13946	PSA 1:3	Benne' ni nake' ka to yag da' zoan žoa'a yegw, da' ẕbian da' ẕix̱ chen ḻo byo' chekzen, na' x̱lagen bi žasen. Yógo'te da' žon benne' ni, želžój chawen',
13956	PSA 2:7	Ẕnna Bennen': “Wzenla' ḻe'e da' gož X̱anžon' neda'. Gože' neda': Le' nako' Ẕi'na'. Na'a ža naka' x̱o'.
13961	PSA 2:12	Le gape ba la'ne Ẕi'ne' nich bi že'e, na' bi kwia yi'le ḻo nez chele, dan' ḻa' žá'atie' Ḻe'. Ba nez ẕen naken chegak yógo'te benne' ka' žx̱en ḻáže'gake' Ḻe'.
13969	PSA 3:8	Wyás, X̱ana' Dios. Beslá neda', Dios chia', na' wdáp x̱ága'gak benne' ka' ẕdíḻ-ḻengake' neda', na' bdichj láye'gak benne' wen da' ẕinnj ka'.
13976	PSA 4:6	Le got biado' ka' ḻawe' Ḻe' ḻo da' nak chawe', na' le wx̱én ḻaže' X̱anžo Dios.
13978	PSA 4:8	Le' bzo' yeḻa' žebele ḻo yichj ḻáẕda'wa', dan' nakžen ẕen ka da' zej nape benne' ka' zej nápḻi'e ẕoa', na' x̱is uba waḻ.
13990	PSA 5:11	Ben zi' benne' ka', Dios. Ben ga chejchégwgake' ni'a che x̱tíža'gakkze'. Dan' nyanḻe'e da' bi nak chawe' da' žóngake', na' dan' bží'igake' chio' Le', bnnita' ḻégake' cheḻa'ale.
13991	PSA 5:12	San yebéḻe'egekle benne' ka' žx̱en ḻáže'gake' Le'. Kwežeyá'gake' ḻo yeḻa' žebele dan' žákḻeno' ḻégake'. Benne' ka' zej nži'ile' Le' yebéḻe'egekle' ḻawo' Le'.
13996	PSA 6:4	Že' zede yichj ḻáẕda'wa', na' Le', X̱ana' Dios, ¿batx̱ gákḻeno' neda'?
14005	PSA 7:2	X̱ana' Dios, žx̱en ḻaža'a Le'. Beslá neda' ḻo na'gak benne' ka' žsáka'gake' neda', na' gokḻen neda',
14006	PSA 7:3	nich bi séngake' neda' ka žon bež yix̱e', na' bi wchéza'gake' neda' gan bi zoa no benne' gákḻene' neda'.
14019	PSA 7:16	Ba bche'ne' to yežw gže' nich yéx̱jwgak benne' ka' ga na', san bex̱jwe' ḻekze' ḻo yežwn'.
14024	PSA 8:3	Žoḻgak x̱kwide' ka', na' bi'do' že'n ka', ka naken. Yo'o chawo'o gan bi gak ḻa'gak benne' ka' bi ẕḻé'egekle' Le' chawe'. Ẕzoa žio' benne' ka' bi ẕḻé'egekle' Le' chawe', na' benne' ka' ẕzóagake' Le' cheḻa'ale.
14027	PSA 8:6	Beno' ḻégake' yeláte'ze gax̱jw ka nako' Le', na' bzo' chégake' yeḻa' ẕen, na' yeḻa' ba la'ne.
14029	PSA 8:8	ẕila' ka', na' bež ka', na' yógo'te bia yix̱e' ka',
14030	PSA 8:9	bia zej nnita' x̱ílgakba', na' bel ka', na' yógo'te bia ka' zej nníta'ba' ḻo nisdo'.
14042	PSA 9:11	Benne' ka' zej nónbi'e Le', X̱anto' Dios, wx̱én ḻáže'gake' Le', dan' bi wléj yichjo' benne' ka' žíljgake' Le', X̱anto' Dios.
14047	PSA 9:16	Chejchazgak benne' yež ka' ḻo yežw da' bché'ngake'. Chejcházgake' ḻo do yeḻj da' bdíx̱jgake'.
14050	PSA 9:19	Kege to chi'ize gaḻ ḻaže' Dios benne' yache' ka', na' kege to chi'ize nitle da' žx̱en ḻáže'gake'.
14054	PSA 10:2	Ḻo yeḻa' ẕka'n ẕen kwin benne' bi nake' chawe' ẕbia ḻaže'e benne' yache', san chejchaze' ḻo da' bdix̱jwe' nich wžía yi'e bennen'.
