13947	PSA 1:4	san benne' wen da' ẕinnj ka' kege ki zej nake'. Zej nake' ka to laga' biž dan' žoa be'.
13983	PSA 5:4	X̱ana' Dios, chbal-le yenlo' chi'a. Zildo' ḻa'kza' ḻawo' Le', na' kweza' da' yi'o neda'.
14016	PSA 7:13	Cha' bi yeyát ḻáže'gake' Dios kweje' ya ntoche' chie' ka'. Za' wsíe' yag ntóche'do' chie' ka'.
14017	PSA 7:14	Za' wkonle' žin ya chie' ka' che wdiḻe. Za' wsíe' yag ntóche'do' ka' zoa yi' ḻáwe'gaken.
14108	PSA 16:4	Zan da' sáka'gak benne' ka' ẕka'n ẕéngake' lo'a ka'. Bi gona' ḻégake' tẕen kate' ẕḻáljgake' žen ḻáwgaken, na' bi wkonla' žin lágaken.
14127	PSA 17:12	Zej nake' ka to bež yíx̱e'do' žénelba' bi da' gawba'. Zej nake' ka to bež yix̱e', bia ẕkache' kwinba' nich senba' biado' ka'.
14187	PSA 19:6	Zildo' ẕḻan' ka to benne' byo ẕchag ne'e. Žebelen ka to benne' ẕzá'ḻi'e.
14233	PSA 22:13	Benne' ka' bi ẕḻé'egekle' neda' chawe' zej nyechjle' neda', benne' ka' zej nake' ka bež ka'. Zej nyechjle benne' ka' neda', benne' ka' zej nake' ka bež waḻe ka' che yežlyó Basán.
14237	PSA 22:17	Zej nyechjle benne' wen da' ẕinnj ka' neda'. Zej nyechjle' neda' ka beko' ka'. Wdídjwgake' ni'a na'a.
14280	PSA 25:12	¿Zoa no benne' ẕžebe' Le', X̱anto' Dios? Le' wsedlo' bennen' da' žaḻa' gone'.
14314	PSA 27:12	Bi go'o latje benne' ka' wžía yí'gake' neda'. Zej nyechjle benne' wen ḻaže' ka' neda', na' žesbága'gake' neda' ẕia.
14372	PSA 31:23	Kate' gok da' bcheben neda' wnnía': “Zoa' gan bi ẕḻe'ele X̱ana' neda'”, san Le' benlo' chi'a katen' góta'yoela' Le', na' bḻiža' Le'.
14487	PSA 37:16	Záka'že da' do' da' nape benne' chawe' ka yeḻa' wnni'a ẕen da' zej nape benne' wen da' ẕinnj ka',
14516	PSA 38:5	Da' ẕinnj ka' da' bena' ẕbága'gaken yichj ḻáẕda'wa'. Zej naken chia' ka to ywa' zí'iḻe'e.
14531	PSA 38:20	Benne' ka' bi ẕḻé'egekle' neda' chawe' zej zoakze' chawe', na' zej nake' waḻe. Zej nyanḻe'e benne' ka' bi ẕḻé'egekle' neda' chawe', na' bi be ẕia bena' ḻégake'.
14532	PSA 38:21	Benne' ka' žóngake' benne' chawe' ka' ẕia. Zej nake' benne' ka' bi ẕḻé'egekle' neda' chawe' dan' žónteza' da' naken chawe'.
14545	PSA 39:11	Beká'a yižwé' da' bzo' ḻo beḻa' žen chia'. Za' gata' ḻo da' žsako'o neda'.
14561	PSA 40:13	Nyéchjgekle da' bi nak chawe' ka' neda', na' da' bi nak chawe' ka' da' bena' zej žian neda'. Che ḻen bi gak chis ḻawa' ḻawo' Le'. Zej nyanžen ka zej nak yicha' yichja' na' žedó ḻaža'a.
14630	PSA 45:6	Zej nḻáḻe'egak yag ntóche'do' chio' ka', da' ka' gótgaken benne' yež ka' ḻawo' le', na' cházgaken ḻáẕdo'gak benne' ka' ẕžá'agake' le'.
