13956	PSA 2:7	Ẕnna Bennen': “Wzenla' ḻe'e da' gož X̱anžon' neda'. Gože' neda': Le' nako' Ẕi'na'. Na'a ža naka' x̱o'.
13957	PSA 2:8	Wnnable neda', na' gonna' Le' yógo'te yež ka', na' gak chio' dot yežlyó.
13958	PSA 2:9	Wchinnjo' yež ka' ḻen to bar ya, na' ka to že'e yo wzoẕjo' ḻégaken.”
13966	PSA 3:5	Wžéžyi'a, na' bḻiža' X̱ana' Dios, na' Ḻe' bechebe' chia' gan zoe' ḻaw ya'a la'y chie'.
13969	PSA 3:8	Wyás, X̱ana' Dios. Beslá neda', Dios chia', na' wdáp x̱ága'gak benne' ka' ẕdíḻ-ḻengake' neda', na' bdichj láye'gak benne' wen da' ẕinnj ka'.
13987	PSA 5:8	san neda' wak choa'a ližo' dan' nží'iḻe'elo' neda'. Wká'n ẕena' Le' ḻo yodo' la'y chio' ḻo yeḻa' ẕžebe.
14011	PSA 7:8	Benne' yógo'te yež ka' ḻá'gake' ḻawo' Le'. Wnná bia' benne' ka' ḻo yeḻa' ẕen chio'.
14021	PSA 7:18	Wká'n ẕena' X̱ana' Dios ni'a che da' chawe' da' žone' na' góḻteza' che La la'y che X̱ana' Dios, Benne' ẕente.
14028	PSA 8:7	Wnnakzo' nna biá'gake' yógo'te da' ka' beno'. Yógo'ten bdio' ḻo ná'gake':
14033	PSA 9:2	X̱ana' Dios, dot ḻaža'a wká'n ẕena' Le'. Wzenla' benne' ka' ka nak da' ẕente da' beno'.
14038	PSA 9:7	Wžía yi'gak benne' ka' bi ẕḻé'egekle' neda' chawe'. To chi'ize zej nbia yi' latje chegak benne' ka', na' yež chégake' ka', da' ka' bchinnjo' Le'. Nitó benne' chejsá' ḻaže'e benne' ka'.
14051	PSA 9:20	Wzó ža', X̱ana' Dios. Bi go'o latje benne' ka' wká'n ẕen kwíngake'. Ḻa'gak benne' yež ka' ḻawo' Le' nich wchi'a ḻažo'o ḻégake'.
14064	PSA 10:12	Wzó ža', X̱ana' Dios, na' bze no'o. Bi gaḻ ḻažo'o benne' yache' ka'.
14067	PSA 10:15	Ẕkwaso' yeḻa' waḻe che benne' wen da' ẕinnj. Wléj ḻawle da' bi nak chawe' da' bene', dan' bene' bagáche'ze.
14076	PSA 11:6	Wdíe' benne' ka' bi zej nake' chawe' ḻo da' ka' wžía yí'gaken ḻégake', da' ka' zej naken yi', na' sufr da' žeyen ka yeže, na' to be' da' ḻaḻe'e, da' ka' seḻe'e ḻawgak benne' ka'.
14082	PSA 12:5	Benne' ka' ẕnnágake': “Da' ẕchaḻjžo gákḻenen žo'o. Wchaḻjžo kan žénelžo. ¿Noẕkze benne' wchi'le' žo'o?”
14101	PSA 15:2	Wak gon ki benne' nake' ḻi ḻaže', bennen' žone' da' naken chawe', bennen' zoa da' nak dot da' li ḻo yichj ḻáẕda'we',
14103	PSA 15:4	Wak soa bennen' ga na', bennen' bi žape' ba la'ne no benne' žone' da' ẕinnj, san žape' ba la'ne benne' ka' žápegake' X̱anžo Dios ba la'ne bennen' bi ẕche'e x̱tiže'e ḻa'kze gonen ga bi wnite'.
