13952	PSA 2:3	Ẕnnágake': “Yebéj kwinžo ḻo ná'gake', na' wzoažo cheḻa'ale da' bchí'igekle' žo'o.”
13955	PSA 2:6	Ẕnne': “Ḻo ya'a la'y chia', Ya'a Sión ba bzoa' Bennen' nna bi'e ḻo wlaza' neda'.”
13956	PSA 2:7	Ẕnna Bennen': “Wzenla' ḻe'e da' gož X̱anžon' neda'. Gože' neda': Le' nako' Ẕi'na'. Na'a ža naka' x̱o'.
13964	PSA 3:3	Benne' zante ẕnnégake' chia', na' ẕnnágake': “Bi yeslá Dios ḻe'.”
13973	PSA 4:3	Ẕnna Dios: “Ḻe'e, benne' ka', ¿to chi'ize wzoale neda' cheḻa'ale? ¿To chi'ize ží'ilele da' bi be zaka', na' chejḻe'le da' wen ḻaže'?”
13977	PSA 4:7	Benne' zante ẕnnágake': “¿Noẕ benne' gon chawe'e neto'?” Ḻo yeḻa' ži'i ḻaže' chio' bwia neto', X̱anto' Dios.
14026	PSA 8:5	na' ẕnnaba': ¿biẕkze zej nak benne' ka', dan' že' ḻažo'o ḻégake'? ¿Biẕkze zej nak benne' ka', dan' ži'o wnné yoe chégake'?
14028	PSA 8:7	Wnnakzo' nna biá'gake' yógo'te da' ka' beno'. Yógo'ten bdio' ḻo ná'gake':
14058	PSA 10:6	Ḻo yichj ḻáẕda'we' ẕnne': “Bi be gak wsejw x̱neza'. Batkle bi gak chia' da' bi naken chawe'.”
14063	PSA 10:11	Ḻo yichj ḻáẕda'we' ẕnne': “Naḻ ḻaže' Dios benne' ki. Bkache' ḻawe', na' bi ḻe'ele' da' žona'.”
14065	PSA 10:13	¿Biẕ chen' ẕzoagak benne' wen da' ẕinnj ka' Dios cheḻa'ale? Ḻo yichj ḻáẕdo'gake' ẕnnágake': “Bi yezí' wzón Dios neda'.”
14071	PSA 11:1	Žx̱en ḻaža'a X̱ana' Dios. ¿Biẕ chen' že'gak benách ka' neda': “Bẕonnj, wyéj ḻaw ya'a ka to byinne”?
14082	PSA 12:5	Benne' ka' ẕnnágake': “Da' ẕchaḻjžo gákḻenen žo'o. Wchaḻjžo kan žénelžo. ¿Noẕkze benne' wchi'le' žo'o?”
14083	PSA 12:6	San ẕnna X̱anžo Dios: “Na'a ḻa'kza' neda' dan' žsáka'gake' benne' yache' ka', benne' ka' ẕbeže ḻáže'gake', na' yeslá' benne' ka' žénegekle' bi da' gona'.”
14091	PSA 13:5	na' nich bi nna bennen' bi ẕḻe'ele' neda' chawe', bi nne': “Ba bzex̱jwa' ḻe'.” Benne' ka' bi ẕḻé'egekle' neda' chawe' yebégekle' cha' chejchaza' ḻo da' bi nak chawe',
14093	PSA 14:1	Benne' ḻaẕdo' zide ka' ẕza' ḻáže'gake', na' ẕnnágake': “Bi zoa Dios.” Benne' ki zej nchix̱le yichj ḻáẕdo'gake', na' žóngake' da' bi naken chawe'. Bi zoa no benne' žone' da' naken chawe'.
14106	PSA 16:2	Ḻo yichj ḻáẕda'wa' žapa' Le', X̱ana' Dios: “Le' nako' X̱ana'. Bi be da' chawe' žata' chia' da' bi zan' ḻo no'o.”
