23240	MAT 2:2	Gulanabëꞌ bönniꞌ ni, taꞌnë́ꞌ: ―¿Gazx zoabiꞌ biꞌidauꞌ naꞌ ral‑laꞌ gna béꞌibiꞌ bunách judío, biꞌidauꞌ naꞌ ziꞌa guljbiꞌ? Catiꞌ niꞌ zoatuꞌ ga rlen gbidz bléꞌituꞌ‑baꞌ bölj yeníꞌ nac bëꞌ chguljbiꞌ, atiꞌ zaꞌtuꞌ ni quië tsej ládxiꞌtuꞌ‑biꞌ.
23440	MAT 8:26	Bubiꞌë didzaꞌ Jesús, rëꞌ lequëꞌ: ―¿Bizx quië rádxiliꞌ? Latiꞌz réjlëꞌliꞌ‑nëꞌ Dios. Niꞌr gyasëꞌ Jesús len bulidzëꞌ böꞌ naꞌ reycj len nis zxön naꞌ, atiꞌ laꞌ gröꞌtë dxi.
23441	MAT 8:27	Gulubannëꞌ bönniꞌ naꞌ, taꞌnë́ꞌ: ―¿Nuzxa caz bönniꞌ ni? Ruiꞌzëꞌ didzaꞌ atiꞌ tun ca rnëꞌ böꞌ reycj len nis zxön.
23443	MAT 8:29	Laꞌ gluiꞌtëꞌ zidzj didzaꞌ chopëꞌ ni, taꞌnë́ꞌ: ―¿Bizxa rál‑laꞌtuꞌ quiuꞌ, Jesús, Zxiꞌnëꞌ Dios? ¿Naruꞌ bdxintsuꞌ ni dusacaꞌ ziꞌu netuꞌ ziꞌal ca gdxin dza queëtuꞌ?
23452	MAT 9:4	Catiꞌ ráquibeꞌinëꞌ Jesús le taꞌzáꞌ ládxiꞌquëꞌ, rëꞌ lequëꞌ: ―¿Bizx quië rzaꞌ ládxiꞌliꞌ cni le cunác?
23459	MAT 9:11	Catiꞌ gulaléꞌinëꞌ lë ni bönniꞌ gdauꞌ fariseo, gulanabnëꞌ yuguꞌ bönniꞌ usë́d queëꞌ Jesús, taꞌnë́ꞌ: ―¿Bizx quië naꞌ rágulenëꞌ tsazxö́n bönniꞌ tuꞌquízxj len yelaꞌquëꞌ bönniꞌ dul‑laꞌ bönniꞌ rusëdnëꞌ lbiꞌiliꞌ?
23462	MAT 9:14	Niꞌr guladxinëꞌ ga zoëꞌ Jesús bönniꞌ daꞌquëꞌ Juan, bönniꞌ naꞌ buquilëꞌ bunách nis, len gulanabnëꞌ Lëꞌ, taꞌnë́ꞌ: ―¿Bizx quië naꞌ netuꞌ lencaꞌ yuguꞌ bönniꞌ gdauꞌ fariseo, zian lzu runtuꞌ gubás, san yuguꞌ bönniꞌ usë́d quiuꞌ Liꞌ cutu tunëꞌ gubás?
23463	MAT 9:15	Bubiꞌë didzaꞌ Jesús, rëꞌ lequëꞌ: ―¿Naruꞌ huactsa laꞌsëbi ládxiꞌgac nup nacuáꞌ lni qui yöl‑laꞌ rutság naꞌ tsal niꞌ zóalenëꞌ lequëꞌ bönniꞌ rutság nëꞌë? Ziꞌa zaꞌ dza catiꞌ gduëꞌ ga nacuꞌë bönniꞌ naꞌ rutság nëꞌë. Dza niꞌr lunëꞌ gubás.
23476	MAT 9:28	Catiꞌ bdxinëꞌ Jesús ga nac lu yuꞌu, guladxinëꞌ ga zoëꞌ chopëꞌ bönniꞌ naꞌ nachúl lauquëꞌ. Jesús gnabnëꞌ lequëꞌ, rnëꞌ: ―¿I réjlëꞌliꞌ nedaꞌ, huac unaꞌ lbiꞌiliꞌ? Lequëꞌ taꞌnë́ꞌ: ―Ja, Xan.
23531	MAT 11:3	Chopëꞌ ni gulanabnëꞌ Jesús, tëꞌ Lëꞌ: ―¿I nacuꞌ Liꞌ Cristo, Bönniꞌ naꞌ ral‑laꞌ gdxinëꞌ yödzlyú ni, o huaböztuꞌ dza gdxinëꞌ yetúëꞌ bönniꞌ?
23535	MAT 11:7	Catiꞌ guluzë́ꞌë zhuöjquëꞌ bönniꞌ naꞌ daꞌquëꞌ Juan, niꞌr gzu lahuëꞌ Jesús ruíꞌlenëꞌ bunách nacuáꞌ niꞌ didzaꞌ ca nac queëꞌ Juan naꞌ. Rëꞌ lequëꞌ: ―¿Bizxa gúꞌniliꞌ gléꞌiliꞌ catiꞌ niꞌ gyeajliꞌ lu latj caꞌz? ¿Naruꞌ gúꞌniliꞌ gléꞌiliꞌ‑nëꞌ bönniꞌ naquëꞌ ca tu gui ruzéycj lei böꞌ reycj?
