23439	MAT 8:25	Orzeꞌ de yu nu rsyaꞌ lom pcueeñ dey mi. Orzeꞌ na dey rab yum: ―¡Shuaan de̱, bloo mbañ den! Gun bi rnit lo den lo nis ―na dey.
23549	MAT 11:21	―¡Cuaa de ru mbecy nu yuꞌ gyedz Corazín! Nunu, ¡cuaa de ru mbecy gyedz Betsaida! Gun benu ñgyicya̱ nusuriidz lat de mbecy nu yuꞌ gyedz Tiro nu gyedz Sidón gal nu bicya̱ lat de ru, orzeꞌ bi gulas nneꞌ dey cyiy. Orzeꞌ nzu dey shab cuiñ yu nunu ncoo dey diꞌñ tooy par nu gabe nu ñgyac dey mbecy shni.
23692	MAT 14:26	Na ornu bzaac dey nu yad mi lo nis, orzeꞌ tonaꞌ la gudzib dey. Orzeꞌ rbish ti la dey. Orzeꞌ na dey: ―¡Ndeꞌ tub bis! ―na dey. Nunu rbish ti dey nu tantaꞌ gudzib dey.
23693	MAT 14:27	Tees orzeꞌ Jesuuz nam rab mi dey: ―¡Briic der baloor! ¡Ya̱ nu ndeꞌ! ¡Cueꞌ dzib der! ―nam.
23696	MAT 14:30	Tees ornu bduꞌ cuen yu nu dzi druu bi, orzeꞌ gudzib yu. Orzeꞌ brugyiꞌ rzez ti̱y lo nis. Orzeꞌ brish tiy. Orzeꞌ nay: ―¡Shuaan de̱, bloo mbañ ya̱! ―nay.
23697	MAT 14:31	Orzeꞌ lueg la Jesuuz bduꞌ yaam yaay. Orzeꞌ nam rab mi yu: ―¡Dzi ga ñuu miꞌ consuel ricy cup ru! ¿Lagu bicy cyup ic ru? ―nam.
23699	MAT 14:33	Orzeꞌ de yu nu yuꞌ nañ barc zeꞌ gusutib dey lo Jesuuz. Orzeꞌ na dey rab yum: ―¡Rishli gaal ru nac ru iꞌñ Ñgyoozh! ―na dey.
23730	MAT 15:28	Orzeꞌ Jesuuz nam rab mi biñ mñaa zeꞌ: ―¡Dzi ga fert ricy cup ru consuel lo̱! Na ya̱ gyicya̱ gal nu rlagy ru ―nam. Orzeꞌ laab or la zeꞌ byac fiñ nguzh nim.
23763	MAT 16:22	Orzeꞌ Bed gua nu reñ yu Jesuuz. Gazeꞌ nu fert mniiy tub riidz lom. Orzeꞌ nay rab yum: ―¡Shuaan de̱, cueꞌ zaan yaa Ñgyoozh nu rila cueꞌ ni zac ru! ―nay.
23764	MAT 16:23	Orzeꞌ Jesuuz bish cyam mniim loy. Orzeꞌ nam: ―¡Bruu chu lo̱ ii nuras! Ricy ru nu yabiigy zir coz nu rlagy ñi gyicya̱, gun shcab nir wasaap ñi shcab ni Ñgyoozh; sinu shcab nir ndeꞌ shcab nu ricy cup mbecy ziꞌl ―nam.
23786	MAT 17:17	Orzeꞌ na Jesuuz: ―¡A der mbecy nu yuꞌ na! Dzi ga wagyicy cup der consuel lo̱. Dzi ga mnu shcab ni der. ¿Laꞌ zir be tiem rlagy ñi nu chesa̱ du̱ der? Da nu der yu nguzh rat zeꞌ lo̱ ―nam.
23891	MAT 20:30	Na zu cyup mbecy lo caꞌ gusub dey cuit nez nu zam. Ornu güeñ dey nu yad mi, orzeꞌ brugyiꞌ rbish ti dey. Orzeꞌ na dey: ―¡Jesuuz nez Dabi, gushni ñuu lagy de̱ ya̱! ―na dey.
