23243	MAT 2:5	Tëꞌ lëꞌ: ―Lu yödz Belén luyú Judea. Cni nac le buzujëꞌ lu guich bönniꞌ bëꞌë didzaꞌ uláz queëꞌ Dios le rna cni:
23275	MAT 3:14	Juan buzaguëꞌë xnözëꞌ, rëꞌ Jesús: ―Nedaꞌ ral‑laꞌ gdilaꞌ nis lu naꞌu Liꞌ. ¿Atiꞌ Liꞌ zaꞌtsuꞌ quiaꞌ?
23276	MAT 3:15	Bubiꞌë didzaꞌ Jesús, rëꞌ lëꞌ: ―Benn latj naꞌa, le cni ral‑laꞌ gunruꞌ gdutë le nac tsahuiꞌ. Niꞌr bëꞌë Lëꞌ latj Juan.
23278	MAT 3:17	Niꞌr byön chiꞌi nu ruiꞌ didzaꞌ yehuaꞌ yubá, rna: ―Bönniꞌ ni naquëꞌ Zxiꞌnaꞌ. Nadxiꞌidaꞌ Lëꞌ len rdzag ladxaꞌa Lëꞌ.
23281	MAT 4:3	Niꞌr bdxin ga zoëꞌ Jesús tuꞌ xöhuiꞌ, nu naꞌ rugáp bunách dul‑laꞌ, len rë Jesús: ―Chquiꞌ nacuꞌ gdu Zxiꞌnëꞌ Dios, gna naꞌa luhuöác yöt xtil guiöj nacuáꞌ ni.
23282	MAT 4:4	Bubiꞌë didzaꞌ Jesús, rëꞌ lei: ―Nayúj lu guich laꞌy, rna: “Clëgz yöt xtil nabánigac bunách, san lëzcaꞌ yúguꞌtë didzaꞌ ruꞌë Dios nabánigac bunách.”
23284	MAT 4:6	Niꞌr rë Lëꞌ tuꞌ xöhuiꞌ, rna: ―Chquiꞌ nacuꞌ Liꞌ gdu Zxiꞌnëꞌ Dios, busladzuꞌ cuinuꞌ ni, le nayúj lu guich laꞌy, rna: Dios gsölëꞌë gbaz laꞌy queëꞌ lun chiꞌë Liꞌ, Atiꞌ luchisëꞌ Liꞌ lu naꞌquëꞌ, Cui tsajcheguꞌu guiöj, cui gunuꞌ ziꞌ niꞌu.
23285	MAT 4:7	Bubiꞌë didzaꞌ Jesús, rëꞌ lei: ―Yetú caꞌ nayúj lu guich laꞌy, le rë bunách, rna: “Cutu siꞌ bëꞌu Xanuꞌ Dios.”
23287	MAT 4:9	Niꞌr rë Lëꞌ: ―Yúguꞌtë lë ni udödaꞌ lu naꞌu chquiꞌ uzechu zxibuꞌ lahuaꞌ gunuꞌ nedaꞌ zxön.
23288	MAT 4:10	Jesús rëꞌ lei: ―Böaj quiuꞌ liꞌ, Satanás tuꞌ xöhuiꞌ, le nayúj lu guich laꞌy le rë netuꞌ, rna: “Xanuꞌ Dios tsej ladxuꞌu, len tuzëꞌ Lëꞌ gunuꞌ xchinëꞌ.”
23306	MAT 5:3	―Bicaꞌ ba bönniꞌ táquibeꞌinëꞌ taꞌyadzjnëꞌ le naqui queëꞌ Dios, le nadél‑liꞌquëꞌ latj ga rna bëꞌ Nu naꞌ zoa yehuaꞌ yubá.
23316	MAT 5:13	Gnëꞌ caꞌ Jesús: ―Lbiꞌiliꞌ nacliꞌ ca zödiꞌ luyú ni, san chquiꞌ nit yöl‑laꞌ snaꞌ qui zödiꞌ naꞌ, cutu gac gunruꞌ ga huöac snaꞌ. Cutur bi nac lsacaꞌ, san chnac tu le chuꞌnruꞌ, atiꞌ lulíb lei bunách.
23320	MAT 5:17	Gnëꞌ caꞌ Jesús: ―Cutu gáquiliꞌ bidaꞌ dusnitiaꞌ yuguꞌ le gna bëꞌë Moisés o zxba naꞌ gulusëdnëꞌ bönniꞌ gluꞌë didzaꞌ uláz queëꞌ Dios. Bidaꞌ, clëg quië usnitiaꞌ yuguꞌ lë ni, san quië uluꞌa lahui gdu le rusëdi lë naꞌ.
23324	MAT 5:21	Gnëꞌ caꞌ Jesús: ―Chbyö́niliꞌ ca glëꞌ xuz xtauꞌliꞌ bönniꞌ gutaꞌ lu naꞌquëꞌ, gulanë́ꞌ: “Cutu gdö́diliꞌ bunách. Nu bönniꞌ gdödëꞌ bunách, nabaguëꞌë zxguiaꞌ huadxinëꞌ ga cuequi xbeynëꞌ lëꞌ Dios.”
