ tin guroꞌbañihsa Jwahn laꞌh raꞌ ba, chiꞌchi rahbi Jwahn: ―¡Laꞌh tu bwiinn naxihn raꞌ nin naa ziga zi bweꞌlda ñaꞌlaaꞌdzi! ¿Chyuulla gudxixteeꞌ loh tu tin cadxiꞌhyi tu canehza taꞌh tu loh xjwisi Dxiohs nin gueꞌdu gadzihn?
23275	MAT 3:14	Galoh nin nagahdxi guroꞌbañihsa Jwahn laꞌh Ñiꞌh rahbi Jwahn loh Ñiꞌh: ―¡Yiꞌh rchiꞌhn guroꞌbañihsa luꞌh naꞌh nee laꞌlaꞌgaꞌh Yiꞌh zeꞌ luꞌh loon tin guroꞌbañiꞌsahn Yiꞌh!
23288	MAT 4:10	Chiꞌchi rahbi Jesuhs loh bwiinndxaaba chi: ―¡Bwaa bwiinndxaaba!, laasii caa loh Xchihtsi Dxiohs: “Xtaada Dxiohs si luꞌh gaann luꞌh, nee loh si Ñiꞌh chuu luꞌh tin guunn luꞌh xtsiꞌn Ñiꞌh.”
23451	MAT 9:3	Ya chiꞌchi laꞌh paaldaa raꞌ mwehsu nin ruluuꞌyi lehyi Moisehs nin rii riꞌchi bwiꞌhnn raꞌ ba lligaaba: ―¡Dxyiꞌdxyi raꞌ nin guñiꞌ deeꞌ naan dxyiꞌdxyi raꞌ nin rñiꞌyah laꞌh Dxiohs!
23475	MAT 9:27	Ya loh nin bariaꞌh Jesuhs nez bacwaꞌhn Ñiꞌh laꞌh dxaꞌpwiꞌhn nin guhchi, gwanaꞌhla chiohpa bwiinn nin ayi riin loh ñiꞌh laꞌh Jesuhs zeebwihdxyidxiah raꞌ ba rahbi raꞌ ba: ―¡Balahsa stoꞌ luꞌh laꞌh nu, lliiꞌn guehtu Davihd!
23481	MAT 9:33	ya loh nin babweꞌhedxiaꞌhla Jesuhs bwiinndxaaba chi stoꞌ bwiinn goopa chi, lwehgu guzoꞌbaloh cañiꞌ ba, ya bwiinn raꞌ badxyigaaꞌ duxa loh raꞌ ba rahbi raꞌ ba: ―¡Nagahdxi chyu gwaꞌha loh guihdxyi Israel dziꞌn rooꞌ raꞌ ziga nin dxyudiaꞌha nuꞌh nnah!
23549	MAT 11:21	―¡Prohbi za laꞌh tu bwiinn guihdxyi Corazihn, cun neezaa laꞌh za tu bwiinn guihdxyi Betsaida prohbi za laꞌh tu!, laasii sidela laꞌh raꞌ bwiinn guihdxyi Tiru cun bwiinn guihdxyi Sidohn ñwaꞌha raꞌ ba dziꞌn rooꞌ raꞌ nin bwiꞌhnnaꞌhn nez loh tu, nahpa ñazah raꞌ ba xneziuh Dxiohs nee ñahcu raꞌ za ba lahdxi lluhn cun ñuroꞌba raꞌ ba cobadeh yihca raꞌ ba.
23692	MAT 14:26	ya chin bwaꞌha raꞌ xpwiinn Ñiꞌh laꞌh Ñiꞌh zezah loh ñihsa, bidxyihbi duxa raꞌ ba, ya hasta gudihdxyidxiah raꞌ ba pur nin bidxyihbi duxa raꞌ ba ya rahbi raꞌ ba: ―¡Pweda tuhbi pantasma niꞌca!
23693	MAT 14:27	Ya chiꞌchi rahbi Jesuhs loh raꞌ ba: ―¡Gulgadiꞌhi balori stoꞌ tu; naꞌh gahcan, ayi guidxyihbi tu!
23696	MAT 14:30	per chin bwaꞌha Pehdru balaaca bwih duxa nin zuu loh ñihsa chi, bidxyihbi duxa ba, chiꞌchi guzoꞌbaloh zeezaꞌbi ba loh ñihsa, ya gudihdxyidxiah ba rahbi ba: ―¡Baldaꞌh naꞌh Daada!
23699	MAT 14:33	ya chiꞌchi rahbi raꞌ snuhn raꞌ xpwiinn Ñiꞌh nin nuu laꞌn laancha chi: ―¡Guchiica Yuꞌbiluꞌh naa luꞌh Lliiꞌn Dxiohs!
23724	MAT 15:22	ya riꞌchi nuu tuhbi gunnaꞌh cananea ya chin bwaꞌha bi laꞌh Jesuhs gwabiiga bi loh Ñiꞌh dxyigah rbwihdxyidxiah bi rahbi bi: ―¡Lliiꞌn guehtu Davihd, balahsa stoꞌ luꞌh naꞌh! ¡Laasii lliiꞌn dxaꞌpaꞌhn nuu tuhbi bwiinndxaaba stoꞌ bi nin cazaꞌcazii duxa laꞌh bi!
23749	MAT 16:8	Ya chin guhcabwaꞌ Jesuhs cuun lligaaba nin nuu raꞌ ba chiꞌchi rahbi Ñiꞌh loh raꞌ ba: ―¡Lliꞌballaa gulliaaꞌha riachiistoꞌ tu xchiꞌdxyi Dxiohs!