14058	PSA 10:6	Ḻo yichj ḻáẕda'we' ẕnne': “Bi be gak wsejw x̱neza'. Batkle bi gak chia' da' bi naken chawe'.”
14061	PSA 10:9	Bagáche'ze ẕbeze' ka žon bež yix̱e'. Ẕbeze' nich gak sene' benne' yache' ka'. Kate' ẕzene' benne' yache' ḻo do yeḻj chie', na' ẕchi'e ḻe' chekze'.
14062	PSA 10:10	Kan žon bež yix̱e' zóateze' x̱íti'e ḻáwlegak benách ka', na' ẕzene' benne' zan ḻen ne'e waḻe.
14069	PSA 10:17	Benno' chegak benne' gax̱jw ḻaže' ka' da' wnnábgekle' Le', X̱ana' Dios. Le' ẕkwezo' yichj ḻáẕdo'gak bénne'do' ka' nich wzé nággake' x̱tižo'o,
14071	PSA 11:1	Žx̱en ḻaža'a X̱ana' Dios. ¿Biẕ chen' že'gak benách ka' neda': “Bẕonnj, wyéj ḻaw ya'a ka to byinne”?
14072	PSA 11:2	Bwia nga, ẕkwezgak benne' ka' bi zej nake' chawe' yag ntóche'do' ka' chégake'. Ba bx̱óagake' yag ntóche'do' ka' chégake' ḻo do chen, nich gótgake' bagáche'ze benne' chawe' ka'.
14091	PSA 13:5	na' nich bi nna bennen' bi ẕḻe'ele' neda' chawe', bi nne': “Ba bzex̱jwa' ḻe'.” Benne' ka' bi ẕḻé'egekle' neda' chawe' yebégekle' cha' chejchaza' ḻo da' bi nak chawe',
14092	PSA 13:6	san neda' žx̱en ḻaža'a Le' yeyache' ḻáže'lo' neda'. Dot ḻáẕda'wa' žebela' dan' žákḻeno' neda'. Goḻkza' che X̱ana' Dios dan' žon chawe'e neda'.
14093	PSA 14:1	Benne' ḻaẕdo' zide ka' ẕza' ḻáže'gake', na' ẕnnágake': “Bi zoa Dios.” Benne' ki zej nchix̱le yichj ḻáẕdo'gake', na' žóngake' da' bi naken chawe'. Bi zoa no benne' žone' da' naken chawe'.
14095	PSA 14:3	Yógo'tie' bejchíx̱gekle'. Yógo'tie' zej nchix̱le yichj ḻáẕdo'gake'. Bi zoa no benne' žone' da' naken chawe', nitóe'.
14098	PSA 14:6	Ẕcá'ngake' ca'ze da' wnnagak benne' yache' ka', san benne' ki žx̱én ḻáže'gake' X̱anžo Dios.
14103	PSA 15:4	Wak soa bennen' ga na', bennen' bi žape' ba la'ne no benne' žone' da' ẕinnj, san žape' ba la'ne benne' ka' žápegake' X̱anžo Dios ba la'ne bennen' bi ẕche'e x̱tiže'e ḻa'kze gonen ga bi wnite'.
14105	PSA 16:1	Bwia neda', Dios, dan' žx̱en ḻaža'a Le'.
14110	PSA 16:6	Da' žonno' chia' naken da' ba nez ẕen da' ẕzi'a, na' x̱tanḻe'e nak latje gan bzo' neda'.
14112	PSA 16:8	Žx̱en ḻaža'a X̱anžo Dios yezi'e neda'. Dan' zoe' kwita', bi be gak wcheben neda'.
14113	PSA 16:9	Che ḻen zoa ḻáẕda'wa' yeḻa' žebél, na' žebéḻe'etezla', na' kate' gacha'a ḻo yežw ba wx̱én ḻaža'a Le'
14119	PSA 17:4	Žona' ka nak da' ẕnna x̱tižo'o, na' bi žona' kan žongak benne' wen da' ẕinnj ka'.
14122	PSA 17:7	Bḻoe'el neda' kan žeyache' ḻáže'ḻe'elo' benách ka'. Beslá benne' ka' žx̱en ḻáže'gake' Le' ḻo na'gak benne' ka' bi ẕḻé'egekle' ḻégake' chawe'.
14123	PSA 17:8	Bwia neda' ka žon no benne' ẕwíakze' yej ḻawe'. Wdape chi'i neda' ka žon ẕkoko', bian' žape chi'iba' bríse'do' ka' ẕan x̱ilba'
14127	PSA 17:12	Zej nake' ka to bež yíx̱e'do' žénelba' bi da' gawba'. Zej nake' ka to bež yix̱e', bia ẕkache' kwinba' nich senba' biado' ka'.
14133	PSA 18:3	Le', X̱ana' Dios, nako' ka to yej gan zoa' choch, na' nako' ka to yo'o ẕen gan yo'o chawa'a. Nako' Benne' weslá chia', na' Dios chia'. Le' ẕzoa chocho' neda', na' wx̱én ḻaža'a Le'. Žape chi'o neda', na' žesló' neda', na' ẕkache' chawo'o neda'.