23561	MAT 12:3	Niꞌr Jesús gudxëꞌ lequëꞌ: ―¿Naruꞌ cu nulábiniliꞌ lu guich laꞌy bi benëꞌ David catiꞌ gdunëꞌ atiꞌ guladún caꞌ nup gulacuaꞌlen lëꞌ?
23568	MAT 12:10	Lu yuꞌu naꞌ zoëꞌ tu bönniꞌ narequiꞌ nëꞌë, atiꞌ le tëꞌnnëꞌ laꞌdzölnëꞌ bi luquíëꞌ Jesús, qui lë ni naꞌ gulanabnëꞌ Lëꞌ bönniꞌ judío uná bëꞌ naꞌ, taꞌnë́ꞌ: ―¿I dë latj unruꞌ nu reꞌi catiꞌ nac dza laꞌy?
23581	MAT 12:23	Qui lë ni naꞌ gulubani yúguꞌtë bunách nacuáꞌ niꞌ, taꞌná: ―¿Naruꞌ nactsëꞌ Zxiꞌn Xsoëꞌ David bönniꞌ ni, Bönniꞌ naꞌ ral‑laꞌ guidëꞌ?
23606	MAT 12:48	Bubiꞌë didzaꞌ Jesús, rëꞌ bönniꞌ naꞌ gdíxjöiꞌnëꞌ Lëꞌ cni, rnëꞌ: ―¿Nuzxa caz xnaꞌa len nupxcz bönniꞌ böchaꞌa?
23618	MAT 13:10	Niꞌr guladxinëꞌ ga zoëꞌ Jesús bönniꞌ usë́d queëꞌ len gulanabnëꞌ Lëꞌ, taꞌnë́ꞌ: ―¿Bizx quië ruíꞌlenuꞌ bunách didzaꞌ yuguꞌ le runuꞌ lsaquiꞌ?
23659	MAT 13:51	Niꞌr Jesús gnabnëꞌ yuguꞌ bönniꞌ usë́d queëꞌ, rnëꞌ: ―¿I réjniꞌliꞌ yúguꞌtë lë ni? Gulubiꞌë didzaꞌ, tëꞌ Lëꞌ: ―Ja, Xan.
23662	MAT 13:54	Catiꞌ budxinëꞌ ladzëꞌ, busëdnëꞌ bunách nacuáꞌ lu yuꞌu ga tuꞌdubëꞌ tuꞌsëdëꞌ queëꞌ Dios bönniꞌ judío, atiꞌ gulubannëꞌ, taꞌnë́ꞌ: ―¿Gazxcz bzëdnëꞌ yöl‑laꞌ rejniꞌi ni bönniꞌ ni? ¿Nacxcz nac, runëꞌ yuguꞌ yöl‑laꞌ huac ni?
23704	MAT 15:2	―¿Bizx quië tunëꞌ bönniꞌ usë́d quiuꞌ le rdöd bëꞌi ca nac le nalë́biruꞌ runruꞌ ca glunëꞌ xuz xtauꞌruꞌ? Cutu taꞌguíb naꞌquëꞌ ca nac qui gdauꞌ catiꞌ ziꞌa lahuëꞌ.
23705	MAT 15:3	Bubiꞌë didzaꞌ Jesús, gnabnëꞌ lequëꞌ, rnëꞌ: ―¿Bizx quië lbiꞌiliꞌ caꞌ rucaꞌnliꞌ caꞌz zxba queëꞌ Dios quië gunliꞌ le nalë́biliꞌ runliꞌ?
23714	MAT 15:12	Niꞌr gulabiguëꞌë ga zoëꞌ Jesús bönniꞌ usë́d queëꞌ, len tëꞌ Lëꞌ: ―¿I nöznuꞌ gulaleynëꞌ bönniꞌ gdauꞌ fariseo catiꞌ gulayönnëꞌ didzaꞌ ni bëꞌu?
23718	MAT 15:16	Jesús rëꞌ lequëꞌ: ―¿Naruꞌ cu réjniꞌtsaliꞌ caꞌ lbiꞌiliꞌ?
23735	MAT 15:33	Niꞌr tëꞌ Lëꞌ bönniꞌ usë́d queëꞌ, taꞌnë́ꞌ: ―¿Gazxcz gdzö́lituꞌ yöt xtil zian lu latj caꞌz ni, le ugágutuꞌ bunách zian ni?
23736	MAT 15:34	Gnabnëꞌ lequëꞌ Jesús, rnëꞌ: ―¿Balx yöt xtil dë queëliꞌ? Gulubiꞌë didzaꞌ, taꞌnë́ꞌ: ―Gadx, atiꞌ nababzbaꞌ böl cuidiꞌ dëbaꞌ queëtuꞌ ni.
23749	MAT 16:8	Ráquibeꞌinëꞌ lë ni Jesús, atiꞌ rëꞌ lequëꞌ: ―¿Bizx quië run xtídzaꞌliꞌ laꞌ lbiꞌizliꞌ le cunuaꞌliꞌ yöt xtil? Latiꞌz réjlëꞌliꞌ nedaꞌ.
