13950	PSA 2:1	¿Biẕ chen' ẕži'igak benne' yógo'te yež ka' che Dios? ¿Biẕ chen' ẕlab ḻáže'gak benne' ka' da' ẕzoan Ḻe' cheḻa'ale?
13952	PSA 2:3	Ẕnnágake': “Yebéj kwinžo ḻo ná'gake', na' wzoažo cheḻa'ale da' bchí'igekle' žo'o.”
13955	PSA 2:6	Ẕnne': “Ḻo ya'a la'y chia', Ya'a Sión ba bzoa' Bennen' nna bi'e ḻo wlaza' neda'.”
13956	PSA 2:7	Ẕnna Bennen': “Wzenla' ḻe'e da' gož X̱anžon' neda'. Gože' neda': Le' nako' Ẕi'na'. Na'a ža naka' x̱o'.
13958	PSA 2:9	Wchinnjo' yež ka' ḻen to bar ya, na' ka to že'e yo wzoẕjo' ḻégaken.”
13964	PSA 3:3	Benne' zante ẕnnégake' chia', na' ẕnnágake': “Bi yeslá Dios ḻe'.”
13973	PSA 4:3	Ẕnna Dios: “Ḻe'e, benne' ka', ¿to chi'ize wzoale neda' cheḻa'ale? ¿To chi'ize ží'ilele da' bi be zaka', na' chejḻe'le da' wen ḻaže'?”
13977	PSA 4:7	Benne' zante ẕnnágake': “¿Noẕ benne' gon chawe'e neto'?” Ḻo yeḻa' ži'i ḻaže' chio' bwia neto', X̱anto' Dios.
13996	PSA 6:4	Že' zede yichj ḻáẕda'wa', na' Le', X̱ana' Dios, ¿batx̱ gákḻeno' neda'?
13998	PSA 6:6	Gan zej nnita' benne' gat ka', bi žejsá' ḻaže' no benne' Le'. Ḻo latje chegak benne' gat ka', ¿noẕ benne' wká'n ẕene' Le'?
14026	PSA 8:5	na' ẕnnaba': ¿biẕkze zej nak benne' ka', dan' že' ḻažo'o ḻégake'? ¿Biẕkze zej nak benne' ka', dan' ži'o wnné yoe chégake'?
14053	PSA 10:1	X̱ana' Dios, ¿biẕ chen' zo' zi'to'? ¿Biẕ chen' ẕkache' kwino' kate' ẕzáka'gak benách chio' ka'?
14058	PSA 10:6	Ḻo yichj ḻáẕda'we' ẕnne': “Bi be gak wsejw x̱neza'. Batkle bi gak chia' da' bi naken chawe'.”
14063	PSA 10:11	Ḻo yichj ḻáẕda'we' ẕnne': “Naḻ ḻaže' Dios benne' ki. Bkache' ḻawe', na' bi ḻe'ele' da' žona'.”
14065	PSA 10:13	¿Biẕ chen' ẕzoagak benne' wen da' ẕinnj ka' Dios cheḻa'ale? Ḻo yichj ḻáẕdo'gake' ẕnnágake': “Bi yezí' wzón Dios neda'.”
14071	PSA 11:1	Žx̱en ḻaža'a X̱ana' Dios. ¿Biẕ chen' že'gak benách ka' neda': “Bẕonnj, wyéj ḻaw ya'a ka to byinne”?
14073	PSA 11:3	Chela' kwasgak da' ka' ẕzoagak chochen da' chawe', ¿biẕkze gongak benne' chawe' ka'?
14082	PSA 12:5	Benne' ka' ẕnnágake': “Da' ẕchaḻjžo gákḻenen žo'o. Wchaḻjžo kan žénelžo. ¿Noẕkze benne' wchi'le' žo'o?”
14083	PSA 12:6	San ẕnna X̱anžo Dios: “Na'a ḻa'kza' neda' dan' žsáka'gake' benne' yache' ka', benne' ka' ẕbeže ḻáže'gake', na' yeslá' benne' ka' žénegekle' bi da' gona'.”
14088	PSA 13:2	¿To chi'ize gaḻ ḻažo'o neda', X̱ana' Dios? ¿Gaḻ ḻáže'tezo' neda'? ¿To chi'ize biž ḻe'elo' neda'?
14089	PSA 13:3	¿To chi'ize gon byene soela' da' ẕzaka'a? ¿To chi'ize gak nyache' ḻaža'a dot ža dot yel? ¿To chi'ize nna bia'gak benne' yichj ža'a ka' neda'?
14091	PSA 13:5	na' nich bi nna bennen' bi ẕḻe'ele' neda' chawe', bi nne': “Ba bzex̱jwa' ḻe'.” Benne' ka' bi ẕḻé'egekle' neda' chawe' yebégekle' cha' chejchaza' ḻo da' bi nak chawe',
14093	PSA 14:1	Benne' ḻaẕdo' zide ka' ẕza' ḻáže'gake', na' ẕnnágake': “Bi zoa Dios.” Benne' ki zej nchix̱le yichj ḻáẕdo'gake', na' žóngake' da' bi naken chawe'. Bi zoa no benne' žone' da' naken chawe'.
14096	PSA 14:4	¿Bi žejní'igekle benne' ka' žóngake' da' ẕinnj? Ẕzóẕjgake' benne' chia' ka' ka ẕzoẕj to benne' yet da' žawe', na' bi žákbe'egekle' zoa X̱anžo Dios.