23330	MAT 5:27	Gnëꞌ caꞌ Jesús: ―Chbyö́niliꞌ ca naꞌ gulanë́ꞌ: “Cutu gunuꞌ dul‑laꞌ le rguitsj zxba qui yöl‑laꞌ nutság naꞌ.”
23334	MAT 5:31	Gnëꞌ caꞌ Jesús: ―Lëzcaꞌ gulanë́ꞌ: “Nútiꞌtëz bönniꞌ rusanëꞌ‑nu ngul queëꞌ, ral‑laꞌ unödzjëꞌ queënu guich le rna ruláꞌalenëꞌ‑nu.”
23336	MAT 5:33	Gnëꞌ caꞌ Jesús: ―Lëzcaꞌ byö́niliꞌ ca glëꞌ xuz xtauꞌliꞌ bönniꞌ gutaꞌ lu naꞌquëꞌ, gulanë́ꞌ: “Cutu siꞌ yëꞌu catiꞌ rneynuꞌ Dios, atiꞌ ral‑laꞌ gunuꞌ lahuëꞌ Xanruꞌ Dios gdutë lë naꞌ rneynuꞌ Lëꞌ.”
23341	MAT 5:38	Gnëꞌ caꞌ Jesús: ―Chbyö́niliꞌ ca nac le gna bëꞌë Moisés, gnëꞌ: “Nu bi run qui yöj lau lzëꞌi, ubíꞌi caꞌ qui, lencaꞌ nu bi run qui layiꞌ lzëꞌi, ubíꞌi caꞌ qui.”
23346	MAT 5:43	Gnëꞌ caꞌ Jesús: ―Lëzcaꞌ cni byö́niliꞌ lë naꞌ gulanë́ꞌ: “Ral‑laꞌ gdxiꞌinuꞌ nu nadxíꞌi liꞌ, len udiꞌinuꞌ nu curleꞌi liꞌ dxiꞌa.”
23356	MAT 6:5	Gnëꞌ caꞌ Jesús: ―Catiꞌ ulidzliꞌ‑nëꞌ Dios, cutu gunliꞌ ca tunëꞌ bönniꞌ tuꞌluíꞌz tsahuiꞌ cuinquëꞌ, le taꞌdzág ládxiꞌquëꞌ taꞌzuinëꞌ tuꞌlidzëꞌ Dios gap nac lu yuꞌu ga tuꞌdubëꞌ tuꞌsëdëꞌ queëꞌ Dios bönniꞌ judío, len gap nac lu yëꞌy quië laꞌleꞌi lequëꞌ bunách. Le nactë rëpaꞌ lbiꞌiliꞌ, caꞌz nac yöl‑laꞌ ba gataꞌ quequëꞌ.
23367	MAT 6:16	Gnëꞌ caꞌ Jesús: ―Catiꞌ gunliꞌ gubás, cutu gunliꞌ bayechiꞌ lauliꞌ ca tunëꞌ bönniꞌ tuꞌluíꞌz tsahuiꞌ cuinquëꞌ, le tunëꞌ bayechiꞌ lauquëꞌ quië láquibeꞌi bunách tunëꞌ gubás. Le nactë rëpaꞌ lbiꞌiliꞌ, caꞌz nac yöl‑laꞌ ba gataꞌ quequëꞌ.
23370	MAT 6:19	Gnëꞌ caꞌ Jesús: ―Cutu utubliꞌ yöl‑laꞌ tsahuiꞌ luyú ni, ga ni tuꞌtöbaꞌ lei bëldauꞌ qui, atiꞌ rac ditj, len ga ni taꞌyáz gban, taꞌbanëꞌ.
23373	MAT 6:22	Gnëꞌ caꞌ Jesús: ―Yöj lauruꞌ nac ca tu le rguꞌu yeníꞌ icj ládxiꞌdauꞌruꞌ. Qui lë ni naꞌ, chquiꞌ yöj lauliꞌ nac dxiꞌa, gdútëliꞌ tsëpliꞌ yös yeníꞌ.
23375	MAT 6:24	Gnëꞌ caꞌ Jesús: ―Nutu nu gac gun xchinquëꞌ chop xanëꞌ, le uzóëꞌ tslaꞌl tuëꞌ atiꞌ yetúëꞌ naꞌ gdxiꞌinëꞌ, o ugáꞌnlenëꞌ tuëꞌ, atiꞌ yetúëꞌ naꞌ ubíj ladxëꞌë. Cutu gac gunliꞌ zxön Dios lencaꞌ dumí.
23376	MAT 6:25	Gnëꞌ caꞌ Jesús: ―Yetú caꞌ rëpaꞌ lbiꞌiliꞌ: Cutu cöꞌliꞌ baguíꞌi niꞌa qui le gáguliꞌ o niꞌa qui le guiꞌjliꞌ, yuguꞌ le nabániliꞌ, o niꞌa qui lariꞌ gáculiꞌ. Záquiꞌtsquir yöl‑laꞌ naꞌbán queëliꞌ ca le gáguliꞌ, atiꞌ nactër lsacaꞌ gdu ca nayáꞌ nabinliꞌ ca lariꞌ gáculiꞌ.