14644	PSA 46:2	Dios ẕḻe'ekzle' žo'o, na' žone' žo'o benne' waḻe ka'. Zóateze' gákḻene' žo'o kate' ẕzáka'žo.
14668	PSA 48:4	Dios bḻoe'ele' ḻaw ẕkache' chawe'e žo'o. Zoe' ḻo yo'o zaka' ka' che yež chien'.
14692	PSA 49:13	san bi gá'nteze benne' ka' ḻo yeḻa' ba nez. Zej nake' ka bia yix̱e' ka', bia ka' žátgakba'.
14694	PSA 49:15	Zej nake' ka to kwe' ẕila' ka' žjakba' ḻo yi' gabíl, gan gape chi'i yeḻa' got ḻégakba', na' benne' chawe' ka' nna biá'gake' benne' wnni'a ka' kate' za' cha'ní', na' kwia yi'gak da' ka' wdápgake', na' yi' gabíl naken gan nníta'tezegake'.
14758	PSA 53:3	Zoa Dios ya'abá, na' ẕwie' benne' ka', nich ḻe'ele' cha' zoa no benne' žejni'ile', bennen' žape' Dios ba la'ne,
14767	PSA 54:5	Za'gak benne' snia ka' nich tíḻ-ḻengake' neda'. Benne' yichj ža'a ka' žénegekle' gótgake' neda', benne' ka' bi žápegake' Le' ba la'ne, Dios.
14789	PSA 55:18	Zildo', na' wawbíž, na' kate' žen wbíž ẕcháḻjḻena' Dios. Žḻiža' Ḻe', na' Ḻe' ženle' chia'.
14814	PSA 57:5	Že' zedla' ka to benne' ži'e ladjw bež yix̱e' ka'. Zoa' ladjw benne' ka' zej nake' ka bež yix̱e' ka', bia ka' žáwgakba' benách ka'. Da' ẕnnégake' chia' naken ka yag ntóche'do' ka', na' x̱tíža'gake' zej naken ka ya ntoche' ka'.
14817	PSA 57:8	Zoakze ḻáẕda'wa', Dios. Zoakze ḻáẕda'wa' nich goḻkza' da' wká'n ẕenen Le'.
14818	PSA 57:9	Bebán, be' da' nakkza', na' le yebán, ḻe'e žinnle da' ka' žóḻ-ḻenle. Zildo' yebankza'.
14825	PSA 58:4	Zej nchix̱e ḻáẕdo'gak benne' ka' nbej yíchjgake' neda' kate' bi na' gáḻjgake'. Bchíx̱gekle' kate' bi na' wsangak x̱ná'gake' ḻégake'.
14826	PSA 58:5	Da' ẕnnágake' žoten benne' ka' ka žon da' žia ẕan laye' beḻe snia. Zej nake' ka beḻe snia ka', bia kwežw ka'.
14837	PSA 59:4	Žénegekle' gótgake' neda'. Zej ndobe benne' waḻe ka' nich tíḻ-ḻengake' neda', kege dan' nbaga'a ẕia, na' kege ni'a che da' ẕinnj da' bena' neda', X̱ana' Dios.
14868	PSA 61:3	Zi'to' gan zoa laža' žḻiža' Le', dan' žedó ḻaža'a. Bche' neda' gan zoa Bennen' nake' ka to ya'a yej, Bennen' nakže' waḻe ka neda'.
14884	PSA 62:10	Da' ḻi, da' dáche'ze zej nak benne' ka', na' ka to da' wen ḻaže' zej nak benne' ẕen ka'. Bi náḻe'tekgekle' to ḻo ẕgons. Zej nakže' ža'ze ka to be' da' žeká'a ḻáže'žo.
14958	PSA 68:6	Žape chi'e bi' wzébedo' ka', na' ẕwíakze' no'le wzebe ka'. Zoakze Dios ḻo latje la'y chie'.
14977	PSA 68:25	Za'gak benne' chio' ka', na' žoe ḻáwgake' Le', Dios. Ḻo yeḻa' žebele chégake' žó'ogake' latje la'y chio'.
14978	PSA 68:26	Zejnéžwgak ḻawle benne' ka' žóḻgake'. Benne' ka' ẕkwéẕgake' da' ẕgóḻgake' zjake' ẕántele. Gachj ḻawle zjak x̱kwide' nó'ledo' ka' zej nóx̱o'be' da' ka' ẕgóḻgakbe'.