23892	MAT 20:31	Orzeꞌ de mbecy zigy bdzaꞌ dey niy, nunu mnii dey nu cueꞌ cush ti dey. Tees de yu zeꞌ rbish ti gaꞌ zir dey. Orzeꞌ na dey: ―¡Jesuuz nez Dabi, gushni ñuu lagy de̱ ya̱! ―na dey.
23904	MAT 21:9	Orzeꞌ dela mbecy nu zub lo lom, gal nu de yu nu zaab par ich mi brugyiꞌ rbish ti dey. Orzeꞌ na dey: ―¡Dzi ga zily nac biñ nu bruu lat nez rey Dabi! ¡Ñgyoozh nac num ru, biñ nu bzuꞌ nez mi! ¡Dzi ga zily nac Ñgyoozh, biñ nu gya zir zu! ―na dey.
23914	MAT 21:19	Orzeꞌ bzaac mi tub ya las zub ñi cuit nez. Orzeꞌ gush nez mi zam looñ. Tees ni tub uugy wangyap mi looñ. Nomaas lyag ziꞌl taꞌ niñ. Orzeꞌ nam rab mi ya las zeꞌ: ―¡Bee dzi na par lo rila wazacaꞌ lor nu cuic ru uugy! ―nam. Orzeꞌ lueg la guwach ya las zeꞌ.
24220	MAT 27:22	Orzeꞌ na gaꞌ Pilato: ―Zeꞌ ¿la coz rlagy der nu gyicya̱ du̱ Jesuuz, yu nu rnii der Mesías? ―nay. Orzeꞌ dela dey mniiy: ―¡Cut ruy lo cruuz! ―na dey.
24221	MAT 27:23	Orzeꞌ na gaꞌ Pilato: ―¿La ñuu coz a̱ꞌ nap bicy yu? ―nay. Tees dzi zir bish ti dey. Orzeꞌ na dey: ―¡Cut ruy lo cruuz! ―na dey.
24252	MAT 27:54	Na ornu bzaac yu nu riib ic de soldad gal nu deꞌ zir soldad nu briib duru zeꞌ nu dela deꞌ zir coz nu guc, orzeꞌ gudzib dey. Orzeꞌ na dey: ―¡Rishli gaal biñ ii guc mi iꞌñ Ñgyoozh! ―na dey.
24368	MRK 3:11	Nunu dela de yu nu bicy ni nuras, ornu rzac dey mi, yes saa la dey lom. Orzeꞌ dub ruꞌ la dey rbish ti nuy mi. Orzeꞌ rnii dey: ―¡Ru nac ru iꞌñ Ñgyoozh! ―rnii dey.
24526	MRK 6:50	Gun dela dey bzaac yum, nunu tonaꞌ la gudzib dey. Tees Jesuuz lueg la mnii num dey. Orzeꞌ nam rab mi dey: ―¡Briic der baloor! ¡Ya̱ ndeꞌ! ¡Cueꞌ dzib der! ―nam.
24602	MRK 8:33	Tees Jesuuz bish cyam bgüiim lo de yu nu rsyaꞌ lom. Orzeꞌ fert mniim lo Bed. Orzeꞌ nam: ―¡Bruu chu lo̱ ii nuras! Gun shcab nir wasaap ñi shcab ni Ñgyoozh, sinu shcab nir, ndeꞌ shcab ni mbecy ziꞌl ―nam.
24626	MRK 9:19	Orzeꞌ na Jesuuz rab mi dey: ―¡A̱ der mbecy nu yuꞌ na! Dzi ga wagyicy cup der consuel lo̱. ¿Laꞌ zir be tiem rlagy ñi chesa̱ du̱ der? ¿Laꞌ zir be tiem rlagy ñi nu gagye̱ lo der? Da nu der yu nguzh rat zeꞌ lo̱ ―nam.
24680	MRK 10:23	Orzeꞌ Jesuuz bgüiim dub yub la lom. Gazeꞌ nu naꞌm rab mi de yu nu rsyaꞌ lom: ―¡Dzi ga biigy nu chuꞌ mbecy guaniꞌñ lat de mbecy nu riib ic Ñgyoozh! ―nam.
24681	MRK 10:24	Ornu de yu nu rsyaꞌ lom güeñ dey nu ni mniim, za nu la ic dey. Gazeꞌ nu naꞌm rab mi dey: ―¡Tonaꞌ la biigy nu chuꞌ mbecy lat de mbecy nu riib ic Ñgyoozh!
