13945	PSA 1:2	san žebele' dan' žone' kan ẕchi'le X̱anžo Dios, na' kan nak dan' wnnakze' Ḻe', dot ža dot yel ẕlab ḻaže'en.
13946	PSA 1:3	Benne' ni nake' ka to yag da' zoan žoa'a yegw, da' ẕbian da' ẕix̱ chen ḻo byo' chekzen, na' x̱lagen bi žasen. Yógo'te da' žon benne' ni, želžój chawen',
13951	PSA 2:2	Ẕži'igak benne' wnná bia' ka' chie' Ḻe', na' benne' yolawe' ka' žóngake' toze diža' nich wží'igake' che Dios, X̱ángake', na' che Bennen' wžé Dios chekze'.
13953	PSA 2:4	Gan že' X̱anžon' ya'abá chie' žẕiže'. Žon ditjle' da' žek ḻáže'gake' góngake',
13956	PSA 2:7	Ẕnna Bennen': “Wzenla' ḻe'e da' gož X̱anžon' neda'. Gože' neda': Le' nako' Ẕi'na'. Na'a ža naka' x̱o'.
13960	PSA 2:11	Le gon da' ẕnna X̱anžo Dios, ḻo yeḻa' ẕžebe chele, na' ḻo yeḻa' žeẕize chele, le yebele ḻawe' Ḻe'.
13961	PSA 2:12	Le gape ba la'ne Ẕi'ne' nich bi že'e, na' bi kwia yi'le ḻo nez chele, dan' ḻa' žá'atie' Ḻe'. Ba nez ẕen naken chegak yógo'te benne' ka' žx̱en ḻáže'gake' Ḻe'.
13963	PSA 3:2	X̱ana' Dios, ba nyanḻe'e benne' ka' ẕžá'agake' neda'. Benne' zante ẕdíḻ-ḻengake' neda'.
13965	PSA 3:4	San Le', X̱ana' Dios, žape chi'o neda'. Nako' yeḻa' baní' chia', na' ẕzo' neda' chawe'.
13966	PSA 3:5	Wžéžyi'a, na' bḻiža' X̱ana' Dios, na' Ḻe' bechebe' chia' gan zoe' ḻaw ya'a la'y chie'.
13967	PSA 3:6	Gota'a, na' wtasa', na' bebana' dan' ben choch X̱ana' Dios neda'.
13969	PSA 3:8	Wyás, X̱ana' Dios. Beslá neda', Dios chia', na' wdáp x̱ága'gak benne' ka' ẕdíḻ-ḻengake' neda', na' bdichj láye'gak benne' wen da' ẕinnj ka'.
13970	PSA 3:9	Yeḻa' weslá za' ḻo no'o, X̱ana' Dios. Ben chawe' benne' chio' ka'.
13974	PSA 4:4	Žaḻa' nnézlele ba wžé X̱anžo Dios bennen' žape' Ḻe' ba la'ne. X̱anžo Dios yenle' chia' kate' wḻiža' Ḻe'.
13976	PSA 4:6	Le got biado' ka' ḻawe' Ḻe' ḻo da' nak chawe', na' le wx̱én ḻaže' X̱anžo Dios.
13977	PSA 4:7	Benne' zante ẕnnágake': “¿Noẕ benne' gon chawe'e neto'?” Ḻo yeḻa' ži'i ḻaže' chio' bwia neto', X̱anto' Dios.
13978	PSA 4:8	Le' bzo' yeḻa' žebele ḻo yichj ḻáẕda'wa', dan' nakžen ẕen ka da' zej nape benne' ka' zej nápḻi'e ẕoa', na' x̱is uba waḻ.
13979	PSA 4:9	Ḻo yeḻa' ẕga'n chawe' gata'a, na' tasa', dan' ẕnno' Le', X̱ana' Dios, naka' chawe' ḻawo' Le'.
13981	PSA 5:2	Bze nag da' ẕnnia', X̱ana' Dios. Be' ḻaže' kan ẕbeže ḻaža'a.
13982	PSA 5:3	Le' nako' X̱ana', na' nako' Dios chia'. Benle da' žḻiža' Le', dan' ẕcháḻjḻenteza' Le'.
13983	PSA 5:4	X̱ana' Dios, chbal-le yenlo' chi'a. Zildo' ḻa'kza' ḻawo' Le', na' kweza' da' yi'o neda'.
13988	PSA 5:9	Bsedle neda' gona' da' chawe' ḻawo' Le', X̱ana' Dios, dan' ẕžá'aḻe'egak benne' ka' neda', benne' ka' bi ẕḻé'egekle' neda' chawe'. Bche' neda' nez chawe' chio'.
13990	PSA 5:11	Ben zi' benne' ka', Dios. Ben ga chejchégwgake' ni'a che x̱tíža'gakkze'. Dan' nyanḻe'e da' bi nak chawe' da' žóngake', na' dan' bží'igake' chio' Le', bnnita' ḻégake' cheḻa'ale.
13991	PSA 5:12	San yebéḻe'egekle benne' ka' žx̱en ḻáže'gake' Le'. Kwežeyá'gake' ḻo yeḻa' žebele dan' žákḻeno' ḻégake'. Benne' ka' zej nži'ile' Le' yebéḻe'egekle' ḻawo' Le'.