14980	PSA 68:28	Ḻezka' zjak ẕa'só Benjamín ka'. Zej nake' bábzegake' san ẕnna biá'gake'. Ḻezka' zjak benne' zan ẕa'só Judá, na' benne' zan ẕa'só Sabulón, na' benne' zan ẕa'só Neftalí.
14983	PSA 68:31	Bdiḻ-ḻen benne' ka' chegak yež zi'to' ka', benne' ka' ẕdíḻ-ḻengake' benne' chio' ka'. Zej nake' ka bež zan ka', ḻen ẕí'ngakba' ka', dan' ẕdíḻ-ḻengake' yež zan ka' nich kwéjgake' yeḻa' wnni'a chégake'. Besḻás benne' ka' žaz ḻáže'gake' chjake' ḻo wdiḻe.
14993	PSA 69:5	Zej nyanže benne' ka' bi ẕḻé'egekle' neda' chawe' ka zej nyan yicha' yichja', na' bi be ẕia nbaga'a. Benne' ka' ẕžá'agake' neda' zej nákḻi'e waḻe. Benne' ka' žóngake' neda' ẕia, na' bi zoa biẕ chen'. Žon byéngake' yeyiẕjwa' da' bi wlana'.
15031	PSA 70:6	Ze' zedla', na' nat ni'a na'a. Da ka' gaze gákḻeno' neda', Dios. Le' nako' Benne' weslá chia', X̱ana'. Bi želo', X̱ana' Dios.
15032	PSA 71:1	Za'a ḻawo' Le', X̱ana' Dios, nich gape chi'o neda'. Ben ga biž yedoe'ela'.
15095	PSA 73:20	Zej nake' ka to da' bḻe'elto' to ḻo bichgale dan' ẕnniten kate' žebanžo. Ka'kze gaken, X̱anto' Dios. Kate' so žo'o, wka'no' ka'ze da' bḻoe'el kwingak benne' ka'.
15122	PSA 74:19	Bi gaḻ ḻažo'o neto', benne' chio' ka', to chi'ize. Bi wká'n neto', benne' ka' nži'ikzlo', ḻo na'gak benne' ka' zej nake' ka bia snia ka'. Zoato' ḻáwgake' ka zej nak gogoldo' ka'.
15139	PSA 76:2	Zej nonbia' benne' Judá ka' Dios, na' La la'y chie' nga'nen ẕen ladjw benne' Israel ka'.
15164	PSA 77:14	Dios, la'y nak da' ẕchi'lo' neto' gonto'. ¿Zoa yetó Dios nake' benne' ẕen ka nako' Le'?
15209	PSA 78:38	San Dios beyache' ḻáže'le' chegak benne' ka', na' benít ḻawe' x̱tóḻa'gake', na' bi bžia yi'e ḻégake'. Zan chi'i beké'e yeḻa' ẕža'a chie', na' bi bže'e ḻégake' dot kan bsa' ḻaže'e.
15210	PSA 78:39	Bejsá' ḻaže'e zej nakze' beḻa' žen. Zej nake' ka to be' da' ẕden, na' bi yežinen.
15211	PSA 78:40	Zan chi'i bží'igake' chie' Ḻe' ḻo latje dachen', na' zan chi'i béngake' ga gok nyache' ḻaže'e Ḻe'.
15212	PSA 78:41	Zan chi'i béngake' da' bi de chawe' Dios, na' béngake' ga bža'a Dios la'y chegak benne' Israel ka'.
15294	PSA 82:1	Zoa Dios gan zej ndobe benne' ka' ẕchi'a ḻáže'gake' benne' chie' ka'. Dios ẕchi'a ḻaže'e benne' ka' ẕchi'a ḻáže'gake' benne' chie' ka'.
15344	PSA 85:11	Zej nžag yeḻa' žeyache' ḻaže', na' da' li che Dios. Nakgak toze da' chawe', na' yeḻa' ẕga'n chawe' chie'.