23754	MAT 16:13	Catiꞌ bdxinëꞌ Jesús lu xyu yödz Cesarea, ga naꞌ rna bëꞌë Filipo, gnabnëꞌ yuguꞌ bönniꞌ usë́d queëꞌ, rnëꞌ: ―¿Nacx taꞌná bunách nu nacaꞌ nedaꞌ, Bönniꞌ Nuhuöaquëꞌ Gdu Bunách?
23779	MAT 17:10	Niꞌr gulanabnëꞌ Lëꞌ bönniꞌ usë́d queëꞌ, taꞌnë́ꞌ: ―¿Bizx quië taꞌnë́ꞌ bönniꞌ gdauꞌ usëdi run bayúdx uluíꞌ lahuëꞌ Elías ziꞌal ca uluíꞌ lahuëꞌ Cristo?
23788	MAT 17:19	Niꞌr, quizi gulabiguëꞌë ga zoëꞌ Jesús bönniꞌ usë́d queëꞌ, atiꞌ gulanabnëꞌ Lëꞌ, taꞌnë́ꞌ: ―¿Bizx quië naꞌ netuꞌ cutu guc ubijtuꞌ böꞌ xöhuiꞌ naꞌ?
23793	MAT 17:24	Catiꞌ guludxinëꞌ Capernaum Jesús len yuguꞌ bönniꞌ usë́d queëꞌ, guladxinëꞌ ga zoëꞌ Pedro bönniꞌ tuꞌquizxjëꞌ bunách lazgac qui gdauꞌ, atiꞌ tëꞌ Pedro: ―¿Naruꞌ cu quizxj lazëꞌ qui gdauꞌ bönniꞌ rusëdnëꞌ lbiꞌiliꞌ?
23794	MAT 17:25	Bubiꞌë didzaꞌ Pedro, rnëꞌ: ―Ja, huaguizxjëꞌ. Catiꞌ buaziëꞌ Pedro lu yuꞌu, Jesús laꞌ bulidztëꞌ lëꞌ len rëꞌ lëꞌ: ―¿Nacx rusacaꞌ quiuꞌ, Simón? Bönniꞌ taꞌná bëꞌë luyú ni, ¿nupx tuꞌquizxjëꞌ le rguizxj laz len lazxj qui yu? ¿Naruꞌ tuꞌquizxjëꞌ bunách uládz quequëꞌ o bunách gzaꞌa?
23797	MAT 18:1	Laꞌ dza niꞌz guladxinëꞌ ga zoëꞌ Jesús bönniꞌ usë́d queëꞌ, atiꞌ gulanabnëꞌ Lëꞌ, taꞌnë́ꞌ: ―¿Núzxalëꞌ bönniꞌ ni gaquëꞌ blau ga rna bëꞌë Dios yehuaꞌ yubá?
23834	MAT 19:3	Niꞌr guladxinëꞌ ga zoëꞌ Jesús laꞌquëꞌ bönniꞌ gdauꞌ fariseo quië laꞌzíꞌ bëꞌë Lëꞌ, atiꞌ gulanabnëꞌ Lëꞌ, taꞌnë́ꞌ: ―¿Naruꞌ dë latj bönniꞌ nutság nëꞌë usanëꞌ ngul queëꞌ niꞌa qui bítiꞌtëz bi rac?
23835	MAT 19:4	Bubiꞌë didzaꞌ Jesús, rëꞌ lequëꞌ: ―¿Naruꞌ cu nulábniliꞌ le nayúj lu guich laꞌy ca benëꞌ bunách Dios catiꞌ ziꞌa benëꞌ yödzlyú, bönniꞌ len ngul benëꞌ lequëꞌ?
23838	MAT 19:7	Niꞌr gulanabnëꞌ Jesús bönniꞌ gdauꞌ naꞌ, taꞌnë́ꞌ: ―¿Bizx quië naꞌ gna béꞌinëꞌ lequëꞌ Moisés le ruiꞌ latj bönniꞌ unödzjëꞌ queënu ngul queëꞌ tu guich le ruláꞌa yöl‑laꞌ nutság naꞌ, atiꞌ usanëꞌ‑nu ngul queëꞌ naꞌ?
23848	MAT 19:17	Bubiꞌë didzaꞌ Jesús, rëꞌ lëꞌ: ―¿I nöznuꞌ bizxa naꞌ rnauꞌ quiaꞌ, rnauꞌ nacaꞌ gdu dxiꞌa? Nutu nu bönniꞌ naquëꞌ gdu dxiꞌa. Tuzëꞌ Dios naquëꞌ gdu dxiꞌa. Chquiꞌ rëꞌnnuꞌ gdél‑liꞌnuꞌ yöl‑laꞌ naꞌbán gdu, ben ca rna bëꞌ zxba queëꞌ Dios.