13992	PSA 5:13	Gon cháwe'kzo' benne' chawe', X̱ana' Dios. Dan' žaz ḻažo'o bennen', gape chi'o ḻe'.
13994	PSA 6:2	X̱ana' Dios, bi tiḻo' neda' ḻo yeḻa' ẕža'a chio', na' bi gono' neda' zi' ḻo yeḻa' yichj ža'a chio'.
13995	PSA 6:3	Beyache' ḻaže'l neda', X̱ana' Dios, dan' bi zoa' chawe'. Beyón neda', X̱ana' Dios, dan' ẕzáka'ḻi'a.
13996	PSA 6:4	Že' zede yichj ḻáẕda'wa', na' Le', X̱ana' Dios, ¿batx̱ gákḻeno' neda'?
13997	PSA 6:5	Da, X̱ana' Dios, beslá be' da' nakkza'. Ḻo yeḻa' ži'i ḻaže' chio' beslá neda'.
14002	PSA 6:10	X̱ana' Dios ba ženle' da' žáta'yoela' Ḻe'. Ẕzi' X̱ana' Dios da' ẕcháḻjḻena' Ḻe'.
14005	PSA 7:2	X̱ana' Dios, žx̱en ḻaža'a Le'. Beslá neda' ḻo na'gak benne' ka' žsáka'gake' neda', na' gokḻen neda',
14006	PSA 7:3	nich bi séngake' neda' ka žon bež yix̱e', na' bi wchéza'gake' neda' gan bi zoa no benne' gákḻene' neda'.
14007	PSA 7:4	X̱ana' Dios, cha' bena' neda' ki; cha' zoa bi da' ẕinnj da' ben ni'a na'a;
14010	PSA 7:7	X̱ana' Dios, ḻo yeḻa' ẕža'a chio', wzó ža'. Bdiḻ-ḻen benne' ka' žsáka'gake' neda' ḻo yeḻa' ẕža'a chégake'. Bseḻa' da' gakḻen neda' kate' žin ža wchi'a ḻažo'o da' žak cheto'.
14012	PSA 7:9	Le', X̱ana' Dios, wchi'a ḻažo'o benne' yógo'te yež. Bchi'a ḻaže' neda' ka nak da' chawe' dan' bena', dan' bena' ḻo da' nak ḻi ḻaže' chia'.
14019	PSA 7:16	Ba bche'ne' to yežw gže' nich yéx̱jwgak benne' ka' ga na', san bex̱jwe' ḻekze' ḻo yežwn'.
14021	PSA 7:18	Wká'n ẕena' X̱ana' Dios ni'a che da' chawe' da' žone' na' góḻteza' che La la'y che X̱ana' Dios, Benne' ẕente.
14023	PSA 8:2	X̱anto' Dios, ẕente nak La la'y chio' Le' do ẕente yežlyó. Nakže ẕen yeḻa' ẕen chio' ka ya'abá.
14024	PSA 8:3	Žoḻgak x̱kwide' ka', na' bi'do' že'n ka', ka naken. Yo'o chawo'o gan bi gak ḻa'gak benne' ka' bi ẕḻé'egekle' Le' chawe'. Ẕzoa žio' benne' ka' bi ẕḻé'egekle' Le' chawe', na' benne' ka' ẕzóagake' Le' cheḻa'ale.
14027	PSA 8:6	Beno' ḻégake' yeláte'ze gax̱jw ka nako' Le', na' bzo' chégake' yeḻa' ẕen, na' yeḻa' ba la'ne.
14029	PSA 8:8	ẕila' ka', na' bež ka', na' yógo'te bia yix̱e' ka',
14030	PSA 8:9	bia zej nnita' x̱ílgakba', na' bel ka', na' yógo'te bia ka' zej nníta'ba' ḻo nisdo'.
14031	PSA 8:10	X̱anto' Dios, ẕente nak La la'y chio' Le' do ẕente yežlyó.
14033	PSA 9:2	X̱ana' Dios, dot ḻaža'a wká'n ẕena' Le'. Wzenla' benne' ka' ka nak da' ẕente da' beno'.
14039	PSA 9:8	X̱anžo Dios zoakze' to chi'ize. Bkweze' latje blo chie' gan wchi'a ḻaže'e benne' ka'.
14041	PSA 9:10	X̱anžo Dios nake' ka to gan chejnníta'gak chawe' benne' yache' ka', kate' žin ža che da' wžía yin' benne' wen da' ẕinnj ka'.
14042	PSA 9:11	Benne' ka' zej nónbi'e Le', X̱anto' Dios, wx̱én ḻáže'gake' Le', dan' bi wléj yichjo' benne' ka' žíljgake' Le', X̱anto' Dios.
14043	PSA 9:12	Le goḻ che X̱anžon', Bennen' zoe' yež Sión. Le wzenle benne' yež ka' ka nak da' bene',
14045	PSA 9:14	Beyache' ḻaže'l neda', X̱ana' Dios. Bwia da' ẕzaka'a ḻo na'gak benne' ka' bi ẕḻé'egekle' neda' chawe'. Le' bekó'o neda' ḻo na' yeḻa' got
14047	PSA 9:16	Chejchazgak benne' yež ka' ḻo yežw da' bché'ngake'. Chejcházgake' ḻo do yeḻj da' bdíx̱jgake'.
14048	PSA 9:17	X̱anžo Dios bḻoe'ele' kan ẕchi'a ḻaže'e, dan' wbága'gak ẕia benne' ka' bi zej nake' chawe' ni'a che da' béngakkze'.
