23218	MAT 1:5	Salmón guc yu uz Booz. Zeꞌ ñaay lam Rahab. Zeꞌ Booz guc yu uz Obed. Zeꞌ ñaay lam Rut. Obed guc yu uz Isaí.
23220	MAT 1:7	Salomoong guc yu uz Roboam. Zeꞌ Roboam guc yu uz Abías. Zeꞌ Abías guc yu uz Asa.
23236	MAT 1:23	Tub fiñ feñ yon chuꞌ iꞌñ ñi. Orzeꞌ gaal ñi tub mdoo gyeey. Mi zeꞌ co la dey mi Emanuel, mniim. (Riidz Emanuel zeꞌ yaruuñ: Ñgyoozh nac num de ub naa.)
23244	MAT 2:6	Ru Beleeng, tub gyedz nu ri lo yu ni Judea, ru walab tub gyedz nu ich zir zu par deꞌ zir de gyedz ily nu yuꞌ lo de yu ni Judea, gun zeꞌ nu ri ru gruu zac tub biñ nu gyub ic. Mi zeꞌ gyub ic mi de mbecy ne̱, de mbecy Israeel. Ni pcaa de yu nu mnii por cuen ni Ñgyoozh ―na dey.
23256	MAT 2:18	Lat gyedz nu la Ramá zaab tiꞌ mbecy. Tonaꞌ la ruun dey. Tonaꞌ la ricy dey sentiir. De yu nu ruun zeꞌ, ndeꞌ nez Raquel. Ruun dey nu nac iꞌñ yu. Tees walagy dey nu cuic mbecy consuel niy gun dela de iꞌñ dey bi gut yu. Ni pcaa Jeremías.
23264	MAT 3:3	Gun Isaías, yu nu mnii por cuen ni Ñgyoozh, laab Waa bzat yu ornu nay: Zaab tiꞌ tub mbecy. Rbish tiy tub lugaar ub zi. Orzeꞌ nay: “Nañ lardoo den nañ gal nu na tub nez. Orzeꞌ bicy nap der nez zeꞌ par ornu cyid Shuaan den. Pshaal der tub nez nu li par nu ded mi”, na Isaías, nay.
23296	MAT 4:18	Lat nu gusa Jesuuz de ruꞌ nisyudoo ni Galilea, orzeꞌ bzaac mi cyup mbecy nuy bicy yu. Tub yu lay Simo̱o̱, nunu laab yu zeꞌ rnii dey Bed. Zeꞌ tuubaꞌy lay Ndrees. Rup laa dey nac yu mbecy rub bel. Yuꞌ dey nu rneꞌy gyish niy lo nis.
23302	MAT 4:24	Orzeꞌ bzu laa riidz dutuub la lo yu ni Siria de coz nu ricy mi. Orzeꞌ brugyiꞌ rza nu dey dela mbecy nu rat de lo la güii lom, nu dela mbecy nu rzac de lo la coz deet. Rza nu dey de yu nu bicy ni nuras. Rza nu gaꞌ dey de yu nu nash bi. Nunu rza nu gaꞌ dey de yu nu nac mbecy chi̱. Orzeꞌ Jesuuz bicy yac mi dela dey.
23349	MAT 5:46	Gun benu de ru ca der de mbecy nu rca ziꞌl ru, orzeꞌ ¿la ñuu i der gyad? Gun mas de yu nu rteꞌ tiñ par gubier Rom niꞌ ricy dey ndeꞌ.
23360	MAT 6:9	De ru, i mod gnii nu der Ñgyoozh ―nam―. Ñgyoozh, Uz de̱, ru biñ nu zub gyibaa. Rlagy ñi ca lagy de̱ lor.
23361	MAT 6:10	De̱ ya̱ rdiñ de̱ nu cyid gyel gubier nir lat de̱. Rdiñ de̱ lor nu gac ñii gyishlombecy ii gal nu rlagy ru, nunu gal nu rac gyibaa.