23849	MAT 19:18	Niꞌr rëꞌ Jesús bönniꞌ naꞌ, rnëꞌ: ―¿Bizxal zxba naꞌ? Jesús rëꞌ lëꞌ: ―Zxba naꞌ gna bëꞌë Moisés: Cutu gdödnuꞌ bunách. Cutu gunuꞌ dul‑laꞌ le rguitsj zxba qui yöl‑laꞌ nutság naꞌ. Cutu cuanuꞌ. Cutu gnëuꞌ qui lzaꞌu le cunácz.
23856	MAT 19:25	Catiꞌ gulayönnëꞌ didzaꞌ ni bönniꞌ usë́d queëꞌ, gulubannëꞌ, taꞌnë́ꞌ: ―¿Nuzxa caz gac ulá, chquiꞌnuꞌ?
23882	MAT 20:21	Jesús gnabnëꞌ‑nu, rnëꞌ: ―¿Bizxa rëꞌnnuꞌ? Rënu Lëꞌ: ―Gna bëꞌ cöꞌbiꞌ tubiꞌ zxiꞌnaꞌ ni cuit lëꞌu yubél len yetubiꞌ cöꞌbiꞌ cuit lëꞌu yögl ga niꞌ gna bëꞌu.
23893	MAT 20:32	Niꞌr gzëꞌ rbözëꞌ Jesús, len bulidzëꞌ lequëꞌ, atiꞌ gnabnëꞌ lequëꞌ, rnëꞌ: ―¿Bizxa rë́ꞌniliꞌ gunaꞌ queëliꞌ?
23905	MAT 21:10	Catiꞌ gyaziëꞌ Jesús Jerusalén, glun rusbö́ yúguꞌtë bunách lu yödz naꞌ, atiꞌ zian nup glë lzaꞌgac, taꞌná: ―¿Nuzxa caz bönniꞌ ni?
23911	MAT 21:16	Niꞌr tëꞌ Jesús: ―¿Naruꞌ cu ryönnuꞌ ca taꞌnabiꞌ biꞌi ni? Bubiꞌë didzaꞌ Jesús, rnëꞌ: ―Ja, ryöndaꞌ. ¿Naruꞌ gatga nulábiniliꞌ le nayúj lu guich laꞌy cnicz ral‑laꞌ gac? Cni rna: “Liꞌ benuꞌ ga glul‑lbiꞌ yöl‑laꞌ ba le nac gdu yuguꞌ biꞌi cuidiꞌ len yuguꞌ biꞌidauꞌ niꞌ tádxiꞌbiꞌ.”
23915	MAT 21:20	Catiꞌ gulaléꞌinëꞌ lë ni bönniꞌ usë́d queëꞌ, gulubannëꞌ, atiꞌ gulanabnëꞌ Jesús, taꞌnë́ꞌ: ―¿Nacxcz guc, gbidxtë yag ni?
23918	MAT 21:23	Niꞌr gyaziëꞌ Jesús nchil gdauꞌ, len tsal niꞌ rusëdnëꞌ bunách nacuáꞌ niꞌ, guladxinëꞌ ga zoëꞌ yuguꞌ bxuz uná bëꞌ len bönniꞌ gul tuꞌzejniꞌi, atiꞌ gulanabnëꞌ Jesús, taꞌnë́ꞌ: ―¿Bizxa yöl‑laꞌ uná bëꞌ dë lu naꞌu, runtsuꞌ yuguꞌ lë ni? ¿Nuzxa budö́d lu naꞌu yöl‑laꞌ uná bëꞌ ni?
23923	MAT 21:28	Niꞌr Jesús gudxëꞌ yuguꞌ bönniꞌ gdauꞌ naꞌ: ―¿Nacx runi lbiꞌiliꞌ? Zoëꞌ bönniꞌ nacuaꞌbiꞌ chopbiꞌ biꞌi bönniꞌ queëꞌ, atiꞌ yjödxëꞌ‑biꞌ tubiꞌ biꞌi queëꞌ naꞌ, gnëꞌ: “Zxiꞌnaꞌ, gyeaj naꞌa tsjenuꞌ dxin ga nac laꞌ yël quiaꞌ ga röꞌgac lba uva.”
23937	MAT 21:42	Niꞌr gudxëꞌ lequëꞌ Jesús: ―¿Naruꞌ gatga nulábniliꞌ lë naꞌ nayúj lu guich laꞌy ca nac lë ni? Cni rna: Guiöj naꞌ gularuꞌnëꞌ bönniꞌ tuꞌcuꞌë zöꞌö, Laꞌ guiöj naꞌz chnac guiöj len zöꞌö. Lëczëꞌ Xanruꞌ benëꞌ ga nac cni Atiꞌ nac tu le run ga rubániruꞌ.
23961	MAT 22:20	Jesús gnabnëꞌ lequëꞌ, rnëꞌ: ―¿Nuzxa lahui zoa ni, len nuzxa lei zoa lëꞌi dumí ni?
23983	MAT 22:42	rnëꞌ: ―¿Nacx runi lbiꞌiliꞌ queëꞌ Bönniꞌ naꞌ lëꞌ Cristo? ¿Nuzxa zxiꞌn naquëꞌ? Gulubiꞌë didzaꞌ, taꞌnë́ꞌ: ―Zxiꞌn xsoëꞌ David naquëꞌ.