23386	MAT 7:1	Gnëꞌ caꞌ Jesús: ―Cutu glag yudxliꞌ böchiꞌ lzaꞌliꞌ, cui gchugu bëꞌë caꞌ queëliꞌ Dios,
23406	MAT 7:21	Gnëꞌ caꞌ Jesús: ―Zian nup të nedaꞌ: “Xan, Xan”, san clëg yúguꞌtëꞌ laꞌyaziëꞌ ga rna bëꞌë Dios yehuaꞌ yubá. Laꞌyazzëꞌ niꞌ bönniꞌ tunëꞌ ca rëꞌnnëꞌ Xuzaꞌ Dios, zoëꞌ yehuaꞌ yubá.
23409	MAT 7:24	Gnëꞌ caꞌ Jesús: ―Yetú caꞌ, nu ryöni xtidzaꞌa ni len gun ca rna, nu ni nac ca tu bönniꞌ rejniꞌi, buzóëꞌ lidxëꞌ ga nac lu guiöj.
23421	MAT 8:7	Jesús rëꞌ lëꞌ: ―Nedaꞌ guidaꞌ unaꞌ‑biꞌ.
23424	MAT 8:10	Catiꞌ byönnëꞌ didzaꞌ ni Jesús, bubannëꞌ, atiꞌ gudxëꞌ bönniꞌ zjáclenëꞌ Lëꞌ, rnëꞌ: ―Le nactë rëpaꞌ lbiꞌiliꞌ, ga nacuáꞌ bunách Israel, nutu nu bönniꞌ rajxáquiꞌdaꞌ‑nëꞌ rejlëꞌë nedaꞌ ca runëꞌ bönniꞌ ni.
23427	MAT 8:13	Niꞌr Jesús gudxëꞌ bönniꞌ naꞌ nacuꞌë lu nëꞌë bönniꞌ rjaquëꞌ gdil‑l, rnëꞌ: ―Böaj lidxuꞌ. Ca naꞌ réjlëꞌu, caꞌ gac quiuꞌ. Laꞌ naꞌz böáctëbiꞌ biꞌi huen dxin queëꞌ naꞌ.
23433	MAT 8:19	Bdxinëꞌ ga naꞌ zoëꞌ Jesús tu bönniꞌ gdauꞌ usëdi, len rëꞌ Lëꞌ: ―Bönniꞌ Usëdi, sáꞌlenaꞌ Liꞌ gátiꞌtëz ga tsijuꞌ.
23434	MAT 8:20	Jesús rëꞌ lëꞌ: ―Yuguꞌ bözaꞌ nacuáꞌ zxan guiöj quecbaꞌ, atiꞌ yuguꞌ bguindauꞌ, nudxía lidxcbaꞌ, san nedaꞌ, Bönniꞌ Nuhuöaquëꞌ Gdu Bunách, cutu dë ga quixj icjaꞌ.
23436	MAT 8:22	Jesús gudxëꞌ lëꞌ: ―Gdaꞌ nedaꞌ. Bëꞌ latj bönniꞌ tatczëꞌ lucachëꞌë nup lat quequëꞌ.
23445	MAT 8:31	Gulanáb yechiꞌ Jesús böꞌ xöhuiꞌ naꞌ, të Lëꞌ: ―Chquiꞌ ubijuꞌ netuꞌ, benn latj tsajtsúꞌugactuꞌ‑baꞌ cuch zian niꞌ.
23450	MAT 9:2	Niꞌ djuaꞌquëꞌ ga zoëꞌ Jesús tu bönniꞌ nacuꞌnëꞌ bin, zxoëꞌ lu daꞌa yag. Catiꞌ bléꞌinëꞌ Jesús ca naꞌ taꞌyejlëꞌë Lëꞌ bönniꞌ ni, gudxëꞌ bönniꞌ naꞌ nacuꞌnëꞌ bin, rnëꞌ: ―Btip ladxuꞌu, zxíꞌnaꞌdauꞌ. Chbunít lahuaꞌ dul‑laꞌ nabaguꞌu.
23451	MAT 9:3	Nacuꞌë caꞌ niꞌ bönniꞌ gdauꞌ tuꞌsëdi, atiꞌ taꞌnë́ꞌ lu icj ládxiꞌdauꞌquëꞌ, taꞌnë́ꞌ: ―Didzaꞌ ruꞌë bönniꞌ ni ruzóa Dios tslaꞌl.
23457	MAT 9:9	Catiꞌ buzë́ꞌë niꞌ Jesús, bléꞌinëꞌ bönniꞌ lëꞌ Mateo, röꞌë ga naꞌ ruquizxjëꞌ uláz qui yödz ziꞌtuꞌ, atiꞌ Jesús gudxëꞌ lëꞌ: ―Gdaꞌ nedaꞌ. Niꞌr laꞌ gyastëꞌ Mateo naꞌ, zéajlenëꞌ Jesús.