23375	MAT 6:24	’Rila wac nu tub mbecy gyicy yu riiñ ni cyup patro̱o̱ niy, gun benu ni, orzeꞌ gazi lagy yu lo tub yu. Zeꞌ tuubaꞌy cay yu. O nu gyicy paay nuy tub yu. Zeꞌ tuubaꞌy güii naañ yu loy. Orzeꞌ wac zu bich mbecy nu nac Ñgyoozh, nunu niꞌ ziꞌl wac zu bich yu nu nac de gyel nap nu yuꞌ gyishlombecy ii laab tub ziꞌl tiem.
23400	MAT 7:15	’Bzu der cuidad nu de mbecy rguu, de yu nu ricy nu rnii por cuen ni Ñgyoozh. De yu zeꞌ ruꞌña dey lat der. Rlyu nu na dey gal nu na tub shily mazh. Tees nañ lardoo dey nañ gal nu na tub lob dañ.
23408	MAT 7:23	Tees ya̱ gne̱e̱ lo dey: “Rila a̱ꞌ yuꞌ lo̱ de ru. Bruu chu der lo̱ ii, de ru mbecy shiñ ricy”, gne̱e̱ ―nam―.
23417	MAT 8:3	Orzeꞌ Jesuuz gul yaam yu. Orzeꞌ nam rab mi yu: ―Rlagya̱. Na byac ru ―nam rab mi yu. Orzeꞌ lueg la byac yu.
23422	MAT 8:8	Orzeꞌ na gaꞌ yu nu riib ic zeꞌ: ―Rila wangyapa̱ nu char yu̱ꞌ, nomaas benu nii ziꞌl ru nu gyac moz ne̱, orzeꞌ gyac yu.
23450	MAT 9:2	Orzeꞌ bruꞌña nu dey tub mbecy chi̱ lom. Riib yu lo nuun. Na ornu Jesuuz gud lagy mi nu dzi ricy cup dey consuel lom, orzeꞌ nam rab mi yu rat zeꞌ: ―Yu feñ, cueꞌ dzi gyicy shnir. Briic baloor. Ya̱ bi ricy sulagya̱ de cyir ―nam.
23457	MAT 9:9	Orzeꞌ Jesuuz bruum lugaar zeꞌ zam. Na nez nu zam bzaac mi ya̱, tub mbecy nu la Mateo zuba̱ rlo̱o̱ tiñ tub lugaar zeꞌ nu rboo dey tiñ por cuen ni gubier Rom. Gazeꞌ nu nam rab mi ya̱: ―Da ca icha̱ ―nam. Orzeꞌ wes su̱ za ca̱ ich mi.
23458	MAT 9:10	Na despuees, ornu Jesuuz bruꞌñam yu̱ꞌ, lat nu zub mi row mi gyit, orzeꞌ bruꞌña zigy de mbecy nu rboo tiñ por cuen ni gubier Rom, nu zigy de mbecy bduneꞌ bruꞌña dey. Orzeꞌ gusub dey nuy mi tublaazh la lo tub ziꞌl mez.
23476	MAT 9:28	Ornu Jesuuz guꞌm nañ yuꞌ, orzeꞌ de yu lo caꞌ zeꞌ bechaꞌ dey lom. Orzeꞌ bdugyiꞌm lo dey: ―¿A rzeña lagy der nu gac gyicya̱ nu ndeꞌ? ―nam. Orzeꞌ na dey: ―Rzeña lagy de̱ Jesuuz ―na dey.
23481	MAT 9:33	Orzeꞌ cuanzir nu bloo chum nuras zeꞌ, orzeꞌ gop zeꞌ brugyiꞌ rniiy. Orzeꞌ tonaꞌ la za nu ic de mbecy. Orzeꞌ na dey: ―Rila a̱ꞌ zac den coz nu na gal nu na nii lo de yu ni de mbecy Israeel ―na dey.
23485	MAT 9:37	Orzeꞌ nam rab mi de yu nu rsyaꞌ lom: ―Rishli gaal cosech tonaꞌ la sheñ ñi, tees de yu nu ricy riiñ, ñuu zi dey.