24704	MRK 10:47	Ornu güeñ yu nu laab Jesuuz Nazaret rded mi, orzeꞌ brugyiꞌ rbish tiy. Orzeꞌ nay: ―¡Jesuuz nez Dabi, gushni ñuu lagy ya̱! ―nay.
24705	MRK 10:48	Orzeꞌ zigy mbecy bdzaꞌ dey niy, nunu mnii dey nu cueꞌ cush tiy. Tees orzeꞌ rbish ti gaꞌ zir yu. Orzeꞌ nay: ―¡Jesuuz nez Dabi, gushni ñuu lagy ya̱! ―nay.
24718	MRK 11:9	Orzeꞌ dela de mbecy nu zub lo lom nunu dela de mbecy nu zaab par ich mi brugyiꞌ rbishti dey. Orzeꞌ na dey: ―¡Dzi ga zily nac ru! ¡Ñgyoozh nac num ru biñ nu bzuu nez mi!
24723	MRK 11:14	Orzeꞌ nam rab mi ñii: ―¡Laab ru rila wowaꞌ mbecy uugy nir! ―nam. Nunu güeñ de yu nu rsyaꞌ lom nu ni mniim.
24888	MRK 14:65	Orzeꞌ yuꞌ mbecy brugyiꞌ rcoo yeñ yu lom. Nunu yuꞌ dey psoow yu lom. Gazeꞌ nu bdi dey mi. Orzeꞌ nay rab yum: ―¡Briic raso̱o̱! ¿Cyu bdi ru? ―rnii dey. Nunu de yu nu rña yuꞌ ni Ñgyoozh briich yaa dey lom.
24894	MRK 14:71	Orzeꞌ Bed mniiy nu Ñgyoozh shiñ gyicy num yu benu walab rishli rniiy. Orzeꞌ nay: ―¡Ñgyoozh rad lagy mi nu ya̱ a̱ꞌ yuꞌ lo̱ cyu mbecy nu rnii der zeꞌ! ―nay.
24908	MRK 15:13	Orzeꞌ dub ruꞌ la dey rbish tiy: ―¡Cut ruy lo cruuz! ―na dey.
24909	MRK 15:14	Gazeꞌ nu na Pilato rab yu dey: ―¿La ñuu coz a̱ꞌ nap bicy yu? ―nay. Tees dzi zir rbish ti dey. Orzeꞌ na dey: ―¡Cut ruy lo cruuz! ―na dey.
25004	LUK 1:42	Orzeꞌ ye la mniim: ―¡Nap zir gyicy nu Ñgyoozh ru gazeꞌ deꞌ zir biñ mñaa! ¡Nunu niꞌ ziꞌl nap gyicy num mdoo nir!
25101	LUK 3:7	Orzeꞌ tonaꞌ la mbecy zigy bruu dey nu yad yu par nu rlagy dey nu griib nis Waa dey. Orzeꞌ Waa nay rab yu dey: ―¡Der mbecy shiñ ricy! ¿Cyu mnii lo der nu gac gla der lo cashtig ily ni Ñgyoozh nu bi yad gaab?
25173	LUK 4:41	Nunu bruu chu zañ nuras nu bicy ni mbecy nu yuꞌ lat de mbecy rat zeꞌ. Orzeꞌ nuras zeꞌ rbish ti dey. Orzeꞌ na dey rab yu Jesuuz: ―¡Ru nac ru iꞌñ Ñgyoozh! ―na dey. Orzeꞌ Jesuuz bdzaꞌm ni de nuras zeꞌ. Orzeꞌ wansaan mi nu nii zir dey, gun yuꞌ lo dey mi nu nac mi Mesías, biñ nu ca lo cuen nu cyid.
25322	LUK 8:8	Zeꞌ yuꞌ gaꞌñ bet lag ñi lo yu nap. Briib ñi nunu guuly ñi. Orzeꞌ tonaꞌ la cosech nap briic ñi. Gashtal tub gaynal mbigy briic tub ga mbigy nu bdunuuz ―nam. Orzeꞌ na gaꞌm: ―¡Mbecy nu zub gyidag rlagy ñi gyicy yu nu gyet lag yu cuen! ―nam.