14049	PSA 9:18	Benne' bi zej nake' chawe' ka' cházgake' ḻo yi' gabíl, yógo'te benne' ka' žaḻ ḻáže'gake' X̱anžo Dios.
14050	PSA 9:19	Kege to chi'ize gaḻ ḻaže' Dios benne' yache' ka', na' kege to chi'ize nitle da' žx̱en ḻáže'gake'.
14051	PSA 9:20	Wzó ža', X̱ana' Dios. Bi go'o latje benne' ka' wká'n ẕen kwíngake'. Ḻa'gak benne' yež ka' ḻawo' Le' nich wchi'a ḻažo'o ḻégake'.
14052	PSA 9:21	X̱ana' Dios, ben ga žébegak benne' ka' Le'. Yeyónbia'gak benne' yež ka' zej nake' benachze.
14053	PSA 10:1	X̱ana' Dios, ¿biẕ chen' zo' zi'to'? ¿Biẕ chen' ẕkache' kwino' kate' ẕzáka'gak benách chio' ka'?
14054	PSA 10:2	Ḻo yeḻa' ẕka'n ẕen kwin benne' bi nake' chawe' ẕbia ḻaže'e benne' yache', san chejchaze' ḻo da' bdix̱jwe' nich wžía yi'e bennen'.
14055	PSA 10:3	Ẕka'n ẕen kwine' ni'a che da' ẕze ḻaže'e. Ẕnne zi'e bennen' ẕdan ḻaže'e yeḻa' gape, na' ẕka'ne' ka'ze Le', X̱ana' Dios.
14058	PSA 10:6	Ḻo yichj ḻáẕda'we' ẕnne': “Bi be gak wsejw x̱neza'. Batkle bi gak chia' da' bi naken chawe'.”
14061	PSA 10:9	Bagáche'ze ẕbeze' ka žon bež yix̱e'. Ẕbeze' nich gak sene' benne' yache' ka'. Kate' ẕzene' benne' yache' ḻo do yeḻj chie', na' ẕchi'e ḻe' chekze'.
14062	PSA 10:10	Kan žon bež yix̱e' zóateze' x̱íti'e ḻáwlegak benách ka', na' ẕzene' benne' zan ḻen ne'e waḻe.
14064	PSA 10:12	Wzó ža', X̱ana' Dios, na' bze no'o. Bi gaḻ ḻažo'o benne' yache' ka'.
14068	PSA 10:16	To chi'ize nak X̱anžon' Benne' ẕnna bi'e žo'o. Ḻo yežlyó chie' ba wžía yi'gak benne' ka' bi ẕḻé'egekle' Ḻe' chawe'.
14069	PSA 10:17	Benno' chegak benne' gax̱jw ḻaže' ka' da' wnnábgekle' Le', X̱ana' Dios. Le' ẕkwezo' yichj ḻáẕdo'gak bénne'do' ka' nich wzé nággake' x̱tižo'o,
14071	PSA 11:1	Žx̱en ḻaža'a X̱ana' Dios. ¿Biẕ chen' že'gak benách ka' neda': “Bẕonnj, wyéj ḻaw ya'a ka to byinne”?
14072	PSA 11:2	Bwia nga, ẕkwezgak benne' ka' bi zej nake' chawe' yag ntóche'do' ka' chégake'. Ba bx̱óagake' yag ntóche'do' ka' chégake' ḻo do chen, nich gótgake' bagáche'ze benne' chawe' ka'.
14074	PSA 11:4	X̱anžo Dios zoakze' latje la'y chie'. Ya'abá na'kze zoa latje blo gan že' Dios. Ẕwíagak yej ḻawe', na' ẕḻe'ele' da' žongak benne' ka'.
14075	PSA 11:5	X̱anžo Dios ẕbeje' benne' chawe' ka' ḻo da' zede, san bi ẕḻe'ele' chawe' benne' ka' bi zej nake' chawe' na' benne' ka' žóngake' da' ẕinnj.
14077	PSA 11:7	Ki gone' dan' nak chawe' X̱anžo Dios, na' nži'ile' da' naken chawe'. Ḻé'egekle benne' ḻi ḻaže' ka' ḻawe' Ḻe'.
14079	PSA 12:2	X̱ana' Dios, beslá benne' chio' ka' dan' biž zoa no benne' žape' Le' ba la'ne, na' bi zoa no benne' ḻi ḻaže' ládjwgak benne' ka'.
14081	PSA 12:4	X̱anžo Dios wžía yi'e benne' ka' ẕcháḻjgake' ki, na' benne' ka' ẕcháḻjgake' da' ẕka'n ẕen kwíngake'.
14083	PSA 12:6	San ẕnna X̱anžo Dios: “Na'a ḻa'kza' neda' dan' žsáka'gake' benne' yache' ka', benne' ka' ẕbeže ḻáže'gake', na' yeslá' benne' ka' žénegekle' bi da' gona'.”
14084	PSA 12:7	X̱tiža' X̱anžo Dios naken dot da' li. Naken ka ya plat da' wdén ḻo yi', da' ba wdén ḻo yi' gaže chi'i ka'.
14085	PSA 12:8	Le', X̱ana' Dios, ẕwíakzo' benne' chio' ka'. To chi'ize gape chi'o ḻégake' ḻo na'gak benne' ka' zej nnita' ḻo ža na'a ža.
14088	PSA 13:2	¿To chi'ize gaḻ ḻažo'o neda', X̱ana' Dios? ¿Gaḻ ḻáže'tezo' neda'? ¿To chi'ize biž ḻe'elo' neda'?
14090	PSA 13:4	Bwia neda', X̱ana' Dios, na' bechebe chia'. Ben choch neda' nich bi gata',
14091	PSA 13:5	na' nich bi nna bennen' bi ẕḻe'ele' neda' chawe', bi nne': “Ba bzex̱jwa' ḻe'.” Benne' ka' bi ẕḻé'egekle' neda' chawe' yebégekle' cha' chejchaza' ḻo da' bi nak chawe',
14092	PSA 13:6	san neda' žx̱en ḻaža'a Le' yeyache' ḻáže'lo' neda'. Dot ḻáẕda'wa' žebela' dan' žákḻeno' neda'. Goḻkza' che X̱ana' Dios dan' žon chawe'e neda'.