23984	MAT 22:43	Niꞌr Jesús rëꞌ lequëꞌ: ―¿Bizx quië naꞌ lëczëꞌ David bulidzëꞌ Lëꞌ, gnëꞌ: “Xanaꞌ”? Cni gnëꞌ catiꞌ niꞌ bëꞌë didzaꞌ uláz queëꞌ Dios Böꞌ Laꞌy, gnëꞌ:
24028	MAT 24:2	Bubiꞌë didzaꞌ Jesús, rëꞌ lequëꞌ: ―¿Rléꞌitsaliꞌ yúguꞌtë lë ni? Le nactë rëpaꞌ lbiꞌiliꞌ, cutu caꞌ ugáꞌn ni guiöj nabagaꞌ lzëꞌi, le cugguíndj.
24071	MAT 24:45	Gnëꞌ caꞌ Jesús: ―¿Nuzxa caz bönniꞌ huen dxin naquëꞌ gdu len réjniꞌnëꞌ, bönniꞌ huen dxin naꞌ, xanëꞌ cuꞌë lu nëꞌë bunách nacuáꞌ lidxëꞌ quië guꞌë le lágugac catiꞌ gdxin dza?
24131	MAT 26:8	Catiꞌ gulaléꞌinëꞌ lë ni bönniꞌ usë́d queëꞌ Jesús, gulaleynëꞌ, taꞌnë́ꞌ: ―¿Bizx quië raqui ditj lë ni?
24133	MAT 26:10	Catiꞌ byönnëꞌ lë ni Jesús, rëꞌ lequëꞌ: ―¿Bizx quië rnëliꞌ queënu ngul ni? Dxiꞌa nac le bennu quiaꞌ.
24138	MAT 26:15	len gudxëꞌ lequëꞌ: ―¿Bizxa gunnliꞌ quiaꞌ chquiꞌ nedaꞌ udödaꞌ‑nëꞌ Jesús lu naꞌliꞌ? Gulugáꞌnlenëꞌ lëꞌ tsahuiꞌ luꞌë lëꞌ chi uruáꞌ dumí plata.
24140	MAT 26:17	Catiꞌ nac dza rzu lau lni quequëꞌ bönniꞌ judío catiꞌ tahuëꞌ yöt xtil cunazíꞌ xnëꞌi, gulabiguëꞌë ga zoëꞌ Jesús bönniꞌ usë́d queëꞌ len tëꞌ Lëꞌ: ―¿Gazx rëꞌnnuꞌ tsajpaꞌtuꞌ queëruꞌ gáguruꞌ‑baꞌ böꞌcuꞌ zxílaꞌdauꞌ dzöꞌ Lni Pascua?
24163	MAT 26:40	Catiꞌ budxinëꞌ Jesús ga naꞌ nacuꞌë bönniꞌ usë́d queëꞌ, yajxaquëꞌë lequëꞌ tasiëꞌ, atiꞌ rëꞌ Pedro: ―¿Naruꞌ cu guctsa gnáꞌlenuꞌ nedaꞌ tsazxö́n yël tu chiꞌitëz?
24168	MAT 26:45	Leyúbl böjëꞌ ga naꞌ nacuꞌë bönniꞌ usë́d queëꞌ len rëꞌ lequëꞌ: ―¿Rástsaliꞌ naꞌa, len ruziꞌtsa ládxiꞌliꞌ? Gul‑yutscaꞌ, chbudzág lau. Nedaꞌ, Bönniꞌ Nuhuöaquëꞌ Gdu Bunách, chnadödaꞌ lu naꞌquëꞌ bönniꞌ dul‑laꞌ.
24178	MAT 26:55	Niꞌr Jesús gudxëꞌ yuguꞌ bönniꞌ niꞌ: ―¿Brújtsaliꞌ nuaꞌliꞌ guia tuchiꞌ len yagdauꞌ quië sönliꞌ nedaꞌ ca runliꞌ rzönliꞌ‑nëꞌ gban? Yuguꞌ dza gröꞌa lauliꞌ ga nac nchil gdauꞌ busë́dgacdaꞌ bunách, san cutu gzxönliꞌ nedaꞌ.
24185	MAT 26:62	Niꞌr gyasëꞌ gzuinëꞌ bxuz blau naꞌ, len rëꞌ Jesús: ―¿Naruꞌ cu rubiꞌtsuꞌ didzaꞌ? ¿Bizxa caz lë ni taꞌnë́ꞌ quiuꞌ bönniꞌ ni?
24191	MAT 26:68	tëꞌ Lëꞌ: ―¿Nactsuꞌ Liꞌ Cristo? Gnë́yaꞌatscaꞌ naꞌa, ¿nuzxa naꞌ gdap Liꞌ?
24209	MAT 27:11	Catiꞌ guluschinëꞌ Jesús lahuëꞌ Pilato, bönniꞌ rna bëꞌë naꞌ, bönniꞌ ni gnabnëꞌ Jesús, rëꞌ Lëꞌ: ―¿I nacuꞌ Liꞌ Bönniꞌ gna béꞌinëꞌ bönniꞌ judío? Jesús rëꞌ lëꞌ: ―Le nacz rnauꞌ.