23460	MAT 9:12	Catiꞌ byönnëꞌ lë ni Jesús, rëꞌ lequëꞌ: ―Cutu naquincnëꞌ nu un bunách bönniꞌ nacquëꞌ dxiꞌa, san bönniꞌ téꞌinëꞌ naquincnëꞌ nu un bunách.
23464	MAT 9:16	Benëꞌ lsaquiꞌ Jesús, rnëꞌ: ―Nutu nu un lariꞌ tëb len lariꞌ cub, le uxúꞌn lariꞌ cub naꞌ nuguꞌë lariꞌ tëb naꞌ, atiꞌ gchözaꞌr lariꞌ tëb naꞌ.
23466	MAT 9:18	Tsal niꞌ ruíꞌlenëꞌ lequëꞌ didzaꞌ ni Jesús, bdxinëꞌ ga zoëꞌ tu bönniꞌ rna béꞌinëꞌ bunách judío, atiꞌ buzechu zxibëꞌ lahuëꞌ Jesús, len rëꞌ Lëꞌ: ―Biꞌi nguldauꞌ quiaꞌ laꞌ budxtë gutbiꞌ. Gda gxoa naꞌu lëbiꞌ, atiꞌ ubanbiꞌ.
23470	MAT 9:22	Niꞌr bueycjëꞌ Jesús, ruyúëꞌ lënu, atiꞌ rëꞌ‑nu: ―Btip ladxuꞌu, zxíꞌnaꞌdauꞌ. Chböacteuꞌ le réjlëꞌu nedaꞌ. Laꞌ naꞌz böáctënu.
23475	MAT 9:27	Catiꞌ brujëꞌ niꞌ Jesús, zjáclenëꞌ Lëꞌ chopëꞌ bönniꞌ nachúl lauquëꞌ. Tuꞌë zidzj didzaꞌ, taꞌnë́ꞌ: ―Buechiꞌ ladxiꞌ netuꞌ, Liꞌ, zxiꞌn xsoëꞌ David.
23477	MAT 9:29	Niꞌr gdanëꞌ yöj lauquëꞌ Jesús, rnëꞌ: ―Ca réjlëꞌliꞌ, caꞌ gac queëliꞌ.
23481	MAT 9:33	Catiꞌ bubijëꞌ böꞌ xöhuiꞌ naꞌ Jesús, laꞌ gnëtëꞌ bönniꞌ naꞌ cugnë́ꞌ. Gulubannëꞌ bönniꞌ nacuꞌë niꞌ, taꞌnë́ꞌ: ―Gatga rléꞌinituꞌ le cni ladj bunách Israel.
23482	MAT 9:34	Niꞌr gulanë́ꞌ queëꞌ bönniꞌ gdauꞌ fariseo, taꞌnë́ꞌ: ―Bönniꞌ ni rubijëꞌ yuguꞌ böꞌ xöhuiꞌ, rugunëꞌ dxin yöl‑laꞌ huac qui xangac böꞌ xöhuiꞌ naꞌ.
23485	MAT 9:37	Niꞌr rëꞌ yuguꞌ bönniꞌ usë́d queëꞌ Jesús, rnëꞌ: ―Le nactë szxöni dë yöl, san nabábz nup taꞌláp.
23491	MAT 10:5	Niꞌr Jesús bsölëꞌë idxínnutëꞌ bönniꞌ ni tsjenquëꞌ lban, atiꞌ gna béꞌinëꞌ lequëꞌ, rnëꞌ: ―Cutu tseajliꞌ ga nacuáꞌ bunách cunacgac judío, len cutu tsazliꞌ ladzgac bunách nacuáꞌ luyú Samaria.
23512	MAT 10:26	Gnëꞌ caꞌ Jesús: ―Qui lë ni naꞌ, cutu gádxiliꞌ bunách. Hualáꞌ lahui yúguꞌtë le rac ba lanz, atiꞌ huac bëꞌ yúguꞌtë le nagachiꞌ.
23518	MAT 10:32	Gnëꞌ caꞌ Jesús: ―Nu bönniꞌ siꞌ lu nëꞌë nedaꞌ laugac bunách, nedaꞌ siꞌ lu naꞌa bönniꞌ naꞌ lahuëꞌ Xuzaꞌ zoëꞌ yehuaꞌ yubá.
23520	MAT 10:34	Gnëꞌ caꞌ Jesús: ―Cutu gáquiliꞌ zaꞌa dguꞌa yödzlyú ni le rbequi dxi bunách. Cutu zaꞌa dguꞌa le rbequi dxi, san zaꞌa dguꞌa le gun ga laꞌrúj chopl bunách.
23526	MAT 10:40	Gnëꞌ caꞌ Jesús: ―Nu gun lbiꞌiliꞌ ba laꞌn, nedaꞌ caꞌ gun ba laꞌn, atiꞌ nu naꞌ gun nedaꞌ ba laꞌn, gun ba laꞌn caꞌ Dios Xuz nasölëꞌë nedaꞌ.