14093	PSA 14:1	Benne' ḻaẕdo' zide ka' ẕza' ḻáže'gake', na' ẕnnágake': “Bi zoa Dios.” Benne' ki zej nchix̱le yichj ḻáẕdo'gake', na' žóngake' da' bi naken chawe'. Bi zoa no benne' žone' da' naken chawe'.
14094	PSA 14:2	X̱anžo Dios, Bennen' zoe' ya'abá, ẕwie' benne' ka' nich ḻe'ele' cha' zoa no benne' žejni'ile', bennen' žape' Dios ba la'ne.
14095	PSA 14:3	Yógo'tie' bejchíx̱gekle'. Yógo'tie' zej nchix̱le yichj ḻáẕdo'gake'. Bi zoa no benne' žone' da' naken chawe', nitóe'.
14096	PSA 14:4	¿Bi žejní'igekle benne' ka' žóngake' da' ẕinnj? Ẕzóẕjgake' benne' chia' ka' ka ẕzoẕj to benne' yet da' žawe', na' bi žákbe'egekle' zoa X̱anžo Dios.
14098	PSA 14:6	Ẕcá'ngake' ca'ze da' wnnagak benne' yache' ka', san benne' ki žx̱én ḻáže'gake' X̱anžo Dios.
14099	PSA 14:7	Ḻa'kze Bennen' yeslé' benne' Israel ka'. Kate' gon X̱anžon' ga yežingak benne' chie' ka', benne' ka' zej ndo'e zíto'le, na' yebégekle ẕa'só Jakob, na' yebéḻe'egekle benne' Israel ka'.
14100	PSA 15:1	X̱ana' Dios, ¿noẕkze benne' gak soe' gan zo' Le'? ¿Noẕkze benne' gak soe' latje la'y chio'?
14103	PSA 15:4	Wak soa bennen' ga na', bennen' bi žape' ba la'ne no benne' žone' da' ẕinnj, san žape' ba la'ne benne' ka' žápegake' X̱anžo Dios ba la'ne bennen' bi ẕche'e x̱tiže'e ḻa'kze gonen ga bi wnite'.
14105	PSA 16:1	Bwia neda', Dios, dan' žx̱en ḻaža'a Le'.
14106	PSA 16:2	Ḻo yichj ḻáẕda'wa' žapa' Le', X̱ana' Dios: “Le' nako' X̱ana'. Bi be da' chawe' žata' chia' da' bi zan' ḻo no'o.”
14109	PSA 16:5	X̱anžo Dios ẕwawe' neda' na' nake' da' chawe' chia'. Le', Dios, žape chi'o yeḻa' nban chia'.
14110	PSA 16:6	Da' žonno' chia' naken da' ba nez ẕen da' ẕzi'a, na' x̱tanḻe'e nak latje gan bzo' neda'.
14111	PSA 16:7	Wká'n ẕénteza' X̱anžo Dios, Bennen' žsedle' neda'. Kate' ne ẕtasa' ẕzejni'ile' neda' ḻo yichj ḻáẕda'wa'.
14112	PSA 16:8	Žx̱en ḻaža'a X̱anžo Dios yezi'e neda'. Dan' zoe' kwita', bi be gak wcheben neda'.
14113	PSA 16:9	Che ḻen zoa ḻáẕda'wa' yeḻa' žebél, na' žebéḻe'etezla', na' kate' gacha'a ḻo yežw ba wx̱én ḻaža'a Le'
14116	PSA 17:1	Bze nag da' ẕnnia', X̱ana' Dios. Benle da' žḻiža' Le'. Wẕí' da' ẕnnabla' Le' ḻo yeḻa' ḻi ḻaže' chia'.
14119	PSA 17:4	Žona' ka nak da' ẕnna x̱tižo'o, na' bi žona' kan žongak benne' wen da' ẕinnj ka'.
14122	PSA 17:7	Bḻoe'el neda' kan žeyache' ḻáže'ḻe'elo' benách ka'. Beslá benne' ka' žx̱en ḻáže'gake' Le' ḻo na'gak benne' ka' bi ẕḻé'egekle' ḻégake' chawe'.
14123	PSA 17:8	Bwia neda' ka žon no benne' ẕwíakze' yej ḻawe'. Wdape chi'i neda' ka žon ẕkoko', bian' žape chi'iba' bríse'do' ka' ẕan x̱ilba'
14127	PSA 17:12	Zej nake' ka to bež yíx̱e'do' žénelba' bi da' gawba'. Zej nake' ka to bež yix̱e', bia ẕkache' kwinba' nich senba' biado' ka'.
14128	PSA 17:13	Da, X̱ana' Dios, bdiḻ-ḻen benne' ka' bi zej nake' chawe', na' bžia yi' ḻégake'. Beslá neda' ḻo na'gak benne' ka' bi zej nake' chawe', wkonlo' žin ya ntoche' chio'.