23489	MAT 10:3	Lip nu Bartol, nu Tomaas nu ya̱, Mateo, tub mbecy nu pteꞌ tiñ por cuen ni gubier Rom, nu Santiag, iꞌñ Alfeo, nu Tadeo,
23547	MAT 11:19	Zeꞌ ornu ya̱, biñ nu byac mbecy, bri̱, orzeꞌ ya̱ rda̱w la ziꞌl coz nunu rdo̱ꞌ la ziꞌl ñup. Orzeꞌ rnii dey nu naca̱ mbecy row shaad nunu mbecy roꞌ ñup, nunu naca̱ amig ni de mbecy bduneꞌ nunu naca̱ amig ni de yu nu rboo tiñ por cuen ni gubier Rom. Orzeꞌ ni tub la mod wangyet lagy dey. Tees rabee nu de mod nu psaꞌ lagy Ñgyoozh ndeꞌ mod nap nu nac nu gruu nap ñi ―nam.
23560	MAT 12:2	Na ornu bzaac de mbecy fariseo, orzeꞌ na dey rab yu Jesuuz: ―Güii de yu nu rsyaꞌ lor. Ricy dey tub coz nu a̱ꞌ yad ñi nu gyicy den sab ―na dey.
23601	MAT 12:43	’De ru na der gal nu na tub mbecy ornu druu chu nuras loy. Orzeꞌ nuras zeꞌ rzay tub lugaar wach. Ryub yu tub lugaar nu zu lagy yu. Na ornu wagad lugaar zeꞌ, orzeꞌ rnii tooy:
23605	MAT 12:47	Orzeꞌ tub mbecy byooy rishlom: ―Ñaar nu de bicy ru yuꞌ dey gashtal ich yuꞌ re. Rlagy dey nii nuy ru ―na dey.
23627	MAT 13:19	De mbecy nu rzuub gyidag riidz ni gyel gubier ni Ñgyoozh par wayet lag dey cuen, de yu zeꞌ na dey gal nu na yu nu ri ruꞌ gyernez. Rnii mbecy riidz zeꞌ lo dey, tees orzeꞌ druꞌña nuras rbooy de riidz nap zeꞌ nañ lardoo dey.
23670	MAT 14:4	Gun Waa nu briib nis mbecy zaab rnii lay lo rey Herodes. Orzeꞌ rniiy: ―Ru rach ñi nir lo Ñgyoozh nu gush ru biñ mñaa zeꞌ ―rniiy.
23674	MAT 14:8	Orzeꞌ nu loga la bdugyiꞌñ lo ñaañ. Gazeꞌ nu nañ rab ñi rey Herodes: ―Rlagya̱ nu cuic ru too Waa ne̱ nañ tub gyaꞌn ―nañ.
23699	MAT 14:33	Orzeꞌ de yu nu yuꞌ nañ barc zeꞌ gusutib dey lo Jesuuz. Orzeꞌ na dey rab yum: ―¡Rishli gaal ru nac ru iꞌñ Ñgyoozh! ―na dey.
23740	MAT 15:38	De yu nu bdow gyishtily zeꞌ tap miily dey nac yu. Reñ de biñ mñaa nu de yu nguzh.
23744	MAT 16:3	Nunu or zaꞌ yu rnii der: “Dzi na gyet gyey gun zu cow de ruꞌ baa nunu taꞌ za ña”, rnii der. ¡Mbecy rzuu lo! Rad lagy der lac yaruu de muesht nu taꞌ baa, tees wagad lagy der lac yaruu de muesht nu ricy nu gabe la tiem.
23764	MAT 16:23	Orzeꞌ Jesuuz bish cyam mniim loy. Orzeꞌ nam: ―¡Bruu chu lo̱ ii nuras! Ricy ru nu yabiigy zir coz nu rlagy ñi gyicya̱, gun shcab nir wasaap ñi shcab ni Ñgyoozh; sinu shcab nir ndeꞌ shcab nu ricy cup mbecy ziꞌl ―nam.
23780	MAT 17:11	Orzeꞌ na Jesuuz rab mi dey: ―Rishli gaal nu Elías cyid yu loga la par nu gzu nap yu de la coz.
23813	MAT 18:17	Tees benu wazuub gyidag yu ni de yu zeꞌ, orzeꞌ gua niir lo de mbecy ni Ñgyoozh ornu yuꞌ tublaazh dey. Orzeꞌ benu wangyeñ yu ni dela mbecy zeꞌ, orzeꞌ gyicy der yu par tub mbecy nu walab mbecy ni Ñgyoozh, o par tub mbecy nu rteꞌ tiñ por cuen ni gubier Rom.