14100	PSA 15:1	X̱ana' Dios, ¿noẕkze benne' gak soe' gan zo' Le'? ¿Noẕkze benne' gak soe' latje la'y chio'?
14106	PSA 16:2	Ḻo yichj ḻáẕda'wa' žapa' Le', X̱ana' Dios: “Le' nako' X̱ana'. Bi be da' chawe' žata' chia' da' bi zan' ḻo no'o.”
14177	PSA 18:47	¡Ga'n ẕen X̱anžo Dios! ¡Ga'n ẕene' dan' žákḻene' neda'! ¡Ga'n ẕen Dios, Bennen' žeslé' neda'!
14220	PSA 21:14	¡Ga'n ẕen Le', X̱anto' Dios, ḻo yeḻa' waḻe chio'! Góḻtezeto', na' wká'n ẕéntezeto' Le' ni'a che yeḻa' wak chion'.
14222	PSA 22:2	Dios chia', Dios chia', ¿biẕ chen' wléj yichjo' neda'? ¿Biẕ chen' bi ženlo' kate' ẕnnabla' Le' yesló' neda'?
14229	PSA 22:9	“Bx̱en ḻaže'e X̱anžon' nich yeslé' ḻe'. Yeslé' ḻe' cha' žaz ḻaže'e ḻe'.”
14244	PSA 22:24	Ḻe'e, benne' ka' ẕžébele X̱anžon': ¡Le wká'n ẕene' Ḻe'! ¡Le wká'n ẕene', ḻe'e, ẕa'só Jakob! ¡Le žebe Ḻe', ḻe'e, ẕa'só Israel ka'!
14261	PSA 24:3	¿Noẕkze benne' gak kwene' ya'a che X̱anžon'? ¿Noẕkze benne' gak choe'e yodo' la'y chie'?
14266	PSA 24:8	¿Noẕkzen' Benne' Wnná Bia' Ẕente ni? Nake' X̱anžon', Benne' waḻe, na' nape' dot yeḻa' wak. Nake' X̱anžon', Bennen' ẕzoele' ḻo wdiḻe.
14268	PSA 24:10	¿Noẕkzen' Benne' Wnná Bia' Ẕente ni? Nake' X̱anžon', Bennen' ẕnna bi'e gáte'teze. Ḻe' nake' Benne' Wnná Bia' Ẕente na'.
14280	PSA 25:12	¿Zoa no benne' ẕžebe' Le', X̱anto' Dios? Le' wsedlo' bennen' da' žaḻa' gone'.
14310	PSA 27:8	Ḻo yichj ḻáẕda'wa' benla' chi'o, na' wnnó': “Da ga zoa' ni.” Yida' gan zo' Le', X̱ana' Dios.
14322	PSA 28:6	¡Ga'n ẕen X̱anžo Dios, Bennen' benle' chi'a katen' bḻiža'-ne'!
14334	PSA 29:9	Chi'i X̱anžon' žx̱izen yag waḻe ka'. Ẕchiben x̱laggak yag ka', na' ḻo yodo' chie' ẕnnagak yógo'te benne' ka': “¡Ga'n ẕen Dios!”
14341	PSA 30:5	Le goḻ che X̱anžon', ḻe'e nakle benne' chekze' Ḻe'. Le ye' Ḻe' “žóx̱keno'”, na' bejsá' ḻaže' nake' la'y.
14346	PSA 30:10	¿Biẕkze yeḻa' ba nez gaken chio' cha' gata' neda', na' choa'a yežw ba? ¿Wká'n ẕena' Le' kate' ba naka' bix̱te yo? ¿Wak wzenla' no benne' da' naken dot da' li chio'?
14371	PSA 31:22	¡Ga'n ẕen X̱anžo Dios! Ḻo yeḻa' žeyache' ḻaže' chie' bene' da' ẕen nich gókḻene' neda' to ḻo yež gan gok wdiḻe.
14372	PSA 31:23	Kate' gok da' bcheben neda' wnnía': “Zoa' gan bi ẕḻe'ele X̱ana' neda'”, san Le' benlo' chi'a katen' góta'yoela' Le', na' bḻiža' Le'.
14382	PSA 32:8	Ẕnna X̱anžon': “Wḻoe'ela' le' nez gan žaḻa' tio'. Wsedla' le', na' wzejni'ila' le' da' žaḻa' gono'.
14383	PSA 32:9	Bi gako' ka to bžina' o to burrw, bia ka' bi žejní'igeklba', bia ka' žon byenen nna biá'gako'-ba', na' ko'o ya žoá'agakba' nich góngakba' ka žénelo' le'.”
14386	PSA 33:1	¡Le yebele ḻe'e, benne' chawe' ka', ḻaw X̱anžo Dios! Yeḻa' ẕka'n ẕen Dios chegak benne' chawe' ka' nakḻe'en x̱tan ḻawe' Ḻe'.
14387	PSA 33:2	¡Le wká'n ẕen Dios ḻen da' žinnle! ¡Le goḻ chie' ḻen da' žóḻ-ḻento' da' ze chi do chen!
14388	PSA 33:3	¡Le goḻ chie' Ḻe' to da' kob! ¡Le goḻ chawe', na' chinnle ḻen yeḻa' žebele!
14420	PSA 34:13	¿Noẕ benne' ládjwle ḻe'e žénele' soakze' nbane', bennen' žénele' soe' yiz zan nich ḻe'ele' da' chawe'?
14440	PSA 35:10	Yógo'te žit yoa'a nnágaken: “X̱anto' Dios, ¿noẕkze benne' nake' ẕen ka nako' Le'? Žesló' benne' yache' ḻo na' benne' nakže' waḻe ka ḻe', na' benne' žiážjele' ḻo na' benne' ẕbane' da' do' da' den chie'.”