23549	MAT 11:21	Gudxëꞌ lequëꞌ: ―Bicaꞌ bayechiꞌ lbiꞌiliꞌ, bunách Corazín. Bicaꞌ bayechiꞌ lbiꞌiliꞌ, bunách Betsaida. Laꞌnaruꞌ glac lu yödz Tiro len lu yödz Sidón yuguꞌ yöl‑laꞌ huac benaꞌ ga zoaliꞌ, dza niꞌtël lubíꞌi ládxiꞌgac bunách Tiro len Sidón naꞌ, lacuëꞌ lariꞌ tëb len ludxíëꞌ dö icjquëꞌ, le luluíꞌ tuꞌbíꞌi ládxiꞌgac bunách naꞌ.
23553	MAT 11:25	Dza naꞌ bëꞌë didzaꞌ Jesús, rnëꞌ: ―Rguꞌa Liꞌ yöl‑laꞌ ba, Xuzaꞌ, nacuꞌ Xani yehuaꞌ yubá len Xani luyú ni, le bucachuꞌu lë ni, cui laꞌléꞌinëꞌ lei bönniꞌ taꞌyéjniꞌnëꞌ, san buluiꞌinuꞌ lei nup nacgac ca biꞌidauꞌ.
23569	MAT 12:11	Bubiꞌë didzaꞌ Jesús, rëꞌ lequëꞌ: ―Nu bönniꞌ nutsëꞌë ladjliꞌ, chquiꞌ zoabaꞌ tubaꞌ böꞌcuꞌ zxilaꞌ queëꞌ, len chquiꞌ gbixbaꞌ lu yeru catiꞌ nac dza laꞌy, ¿naruꞌ cu tsajxönëꞌ‑baꞌ len tsajlijëꞌ‑baꞌ?
23571	MAT 12:13	Niꞌr Jesús gudxëꞌ bönniꞌ huëꞌ naꞌ: ―Bli naꞌu. Catiꞌ bulí nëꞌë, laꞌ böactë dxiꞌa ca nac yetsláꞌa nëꞌë.
23582	MAT 12:24	Catiꞌ gulayönnëꞌ lë ni bönniꞌ gdauꞌ fariseo, taꞌnë́ꞌ: ―Bönniꞌ ni rubijëꞌ yuguꞌ böꞌ xöhuiꞌ le dzag Lëꞌ Beelzebú tuꞌ xöhuiꞌ, xangac böꞌ xöhuiꞌ naꞌ.
23583	MAT 12:25	Ráquibeꞌinëꞌ Jesús lë naꞌ taꞌzáꞌ ládxiꞌquëꞌ atiꞌ rëꞌ lequëꞌ: ―Gátiꞌtëz ga taꞌná bëꞌ bunách, chquiꞌ laꞌrúj chopl len laꞌdil‑len lzaꞌgac bunách niꞌ, nit yöl‑laꞌ uná bëꞌ quequëꞌ. Lëzcaꞌ cni, chquiꞌ laꞌrúj chopl bunách nacuáꞌ tu yödz o tu yuꞌu, len laꞌdíl‑l, cutu gac laꞌdíaꞌ bunách nacuáꞌ yödz naꞌ o yuꞌu naꞌ.
23591	MAT 12:33	Gnëꞌ caꞌ Jesús: ―Chquiꞌ nac dxiꞌa yag, cuia le nac dxiꞌa yag naꞌ, san chquiꞌ nac xöhuiꞌ yag, cuia caꞌ le nac xöhuiꞌ. Cni nac, le rbia yag nac bëꞌ yag naꞌ.
23596	MAT 12:38	Niꞌr gulubiꞌë didzaꞌ yuguꞌ bönniꞌ gdauꞌ fariseo len bönniꞌ gdauꞌ tuꞌsëdi, tëꞌ Jesús: ―Bönniꞌ Usëdi, rë́ꞌnituꞌ gléꞌituꞌ tu le gunuꞌ le gac bëꞌ dë lu naꞌu yöl‑laꞌ uná bëꞌ.
23597	MAT 12:39	Bubiꞌë didzaꞌ Jesús, rëꞌ lequëꞌ: ―Taꞌnabnëꞌ nedaꞌ gunaꞌ tu le gac bëꞌ nu nacaꞌ bönniꞌ tuaꞌdöꞌ ni, cuzóa gdu ládxiꞌquëꞌ. Cutu bi le gac bëꞌ laꞌléꞌinëꞌ, san tuz le nac bëꞌ naꞌ ca guc queëꞌ Jonás, bönniꞌ bëꞌë didzaꞌ uláz queëꞌ Dios.
23601	MAT 12:43	Gnëꞌ caꞌ Jesús: ―Catiꞌ r‑ruj böꞌ xöhuiꞌ yuꞌu bönniꞌ, rda gap nabídx, rguilj ga uzíꞌ ladxiꞌ. Chquiꞌ cutu gdzöli ga naꞌ uzíꞌ ladxiꞌ,
23619	MAT 13:11	Bubiꞌë didzaꞌ Jesús, rëꞌ lequëꞌ: ―Ruꞌë lbiꞌiliꞌ latj Dios tséjniꞌliꞌ le nagachiꞌ ca rna bëꞌë Lëꞌ yehuaꞌ yubá, san cutu tëꞌni laꞌyejniꞌi bunách ni.