23819	MAT 18:23	’Ndeꞌ nu mod nu rac nu gyel gubier ni Ñgyoozh, ndeꞌ nañ gal nu na mod nu rac nu tub rey. Rey zeꞌ ngulagy yu nzaꞌ loy ni de coz nu ca lo cuen ni de moz niy.
23828	MAT 18:32	Orzeꞌ rey zeꞌ bredz yu moz zeꞌ nu chay loy. Orzeꞌ nay rab yuy: “¡Ru mbecy a̱ꞌ nap! Ya̱ bicy sulagya̱ nir ni dela diꞌñ ru gun mnishbaar lo̱.
23884	MAT 20:23	Orzeꞌ na gaꞌm rab mi dey: ―Rishli gaal taz nu zuub dey ru̱ꞌ ya̱, laabaꞌ ndeꞌ zuub dey ruꞌ de ru. Tees par nu gzub der par yaa be̱e̱ o par yaa rega̱, ndeꞌ walab cuen ne̱ ya̱ nu gyicya̱ ñii du̱ der; sinu de lugaar zeꞌ, ndeꞌ par de yu nu bi pcui Ñgyoozh, uz den ―nam.
23900	MAT 21:5	Mnii der lo de mbecy gyedz Sión, orzeꞌ nii der: “Güii, yad rey ni der lor. Nac mi tub mbecy shni. Riib mi tub bur miꞌ, tub bañ nu nac iꞌñ tub bur yuu.” Ni pcaa tub yu nu mnii por cuen ni Ñgyoozh.
23926	MAT 21:31	¿Orzeꞌ ca na lo cyup de yu feñ zeꞌ bicy yu coz nu rlagy uz yu? ―na Jesuuz. Orzeꞌ na dey rab yum: ―Yu feñ loga zeꞌ bicy yu coz nu rlagy uz yu ―na dey. Orzeꞌ na gaꞌ Jesuuz rab mi dey: ―Ya̱ rishli rne̱e̱ lo der gashtal de yu nu rteꞌ tiñ por cuen ni gubier Rom, gal nu de biñ congal, de yu zeꞌ chuꞌ dey lat de mbecy nu riib ic Ñgyoozh anzir nu chuꞌ de ru.
23927	MAT 21:32	Gun Waa nu briib nis mbecy biid yu nu blyuuy ni der nu lac gyicy der nu chuꞌr nu mod nu seꞌñ, tees de ru wancheña lagy der niy. Zeꞌ de yu nu rteꞌ tiñ por cuen ni gubier Rom, gal nu de biñ congal guña lagy dey ni Waa. Tees de ru mas bzaac der de nu ndeꞌ, tees wanneꞌ der de cyi nu ricy ru par nu ñgyeña lagy der de coz nu mniiy ―nam―.
23943	MAT 22:2	―Mod nu rac nu gyel gubier ni Ñgyoozh, ndeꞌ mod nu guc nu tub rey. Rey zeꞌ bzu yey tub saꞌ ni fandang par nu chelaa yu feñ niy.
24010	MAT 23:23	’¡Dzi ga cuaa de ru mbecy nu rlyuu leey ni Ñgyoozh gal nu de ru mbecy fariseo gun nac der mbecy rzuu lo! Dela coz nu ricy cup der, lo tii nac ñii, rbic der tub nac ñii ni Ñgyoozh: gashtal de gyish loow comid, de mushtily, de aniis, de comin rbic der nim. Tub nac gaañ lo tii nac ga de gyish miꞌ zeꞌ rbic der nim. Tees wagyicy cuen der de riidz nu ricy ñi presis nu ca lo leey. Wagyicy cuen der de riidz nu rniiñ nu chuꞌn nu seꞌñ. Ni wagyicy cuen der de riidz nu rniiñ nu gashni lagy na losaꞌn, nu de riidz nu rniiñ nu nap chuꞌ den. Rlagy ñi gyicy yac der nu de riidz zeꞌ, nunu cueꞌ checa der nu gyicy ru deꞌ zir coz nu bi ricy ru zeꞌ.