14447	PSA 35:17	X̱ana' Dios, ¿to chi'ize wíazo' da' žóngake'? Beslá neda' ḻo na'gak benne' ka' ẕžia yí'gake' neda', benne' ka' zej nake' ka bež yix̱e' ka'.
14448	PSA 35:18	Yapa' Le' “Žóx̱keno'” gan zej ndobe benne' chio' ka'. Wká'n ẕénteza' Le' ladjw benne' zan ka'.
14451	PSA 35:21	Ben dítjgekle' neda', na' wnnágake': “Ba bḻe'elto' da' bene'.”
14455	PSA 35:25	Bi go'o latje nnágake': “Ba gok da' wzé ḻáže'žo”, na' bi nnágake': “Ba bzéx̱jwžo ḻe'.”
14457	PSA 35:27	Ben ga goḻgak, na' yebégekle benne' ka' ẕḻé'egekle' neda' chawe', nich nnágakkze': “¡Ga'n ẕen X̱anžon'!” Bennen' žak ḻaže'e ga'n chawe' benne' wen žin chie'.
14536	PSA 39:2	Neda' wnnía': “Gon chi'a binlo kwina' nich bi gona' doḻa' ḻo da' wchaḻja'. Gon chi'a binlo da' wchaḻja', x̱ak zoa benne' wen da' ẕinnj gan zoa' neda'.”
14539	PSA 39:5	“X̱ana' Dios, bḻoe'el neda' da' gak chia', na' baḻ ža soa' nbana'. Bzejní'il neda' bayén batx̱ gata'.
14541	PSA 39:7	“Da' li zej nak benne' ka' ka to ẕóḻdo'ze. Da' likze dáche'ze zej že' benne' ka' wnné yoe ni'a che yeḻa' nban chégake'. Ẕdan ḻáže'gake' yeḻa' wnni'a, na' bi zej nnezle' no benne' gaken chie'.
14542	PSA 39:8	Na'a, X̱ana' Dios, ¿biẕkze wx̱én ḻaža'a? Toze Le' žaḻa' wx̱én ḻaža'a.
14547	PSA 39:13	“Benle da' ẕnnabla' Le', X̱ana' Dios, na' bze nag da' žḻiža' Le'. Bi so' žize kate' zoa' ẕbeža' ḻawo' Le' dan' naka' neda' ḻawo' Le' ka to benne' ẕdaze' yežlyó. Naka' ka to byinne ẕdezba' kan gokgak x̱a x̱na' wdé chia' ka'.
14548	PSA 39:14	Bi be gono' chia' to chi'ize nich gata' latje yezí' ḻaža'a, dan' ḻa' yeza'tia' yežlyó nga, na' biž soa'.”
14556	PSA 40:8	Naž wnnía': “Bwia nga, za'a neda'. Nyejw ḻe'e yiche la'y ka nak chia'.
14557	PSA 40:9	Žaz ḻaža'a gona' da' žak ḻažo'o Le', Dios chia', na' da' wnnakzo' Le' yo'on ḻo yichj ḻáẕda'wa'.”
14565	PSA 40:17	Ben ga yebégekle, na' soagak ḻo yeḻa' ba nez benne' ka' žx̱en ḻáže'gake' Le', na' nnégakkze benne' ka' zej nži'ile' Le', Benne' Weslá chégake'. Nnágake': “¡Ga'n ẕen X̱anžon'!”
14571	PSA 41:5	Wnnía': “X̱ana' Dios, beyache' ḻaže'l neda'. Beyón be' da' nakkza' dan' bena' doḻa' kate' bži'a chio' Le'.”
14572	PSA 41:6	Benne' ka' bi ẕḻé'egekle' neda' chawe' ẕnnégake' chia', na' ẕnnábgake': “¿Batx̱ gat benne' ni, na' gak gaḻ ḻáže'to' ḻe'?”
14575	PSA 41:9	“Ba de'e to yižwé' da' goten ḻe', na' biž yeyase' gan die'.”
14580	PSA 41:14	¡Ga'n ẕen X̱anžon'! Nake' Dios chegak benne' Israel ka' yógo'te yiz nníta'gake', na' to chi'ize. Ka'kze naken, na' ka'kze gaken.
14583	PSA 42:3	Ẕbiḻe be' da' nakkza' dan' naken chio', Dios ban. ¿Batx̱ gak yida' nich ḻa'a ḻawo' Le', Dios?
14584	PSA 42:4	Nis da' ẕbeža' goken ka yet žawa' dot ža, na' yel, na' ẕnnábgekle' neda' yógo'te ža, na' ẕnnágake': “¿Ganẕkze Dios chio'?”
14586	PSA 42:6	¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Ḻe' da' yoble. Nake' Benne' Weslá chia', na' Dios chia'.
14590	PSA 42:10	Yapa' Dios: “Le' žape chi'o neda'. ¿Biẕ chen' naḻ ḻažo'o neda'? ¿Biẕ chen' žak nyache' ḻaža'a dan' benne' bi ẕḻe'ele' neda' chawe' žsake'e neda'?”
14591	PSA 42:11	Žlagak žit yoa'a dan' benne' ka' bi ẕḻé'egekle' neda' chawe' žon dítjgekle' neda'. Tža tža ẕnnábgekle' neda', na' ẕnnagake': “¿Ganẕkze Dios chio'?”
14592	PSA 42:12	¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Le' da' yoble. Nake' Benne' žeslé' neda', na' Dios chia'.
