13956	PSA 2:7	Ẕnna Bennen': “Wzenla' ḻe'e da' gož X̱anžon' neda'. Gože' neda': Le' nako' Ẕi'na'. Na'a ža naka' x̱o'.
13957	PSA 2:8	Wnnable neda', na' gonna' Le' yógo'te yež ka', na' gak chio' dot yežlyó.
13959	PSA 2:10	Na'a, ḻe'e, Benne' wnná bia' ka', le yenle da' ni da' ẕzejni'ila' ḻe'e. Le wsedle da' ni da' ẕzenla' ḻe'e, ḻe'e na' ẕnna bia'le ḻo yežlyó.
13960	PSA 2:11	Le gon da' ẕnna X̱anžo Dios, ḻo yeḻa' ẕžebe chele, na' ḻo yeḻa' žeẕize chele, le yebele ḻawe' Ḻe'.
13961	PSA 2:12	Le gape ba la'ne Ẕi'ne' nich bi že'e, na' bi kwia yi'le ḻo nez chele, dan' ḻa' žá'atie' Ḻe'. Ba nez ẕen naken chegak yógo'te benne' ka' žx̱en ḻáže'gake' Ḻe'.
13965	PSA 3:4	San Le', X̱ana' Dios, žape chi'o neda'. Nako' yeḻa' baní' chia', na' ẕzo' neda' chawe'.
13972	PSA 4:2	Bechebe chia' kate' žḻiža' Le', Dios. Le' ẕchi'a ḻáže'kzo' da' žona'. Kate' wzóa' ḻo da' zede, Le' ben chocho' neda'. Beyache' ḻaže'l neda', na' benle da' ẕcháḻjḻena' Le'.
13975	PSA 4:5	Le žebe ḻaw Dios, na' bi gonle doḻa'. Le wláb ḻaže' chie' kate' dele gan ẕtasle, na' le soa žize.
13976	PSA 4:6	Le got biado' ka' ḻawe' Ḻe' ḻo da' nak chawe', na' le wx̱én ḻaže' X̱anžo Dios.
13978	PSA 4:8	Le' bzo' yeḻa' žebele ḻo yichj ḻáẕda'wa', dan' nakžen ẕen ka da' zej nape benne' ka' zej nápḻi'e ẕoa', na' x̱is uba waḻ.
13979	PSA 4:9	Ḻo yeḻa' ẕga'n chawe' gata'a, na' tasa', dan' ẕnno' Le', X̱ana' Dios, naka' chawe' ḻawo' Le'.
13982	PSA 5:3	Le' nako' X̱ana', na' nako' Dios chia'. Benle da' žḻiža' Le', dan' ẕcháḻjḻenteza' Le'.
13983	PSA 5:4	X̱ana' Dios, chbal-le yenlo' chi'a. Zildo' ḻa'kza' ḻawo' Le', na' kweza' da' yi'o neda'.
13984	PSA 5:5	Nako' Dios bi žaz ḻažo'o da' bi nak chawe'. No benne' žone' da' ẕia bi soakze' gan zo' Le'.
13987	PSA 5:8	san neda' wak choa'a ližo' dan' nží'iḻe'elo' neda'. Wká'n ẕena' Le' ḻo yodo' la'y chio' ḻo yeḻa' ẕžebe.
13988	PSA 5:9	Bsedle neda' gona' da' chawe' ḻawo' Le', X̱ana' Dios, dan' ẕžá'aḻe'egak benne' ka' neda', benne' ka' bi ẕḻé'egekle' neda' chawe'. Bche' neda' nez chawe' chio'.
13989	PSA 5:10	Benne' ki bi ẕnnágake' da' naken da' li. Nža' yichj ḻáẕdo'gake' da' kegle. Lbá'gake' zej naken ka yežw ba ka' chegak benne' gat ka' da' nyáljwgaken. Ẕnnágake' diža' chawe' ka', san žon ḻáže'gake'.
13990	PSA 5:11	Ben zi' benne' ka', Dios. Ben ga chejchégwgake' ni'a che x̱tíža'gakkze'. Dan' nyanḻe'e da' bi nak chawe' da' žóngake', na' dan' bží'igake' chio' Le', bnnita' ḻégake' cheḻa'ale.
