13978	PSA 4:8	Le' bzo' yeḻa' žebele ḻo yichj ḻáẕda'wa', dan' nakžen ẕen ka da' zej nape benne' ka' zej nápḻi'e ẕoa', na' x̱is uba waḻ.
14076	PSA 11:6	Wdíe' benne' ka' bi zej nake' chawe' ḻo da' ka' wžía yí'gaken ḻégake', da' ka' zej naken yi', na' sufr da' žeyen ka yeže, na' to be' da' ḻaḻe'e, da' ka' seḻe'e ḻawgak benne' ka'.
14141	PSA 18:11	Wdíe' ḻo be', ne ži'e to da' nzin' kerubín. Ka' gaze wdíe' ḻo be' bdone'.
14383	PSA 32:9	Bi gako' ka to bžina' o to burrw, bia ka' bi žejní'igeklba', bia ka' žon byenen nna biá'gako'-ba', na' ko'o ya žoá'agakba' nich góngakba' ka žénelo' le'.”
14676	PSA 48:12	Yebéḻe'egekle benne' ka' nníta'gake' yež Sión. Yebégekle benne' ka' nníta'gake' yež ka' che Judá dan' ẕchi'a ḻáže'kzo' ḻégake'.
14743	PSA 51:20	Ḻo yeḻa' ži'i ḻaže' chio', ben chawe' yež Sión. Beyón ze'e da' žape chi'in yež Jerusalén'.
14859	PSA 60:8	Ḻo latje la'y chie' wnná Dios: “Yebekzla' neda'. Chisa' chele yežlyó chegak benne' Sikem ka'. Wžix̱a' chele yežlyó dan' žen' kwit yegw Sukot.
14860	PSA 60:9	Yežlyó Galaad naken chia', na' ḻezka' yežlyó chegak ẕa'só Manasés ka'. Yežlyó chegak ẕa'só Efraín ka' naken ka to x̱ḻapa' da' žape chi'in yichja'. Yežlyó chegak ẕa'só Judá ka' naken gan ẕnna bi'a,
14980	PSA 68:28	Ḻezka' zjak ẕa'só Benjamín ka'. Zej nake' bábzegake' san ẕnna biá'gake'. Ḻezka' zjak benne' zan ẕa'só Judá, na' benne' zan ẕa'só Sabulón, na' benne' zan ẕa'só Neftalí.
14982	PSA 68:30	Dan' nak ẕen yodo' chio' da' zoan ḻo yež Jerusalén, benne' blo ka' kó'ogake' da' zej nape' ḻawo' Le'.
15024	PSA 69:36	Dios beslé' benne' ka' nníta'gake' yež Sión, na' yeyone' yež ka' zej žen' ḻo yežlyó Judá, na' chejnníta'gake' ga na', na' gata' chégake' yežlyón'.
15063	PSA 72:8	Nna bi'e dot yežlyó nga, žoa'a Yegw Éufrates, na' do ẕente yežlyó.
15135	PSA 75:9	Dios nox̱e' to ẕiga', da' nžan' x̱is uba waḻ, dan' zejḻasen yeḻa' ẕža'a chie'. Wlaljen', na' benne' wen da' ẕinnj ka' yé'jgaken'. Yé'jgaken' na' zejte yebižten,
15139	PSA 76:2	Zej nonbia' benne' Judá ka' Dios, na' La la'y chie' nga'nen ẕen ladjw benne' Israel ka'.
15218	PSA 78:47	Bseḻe'e yej nis ẕen da' bchinnjen lba uba chégake' ka', na' bseḻe'e da' zag dan' besbižen yag higo chégake' ka'.
15236	PSA 78:65	Naž gok X̱anžon' ka to benne' žebane' ḻo bichgale. Goke' ka to benne' waḻe ẕbéžeyi'e kate' ba ne'je' x̱is uba waḻ.
15239	PSA 78:68	san wžíe' ẕa'só Judá ka', na' Ya'a Sión, dan' nží'iḻe'ele'.
15244	PSA 79:1	X̱anto' Dios, yo'ogak benne' zi'to' ka' ḻo yežlyó chegak benne' chio' ka'. Bcá'ngake' ca'ze yodo' la'y chio'. Bchínnjgake' yež Jerusalén.
15246	PSA 79:3	Bláljgake' žen chegak benne' ka' ka nis ḻo nez ka' che yež Jerusalén, na' bi wzóa no benne' wkache'e ḻégake'.
