13945	PSA 1:2	san žebele' dan' žone' kan ẕchi'le X̱anžo Dios, na' kan nak dan' wnnakze' Ḻe', dot ža dot yel ẕlab ḻaže'en.
13959	PSA 2:10	Na'a, ḻe'e, Benne' wnná bia' ka', le yenle da' ni da' ẕzejni'ila' ḻe'e. Le wsedle da' ni da' ẕzenla' ḻe'e, ḻe'e na' ẕnna bia'le ḻo yežlyó.
13974	PSA 4:4	Žaḻa' nnézlele ba wžé X̱anžo Dios bennen' žape' Ḻe' ba la'ne. X̱anžo Dios yenle' chia' kate' wḻiža' Ḻe'.
13981	PSA 5:2	Bze nag da' ẕnnia', X̱ana' Dios. Be' ḻaže' kan ẕbeže ḻaža'a.
13983	PSA 5:4	X̱ana' Dios, chbal-le yenlo' chi'a. Zildo' ḻa'kza' ḻawo' Le', na' kweza' da' yi'o neda'.
13990	PSA 5:11	Ben zi' benne' ka', Dios. Ben ga chejchégwgake' ni'a che x̱tíža'gakkze'. Dan' nyanḻe'e da' bi nak chawe' da' žóngake', na' dan' bží'igake' chio' Le', bnnita' ḻégake' cheḻa'ale.
13999	PSA 6:7	Ba žedó ḻaža'a dan' ẕbeže ḻaža'a. Yógo'te yel ẕbise gan dia' ḻen nis ẕbeža'. Žesbisan' ḻen nis ẕbeža'.
14000	PSA 6:8	Ba nyejw yej ḻawa' dan' ẕbéžeḻi'a. Ba bebižkze nis dan' yožen yej ḻawa' dan' ẕžá'aḻe'egak benne' ka' žsáka'gake' neda'.
14001	PSA 6:9	Le kwas ga zoa' ni, yógo'tele žonle da' ẕinnj, dan' ženle Dios ẕbéžeḻi'a.
14017	PSA 7:14	Za' wkonle' žin ya chie' ka' che wdiḻe. Za' wsíe' yag ntóche'do' ka' zoa yi' ḻáwe'gaken.
14023	PSA 8:2	X̱anto' Dios, ẕente nak La la'y chio' Le' do ẕente yežlyó. Nakže ẕen yeḻa' ẕen chio' ka ya'abá.
14024	PSA 8:3	Žoḻgak x̱kwide' ka', na' bi'do' že'n ka', ka naken. Yo'o chawo'o gan bi gak ḻa'gak benne' ka' bi ẕḻé'egekle' Le' chawe'. Ẕzoa žio' benne' ka' bi ẕḻé'egekle' Le' chawe', na' benne' ka' ẕzóagake' Le' cheḻa'ale.
14027	PSA 8:6	Beno' ḻégake' yeláte'ze gax̱jw ka nako' Le', na' bzo' chégake' yeḻa' ẕen, na' yeḻa' ba la'ne.
14036	PSA 9:5	dan' ẕzoa chawo'o da' chawe' da' žona'. Ži'o latje blo chio', na' cháwe'do' ẕchi'a ḻažo'o.
14037	PSA 9:6	Bdiḻo' benne' yež ka', na' bchinnjo' yo'o chegak benne' wen da' ẕinnj ka'. Bsoḻo' lagak benne' ka' to chi'ize.
14039	PSA 9:8	X̱anžo Dios zoakze' to chi'ize. Bkweze' latje blo chie' gan wchi'a ḻaže'e benne' ka'.
14055	PSA 10:3	Ẕka'n ẕen kwine' ni'a che da' ẕze ḻaže'e. Ẕnne zi'e bennen' ẕdan ḻaže'e yeḻa' gape, na' ẕka'ne' ka'ze Le', X̱ana' Dios.