13991	PSA 5:12	San yebéḻe'egekle benne' ka' žx̱en ḻáže'gake' Le'. Kwežeyá'gake' ḻo yeḻa' žebele dan' žákḻeno' ḻégake'. Benne' ka' zej nži'ile' Le' yebéḻe'egekle' ḻawo' Le'.
13996	PSA 6:4	Že' zede yichj ḻáẕda'wa', na' Le', X̱ana' Dios, ¿batx̱ gákḻeno' neda'?
13998	PSA 6:6	Gan zej nnita' benne' gat ka', bi žejsá' ḻaže' no benne' Le'. Ḻo latje chegak benne' gat ka', ¿noẕ benne' wká'n ẕene' Le'?
14001	PSA 6:9	Le kwas ga zoa' ni, yógo'tele žonle da' ẕinnj, dan' ženle Dios ẕbéžeḻi'a.
14005	PSA 7:2	X̱ana' Dios, žx̱en ḻaža'a Le'. Beslá neda' ḻo na'gak benne' ka' žsáka'gake' neda', na' gokḻen neda',
14011	PSA 7:8	Benne' yógo'te yež ka' ḻá'gake' ḻawo' Le'. Wnná bia' benne' ka' ḻo yeḻa' ẕen chio'.
14012	PSA 7:9	Le', X̱ana' Dios, wchi'a ḻažo'o benne' yógo'te yež. Bchi'a ḻaže' neda' ka nak da' chawe' dan' bena', dan' bena' ḻo da' nak ḻi ḻaže' chia'.
14021	PSA 7:18	Wká'n ẕena' X̱ana' Dios ni'a che da' chawe' da' žone' na' góḻteza' che La la'y che X̱ana' Dios, Benne' ẕente.
14023	PSA 8:2	X̱anto' Dios, ẕente nak La la'y chio' Le' do ẕente yežlyó. Nakže ẕen yeḻa' ẕen chio' ka ya'abá.
14024	PSA 8:3	Žoḻgak x̱kwide' ka', na' bi'do' že'n ka', ka naken. Yo'o chawo'o gan bi gak ḻa'gak benne' ka' bi ẕḻé'egekle' Le' chawe'. Ẕzoa žio' benne' ka' bi ẕḻé'egekle' Le' chawe', na' benne' ka' ẕzóagake' Le' cheḻa'ale.
14025	PSA 8:4	Kate' ẕwia' ya'abá dan' beno' Le', na' byo', na' belj ka', da' ka' bzo' to ton,
14027	PSA 8:6	Beno' ḻégake' yeláte'ze gax̱jw ka nako' Le', na' bzo' chégake' yeḻa' ẕen, na' yeḻa' ba la'ne.
14031	PSA 8:10	X̱anto' Dios, ẕente nak La la'y chio' Le' do ẕente yežlyó.
14033	PSA 9:2	X̱ana' Dios, dot ḻaža'a wká'n ẕena' Le'. Wzenla' benne' ka' ka nak da' ẕente da' beno'.
14034	PSA 9:3	Yebekzla', na' goḻkza' ka nak chio'. Goḻa' che La la'y chio' Le', nako' Dios ẕente.
14035	PSA 9:4	Bẕonnjgak benne' ka' bi ẕḻé'egekle' neda' chawe'. Bejchégwgake', na' wnítgekle' ḻawo' Le',
14038	PSA 9:7	Wžía yi'gak benne' ka' bi ẕḻé'egekle' neda' chawe'. To chi'ize zej nbia yi' latje chegak benne' ka', na' yež chégake' ka', da' ka' bchinnjo' Le'. Nitó benne' chejsá' ḻaže'e benne' ka'.
14042	PSA 9:11	Benne' ka' zej nónbi'e Le', X̱anto' Dios, wx̱én ḻáže'gake' Le', dan' bi wléj yichjo' benne' ka' žíljgake' Le', X̱anto' Dios.
14043	PSA 9:12	Le goḻ che X̱anžon', Bennen' zoe' yež Sión. Le wzenle benne' yež ka' ka nak da' bene',
14044	PSA 9:13	dan' žejsá' ḻaže'e chegak benne' ka' ẕzáka'gake', na' yezi'e wzón che benne' wetw benách ka'. Bi gaḻ ḻaže'e da' žḻižgak benne' yache' ka' Le'.