14129	PSA 17:14	Beslá neda' ḻo na'gak benne' ka' ḻen no'o waḻe, X̱ana' Dios. Beslá neda' ḻo na'gak benne' ka', benne' zej ze'e nich yekwásgake' yežlyó cheto' nga, benne' ka' žáwgake' da' záka'ḻe'e chio' na' ẕwáwgaken' ẕí'ngake' ka', na' ẕga'nkze da' gawgak ẕa'sógake' ka',
14132	PSA 18:2	Nži'ila' Le', X̱ana' Dios. Le' ẕzoa chocho' neda'.
14133	PSA 18:3	Le', X̱ana' Dios, nako' ka to yej gan zoa' choch, na' nako' ka to yo'o ẕen gan yo'o chawa'a. Nako' Benne' weslá chia', na' Dios chia'. Le' ẕzoa chocho' neda', na' wx̱én ḻaža'a Le'. Žape chi'o neda', na' žesló' neda', na' ẕkache' chawo'o neda'.
14134	PSA 18:4	Ẕnnia': X̱anžo Dios žaḻa' wká'n ẕenžo-ne'. Beslé' neda' ḻo na'gak benne' ka' ẕžá'agake' neda'.
14137	PSA 18:7	Ḻo da' ẕžia yin' benách ka' bḻiža' X̱ana' Dios na' bcháḻjḻenkza' Dios chia'. Ḻe' benle' chi'a gan zoe' latje la'y chie', na' bze nage' da' bchaḻja' ḻawe'.
14144	PSA 18:14	Ẕan ya'abá wnné wzió' che chi'i X̱anžo Dios, na' benle chi'i Dios ẕente ládjwgak wzió' yi' ka', na' yej nisen'.
14146	PSA 18:16	Naž bḻa' ḻawgak da' ka' zej že' gže' ẕan nisdo', na' bḻa' ḻaw x̱ni'a yežlyó dan' žen' ẕan nisdon'. Bdiḻo' benne' ka' ẕžá'agake' neda', X̱ana' Dios, na' ḻo yeḻa' ẕža'a chio' bsejo' x̱nézgake'.
14147	PSA 18:17	Betj Dios ḻo da' sibe, na' bex̱we' neda', na' ḻen ne'e waḻe bebeje' neda' ḻo da' zede da' goken ka nis zil.
14149	PSA 18:19	Bdíḻ-ḻengake' neda' katen' wzóa' ḻo da' zedḻe'e, san X̱ana' Dios gókḻene' neda'.
14151	PSA 18:21	X̱anžo Dios bebi'e chia' dan' bena' da' naken chawe', na' ka nakkze da' chawen' bebi'e chia',
14152	PSA 18:22	dan' žona' ka žsedle X̱ana' neda', na' bi wléj yichja' Dios chia'.
14153	PSA 18:23	Žona' ka nak da' bchi'le' žo'o, na' bi bsana' diža' ka' da' bdix̱jwe'.
14155	PSA 18:25	Bebí'i X̱anžo Dios chia' ka nak da' chawe' da' bena', ka nakkze da' chawen' dan' bena' ḻawe' Ḻe'.
14158	PSA 18:28	Yesló' benne' chawen' ḻo da' wžía yin' benách ka', san wzex̱jo' benne' ka' ẕka'n ẕen kwíngake'.
14159	PSA 18:29	Le' wzaljo' yi' chia'. Le', X̱ana' Dios, wza'ni'o chia' gan zoa' ḻo da' choḻ.
14161	PSA 18:31	Da' ka' žon Dios zej naken ḻi ḻaže', na' x̱tiže'e naken dot da' li. Žape chi'e yógo'te benne' ka' žx̱en ḻáže'gake' Ḻe'.
14162	PSA 18:32	Toze X̱anžon' nake' Dios. Toze Dios chežo nake' Benne' žape chi'e žo'o.
14164	PSA 18:34	Žone' ni'a ka zej nak ni'a bžina' yix̱e' na' ẕzoa choche' neda' ḻaw Ya'a Sión chie'.
14168	PSA 18:38	Bsejwa' x̱nezgak benne' ka' ẕžá'agake' neda', na' bena' ga bẕónnjgake', na' bi beyá'a liža' ga bžinte beta' benne' ka'.
14169	PSA 18:39	Bena' benne' ka' we', na' bi gok yeyásgake'. Bejbíx̱gake' ẕan ni'a.
14170	PSA 18:40	Ben chocho' neda' nich gok cha'a ḻo wdiḻen'. Bzex̱jo' benne' ka' ẕžá'agake' neda' ẕan ni'a.
14172	PSA 18:42	Wnnábgekle' no benne' gákḻene' ḻégake' san bi wzóa no benne'. Wnnábgekle' X̱anžo Dios, san bi wzé nage' chégake'.
14173	PSA 18:43	Bžia yi'a benne' ka', na' gókgake' ka bix̱te yo dan' ẕzen ḻo be'. Bleja' ḻégake' ka ẕleja' gona' ḻo nez ka'.
14177	PSA 18:47	¡Ga'n ẕen X̱anžo Dios! ¡Ga'n ẕene' dan' žákḻene' neda'! ¡Ga'n ẕen Dios, Bennen' žeslé' neda'!
14180	PSA 18:50	Wká'n ẕena' Le', X̱ana' Dios, ḻawgak benne' yež ka', na' goḻkza' che La la'y chio' Le'.
14185	PSA 19:4	Bi ẕkóngeklen žin x̱tíža'gak benne' ka', na' bi zoa no benne' ženle' chí'igaken,
14186	PSA 19:5	san ẕžin da' ẕnnágaken do ẕente yežlyó, na' ẕžingak x̱tíža'gaken dot yežlyó. Dios bene' ya'abá ka to yo'o gan zoa wbíž.