14134	PSA 18:4	Ẕnnia': X̱anžo Dios žaḻa' wká'n ẕenžo-ne'. Beslé' neda' ḻo na'gak benne' ka' ẕžá'agake' neda'.
14228	PSA 22:8	Yógo'te benne' ka', kate' ẕḻé'egekle' neda', ẕká'ngake' neda' ka'ze. Žsáljwgake' žóa'agake' nich nnégake' chia', na' ẕta yíchjgake', na' ẕnnágake':
14244	PSA 22:24	Ḻe'e, benne' ka' ẕžébele X̱anžon': ¡Le wká'n ẕene' Ḻe'! ¡Le wká'n ẕene', ḻe'e, ẕa'só Jakob! ¡Le žebe Ḻe', ḻe'e, ẕa'só Israel ka'!
14310	PSA 27:8	Ḻo yichj ḻáẕda'wa' benla' chi'o, na' wnnó': “Da ga zoa' ni.” Yida' gan zo' Le', X̱ana' Dios.
14334	PSA 29:9	Chi'i X̱anžon' žx̱izen yag waḻe ka'. Ẕchiben x̱laggak yag ka', na' ḻo yodo' chie' ẕnnagak yógo'te benne' ka': “¡Ga'n ẕen Dios!”
14343	PSA 30:7	Kate' wzóa' chawe' wnnía': bi be gak chia' neda'.
14372	PSA 31:23	Kate' gok da' bcheben neda' wnnía': “Zoa' gan bi ẕḻe'ele X̱ana' neda'”, san Le' benlo' chi'a katen' góta'yoela' Le', na' bḻiža' Le'.
14382	PSA 32:8	Ẕnna X̱anžon': “Wḻoe'ela' le' nez gan žaḻa' tio'. Wsedla' le', na' wzejni'ila' le' da' žaḻa' gono'.
14440	PSA 35:10	Yógo'te žit yoa'a nnágaken: “X̱anto' Dios, ¿noẕkze benne' nake' ẕen ka nako' Le'? Žesló' benne' yache' ḻo na' benne' nakže' waḻe ka ḻe', na' benne' žiážjele' ḻo na' benne' ẕbane' da' do' da' den chie'.”
14451	PSA 35:21	Ben dítjgekle' neda', na' wnnágake': “Ba bḻe'elto' da' bene'.”
14455	PSA 35:25	Bi go'o latje nnágake': “Ba gok da' wzé ḻáže'žo”, na' bi nnágake': “Ba bzéx̱jwžo ḻe'.”
14457	PSA 35:27	Ben ga goḻgak, na' yebégekle benne' ka' ẕḻé'egekle' neda' chawe', nich nnágakkze': “¡Ga'n ẕen X̱anžon'!” Bennen' žak ḻaže'e ga'n chawe' benne' wen žin chie'.
14536	PSA 39:2	Neda' wnnía': “Gon chi'a binlo kwina' nich bi gona' doḻa' ḻo da' wchaḻja'. Gon chi'a binlo da' wchaḻja', x̱ak zoa benne' wen da' ẕinnj gan zoa' neda'.”
14538	PSA 39:4	Gok ḻáẕda'wa' ka to da' žeyen, na' x̱ak blab ḻaža'a chen, goken ka to yi', na' wnnabla' X̱anžon', wnnía':
14556	PSA 40:8	Naž wnnía': “Bwia nga, za'a neda'. Nyejw ḻe'e yiche la'y ka nak chia'.
14565	PSA 40:17	Ben ga yebégekle, na' soagak ḻo yeḻa' ba nez benne' ka' žx̱en ḻáže'gake' Le', na' nnégakkze benne' ka' zej nži'ile' Le', Benne' Weslá chégake'. Nnágake': “¡Ga'n ẕen X̱anžon'!”