14045	PSA 9:14	Beyache' ḻaže'l neda', X̱ana' Dios. Bwia da' ẕzaka'a ḻo na'gak benne' ka' bi ẕḻé'egekle' neda' chawe'. Le' bekó'o neda' ḻo na' yeḻa' got
14046	PSA 9:15	nich wzenla' benne' ka' da' ẕka'n ẕena' Le' gan ẕdóbgake' ḻo yež Sión, na' yebéḻe'ela' dan' besló' neda'.
14051	PSA 9:20	Wzó ža', X̱ana' Dios. Bi go'o latje benne' ka' wká'n ẕen kwíngake'. Ḻa'gak benne' yež ka' ḻawo' Le' nich wchi'a ḻažo'o ḻégake'.
14052	PSA 9:21	X̱ana' Dios, ben ga žébegak benne' ka' Le'. Yeyónbia'gak benne' yež ka' zej nake' benachze.
14055	PSA 10:3	Ẕka'n ẕen kwine' ni'a che da' ẕze ḻaže'e. Ẕnne zi'e bennen' ẕdan ḻaže'e yeḻa' gape, na' ẕka'ne' ka'ze Le', X̱ana' Dios.
14066	PSA 10:14	San Le' bḻe'ekzlo' da' ni, dan' ẕwio' no benne' žone' da' ẕinnj, na' da' bi nak chawe', nich yezi'kzo' wzón benne' ka'. Benne' yache' ka' ẕde kwíngake' ḻo no'o. Le' žákḻenkzo' bi' wzebe ka'.
14069	PSA 10:17	Benno' chegak benne' gax̱jw ḻaže' ka' da' wnnábgekle' Le', X̱ana' Dios. Le' ẕkwezo' yichj ḻáẕdo'gak bénne'do' ka' nich wzé nággake' x̱tižo'o,
14079	PSA 12:2	X̱ana' Dios, beslá benne' chio' ka' dan' biž zoa no benne' žape' Le' ba la'ne, na' bi zoa no benne' ḻi ḻaže' ládjwgak benne' ka'.
14085	PSA 12:8	Le', X̱ana' Dios, ẕwíakzo' benne' chio' ka'. To chi'ize gape chi'o ḻégake' ḻo na'gak benne' ka' zej nnita' ḻo ža na'a ža.
14092	PSA 13:6	san neda' žx̱en ḻaža'a Le' yeyache' ḻáže'lo' neda'. Dot ḻáẕda'wa' žebela' dan' žákḻeno' neda'. Goḻkza' che X̱ana' Dios dan' žon chawe'e neda'.
14100	PSA 15:1	X̱ana' Dios, ¿noẕkze benne' gak soe' gan zo' Le'? ¿Noẕkze benne' gak soe' latje la'y chio'?
14105	PSA 16:1	Bwia neda', Dios, dan' žx̱en ḻaža'a Le'.
14106	PSA 16:2	Ḻo yichj ḻáẕda'wa' žapa' Le', X̱ana' Dios: “Le' nako' X̱ana'. Bi be da' chawe' žata' chia' da' bi zan' ḻo no'o.”
14109	PSA 16:5	X̱anžo Dios ẕwawe' neda' na' nake' da' chawe' chia'. Le', Dios, žape chi'o yeḻa' nban chia'.
14113	PSA 16:9	Che ḻen zoa ḻáẕda'wa' yeḻa' žebél, na' žebéḻe'etezla', na' kate' gacha'a ḻo yežw ba wx̱én ḻaža'a Le'
14114	PSA 16:10	dan' bi wka'no' be' da' nakkza' ḻo latje choḻ chegak benne' gat ka', na' bi go'o latje nitla' dan' nakkza' chio' Le'.
14115	PSA 16:11	Wḻoe'elo' neda' da' žaḻa' gona' nich gata' chia' yeḻa' nban. Gan zo' Le' yebéḻe'etezla', na' kwito' Le' sóateze yeḻa' ba nez ẕen chia'.