14104	PSA 15:5	Wak soa bennen' ga na', bennen' žsane' mežw chie', na' bi žennabe' yichjen, na' bi žezi'e mežw nich wzóa lie' da' wen ḻaže' che benne' bi be ẕia nbage'e. No benne' žone' ki batkle chejchaze' ḻo da' ẕinnj.
14111	PSA 16:7	Wká'n ẕénteza' X̱anžo Dios, Bennen' žsedle' neda'. Kate' ne ẕtasa' ẕzejni'ile' neda' ḻo yichj ḻáẕda'wa'.
14115	PSA 16:11	Wḻoe'elo' neda' da' žaḻa' gona' nich gata' chia' yeḻa' nban. Gan zo' Le' yebéḻe'etezla', na' kwito' Le' sóateze yeḻa' ba nez ẕen chia'.
14116	PSA 17:1	Bze nag da' ẕnnia', X̱ana' Dios. Benle da' žḻiža' Le'. Wẕí' da' ẕnnabla' Le' ḻo yeḻa' ḻi ḻaže' chia'.
14118	PSA 17:3	Le' ẕwíakzo' yichj ḻáẕda'wa', na' ẕḻe'elo' neda' žel. Bwíakzo' da' žona', na' bi be da' ẕinnj bḻe'elo'. Wdape chi'a loža'a nich bi be diža' ka'ze nnia'.
14120	PSA 17:5	Wdape chi'i neda' ḻo nez chawe' chio', nich bi chejchaza' ḻo da' bi nak chawe'.
14123	PSA 17:8	Bwia neda' ka žon no benne' ẕwíakze' yej ḻawe'. Wdape chi'i neda' ka žon ẕkoko', bian' žape chi'iba' bríse'do' ka' ẕan x̱ilba'
14135	PSA 18:5	Wzóa' ḻo da' zede che yeḻa' got, na' gok da' ẕinnj ka to yegw nis da' bcheben neda'.
14138	PSA 18:8	Naž wẕó' yežlyó nga. Wẕízegak ya'a ka' gže'. Wẕízeḻe'egaken dan' bže'e Ḻe'.
14141	PSA 18:11	Wdíe' ḻo be', ne ži'e to da' nzin' kerubín. Ka' gaze wdíe' ḻo be' bdone'.
14172	PSA 18:42	Wnnábgekle' no benne' gákḻene' ḻégake' san bi wzóa no benne'. Wnnábgekle' X̱anžo Dios, san bi wzé nage' chégake'.
14180	PSA 18:50	Wká'n ẕena' Le', X̱ana' Dios, ḻawgak benne' yež ka', na' goḻkza' che La la'y chio' Le'.
14202	PSA 20:6	Yebéḻe'elto' kate' yeslé' le'. Wchisto' to da' wḻoé'e ḻawn La la'y che Dios chežo. Ẕnnabla' X̱anžon' gone' yógo'te da' ẕnnablo' Ḻe'.
14210	PSA 21:4	Wẕí' ḻo no'o ḻe', na' ben chawo'o ḻe'. Bžio' yichje' to da' naken oro.
14211	PSA 21:5	Wnnable' Le' gonno' chie' yeḻa' nban, na' bennon' chie' nich soakze' yiz zan.
14215	PSA 21:9	Wzetjo' yógo'te benne' ka' bi ẕḻé'egekle' Le' chawe'. Ḻen yeḻa' wak chio' wzex̱jo' benne' ka' ẕží'igake' chio'.
14231	PSA 22:11	Wyoá'a ḻo no'o kate' bi na' galja'. Kate' ne yoa'a ḻe'e x̱na'a, báchekze nako' Dios chia'.
14237	PSA 22:17	Zej nyechjle benne' wen da' ẕinnj ka' neda'. Zej nyechjle' neda' ka beko' ka'. Wdídjwgake' ni'a na'a.
14238	PSA 22:18	Wak wlaba' yógo'te žit yoa'a, na' benne' ka' ẕḻé'egeklen', ẕwíazegake' neda'.
14243	PSA 22:23	Wzenla' bi' ljéža'do' ka' kan nako' Le'. Wká'n ẕenkza' Le' gachje ḻawle benne' ka' zej ndobe' chio' Le'.
14250	PSA 22:30	Gawgak yógo'te benne' ẕen ka' che yežlyó nga, na' wká'n ẕéngake' Dios. Wzóa ẕibgak yógo'te benne' ka' ḻawe' Ḻe'. Benne' ka' bi gak yeslá kwíngake' nich bi gátgake'.