25368	LUK 8:54	Orzeꞌ bduꞌ yaam yaañ. Gazeꞌ nu ye la mniim. Orzeꞌ nam rab mi ñii: ―¡Fiñ nguzh, weshte! ―nam.
25411	LUK 9:41	Orzeꞌ na Jesuuz rab mi dey: ―¡A der mbecy nu yuꞌ na! ¡Dzi ga wagyicy cup der consuel lo̱! ¡Dzi ga mnu shcab ni der! ¿Laꞌ zir be tiem rlagy ñi nu chesa̱ du̱ der? ¿Laꞌ zir be tiem rlagy ñi nu gagye̱ lo der? ―nam. Gazeꞌ nu nam rab mi uz yu nguzh zeꞌ: ―Da nu yu nguzh nir lo̱ ―nam.
25449	LUK 10:17	Orzeꞌ setent zub cyup mbecy zeꞌ gua dey riiñ. Na ornu bish cya dey na, orzeꞌ tonaꞌ la bet lagy dey. Orzeꞌ na dey: ―¡Shuaan de̱, gashtal de nuras rzuub gyidag yu ni de̱ ornu rne̱e̱ du̱ de̱ yu nu nac ru! ―na dey.
25501	LUK 11:27	Lat nu mnii Jesuuz de riidz zeꞌ, orzeꞌ bruu zac tub biñ mñaa lat de mbecy zigy zeꞌ. Orzeꞌ nam rab mi Jesuuz: ―¡Dzi ni biñ mñaa, biñ nu bgaal ru, nunu briic mi nu gugy ru! ―nam.
25502	LUK 11:28	Orzeꞌ na Jesuuz: ―¡Dzi zir dzi ni mbecy benu zuub gyidag yu de coz nu rnii Ñgyoozh nunu gyicy yac yu niñ! ―nam.
25520	LUK 11:46	Orzeꞌ nam rab mi yu: ―¡Niꞌ ziꞌl cuaa de ru mbecy nu rlyuu leey ni Ñgyoozh! Gun rzuub der yuu ich mbecy. Ni wagyee ni tub la mbecy nu guy yuu zeꞌ. Zeꞌ de ru walagy der locyuub der losaꞌr nu guy yuu zeꞌ ni nu tub mbiz ru.
25637	LUK 14:15	Na ornu güeñ tub yu nu bzub nu Jesuuz lo mez de coz zeꞌ, orzeꞌ nay rab yum: ―¡Dzi ni de mbecy nu cha tow gyit lo saꞌ zeꞌ nu riib ic Ñgyoozh! ―nay.
25781	LUK 18:24	Na ornu bzaac Jesuuz nu dzi ricy shniy, orzeꞌ nam: ―¡Dzi ga biigy nu chuꞌ mbecy guaniꞌñ lat de mbecy nu riib ic Ñgyoozh!
25799	LUK 18:42	Orzeꞌ na Jesuuz rab mi yu: ―¡Na gac gzac ru! Byac ru nu nac nu bicy cup ru consuel lo̱ ―nam.
25838	LUK 19:38	Orzeꞌ na dey: ―¡Dzi ni biñ nu bzuu nez Ñgyoozh nu gac rey ni den! ¡Dela anc nu yuꞌ gyibaa nap zu lagy dey! ¡Rlagy ñi gyabic den gyel mbecy ni Ñgyoozh, biñ nu gya zir zu! ―na dey.
25842	LUK 19:42	Orzeꞌ nam: ―¡Dzi ga nap bicy na nu ru gyet lag ru cuen ni de riidz nu cuic gyel ri zu dzi na! Tees wagyet lag ru cuen ni de riidz zeꞌ. Orzeꞌ wac zac ru gyel ri zu.
25864	LUK 20:16	Na chay cut yu dela yu nu mnuuz coz cyaal zeꞌ. Orzeꞌ zeeñ yu lyucy urbyay zeꞌ yaa reñaꞌ mbecy ―nam rab mi dey. Na ornu güeñ dey de coz nu mniim zeꞌ, orzeꞌ na dey: ―¡Cueꞌ nu ni gac ñii! ―na dey.