14116	PSA 17:1	Bze nag da' ẕnnia', X̱ana' Dios. Benle da' žḻiža' Le'. Wẕí' da' ẕnnabla' Le' ḻo yeḻa' ḻi ḻaže' chia'.
14117	PSA 17:2	Benn latje ḻa'a ḻawo' Le' nich wchi'a ḻažo'o neda', dan' ẕḻe'elo' yógo'te ka zej nakkzen.
14118	PSA 17:3	Le' ẕwíakzo' yichj ḻáẕda'wa', na' ẕḻe'elo' neda' žel. Bwíakzo' da' žona', na' bi be da' ẕinnj bḻe'elo'. Wdape chi'a loža'a nich bi be diža' ka'ze nnia'.
14121	PSA 17:6	Žḻiža' Le', Dios, dan' ženlo' chi'a. Bze nag chi'a, na' benle da' ẕnnia'.
14122	PSA 17:7	Bḻoe'el neda' kan žeyache' ḻáže'ḻe'elo' benách ka'. Beslá benne' ka' žx̱en ḻáže'gake' Le' ḻo na'gak benne' ka' bi ẕḻé'egekle' ḻégake' chawe'.
14130	PSA 17:15	san neda', ḻe'ela' ḻawo' Le' dan' naka' chawe'. Chaz ḻaža'a gaka' ka nakkzo' Le' kate' yebana'.
14132	PSA 18:2	Nži'ila' Le', X̱ana' Dios. Le' ẕzoa chocho' neda'.
14133	PSA 18:3	Le', X̱ana' Dios, nako' ka to yej gan zoa' choch, na' nako' ka to yo'o ẕen gan yo'o chawa'a. Nako' Benne' weslá chia', na' Dios chia'. Le' ẕzoa chocho' neda', na' wx̱én ḻaža'a Le'. Žape chi'o neda', na' žesló' neda', na' ẕkache' chawo'o neda'.
14159	PSA 18:29	Le' wzaljo' yi' chia'. Le', X̱ana' Dios, wza'ni'o chia' gan zoa' ḻo da' choḻ.
14160	PSA 18:30	Yeḻa' wak chio' wžía yin' benne' zanḻe'e, benne' ka' žjake' ḻo wdiḻe. Cha' Le', Dios, sóaḻeno' neda', wak wchinnja' ze'e ka' žape chí'igaken yež ka'.
14180	PSA 18:50	Wká'n ẕena' Le', X̱ana' Dios, ḻawgak benne' yež ka', na' goḻkza' che La la'y chio' Le'.
14181	PSA 18:51	Žono' ga žon to benne' da' ẕen ka', bennen' ẕnna bi'e ḻo wlazo' Le', na' žeyache' ḻáže'lo' bennen' wžío' Le', bennen' nake' Dabí, na' ẕa'sóe' ka', to chi'ize.
14196	PSA 19:15	Žénela' gak da' ẕchaḻja', na' da' zḻab ḻaža'a da' žaz ḻažo'o Le'. X̱ana' Dios, Le' žon chochkzo' neda', na' beya'wo' neda'.
14202	PSA 20:6	Yebéḻe'elto' kate' yeslé' le'. Wchisto' to da' wḻoé'e ḻawn La la'y che Dios chežo. Ẕnnabla' X̱anžon' gone' yógo'te da' ẕnnablo' Ḻe'.
14204	PSA 20:8	Baḻ benne' ka' žx̱en ḻáže'gake' karro ka' che wdiḻe, na' yezíka'že' žx̱en ḻáže'gake' bia waḻe ka', san žo'o žx̱en ḻáže'žo La X̱anžo Dios.
14206	PSA 20:10	Beslá neto', X̱anto' Dios. Le'kze ẕnna bi'o neto'. Benle chi'ito' kate' žḻižto' Le'.
14209	PSA 21:3	Benno' chie' da' wdán ḻaže'e na' bi bžono' da' wnnable' Le'.
14211	PSA 21:5	Wnnable' Le' gonno' chie' yeḻa' nban, na' bennon' chie' nich soakze' yiz zan.
14213	PSA 21:7	Dan' ben chawo'o ḻe' to chi'ize, žono' ga žebéḻe'ele' ḻawo' Le'.
14215	PSA 21:9	Wzetjo' yógo'te benne' ka' bi ẕḻé'egekle' Le' chawe'. Ḻen yeḻa' wak chio' wzex̱jo' benne' ka' ẕží'igake' chio'.