23763	MAT 16:22	Ya chiꞌchi biriaꞌcaanee Pehdru laꞌh Ñiꞌh tuhbi lahdu chiꞌchi rahbi ba loh Ñiꞌh: ―¡Per laꞌh Dxiohs ayi naa Ñiꞌh saca luꞌh ziꞌchi!
23764	MAT 16:23	Ya chiꞌchi gubiaꞌgarii Jesuhs rahbi Ñiꞌh loh Pehdru: ―¡Biriaꞌcaa loon bwiinndxaaba!, laasii rusiin luꞌh naꞌh loh lligaaba dxaaba, laasii yiꞌh ayi nuu luꞌh xigaaba Dxiohs laꞌlaꞌgaꞌh xigaaba bwiinn guidxyiyuh ruhnn luꞌh.
23891	MAT 20:30	ya rwaaꞌ neziuh chi zohba chiohpa bwiinn nin ayi riin loh Ñiꞌh, ya chin bihn raꞌ ba zeediiꞌdxi Jesuhs riꞌchi, chiꞌchi guñiꞌ raꞌ ba jwersirooꞌ rahbi raꞌ ba: ―¡Jesuhs Lliiꞌn guehtu Davihd, balahsastoꞌ luꞌh laꞌh nu!
23892	MAT 20:31	Ya bidxyiꞌchi raꞌ bwiinn rahbi raꞌ ba: ―¡Guldxiahcadxyii! Per laꞌh raꞌ ba mahzi ru jweersi rooꞌ rbwihdxyidxiah raꞌ ba: ―¡Lliiꞌn guehtu Davihd, balasastoꞌ luꞌh laꞌh nu!
23904	MAT 21:9	ya bwiinn raꞌ nin zee ñiidxiuu loh Jesuhs cun bwiinn raꞌ nin zeꞌnaꞌhla nez dihtsi Ñiꞌh rahbi raꞌ ba: ―¡Bwiꞌhnntaaꞌyi Dxiohs yihca rrehyi lliiꞌn Davihd! ¡Lasahca duxa naa nin zeꞌ pur xcweenta Yuꞌbi Dxiohs! ¡Rachiñiꞌ zaꞌca duxa nuꞌh pur xcweenta Dxiohs nin nuu dxibaaꞌ!
24000	MAT 23:13	Chiꞌchi rahbi Ñiꞌh loh raꞌ bwiinn: ―¡Prohbi laꞌh tu, mwehsu raꞌ nin ruluuꞌyi lehyi cun bwiinn fariseu raꞌ, bwiinn dxixiꞌhw raꞌ! Laꞌh tu ayi nnaa tu guixaala tu rwaaꞌ yuuꞌ hasta naa guelrnabwaꞌ xteenn Dxiohs tin chuꞌtii raꞌ snuhn raꞌ bwiinn, nee neezaa laꞌh tu ayi nnaa tu chuꞌtii tu loh xnehza Dxiohs nin ayi za rusaaꞌn tu chuꞌtii raꞌ bwiinn raꞌ nin xclaaꞌdzi chuꞌtii raꞌ.
24024	MAT 23:37	Rahbi za Jesuhs: ―¡Prohbi za laꞌh tu bwiinn guihdxyi Jerusalehn! Rdxiinn tu laꞌh raꞌ daada raꞌ nin zeꞌgaluuꞌyi xchiꞌdxyi Dxiohs laꞌh tu cun, rsiꞌdzi dxiah tu yihca daada raꞌ nin rxeꞌhla Dxiohs guluuꞌyi xchiꞌdxyi Ñiꞌh laꞌh tu. ¡Ziahanla guclaaꞌdzihn ñutiaaꞌhahn laꞌh raꞌ xpwiinn luꞌh Jerusalehn, ziga zi rutiaaꞌha dxiidxi cuꞌca lliiꞌn ma laꞌn xihyi ma, per ayi gunnah raꞌ ba!
24188	MAT 26:65	Ya chiꞌchi gucaꞌha bixohza nin rnabwaꞌ loh raꞌ bixohza chi xahba ba gudxiꞌllu ban ziga tuhbi sehn nin ayi riachiistoꞌ ba laꞌh Ñiꞌh, ya rahbi ba: ―¡Xchiꞌdxyi ndxiꞌhw rii naa raꞌn dxyiꞌdxyi xihn raꞌ loh Dxiohs! ¿Xi xchiꞌhn ru chiꞌh, bweꞌzi chyu xi nnaa ru loh nuꞌh? Laꞌhgahca tu bihndxiahga tu xchiꞌdxyi bwiinn riiꞌ ziga rñiꞌyah ba laꞌh Dxiohs.
24193	MAT 26:70	Per Pehdru guñiꞌ ba loh garaatiiꞌ raꞌ bwiinn raꞌ nin rii raꞌ riꞌchi rahbi ba: ―¡Ayi rahcabwaꞌn xiniꞌca cañiꞌ luꞌh!
24195	MAT 26:72	Ya chiꞌchi basaguiꞌhi Pehdru stuhbi hasta guñiꞌ chihpa ba rahbi ba: ―¡Ayi nuꞌnbwaꞌn bwiinn ca!
24197	MAT 26:74	Ya chiꞌchi guzoꞌbaloh caguꞌdii ba nee cañiꞌ chihpa ba rahbi ba: ―¡Ayi nuꞌnbwaꞌn laꞌh bwiinn ca! Pwihsi hohra chi gahca bacaꞌyahnn dxiidxinguhla,
24219	MAT 27:21	ya chiꞌchi rahbi Pilahtu stuhbi: ―Ziga loh garoopa raꞌ bwiinn raꞌ riiꞌ, ¿cuun nin xclaaꞌdzi tu guhldaꞌhn? Chiꞌchi rahbi raꞌ ba: ―¡Laꞌh Barrabahs!