24013	MAT 23:26	¡Mbecy fariseo lo caꞌ! Rlagy ñi nu loga la cyib der par nañ taz zeꞌ, nu gyaꞌn zeꞌ. Orzeꞌ niꞌ ziꞌl par ich ñi gac ñii coz caacy.
24024	MAT 23:37	’¡A̱ der mbecy Jerusaleeng! Rut der de yu nu rnii por cuen ni Ñgyoozh. Nunu rgoow gyitaꞌ der de yu nu rzeed Ñgyoozh lat der. Zañ tir ngulagya̱ ñgyicy tublaazha̱ der gal nu ricy tub gyid ornu ricy tublaazh ma dzich ni ma nañ loweꞌ ma. Tees de ru wangalagy der.
24097	MAT 25:20	Nu loga la bruꞌña yu nu guud gaay tant tiñ ni zeꞌ. Orzeꞌ byabic yu gaay tant nu za nuy zeꞌ gal nu tub gaayaꞌ tant iꞌñ ñi. Orzeꞌ nay rab yu patro̱o̱ niy: “Ru briic ru gaay tant ne̱. Na ii gaꞌ tub gaayaꞌ tant nu bicya̱ gan”, nay.
24098	MAT 25:21	Orzeꞌ patro̱o̱ zeꞌ nay rab yuy: “Nap tonaꞌ la. Ru nac ru tub moz nu ricy paa. Na par nu bicy paar nu ñuu miꞌ nu briica̱ nir, na riiñ ily zir grica̱ nu gyicy ru. Gyeed gun gyet lagy ru nur ya̱”, na patro̱o̱.
24099	MAT 25:22	Orzeꞌ bruꞌña gaꞌ yu nu guud cyup tant ni zeꞌ. Orzeꞌ nay rab yu patro̱o̱ niy: “Ru briic ru cyup tant ne̱. Ndeꞌ nu gyash ru ñii nir, gal nu cyupaꞌ tant nu bicya̱ gan”, nay.
24100	MAT 25:23	Orzeꞌ na patro̱o̱ niy rab yuy: “Nap tonaꞌ la. Ru nac ru tub moz nu ricy paa. Na par nu bicy paar nu ñuu miꞌ nu briica̱ nir, ndeꞌ nu na riiñ ily zir grica̱ nu gyicy ru. Na gyeed gun gyet lagy ru nur ya̱”, na patro̱o̱.
24154	MAT 26:31	Gazeꞌ nu nam rab mi dey: ―Rel na dela de ru checa der nu gyicy cup ru consuel lo̱ nu nac de coz nu gzaca̱, gun ni rniiñ lat de riidz ni Ñgyoozh. Orzeꞌ nam: “Ya̱ duta̱ biñ nu rña shily, orzeꞌ dela shily nim grush las ma”, nam.
24186	MAT 26:63	Tees Jesuuz ri ziꞌl zum. Rila waniim. Orzeꞌ na gaꞌ yu nu riib ic zeꞌ: ―Rishli gaal ni Ñgyoozh mbañ, mnii lo̱ de̱ benu nac ru Mesías, biñ nu nac iꞌñ Ñgyoozh ―nay.
24191	MAT 26:68	―Ru, Mesías, ¡mnii lo̱ de̱ cyu briich yaa lor! ―na dey.
24200	MAT 27:2	Orzeꞌ pcyiig dey mi za nuy mi. Orzeꞌ bguꞌ dey mi yaa Poncio Pilato, yu nu riib ic por cuen ni gubier Rom.
24205	MAT 27:7	Orzeꞌ psaap dey riidz ben lac gyicy nu dey tiñ zeꞌ. Orzeꞌ wii dey tub nac yu nu la Yu ni Mbecy nu Rzaa Gyis. Orzeꞌ yu zeꞌ wii dey ñi nu tiñ zeꞌ, par nu gac ñii tub campyo̱o̱ nu cach dey de mbecy yad.