15361	PSA 86:14	X̱ana' Dios, benne' ka' ẕka'n ẕen kwíngake' ẕdíḻ-ḻengake' neda'. Zej nake' benne' yichj ža'a ka', na' žénegekle' gótgake' neda', na' bi ẕžébegake' Le',
15389	PSA 88:18	Zej nyechjle da' ki neda' dot ža. Žsáka'gaken neda' gáte'teze.
15448	PSA 90:5	Ka' gaze ẕkwaso' benne' ka' ka žon to nis wbá'a. Zej nake' ka to bichgale dan' ẕnnitlen kate' žebanžo.
15449	PSA 90:6	Zej nake' ka to yeje yix̱e' da' žaljen zildo', na' kate' ẕḻa' wbíž, na' ẕbižen.
15490	PSA 92:14	Zej nake' ka to yag da' zen ḻo ḻi'a yodo' che X̱anžo Dios, dan' ẕgóleḻe'en ḻo ḻi'a liž Dios chežo.
15491	PSA 92:15	Zej nake' ka yag ka' ẕbíagaken kate' ngóleḻe'egaken na' ne zej naken yag ya'a waḻe ka'.
15536	PSA 96:5	Zej nakze yógo'te dios ka' lo'a ka', san X̱anžo Dios bene' ya'abá na'le.
15546	PSA 97:2	Zej nyechjle bejw, na' da' choḻ Ḻe'. Ḻo da' naken dot da' li, na' da' chawe' ẕnna bi'e.
15654	PSA 104:16	Yag sedro ka' da' zej zen ḻaw Ya'a Líbano ẕzí'gaken nis yejw. Zej naken chio', X̱anto' Dios, dan' gozo' ḻégaken.
15656	PSA 104:18	Zej zoa chibo yix̱e' ka' ḻaw ya'a ẕen ka', na' ḻo bloj ka' ẕangak ya'a ka' zej zoa bẕižo' ka'.
15663	PSA 104:25	Zoa nisdo' ga na', dan' naken ẕen, na' zil-ḻe'e, gan zej yo'o bia zante ka', biado' ka', na' bia ẕen ka'.
15761	PSA 106:43	Zante chi'i Dios beslé' benách chie' ka' san bží'igake' che da' ka' gože' ḻégake', na' wbága'gake' doḻa' dan' béngake' da' ẕinnj.
15811	PSA 108:2	Zoakze ḻáẕda'wa', Dios. Zoakze ḻáẕda'wa' nich goḻkza' da' we ḻawa' Le'.
15812	PSA 108:3	Bebán, be' da' nakkza', na' le yebán, ḻe'e ẕgoḻ-le da' žóḻ-ḻento' ka', na' arpa ka'. Zildo' yebankza'.
15859	PSA 110:5	Zoa X̱anžon' kwito' ḻi ža gan zo'. Kate' že'e, na' wžía yi'e benne' wnná bia' ka'.
15879	PSA 112:8	Zoa chawe' ḻáẕda'we', na' bi be ẕžebe' na' zejte ža ḻe'ele' gak kan žak ḻaže'e chegak benne' ka' bi ẕḻé'egekle' ḻe' chawe'.
15903	PSA 115:5	Zoa žoá'agaken, san bi ẕnnégaken. Zoa yej ḻáwgaken, san bi ẕḻé'egeklen.
15904	PSA 115:6	Zoa nággaken, san bi žéngeklen. Zoa ẕína'gaken, san bi ẕḻé'egeklen.
15905	PSA 115:7	Zoa ná'gaken, san bi be ẕtágaken. Zoa ní'agaken, san bi ẕdágaken. Bi ẕžoj chí'igaken lbá'gaken.
15927	PSA 116:11	na' ḻo yeḻa' ẕžebe chia', wnnía': “Zej nak yógo'te benne' ka' benne' wen ḻaže' ka'.”
15943	PSA 118:6	Zoaḻen X̱anžon' neda', na' batkle žeba' bi da' gongak benne' ka' chia' neda'.
15944	PSA 118:7	Zoaḻen X̱anžon' neda', na' Ḻekze' žákḻene' neda'. Che ḻen ḻe'ela' chejchégwgak benne' ka' ẕdíḻ-ḻengake' neda'.
15957	PSA 118:20	Zoa nga gan žo'ožo ḻaw X̱anžo Dios, na' žo'ogak benne' chawe' ka' nga.
16078	PSA 119:112	Zoakze ḻáẕda'wa' gónteza' ka ẕnna x̱tižo'o na' zejte ža gata'.
16121	PSA 119:155	Zedḻe'e gak lagak benne' ka' žebéj yíchjgake' Le', dan' bi ẕbé'gake' wnné yoe góngake' ka ẕnna x̱tižo'o.