24220	MAT 27:22	Chiꞌchi gunaabadxyiꞌdxyi Pilahtu loh raꞌ bwiinn chi rahbi ba: ―Ya ¿cuun xchiꞌh nin xclaaꞌdzi tu cun guuneꞌhn Jesuhs, nin laa Crixtu? Chiꞌchi rahbi garaa raꞌ ba: ―¡Bacaꞌh ba loh cruhzi!
24221	MAT 27:23	Ya chiꞌchi rahbi Pilahtu: ―¿Per xi mahla bwiꞌhnn ba? Per ya laꞌh raꞌ ba mahzi ru jwersi rooꞌ gudihdxyidxiah raꞌ ba, rahbi raꞌ ba: ―¡Bacaꞌh ba loh cruhzi!
24223	MAT 27:25	Chiꞌchi rahbi raꞌ bwiinn ziahan raꞌ chi: ―¡Laꞌh nu cun lliiꞌn raꞌ nu yihca nu tsiiba xquelguhchi bwiinn ca!
24227	MAT 27:29	ya yihca Ñiꞌh guluuꞌ raꞌ ba tuhbi curohn guihchi nin bwiꞌhnnchaꞌyi raꞌ ba cun tuhbi taaꞌha ñihta guluuꞌ raꞌ ba naa Ñiꞌh nin naa lahdu derehchu, chiꞌchi bazuꞌnllihbi raꞌ ba loh Ñiꞌh ya guzoꞌbaloh ballihdzinee raꞌ ba laꞌh Ñiꞌh rahbi raꞌ ba loh Ñiꞌh: ―¡Par tuꞌpazi guibahan xrrehyi raꞌ bwiinn Israel!
24244	MAT 27:46	Hohr chi gahca guñiꞌ Jesuhs rahbi Ñiꞌh: ―¡Ayy Paah! ¿Xixnaa guleꞌhestoꞌ luꞌh naꞌh?
24252	MAT 27:54	Ya chin bwaꞌha capitahn Romanu cun garaa raꞌ nin zuunee ba cayahpa raꞌ ba laꞌh Jesuhs, cayahca lluh, cun garaa raꞌ nin cayahca hohra chi, bidxyihbi duxa raꞌ ba chiꞌchi rahbi raꞌ ba: ―¡Guchii bwiinn ca naa ba Lliiꞌn Dxiohs!
24309	MRK 1:25	Chiꞌchi gudxyildxyineedxyiꞌdxyi Jesuhs laꞌh bwiinndxaaba chi rahbi Ñiꞌh: ―¡Bataꞌw rwaaꞌ luꞌh tin bariaꞌh stoꞌ bwiinn ca!
24341	MRK 2:12	Ya hohra chi gahca gwastii ndxiꞌhw chi batiaaꞌha ba xluꞌhn ba ya nez delaanta loh gallee raꞌ bwiinn nin rii riꞌchi, ya bareꞌh ba laꞌn yuuꞌ chi, chiꞌchi badxyigaaꞌ duxa loh raꞌ bwiinn cun neezaa badiꞌhi raꞌ ba guelzuxchiilli laꞌh Dxiohs, rahbi raꞌ ba: ―¡Bayinnahsihn bidiaꞌhan nuꞌh tuhbi dziꞌn rooꞌ!
24368	MRK 3:11	ya guyuuꞌ raꞌ paaldaa raꞌ bwiinn nin guyuuꞌ raꞌ bwiinndxaaba stoꞌ raꞌ ñiꞌh, ya chin zeebiiga raꞌ ba nezloh Jesuhs ruzuꞌnllihbi raꞌ ba nezloh Ñiꞌh ya jweersi rooꞌ rbwihdxyidxiah raꞌ ba rahbi raꞌ ba: ―¡Yiꞌh naa luꞌh Lliiꞌn Dxiohs!
24441	MRK 5:8	Guñiꞌ bwiinndxaaba chi squiiꞌ laasii guñiꞌ Jesuhs: ―¡Bariaꞌh stoꞌ bwiinn ca bwiinndxaaba!
24474	MRK 5:41	chiꞌchi gunaꞌzu Ñiꞌh naa bi, ya guñiꞌ Ñiꞌh loh bi, rahbi Ñiꞌh: ―¡Talita cumi! ―Naa dxyiꞌdxyi ziga guiñiꞌ Ñiꞌh rahbi Ñiꞌh: ¡Gwastii dxaꞌpwiꞌhn!
24513	MRK 6:37	Chiꞌchi rahbi Jesuhs loh raꞌ xpwiinn Ñiꞌh: ―¡Laꞌh tu gulgadiꞌhi nin gahw raꞌ bwiinn ca! Chiꞌchi rahbi raꞌ xpwiinn Ñiꞌh loh Ñiꞌh: ―¿Ta xclaaꞌdzi luꞌh chosiꞌn nu chiohpa gaywaꞌha denariu pahn tin gahw raꞌ bwiinn raꞌ ca? (Chiohpa gaywaꞌha denariu naa ziga guunn tuhbi ndxiꞌhw gahn loh xoꞌpa bweꞌhw garoolda.)