25948	LUK 22:15	Orzeꞌ nam rab mi dey: ―¡Ya̱ tonaꞌ la rlagya̱ nu gyicy du̱ de ru che ni saꞌ ni Pas ii anzir nu ya̱ gata̱!
25997	LUK 22:64	Orzeꞌ psoow dey lom. Orzeꞌ na dey rab yum: ―¡Mnii ben cyu bdi ru! ―na dey.
26022	LUK 23:18	Tees orzeꞌ dela dey dub ruꞌ lay rbish tiy. Orzeꞌ na dey: ―¡Biit yu! ¡Orzeꞌ glaar Barrabás! ―na dey.
26025	LUK 23:21	Tees orzeꞌ de mbecy dzi zir ye rbish ti dey. Orzeꞌ na dey: ―¡Cut ruy lo cruuz! ¡Cut ruy lo cruuz! ―na dey rab yu Pilato.
26041	LUK 23:37	Orzeꞌ na dey rab yum: ―¡Benu ru nac ru rey ni de mbecy Israeel, bloo mbañ ub ru! ―na dey.
26085	LUK 24:25	Orzeꞌ na Jesuuz: ―¡Dzi ga cyigy too der! ¡Dzi ga gyee cheña lagy der de riidz ni de yu nu mnii por cuen ni Ñgyoozh!
26276	JHN 4:51	Na nez nu yay, orzeꞌ gua cheel de moz niy yu. Orzeꞌ na dey: ―¡Iꞌñ ru mbañ yu! ―na dey.
26346	JHN 6:20	Orzeꞌ nam rab mi dey: ―¡Ya̱ nu ndeꞌ! ¡Cueꞌ dzib der! ―nam.
26417	JHN 7:20	Orzeꞌ na la be de mbecy zigy zeꞌ rab yum: ―¡Ru bicy ni nuras ru! ¿Zeꞌ cyu nu rlagy cut ru zeꞌ beni? ―na dey.
26425	JHN 7:28	Na tiem zeꞌ zu Jesuuz loliꞌ ni yuꞌ nu driib zily de mbecy Ñgyoozh, nunu rlyuum ni dey. Orzeꞌ brugyiꞌ ye ga la rniim: ―¡Laab ni yuꞌ lo der ya̱, nunu rad lagy der ca bru̱u̱! Tees walab nu yapa̱ nu nac nu rlagy ub ziꞌl la̱, tees biñ nu bzuu nez ya̱, mi zeꞌ nac mi biñ nu ricy paa, nunu mi zeꞌ a̱ꞌ yuꞌ lo der mi.
26443	JHN 7:46	Orzeꞌ na gaꞌ de yu nu rña zeꞌ: ―¡Rila wagrusu ni tub la mbecy nu gniiy gal nu rnii yu zeꞌ! ―na de yu nu rña zeꞌ.
26539	JHN 9:30	Orzeꞌ na gaꞌ yu nu guc lo caꞌ zeꞌ: ―¡Cha du ic na de coz nu rnii der! De ru wagad lagy der ca bruuy, tees bicy yac yu urlo̱.
26628	JHN 11:36	Orzeꞌ na de mbecy Israeel: ―¡Güii ñuu la! ¡Razañ lagy yu Lázaro! ―na dey.
26635	JHN 11:43	Na ornu blazh mniim de riidz zeꞌ, orzeꞌ brish tim. Orzeꞌ nam: ―¡Bruu zeꞌ Lázaro! Da ii ―nam.
26662	JHN 12:13	Orzeꞌ blag dey de yaa ya gyiñ. Orzeꞌ za cheel dey mi. Nunu rbish ti dey. Orzeꞌ na dey: ―¡Dzi ga zily nac Ñgyoozh! ¡Ñgyoozh nac num ru, biñ nu bzuu nez mi! ¡Ñgyoozh nac num ru, biñ nu nac rey ni de ub na, mbecy Israeel! ―na dey.
26707	JHN 13:8	Orzeꞌ na gaꞌ Bed: ―¡Mas lac ruꞌ ya̱ washet ica̱ nu ru cyib ru gyi̱ꞌ! ―nay. Orzeꞌ nam rab mi yu: ―Zeꞌ benu wadiba̱ gyiꞌr, orzeꞌ wac gac ru mbecy ne̱ ―nam.
26708	JHN 13:9	Orzeꞌ na gaꞌ Simo̱o̱ Bed: ―¡Zeꞌ benu ni, orzeꞌ cueꞌ nu gyiꞌ ziꞌla̱ cyib ru, sinu niꞌ ziꞌl ya̱a̱ gal nu to̱o̱! ―nay.