14059	PSA 10:7	Ẕnnáteze' da' kegle, na' da' wen ḻaže', na' ẕkache'lanteze'. Diža' ka'ze, na' diža' yaḻze ẕžójgaken žoe'e.
14064	PSA 10:12	Wzó ža', X̱ana' Dios, na' bze no'o. Bi gaḻ ḻažo'o benne' yache' ka'.
14066	PSA 10:14	San Le' bḻe'ekzlo' da' ni, dan' ẕwio' no benne' žone' da' ẕinnj, na' da' bi nak chawe', nich yezi'kzo' wzón benne' ka'. Benne' yache' ka' ẕde kwíngake' ḻo no'o. Le' žákḻenkzo' bi' wzebe ka'.
14067	PSA 10:15	Ẕkwaso' yeḻa' waḻe che benne' wen da' ẕinnj. Wléj ḻawle da' bi nak chawe' da' bene', dan' bene' bagáche'ze.
14068	PSA 10:16	To chi'ize nak X̱anžon' Benne' ẕnna bi'e žo'o. Ḻo yežlyó chie' ba wžía yi'gak benne' ka' bi ẕḻé'egekle' Ḻe' chawe'.
14082	PSA 12:5	Benne' ka' ẕnnágake': “Da' ẕchaḻjžo gákḻenen žo'o. Wchaḻjžo kan žénelžo. ¿Noẕkze benne' wchi'le' žo'o?”
14086	PSA 12:9	Kate' ẕka'n ẕengak benách ka' da' ẕinnj, zej nnita' benne' bi zej nake' chawe' ka' gáte'teze.
14094	PSA 14:2	X̱anžo Dios, Bennen' zoe' ya'abá, ẕwie' benne' ka' nich ḻe'ele' cha' zoa no benne' žejni'ile', bennen' žape' Dios ba la'ne.
14104	PSA 15:5	Wak soa bennen' ga na', bennen' žsane' mežw chie', na' bi žennabe' yichjen, na' bi žezi'e mežw nich wzóa lie' da' wen ḻaže' che benne' bi be ẕia nbage'e. No benne' žone' ki batkle chejchaze' ḻo da' ẕinnj.
14121	PSA 17:6	Žḻiža' Le', Dios, dan' ženlo' chi'a. Bze nag chi'a, na' benle da' ẕnnia'.
14133	PSA 18:3	Le', X̱ana' Dios, nako' ka to yej gan zoa' choch, na' nako' ka to yo'o ẕen gan yo'o chawa'a. Nako' Benne' weslá chia', na' Dios chia'. Le' ẕzoa chocho' neda', na' wx̱én ḻaža'a Le'. Žape chi'o neda', na' žesló' neda', na' ẕkache' chawo'o neda'.
14140	PSA 18:10	Bsaljwe' ya'abá, na' betje', na' wzóa da' choḻ ẕan ni'e.
14162	PSA 18:32	Toze X̱anžon' nake' Dios. Toze Dios chežo nake' Benne' žape chi'e žo'o.
14169	PSA 18:39	Bena' benne' ka' we', na' bi gok yeyásgake'. Bejbíx̱gake' ẕan ni'a.
14170	PSA 18:40	Ben chocho' neda' nich gok cha'a ḻo wdiḻen'. Bzex̱jo' benne' ka' ẕžá'agake' neda' ẕan ni'a.
14181	PSA 18:51	Žono' ga žon to benne' da' ẕen ka', bennen' ẕnna bi'e ḻo wlazo' Le', na' žeyache' ḻáže'lo' bennen' wžío' Le', bennen' nake' Dabí, na' ẕa'sóe' ka', to chi'ize.
14184	PSA 19:3	To ža ẕzenlen ža yoble da' ni, na' to yel žen' yel yoble da' na'kzen.
14187	PSA 19:6	Zildo' ẕḻan' ka to benne' byo ẕchag ne'e. Žebelen ka to benne' ẕzá'ḻi'e.
14189	PSA 19:8	Dot ḻi ḻaže' nak da' žsedle X̱anžo Dios, na' ẕzoa chochen be' da' nakkzžo. Ḻi ḻaže' nak da' bchi'le X̱anžon' žo'o. Ẕneẕjwn yeḻa' žejní'il chegak benne' ka' bi zej napen'.