24526	MRK 6:50	laasii garaa raꞌ ba bwaꞌha raꞌ ba zeezah Ñiꞌh loh ñihsa chi niꞌchin bidxyihbi duxa raꞌ ba, per seguihdu gahca guñiꞌ Ñiꞌh loh raꞌ ba, rahbi Ñiꞌh: ―¡Gulgadiꞌhi balohr stoꞌ tu; naꞌhan ―rahbi Ñiꞌh― ayi guidxyihbi tu!
24538	MRK 7:6	Chiꞌchi rahbi Ñiꞌh loh raꞌ ba: ―¡Bwiinn rusaguiꞌhi bwiinn raꞌ! Guchii guehtu Isaías ziga bacaꞌh ba xcweenta ziga ruhnn tu: Rñiꞌ tu ziga zi nin rbwihdxyi-rnaaba laꞌh Dxiohs, per stoꞌ tu zihtu riaꞌhan loh xquelrnabwaꞌ Dxiohs.
24541	MRK 7:9	Rahbi za Ñiꞌh: ―¡Bayilaa ruhnn bwiinn nasiin tu, nee cagasaaꞌn za tu tuhbi lahdu garaa raꞌ xchiꞌdxyi Dxiohs tin zeezahnee tu ziga naa xcostumbre tu nin xigaaba raꞌ bwiinn guidxyiyuh!
24569	MRK 7:37	ya garaa raꞌ bwiinn nin bihn dxyiꞌdxyi chi badxyigaaꞌ loh raꞌ ba neezaa rahbi raꞌ ba: ―¡Garaa nin ruhnn ba naa dziꞌn zaꞌca! ¡Hasta bwiinn gweꞌta rallaala ba dxiahga ñiꞌh ya goopa raꞌ ruhnn ba pur rañiꞌ raꞌ ba!
24602	MRK 8:33	per chiꞌchi basiaꞌgarii loh Jesuhs bwaꞌha Ñiꞌh loh raꞌ xpwiinn Ñiꞌh, chiꞌchi rahbi Ñiꞌh loh Pehdru: ―¡Gwasuu loh xnezyuun Satanahs! ¡Yiꞌh ayi ruhnn luꞌh xigaaba xteenn Dxiohs, pur xigaaba si bwiinn guidxyiyuh cayuhnn luꞌh!
24680	MRK 10:23	chiꞌchi biahyi Jesuhs tin bwaꞌha Ñiꞌh loh raꞌ xpwiinn Ñiꞌh, chiꞌchi rahbi Ñiꞌh loh raꞌ ba: ―¡Nagahn duxa par chuꞌtii tuhbi bwiinn rricu loh xquelrnabwaꞌ Dxiohs!
24704	MRK 10:47	ya chin gudiiꞌdxidxiahga ba zeediiꞌdxi Jesuhs nin zeꞌ loh guihdxyi Nazaret riꞌchi, chiꞌchi guñiꞌ ba jweersi rooꞌ, rahbi ba: ―¡Jesuhs lliiꞌn guehtu Davihd, balahsastoꞌ luꞌh naꞌh!
24705	MRK 10:48	Ya bidxyiꞌchi ziahan raꞌ bwiinn niꞌchin rahbi raꞌ ba loh ba: ―¡Biacadxyii! ¡Ayi rñiꞌ luꞌh ziꞌca! Per laꞌh ba mahzi ru jwersi rooꞌ ru cañiꞌ ba: ―¡Lliiꞌn guehtu Davihd, balahsastoꞌ luꞌh naꞌh!
24718	MRK 11:9	ya nuhn raꞌ bwiinn nin zeeñiidxiuu nez loh Jesuhs, cun snuhn raꞌ ba nin naꞌhla laꞌh Ñiꞌh, guzaꞌloh cañiꞌ raꞌ ba jweersirooꞌ, rahbi raꞌ ba: ―¡Bwen duxa naa Dxiohs! ¡Bwiꞌhnn taaꞌyi Dxiohs yihca rrehyi nin zeꞌ pura xcweenta Dxiohs!
24868	MRK 14:45	Pwihsi seguihdu gwabiiga Judas hasta zuu Jesuhs chiꞌchi rahbi ba loh Ñiꞌh: ―¡Chaan Mwehsu! Chiꞌchi bachaꞌgarwaaꞌ ba loh Ñiꞌh,
24886	MRK 14:63	Ya chiꞌchi gucaꞌha bixohza nin rnabwaꞌ chi gudxiꞌllu ba lahdxi nin nahcu ba, ziga tuhbi sehn cañiꞌyah Jesuhs laꞌh Dxiohs, niꞌchin rahbi ba: ―¡Ayi xi xchiꞌhn ru nuꞌh dxihnn nuꞌh!
24888	MRK 14:65	Ya nuu raꞌ ba bachah xihin raꞌ ba loh Ñiꞌh cun neezaa basieꞌw raꞌ ba loh Ñiꞌh chiꞌchi guyaꞌzi raꞌ ba loh Ñiꞌh, ya rahbi raꞌ ba: ―¡Guhcabwaꞌ chyuñin nin guyaꞌzi loh luꞌh! Ya seguihdu gudahpa raꞌ guixaꞌga raꞌ loh Ñiꞌh.
24891	MRK 14:68	Chiꞌchi rahbi Pehdru: ―¡Ayi nuꞌnbwaꞌn ba, nee nin ayiza rahcabwaꞌn xiniꞌca nin cañiꞌ luꞌh! Lwehgu gwasuu ba nez hasta riuuꞌtiiꞌ raꞌ ba, ya hohra chi bacaꞌhyahnn tuhbi dxiidxinguhla.