14251	PSA 22:31	Ẕa'sógak benne' ka' góngakbe' žin che X̱anžon'. Wzéngekle' ẕí'ngake' ka' ka nak chie' na' zejte chejsete chegak benne' ka'.
14252	PSA 22:32	Yežíngake', na' wzéngekle' benne' ka' ka nak da' chawe' da' žon Dios. Wzéngekle' benne' ka' bi na' gáljgake' ben Dios da' ki.
14257	PSA 23:5	Wsí'ni'o da' ye'j gawa' ḻa'kze benne' ka', benne' ẕdíḻ-ḻengake' neda' zej nyechjle' neda'. Ẕgo'o set yichja' da' žeyonen neda' chawe', na' žeschá'ḻi'o da' žé'jḻena'.
14262	PSA 24:4	Wak benne' ka' zej nak chawe' da' žóngake', na' da' ẕza' ḻáže'gake', benne' ka' bi na' wchís ná'gake' ḻawgak lo'a ka', na' bi na' wchebe ḻáže'gake' ni'a che da' bi naken ḻi ḻaže'.
14265	PSA 24:7	Le wsaljw gan žo'ogak benne' ka' yodo'. Le wsaljw gan žo'ogak benne' ka' gan naken la'y, na' cho'o Benne' Wnná Bia' Ẕente.
14266	PSA 24:8	¿Noẕkzen' Benne' Wnná Bia' Ẕente ni? Nake' X̱anžon', Benne' waḻe, na' nape' dot yeḻa' wak. Nake' X̱anžon', Bennen' ẕzoele' ḻo wdiḻe.
14267	PSA 24:9	Le wsaljw gan žo'ogak benne' ka' yodo'. Le wsaljw gan žo'ogak benne' ka' gan naken la'y, na' cho'o Benne' Wnná Bia' Ẕente.
14268	PSA 24:10	¿Noẕkzen' Benne' Wnná Bia' Ẕente ni? Nake' X̱anžon', Bennen' ẕnna bi'e gáte'teze. Ḻe' nake' Benne' Wnná Bia' Ẕente na'.
14277	PSA 25:9	Wḻoe'ele' benne' gax̱jw ḻaže' ka' da' naken chawe' na' wsedle' benne' ẕen ḻaže' ka' da' góngake'.
14283	PSA 25:15	Wx̱én ḻáže'teza' X̱anžo Dios dan' beslé' neda' ḻo na'gak benne' ka' žénegekle' wžía yí'gake' neda'.
14307	PSA 27:5	Ḻe' wkache' chawe'e neda' ḻo latje la'y chie' kate' žin ža gak da' bi nak chawe'. Wkache' chawe'e neda' ḻo latjen' gan zoakze' Ḻe'. Wzóe' neda' to gan soa' chawe'.
14325	PSA 28:9	Beslá benne' chio' ka'. Ben chawe' da' nak chégake'. Wdáp chi'i benne' ka', na' bze choch ḻégake' to chi'ize.
14335	PSA 29:10	Ẕnna bia' X̱anžon' nisdo' ka'. To chi'ize ẕnna bia' Benne' Wnná Bia' Ẕen na'.
14346	PSA 30:10	¿Biẕkze yeḻa' ba nez gaken chio' cha' gata' neda', na' choa'a yežw ba? ¿Wká'n ẕena' Le' kate' ba naka' bix̱te yo? ¿Wak wzenla' no benne' da' naken dot da' li chio'?
14382	PSA 32:8	Ẕnna X̱anžon': “Wḻoe'ela' le' nez gan žaḻa' tio'. Wsedla' le', na' wzejni'ila' le' da' žaḻa' gono'.
14394	PSA 33:9	dan' bchaḻjze', na' gok yežlyón'. Wnnakze', na' wzoakzen.
14397	PSA 33:12	Ba nez ẕen naken chegak benne' yežen' X̱anžon' nake' Dios chégake'. Wžé Dios benne' yežen' nich gákgake' benne' chekze'.