14594	PSA 43:2	Nako' Le' Dios chia', na' ẕzoa chocho' neda'. ¿Biẕ chen' bsan ḻažo'o neda'? ¿Biẕ chen' žak nyache' ḻaža'a dan' benne' bi ẕḻe'ele' neda' chawe' žsaka' zi'e neda'?
14597	PSA 43:5	¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Le' da' yoble. Nake' Benne' žeslé' neda', na' Dios chia'.
14617	PSA 44:20	¿Biẕ chen' bzo' neto' cheḻa'ale lo latj chegak bia snia ka', na' bzo' neto' gan za' gatto'?
14619	PSA 44:22	¿bi žaḻa' ža'a Dios neto' ni'a che da' ki? Ḻe' nnézkzele' da' yo'o ḻo yichj ḻáẕdo'gak benne' ka'.
14621	PSA 44:24	¡Bebán, X̱anto' Dios! ¿Biẕ chen' ẕtaso'? ¡Bebán! ¡Bi so' zi'to' to chi'ize!
14622	PSA 44:25	¿Biẕ chen' bkache' kwino', na' bi žákbe'elo' kan ẕzáka'ḻe'eto', na' kan ẕkóngekle benne' ka' neto' žin?
14624	PSA 44:27	¡Wzó ža'! ¡Gokḻen neto'! ¡Ḻo yeḻa' žeyache' ḻaže' chio', beslá neto'!
14653	PSA 46:11	Ẕnna Dios: “Le soa žize, na' le nnezle naka' Dios. Napža' yeḻa' wak ka da' zej nape yógo'te yež ka'. Napža' yeḻa' wak ka da' zej nape benne' dot yežlyó.”
14656	PSA 47:2	¡Le kapa' na'le, ḻe'e, yógo'te benne' ka'! ¡Le wká'n ẕen Dios ḻen yeḻa' žebele!
14661	PSA 47:7	¡Le goḻ da' wká'n ẕenle Dios! ¡Le goḻ! ¡Le goḻ da' wká'n ẕenle Bennen' ẕnna bi'e žo'o!
14662	PSA 47:8	Dios nake' Benne' Wnná Bia' Ẕen dot ḻo yežlyó nga. ¡Le goḻ chie' ḻen dot yeḻa' žejní'il chele!
14685	PSA 49:6	¿Biẕ chen' žon byenen žeba' ḻo ža che da' zede, kate' nyechjlen neda' da' ẕinnj da' žongak benne' ka' bi ẕḻé'egekle' neda' chawe'?
14705	PSA 50:5	Ẕnne': “Le wtób benne' chia' ka', benne' ka' bénḻengake' neda' to diža', dan' bzoa chóchgake' ḻen žen chegak biado' ka'.”
14707	PSA 50:7	Ẕnne': “Le yenle, benne' chia' ka', na' wchaḻja'. Le wzé nag, benne' Israel ka', na' nnia' da' yesbaga'a ḻe'e ẕia. Neda', Dios, naka' Dios chele.
14713	PSA 50:13	¿Žon byenen gawa' x̱péḻa'gak bež ka', cha' ye'ja' žen chegak chibo byo ka'?”
14715	PSA 50:15	Ḻezka' ẕnne': “Bḻiž neda' ḻo ža katen' gak da' wžía yin' benách ka', na' yeslá' le', na' le' gapo' neda' ba la'ne.”
14716	PSA 50:16	Dios ži'e no benne' wen da' ẕinnj: “¿Žeklo' ẕchaḻjo' le' kan nak da' wnnakza' neda', na' ẕnnio' che x̱tiža'a dan' bénḻena' benách chia' ka'?
14723	PSA 50:23	Bennen' ko'e ḻawa' da' wká'n ẕene' neda' gape' neda' ba la'ne, na' bennen' ẕzoa choch kwine' nich gone' da' chawe', wḻoe'ela' ḻe' zoa' yeslá' ḻe', na' naka' Dios chie'.”
14747	PSA 52:3	¿Ẕka'n ẕen kwino', benne' waḻe, ni'a che da' ẕinnj da' beno' dan' zóateze yeḻa' žeyache' ḻaže' che Dios?
14753	PSA 52:9	“Le wia nga, benne' ni bi bx̱en ḻaže'e Dios nich gape chi'e ḻe'. Bx̱en ḻáže'kze' yeḻa' wnni'a ẕenḻe'e chie', na' nga'nze' ḻo da' bi nak chawe' da' žone'.”
14757	PSA 53:2	Benne' yaḻ ḻaže' ka' ḻo ḻáẕdo'gake' ẕnnágake': “Bi zoa Dios.” Yógo'tie' zej nbage'e ẕia, dan' béngake' da' ẕinnj. Bi zoa no benne' žone' da' naken chawe'.
14760	PSA 53:5	Ẕnna Dios: “¿Bi žejní'igekle benne' wen da' ẕinnj ka'? Že'j žáwgake' da' ẕbángake' chegak benách chia' ka', na' bi žénegekle' gónbia'gake' neda'.”
14778	PSA 55:7	Wnnía': “Chela' gonno' chia' x̱il ka' ka zej nak x̱il bsia, tia' ḻo be'ze gan yezí' ḻaža'a.
14780	PSA 55:9	Gon byena' bi be gon chia' be' bdone', na' be' waḻe.”
14800	PSA 56:5	Žx̱en ḻaža'a Ḻe', na' ẕka'n ẕena' x̱tiže'e. Žx̱en ḻaža'a Ḻe', na' biž ẕžeba'. ¿Biẕkze gak gongak benne' ka' chia' neda'?