24893	MRK 14:70	Per basaguiꞌhi laꞌgaꞌh Pehdru stuhbi, ya mas balaaquiꞌhn rahca rahbi raꞌ nin rii riꞌchi loh Pehdru: ―¡Guchii paꞌcan! ¡Nee luꞌh naa luꞌh tuhbi xpwiinn Jesuhs, laasii naa luꞌh tuhbi bwiinn Galilea!
24894	MRK 14:71	Chiꞌchi guzoꞌbaloh guñiꞌ chihpa Pehdru rahbi bi: ―¡Ayi nuꞌnbwaꞌtiiꞌhihn laꞌh ndxiꞌhw ca nin ayi gaꞌnnahn xiñin nin riiñiꞌ tu loon!
24908	MRK 15:13	Ya chiꞌchi guñiꞌ raꞌ ba jweersi rooꞌ rahbi raꞌ ba: ―¡Bacaꞌh ba loh cruhzi!
24909	MRK 15:14	Chiꞌchi rahbi Pilahtu loh raꞌ ba: ―¿Per xi mahla cayuhnn ba? Per laꞌh raꞌ ba cun mahzi ru jweersi rooꞌ rahbi raꞌ ba stuhbi: ―¡Bacaꞌh ba loh cruhzi!
24913	MRK 15:18	chiꞌchi guzoꞌbaloh cabwihdxyidxiah raꞌ ba rahbi raꞌ ba: ―¡Para tuꞌpazi guibahan xrehyi bwiinn Israel raꞌ!
24924	MRK 15:29	Ya nin gudiiꞌdxi raꞌ riꞌchi guñiꞌ tohnta raꞌ ba loh Ñiꞌh rahbi raꞌ ba: ―¡Bwehnu yiꞌh! ¿Tayi nnaa dxiꞌh luꞌh gucwih luꞌh guidoꞌ ya chohnna si dxyih nnaa luꞌh guunn luꞌh stuhbin?
25101	LUK 3:7	Chin bwaꞌha Jwahn cagadiaaꞌha ziahan roo raꞌ bwiinn tin guroꞌbañihsa ba laꞌh raꞌ ba, chiꞌchi rahbi Jwahn loh raꞌ ba: ―¡Laꞌh tu bwiinn naxihn raꞌ, nin naa zigazi bweꞌlda ñalaaꞌdzi! ¿Chyulla gudxixteeꞌ loh tu tin gulluꞌn tu loh xjwiisi Dxiohs nin gueꞌdu gaca?
25167	LUK 4:35	Ya chiꞌchi gudxindxinee dxyiꞌdxyi Jesuhs laꞌh bwiinndxaaba chi, rahbi Ñiꞌh: ―¡Bataꞌw rwaaꞌ luꞌh tin bariaꞌh tihxi bwiinn ca! Chiꞌchi gudxihndxiah bwiinndxaaba chi laꞌh bwiinn chi nezloh garaa raꞌ ba, chiꞌchi bariaꞌh ba stoꞌ ba ya ayiru xi guelrzaꞌcazii bwiꞌhnn bwiinndxaaba chi laꞌh bwiinn chi.
25173	LUK 4:41	Ya ziahan raꞌ bwiinn nin rahcalluꞌhu chi bariaꞌh bwiinndxaaba stoꞌ raꞌ ba ya chin bariaꞌh raꞌ bwiinndxaaba tihxi raꞌ ba, chiꞌchi gudidxyidxiah raꞌ ba, rahbi raꞌ ba loh Jesuhs: ―¡Yiꞌh naa luꞌh Lliiꞌn Dxiohs! Ya Jesuhs gunabwaꞌ Ñiꞌh laꞌh raꞌ ba tin ayi xi guuyi raꞌ ba ziga naann raꞌ ba naa Jesuhs Crixtu nin cabweeza raꞌ bwiinn guidxyiyuh.
25202	LUK 5:26	Ya chin bwaꞌha raꞌ bwiinn nin rii gadiidxi laꞌn yuuꞌ chi nin guhca, bidxyihbi raꞌ ba laasii guhca basiaꞌtii Jesuhs xtuhlda bwiinn, rahbi raꞌ ba: ―¡Bayinnahsihn bidiaꞌhan nuꞌh tuhbi cohsa rooꞌ!
25280	LUK 7:16	Ya chin bwaꞌha raꞌ bwiinn nin zegacaꞌtsi laꞌh bi bacwaꞌhn Jesuhs laꞌh bi, chiꞌchi bidxyihbi duxa raꞌ ba laasii bwaꞌha raꞌ ba guhca bacwaꞌhn Jesuhs laꞌh nuꞌbi chi loh guelguhchi, ya guzaꞌloh riiñiꞌ raꞌ ba: ―¡Bayi Dxiohs sihn chuhla naa Ñiꞌh! ¡Tuhbi bwiinn nin mahzi lasahca nin rñiꞌ xchiꞌdxyi Dxiohs laꞌba badzihn nezloh nuꞌh! Neezaa rahbi raꞌ ba: ―LaꞌDxiohs badzihn gacanee Ñiꞌh laꞌh raꞌ xpwiinn Ñiꞌh.
25383	LUK 9:13	Chiꞌchi rahbi Jesuhs loh raꞌ xpwiinn Ñiꞌh chi: ―¡Laꞌh tu gulgadiꞌhi nin gahw raꞌ ba! Ya rahbi raꞌ xpwiinn Ñiꞌh loh Ñiꞌh: ―Ayi chyu nahpa xi gahw raꞌ ba, ñaꞌsi zagaꞌyu dxiꞌh pahn cun schiohpa bwehlda nuuꞌ, ¿cayixchiꞌh chosiꞌ nu nin gahw bwiinn ziahan raꞌ ca?