23632	MAT 13:24	Yetú le benëꞌ lsaquiꞌ Jesús, rëꞌ lequëꞌ: ―Ca gac ga gdxin le rna bëꞌë Dios yehuaꞌ yubá nac ca guc qui xseydauꞌ dxiꞌa guzëꞌ tu bönniꞌ ga nac laꞌ yël queëꞌ.
23639	MAT 13:31	Yetú le benëꞌ lsaquiꞌ Jesús, rëꞌ lequëꞌ: ―Ca gac ga gdxin le rna bëꞌë Dios yehuaꞌ yubá, gac ca rac qui tu xsey mostaza, le guzëꞌ tu bönniꞌ ga nac laꞌ yël queëꞌ.
23641	MAT 13:33	Yetú le benëꞌ lsaquiꞌ Jesús, rëꞌ lequëꞌ: ―Ca gac ga gdxin le rna bëꞌë Dios yehuaꞌ yubá gac ca le run xnëꞌi yöt xtil, le buchíxinu ngul len tsonn lbix yöjz zxoaꞌ xtil, atiꞌ gyazx gdutë cua naꞌ.
23644	MAT 13:36	Niꞌr buzeynëꞌ bunách nacuáꞌ niꞌ didzaꞌ Jesús, busölëꞌë lequëꞌ, atiꞌ gyaziëꞌ yuꞌu. Niꞌr guladxinëꞌ ga zoëꞌ bönniꞌ usë́d queëꞌ len tëꞌ Lëꞌ: ―Gdixjöiꞌ netuꞌ le rëꞌni gna lë naꞌ benuꞌ lsaquiꞌ qui guíxiꞌdauꞌ xöhuiꞌ naláꞌ ca nac yöl zxoaꞌ xtil.
23645	MAT 13:37	Bubiꞌë didzaꞌ Jesús, rëꞌ lequëꞌ: ―Bönniꞌ razëꞌ xseydauꞌ dxiꞌa nacaꞌ nedaꞌ, Bönniꞌ Nuhuöaquëꞌ Gdu Bunách.
23652	MAT 13:44	Lëzcaꞌ cni benëꞌ lsaquiꞌ Jesús, rnëꞌ: ―Le rna bëꞌë Dios yehuaꞌ yubá nac ca tu yöl‑laꞌ tsahuiꞌ nagachiꞌ tu laꞌ yël. Catiꞌ budzölnëꞌ lei tu bönniꞌ, bucachëꞌë lei leyúbl ga naꞌ bgachiꞌ, atiꞌ lu yöl‑laꞌ rudziji queëꞌ gyijëꞌ, yjë́tiꞌë yúguꞌtë le dë queëꞌ atiꞌ guꞌuëꞌ laꞌ yël naꞌ quië gataꞌ queëꞌ yöl‑laꞌ tsahuiꞌ naꞌ.
23653	MAT 13:45	Gnëꞌ caꞌ Jesús: ―Ca ral‑laꞌ së ládxiꞌliꞌ le rna bëꞌë Dios yehuaꞌ yubá nac ca benëꞌ tu bönniꞌ raꞌuëꞌ len ruútiꞌë, rguiljëꞌ yuguꞌ bga dxiꞌa.
23655	MAT 13:47	Lëzcaꞌ cni gnëꞌ Jesús: ―Ca gac ga gdxin le rna bëꞌë Dios yehuaꞌ yubá, gac ca run tu yöxj böl le taꞌchiljëꞌ bönniꞌ lu nis zxön, le rajxíꞌ zian böl gzaꞌa.
23660	MAT 13:52	Jesús gudxëꞌ lequëꞌ: ―Catiꞌ chnazíꞌ lu nëꞌë bönniꞌ gdauꞌ usëdi le rna bëꞌë Dios yehuaꞌ yubá, naquëꞌ ca bönniꞌ xan yuꞌu, rbijëꞌ ladj yöl‑laꞌ tsahuiꞌ queëꞌ le nac cub len le nac gul, le nacgac dxiꞌa, ruziꞌë xbey.
23665	MAT 13:57	Qui lë ni naꞌ glac chop ládxiꞌquëꞌ, gulucaꞌnëꞌ Lëꞌ. Niꞌr Jesús gudxëꞌ lequëꞌ: ―Tun ba laꞌn bönniꞌ ruꞌë didzaꞌ uláz queëꞌ Dios yúguꞌtë bunách, san cutu tun lëꞌ ba laꞌn bunách uládz queëꞌ len bunách nacuáꞌ lidxëꞌ.
23668	MAT 14:2	Herodes naꞌ gudxëꞌ yuguꞌ niꞌa nëꞌë, rnëꞌ: ―Bönniꞌ ni Juan, bönniꞌ buquilëꞌ bunách nis. Chbubanëꞌ lu yöl‑laꞌ gut. Qui lë ni naꞌ dë lu nëꞌë yöl‑laꞌ huac zxön naꞌ.