15258	PSA 80:2	Benle cheto', Dios. Le' žape chi'o benne' Israel ka'. Le' žape chi'o ẕa'só Jwsé ka' ka ẕila' ka'. Ži'o latje blo chio' dan' zoan ḻáwlegak wbás chio' ka' nzi' lágake' kerubín.
15265	PSA 80:9	Bebejo' neto' ka to lba uba ḻo yežlyó Egipto. Blago' benne' ka' wnníta'gake' nga, na' gozo' lba uba na' nga.
15266	PSA 80:10	Wdape chi'o lba uba na' nich golen. Ben lba uba na' lwen, na' bgakwn yežlyón'.
15268	PSA 80:12	Bzáḻa'gaken ni'a ne'n, da' ka' bžíngaken žoa'a nisdo', na' bžíngaken žoa'a yegw Eufrates.
15269	PSA 80:13	¿Biẕ chen' bkwaso' le'je da' wdáp chi'in lban'? Na'a benne' ka' ẕdégake' ga na' ẕbángake' uba chen.
15270	PSA 80:14	Ẕlejgak koch yix̱e' ka' lba uba na', na' bia yix̱e' ka' žáwgakban'.
15271	PSA 80:15	Bedá cheto', Dios, napkzo' Le' dot yeḻa' wak. Bwia neto' zaka' ya'abá, gan zoakzo', na' da yedjḻe'elo' da' žaken che lba uba chion'.
15272	PSA 80:16	Da, yesló' lba uba ni, dan' gozkzo' Le'. Ẕiže lba uba na', dan' bzoa chochon' naken chio'.
15313	PSA 83:12	Ben ga gak chegak benne' blo ka' chegak benne' ki kan gok che Oreb, na' che Seb, na' ben ga gak chegak benne' ka' ẕnna biá'gake' benne' ki kan gok che Seba, na' che Salmuna,
15416	PSA 89:26	Gona' ga nna bi'e do ẕente žoa'a nisdo', na' do ẕente žoa'a yegw Éufrates.
15552	PSA 97:8	Béngekle benne' ka' nníta'gake' yež Sión, na' bebégekle'. Bebégekle benne' ka' nníta'gake' yežlyó Judá, ni'a che da' bchi'a ḻažo'o Le', X̱anto' Dios.
15566	PSA 99:1	Nak X̱anžo Dios Benne' Wnná Bia' Ẕen, na' žẕízegak yógo'te benne' ka' ni'a chie' Ḻe'. Ži'e latje blo chie' dan' zoan ḻáwlegak kerubín ka', na' žẕo' yežlyó nga.
15609	PSA 102:22	nich wzéngekle' benne' yež Sión ka' kan nak ẕen La la'y che X̱anžo Dios, nich we ḻáwgake' Ḻe' ḻo yež Jerusalén,
15649	PSA 104:11	Ḻo yegw ka' že'jgak bia yix̱e' ka' nis, na' ẕdoan yeḻa' ẕbiḻe nis chegak burro yix̱e' ka'.
15653	PSA 104:15	na' uba ka', da' ka' žóngake' x̱is uba waḻ dan' žonen ga žebégekle benne' ka', na' olibo ka', da' ka' žóngake' set dan' ẕgó'ogake' yíchjgake', na' ẕoa' da' žóngake' yet nich sóagake' nbángake'.
15706	PSA 105:33	Bchinnje' yógo'te lba uba, na' yag higo chégake' ka', na' bdichje' yógo'te yag ka' zej zen ḻo yežlyón'.
15803	PSA 107:37	Gózgake' yežlyón' na' bedá'gake' lba uba ka' ga na', na' bezí'ḻe'egake' linne chen.
15817	PSA 108:8	Ḻo latje la'y chie' wnná Dios: “Yebekzla' neda'. Chisa' chele yežlyó chegak benne' Sikem ka', na' wžix̱a' chele yežlyó da' žen' kwit yegw Sukot.
15818	PSA 108:9	Yežlyó Galaad naken chia', na' yežlyó chegak ẕa'só Manasés. Yežlyó chegak ẕa'só Efraín naken ka to ḻapa' da' žape chi'in yichja'. Yežlyó chegak ẕa'só Judá naken gan ẕnna bi'a.
