14099	PSA 14:7	Ḻa'kze Bennen' yeslé' benne' Israel ka'. Kate' gon X̱anžon' ga yežingak benne' chie' ka', benne' ka' zej ndo'e zíto'le, na' yebégekle ẕa'só Jakob, na' yebéḻe'egekle benne' Israel ka'.
14198	PSA 20:2	Ẕnnabla' X̱anžo Dios yenle' chi'o kate' bi žak chio', na' gape chi'i Dios na'kze che Jakob le'.
14244	PSA 22:24	Ḻe'e, benne' ka' ẕžébele X̱anžon': ¡Le wká'n ẕene' Ḻe'! ¡Le wká'n ẕene', ḻe'e, ẕa'só Jakob! ¡Le žebe Ḻe', ḻe'e, ẕa'só Israel ka'!
14264	PSA 24:6	Ki zej nak benne' ka' ẕbíga'gake' ḻaw Dios, benne' ka' žó'ogake' gan zoa Dios che Jakob.
14587	PSA 42:7	X̱ana' Dios, ba nat ni'a na' be' da' nakkza' ḻo yichj ḻáẕda'wa'. Che ḻen žezá' ḻaža'a chio' kate' ne zoa' ḻo yežlyó yecheḻa'ale yegw Jordán nga, ḻo ya'a Hermón gan že' Ya'a Misar.
14602	PSA 44:5	Le', Dios, nako' Benne' Wnná Bia' chia'. Beslá neto', ẕa'só Jakob.
14650	PSA 46:8	Dios, Bennen' nape' dot yeḻa' wak, zóaḻene' žo'o. Dios na' che Jakob ẕkache' chawe'e žo'o.
14654	PSA 46:12	Dios, Bennen' nape' dot yeḻa' wak, zóaḻene' žo'o. Dios na' che Jakob ẕkache' chawe'e žo'o.
14659	PSA 47:5	Beké'e yežlyó nga ḻo ná'gake', na' bennen' chežo, na' naken to yežlyó x̱tanḻe'e che ẕa'só Jakob ka', benne' ka' nži'ile'.
14676	PSA 48:12	Yebéḻe'egekle benne' ka' nníta'gake' yež Sión. Yebégekle benne' ka' nníta'gake' yež ka' che Judá dan' ẕchi'a ḻáže'kzo' ḻégake'.
14743	PSA 51:20	Ḻo yeḻa' ži'i ḻaže' chio', ben chawe' yež Sión. Beyón ze'e da' žape chi'in yež Jerusalén'.
14762	PSA 53:7	Ẕnnabla' Dios gone' ga žoj ḻo yež Sión da' gákḻenen benne' Israel ka'. Kate' gon Dios ga yeḻa'gak benne' chie' ka' lážgake', yebégekle ẕa'só Jakob ka', na' gak yeḻa' ba nez ẕen chegak benne' Israel ka'.
14847	PSA 59:14	Bžia yi' ḻégake' ḻo yeḻa' ẕža'a chio'. Bžia yi' ḻégake' nich biž nníta'gake'. Ben ga gákbe'egekle' Le' ẕnna bi'o ẕa'só Jakob ka'. Ẕnna bi'o dot yežlyó nga.
14860	PSA 60:9	Yežlyó Galaad naken chia', na' ḻezka' yežlyó chegak ẕa'só Manasés ka'. Yežlyó chegak ẕa'só Efraín ka' naken ka to x̱ḻapa' da' žape chi'in yichja'. Yežlyó chegak ẕa'só Judá ka' naken gan ẕnna bi'a,
14957	PSA 68:5	¡Le goḻ che Dios! ¡Le goḻ salmo ka' che La la'y chie'! ¡Le wká'n ẕen Bennen' ži'e ya'abá! Nzi' ḻe' Jah. ¡Le yebele ḻawe' Ḻe'!
14980	PSA 68:28	Ḻezka' zjak ẕa'só Benjamín ka'. Zej nake' bábzegake' san ẕnna biá'gake'. Ḻezka' zjak benne' zan ẕa'só Judá, na' benne' zan ẕa'só Sabulón, na' benne' zan ẕa'só Neftalí.