25411	LUK 9:41	Chiꞌchi rahbi Jesuhs loh raꞌ bwiinn chi: ―¡Ayi, bwiinn raꞌ nin ayi riachiistoꞌ ñiꞌh, bwiinn naxihn! ¿Balaaca chiꞌhlla chuꞌneꞌhn laꞌh tu tin gazuhllaꞌñiihn yihca tu? ¿Balaaca chiꞌhlla nin guꞌnnahn waanta loh tu? Chiꞌchi rahbi Ñiꞌh loh xtaada biꞌnxtuhbi chi: ―¡Gudaꞌnee lliiꞌn luꞌh riiꞌ!
25425	LUK 9:55	Chiꞌchi basiaꞌgariiloh Jesuhs tin bwaꞌha Ñiꞌh loh raꞌ ba tin gudxihldxyi Ñiꞌh laꞌh raꞌ ba, rahbi Ñiꞌh: ―¡Nin ayi gaann tu chyuniꞌca rñiꞌ laꞌn lastoꞌ tu niꞌchin nin rñiꞌ tu ziꞌca!
25445	LUK 10:13	Rahbiza Jesuhs: ―¡Prohbi laꞌh tu bwiinn guihdxyi Corazihn! ¡Prohbiza laꞌh tu bwiinn guihdxyi Betsaida! Sidela ñwaꞌha raꞌ bwiinnziitu nin gubahan guihdxyi Tiru cun Sidohn milahgru raꞌ nin bwiꞌhnnaꞌhn nez loh tu ñahca nalaasastoꞌ raꞌ ba pur xtuhlda raꞌ ba, nen nahpa ñazah raꞌ ba xneziuh Dxiohs. Ñahcu raꞌ ba lahdxilluhn, ñuroꞌba raꞌ ba cobadeh yihca raꞌ ba ziga tuhbi sehn nin ñacanalaasastoꞌ raꞌ ba.
25473	LUK 10:41	Chiꞌchi rahbi Jesuhs loh bi: ―¡Ai Marta, Marta; xtsiꞌndxiꞌhsi luꞌh caastoꞌ luꞌh pur ruhnn luꞌh ziahanan!
25520	LUK 11:46	Chiꞌchi rahbi Jesuhs loh raꞌ ba: ―¡Prohbiza laꞌh tu bwiinn nin ruluuꞌyi lehyi!, laasii rnabwaꞌ tu niꞌchin rusaguhnn tu bwiinn raꞌ cohsa raꞌ nin nagahn duxa nin naa ziga tuhbi cohsa naaꞌha nin ayi rdxihpa bwen bwiinn, ya laꞌh tu nin cun tuhbi bacwihnaa tu ayi rdxiꞌ tun.
25602	LUK 13:15	Chiꞌchi guñiꞌ Jesuhs loh ba, rahbi Ñiꞌh: ―¡Bwiinn rusaguiꞌhi bwiinn! Sidela chyuulla tuhbi tu nahpa tuhbi guunn o tuhbi buhrra nee rdxahga ma ñihsa, ¿tayichiꞌh guixaachi tu ma chegaguee tu ma ñihsa dxyih nin ruziꞌlaaꞌdzi bwiinn raꞌ?,
25735	LUK 17:15	Ya tuhbi ba chin bwaꞌha ba laꞌba biaca, talguꞌnsi gubiaꞌgarii ba ziaa ba hasta zuu Jesuhs, gaduhbi ziagazah ba guzaꞌloh rñiꞌ ba jweersi, rahbi ba: ―¡Dxiohssihn chuhla naa!
25796	LUK 18:39	Ya chiꞌchi bidxyiꞌchi bwiinn raꞌ nin zee delaanta guzohbaloh zeeñiꞌ raꞌ ba, rahbi raꞌ ba: ―¡Biacadxyii!, ¡ayi rñiꞌ luꞌh ziꞌca! Per laꞌh ba mahziru cañiꞌ ba jweersirooru: ―¡Lliiꞌn guehtu Davihd, balahsastoꞌ luꞌh naꞌh!
25838	LUK 19:38	neezaa cañiꞌ raꞌ ba: ―¡Bwiꞌnntaaꞌyi Dxiohs yihca rrehyi nin zeꞌ pura xcweenta Dxiohs; nnah dxyiiriistoꞌ Dxiohs nin nuu dxibaaꞌ laasii nnah laꞌJesuhs zeꞌ tin guinabwaꞌ Ñiꞌh pura xcweenta Dxiohs; yannah gachidiꞌtsi nu zuxchilli Dxiohs pur garaa nin bwiꞌhnn Ñiꞌh!
25842	LUK 19:42	chiꞌchi rahbi Ñiꞌh: ―¡Xixlaaxchimmatiiꞌ ayi gaann tu xi cohsa guunn tu tin cwidxyiistoꞌ tu! Per nnah nuulaꞌn cohsa chi par laꞌh tu,
25864	LUK 20:16	Ziꞌ ba, dxieꞌchiinn ba garaa raꞌ ba; ya chin chaꞌloh gachi raꞌ ba, chiꞌchi gudiꞌhi ba loh yuh chi gaan raꞌ guriin bwiinn. Ya chin bihn raꞌ ba dxyiꞌdxyi raꞌ chi, chiꞌchi rahbi raꞌ ba: ―¡Per Dxiohs ayi nnaa Ñiꞌh gaca ziꞌca!