14804	PSA 56:9	Nnézkzelo' Le' ka žẕonnja' ḻawgak benne' ka'. Bejsá' ḻaže' nis da' ba wžeža'. ¿Bi zej nyejwn ḻe'e yiche chio'?
14807	PSA 56:12	Žx̱en ḻaža'a Dios, na' biž ẕžeba'. ¿Biẕkze gak gongak benne' ka' chia' neda'?
14815	PSA 57:6	¡Ga'n ẕen Le' ya'abá, Dios! ¡Yeḻa' ẕen chio' ẕžinen dot yežlyó!
14821	PSA 57:12	¡Ga'n ẕenkzo' ya'abá, Dios! Yeḻa' ẕen chio' ẕžinen dot yežlyó.
14823	PSA 58:2	¿Ẕchaḻjle da' nak chawe', ḻe'e, benne' wnná bia' ka'? ¿Ẕchi'a ḻáže'le benne' chia' ka' ka nakkzen?
14833	PSA 58:12	Naž nna bennen': “Dekze laẕjw benne' chawe'. Dios ẕchi'a ḻáže'kze' benne' yežlyó ka'.”
14841	PSA 59:8	Bwia nga, da' ẕcháḻjgake' naken ka da' žeyébgake'. Diža' ẕnnágake' zej naken ka ya ntoche' ka'. Ẕẕnnágake': “Bi zoa no benne' yenle' chežo.”
14859	PSA 60:8	Ḻo latje la'y chie' wnná Dios: “Yebekzla' neda'. Chisa' chele yežlyó chegak benne' Sikem ka'. Wžix̱a' chele yežlyó dan' žen' kwit yegw Sukot.
14861	PSA 60:10	san yežlyó chegak benne' Moab ka' naken ka to ẕiga' ya da' yožen nis wná'a. Ḻo yežlyó chegak benne' Edom ka' cho'na' ẕela' gole ka'. Si'a ba nez yežlyó chegak benne' Filistea ka'.”
14862	PSA 60:11	¿Noẕkze wchi'e neda' nich tíḻ-ḻena' yež zoa to ze'e sibe dan' žape chi'in yežen'? ¿Noẕkze wchi'e neda' nich tíḻ-ḻena' benne' Edom ka'?
14863	PSA 60:12	¿Kege Le' wchi'o neda', Dios? Le' wléj yichjo' neto', na' bi wyéjḻeno' benne' cheto' ka' ḻo wdiḻe.
14878	PSA 62:4	¿To chi'ize wkwezle da' gonle chia' neda', yógo'tele žon byenle wžía yi'le neda'? Žonle ka žon to benne' ẕchinnje' to ze'e da' zoa bix̱en, o to ḻe'je da' nožon'.
14886	PSA 62:12	To chi'i wnné Dios, na' chope chi'i benla' da' ni. “Che Dios nak dot yeḻa' wak.”
14905	PSA 64:6	Žon byéngake' góngake' da' ẕinnj da' žénegekle', na' ẕbékgake' do yeḻj ka' nich séngake' benne' ka'. Ẕnnágake': “¿Noẕ benne' ḻe'ele' da' žonžo?”
14925	PSA 66:1	¡Le wká'n ẕen Dios ḻo yeḻa' žebele, ḻe'e zoale dot yežlyó!
14926	PSA 66:2	¡Le goḻ ka nak yeḻa' ẕen chie' Ḻe'! ¡Le wká'n ẕene' kate' we ḻawle Ḻe'!
14927	PSA 66:3	Le ye' Dios: “¡Žebáneḻe'elto' che da' beno' ḻe'!” Ni'a che yeḻa' ẕen che yeḻa' wak chio' benne' ka' bi ẕḻé'egekle' Le' chawe' žóngake' ka ẕnna x̱tižo'o.
14944	PSA 66:20	Bi bzoe' cheḻa'ale da' bcháḻjḻena' Ḻe', san beyache' ḻáže'le' neda'. ¡Ga'n ẕen Dios!
14957	PSA 68:5	¡Le goḻ che Dios! ¡Le goḻ salmo ka' che La la'y chie'! ¡Le wká'n ẕen Bennen' ži'e ya'abá! Nzi' ḻe' Jah. ¡Le yebele ḻawe' Ḻe'!
14965	PSA 68:13	¡Bẕónnjgake'! Bẕonnjgak benne' wnná bia' ka' ḻen benne' chégake' ka', benne' žjake' ḻo wdiḻe. No'le ka' bené'egekle' da' gota' chegak benne' ka'.
14969	PSA 68:17	¿Biẕ chen' ẕwíale, ḻe'e, ya'a ẕen ka'? Ẕwíale ya'a na' gan žénele Dios soakze'. Da' likze soakze X̱anžon' ḻaw ya'a na' to chi'ize.
14972	PSA 68:20	¡Ga'n ẕen X̱anžon'! Tža tža žónnḻi'e da' chawe' chie' chežo. Nake' Dios, na' žeslé' žo'o.
14975	PSA 68:23	Wnná X̱anžon': “Gona' ga yežinle lažle, yeza'le ḻaw Ya'a Basán. Gona' ga yeza'le že'l ḻo nisdo', na' yežinle lažle.