24211	MAT 27:13	Niꞌr Pilato rëꞌ Jesús: ―¿Naruꞌ cu ryö́ntsanuꞌ cátiꞌga zian le taꞌnë́ꞌ quiuꞌ?
24215	MAT 27:17	Catiꞌ guludúb niꞌ bunách zian naꞌ, gnabnëꞌ lequëꞌ Pilato, rnëꞌ: ―¿Núzxalëꞌ rë́ꞌniliꞌ usanaꞌ queëliꞌ? ¿Naruꞌ Barrabás o Jesús, Bönniꞌ naꞌ lëꞌ Cristo?
24219	MAT 27:21	Leyúbl bëꞌë didzaꞌ bönniꞌ naꞌ rna bëꞌë, rëꞌ lequëꞌ: ―¿Núzxalëꞌ chopëꞌ ni rë́ꞌniliꞌ usanaꞌ‑nëꞌ queëliꞌ? Gulanë́ꞌ: ―Barrabás.
24220	MAT 27:22	Niꞌr Pilato gnabnëꞌ lequëꞌ, rnëꞌ: ―¿Nacx gunaꞌ queëꞌ Jesús, bönniꞌ naꞌ lëꞌ Cristo? Yúguꞌtëꞌ taꞌnë́ꞌ: ―Bdëꞌë lëꞌi yag cruz.
24221	MAT 27:23	Niꞌr bönniꞌ naꞌ rna bëꞌë rëꞌ lequëꞌ: ―¿Bizxa le cunác benëꞌ? Zidzjr gluꞌë didzaꞌ, taꞌnë́ꞌ: ―Bdëꞌë lëꞌi yag cruz.
24308	MRK 1:24	rnëꞌ: ―¿Bizxa rál‑laꞌtuꞌ quiuꞌ, Jesús, bönniꞌ Nazaret? ¿Zaꞌtsuꞌ usnitiuꞌ netuꞌ? Núnbëꞌa Liꞌ, nacuꞌ Bönniꞌ Laꞌy queëꞌ Dios.
24311	MRK 1:27	Gulubannëꞌ yúguꞌtë bönniꞌ nacuꞌë niꞌ, atiꞌ gulanabi lzaꞌquëꞌ, taꞌnë́ꞌ: ―¿Bizxa caz lë ni? ¿Naruꞌ nactsa zxba cub? Len yöl‑laꞌ uná bëꞌ rna béꞌinëꞌ yuguꞌ böꞌ xöhuiꞌ, atiꞌ tun ca rnëꞌ.
24337	MRK 2:8	Laꞌ gúquibeꞌitenëꞌ Jesús le taꞌzáꞌ ládxiꞌquëꞌ, atiꞌ gudxëꞌ lequëꞌ: ―¿Bizx quië rzaꞌ ládxiꞌliꞌ cni?
24345	MRK 2:16	Catiꞌ gulaléꞌinëꞌ Lëꞌ bönniꞌ gdauꞌ tuꞌsëdi len yuguꞌ bönniꞌ gdauꞌ fariseo, röꞌë rágulenëꞌ tsazxö́n yuguꞌ bönniꞌ uquízxj len yelaꞌquëꞌ bönniꞌ caꞌz, glëꞌ yuguꞌ bönniꞌ usë́d queëꞌ Jesús, taꞌnë́ꞌ: ―¿Bizxa caz runtsëꞌ? Riꞌj rágulenëꞌ yuguꞌ bönniꞌ uquízxj len yelaꞌquëꞌ bönniꞌ dul‑laꞌ.
24347	MRK 2:18	Tu dza niꞌ tunëꞌ gubás bönniꞌ daꞌquëꞌ Juan len bönniꞌ daꞌquëꞌ yuguꞌ bönniꞌ gdauꞌ fariseo, atiꞌ guladxín ga zoëꞌ Jesús nup gulanabi Lëꞌ, taꞌná: ―¿Bizx quië tunëꞌ gubás bönniꞌ daꞌquëꞌ Juan len bönniꞌ daꞌquëꞌ yuguꞌ bönniꞌ gdauꞌ fariseo, san bönniꞌ daꞌquëꞌ Liꞌ cutu tunëꞌ gubás?
24348	MRK 2:19	Bubiꞌë didzaꞌ Jesús, rëꞌ lequëꞌ: ―¿Naruꞌ ráquitsaliꞌ lun gubás nup nacuáꞌ lni queëꞌ bönniꞌ utság nëꞌë tsal niꞌ zóalenëꞌ lequëꞌ bönniꞌ naꞌ utság nëꞌë? Tsal niꞌ zóalenëꞌ lequëꞌ bönniꞌ naꞌ utság nëꞌë, cutu gac lunëꞌ gubás.
24354	MRK 2:25	Jesús gudxëꞌ lequëꞌ: ―¿Naruꞌ cu nulábniliꞌ ca benëꞌ David catiꞌ gdunëꞌ? Byadzj le lahuëꞌ, lëꞌ len nup nacuaꞌlen lëꞌ
24361	MRK 3:4	Gnabnëꞌ bunách niꞌ Jesús, rnëꞌ: ―¿Naruꞌ dë latj gunruꞌ le nac dxiꞌa catiꞌ nac dza laꞌy o gunruꞌ le cunác? ¿Naruꞌ dë latj gunruꞌ ga laꞌdel‑liꞌ yöl‑laꞌ naꞌbán bunách o usnitruꞌ lei? Gulacuáꞌ dxiz bunách niꞌ.