26894	JHN 18:40	Orzeꞌ dela dey dub ruꞌ lay rbrish tiy. Orzeꞌ na dey: ―¡Yu zeꞌ cueꞌ laar yu! ¡Blaa Barrabás! ―na dey. Zeꞌ Barrabás guc yu tub gubaan.
26897	JHN 19:3	Orzeꞌ byagaab dey lom. Orzeꞌ na dey: ―¡Shnu ru, rey ni de mbecy Israeel! ―na dey. Nunu brugyiꞌ rshet dey yalom.
26899	JHN 19:5	Orzeꞌ bruꞌña nu dey Jesuuz lo de mbecy zigy. Gabee ri coron gyech zeꞌ toom nunu gabee zum negy bizat zeꞌ. Orzeꞌ na gaꞌ Pilato: ―¡Güii der, ii zu mbecy ii! ―nay.
26900	JHN 19:6	Na ornu bzaac de yu zub lo ni de uz gal nu de yu nu rña nañ yuꞌ nu driib zily mbecy Ñgyoozh, orzeꞌ brugyiꞌ rbish ti dey. Orzeꞌ na dey: ―¡Cut ruy lo cruuz! ¡Cut ruy lo cruuz! ―na dey. Orzeꞌ na gaꞌ Pilato rab yu dey: ―Laab de ru gua nu der yu nu caa der yu lo cruuz. Zeꞌ ya̱, ya̱ wagyapa̱ ni tub la cyi nu bicy yu ―nay.
26906	JHN 19:12	Nese or la zeꞌ Pilato byub yu tub mod nu laay Jesuuz. Tees de mbecy zigy zeꞌ brish ti nu zir dey yu. Orzeꞌ na dey: ―¡Zeꞌ benu yu zeꞌ glaar yu, orzeꞌ ru a̱ꞌ nac nur César, yu nu riib ic de nasyoong! ¡Gun cyu ziꞌl mbecy nu ricy yu nu nac yu rey, yu zeꞌ zay contr ni César! ―na dey.
26908	JHN 19:14	Ndeꞌ tub or widoo tub dzi anzir ni saꞌ ni Pas. Orzeꞌ na Pilato rab yu de mbecy Israeel: ―¡Ii zu rey ni der na! ―nay.
26909	JHN 19:15	Orzeꞌ brish ti dey: ―¡Biit yu! ¡Biit yu! ¡Cut ruy lo cruuz! ―na dey. Orzeꞌ na Pilato: ―¿Walab gaal rlagy der nu duta̱ rey ni der lo cruuz? ―nay. Orzeꞌ na de uz zub lo: ―¡De̱ ya̱ a̱ꞌ ricy cup de̱ renaꞌ rey sinu César ziꞌl! ―na dey.
26938	JHN 20:2	Orzeꞌ gush ñi carer yaañ lo Simo̱o̱ Bed, gal nu lo ya̱ tuubaꞌ yu nu rsyaꞌ lo Jesuuz, yu nu dzi razañ lagy mi zeꞌ. Orzeꞌ nañ rab ñi de̱: ―¡Bloo dem cuerp ni Shuaan den nañ gyerbaa za nu dem! Na ¿cyu cuic raso̱o̱ ca bicy dem ñii? ―nañ.
26955	JHN 20:19	Na ornu bi becheñ ni laab dzi loga ni sman zeꞌ, orzeꞌ byatublaazh de yu nu rsyaꞌ lom nañ tub yuꞌ. Nunu nicy psoow dey roꞌ nu nac nu rdzib dey lo de yu zub lo ni de mbecy Israeel. Orzeꞌ Jesuuz bruꞌñam gusum lat dey. Orzeꞌ nam rab mi dey: ―¡Gyel ri zu briñ lat der! ―nam.
26957	JHN 20:21	Orzeꞌ na gaꞌ Jesuuz rab mi dey tuubaꞌ tir: ―¡Gyel ri zu briñ lat der! Gal nu Ñgyoozh uza̱ bzuu nez mi ya̱ yapa̱ gyishlombecy ii, ndeꞌ nu niꞌ ziꞌl ya̱ gzuu neza̱ der char lat de mbecy nu yuꞌ gyishlombecy ―nam.