14189	PSA 19:8	Dot ḻi ḻaže' nak da' žsedle X̱anžo Dios, na' ẕzoa chochen be' da' nakkzžo. Ḻi ḻaže' nak da' bchi'le X̱anžon' žo'o. Ẕneẕjwn yeḻa' žejní'il chegak benne' ka' bi zej napen'.
14190	PSA 19:9	Da' likze nak da' wnná X̱anžon', na' žebéḻe'egekle benne' ka' žóngake' kan ẕnnan. Ḻi ḻaže' nak da' ẕzejní'il X̱anžon' žo'o, dan' ẕzoan žo'o ḻo yeḻa' baní'.
14191	PSA 19:10	Nak chawe' ẕžébežo X̱anžon', dan' gonen ga soažo nbanžo to chi'ize. Da' likze nak kan ẕchi'a ḻaže' X̱anžon' žo'o, na' naken chawe'.
14192	PSA 19:11	Naken da' ẕdan ḻáže'žežo ka ya oro, na' ka ya oro ẕente dan' záka'ḻe'en. Nakžen ẕix̱ ka bžina' che bez, dan' nakḻe'en ẕix̱.
14194	PSA 19:13	Nitó benne' bi gak gónbi'e da' ẕinnj da' žone'. Beslá neda', X̱ana' Dios, ḻo da' ẕinnj dan' bi žákbe'ela' žonan'.
14196	PSA 19:15	Žénela' gak da' ẕchaḻja', na' da' zḻab ḻaža'a da' žaz ḻažo'o Le'. X̱ana' Dios, Le' žon chochkzo' neda', na' beya'wo' neda'.
14198	PSA 20:2	Ẕnnabla' X̱anžo Dios yenle' chi'o kate' bi žak chio', na' gape chi'i Dios na'kze che Jakob le'.
14202	PSA 20:6	Yebéḻe'elto' kate' yeslé' le'. Wchisto' to da' wḻoé'e ḻawn La la'y che Dios chežo. Ẕnnabla' X̱anžon' gone' yógo'te da' ẕnnablo' Ḻe'.
14203	PSA 20:7	Na'a nnezla' žeslá X̱anžon' bennen' wžekze' Ḻe'. Gan zoe' ya'abá la'y chie' yenle' chi'i bennen'. Ḻen yeḻa' wak ẕente chie' yeslé' ḻe'.
14204	PSA 20:8	Baḻ benne' ka' žx̱en ḻáže'gake' karro ka' che wdiḻe, na' yezíka'že' žx̱en ḻáže'gake' bia waḻe ka', san žo'o žx̱en ḻáže'žo La X̱anžo Dios.
14206	PSA 20:10	Beslá neto', X̱anto' Dios. Le'kze ẕnna bi'o neto'. Benle chi'ito' kate' žḻižto' Le'.
14208	PSA 21:2	Benne' ẕnna bi'e ẕžebe' yeḻa' wak chio', X̱anto' Dios, na' ni'a che yeḻa' weslá chio' žebéḻe'ele'.
14214	PSA 21:8	Dan' bennen' ẕnna bi'e žx̱en ḻaže'e X̱anžon', yeyache' ḻaže'l Dios ẕente ḻe', na' bi kwe' zedle'.
14215	PSA 21:9	Wzetjo' yógo'te benne' ka' bi ẕḻé'egekle' Le' chawe'. Ḻen yeḻa' wak chio' wzex̱jo' benne' ka' ẕží'igake' chio'.
14216	PSA 21:10	Gak chegak benne' ka' ka wnnito'o ḻégake' ḻo yi' katen' yido' nich wchi'a ḻažo'o ḻégake'. X̱anžon' wžía yi'e benne' ka' ḻo yeḻa' ẕža'a chie', na' yi' na' wzeyen ḻégake'.
14220	PSA 21:14	¡Ga'n ẕen Le', X̱anto' Dios, ḻo yeḻa' waḻe chio'! Góḻtezeto', na' wká'n ẕéntezeto' Le' ni'a che yeḻa' wak chion'.
14225	PSA 22:5	X̱a x̱na' wdé cheto' ka' bx̱en ḻáže'gake' Le'. Bx̱en ḻáže'gake', na' besló' ḻégake'.
14226	PSA 22:6	Bḻížgake' Le', na' gókḻeno' ḻégake'. Bx̱en ḻáže'gake' Le', na' bi bedoé'egekle',
14229	PSA 22:9	“Bx̱en ḻaže'e X̱anžon' nich yeslé' ḻe'. Yeslé' ḻe' cha' žaz ḻaže'e ḻe'.”
14230	PSA 22:10	San Le', X̱ana', bex̱o' neda' kate' golja'. Beno' ga bx̱en ḻaža'a Le' kate' ne žaẕa'a.
14231	PSA 22:11	Wyoá'a ḻo no'o kate' bi na' galja'. Kate' ne yoa'a ḻe'e x̱na'a, báchekze nako' Dios chia'.
14234	PSA 22:14	Gónegekle' wžía yí'gake' neda' ka žon to bež yix̱e', bia ẕdonba', na' ẕbéžeya'aba'.
14236	PSA 22:16	Beyák yeḻa' waḻe chia' ka to že'n yo dan' nla'an, na' loža'a wdán' chichjla'. Bletjo' neda' ḻo bix̱te yo che yeḻa' got.