24380	MRK 3:23	Niꞌr bulidzëꞌ bönniꞌ gdauꞌ tuꞌsëdi naꞌ Jesús, len benëꞌ lsaquiꞌ, rnëꞌ: ―¿Naruꞌ ubijtsa laꞌ cuinzi Satanás tuꞌ xöhuiꞌ?
24390	MRK 3:33	Bubiꞌë didzaꞌ Jesús, gudxëꞌ lequëꞌ: ―¿Nuzxa caz naꞌ xnaꞌa, len nupxcz bönniꞌ böchaꞌa?
24405	MRK 4:13	Gudxëꞌ caꞌ bönniꞌ daꞌquëꞌ Lëꞌ Jesús, rnëꞌ: ―¿Naruꞌ cu réjniꞌtsaliꞌ lë naꞌ benaꞌ lsaquiꞌ? ¿Nacxcz gac tséjniꞌliꞌ yezicaꞌ le gunaꞌ lsaquiꞌ?
24413	MRK 4:21	Gudxëꞌ caꞌ bönniꞌ daꞌquëꞌ Lëꞌ Jesús, rnëꞌ: ―¿Naruꞌ rgál‑laꞌruꞌ guiꞌ atiꞌ rudúsiꞌruꞌ lei tu guiꞌn o rguꞌruꞌ lei zxani le rátiꞌruꞌ? Cutu caꞌ runruꞌ cni san ruzoaruꞌ guiꞌ ga nac xtsaꞌ ga gunn yeníꞌ.
24422	MRK 4:30	Gnëꞌ caꞌ Jesús: ―¿Bizxa caz gnaruꞌ ca rac ni le rna bëꞌë Dios? ¿Bizxa gunruꞌ lsaquiꞌ ca rac?
24432	MRK 4:40	Niꞌr gudxëꞌ bönniꞌ daꞌquëꞌ Lëꞌ Jesús, rnëꞌ: ―¿Bizx quië radxi rdzö́biliꞌ cni? ¿Naruꞌ cu réjlëꞌliꞌ Dios?
24433	MRK 4:41	Niꞌ tádxinëꞌ glë lzaꞌquëꞌ tuëꞌ yetúëꞌ: ―¿Nuzxa caz bönniꞌ ni? Tun ca rna xtidzëꞌë böꞌ reycj len nis zxön.
24440	MRK 5:7	Bëꞌë zidzj didzaꞌ, rëꞌ Jesús: ―¿Bizxa ral‑laꞌa quiuꞌ Jesús, Zxiꞌnëꞌ Dios náctërëꞌ blau? Niꞌa queëꞌ Xanruꞌ Dios rátaꞌyuaꞌ lauꞌ, cutu usacaꞌ ziꞌu nedaꞌ.
24442	MRK 5:9	Jesús gnabnëꞌ lei, rnëꞌ: ―¿Bi leuꞌ? Bubíꞌi didzaꞌ lei, gudx Lëꞌ: ―Le Zian leaꞌ le nac ziantuꞌ.
24463	MRK 5:30	Laꞌ gúquibeꞌitenëꞌ Jesús ben dxin yöl‑laꞌ huac queëꞌ, atiꞌ bueycjëꞌ, ruyúëꞌ bunách zian naꞌ, rnëꞌ: ―¿Nuzxa naꞌ gdan nedaꞌ?
24472	MRK 5:39	Gyaziëꞌ Jesús len gudxëꞌ lequëꞌ: ―¿Bizx quië runliꞌ rusbö́ len rbödxliꞌ cni? Cutu natbiꞌ biꞌi nguldauꞌ ni. Raszbiꞌ naꞌ.
24478	MRK 6:2	Catiꞌ bdxin dza laꞌy quequëꞌ bönniꞌ judío, gzu lahuëꞌ rusëdnëꞌ bunách Jesús ga naꞌ tuꞌdubëꞌ tuꞌsëdëꞌ queëꞌ Dios. Gulacuáꞌ niꞌ bunách zian taꞌyöni Lëꞌ. Gulubannëꞌ, taꞌnë́ꞌ: ―¿Gazxcz bzëdnëꞌ yuguꞌ lë ni bönniꞌ ni? ¿Bizxa caz yöl‑laꞌ rejniꞌi ni nadél‑liꞌnëꞌ? ¿Nacxcz runëꞌ le nacgac bëꞌ naꞌ zaꞌc yehuaꞌ yubá?
24500	MRK 6:24	Burujbiꞌ lëbiꞌ, gudxbiꞌ xnaꞌbiꞌ: ―¿Bizxa gnabtsaꞌ? Lënu gudxnu‑biꞌ: ―Icjëꞌ Juan, bönniꞌ buquilëꞌ bunách nis, gnabuꞌ.
24513	MRK 6:37	Bubiꞌë didzaꞌ Jesús, gudxëꞌ lequëꞌ: ―Gul‑güíꞌ le lahuëꞌ lbiꞌiczliꞌ. Glëꞌ Lëꞌ: ―¿Naruꞌ tsjö́ꞌutsatuꞌ yöt xtil lazxjruꞌ qui gdu xunuꞌ beoꞌ, atiꞌ güiꞌtuꞌ lahuëꞌ?