14976	PSA 68:24	Wlejle žen chegak benne' ka' ẕdíḻ-ḻengake' ḻe'e, na' beko' chele ka' ḻé'jgakban'.”
14979	PSA 68:27	¡Le wká'n ẕen Dios gan zej ndobe benách chie'! ¡Le wká'n ẕen X̱anžon', ḻe'e nakle ẕa'só Israel!
14985	PSA 68:33	¡Le goḻ che Dios, ḻe'e zoale dot yežlyó! ¡Le goḻ che X̱anžon'!
14986	PSA 68:34	¡Le goḻ che Bennen' ži'e ya'abá na'le, dan' wzóan zga'ale! Le wia nga, nnie' kan ẕnne wzió'.
14988	PSA 68:36	Ẕžébeto' Le', Dios, gan zo' latje la'y chio'. Dios chegak benne' Israel ka', žon chochkzo' benne' chio' ka'. ¡Ga'n ẕen Dios!
15023	PSA 69:35	¡Le wká'n ẕene' Ḻe', ḻe'e zoale ya'abá, na' ḻe'e zoale yežlyó nga, na' ḻe'e zoale ḻawe' nisdo', na' yógo'te da' nníta'gaken yógo'te latje ka'!
15030	PSA 70:5	Benne' ka' žíngake' ḻawo' Le' yebégekle', na' sóagake' ḻo yeḻa' ba nez. Benne' ka' žé'gake' Le' “Žóx̱keno'” dan' besló' ḻégake'. Ẕnnágake': “¡Ga'n ẕen Dios!”
15042	PSA 71:11	Ẕnnágake': “Bzoa Dios ḻe' cheḻa'ale. Le cho'o chejx̱enžo-ne' dan' bi zoa no benne' yeslé' ḻe'.”
15050	PSA 71:19	na' da' chawe' da' nako', da' naken ẕenḻe'e, Dios. Le' beno' da' ka' zej nakḻe'en ẕen. Dios, ¿noẕkze benne' nake' ka nako' Le'?
15086	PSA 73:11	Ẕnnagak benne' wnni'a ka': “¿Biẕkze nnezle Dios? ¿Ẕḻé'ekzle Bennen' zoe' ža'le da' žonžo?”
15104	PSA 74:1	X̱anto' Dios, ¿wléj yichjo' neto' to chi'ize? ¿Ẕžo'o neto', ẕila' chio' ka'?
15111	PSA 74:8	Wnnágake': “¡Wžía yi'žo ḻégake' to chi'ize!” Bzéygake' yógo'te yo'o gan bká'n ẕento' Le' dot ḻo yežlyó chio'.
15113	PSA 74:10	X̱anto' Dios, ¿to chi'ize wchix̱gak benne' ka' neto', benne' ka' žsaka' zí'gake' neto'? ¿To chi'ize nnegak benne' ka' bi ẕḻé'egekle' Le' chawe' che La la'y chio' Le'?
15114	PSA 74:11	¿Biẕ chen' bi be žono' chegak benne' ka'? ¿Biẕ chen' bi ẕžia yi'o benne' wen da' ẕinnj ka'?
15128	PSA 75:2	“Žóx̱keno'”, že'to' Le', Dios: “žóx̱keno'.” Ẕzenlto' benách ka' zóaḻeno' Le' neto', na' beno' da' ka' žóngaken ga žebanlto'.
15129	PSA 75:3	Ẕnna Dios: “Bzoa' ža wchi'a ḻaža'a benne' ka'. Wchi'a ḻaža'a ḻo da' nak chawe'.
15132	PSA 75:6	Bi wx̱én ḻáže'le yeḻa' waḻe chele. Bi gakle benne' ḻaẕdo' zide ka'.”
15142	PSA 76:5	¡Benne' ẕenḻe'e nako' Le'! ¡Nako' waḻže ka ya'a ẕen ka'!
15145	PSA 76:8	Le' nako' Bennen' žaḻa' žébežo. ¿Noẕ benne' gak sie' ḻawo' Le' kate' ẕžo'o?
15158	PSA 77:8	¿Bzoa X̱anžon' žo'o cheḻa'ale to chi'ize, na' biž gákḻene' žo'o?
15159	PSA 77:9	¿Batkle yeyache' ḻáže'le' žo'o? ¿Batkle gone' da' wchebe ḻaže'e gone'?
15160	PSA 77:10	¿Goḻ ḻáže'kze Dios yeyache' ḻáže'le' žo'o? ¿Ẕže'e žo'o nich biž yeyache' ḻáže'le' žo'o?
15164	PSA 77:14	Dios, la'y nak da' ẕchi'lo' neto' gonto'. ¿Zoa yetó Dios nake' benne' ẕen ka nako' Le'?
15190	PSA 78:19	Wnnégake' che Dios, na' wnnágake': “¿Wak gonn Dios da' gawžo ladjw yix̱e' nga?
15191	PSA 78:20	Da' likze wlé'e yej na', na' bžoj nisen', dan' goken ka to yegw ẕen, san, ¿wak gonne' chežo yet, na' gonne' beḻa' da' gawžo?”
15248	PSA 79:5	¿To chi'ize gak ki cheto', X̱anto' Dios? ¿To chi'ize ẕžo'o neto'? ¿To chi'ize gak yeḻa' ẕža'a chio' ka to yi'?
15253	PSA 79:10	dan' nnagak benne' ka': “¿Ganẕkze Dios chegak benne' ka'?” Bezí' wzón benne' ka' bétgake' benne' wen žin chio' ka'.