14240	PSA 22:20	San Le', X̱ana' Dios, bi bkwaso' gan zoa'. Nakkzo' Le' yeḻa' waḻe chia', na' gákḻeno' neda'.
14242	PSA 22:22	Beslá neda' ḻo žoa'a bež yix̱e'. Beslá neda' ḻo lozgak bež waḻe ka'.
14244	PSA 22:24	Ḻe'e, benne' ka' ẕžébele X̱anžon': ¡Le wká'n ẕene' Ḻe'! ¡Le wká'n ẕene', ḻe'e, ẕa'só Jakob! ¡Le žebe Ḻe', ḻe'e, ẕa'só Israel ka'!
14247	PSA 22:27	Gawgak benne' gax̱jw ka', na' yéljgekle'. Bíga'gake' ḻaw X̱anžon', na' wká'n ẕéngake' Ḻe'. Gákteze yeḻa' ba nez ẕen chegak benne' ka'.
14248	PSA 22:28	Benne' ka' nníta'gake' dot yežlyó chejsá' ḻáže'gake' X̱anžon', na' yežíngake' ḻawe' Ḻe'. Yógo'te kwe' benách ka' wká'n ẕéngake' Ḻe',
14249	PSA 22:29	dan' napkze X̱anžon' yeḻa' wnná bia', na' nna bi'e yógo'te yež ka'.
14251	PSA 22:31	Ẕa'sógak benne' ka' góngakbe' žin che X̱anžon'. Wzéngekle' ẕí'ngake' ka' ka nak chie' na' zejte chejsete chegak benne' ka'.
14253	PSA 23:1	X̱anžo Dios žape chi'e neda' ka žon to benne' žape chi'e ẕila' chie' ka', na' bi be yážjela'.
14254	PSA 23:2	Ka žon bennen' ga ẕzi' ḻáže'gak ẕila' ka' gan bdáwgakba' yix̱e' ya'ado', ki žon Dios chia' neda'. Gone' chia' kan žon bennen' chegak ẕila' ka' ẕchi'e-ba' žoa'a yegw nis da' že' žize.
14256	PSA 23:4	Ḻa'kze tia' gan de ẕož gata', bi be da' ẕinnj wcheben neda', dan' zóaḻenkzo' Le' neda', X̱ana' Dios. Bar chio', na' breke' chio' gape chí'igaken neda'.
14260	PSA 24:2	Bzoen' ḻawle nisdo', na' bzaḻe'e x̱ni'an že'lte ẕan nisdo'.
14261	PSA 24:3	¿Noẕkze benne' gak kwene' ya'a che X̱anžon'? ¿Noẕkze benne' gak choe'e yodo' la'y chie'?
14263	PSA 24:5	X̱anžon' gon chawe'e benne' ki. Dios wchi'a ḻaže'e benne' ki, na' yeslé' ḻégake'.
14266	PSA 24:8	¿Noẕkzen' Benne' Wnná Bia' Ẕente ni? Nake' X̱anžon', Benne' waḻe, na' nape' dot yeḻa' wak. Nake' X̱anžon', Bennen' ẕzoele' ḻo wdiḻe.
14268	PSA 24:10	¿Noẕkzen' Benne' Wnná Bia' Ẕente ni? Nake' X̱anžon', Bennen' ẕnna bi'e gáte'teze. Ḻe' nake' Benne' Wnná Bia' Ẕente na'.
14269	PSA 25:1	X̱ana' Dios, ẕcháḻjḻena' Le' dot ḻaža'a.
14270	PSA 25:2	Žx̱en ḻaža'a Le', Dios chia'. Bi go'o latje yedoe'ela'. Bi go'o latje benne' ka' bi ẕḻé'egekle' neda' chawe' wžía yí'gake' neda'.
14271	PSA 25:3	Bi chíx̱gekle benne' ka' žx̱en ḻáže'gake' Le', san yedoé'egekle benne' ka' ẕží'igake' che x̱tižo'o.
14272	PSA 25:4	X̱ana' Dios, bḻoe'el neda' da' žak ḻažo'o gona'. Bche' neda' gan žénelo' cha'a.
14273	PSA 25:5	Bsedle neda' gona' da' naken dot da' li chio'. Dan' nako' Dios, na' žesló' neda', wx̱én ḻáže'teza' Le'.
14274	PSA 25:6	Bejsá' ḻaže', X̱ana' Dios, gako' ži'i ḻaže', na' yeyache' ḻáže'lo' neda', kan žónteze žono'.
14275	PSA 25:7	Bi chejsá' ḻažo'o doḻa' da' bena' kate' ne naka' benne' kwide', na' kan bži'a che x̱tižo'o. Ḻo yeḻa' žeyache' ḻaže' chio', na' yeḻa' ži'i ḻaže' bejsá' ḻaže' neda', X̱ana' Dios.
14276	PSA 25:8	Chawe', na' ḻi ḻaže' nak X̱anžo Dios. Che ḻen wsedle' benne' doḻa' ka' da' žaḻa' góngake'.
14277	PSA 25:9	Wḻoe'ele' benne' gax̱jw ḻaže' ka' da' naken chawe' na' wsedle' benne' ẕen ḻaže' ka' da' góngake'.
14278	PSA 25:10	Ḻo yeḻa' žeyache' ḻaže', na' ḻo da' li, ẕche' X̱anžon' benne' ka' žóngake' kan ẕnna x̱tiže'e dan' bénḻene' žo'o, na' ka nak da' žsedle' Ḻe'.
14279	PSA 25:11	Dan' žono' ka nak da' ba wnnó', X̱ana' Dios, yenít ḻawo' chia' doḻa' da' bena', da' naken ẕen.
14280	PSA 25:12	¿Zoa no benne' ẕžebe' Le', X̱anto' Dios? Le' wsedlo' bennen' da' žaḻa' gone'.
14282	PSA 25:14	X̱anžo Dios nake' toze ḻen benne' ka' ẕžébegake' Ḻe', na' gone' ga gónbia'gake' x̱tiže'e dan' bénḻene' žo'o.