25984	LUK 22:51	chiꞌchi rahbi Jesuhs loh raꞌ xpwiinn Ñiꞌh: ―¡Gulgasaaꞌn ba! ¡Cun sol niꞌca! Chiꞌchi badxiꞌhyi Jesuhs dxiahga mooza chi bachiꞌdxu Ñiꞌhn talguꞌnsi biaca zaꞌcan,
25989	LUK 22:56	Ya chin bwaꞌha tuhbi gunnaꞌh nin ruhnn dziꞌn riꞌchi zohba gabihdxyi Pehdru, chiꞌchi bwaꞌha-bwaꞌha bi loh Pehdru, chiꞌchi rahbi bi: ―¡Nee ndxiꞌhw riiꞌ naa xpwiinn Jesuhs!
25991	LUK 22:58	Ya snuhnsi rahca, guriin bwiinn lagaꞌh nin bwaꞌha laꞌh Pehdru, chiꞌchi rahbi ba: ―¡Cun neezaa luꞌh naa tuhbi raꞌ xpwiinn Jesuhs! Per Pehdru rahbilagaꞌh ba: ―Ñaan loh luꞌh daada, ayi needxiꞌhn naan xpwiinn ba.
26022	LUK 23:18	Per laꞌh raꞌ ba tuhbisi guñiꞌ garaa raꞌ ba jweersi, rahbi raꞌ ba: ―¡Gudxiinn laꞌh Jesuhs bachiꞌh baldaꞌh Barrabahs!
26025	LUK 23:21	per laꞌh raꞌ bwiinn ziahan chi mahziru jweersirooꞌ rahbi raꞌ ba: ―¡Bacaꞌh ba loh cruhzi!, ¡bacaꞌh ba loh cruhzi!
26085	LUK 24:25	Chiꞌchi rahbi Jesuhs loh raꞌ ba: ―¡Aii bwiinnraꞌ! ¡Lliballanihin riuuꞌtii dxyiꞌdxyi laꞌn yihca tu; balaacachiꞌh rahcataꞌh tu tin riasaa tu garaa dxyiꞌdxyi nin bacaꞌh raꞌ profeta, daada raꞌ nin guñiꞌ xchiꞌdxyi Dxiohs caadxyih!
26180	JHN 2:16	Ya rahbi Ñiꞌh loh raꞌ bwiinn raꞌ nin rutooꞌ palohmma: ―¡Gulgabweꞌhe niꞌca raꞌ riiꞌ! ¡Ayi guunn tu yihdzi Xtaaꞌdahn ziga tuhbi loh dxiaaꞌ!
26254	JHN 4:29	―¡Gultaꞌguiaꞌha laꞌh tuhbi ndxiꞌhw nin guñiꞌ garaatiiꞌ raꞌ nin cayuꞌnnahn! ¿Tayi laꞌh dxiꞌh ba nin naa Crixtu?
26276	JHN 4:51	ya gaduhbi nin ziaa ba yihdzi ba, biriaꞌh raꞌ xmooza ba bagachiꞌloh laꞌh ba ya rahbi raꞌ mooza raꞌ chi loh ba: ―¡Laꞌh lliiꞌn luꞌh nabahan!
26417	JHN 7:20	Chiꞌchi rahbi raꞌ bwiinn raꞌ loh Ñiꞌh: ―¡Nuu tuhbi bwiinndxaaba stoꞌ luꞌh! ¿Chyu xclaaꞌdzi chiinn yiꞌh?
26434	JHN 7:37	Ya luulchima dxyih xteenn lañih chi naa dxyih lañihroo ru, ya dxyih chi guñiꞌ Jesuhs loh raꞌ bwiinn Israel raꞌ chi jweersirooꞌ, rahbi Ñiꞌh: ―¡Sidela chyuulla tuhbi bwiinn rdxahga ba ñihsa, dxiꞌ bwiinn chi nez loon tin guee ban!
26443	JHN 7:46	Ya chiꞌchi rahbi raꞌ guixaꞌga chi loh raꞌ ba: ―¡Ayi chyu gunaꞌzu laꞌh ba laasii ayi nin tuhbi bwiinn nin guiñiꞌ ziga rñiꞌ bwiinn chi!
26489	JHN 8:39	Chiꞌchi rahbi raꞌ ba loh Jesuhs: ―¡Xtaada nu naa guehtu Abrahn! Ya chiꞌchi rahbi Jesuhs: ―Sidela laꞌh tu guchii tu naa tu lliiꞌn guehtu Abrahn, ñuhnn tu ziga bwiꞌhnn guehtu Abrahn,
26491	JHN 8:41	Laꞌh tu ruhnn tu ziga ruhnn xtaada tu. Ya chiꞌchi rahbi raꞌ ba loh Ñiꞌh: ―¡Ayi nee dxiꞌh nu naa nu lliiꞌn loh nehza bwiinn, sino que tuhbi dxiꞌh Daada Dxiohs naa Xtaada nu!
26498	JHN 8:48	Ya chiꞌchi rahbi raꞌ bwiinn Israel raꞌ: ―¡Nachidxiaapaa nu rsohn chin rachiñiꞌ nu yiꞌh naa luꞌh tuhbi bwiinn Samaritano nee nuu tuhbi bwiinndxaaba stoꞌ luꞌh!