14146	PSA 18:16	Naž bḻa' ḻawgak da' ka' zej že' gže' ẕan nisdo', na' bḻa' ḻaw x̱ni'a yežlyó dan' žen' ẕan nisdon'. Bdiḻo' benne' ka' ẕžá'agake' neda', X̱ana' Dios, na' ḻo yeḻa' ẕža'a chio' bsejo' x̱nézgake'.
14147	PSA 18:17	Betj Dios ḻo da' sibe, na' bex̱we' neda', na' ḻen ne'e waḻe bebeje' neda' ḻo da' zede da' goken ka nis zil.
14153	PSA 18:23	Žona' ka nak da' bchi'le' žo'o, na' bi bsana' diža' ka' da' bdix̱jwe'.
14158	PSA 18:28	Yesló' benne' chawen' ḻo da' wžía yin' benách ka', san wzex̱jo' benne' ka' ẕka'n ẕen kwíngake'.
14161	PSA 18:31	Da' ka' žon Dios zej naken ḻi ḻaže', na' x̱tiže'e naken dot da' li. Žape chi'e yógo'te benne' ka' žx̱en ḻáže'gake' Ḻe'.
14164	PSA 18:34	Žone' ni'a ka zej nak ni'a bžina' yix̱e' na' ẕzoa choche' neda' ḻaw Ya'a Sión chie'.
14168	PSA 18:38	Bsejwa' x̱nezgak benne' ka' ẕžá'agake' neda', na' bena' ga bẕónnjgake', na' bi beyá'a liža' ga bžinte beta' benne' ka'.
14169	PSA 18:39	Bena' benne' ka' we', na' bi gok yeyásgake'. Bejbíx̱gake' ẕan ni'a.
14170	PSA 18:40	Ben chocho' neda' nich gok cha'a ḻo wdiḻen'. Bzex̱jo' benne' ka' ẕžá'agake' neda' ẕan ni'a.
14173	PSA 18:43	Bžia yi'a benne' ka', na' gókgake' ka bix̱te yo dan' ẕzen ḻo be'. Bleja' ḻégake' ka ẕleja' gona' ḻo nez ka'.
14185	PSA 19:4	Bi ẕkóngeklen žin x̱tíža'gak benne' ka', na' bi zoa no benne' ženle' chí'igaken,
14186	PSA 19:5	san ẕžin da' ẕnnágaken do ẕente yežlyó, na' ẕžingak x̱tíža'gaken dot yežlyó. Dios bene' ya'abá ka to yo'o gan zoa wbíž.
14192	PSA 19:11	Naken da' ẕdan ḻáže'žežo ka ya oro, na' ka ya oro ẕente dan' záka'ḻe'en. Nakžen ẕix̱ ka bžina' che bez, dan' nakḻe'en ẕix̱.
14204	PSA 20:8	Baḻ benne' ka' žx̱en ḻáže'gake' karro ka' che wdiḻe, na' yezíka'že' žx̱en ḻáže'gake' bia waḻe ka', san žo'o žx̱en ḻáže'žo La X̱anžo Dios.
14214	PSA 21:8	Dan' bennen' ẕnna bi'e žx̱en ḻaže'e X̱anžon', yeyache' ḻaže'l Dios ẕente ḻe', na' bi kwe' zedle'.
14215	PSA 21:9	Wzetjo' yógo'te benne' ka' bi ẕḻé'egekle' Le' chawe'. Ḻen yeḻa' wak chio' wzex̱jo' benne' ka' ẕží'igake' chio'.
14225	PSA 22:5	X̱a x̱na' wdé cheto' ka' bx̱en ḻáže'gake' Le'. Bx̱en ḻáže'gake', na' besló' ḻégake'.
14226	PSA 22:6	Bḻížgake' Le', na' gókḻeno' ḻégake'. Bx̱en ḻáže'gake' Le', na' bi bedoé'egekle',
14229	PSA 22:9	“Bx̱en ḻaže'e X̱anžon' nich yeslé' ḻe'. Yeslé' ḻe' cha' žaz ḻaže'e ḻe'.”
14230	PSA 22:10	San Le', X̱ana', bex̱o' neda' kate' golja'. Beno' ga bx̱en ḻaža'a Le' kate' ne žaẕa'a.
14231	PSA 22:11	Wyoá'a ḻo no'o kate' bi na' galja'. Kate' ne yoa'a ḻe'e x̱na'a, báchekze nako' Dios chia'.
14234	PSA 22:14	Gónegekle' wžía yí'gake' neda' ka žon to bež yix̱e', bia ẕdonba', na' ẕbéžeya'aba'.
14236	PSA 22:16	Beyák yeḻa' waḻe chia' ka to že'n yo dan' nla'an, na' loža'a wdán' chichjla'. Bletjo' neda' ḻo bix̱te yo che yeḻa' got.