24206	MAT 27:8	Ndeꞌ nu gashtal tiem na, yu zeꞌ lañ Yu nu Guud nu Nac Reñ.
24208	MAT 27:10	Orzeꞌ nu tiñ zeꞌ wii dey tub nac yu nu la Yu ni Mbecy nu Rzaa Gyis, gal nu mnii Ñgyoozh lo̱ nu gyicya̱, na Jeremías.
24238	MAT 27:40	Orzeꞌ na dey: ―Ru mniir nu nit lor yuꞌ nu driib zily mbecy Ñgyoozh, nunu nañ chon dzi mniir nu shes sur ñii. ¡Na bloo mbañ ub ru na! Benu rishli nac ru iꞌñ Ñgyoozh. ¡Bet lo cruuz! ―na dey.
24244	MAT 27:46	Gazeꞌ nu or zeꞌ ye brish ti Jesuuz. Orzeꞌ nam: ―Elí, Elí, ¿lema sabactani? ―nam. Riidz zeꞌ yaruuñ: “Ñgyoozh ne̱, Ñgyoozh ne̱, ¿lagu bzaan ru ya̱?”
24252	MAT 27:54	Na ornu bzaac yu nu riib ic de soldad gal nu deꞌ zir soldad nu briib duru zeꞌ nu dela deꞌ zir coz nu guc, orzeꞌ gudzib dey. Orzeꞌ na dey: ―¡Rishli gaal biñ ii guc mi iꞌñ Ñgyoozh! ―na dey.
24253	MAT 27:55	Orzeꞌ zet yuꞌ zigy biñ mñaa. Rgüii dem lo Jesuuz. Laab de mi zeꞌ biñ nu gua ca ich Jesuuz nese nu gusam Galilea, nunu blocyuub dem Jesuuz.
24271	MAT 28:7	Orzeꞌ na gaꞌ anc zeꞌ: ―Dzach zi der yaa niir lo de yu nu rsyaꞌ lom. Niir nu Jesuuz bi byabañ mi. Orzeꞌ mi zeꞌ bi ya gam lo der par Galilea. Re zac der mi. Ni niir lo dey. Ndeꞌ coz nu ca lo cuen nu ne̱e̱ lo der ―na anc zeꞌ.
24277	MAT 28:13	Orzeꞌ na dey rab yu de soldad zeꞌ: ―Rlagy ñi nii der nu de yu nu rsyaꞌ lo Jesuuz, gua dey rel, orzeꞌ bloo dze dey cuerp ni Jesuuz lat nu nas der.
24295	MRK 1:11	Orzeꞌ zaab tiꞌ Ñgyoozh gal gyibaa rniim. Orzeꞌ nam: ―Ru nac ru iꞌña̱, biñ nu tonaꞌ la rca̱, nunu tonaꞌ la yet lagya̱ ―nam.
24311	MRK 1:27	Orzeꞌ dela de mbecy zeꞌ za nu la ic dey nunu brugyiꞌ rnii dey lo losaꞌy: ―¿Lac yaruu nii? Rlyuuy tub leey cub, nunu rlyuuy gal nu ricy mbecy nu riib ic zaꞌ la. ¡Gazaꞌ nuras ricy yu mandaar, nunu rzuub gyidag dey niy! ―na dey.
24324	MRK 1:40	Orzeꞌ bruꞌña tub mbecy nu rat tub lo gyedz nu la lepra. Orzeꞌ gusu tib yu lo Jesuuz bdiiñ yu lom nu gyicy yac mi yu. Gazeꞌ nu nay rab yum: ―Ru gac gyicy yac ru ya̱ benu rlagy ru ―nay.
24325	MRK 1:41	Orzeꞌ Jesuuz gushni lagy mi yu. Orzeꞌ gul yaam yu. Gazeꞌ nu nam rab mi yu: ―Rlagya̱. ¡Na byac ru! ―nam rab mi yu.
24341	MRK 2:12	Orzeꞌ wes suy, nunu lueg la pshet yaay nuun niy. Orzeꞌ gush nez yu yay lo rgüii la dela mbecy zeꞌ. Nu nac ndeꞌ, ndeꞌ nu za nu ic dela dey nunu byabic dey gyel mbecy ni Ñgyoozh. Gazeꞌ nu na dey: ―Rila nigul zac na coz nu na gal na nii ―na dey.