14571	PSA 41:5	Wnnía': “X̱ana' Dios, beyache' ḻaže'l neda'. Beyón be' da' nakkza' dan' bena' doḻa' kate' bži'a chio' Le'.”
14572	PSA 41:6	Benne' ka' bi ẕḻé'egekle' neda' chawe' ẕnnégake' chia', na' ẕnnábgake': “¿Batx̱ gat benne' ni, na' gak gaḻ ḻáže'to' ḻe'?”
14574	PSA 41:8	Kate' ẕdobgak benne' ka' bi ẕḻé'egekle' neda' chawe', na' ẕnnétezegake' chia'. Ẕcháḻjḻentezegake' ljéžgake' ka' chia' neda', na' ẕnnágake':
14584	PSA 42:4	Nis da' ẕbeža' goken ka yet žawa' dot ža, na' yel, na' ẕnnábgekle' neda' yógo'te ža, na' ẕnnágake': “¿Ganẕkze Dios chio'?”
14590	PSA 42:10	Yapa' Dios: “Le' žape chi'o neda'. ¿Biẕ chen' naḻ ḻažo'o neda'? ¿Biẕ chen' žak nyache' ḻaža'a dan' benne' bi ẕḻe'ele' neda' chawe' žsake'e neda'?”
14591	PSA 42:11	Žlagak žit yoa'a dan' benne' ka' bi ẕḻé'egekle' neda' chawe' žon dítjgekle' neda'. Tža tža ẕnnábgekle' neda', na' ẕnnagake': “¿Ganẕkze Dios chio'?”
14653	PSA 46:11	Ẕnna Dios: “Le soa žize, na' le nnezle naka' Dios. Napža' yeḻa' wak ka da' zej nape yógo'te yež ka'. Napža' yeḻa' wak ka da' zej nape benne' dot yežlyó.”
14705	PSA 50:5	Ẕnne': “Le wtób benne' chia' ka', benne' ka' bénḻengake' neda' to diža', dan' bzoa chóchgake' ḻen žen chegak biado' ka'.”
14707	PSA 50:7	Ẕnne': “Le yenle, benne' chia' ka', na' wchaḻja'. Le wzé nag, benne' Israel ka', na' nnia' da' yesbaga'a ḻe'e ẕia. Neda', Dios, naka' Dios chele.
14715	PSA 50:15	Ḻezka' ẕnne': “Bḻiž neda' ḻo ža katen' gak da' wžía yin' benách ka', na' yeslá' le', na' le' gapo' neda' ba la'ne.”
14716	PSA 50:16	Dios ži'e no benne' wen da' ẕinnj: “¿Žeklo' ẕchaḻjo' le' kan nak da' wnnakza' neda', na' ẕnnio' che x̱tiža'a dan' bénḻena' benách chia' ka'?
14752	PSA 52:8	Ḻé'egekle benne' chawe' ka' da' ni, na' žébegake'. Wẕížegake' chio' le', na' nnágake':
14757	PSA 53:2	Benne' yaḻ ḻaže' ka' ḻo ḻáẕdo'gake' ẕnnágake': “Bi zoa Dios.” Yógo'tie' zej nbage'e ẕia, dan' béngake' da' ẕinnj. Bi zoa no benne' žone' da' naken chawe'.
14760	PSA 53:5	Ẕnna Dios: “¿Bi žejní'igekle benne' wen da' ẕinnj ka'? Že'j žáwgake' da' ẕbángake' chegak benách chia' ka', na' bi žénegekle' gónbia'gake' neda'.”
14778	PSA 55:7	Wnnía': “Chela' gonno' chia' x̱il ka' ka zej nak x̱il bsia, tia' ḻo be'ze gan yezí' ḻaža'a.
14833	PSA 58:12	Naž nna bennen': “Dekze laẕjw benne' chawe'. Dios ẕchi'a ḻáže'kze' benne' yežlyó ka'.”
14841	PSA 59:8	Bwia nga, da' ẕcháḻjgake' naken ka da' žeyébgake'. Diža' ẕnnágake' zej naken ka ya ntoche' ka'. Ẕẕnnágake': “Bi zoa no benne' yenle' chežo.”