14242	PSA 22:22	Beslá neda' ḻo žoa'a bež yix̱e'. Beslá neda' ḻo lozgak bež waḻe ka'.
14247	PSA 22:27	Gawgak benne' gax̱jw ka', na' yéljgekle'. Bíga'gake' ḻaw X̱anžon', na' wká'n ẕéngake' Ḻe'. Gákteze yeḻa' ba nez ẕen chegak benne' ka'.
14254	PSA 23:2	Ka žon bennen' ga ẕzi' ḻáže'gak ẕila' ka' gan bdáwgakba' yix̱e' ya'ado', ki žon Dios chia' neda'. Gone' chia' kan žon bennen' chegak ẕila' ka' ẕchi'e-ba' žoa'a yegw nis da' že' žize.
14260	PSA 24:2	Bzoen' ḻawle nisdo', na' bzaḻe'e x̱ni'an že'lte ẕan nisdo'.
14270	PSA 25:2	Žx̱en ḻaža'a Le', Dios chia'. Bi go'o latje yedoe'ela'. Bi go'o latje benne' ka' bi ẕḻé'egekle' neda' chawe' wžía yí'gake' neda'.
14271	PSA 25:3	Bi chíx̱gekle benne' ka' žx̱en ḻáže'gake' Le', san yedoé'egekle benne' ka' ẕží'igake' che x̱tižo'o.
14273	PSA 25:5	Bsedle neda' gona' da' naken dot da' li chio'. Dan' nako' Dios, na' žesló' neda', wx̱én ḻáže'teza' Le'.
14275	PSA 25:7	Bi chejsá' ḻažo'o doḻa' da' bena' kate' ne naka' benne' kwide', na' kan bži'a che x̱tižo'o. Ḻo yeḻa' žeyache' ḻaže' chio', na' yeḻa' ži'i ḻaže' bejsá' ḻaže' neda', X̱ana' Dios.
14277	PSA 25:9	Wḻoe'ele' benne' gax̱jw ḻaže' ka' da' naken chawe' na' wsedle' benne' ẕen ḻaže' ka' da' góngake'.
14278	PSA 25:10	Ḻo yeḻa' žeyache' ḻaže', na' ḻo da' li, ẕche' X̱anžon' benne' ka' žóngake' kan ẕnna x̱tiže'e dan' bénḻene' žo'o, na' ka nak da' žsedle' Ḻe'.
14282	PSA 25:14	X̱anžo Dios nake' toze ḻen benne' ka' ẕžébegake' Ḻe', na' gone' ga gónbia'gake' x̱tiže'e dan' bénḻene' žo'o.
14283	PSA 25:15	Wx̱én ḻáže'teza' X̱anžo Dios dan' beslé' neda' ḻo na'gak benne' ka' žénegekle' wžía yí'gake' neda'.
14288	PSA 25:20	Bwia be' da' nakkza', na' beslá neda'. Bi go'o latje yedoe'ela' dan' žx̱en ḻaža'a Le'.
14289	PSA 25:21	Da' chawe', na' yeḻa' ḻi ḻaže', žon chóchgaken neda' dan' žx̱en ḻaža'a Le'.
14291	PSA 26:1	Bchi'a ḻaže' neda', X̱ana' Dios, dan' bena' da' naken chawe'. Bx̱en ḻaža'a Le', X̱ana' Dios, na' bi gok chop ḻaža'a.
14305	PSA 27:3	Ḻa'kze chéchjgekle benne' zan, benne' žjake' ḻo wdiḻe neda', benne' ka' bi ẕḻé'egekle' neda' chawe', bi žébekza'. Ḻa'kze žon byéngake' tíḻ-ḻena' ḻégake', neda' wx̱én ḻáže'kza' Dios.
14308	PSA 27:6	Naž gone' ga wzex̱jwa' benne' ka' bi ẕḻé'egekle' neda' chawe', benne' ka' zej nyechjle' neda'. Ḻo yeḻa' žebele gota' biado' ka' ḻo bkog la'y chie'. Goḻkza', na' wká'n ẕenkza' X̱anžon'.
14312	PSA 27:10	Ḻa'kze wsangak x̱a x̱na'a neda', yeka'akze X̱anžo Dios neda'.
14323	PSA 28:7	X̱anžo na'kze ẕze choche' neda', na' žape chi'e neda'. Bx̱en ḻaža'a Ḻe', na' gókḻene' neda'. Che ḻen yebéḻe'ela', na' goḻkza', na' wká'n ẕenkza' Ḻe'.
14331	PSA 29:6	Žx̱ite' Ya'a Líbano ka žx̱íte'gak beždo' ka', na' žx̱ite' Ya'a Hermón ka to beždo'.