15892	PSA 114:2	na' gokgak ẕa'só Judá ka to yo'o gan ẕbez Dios, na' gokgak benne' Israel ka' gan ẕnna bi'e.
15935	PSA 116:19	Gonan' ḻa' ḻi'a liž X̱anžo Dios dan' žen' ḻo yež Jerusalén. ¡Ga'n ẕen X̱anžo Dios!
16159	PSA 122:2	Na'a zoažo nga. Zežo lo'ole ze'e da' nyechjlen yež Jerusalén.
16160	PSA 122:3	Jerusalén naken to yež da' béngake', na' naken x̱tanḻe'e, na' že'ḻe'en chawe'.
16163	PSA 122:6	Le nnable Dios wka'ne' chawe' benne' Jerusalén ka'. Ḻe' gon chawe'e benne' ka' zej nži'ile' yežen'.
16164	PSA 122:7	Ẕnnablto'-ne' gone' ga soa yeḻa' ẕga'n chawe' lo'ole ze'e dan' nyechjlen yež Jerusalén. Gon chawe'e benne' ka' zej yoe'e yo'o ẕen ka' chen.
16165	PSA 122:8	Na'a, dan' nži'ila' bi' ljéža'do' ka', na' lježa' ka', ẕnnia': “Gata' yeḻa' ẕga'n chawe' chele ḻo yež Jerusalén.”
16180	PSA 125:2	Kan zej že' ya'a ka' da' nyéchjgeklen yež Jerusalén, ki žon X̱anžo Dios, žape chi'ikze' benne' chie' ka', na'a ža, na' to chi'ize.
16197	PSA 128:3	Gak ẕo'lo' ka to lba uba da' ẕbian da' ẕix̱ kwit ližo', na' ẕi'no' ka' gákgakbe' ka yag olibo ka' zej zen žoa'a gan žawo'.
16199	PSA 128:5	Ẕnnabla' X̱anžon', Bennen' zoe' Ya'a Sión, gon chawe'e le', nich ḻe'elo' gak chawe' che yež Jerusalén yógo'te ža so' nbano',
16264	PSA 135:21	Ḻe'e zoale yež Sión, ¡le we ḻaw X̱anžo Dios, Bennen' zoakze' yež Jerusalén! ¡Ga'n ẕen X̱anžo Dios!
16295	PSA 137:5	Cha' gaḻ ḻaža'a yež Jerusalén, ẕnnabla' Dios gone' ga wnít na'a ḻi ža yeḻa' waḻ chen.
16296	PSA 137:6	Ẕnnabla'-ne' gone' ga ta' loža'a chichjla' cha' bi chejsá' ḻaža'a che yež Jerusalén, na' cha' bi wká'n ẕenan'. Yežen' naken da' žaz ḻáže'ḻi'a.
16297	PSA 137:7	X̱ana' Dios, bejsá' ḻaže' da' ẕinnj da' bengak benne' Edom ka' ḻo ža katen' bchínnjgake' yež Jerusalén, na' wnnágake': “¡Le wchinnjen! ¡Le wchinnjen, na' zejte ḻo lenen!”
16423	PSA 147:2	X̱anžo Dios yeyone' yež Jerusalén. Yechi'e benne' Israel ka' zej zoe' yež zi'to' ka'.
16433	PSA 147:12	¡Le wká'n ẕen X̱anžo Dios, ḻe'e zoale yež Jerusalén! ¡Le wká'n ẕen Dios chele, ḻe'e zoale yež Sión!
23215	MAT 1:2	Bran na' goke' x̱a Isak. Isak na' goke' x̱a Jakob. Jakob na' goke' x̱agak Judá ḻen benne' biche'e ka'.
23216	MAT 1:3	Judá na' goke' x̱agak Fares ḻen Sara. Tamar goke' x̱na'gak chope' ki. Fares na' goke' x̱a Esrom. Esrom na' goke' x̱a Aram.
23218	MAT 1:5	Salmón na' goke' x̱a Bos, na' Rahab goke' x̱ne'e. Bos na' goke' x̱a Obed, na' Rut goke' x̱ne'e. Obed na' goke' x̱a Isaí.
23226	MAT 1:13	Sorobabel na' goke' x̱a Abiud. Abiud na' goke' x̱a Eliakim. Eliakim na' goke' x̱a Asor.
23227	MAT 1:14	Asor na' goke' x̱a Sadok. Sadok na' goke' x̱a Akim. Akim na' goke' x̱a Eliud.
23228	MAT 1:15	Eliud na' goke' x̱a Eleasar. Eleasar na' goke' x̱a Matán. Matán na' goke' x̱a Jakob.
23229	MAT 1:16	Jakob na' goke' x̱a Jwsé. Jwsén' goke' benne' byo che Lia. Lian' goke' x̱na' Jesús, Benne' Criston', Bennen' žx̱en ḻáže'gak benne' judío ka' ḻe'e nich nna bi'e ḻégake'.