14859	PSA 60:8	Ḻo latje la'y chie' wnná Dios: “Yebekzla' neda'. Chisa' chele yežlyó chegak benne' Sikem ka'. Wžix̱a' chele yežlyó dan' žen' kwit yegw Sukot.
14905	PSA 64:6	Žon byéngake' góngake' da' ẕinnj da' žénegekle', na' ẕbékgake' do yeḻj ka' nich séngake' benne' ka'. Ẕnnágake': “¿Noẕ benne' ḻe'ele' da' žonžo?”
14927	PSA 66:3	Le ye' Dios: “¡Žebáneḻe'elto' che da' beno' ḻe'!” Ni'a che yeḻa' ẕen che yeḻa' wak chio' benne' ka' bi ẕḻé'egekle' Le' chawe' žóngake' ka ẕnna x̱tižo'o.
14975	PSA 68:23	Wnná X̱anžon': “Gona' ga yežinle lažle, yeza'le ḻaw Ya'a Basán. Gona' ga yeza'le že'l ḻo nisdo', na' yežinle lažle.
15030	PSA 70:5	Benne' ka' žíngake' ḻawo' Le' yebégekle', na' sóagake' ḻo yeḻa' ba nez. Benne' ka' žé'gake' Le' “Žóx̱keno'” dan' besló' ḻégake'. Ẕnnágake': “¡Ga'n ẕen Dios!”
15042	PSA 71:11	Ẕnnágake': “Bzoa Dios ḻe' cheḻa'ale. Le cho'o chejx̱enžo-ne' dan' bi zoa no benne' yeslé' ḻe'.”
15086	PSA 73:11	Ẕnnagak benne' wnni'a ka': “¿Biẕkze nnezle Dios? ¿Ẕḻé'ekzle Bennen' zoe' ža'le da' žonžo?”
15090	PSA 73:15	Chela' nnia' neda': wchaḻja' kan ẕchaḻjgak benne' ka', na' wka'na' bénne'do' chio' ka' ka'ze, Dios.
15111	PSA 74:8	Wnnágake': “¡Wžía yi'žo ḻégake' to chi'ize!” Bzéygake' yógo'te yo'o gan bká'n ẕento' Le' dot ḻo yežlyó chio'.
15121	PSA 74:18	Bejsá' ḻaže' da' ni: benne' ka' bi ẕḻé'egekle' Le' chawe' ben dítjgekle' Le', X̱anto' Dios, na' benne' yaḻ ḻaže' ka' wnnégake' che La la'y chio' Le'.
15128	PSA 75:2	“Žóx̱keno'”, že'to' Le', Dios: “žóx̱keno'.” Ẕzenlto' benách ka' zóaḻeno' Le' neto', na' beno' da' ka' žóngaken ga žebanlto'.
15129	PSA 75:3	Ẕnna Dios: “Bzoa' ža wchi'a ḻaža'a benne' ka'. Wchi'a ḻaža'a ḻo da' nak chawe'.
15131	PSA 75:5	Žapa' benne' yaḻ ḻaže' ka': Bi sa' ḻáže'le da' ẕen. Žapa' benne' wen da' ẕinnj ka': Bi wká'n ẕen kwinle.
15157	PSA 77:7	Bsa' ḻaža'a ka nak da' beḻkza' yele ka', na' blab ḻáže'kza' kan zej naken, na' wnnabla' ḻo be' da' nakkza':
15161	PSA 77:11	Naž wnnía': ki žona' dan' yoa'a yižwé'. Che ḻen chejsá' ḻaža'a yógo'te da' ẕente da' ben Dios ẕente ḻo yiz ka' ba wdégaken.