24343	MRK 2:14	Na nez nu zam, orzeꞌ bzaac mi Leví, iꞌñ Alfeo. Zub yu zeꞌ nu rboo mbecy tiñ por cuen ni gubier Rom. Gazeꞌ nu nam rab mi yu: ―Da ca icha̱ ―nam. Orzeꞌ wes suy za cay ich mi.
24368	MRK 3:11	Nunu dela de yu nu bicy ni nuras, ornu rzac dey mi, yes saa la dey lom. Orzeꞌ dub ruꞌ la dey rbish ti nuy mi. Orzeꞌ rnii dey: ―¡Ru nac ru iꞌñ Ñgyoozh! ―rnii dey.
24374	MRK 3:17	nu Santiag nu bicy yu Waa, de iꞌñ Zebedeo. De yu zeꞌ bloo lam Boanerges. Riidz zeꞌ yaruuñ: De Iꞌñ guzii.
24385	MRK 3:28	’Rishli, ya̱ ne̱e̱ lo der nu Ñgyoozh gac gyicy sulagy mi ni de mbecy ni de lo la cyi nu ricy yu nunu de lo la riidz a̱ꞌ nap nu rniiy,
24438	MRK 5:5	Zaab za lay dzi rel la rded yu de logyiꞌ nu lat de blyuu zeꞌ. Rbish tiy, nunu rshiꞌñ yu ub yu nu gyitaꞌ.
24464	MRK 5:31	Orzeꞌ de yu nu rsyaꞌ lom na dey rab yum: ―Ru rzac ru nu de mbecy zigy rcyiꞌñ su dey ru. Zeꞌ ii nar: “¿Cyu gul ya̱?” nar ―na dey.
24529	MRK 6:53	Ornu blazh bded dey lo nisyudoo, bruꞌña dey lo de yu ni Genesaret. Ruꞌ zeꞌ bzeeñ dey barc niy.
24540	MRK 7:8	Rzu chu der leey ni Ñgyoozh par nu rzu fert der cushtom ni mbecy ―na Jesuuz.
24569	MRK 7:37	Tonaꞌ la za nu ic mbecy. Orzeꞌ na dey: ―Dela coz nu ricy yu nap ricy yu. ¡Ricy yu nu reñ mbecy go̱ꞌ nunu ricy yu nu rnii mbecy gop! ―na dey.
24576	MRK 8:7	Ricy cupaꞌ dey la be bel miꞌ. Orzeꞌ briicaꞌm gras ni Ñgyoozh nunu pcaa gaꞌm de yu nu rsyaꞌ lom nu cuic dey ma gow de mbecy zigy.
24598	MRK 8:29	Orzeꞌ nam rab mi dey: ―Zeꞌ de ru, ¿cyu rnii der nu naca̱? ―nam. Orzeꞌ na Bed rab yum: ―Ru nac ru Mesías, biñ nu ca lo cuen nu co mbañ de mbecy ―nay.
24676	MRK 10:19	Ru rad lagy ru de coz nu rcaa Ñgyoozh de mbecy nu gyicy yac dey. Cueꞌ cut ru losaꞌr. Cueꞌ gal ru mbecy nu wanchelaar. Cueꞌ gyicy ru gubaan. Cueꞌ riib ru gyidza too losaꞌr. Cueꞌ gyicy ru gan tiñ nu nac gyel rguu. Pca lagy lo uz ru nunu pca lagy lo ñaar ―nam.
24678	MRK 10:21	Gazeꞌ nu Jesuuz bgüiim loy nunu pcam yu. Orzeꞌ nam rab mi yu: ―Ru ricy falt tub coz nir. Yaa cut ru dela coz nu yuꞌ nir. Gazeꞌ nu tiñ zeꞌ cuic ru ni de mbecy zi. Orzeꞌ gyibaa gyad gyel nap nir. Nunu cyid ru cyid car icha̱ ―nam.
24696	MRK 10:39	Orzeꞌ na dey: ―Gagye̱ de̱ ―nay. Gazeꞌ nu nam rab mi dey: ―Rishli gaal zuub ruꞌ der taz nu ya̱ zuub ru̱ꞌ nunu ded der gyoow nu ya̱ deda̱.