23236	MAT 1:23	Le wia nga, to x̱kwide' no'le, wa'be' bi'do' ḻe'be', na' galj to bi' byodo', na' wé'gake' labe' Emanuel. Emanuel naken to diža' hebreo dan' ẕnnan: “Zoaḻen Dios žo'o.”
23239	MAT 2:1	Kate' golj Jesusen' ḻo yež Belén, yežen' nbaben Judea, ẕnna bia' Herodes ga na'. Kate' ža na' bžingak benne' žejní'il ka' ḻo yež Jerusalén, benne' ka' zej nžoje' to yež zi'to' da' žen' zaka' gan ẕḻa' wbíž.
23240	MAT 2:2	Wnnabgak benne' ka', na' wnnágake': —¿Gaẕen' zoa x̱kwiden' žaḻa' nna bia'be' benne' judío ka', x̱kwiden' za' goljbe'? Katen' wzoato' gan ẕḻa' wbíž bḻe'elto' belj baní' da' nak bian' ba goljbe'. Za'to' nga nich wká'n ẕento'-be'.
23241	MAT 2:3	Kate' Herodes, bennen' ẕnna bi'e, benle' da' ni, gok zedle'. Ḻezca' gok zédgekle yógo'te benne' ka' wnníta'gake' yež Jerusalén.
23242	MAT 2:4	Naž Herodes na' bḻiže' yógo'te bx̱oz wnná bia' ka' ḻen benne' yodo' wsedle ka', na' wnnable' ḻégake' gaẕe žaḻa' galj Benne' Criston', Bennen' žx̱en ḻáže'gak benne' judío ka' ḻe'e nich nna bi'e ḻégake'.
23243	MAT 2:5	Góžgake' ḻe': —Ḻo yež Belén, da' nbaben Judea. Ki naken dan' bzoj to benne' bchaḻje' ḻo wláz Dios da' ẕnnan ki:
23244	MAT 2:6	Yež Belén, da' nbaben Judá, bi nakžen ka'ze ḻaw Dios, ka zej nak yež blo ka' zej nnitan' yežlyó nga, dan' ḻo yež Belén na' galj to Benne' gake' blo, Bennen' gape chi'e benách chia' ka', benne' Israel ka'.
23260	MAT 2:22	Benle Jwsén' ẕnna bia' Arkelao gan nbab Judea dan' ba got Herodes na', x̱a Arkelaon'. Che ḻen bžebe Jwsén' yeyeje' ga na'. Kate' bzejní'il Dios ḻe' ḻo bichgale, wyeje' gan nbab Galilea.
23261	MAT 2:23	Kate' bžine' ga na', bejsóe' ḻo yež Nasaret. Ki goken, bžin da' bzojgak benne' ka' bcháḻjgake' ḻo wláz Dios ža ni'te kan žaḻa' gak che Jesusen', nnagak benách ka' nake' Benne' Nasaret.
23262	MAT 3:1	Kate' ža ka' bḻa' ḻaw Ẕwa, bennen' bezóe' benách ka' nis, na' bchaḻje' ḻo latje dach gan nbab Judea.
23266	MAT 3:5	Benne' Jerusalén ka' ḻen benne' ka' zej nžoje' dot gan nbab Judea, na' dot kwit gan ẕde yego Jordán, bḻá'gake' gan zoa Ẕwan'.
23268	MAT 3:7	Kate' Ẕwan' bḻe'ele' benne' zan ka', benne' yodo' fariseo ka' ḻen benne' yodo' saduseo ka', želžine' gan zoe' nich yezóagake' nis, gože' ḻégake': —Ḻe'e, lježgak bele snia ka'. ¿Zoa no benne' bzejni'ile' ḻe'e wẕonnjle dan' za' chog Dios chegak benách ka' gátgake'?
23274	MAT 3:13	Naž bezá' Jesusen' gan nbab Galilea, na' bžine' žoa'a yego Jordán gan zoa Ẕwa, nich yezóe' nis ḻo na' Ẕwan'.
23275	MAT 3:14	Ẕwan' gónele' wsejwe' x̱neze', na' gože' Jesusen': —Neda' žaḻa' yezóa' nis ḻo no'o Le'. ¿Ẕnnabkzlo' neda' yezóa' Le' nis?