15190	PSA 78:19	Wnnégake' che Dios, na' wnnágake': “¿Wak gonn Dios da' gawžo ladjw yix̱e' nga?
15253	PSA 79:10	dan' nnagak benne' ka': “¿Ganẕkze Dios chegak benne' ka'?” Bezí' wzón benne' ka' bétgake' benne' wen žin chio' ka'.
15283	PSA 81:7	Ẕnna Dios: “Beká'a ywa' da' bdá'gake' x̱kóže'lgak benne' chia' ka'. Beslá' benne' chia' ka' ḻo na'gak benne' ka' bkóngekle' ḻégake' žin.
15295	PSA 82:2	Ẕnna Dios: “¿Wchi'a ḻáže'tezle benne' chia' ka' ḻo da' bi nak chawe', na' gaple ba la'ne benne' ka' bebéj yíchjgake' neda'?
15299	PSA 82:6	Neda' wnnía': nakkzle ḻe'e ka dios ka', na' nakle yógo'tele ka ẕi'nkze Dios ẕente,
15306	PSA 83:5	Wnnágake': “Le cho'o, wžía yi'žo benne' ka' nich biž soa yež chégake', na' biž soa no benne' chejsá' ḻaže'e che yež Israel.”
15314	PSA 83:13	dan' wnnagak benne' ki: “Gak chežo yežlyó gan zej nnita' benne' ka' che Dios.”
15368	PSA 87:4	Ẕnne': “Chejsá' ḻaža'a zej nnita' benne' ka' zej nónbi'e neda' ḻo yežlyó Egipto, na' ḻo yež Babilonia. Le wia nga, ḻo yežlyó Filistea, na' ḻo yež Tiro, na' ḻo yežlyó Etiopía, goljgak benne' ki zej nake' chia' neda'.”
15369	PSA 87:5	Ka nak che yež Sión ẕnne': “Benne' ni, na' bennen' góljgake' ga na', na' neda', Dios ẕente, wzóa chocha' yežen'.”
15370	PSA 87:6	Kate' wláb X̱anžo Dios benne' ka' zej nake' chie', nnakze' Ḻe': “Benne' ni golje' ḻo yežen'.”
15371	PSA 87:7	Benne' ka' žóḻgake', na' benne' ka' ẕyá'agake', nnágake': “Dot da' napa' zan' ḻo yežen'.”
15382	PSA 88:11	¿Ḻen yeḻa' wak che ya'abá gákḻeno' benne' gat ka'? ¿Že'gak benne' gat ka' Le': “Žóx̱keno'”?
15394	PSA 89:4	Le' wnnó': “Bena' to diža' ḻen bennen' wžía'. Bchebe ḻaža'a da' gona' che Dabí, wen žin chia'.
15395	PSA 89:5	Goža'-ne': gona' ga sóatezegak ẕa'só' ka', na' gona' ga nna biá'tezgakbe' ḻo wlazo' le'.”
15410	PSA 89:20	Ža ni'te bchaḻjo' da' bḻoe'elo' benne' chawe' ka', benne' wen žin chio' ka', na' wnnó': “Ba wžía' to benne' waḻe ladjw benne' chia' ka'. Bena' ga ẕnna bi'e, na' žákḻena' ḻe'.
15417	PSA 89:27	Ḻe' yi'e neda': Le' nako' X̱a'. Nako' Dios chia'. Žape chi'o neda', na' žesló' neda'.
15427	PSA 89:37	Wnnía': Sóatezegak ẕa'sóe' ka', na' nna biá'gake' ḻo wlaze' ḻe' ḻawa' neda' x̱ak zoa wbíž.
15446	PSA 90:3	Žono' ga žeyakgak benne' ka' da' gókgake', kate' ži'o ḻégake': “Le yeyák bix̱te yo.”
15462	PSA 91:2	wak yi'e Dios: “Le'kze žx̱en ḻaža'a, na' Le' ẕkache' chawo'o neda'. Nako' Dios chia', na' žx̱en ḻaža'a Le'.”