14218	PSA 21:12	dan' wyáz ḻáže'gake' góngake' da' bi naken chawe' ḻawo' Le'. Sa' ḻáže'gake' da' góngake' san bi be sáke'gekle' dan' wlago' ḻégake'.
14220	PSA 21:14	¡Ga'n ẕen Le', X̱anto' Dios, ḻo yeḻa' waḻe chio'! Góḻtezeto', na' wká'n ẕéntezeto' Le' ni'a che yeḻa' wak chion'.
14222	PSA 22:2	Dios chia', Dios chia', ¿biẕ chen' wléj yichjo' neda'? ¿Biẕ chen' bi ženlo' kate' ẕnnabla' Le' yesló' neda'?
14223	PSA 22:3	Dios chia', žḻiža' Le' tža tža, san bi žechebo' chia'. Žḻiža' Le' žel, na' bi žezí' ḻaža'a,
14224	PSA 22:4	san Le' nako' la'y. Ẕbezkzo' gan ẕka'n ẕengak benne' Israel ka' Le'.
14225	PSA 22:5	X̱a x̱na' wdé cheto' ka' bx̱en ḻáže'gake' Le'. Bx̱en ḻáže'gake', na' besló' ḻégake'.
14226	PSA 22:6	Bḻížgake' Le', na' gókḻeno' ḻégake'. Bx̱en ḻáže'gake' Le', na' bi bedoé'egekle',
14230	PSA 22:10	San Le', X̱ana', bex̱o' neda' kate' golja'. Beno' ga bx̱en ḻaža'a Le' kate' ne žaẕa'a.
14240	PSA 22:20	San Le', X̱ana' Dios, bi bkwaso' gan zoa'. Nakkzo' Le' yeḻa' waḻe chia', na' gákḻeno' neda'.
14243	PSA 22:23	Wzenla' bi' ljéža'do' ka' kan nako' Le'. Wká'n ẕenkza' Le' gachje ḻawle benne' ka' zej ndobe' chio' Le'.
14244	PSA 22:24	Ḻe'e, benne' ka' ẕžébele X̱anžon': ¡Le wká'n ẕene' Ḻe'! ¡Le wká'n ẕene', ḻe'e, ẕa'só Jakob! ¡Le žebe Ḻe', ḻe'e, ẕa'só Israel ka'!
14246	PSA 22:26	Gachje ḻawle benne' zan ka', benne' zej ndobe' chio' wká'n ẕenkza' La la'y chio' Le', dan' bchebe ḻaža'a gonan' ḻawgak benne' ka' ẕžébegake' Le'.
14256	PSA 23:4	Ḻa'kze tia' gan de ẕož gata', bi be da' ẕinnj wcheben neda', dan' zóaḻenkzo' Le' neda', X̱ana' Dios. Bar chio', na' breke' chio' gape chí'igaken neda'.
14265	PSA 24:7	Le wsaljw gan žo'ogak benne' ka' yodo'. Le wsaljw gan žo'ogak benne' ka' gan naken la'y, na' cho'o Benne' Wnná Bia' Ẕente.
14267	PSA 24:9	Le wsaljw gan žo'ogak benne' ka' yodo'. Le wsaljw gan žo'ogak benne' ka' gan naken la'y, na' cho'o Benne' Wnná Bia' Ẕente.
14269	PSA 25:1	X̱ana' Dios, ẕcháḻjḻena' Le' dot ḻaža'a.
14270	PSA 25:2	Žx̱en ḻaža'a Le', Dios chia'. Bi go'o latje yedoe'ela'. Bi go'o latje benne' ka' bi ẕḻé'egekle' neda' chawe' wžía yí'gake' neda'.
14271	PSA 25:3	Bi chíx̱gekle benne' ka' žx̱en ḻáže'gake' Le', san yedoé'egekle benne' ka' ẕží'igake' che x̱tižo'o.
14273	PSA 25:5	Bsedle neda' gona' da' naken dot da' li chio'. Dan' nako' Dios, na' žesló' neda', wx̱én ḻáže'teza' Le'.
14280	PSA 25:12	¿Zoa no benne' ẕžebe' Le', X̱anto' Dios? Le' wsedlo' bennen' da' žaḻa' gone'.