24514	MRK 6:38	Jesús gudxëꞌ lequëꞌ: ―¿Balx yöt xtil dë queëliꞌ? Gul‑tsajyutscaꞌ. Catiꞌ chnözcnëꞌ, tëꞌ Lëꞌ: ―Gayuꞌz yöt xtil dë, len chopzbaꞌ böl dëbaꞌ.
24537	MRK 7:5	Qui lë ni naꞌ gulanabnëꞌ Jesús yuguꞌ bönniꞌ gdauꞌ fariseo len bönniꞌ gdauꞌ tuꞌsëdi, taꞌnë́ꞌ: ―¿Naruꞌ cutu tunëꞌ bönniꞌ usë́d quiuꞌ ca glëbcnëꞌ glunëꞌ xuz xtauꞌruꞌ, san tahuëꞌ yöt cunadxíꞌagac naꞌquëꞌ?
24550	MRK 7:18	Jesús gudxëꞌ lequëꞌ: ―¿Ryadzjtsa caꞌ queëliꞌ yöl‑laꞌ rejniꞌi? ¿Naruꞌ cu réjniꞌiliꞌ, yúguꞌtë le ryaz bönniꞌ, cutu gac gun ga cunaquëꞌ dxiꞌa lahuëꞌ Dios?
24573	MRK 8:4	Gulubiꞌë didzaꞌ bönniꞌ usë́d queëꞌ, tëꞌ Lëꞌ: ―¿Bizxa ugágutsaruꞌ bunách guizx yu ni, ga ni nac latj caꞌz?
24574	MRK 8:5	Gnabnëꞌ lequëꞌ Jesús, rnëꞌ: ―¿Balx yöt xtil dë queëliꞌ? Tëꞌ Lëꞌ: ―Gadxz.
24581	MRK 8:12	Gnëtsca ladxëꞌë Jesús, rnëꞌ: ―¿Bizx quië taꞌnábitsa nedaꞌ bunách ni gunaꞌ tu le nac bëꞌ zaꞌ yehuaꞌ yubá? Le nactë rëpaꞌ lbiꞌiliꞌ, cutu caꞌ gléꞌiliꞌ nitú le nac bëꞌ zaꞌ yehuaꞌ yubá.
24586	MRK 8:17	Ráquibeꞌinëꞌ Jesús le taꞌnë́ꞌ, atiꞌ rëꞌ lequëꞌ: ―¿Bizx quië ruiꞌliꞌ cni didzaꞌ le cudë́ yöt xtil gáguruꞌ? ¿Naruꞌ cu réjniꞌtsaliꞌ len cu ráquibeꞌitsaliꞌ? ¿Ni nactsa zid icj ládxiꞌdauꞌliꞌ?
24590	MRK 8:21	Niꞌr Jesús gudxëꞌ lequëꞌ: ―¿Naruꞌ cu réjniꞌtsaliꞌ naꞌa, bëꞌa didzaꞌ qui le tuꞌsëdnëꞌ bönniꞌ naꞌ?
24592	MRK 8:23	Jesús gdel‑lëꞌë nëꞌë bönniꞌ naꞌ nachúl lahuëꞌ, atiꞌ bchëꞌë lëꞌ niꞌl raꞌ yödz. Niꞌ bdxiëꞌ zxönaꞌ yöj lahuëꞌ len bxoa nëꞌë lëꞌ. Niꞌr gnabnëꞌ lëꞌ, rnëꞌ: ―¿Ba rléꞌinuꞌ latiꞌ?
24596	MRK 8:27	Gdöd naꞌ, guluzë́ꞌë niꞌ Jesús len yuguꞌ bönniꞌ usë́d queëꞌ, guladödëꞌ yödzdauꞌ nababgac Cesarea, ga naꞌ rna bëꞌë Filipo. Tsal niꞌ yuꞌuquëꞌ nöz, Jesús gnabi yudxëꞌ bönniꞌ usë́d queëꞌ, rnëꞌ: ―¿Bizxa taꞌná quiaꞌ bunách nu nacaꞌ?
24618	MRK 9:11	Gulanabnëꞌ Jesús, taꞌnë́ꞌ: ―¿Bizx quië taꞌnë́ꞌ bönniꞌ gdauꞌ usëdi run bayúdx guidëꞌ Elías ziꞌal ca guidëꞌ Cristo?
24623	MRK 9:16	Niꞌr gnabnëꞌ bönniꞌ usë́d queëꞌ naꞌ Jesús, rnëꞌ: ―¿Bizxa didzaꞌ naꞌ rdíl‑lenliꞌ lequëꞌ?
24628	MRK 9:21	Niꞌr gnabnëꞌ xuzbiꞌ biꞌi naꞌ Jesús, rnëꞌ: ―¿Gacaꞌx chguc rac cni queëbiꞌ? Rnëꞌ xuzbiꞌ naꞌ: ―Niꞌ náctëbiꞌ biꞌidauꞌ réꞌibiꞌ cni.