15474	PSA 91:14	Ẕnna Dios: “Yeslá' yógo'te benne' ka' zej nži'ile' neda', na' wkache' chawa'a benne' ka' žechébgake' naka' X̱ángake'.
15504	PSA 94:7	Ẕnnágake': “Bi be ẕḻe'el Dios, X̱angak benne' ka', dan' Dios chegak benne' Israel ka' bi ži'e wnné yoe chégake'.”
15515	PSA 94:18	Kate' wnnía': zoa' chejchégoa'a, na' Le', X̱ana' Dios, ḻo yeḻa' ži'i ḻaže' chio' gókḻeno' neda'.
15522	PSA 95:2	Chejžo ḻawe' Ḻe', na' ye'žo-ne': “Žóx̱keno'.” Ḻen yeḻa' žebele goḻžo da' we ḻawžo Ḻe'.
15528	PSA 95:8	Ẕnna X̱anžon': “Cha' žénlele chi'a na'a ža, bi gonle zide ḻáẕdo'le kan bengak x̱a x̱to'le ka' gan nzin' Meriba, na' kan béngake' ḻo ža na' ḻe'e latje dach gan nzin' Masah,
15530	PSA 95:10	Choplalj yiz bzoela' benne' ka', na' wnnía': zej nake' benne' žebéj yíchjgake' neda', na' bi žóngake' kan bchi'la' ḻégake'.
15531	PSA 95:11	Che ḻen, ḻo yeḻa' ẕža'a chia' ben chocha' x̱tiža'a, na' wnnía': bi chó'ogake' gan yezí' ḻáže'gake' tẕen ḻen neda'.”
15541	PSA 96:10	Le ye' yež ka': “Nak X̱anžon' Benne' Wnná Bia' Ẕen. Bzoa choche' yežlyó nga, na' bi gak no benne' wtén'. Wchi'a ḻaže'e benne' ka' ḻo da' naken chawe'.”
15578	PSA 100:4	Le cho'o yodo' chie', na' ye'le-ne': “Žóx̱keno'”, na' ḻo ẕchil chen, we ḻawle Ḻe'. Le yi'e: “Žóx̱keno'”, na' le wká'n ẕen La la'y chie'.
15612	PSA 102:25	Naž wnnía': “Dios chia', bi goto' neda', kate' bi na' gola'. Le' to chi'ize zo'.”
15684	PSA 105:11	dan' bene' katen' wnné': “Chele ḻe'e gonna' yežlyó chegak benne' Kanaán ka', dan' gaken to da' wdele ḻo na'gak ẕa'sóle ka'.”
15688	PSA 105:15	Gože' ḻégake': “Bi be gonle chegak benne' ka' wžía', na' bi gonle ẕia benne' ka' ẕcháḻjgake' ḻo wlaza' neda'.”
15719	PSA 106:1	¡Ga'n ẕen X̱anžo Dios! Le ye' X̱anžo Dios: “Žóx̱keno'”, dan' nake' chawe', na' dan' žeyache' ḻáže'tezle' žo'o.
15766	PSA 106:48	¡Ga'n ẕen X̱anžon', Bennen' nake' Dios chegak benne' Israel ka', ža ni'te, na' to chi'ize! Yógo'te benne' ka' žaḻa' nnágake': “Ka'kze gaken.” ¡Ga'n ẕen X̱anžo Dios!
15788	PSA 107:22	Žaḻa' yé'gake' Ḻe': “Žóx̱keno'”, na' gótgake' bia beždo' ka' ḻawe' Ḻe', na' ḻo yeḻa' žebele chégake' žaḻa' góḻgake', na' wzéngekle' benách ka' kan nak da' bene'.
15817	PSA 108:8	Ḻo latje la'y chie' wnná Dios: “Yebekzla' neda'. Chisa' chele yežlyó chegak benne' Sikem ka', na' wžix̱a' chele yežlyó da' žen' kwit yegw Sukot.