14191	PSA 19:10	Nak chawe' ẕžébežo X̱anžon', dan' gonen ga soažo nbanžo to chi'ize. Da' likze nak kan ẕchi'a ḻaže' X̱anžon' žo'o, na' naken chawe'.
14193	PSA 19:12	Žsedlen neda', wen žin chio', dan' žona' kan ẕnnan, na' da' ẕenḻe'e žezi'a.
14195	PSA 19:14	Bkache' chawe' neda', wen žin chio', nich bi be doḻa' gona' dot ḻaža'a. Bi go'o latje nna bia' doḻa' neda'. Naž gaka' ḻi ḻaže', na' bi baga'a ẕia che doḻan'.
14201	PSA 20:5	Ẕnnabla' Ḻe' gonne' chio' yógo'te da' ẕdan ḻažo'o, na' gone' yógo'te da' žak ḻažo'o.
14224	PSA 22:4	san Le' nako' la'y. Ẕbezkzo' gan ẕka'n ẕengak benne' Israel ka' Le'.
14228	PSA 22:8	Yógo'te benne' ka', kate' ẕḻé'egekle' neda', ẕká'ngake' neda' ka'ze. Žsáljwgake' žóa'agake' nich nnégake' chia', na' ẕta yíchjgake', na' ẕnnágake':
14230	PSA 22:10	San Le', X̱ana', bex̱o' neda' kate' golja'. Beno' ga bx̱en ḻaža'a Le' kate' ne žaẕa'a.
14237	PSA 22:17	Zej nyechjle benne' wen da' ẕinnj ka' neda'. Zej nyechjle' neda' ka beko' ka'. Wdídjwgake' ni'a na'a.
14255	PSA 23:3	Žon choche' yichj ḻáẕda'wa'. Žon chawe'e neda' nich gak da' bchebe ḻaže'e.
14258	PSA 23:6	Da' likze da' chawe', na' yeḻa' ži'i ḻaže' chio' sóaḻengaken neda' yógo'te ža soa' nbana', na' ližo', Dios, gaken liža' to chi'ize.
14268	PSA 24:10	¿Noẕkzen' Benne' Wnná Bia' Ẕente ni? Nake' X̱anžon', Bennen' ẕnna bi'e gáte'teze. Ḻe' nake' Benne' Wnná Bia' Ẕente na'.
14269	PSA 25:1	X̱ana' Dios, ẕcháḻjḻena' Le' dot ḻaža'a.
14271	PSA 25:3	Bi chíx̱gekle benne' ka' žx̱en ḻáže'gake' Le', san yedoé'egekle benne' ka' ẕží'igake' che x̱tižo'o.
14272	PSA 25:4	X̱ana' Dios, bḻoe'el neda' da' žak ḻažo'o gona'. Bche' neda' gan žénelo' cha'a.
14275	PSA 25:7	Bi chejsá' ḻažo'o doḻa' da' bena' kate' ne naka' benne' kwide', na' kan bži'a che x̱tižo'o. Ḻo yeḻa' žeyache' ḻaže' chio', na' yeḻa' ži'i ḻaže' bejsá' ḻaže' neda', X̱ana' Dios.
14282	PSA 25:14	X̱anžo Dios nake' toze ḻen benne' ka' ẕžébegake' Ḻe', na' gone' ga gónbia'gake' x̱tiže'e dan' bénḻene' žo'o.