16123	PSA 119:157	Zanḻe'e zej nak benne' ka' ẕbia ḻáže'gake' neda', na' benne' ka' bi ẕḻé'egekle' neda' chawe', san bi na' wsana' žona' ka žsedle diža' chio' neto'.
16147	PSA 120:5	Da' nyáche'ḻe'e žaken chia' neda'. Zoakza' ladjw benne' Mesek ka', na' zoa' to yo'o laže' chegak benne' Sedar ka'.
16159	PSA 122:2	Na'a zoažo nga. Zežo lo'ole ze'e da' nyechjlen yež Jerusalén.
16192	PSA 127:3	Bwia nga, benn X̱anžon' chežo ẕi'nžo ka'. Zej nakbe' to yeḻa' wnni'a ẕente.
16258	PSA 135:15	Lo'a ka' chegak benne' zi'to' ka' zej naken ya oro, na' ya plat. Zej naken da' ka' bengak benne' ka'.
16259	PSA 135:16	Zej de žoá'agaken san bi ẕnnégaken. Zej de yej ḻáwgaken san bi ẕḻé'egeklen.
16260	PSA 135:17	Zej de nággaken san bi žéngeklen, na' bi zóagaken nbángaken.
16265	PSA 136:1	¡Le wká'n ẕen X̱anžo Dios, Benne' chawen'! Zóateze yeḻa' žeyache' ḻaže' chie'.
16266	PSA 136:2	¡Le wká'n ẕen Dios, Bennen' nákḻe'eže' ẕen ka zej nak dios chegak benne' zi'to' ka'! Zóateze yeḻa' žeyache' ḻaže' chie'.
16267	PSA 136:3	¡Le wká'n ẕen X̱anžon', dan' nákḻe'eže' ẕen ka zej nak x̱angak benne' zi'to' ka'! Zóateze yeḻa' žeyache' ḻaže' chie'.
16268	PSA 136:4	¡Le wká'n ẕen toze' Ḻe' dan' žone' yeḻa' wak ẕen ka'! Zóateze yeḻa' žeyache' ḻaže' chie'.
16269	PSA 136:5	¡Le wká'n ẕen Ḻe', dan' benkze' ya'abá ḻen yeḻa' žejní'il chie'! Zóateze yeḻa' žeyache' ḻaže' chie'.
16270	PSA 136:6	¡Le wká'n ẕen Dios, Bennen' bzoe' yežlyó ḻawle nisdo'! Zóateze yeḻa' žeyache' ḻaže' chie'.
16271	PSA 136:7	¡Le wká'n ẕen Dios, Bennen' bene' wbíž, na' byo'! Zóateze yeḻa' žeyache' ḻaže' chie'.
16272	PSA 136:8	Bene' Ḻe' wbíž nich wsa'nín' te ža. Zóateze yeḻa' žeyache' ḻaže' chie'.
16273	PSA 136:9	Bene' byo', na' belj ka' nich wsa'ní'gaken žel. Zóateze yeḻa' žeyache' ḻaže' chie'.
16274	PSA 136:10	¡Le wká'n ẕen Dios, Bennen' bete' bi' byo nežw ka' chegak benne' Egipto ka'! Zóateze yeḻa' žeyache' ḻaže' chie'.
16275	PSA 136:11	¡Le wká'n ẕen Dios, Bennen' bebeje' benne' Israel ka' ḻo yežlyó Egipton'! Zóateze yeḻa' žeyache' ḻaže' chie'.
16276	PSA 136:12	Bchi'e ḻégake' ḻen yeḻa' wak ẕen chie'. Zóateze yeḻa' žeyache' ḻaže' chie'.
16277	PSA 136:13	¡Le wká'n ẕen Dios, Bennen' ben chople' Nisdo' X̱na! Zóateze yeḻa' žeyache' ḻaže' chie'.
16278	PSA 136:14	Bene' ga bdegak benne' Israel ka' gachj ḻawle nisdon'. Zóateze yeḻa' žeyache' ḻaže' chie'.
16279	PSA 136:15	San bene' ga bkache' nisdon' Faraón, benne' wnná bi'e benne' Egipto ka', benne' ka' žjake' ḻo wdiḻe. Zóateze yeḻa' žeyache' ḻaže' chie'.
16280	PSA 136:16	¡Le wká'n ẕen Dios, Bennen' bchi'e benne' chie' ka' ladjw latje dach! Zóateze yeḻa' žeyache' ḻaže' chie'.