14982	PSA 68:30	Dan' nak ẕen yodo' chio' da' zoan ḻo yež Jerusalén, benne' blo ka' kó'ogake' da' zej nape' ḻawo' Le'.
15024	PSA 69:36	Dios beslé' benne' ka' nníta'gake' yež Sión, na' yeyone' yež ka' zej žen' ḻo yežlyó Judá, na' chejnníta'gake' ga na', na' gata' chégake' yežlyón'.
15136	PSA 75:10	san neda' wzenkzla' benne' ka', na' goḻa' da' we ḻawa' Dios che Jakob.
15139	PSA 76:2	Zej nonbia' benne' Judá ka' Dios, na' La la'y chie' nga'nen ẕen ladjw benne' Israel ka'.
15162	PSA 77:12	Chejsá' ḻaža'a da' ẕente ka' da' beno' Le', Jah. O', chejsá' ḻaža'a da' beno' ža ni'te, da' ka' žóngaken ga žebanlto'.
15166	PSA 77:16	Ḻen yeḻa' wak chio' beya'wo' benne' chio' ka', ẕa'só Jakob ka', na' ẕa'só José ka'.
15176	PSA 78:5	Bchi'le' benne' Israel ka' da' žon byenen góngake', na' naken da' žaḻa' gongak ẕa'só Jakob ka'. Bchi'le' x̱a x̱to'žo wdé ka', wzéngekle' ẕí'ngake' ka' ka nak da' wnnakze' Ḻe',
15238	PSA 78:67	Bzoe' cheḻa'ale ẕa'só José ka', na' bi wžíe' ẕa'só Efraín ka',
15239	PSA 78:68	san wžíe' ẕa'só Judá ka', na' Ya'a Sión, dan' nží'iḻe'ele'.
15242	PSA 78:71	Bkwase' ḻe' gan zoe' žape chi'e ẕila' ka', nich gake' benne' wnná bia', benne' gape chi'e benách chie' ka', ẕa'só Jakob ka', benne' ka' zej nake' benne' Israel ka'.
15244	PSA 79:1	X̱anto' Dios, yo'ogak benne' zi'to' ka' ḻo yežlyó chegak benne' chio' ka'. Bcá'ngake' ca'ze yodo' la'y chio'. Bchínnjgake' yež Jerusalén.
15246	PSA 79:3	Bláljgake' žen chegak benne' ka' ka nis ḻo nez ka' che yež Jerusalén, na' bi wzóa no benne' wkache'e ḻégake'.
15250	PSA 79:7	Bžia yí'gake' ẕa'só Jakob ka', na' bchínnjgake' lížgake'.
15258	PSA 80:2	Benle cheto', Dios. Le' žape chi'o benne' Israel ka'. Le' žape chi'o ẕa'só Jwsé ka' ka ẕila' ka'. Ži'o latje blo chio' dan' zoan ḻáwlegak wbás chio' ka' nzi' lágake' kerubín.
15278	PSA 81:2	Ḻen yeḻa' žebele le goḻ che Dios, Bennen' žon choche' žo'o. Ḻo yeḻa' ba nez chele le kwéžeya'a ḻaw Dios chegak ẕa'só Jakob.
15281	PSA 81:5	Naken to da' žon byene gongak benne' Israel ka', dan' bchi'le Dios gongak ẕa'só Jakob ka'.
15282	PSA 81:6	Bzoen' ka to da' wḻoé'elen ẕa'só Jwsé ka' da' ben Dios katen' bžójgake' ḻo yežlyó Egipto, gan benla' to x̱tíža'gak benne' ka' da' bi bejni'ila'.
15309	PSA 83:8	na' benne' Jebal ka', na' benne' Amón ka', na' benne' Amalek ka', na' benne' Filistea ka', na' benne' yež Tiro ka'.
15311	PSA 83:10	Ben chegak benne' ki kan beno' chegak benne' Madián, na' kan beno' che Sísara, na' kan beno' che Jabín žoa'a yegw Sisón,
15329	PSA 84:9	Benle, X̱ana' Dios, da' ẕnnabla' ḻawo' Le'. Le' napkzo' dot yeḻa' wak. Benle cheto', Dios. Nako' Dios che Jakob.