14283	PSA 25:15	Wx̱én ḻáže'teza' X̱anžo Dios dan' beslé' neda' ḻo na'gak benne' ka' žénegekle' wžía yí'gake' neda'.
14288	PSA 25:20	Bwia be' da' nakkza', na' beslá neda'. Bi go'o latje yedoe'ela' dan' žx̱en ḻaža'a Le'.
14289	PSA 25:21	Da' chawe', na' yeḻa' ḻi ḻaže', žon chóchgaken neda' dan' žx̱en ḻaža'a Le'.
14290	PSA 25:22	X̱ana' Dios, beslá benne' Israel ka' ḻo yógo'te da' ẕzáka'ḻe'egake'.
14291	PSA 26:1	Bchi'a ḻaže' neda', X̱ana' Dios, dan' bena' da' naken chawe'. Bx̱en ḻaža'a Le', X̱ana' Dios, na' bi gok chop ḻaža'a.
14292	PSA 26:2	Bwíakze ḻáẕda'wa', X̱ana' Dios, na' bwia dan' bena'. Bwíakze da' yo'on yichj ḻáẕda'wa'
14296	PSA 26:6	Ẕḻe'elo' bi be ẕia nbaga'a, na' wak biga'a ḻo bkog la'y chio', X̱ana' Dios,
14298	PSA 26:8	X̱ana' Dios, nži'ila' ližo' gan zo', na' latje la'y gan nḻa' ḻaw yeḻa' ẕen chio'.
14302	PSA 26:12	Dan' bénteza' da' nak chawe', na' wká'n ẕenkza' Le', X̱ana' Dios, ḻawgak benne' ka' zej ndobe' ḻawo' Le'.
14303	PSA 27:1	X̱anžo Dios nake' yeḻa' baní' chia', na' Benne' žeslé' neda'. Bi gak no benne' wchebe' neda'. X̱anžo Dios nake' Benne' žape chi'e neda'. Bi gak no benne' wzóe' neda' ḻo da' zedḻe'e.
14305	PSA 27:3	Ḻa'kze chéchjgekle benne' zan, benne' žjake' ḻo wdiḻe neda', benne' ka' bi ẕḻé'egekle' neda' chawe', bi žébekza'. Ḻa'kze žon byéngake' tíḻ-ḻena' ḻégake', neda' wx̱én ḻáže'kza' Dios.
14306	PSA 27:4	To da' ẕnnabla' X̱anžo Dios. Toze da' ẕdan ḻaža'a, dan' naken soa' liž X̱anžon' yógo'te ža soa' nbana', nich wláb ḻaža'a ka nak yeḻa' ẕen che X̱anžon', na' wcháḻjḻena' Ḻe' ḻo yodo' la'y chie'.
14308	PSA 27:6	Naž gone' ga wzex̱jwa' benne' ka' bi ẕḻé'egekle' neda' chawe', benne' ka' zej nyechjle' neda'. Ḻo yeḻa' žebele gota' biado' ka' ḻo bkog la'y chie'. Goḻkza', na' wká'n ẕenkza' X̱anžon'.
14309	PSA 27:7	X̱ana' Dios, benle chi'a kate' žḻiža' Le'. Beyache' ḻaže'l neda', na' bechebe chia'.
14310	PSA 27:8	Ḻo yichj ḻáẕda'wa' benla' chi'o, na' wnnó': “Da ga zoa' ni.” Yida' gan zo' Le', X̱ana' Dios.
14312	PSA 27:10	Ḻa'kze wsangak x̱a x̱na'a neda', yeka'akze X̱anžo Dios neda'.
14313	PSA 27:11	Bsedle neda' da' žak ḻažo'o gona', X̱ana' Dios, na' bḻoe'el neda' da' naken ḻi ḻaže' da' žaḻa' gona', dan' zej nyan benne' ka' bi ẕḻé'egekle' neda' chawe'.
14315	PSA 27:13	X̱anžo Dios bchebe ḻaže'e ḻe'ela' da' chawe' chie' gan sóateza' nbana'. Chela' bi žejḻi'a da' ni, na' gat ni'a na'a.
14316	PSA 27:14	Le kwez ža yeḻá' X̱anžon'. Le gon choch ḻáže'le, na' Ḻe' wzé choche' ḻe'e. O', le kwez ža yeḻá' X̱anžon'.
14317	PSA 28:1	X̱ana' Dios, žḻiža' Le'. Le' žape chi'ikzo' neda'. Bze nag chi'a dan' cha' bi yenlo' chia' gaka' ka to benne' žoe'e ḻo yi' gabíl.
14321	PSA 28:5	Dan' bi wdápegake' ba la'ne da' ben X̱anžon', na' kege dan' bene' ḻen na'kze', Ḻe' wžía yi'e benne' ka', na' wdíe' ḻégake' ḻo da' sáka'ḻe'egake'.
14322	PSA 28:6	¡Ga'n ẕen X̱anžo Dios, Bennen' benle' chi'a katen' bḻiža'-ne'!
14323	PSA 28:7	X̱anžo na'kze ẕze choche' neda', na' žape chi'e neda'. Bx̱en ḻaža'a Ḻe', na' gókḻene' neda'. Che ḻen yebéḻe'ela', na' goḻkza', na' wká'n ẕenkza' Ḻe'.