23276	MAT 3:15	Bechebe Jesusen', na' gože' ḻe': —Be' latje na'a, dan' ki žaḻa' gonžo dot da' naken chawe' ḻaw Dios. Naž Ẕwan' bene' kan wnná Jesusen'.
23277	MAT 3:16	Kate' ba bezóa Jesusen' nis, ḻa' bežojtie' ḻo nis. Naž wyaljw ya'abá ḻáwe'le gan zoe', na' bḻa' ḻaw žetj Dios Be' La'y. Bžine' gan zoe', ẕnne'e ka to plomdo'.
23279	MAT 4:1	Naž Dios Be' La'y ḻa' bche'tie' Jesusen' ḻo latje dach nich gata' latje si' bia' da' x̱iwe' Ḻe'.
23280	MAT 4:2	Chopḻalj ža chopḻalj yele bi be bdaw Jesusen'. Wdé na' ẕdone'.
23281	MAT 4:3	Naž bḻa' da' x̱iwen' gan zoa Jesusen', dan' žonen ga bága'gak benách ka' doḻa', na' gožen Jesusen': —Cha' nako' Le' Ẕi'n Dios, gož yej ki yeyákgaken yet x̱til.
23282	MAT 4:4	Bechebe Jesusen', na' gožen': —Nyejw ḻe'e yiche la'y da' ẕnnan: “Kégeze yet x̱til ẕbánḻengak benách ka', san ḻezka' ḻen yógo'te x̱tiža' Dios žak bángake'.”
23283	MAT 4:5	Naž bche' da' x̱iwen' Jesusen' ḻo yež la'y Jerusalén, gan bžian Ḻe' yichjo'o yodo' gan nak sibe.
23285	MAT 4:7	Bechebe Jesusen', na' gožen': —Yetó da' nyejw ḻe'e yiche la'y žen' benách ka', dan' ẕnnan: “Bi nna bi'o X̱ano' Dios.”
23286	MAT 4:8	Naž da' x̱iwen' bchen' Jesusen' gan nak to ḻaw ya'a sibe, gan bḻoe'elen Ḻe' yógo'te yež ka' zej nnitan' yežlyó nga ḻen yógo'te yeḻa' wnni'a chégaken.
23288	MAT 4:10	Jesusen' gožen': —Beyéj, da' x̱iwe', dan' nyejw ḻe'e yiche la'y da' žen' neto', dan' ẕnnan: “X̱ano' Dios wká'n ẕeno', na' toze x̱chine' Ḻe' gono'.”
23289	MAT 4:11	Naž bezá' da' x̱iwen' gan zoa Jesusen'. Naž bḻa'gak wbás che ya'abá ka' gan zoe' nich gákḻengake' Ḻe', na' bnéẕjwgake' da' bdawe'.
23290	MAT 4:12	Kate' benle Jesusen' nyejw Ẕwan' liž ya, wyeje' gan nbab Galilea.
23291	MAT 4:13	Bezé'e ḻo yež Nasaret, na' bejsóe' ḻo yež Kapernaum gan naken žoa'a nisdo', ḻo bza' gan nbab Sabulón, na' gan nbab Neftalí.
23293	MAT 4:15	Gan nbab Sabulón, na' gan nbab Neftalí, ḻo nez žoa'a nisdo' gan zoa yecheḻá'a yego Jordán zaka' gan ẕḻa' wbíž, gan nbab Galilea, gan zej nnita' benách ka' bi zej nake' benne' judío ka'.
23295	MAT 4:17	Katen' wzó ḻaw Jesusen' ẕzie' x̱tiže'e, gože' benne' ka': —Le yeyát ḻaže', dan' za' ḻa' Dios, Bennen' ze'e ya'abá chie', na' nna bi'e ḻo yežlyó nga.
23296	MAT 4:18	Kate' wdé Jesusen' žoa'a nisdo' che gan nbab Galilea, bḻe'ele' chope benne'. Toen' lie' Smon, bennen' ḻezka' lie' Bedw. Ndres, benne' biche' Bedon', žónḻene' ḻe' tẕen. Žoptie' ẕzáḻa'gake' yix̱jw bel chégake' ḻo nisdon', dan' zej nake' benne' wẕén bel ka'.
23297	MAT 4:19	Jesusen' gože' ḻégake': —Le gonḻen neda' tẕen, na' gona' ga yedjwa'le benách ka' nich gákgake' chia' neda', gonle kan žonle kate' ẕzenle bel ka'.
23298	MAT 4:20	Žoptie' ḻa' bká'ntegake' yix̱jw bel ka' chégake', na' jákḻene' Jesusen'.