15335	PSA 85:2	Ben chawo'o benne' chio' ka', X̱ana' Dios. Besló' ẕa'só Jakob ka' ḻo na'gak benne' zi'to' ka'.
15366	PSA 87:2	Nží'ižele X̱anžo Dios latje gan ẕchi'a ḻáže'gak benne' ka' nníta'gake' yež Sión, ka nži'ile' yógo'te liž ẕa'só Jakob ka'.
15552	PSA 97:8	Béngekle benne' ka' nníta'gake' yež Sión, na' bebégekle'. Bebégekle benne' ka' nníta'gake' yežlyó Judá, ni'a che da' bchi'a ḻažo'o Le', X̱anto' Dios.
15569	PSA 99:4	Le', Benne' Wnná Bia' Ẕente, nži'ilo' da' nak chawe'. Bzoa chocho' da' naken dot da' li. Beno' da' naken chawe', na' da' naken dot da' li ni'a chegak ẕa'só Jakob ka'.
15609	PSA 102:22	nich wzéngekle' benne' yež Sión ka' kan nak ẕen La la'y che X̱anžo Dios, nich we ḻáwgake' Ḻe' ḻo yež Jerusalén,
15678	PSA 105:5	Ḻe'e, ẕa'só Bran, wen žin che X̱anžon', na' ḻe'e, ẕa'só Jakob, bennen' wžíe', le wsá' ḻaže' chegak yeḻa' wak ka', na' da' ẕente ka' da' bene' Ḻe', na' kan bchi'a ḻaže'e ḻe'e.
15683	PSA 105:10	na' bzoa chochen' ka to da' wnnakze' gon Jakob, dižan' da' žaḻa' góntezegak benne' Israel ka' ka ẕnnan,
15690	PSA 105:17	san bseḻe'e to benne' wnežwe' ḻáwgake', bennen' nake' Jwsé, bi' na' béte'gake'-be' nich gakbe' bi' ndo'w che to benne' zi'to'.
15692	PSA 105:19	na' zejte goḻa' gok li da' wnná Jwsé žaḻa' gaken. Ki goken, bḻoe'el x̱tiža' X̱anžon' wnnabe' da' li.
15693	PSA 105:20	Naž benne' wnná bia' che yežlyó Egipton' bseḻe'e to benne' bsane' Jwsé na'. Bennen' ẕnna bi'e yež zan bsane'-be'.
15696	PSA 105:23	Wdé na' bžingak benne' Israel ka' ḻo yežlyó Egipton', na' wzóa Jakob ḻo yežlyó chegak ẕa'só Kam ka'.
15818	PSA 108:9	Yežlyó Galaad naken chia', na' yežlyó chegak ẕa'só Manasés. Yežlyó chegak ẕa'só Efraín naken ka to ḻapa' da' žape chi'in yichja'. Yežlyó chegak ẕa'só Judá naken gan ẕnna bi'a.