23674	MAT 14:8	Le chnusë́dinu‑biꞌ ziꞌal xnaꞌbiꞌ, gudxbiꞌ lëꞌ: ―Benn quiaꞌ naꞌa tu lu zxigaꞌ zxön icjëꞌ Juan, bönniꞌ buquilëꞌ bunách nis.
23681	MAT 14:15	Catiꞌ chrdzöꞌ dza naꞌ, guladxinëꞌ ga zoëꞌ Jesús bönniꞌ usë́d queëꞌ, len tëꞌ Lëꞌ: ―Chrdzöꞌ naꞌa, atiꞌ caꞌz nac latj ni. Busölaꞌ bunách ni tsjaquëꞌ gap dë yödzdauꞌ quië laꞌuëꞌ bi lahuëꞌ.
23682	MAT 14:16	Niꞌr Jesús gudxëꞌ lequëꞌ: ―Cutu run bayúdx tsjaquëꞌ. Gul‑nö́dzj lbiꞌiliꞌ le lahuëꞌ.
23683	MAT 14:17	Niꞌr tëꞌ Lëꞌ: ―Gayuꞌz yöt xtil dë len chopzbaꞌ böl dëbaꞌ queëtuꞌ ni.
23692	MAT 14:26	Catiꞌ gulaléꞌinëꞌ Lëꞌ bönniꞌ usë́d queëꞌ, rzëꞌi niꞌë lu nis zxön, szxöni gulaböꞌë baguíꞌi le tádxinëꞌ. Gulabödxyëꞌë, taꞌnë́ꞌ: ―Tu bxin naꞌ.
23697	MAT 14:31	Jesús laꞌ bulitë nëꞌë. Buguel‑lëꞌë lëꞌ, len rëꞌ lëꞌ: ―Latiꞌz réjlëꞌu nedaꞌ. ¿Bizx quië guc chop ladxuꞌu?
23699	MAT 14:33	Niꞌr gulayíj ládxiꞌquëꞌ Jesús bönniꞌ nacuꞌë lëꞌi bárcodauꞌ naꞌ, taꞌnë́ꞌ: ―Le nactë, Zxiꞌnëꞌ Dios nacuꞌ.
23715	MAT 15:13	Niꞌr bubiꞌë didzaꞌ Jesús, rëꞌ lequëꞌ: ―Yúguꞌtë le nadúz, le cuguzëꞌ Xuzaꞌ zoëꞌ yehuaꞌ yubá, huaduljgac gdu luí.
23717	MAT 15:15	Niꞌr bubiꞌë didzaꞌ Pedro, rëꞌ Jesús: ―Bzejniꞌi netuꞌ lë ni runuꞌ lsaquiꞌ.
23726	MAT 15:24	Niꞌr bubiꞌë didzaꞌ Jesús, rëꞌ‑nu: ―Dios nasölëꞌë nedaꞌ gáclenaꞌ bunách Israel, nacgac ca böꞌcuꞌ zxílaꞌdauꞌ nanitcbaꞌ.
23728	MAT 15:26	Bubiꞌë didzaꞌ Jesús, rnëꞌ: ―Cutu nac dxiꞌa uguaruꞌ yöt quecbiꞌ biꞌidauꞌ len chuꞌnruꞌ lei laucbaꞌ bö́ꞌcuꞌdauꞌ.
23734	MAT 15:32	Niꞌr Jesús bulidzëꞌ yuguꞌ bönniꞌ usë́d queëꞌ, len rëꞌ lequëꞌ: ―Ruhuechiꞌ ladxaꞌa bunách zian ni, le chguc tsonn dza záꞌclenëꞌ nedaꞌ len cutu bi dë le lahuëꞌ. Cutu rëꞌndaꞌ usö́laꞌgacaꞌ‑nëꞌ tshuöjquëꞌ lidxquëꞌ taꞌdunzëꞌ caꞌ, nazx caꞌ ludú ládxiꞌquëꞌ laꞌ nöz.
23743	MAT 16:2	Bubiꞌë didzaꞌ Jesús, rëꞌ lequëꞌ: ―Catiꞌ rdzöꞌ, rnaliꞌ cni: “Gun dxiꞌa cxö, le röꞌ böaj xna luzxbá.”
23748	MAT 16:7	Niꞌr laꞌ légaczëꞌ glun xtídzaꞌquëꞌ bönniꞌ usë́d queëꞌ, taꞌnë́ꞌ: ―Rnëꞌ cni le cunuaꞌruꞌ yöt xtil.
23755	MAT 16:14	Gulubiꞌë didzaꞌ, taꞌnë́ꞌ: ―Laꞌquëꞌ taꞌnë́ꞌ: “Juan nacuꞌ, bönniꞌ niꞌ buquilëꞌ bunách nis.” Yelaꞌquëꞌ taꞌnë́ꞌ: “Elías nacuꞌ, bönniꞌ niꞌ bëꞌë didzaꞌ uláz queëꞌ Dios dza niꞌtë.” Yelaꞌquëꞌ taꞌnë́ꞌ: “Jeremías nacuꞌ, o yetúëꞌ bönniꞌ bëꞌë didzaꞌ uláz queëꞌ Dios.”