15261	PSA 80:5	X̱anto' Dios, napo' dot yeḻa' wak. ¿To chi'ize žo'o neto' na' bi yenlo' da' nnablto' Le'?
15269	PSA 80:13	¿Biẕ chen' bkwaso' le'je da' wdáp chi'in lban'? Na'a benne' ka' ẕdégake' ga na' ẕbángake' uba chen.
15283	PSA 81:7	Ẕnna Dios: “Beká'a ywa' da' bdá'gake' x̱kóže'lgak benne' chia' ka'. Beslá' benne' chia' ka' ḻo na'gak benne' ka' bkóngekle' ḻégake' žin.
15291	PSA 81:15	na' ka' gaze wžía yi'a benne' ka' bi ẕḻé'egekle' ḻégake' chawe', na' tíḻ-ḻena' benne' ka' ẕdíḻ-ḻengake' ḻégake'.”
15295	PSA 82:2	Ẕnna Dios: “¿Wchi'a ḻáže'tezle benne' chia' ka' ḻo da' bi nak chawe', na' gaple ba la'ne benne' ka' bebéj yíchjgake' neda'?
15300	PSA 82:7	san gatle ka žatgak yógo'te benne' ka', na' chejchégwle kan žon nóte'teze benne' wnná bia'.”
15306	PSA 83:5	Wnnágake': “Le cho'o, wžía yi'žo benne' ka' nich biž soa yež chégake', na' biž soa no benne' chejsá' ḻaže'e che yež Israel.”
15314	PSA 83:13	dan' wnnagak benne' ki: “Gak chežo yežlyó gan zej nnita' benne' ka' che Dios.”
15339	PSA 85:6	¿To chi'ize žo'o neto'? ¿Žá'akzo' to kwe' to kwe' ẕa'sóto' ka'?
15340	PSA 85:7	¿Biž gono' ga yebelto' da' yoble, nich gaken cheto' yeḻa' ba nez ḻawo' Le'?
15368	PSA 87:4	Ẕnne': “Chejsá' ḻaža'a zej nnita' benne' ka' zej nónbi'e neda' ḻo yežlyó Egipto, na' ḻo yež Babilonia. Le wia nga, ḻo yežlyó Filistea, na' ḻo yež Tiro, na' ḻo yežlyó Etiopía, goljgak benne' ki zej nake' chia' neda'.”
15369	PSA 87:5	Ka nak che yež Sión ẕnne': “Benne' ni, na' bennen' góljgake' ga na', na' neda', Dios ẕente, wzóa chocha' yežen'.”
15370	PSA 87:6	Kate' wláb X̱anžo Dios benne' ka' zej nake' chie', nnakze' Ḻe': “Benne' ni golje' ḻo yežen'.”
15371	PSA 87:7	Benne' ka' žóḻgake', na' benne' ka' ẕyá'agake', nnágake': “Dot da' napa' zan' ḻo yežen'.”
15382	PSA 88:11	¿Ḻen yeḻa' wak che ya'abá gákḻeno' benne' gat ka'? ¿Že'gak benne' gat ka' Le': “Žóx̱keno'”?
15383	PSA 88:12	¿Ẕchaḻjgak benne' ka' zej ngache'e yežw ba che yeḻa' ži'i ḻaže' chio'? ¿Ẕchaḻjgak benne' ka' zej yoe'e latje choḻ chegak benne' gat ka' che da' ḻi ḻaže' chio'?
15384	PSA 88:13	¿Yeyónbia'gak benne' ka' zej yoe'e latje choḻen' ka nak da' ẕente da' žono'? ¿Yeyónbia'gak benne' zej yoe'e gan bi zoa no benne' žesá' ḻaže'e nakkzo' chawe'?
15386	PSA 88:15	¿Biẕ chen' žebéj yichjo' neda', X̱ana' Dios? ¿Biẕ chen' bi ẕwio' neda' nich gákḻeno' neda'?
15394	PSA 89:4	Le' wnnó': “Bena' to diža' ḻen bennen' wžía'. Bchebe ḻaža'a da' gona' che Dabí, wen žin chia'.
15395	PSA 89:5	Goža'-ne': gona' ga sóatezegak ẕa'só' ka', na' gona' ga nna biá'tezgakbe' ḻo wlazo' le'.”
15410	PSA 89:20	Ža ni'te bchaḻjo' da' bḻoe'elo' benne' chawe' ka', benne' wen žin chio' ka', na' wnnó': “Ba wžía' to benne' waḻe ladjw benne' chia' ka'. Bena' ga ẕnna bi'e, na' žákḻena' ḻe'.
15428	PSA 89:38	Yeḻa' wnná bia' chie' sóatezen choch x̱ak zoa byo' ya'abá. Sóatezen choch x̱ak zoa ya'abá.”
15437	PSA 89:47	X̱anto' Dios, ¿to chi'ize bi yenlo' cheto'? ¿To chi'ize ẕža'akzo' neto'?
15440	PSA 89:50	X̱anto' Dios, ¿biž nži'ilo' Dabí kan bchebe ḻažo'o, na' wnnakzo' gono'?
15443	PSA 89:53	¡Ga'n ẕen X̱anžo Dios to chi'ize! Ka' naken, na' ka' gaken.
15446	PSA 90:3	Žono' ga žeyakgak benne' ka' da' gókgake', kate' ži'o ḻégake': “Le yeyák bix̱te yo.”
15454	PSA 90:11	¿Noẕ benne' nnezle' binlo ka nak yeḻa' ẕža'a chio'? ¿Noẕ benne' nnezle' ka nak yeḻa' yichj ža'a chio'?
15456	PSA 90:13	X̱anto' Dios, beyón neto' toze ḻen Le'. ¿To chi'ize želo'? Beyache' ḻaže'l neto', benne' wen žin chio' ka'.