26502	JHN 8:52	Ya chiꞌchi rahbi raꞌ bwiinn Israel raꞌ chi: ―¡Yannah naann dziꞌtsi nu nuu tuhbi bwiinndxaaba stoꞌ luꞌh! Guehtu Abrahn cun garaa raꞌ guehtu daada raꞌ nin guñiꞌ xchiꞌdxyi Dxiohs guhchi raꞌ ba, nee yiꞌh nnaa luꞌh: “¡Bwiinn nin guzoꞌbadxiahga xchiꞌdxyiꞌhn ayi gachi ba!”
26537	JHN 9:28	Chiꞌchi guñiꞌ tohnta raꞌ ba loh bwiinn chi rahbi raꞌ ba: ―¡Yiꞌh dela gaca luꞌh xpwiinn ndxiꞌhw chi, per laꞌh nu xpwiinn Moisehs naa nu!
26662	JHN 12:13	niꞌchin bachyuuꞌga raꞌ ba batahga raꞌ xteenn yahga zihn tin biriaꞌh raꞌ ba bagachiꞌloh raꞌ ba laꞌh Jesuhs, ya rahbi raꞌ ba jweersi rooꞌ: ―¡Gulguiñiꞌzaꞌca pur lah Dxiohs! ¡Bwiꞌhnntaaꞌyi Ñiꞌh yihca bwiinn nin zeꞌ pur xcweenta Ñiꞌh! ¡Bwiꞌhnntaaꞌyi Dxiohs yihca rrehyi raꞌ bwiinn Israel!
26707	JHN 13:8	Chiꞌchi rahbi Pehdru: ―¡Lliaaꞌhzi ayi guniꞌhihn ñaaꞌhahn chiꞌbi luꞌh! Chiꞌchi rahbi Jesuhs: ―Sidela naꞌh ayi chiꞌbiꞌhn ñaaꞌ luꞌh ayi naa luꞌh xpwiiꞌnnahn.
26708	JHN 13:9	Chiꞌchi rahbi Simohn Pehdru loh Jesuhs: ―¡Pwihsi Daada, ayi chiꞌbi luꞌh ñaaꞌ sihn sino que nee yiꞌcahn cun naaꞌhahn!
26881	JHN 18:27	Chiꞌchi rahbi laꞌgaꞌh Pehdru: ―¡Ayi nee dxiꞌh naꞌh! Ya hohrachi gahca bacaꞌhyahnn dxiidxinguhla.
26894	JHN 18:40	Ya chiꞌchi guñiꞌ garaatiiꞌ raꞌ ba: ―¡Ayi gutaꞌh luꞌh niꞌca! ¡Mas chaꞌyi bataꞌh laꞌh Barrabahs! Ya Barrabahs riiꞌ guhca ba tuhbi gubaꞌn.
26897	JHN 19:3	ya chiꞌchi gwabiiga raꞌ ba loh Ñiꞌh rahbi raꞌ ba: ―¡Gubahan par tuꞌpazi Rehyi raꞌ bwiinn Israel! Chiꞌchi riaꞌzi raꞌ ba loh Jesuhs.
26900	JHN 19:6	Ya chin bwaꞌha raꞌ bixohza nin rnabwaꞌ laꞌh raꞌ bixohza cun guixaꞌga raꞌ xteenn guidoꞌ laꞌh Jesuhs ziꞌchi, mahziru gudihdxyidxiahyoꞌba raꞌ ba rahbi raꞌ ba: ―¡Bacaꞌh ba loh cruhzi! ¡Bacaꞌh ba loh cruhzi! Chiꞌchi rahbi Pilahtu: ―Pwihsi gulchenee ba laꞌhtu, ya laꞌgahca tu gulgacaꞌh ba loh cruhzi, laasii naꞌh ayi rdxeelaꞌhn nin tuhbi xtuhlda bwiinn ca.
26906	JHN 19:12	Ya desde hohra chi gahca, gudxiꞌhyi Pilahtu xa ñutaꞌh ba laꞌh Jesuhs, per laꞌh raꞌ bwiinn Israel raꞌ chi mahziru jweersirooꞌ gudihdxyidxiah raꞌ ba rahbi raꞌ ba: ―¡Sidela yiꞌh gutaꞌh luꞌh laꞌh ndxiꞌhw ca, ayi naa luꞌh xamihgu emperador, laasii cuunchiꞌzi bwiinn nin xclaaꞌdzi tiidxi ziga rrehyi, naa bwiinn chi nin rdxindxinee laꞌh emperador!
26909	JHN 19:15	Chiꞌchi rahbi raꞌ ba jweersirooꞌ: ―¡Gachi ba! ¡Gachi ba! ¡Bacaꞌh ba loh cruhzi! Chiꞌchi rahbi Pilahtu loh raꞌ ba: ―¿Ta naꞌh gucaꞌhn laꞌh xrrehyi tu loh cruhzi? Ya chiꞌchi rahbi raꞌ bixohza raꞌ nin rnabwaꞌ raꞌ laꞌh raꞌ bixohza loh Pilahtu: ―¡Laꞌhnu ayiru chyu nahpa rrehyi, sola tuhbidxiꞌh laꞌh emperador!
26938	JHN 20:2	ya chiꞌchi gubiaꞌgarii galluꞌhn ba bwaa ba hasta nuu Simohn Pehdru cun stuhbi xpwiinn Jesuhs nin guhcanadziiꞌhi Jesuhs, chiꞌchi rahbi gunnaꞌh chi: ―¡Pweda bagaleꞌhe raꞌ ba bweꞌltihxi Jesuhs laꞌn baꞌ, per ayi chyu gaann canehza gwanee raꞌ ba laꞌh Ñiꞌh!