26962	JHN 20:26	Na ornu bzaꞌ shuñ dzi na, orzeꞌ byatublaazhaꞌ de yu nu rsyaꞌ lom laabaꞌ nañ yuꞌ zeꞌ. Orzeꞌ gazaꞌ Tomaas riy lat dey. Nunu ni ziꞌl noow nicy de roꞌ ni yuꞌ nu yuꞌ dey. Orzeꞌ bruꞌña Jesuuz gusum lat dey. Orzeꞌ nam: ―¡Gyel ri zu briñ lat der! ―nam.
26964	JHN 20:28	Orzeꞌ na Tomaas rab yum: ―¡Ru nac ru Shuaana̱ nunu nac ru Ñgyoozh ne̱! ―nay.
26974	JHN 21:7	Orzeꞌ ya̱, yu nu rsyaꞌ lo Jesuuz nu dzi razañ lagy mi zeꞌ, mne̱e̱ lo Bed: ―¡Laab Jesuuz, biñ nu nac Shuaan den! ―Mne̱e̱. Laab güeñ la Simo̱o̱ Bed nu laab mi zeꞌ Shuaan den, orzeꞌ bzuy shab yu gun a̱ꞌ zuy shab yu. Orzeꞌ bet lay lo nis zay.
26986	JHN 21:19	Na ornu mnii Jesuuz de riidz zeꞌ, ndeꞌ par nu gyicy mi nu gabe lac mod gruu zac gyel lily ni Ñgyoozh nu nac nu gat Bed. Orzeꞌ na gaꞌm rab mi Bed: ―¡Da ca icha̱! ―nam.
27025	ACT 2:7	Dela mbecy bdzoꞌw laa dey, nunu za nu la ic dey. Orzeꞌ nay: ―¡Güii ñuu! Zeꞌ ¿a walab mbecy Galilea nac dela mbecy nu rnii ii?
27031	ACT 2:13	Tees yuꞌ gaꞌ mbecy canu rgubdzaa dey. Orzeꞌ nay: ―¡Ni ricy dey gun rzugy yu! ―na dey.
27241	ACT 7:56	Orzeꞌ nay: ―¡Güii der! Ya̱ rzaca̱ ryaal baa, nunu biñ nu byac mbecy zum par yaa bee Ñgyoozh ―nay.
27265	ACT 8:20	Orzeꞌ na Bed rab yu Simo̱o̱: ―¡Ru nu dela tiñ nir gyar gabily! Gun ru rnii toor nu gac zir coz nu cuic Ñgyoozh.
27413	ACT 12:7	Orzeꞌ derepent la bruu zac tub anc ni Ñgyoozh lo Bed. Orzeꞌ dutuub la nañ yuꞌ zeꞌ bzu yaa. Orzeꞌ gul yaa anc zeꞌ cuit yu. Orzeꞌ brish yu yaa. Orzeꞌ nay rab yuy: ―¡Bicy lal! ¡Weshte! ―nay. Orzeꞌ lueg la bet lag caden nu nag yeñ yaa Bed.
27421	ACT 12:15	Orzeꞌ na dey: ―¡Ru tub mbecy ton! ―na dey. Tees bzu fert ñi nu laab rishli rniiñ. Orzeꞌ naꞌ dey: ―Par walab yu ndeꞌ, sinu yu zeꞌ tub anc nu nac nuy ―na dey.
27428	ACT 12:22	Orzeꞌ de mbecy brish ti dey. Orzeꞌ na dey: ―¡Yu nu rnii nu de ub na, yu re walab mbecy, sinu tub ñgyoozh! ―na dey.
27441	ACT 13:10	Orzeꞌ Baly mbi la bgüiiy lo tuꞌ zeꞌ. Orzeꞌ nay: ―¡Mbecy rguu, mbecy rgubdzaa, ru nar gal nu na nuras! Ru zar contr ni dela coz nu seꞌñ, nunu rila wachecar nu rchaar dela riidz rishli ni Ñgyoozh.
27493	ACT 14:10	Orzeꞌ ye la brish tiy. Orzeꞌ nay: ―¡Wes su nunu li bzu! ―nay. Orzeꞌ rzab lay wes suy. Nunu brugyiꞌ lay rzay.