15891	PSA 114:1	Kate' bžojgak benne' Israel ka' ḻo yežlyó Egipto, bžojgak ẕa'só Jakob ḻo yežlyó chegak benne' zi'to' ka'
15892	PSA 114:2	na' gokgak ẕa'só Judá ka to yo'o gan ẕbez Dios, na' gokgak benne' Israel ka' gan ẕnna bi'e.
15893	PSA 114:3	Bḻe'el Nisdo' X̱na da' ni, na' bẕonnjen, na' wdé x̱kože'l yegw Jordán.
15895	PSA 114:5	¿Biẕ gok chio', nisdon', dan' bẕonnjo'? ¿Biẕ gok chio', yegw Jordán, dan' wdío' x̱kože'l?
15897	PSA 114:7	Žẕo' yežlyó ḻaw X̱anžo Dios, ḻaw Dios na' che Jakob.
15935	PSA 116:19	Gonan' ḻa' ḻi'a liž X̱anžo Dios dan' žen' ḻo yež Jerusalén. ¡Ga'n ẕen X̱anžo Dios!
16159	PSA 122:2	Na'a zoažo nga. Zežo lo'ole ze'e da' nyechjlen yež Jerusalén.
16160	PSA 122:3	Jerusalén naken to yež da' béngake', na' naken x̱tanḻe'e, na' že'ḻe'en chawe'.
16163	PSA 122:6	Le nnable Dios wka'ne' chawe' benne' Jerusalén ka'. Ḻe' gon chawe'e benne' ka' zej nži'ile' yežen'.
16164	PSA 122:7	Ẕnnablto'-ne' gone' ga soa yeḻa' ẕga'n chawe' lo'ole ze'e dan' nyechjlen yež Jerusalén. Gon chawe'e benne' ka' zej yoe'e yo'o ẕen ka' chen.
16165	PSA 122:8	Na'a, dan' nži'ila' bi' ljéža'do' ka', na' lježa' ka', ẕnnia': “Gata' yeḻa' ẕga'n chawe' chele ḻo yež Jerusalén.”
16180	PSA 125:2	Kan zej že' ya'a ka' da' nyéchjgeklen yež Jerusalén, ki žon X̱anžo Dios, žape chi'ikze' benne' chie' ka', na'a ža, na' to chi'ize.
16199	PSA 128:5	Ẕnnabla' X̱anžon', Bennen' zoe' Ya'a Sión, gon chawe'e le', nich ḻe'elo' gak chawe' che yež Jerusalén yógo'te ža so' nbano',
16221	PSA 132:2	na' kan nak da' bchebe ḻaže'e gone' chio', dan' bchebe ḻaže'e ḻawo' Le', Dios waḻe che Jakob.
16224	PSA 132:5	na' zejte ba bena' to latje gan ga'n X̱ana' Dios, gan soakze Dios waḻe che Jakob.”
16225	PSA 132:6	Benlto' kak la'y gan yo'o diža' da' bénḻeno' x̱a gole wdé cheto' ka' wzóa ḻo yežlyó Efrata, na' bežéḻ-lton' ḻo yežlyó che bennen' le' Jaar.
16247	PSA 135:4	X̱anžo Dios wžíe' ẕa'só Jakob ka'. Wžíe' ẕa'só Israel ka' nich gákgake' benne' chie' ka'.
16264	PSA 135:21	Ḻe'e zoale yež Sión, ¡le we ḻaw X̱anžo Dios, Bennen' zoakze' yež Jerusalén! ¡Ga'n ẕen X̱anžo Dios!
16295	PSA 137:5	Cha' gaḻ ḻaža'a yež Jerusalén, ẕnnabla' Dios gone' ga wnít na'a ḻi ža yeḻa' waḻ chen.
16296	PSA 137:6	Ẕnnabla'-ne' gone' ga ta' loža'a chichjla' cha' bi chejsá' ḻaža'a che yež Jerusalén, na' cha' bi wká'n ẕenan'. Yežen' naken da' žaz ḻáže'ḻi'a.
16297	PSA 137:7	X̱ana' Dios, bejsá' ḻaže' da' ẕinnj da' bengak benne' Edom ka' ḻo ža katen' bchínnjgake' yež Jerusalén, na' wnnágake': “¡Le wchinnjen! ¡Le wchinnjen, na' zejte ḻo lenen!”
16416	PSA 146:5	Ba nez ẕen naken che bennen', žakḻen Dios che Jakob ḻe', bennen' žx̱en ḻaže'e X̱anžo Dios.
16423	PSA 147:2	X̱anžo Dios yeyone' yež Jerusalén. Yechi'e benne' Israel ka' zej zoe' yež zi'to' ka'.
16433	PSA 147:12	¡Le wká'n ẕen X̱anžo Dios, ḻe'e zoale yež Jerusalén! ¡Le wká'n ẕen Dios chele, ḻe'e zoale yež Sión!
16440	PSA 147:19	Bzejni'ile' Jakob ka nak x̱tiže'e, na' bdie' da' bsedle', na' da' ka' wnnakze' Ḻe' ḻo na'gak benne' Israel ka'.