14409	PSA 34:2	Wká'n ẕénteza' X̱anžo Dios dot ža, na' yele. Góḻteza' da' we ḻawa' Ḻe'.
14415	PSA 34:8	Wbás ka' che ya'abá che X̱anžon' zej zoe' kwit benne' ka' ẕžébegake' Ḻe', na' žape chí'igake' ḻégake'.
14419	PSA 34:12	Le da, x̱kwide' ka', na' le yenle chia'. Wsedla' ḻe'e nich žébele X̱anžo Dios.
14433	PSA 35:3	Bex̱w ya ntoche' tonn che wdiḻe nich wsejo' x̱nezgak benne' ka' ẕbia ḻáže'gake' neda'. Bḻoe'el neda' nako' Benne' Weslá chia'.
14441	PSA 35:11	Bḻa'gak benne' ka' žechébegake' da' wen ḻaže'. Wnnábgekle' neda' ka nak che to da' bi nnezla'.
14448	PSA 35:18	Yapa' Le' “Žóx̱keno'” gan zej ndobe benne' chio' ka'. Wká'n ẕénteza' Le' ladjw benne' zan ka'.
14453	PSA 35:23	Wzó ža'. Wzóa wchi'a ḻažo'o neda'. Da, X̱ana' Dios, nich gákḻeno' neda'.
14458	PSA 35:28	Wcháḻjteza' che da' chawe' da' nako' Le', na' wká'n ẕénteza' Le' dot ža, na' yele.
14475	PSA 37:4	Wyáz ḻaže' X̱anžon', na' Ḻe' gonnkze' chio' da' ẕdan ḻažo'o.
14477	PSA 37:6	Wḻoe'ele' da' chawe' da' nako' ka to da' žsa'ní', na' da' ḻi ḻaže' chio' ka ḻawe' ža.
14478	PSA 37:7	Wzóa žize ḻaw X̱anžon', na' bẕen ḻaže'e Ḻe'. Bi kwe' zedlo' ni'a che no benne' ẕzi'e yeḻa' ba nez, bennen' žonkze' da' bi nak chawe'.
14534	PSA 38:23	Ben byene gákḻeno' neda', X̱ana' Dios. Nakkzo' Le' Benne' Weslá chia'.
14537	PSA 39:3	Wzóa' žize ka to benne' bi žak nnie' na' bi be wnnía', na' bi bchaḻja' da' naken chawe' da' žaḻa' nnia', na' bgolže da' ẕzaka'a.
14544	PSA 39:10	Wzóa' žize, na' bi be wnnía' dan' beno' Le' goken ki chia'.
14565	PSA 40:17	Ben ga yebégekle, na' soagak ḻo yeḻa' ba nez benne' ka' žx̱en ḻáže'gake' Le', na' nnégakkze benne' ka' zej nži'ile' Le', Benne' Weslá chégake'. Nnágake': “¡Ga'n ẕen X̱anžon'!”
14571	PSA 41:5	Wnnía': “X̱ana' Dios, beyache' ḻaže'l neda'. Beyón be' da' nakkza' dan' bena' doḻa' kate' bži'a chio' Le'.”
14586	PSA 42:6	¿Biẕ chen' žat ni'a no'o, be' da' nakkza'? ¿Biẕ chen' že' zedlo' ḻo yichj ḻáẕda'wa'? Bx̱en ḻaže' Dios dan' wká'n ẕenkza' Ḻe' da' yoble. Nake' Benne' Weslá chia', na' Dios chia'.
14595	PSA 43:3	Bseḻa' yeḻa' baní' chio', na' da' likze chio' ga zoa' ni. Da' ki yegó'ogaken neda' nez. Wché'gaken neda' ḻaw ya'a la'y chio', na' gan zoakzo' Le'.