15460	PSA 90:17	X̱anto' Dios, ben chawe' neto'. Ben chawe' žin da' žonto'. ¡O', X̱anto' Dios, ben chawe' žin da' žonto'!
15462	PSA 91:2	wak yi'e Dios: “Le'kze žx̱en ḻaža'a, na' Le' ẕkache' chawo'o neda'. Nako' Dios chia', na' žx̱en ḻaža'a Le'.”
15474	PSA 91:14	Ẕnna Dios: “Yeslá' yógo'te benne' ka' zej nži'ile' neda', na' wkache' chawa'a benne' ka' žechébgake' naka' X̱ángake'.
15476	PSA 91:16	Gona' ga sóagake' nbángake' yiz zante, na' yeslá' ḻégake'.”
15500	PSA 94:3	X̱ana' Dios, ¿to chi'ize gongak benne' wen da' ẕinnj ka' ki? ¿To chi'ize yebégekle benne' ẕbej yíchjgake' Le'?
15501	PSA 94:4	¿To chi'ize wká'n ẕen kwíngake', na' nne zí'gake'? ¿To chi'ize wká'n ẕen kwingak benne' ka' žebéj yíchjgake' Le'?
15504	PSA 94:7	Ẕnnágake': “Bi be ẕḻe'el Dios, X̱angak benne' ka', dan' Dios chegak benne' Israel ka' bi ži'e wnné yoe chégake'.”
15505	PSA 94:8	Le chejní'il, ḻe'e, benne' ḻaẕdo' zide ka', ḻe'e, benne' nat ḻaže' ka'. ¿To chi'ize bi chejní'ilele?
15506	PSA 94:9	Dios bene' nagžo. ¿Bi ženle' da' ẕnnale? Dios bene' yej ḻawžo. ¿Bi ẕḻe'ele' da' žonle?
15507	PSA 94:10	Dios žsaka' zi'kze' benne' yež ka'. ¿Bi tiḻe' ḻe'e? Dios nake' Bennen' ẕzejni'ile' benách ka'. ¿Bi gákbe'ele' da' yo'o yichj ḻáẕdo'le?
15513	PSA 94:16	¿Noẕkze benne' gákḻene' neda' nich tíḻ-ḻenžo benne' wen da' ẕinnj ka'? ¿Noẕkze benne' gónḻene' neda' tẕen nich wžía yi'žo benne' wen da' ẕinnj ka'?
15522	PSA 95:2	Chejžo ḻawe' Ḻe', na' ye'žo-ne': “Žóx̱keno'.” Ḻen yeḻa' žebele goḻžo da' we ḻawžo Ḻe'.
15528	PSA 95:8	Ẕnna X̱anžon': “Cha' žénlele chi'a na'a ža, bi gonle zide ḻáẕdo'le kan bengak x̱a x̱to'le ka' gan nzin' Meriba, na' kan béngake' ḻo ža na' ḻe'e latje dach gan nzin' Masah,
15531	PSA 95:11	Che ḻen, ḻo yeḻa' ẕža'a chia' ben chocha' x̱tiža'a, na' wnnía': bi chó'ogake' gan yezí' ḻáže'gake' tẕen ḻen neda'.”
15541	PSA 96:10	Le ye' yež ka': “Nak X̱anžon' Benne' Wnná Bia' Ẕen. Bzoa choche' yežlyó nga, na' bi gak no benne' wtén'. Wchi'a ḻaže'e benne' ka' ḻo da' naken chawe'.”
15545	PSA 97:1	Nak X̱anžon' Benne' Wnná Bia' Ẕen. ¡Le yebele, ḻe'e zoale yežlyó! ¡Le yebele, ḻe'e zoale žoa'a nisdo'!
15570	PSA 99:5	¡Le wká'n ẕen X̱anžo Dios! ¡Le wzóa ẕible ḻawe' Ḻe' gan ži'e ẕnna bi'e dan' nake' la'y!
15574	PSA 99:9	¡Le wká'n ẕen X̱anžo Dios! ¡Le wzóa ẕible ḻawe' Ḻe' ḻaw ya'a la'y chie', dan' la'y nak X̱anžo Dios!
15578	PSA 100:4	Le cho'o yodo' chie', na' ye'le-ne': “Žóx̱keno'”, na' ḻo ẕchil chen, we ḻawle Ḻe'. Le yi'e: “Žóx̱keno'”, na' le wká'n ẕen La la'y chie'.
15581	PSA 101:2	Žak ḻaža'a gona' da' naken ḻi ḻaže'. ¿Batx̱ yido' gákḻeno' neda'? Dot ḻaža'a goḻkza' ḻo ližkza' neda'.
15612	PSA 102:25	Naž wnnía': “Dios chia', bi goto' neda', kate' bi na' gola'. Le' to chi'ize zo'.”
15673	PSA 104:35	Kwia yi'gak benne' doḻa' ka' nníta'gake' yežlyó nga, na' biž soagak benne' ka' ẕbej yíchjgake' Dios. We ḻawa' X̱anžo Dios ḻen dot da' naka'. ¡Ga'n ẕen X̱anžon'!
15674	PSA 105:1	¡Le wká'n ẕen X̱anžo Dios! ¡Le wká'n ẕen La la'y chie'! Le wzenle benne' yógo'te yež ka nak da' ẕen da' bene'.
15675	PSA 105:2	¡Le goḻ chie'! ¡Le goḻ da' wká'n ẕenle Ḻe'! ¡Le wcháḻj chegak da' ẕente ka' da' bene'!