23756	MAT 16:15	Niꞌr Jesús gudxëꞌ lequëꞌ: ―Nazxga lbiꞌiliꞌ, ¿nuzxa rnaliꞌ nacaꞌ nedaꞌ?
23757	MAT 16:16	Bubiꞌë didzaꞌ Simón Pedro, rëꞌ Lëꞌ: ―Liꞌ nacuꞌ Cristo, Zxiꞌnëꞌ Dios ban.
23758	MAT 16:17	Bubiꞌë didzaꞌ Jesús, rëꞌ lëꞌ: ―Bicaꞌ bauꞌ liꞌ, Simón, zxiꞌnëꞌ Jonás, le cutu buluiꞌinëꞌ liꞌ lë ni nu bönniꞌ, san Xuzaꞌ zoëꞌ yehuaꞌ yubá buluiꞌinëꞌ liꞌ lë ni.
23764	MAT 16:23	Niꞌr bueycjëꞌ Jesús, len rëꞌ Pedro: ―Bcuit ga zoaꞌ. Runuꞌ ca run Satanás, tuꞌ xöhuiꞌ. Runuꞌ ga gac chop ladxaꞌa le cutu nac ca rzaꞌ ladxëꞌë Dios le rzaꞌ ladxuꞌu liꞌ, san ca taꞌzáꞌz ládxiꞌgac bunách.
23765	MAT 16:24	Niꞌr Jesús gudxëꞌ yuguꞌ bönniꞌ usë́d queëꞌ, rnëꞌ: ―Chquiꞌ zoëꞌ bönniꞌ rëꞌnnëꞌ tëꞌë nedaꞌ, ral‑laꞌ uzóëꞌ tslaꞌl yuguꞌ le rzë ladxëꞌë, len gaquëꞌ ca tu bönniꞌ zijëꞌ zajtë́ꞌë lëꞌi yag cruz, atiꞌ niꞌr gac tëꞌë nedaꞌ.
23774	MAT 17:5	Tsal niꞌ ruꞌë didzaꞌ ni Pedro, laꞌ gröꞌtë niꞌ tu böaj yeníꞌ le gzxoa lequëꞌ, atiꞌ lu böaj naꞌ byön chiꞌi nu rna: ―Bönniꞌ ni Zxiꞌnczaꞌ. Nadxiꞌidaꞌ‑nëꞌ len rdzag ladxaꞌa Lëꞌ. Gul‑zë́ nagliꞌ didzaꞌ guꞌë.
23778	MAT 17:9	Catiꞌ niꞌ tuꞌdinniëꞌ lu guiꞌa naꞌ, gna béꞌinëꞌ lequëꞌ Jesús, rnëꞌ: ―Nutu nu guiëliꞌ ca guc lë ni bléꞌiliꞌ catiꞌ ubanraꞌ lu yöl‑laꞌ gut nedaꞌ, Bönniꞌ Nuhuöaquëꞌ Gdu Bunách.
23780	MAT 17:11	Bubiꞌë didzaꞌ Jesús, rëꞌ lequëꞌ: ―Le nactë uluíꞌ lauczëꞌ ziꞌal Elías, len ucaꞌnëꞌ tsahuiꞌ yúguꞌtë.
23789	MAT 17:20	Jesús rëꞌ lequëꞌ: ―Cutu gzxáquiꞌliꞌ le curéjlëꞌliꞌ Dios gdu ládxiꞌliꞌ. Le nactë rëpaꞌ lbiꞌiliꞌ, zal‑laꞌ cuidiꞌz nac yöl‑laꞌ rejlëꞌ queëliꞌ Dios, nacz ca tu xseydauꞌ mostaza, huac guiëliꞌ guíꞌadauꞌ ni: “Bcuit ni len yajsóa niꞌl”, atiꞌ laꞌ gcuittë guíꞌadauꞌ naꞌ. Cutu bi zoa le cugác gunliꞌ chquiꞌ réjlëꞌliꞌ Dios gdu ládxiꞌliꞌ.
23791	MAT 17:22	Tsal niꞌ taꞌdë́ꞌ luyú Galilea, Jesús gudxëꞌ yuguꞌ bönniꞌ usë́d queëꞌ, rnëꞌ: ―Zoa nu udö́d nedaꞌ, Bönniꞌ Nuhuöaquëꞌ Gdu Bunách, lu naꞌgac bunách.
23795	MAT 17:26	Bubiꞌë didzaꞌ Pedro, rëꞌ Lëꞌ: ―Bunách gzaꞌa tuꞌquizxjëꞌ. Niꞌr Jesús rëꞌ lëꞌ: ―Qui lë ni naꞌ, cutu run bayúdx quizxj lazaꞌ qui gdauꞌ le nacaꞌ Zxiꞌnëꞌ Dios ca naꞌ cutu bi taꞌguízxj nup nacgac bunách uládz qui nu naꞌ ruquízxj.