23214	MAT 1:1	Ẕzoja' ḻe'e yiche ni lagak x̱a x̱na' gole wdé ka' che Jesús, Benne' Criston', Bennen' nake' ẕa'só Dabí, na' ḻezka' ẕa'só Bran, benne' ka' wnnníta'gake' ža ni'te.
23215	MAT 1:2	Bran na' goke' x̱a Isak. Isak na' goke' x̱a Jakob. Jakob na' goke' x̱agak Judá ḻen benne' biche'e ka'.
23216	MAT 1:3	Judá na' goke' x̱agak Fares ḻen Sara. Tamar goke' x̱na'gak chope' ki. Fares na' goke' x̱a Esrom. Esrom na' goke' x̱a Aram.
23221	MAT 1:8	Asa na' goke' x̱a Josafat. Josafat na' goke' x̱a Joram. Joram na' goke' x̱a Usías.
23222	MAT 1:9	Usías na' goke' x̱a Jotam. Jotam na' goke' x̱a Akás. Akás na' goke' x̱a Esekías.
23223	MAT 1:10	Esekías na' goke' x̱a Manasés. Manasés na' goke' x̱a Amón. Amón na' goke' x̱a Josías.
23224	MAT 1:11	Josías na' goke' x̱agak Jekonías ḻen benne' biche'e ka'. Benne' ki wnníta'gake' ža na' katen' benne' Babilonia ka' bché'gake' benne' Israel ka' zej nžeje' gan nbab Babilonia na'.
23225	MAT 1:12	Jekonías na' goke' x̱a Salatiel. Salatiel na' goke' x̱a Sorobabel.
23228	MAT 1:15	Eliud na' goke' x̱a Eleasar. Eleasar na' goke' x̱a Matán. Matán na' goke' x̱a Jakob.
23229	MAT 1:16	Jakob na' goke' x̱a Jwsé. Jwsén' goke' benne' byo che Lia. Lian' goke' x̱na' Jesús, Benne' Criston', Bennen' žx̱en ḻáže'gak benne' judío ka' ḻe'e nich nna bi'e ḻégake'.
23231	MAT 1:18	Ki goken kate' bḻa' Jesús, Benne' Criston'. Katen' ba bchebe ḻaže' Lia, x̱na' Jesús, Benne' Criston', wchág ná'ḻenbe' Jwsé, na' kate' bi na' wchág ná'ḻene'-be', wyó'o to bi'do' ḻe'be'. Ki goken ni'a che yeḻa' wak che Dios Be' La'y.
23232	MAT 1:19	Nak Jwsén', benne' byo che Lian', benne' chawe', san bi gónele' yesbage'e-be' ẕia ḻawgak benách ka'. Gónele' wsane'-be' ži žize.
23233	MAT 1:20	Kate' ne ẕza' ḻaže' Jwsén' kan gone', bḻa' ḻaw to wbás che ya'abá ḻo bichgale gan de Jwsén', na' gože' ḻe': —Jwsé, ẕa'só Dabí. Bi žebo' si'o Lian', nich gakbe' ẕo'lo', dan' bi' byodon' za' galjbe', yo'obe' ḻe'be' ni'a che yeḻa' wak che Dios Be' La'y.
23234	MAT 1:21	Galj to bi' byodo' chebe', na' go'o labe' Jesús, dan' yeslabe' benách chebe' ka' ḻo doḻa' da' zej nbage'e.
23237	MAT 1:24	Kate' bebán Jwsé ḻo bichgalen', bene' kan gož wbás che ya'abán' ḻe', na' wẕi'e Lian', na' gokbe' ẕo'le'.
23238	MAT 1:25	Bi wzóaḻene'-be' na' zejte golj bi' byodo' chebe', bi' nežw chebe', na' bzóagake' labe' Jesús.
23239	MAT 2:1	Kate' golj Jesusen' ḻo yež Belén, yežen' nbaben Judea, ẕnna bia' Herodes ga na'. Kate' ža na' bžingak benne' žejní'il ka' ḻo yež Jerusalén, benne' ka' zej nžoje' to yež zi'to' da' žen' zaka' gan ẕḻa' wbíž.