24774	MRK 12:32	Orzeꞌ mbecy zeꞌ nay rab yum: ―Rishli, masht, dzi nap mniir nu zu tub zi Ñgyoozh. Sac cyuꞌ zir Ñgyoozh.
24776	MRK 12:34	Ornu güeñ Jesuuz nu dzi nap mniiy gal nu rnii mbecy nu nap rad lagy, orzeꞌ nam rab mi yu: ―Ru walabaꞌ nu dzi ricy falt par nu gyub ic Ñgyoozh ru ―nam. Orzeꞌ ni tubaꞌ la mbecy wangash lagy yu nu ngugyiꞌy lom.
24785	MRK 12:43	Orzeꞌ bredz Jesuuz de yu nu rsyaꞌ lom. Gazeꞌ nu nam rab mi dey: ―Rishli gaal coz ily zir bicy byud re gazeꞌ dela deꞌ zir mbecy nu rguꞌ tiñ nañ alcansi ii.
24836	MRK 14:13	Gazeꞌ nu bzuu nez mi cyup dey. Orzeꞌ nam rab mi yu: ―Yaa der lat gyedz. Re dzeel der tub mbecy nu ya nu tub reꞌ nis. Yu zeꞌ cha ca der ich yu.
24884	MRK 14:61	Tees Jesuuz ri ziꞌl zum. Rila wanii lam. Zeꞌ bdugyiꞌ gaꞌ yu riib ic zeꞌ lom. Orzeꞌ naꞌy rab yum: ―¿A ru nac ru Mesías, iꞌñ Ñgyoozh Yon? ―nay.
24916	MRK 15:21	Nez za dey bdzeel yu tub mbecy Cirene nu la Simo̱o̱. Yu zeꞌ uz Alejandro nu Rufo. Bruuy ngush yeed yu. Ornu bdzeel yu de soldad, orzeꞌ por fers la pcaa dey yu nu cha nuy cruuz ni Jesuuz.
24921	MRK 15:26	Lo gyicy cyim pcaa dey: “Rey ni de mbecy Israeel”, pcaa dey.
24924	MRK 15:29	Orzeꞌ de mbecy nu rded zeꞌ rguu bdzaa dey mi. Rgyib la ic dey nu gyel rguu bdzaa. Orzeꞌ na dey: ―¡Ja̱j! Ru mniir nu nit lor yuꞌ nu driib zily mbecy Ñgyoozh nunu nañ chon dzi shes sur ñii.
24926	MRK 15:31	Niꞌ de yu zub lo ni uz nu de yu nu rlyuu leey ni Ñgyoozh rguu bdzaa dey mi. Rnii zi dey nim nu losaꞌy. Orzeꞌ na dey: ―Bloo mbañ yu reñaꞌ mbecy. Tees ub yu wagac co mbañ yu.
24927	MRK 15:32	Rlagy ñi nu gyet Mesías, biñ nu nac rey ni de mbecy Israeel, lo cruuz, gun orzeꞌ gzac na nunu cheña lagy na nu laab mi ―na dey. Orzeꞌ niꞌ ziꞌl de yu nu ca num lo cruuz rguu bdzaa dey mi.
24929	MRK 15:34	Gazeꞌ nu laab or zeꞌ ye brish ti Jesuuz. Orzeꞌ nam: ―Eloi, Eloi, ¿lema sabactani? ―nam. Riidz zeꞌ yaruuñ: Ñgyoozh ne̱, Ñgyoozh ne̱, ¿lagu bzaan ru ya̱?
24934	MRK 15:39	Orzeꞌ yu nu riib ic de soldad, yu nu zu par lo Jesuuz, ornu bzaac yu nu lac gut mi, orzeꞌ nay: ―Rishli gaal biñ ii guc mi iꞌñ Ñgyoozh ―nay.
24949	MRK 16:7	Tees gua der gua niir lo de yu nu rsyaꞌ lom nu lo Bed nu bi ya gam lo dey par Galilea. Re zac der mi gal nu mniim ―nay.