14596	PSA 43:4	Choa'a gan zoa bkog la'y che Dios. Choa'a ḻaw Dios, Bennen' žone' ga žebela', na' gan soa' ḻo yeḻa' ba nez. Wká'n ẕena' Le' ḻen da' žinna'. Le' nako' Dios chia' neda'.
14602	PSA 44:5	Le', Dios, nako' Benne' Wnná Bia' chia'. Beslá neto', ẕa'só Jakob.
14624	PSA 44:27	¡Wzó ža'! ¡Gokḻen neto'! ¡Ḻo yeḻa' žeyache' ḻaže' chio', beslá neto'!
14639	PSA 45:15	Wché'gake'-be' ḻaw benne' wnná bian', nákwbe' ẕa lánabe' dan' nwa'ḻe'en da' x̱tan ka'. X̱kwide' nó'ledo' ka' chjakbe' x̱kóže'lbe'. Nó'ledo' ki, no'le lježbe' ka', wché'gakbe' ḻebe' ḻaw benne' wnná bian'.
14649	PSA 46:7	Ẕbéžeya'agak benne' yežlyó nga, na' ẕžébegake' Dios, Benne' Wnná Bia' Ẕen. Ẕnne Dios kan ẕnne wzió', na' ẕbia yi' yežlyó.
14657	PSA 47:3	Žaḻa' žébežo X̱anžon', Bennen' nape' dot yeḻa' wak. Nake' Benne' Wnná Bia' Ẕen, na' ẕnna bi'e dot yežlyó.
14662	PSA 47:8	Dios nake' Benne' Wnná Bia' Ẕen dot ḻo yežlyó nga. ¡Le goḻ chie' ḻen dot yeḻa' žejní'il chele!
14667	PSA 48:3	Sión, ya'a ẕen che Dios, naken sibe, na' x̱tanḻe'e. Naken yež che Benne' Wnná Bia' Ẕen, da' žonnen yeḻa' žebele chegak benách dot yežlyó nga.
14671	PSA 48:7	Wžé' zédḻe'egekle', na' wẕáka'ḻe'egake' ka žak che to no'le za' gaḻj bi' že'n chie'.
14683	PSA 49:4	Wchaḻjkza' da' naken che yeḻa' žejní'il, na' wzejni'ila' ḻe'e da' yo'on yichj ḻáẕda'wa'.
14704	PSA 50:4	Wtobe' benne' ka' nníta'gake' ya'abá na'le, na' benne' ka' nníta'gake' yežlyó nga, nich wchi'a ḻaže'e benne' chie' ka'.
14727	PSA 51:4	Wdíb neda' che da' bi nak chawe' da' bena'. Bka'n chawe' neda' che doḻa' da' nbaga'a.
14732	PSA 51:9	Bka'n chawe' neda' ḻen da' ẕkonlo' žin, na' yega'na' chawe'. Wdíb neda', na' gakža' chiche ka nak bejw.
14739	PSA 51:16	Beslá neda' ḻo ẕia da' nbaga'a, beta' to benne'. Dios, nako' Benne' Weslá chia', na' goḻkza' che da' chawe' da' nako' Le'.
14752	PSA 52:8	Ḻé'egekle benne' chawe' ka' da' ni, na' žébegake'. Wẕížegake' chio' le', na' nnágake':
14755	PSA 52:11	Wká'n ẕenkza' Ḻe' to chi'ize dan' bene' da' ki. Wx̱én ḻaža'a La la'y chie' ḻawgak benne' chie' ka' dan' naken chawe' gonan'.
14769	PSA 54:7	Dios yebi'e chegak benne' ka' bi ẕḻé'egekle' neda' chawe' ka nak da' bi nak chawe' da' žóngake'. Wžía yi'e benne' ka' dan' nake' Ḻe' ḻi ḻaže'.
14770	PSA 54:8	Dot ḻaža'a wneẕjwa' da' ko'a ḻawo' Le', X̱ana' Dios. Wká'n ẕenkza' La la'y chio' dan' nakḻe'en chawe'.
14778	PSA 55:7	Wnnía': “Chela' gonno' chia' x̱il ka' ka zej nak x̱il bsia, tia' ḻo be'ze gan yezí' ḻaža'a.