27494	ACT 14:11	Na ornu de mbecy zigy bzaac dey nu ni bicy Baly, orzeꞌ brugyiꞌ nu rbish ti dey. Orzeꞌ na dey nu riidz yu, riidz Licaonia: ―¡De ñgyoozh gush dem mod nu na mbecy, nunu bet dem gashtal lo la den ii! ―na dey.
27569	ACT 16:17	Tees biid cañ ich de̱ nu Baly, orzeꞌ brugyiꞌ ye la rbish tiñ. Orzeꞌ nañ: ―¡De mbecy re ricy mi coz nu rnii Ñgyoozh biñ nu zily zir nac! ¡Rbic mi nu gad lagy der lac mod ruu mbañ ru! ―naañ.
27580	ACT 16:28	Orzeꞌ brish ti Baly. Gazeꞌ nu nay: ―¡Cueꞌ shiñ gyicy nur ub ru gun ii yu̱ꞌ dela de̱! ―nay.
27598	ACT 17:6	Na ornu wangyad yu, orzeꞌ bgayu tuñ la dey Jasón nu deꞌ zir de bicy na. Gua nu dey yu lo de fushtiz gyedz zeꞌ. Orzeꞌ rbish ti dey. Orzeꞌ nay: ―¡De yu ii ricy deet dey dutuub la lugaar! ¡Na yadaꞌ dey gyedz ii nin!
27667	ACT 19:13	Na yuꞌ la be mbecy Israeel nu rded rboo nuras. Orzeꞌ yu zeꞌ bicy peey mbooy nuras nu nac rishbeey nu rbic Jesuuz. Orzeꞌ na dey rab yu nuras: ―¡Par nu nac rishbeey ni Jesuuz, biñ nu rzat Baly, rne̱e̱ de̱ lor nu ruu chur lo mbecy ii! ―na dey.
27682	ACT 19:28	Na ornu güeñ de mbecy zeꞌ de riidz zeꞌ, orzeꞌ tonaꞌ la guzi lagy dey. Orzeꞌ brugyiꞌ rbish ti dey. Orzeꞌ nay: ―¡Tonaꞌ la coz ily nac Diana ni de mbecy Éfeso! ―na dey.
27688	ACT 19:34	Tees de mbecy zigy byuꞌ lo dey yu nu nac yu mbecy Israeel. Orzeꞌ tublaazh la brish ti dey nañ cyup or. Orzeꞌ na dey: ―¡Tonaꞌ la coz ily nac Diana ni de mbecy Éfeso! ―na dey.
27760	ACT 21:28	Orzeꞌ rbish ti dey. Gazeꞌ nu na dey: ―¡Der mbecy Israeel, blocyuub de̱ ya̱! Yu ii mbecy nu rded dela lugaar nu rlyuuy ni de mbecy coz nu za contr ni mbecy Israeel, nunu coz nu za contr ni leey nu bzeeñ Moisees. Nunu coz zeꞌ zañ contr ni coz ni yuꞌ nu driib zily den Ñgyoozh ii. Orzeꞌ yeed nuy la be mbecy griego nañ yuꞌ nu driib zily den Ñgyoozh. Na rnuy yuꞌ yon ni den ii ―na dey.
27768	ACT 21:36	De mbecy zigy zaab dey ich yu. Rbish ti dey. Orzeꞌ na dey: ―¡Biit yu! ―na dey.
27794	ACT 22:22	Orzeꞌ bee ndeꞌ ziꞌl bzuub gyidag dey. Gazeꞌ nu brugyiꞌ dub ruꞌ la dey rbish tiy. Orzeꞌ na dey: ―¡Rlagy ñi nu gat yu! ¡Walab seꞌñ benu cui mbañ yu! ―na dey.
27805	ACT 23:3	Orzeꞌ na Baly rab yuy: ―¡Mbecy rzuu lo, Ñgyoozh segur la shet yaam ru! Ru zub ru zeꞌ dri beer ne̱ mod ni leey, tees ru zar contr ni leey ornu mniir lo mbecy nu shet yu ne̱ ―nay.
27915	ACT 26:24	Orzeꞌ lat nu rnii Baly nu lagu sac falt niy, orzeꞌ brish ti la Festo. Orzeꞌ nay: ―¡Nu guton ru Baly, nu nac nu dzi rsyaꞌr gyicy, ndeꞌ nu raton ru! ―nay.