14285	PSA 25:17	Nyanḻe'e da' zede da' zej yo'on yichj ḻáẕda'wa'. Beslá neda' ḻo da' zede da' ẕzaka'a.
14286	PSA 25:18	Bwia ka ẕzáka'ḻi'a, na' ka žónḻi'a žin, na' benít ḻaw che yógo'te doḻa' da' nbaga'a.
14291	PSA 26:1	Bchi'a ḻaže' neda', X̱ana' Dios, dan' bena' da' naken chawe'. Bx̱en ḻaža'a Le', X̱ana' Dios, na' bi gok chop ḻaža'a.
14303	PSA 27:1	X̱anžo Dios nake' yeḻa' baní' chia', na' Benne' žeslé' neda'. Bi gak no benne' wchebe' neda'. X̱anžo Dios nake' Benne' žape chi'e neda'. Bi gak no benne' wzóe' neda' ḻo da' zedḻe'e.
14315	PSA 27:13	X̱anžo Dios bchebe ḻaže'e ḻe'ela' da' chawe' chie' gan sóateza' nbana'. Chela' bi žejḻi'a da' ni, na' gat ni'a na'a.
14316	PSA 27:14	Le kwez ža yeḻá' X̱anžon'. Le gon choch ḻáže'le, na' Ḻe' wzé choche' ḻe'e. O', le kwez ža yeḻá' X̱anžon'.
14325	PSA 28:9	Beslá benne' chio' ka'. Ben chawe' da' nak chégake'. Wdáp chi'i benne' ka', na' bze choch ḻégake' to chi'ize.
14326	PSA 29:1	Le wká'n ẕen X̱anžon', ḻe'e, zoale ya'abá. Le wká'n ẕen yeḻa' ẕen chie', na' yeḻa' wak chie'.
14341	PSA 30:5	Le goḻ che X̱anžon', ḻe'e nakle benne' chekze' Ḻe'. Le ye' Ḻe' “žóx̱keno'”, na' bejsá' ḻaže' nake' la'y.
14342	PSA 30:6	To chí'ido'ze ẕže'e, san to chi'ize zoa yeḻa' ži'i ḻaže' chie'. Kwéžežo to yelze, san zildo' yebéḻe'elžo.
14348	PSA 30:12	Beno' ga beyák yeḻa' ẕbeže chia' yeḻa' žia'a. Bkwaso' yeḻa' nyache' ḻaže' chia', na' beno' ga bebéḻe'ela'.
14349	PSA 30:13	Che ḻen goḻkza' chio'. Nakkzo' Le' yeḻa' ba nez chia', na' bi soakza' žize. X̱ana' Dios, wká'n ẕenkza' Le' to chi'ize.
14360	PSA 31:11	Dan' ẕde yeḻa' nban chia' ḻo da' ẕzáka'ḻi'a, ẕdia' yiz chia' ka' ẕbeže ḻaža'a, na' žedó ḻaža'a dan' nbaga'a ẕia, na' ẕlagak žit yoa'a.
14362	PSA 31:13	Goḻ ḻáže'gake' neda' ka žóngake' che to benne' gat. Naka' neda' ka to ye'n yo da' nla'an.
14370	PSA 31:21	Ḻo da' bagáche'ze gan zo' Le' ẕkache' chawo'o benne' chio' ka' nich bi be gongak benne' ka' chégake'. Ẕnnito' benne' ka' to ḻo yo'o ngache' nich bi be gongak chégake' benne' ka' ẕdiḻ diže'e.
14374	PSA 31:25	Le gon choch ḻáže'le, ḻe'e žx̱en ḻáže'le X̱anžo Dios, na' Ḻe' wzé choche' ḻe'e.
14375	PSA 32:1	Ba nez ẕen naken che bennen' Dios ba benít ḻawe' x̱toḻe'e, na' ba beké'e da' ẕinnj da' wbage'e.
14376	PSA 32:2	Ba nez ẕen naken che bennen' Dios bi žesbage'e ḻe' ẕia, bennen' bi ẕcache'e x̱toḻe'e.
14379	PSA 32:5	Naž bex̱óalapa' doḻa' chia', na' bi bkacha'a da' ẕinnj dan' bena'. Bechóg ḻaža'a bex̱óalapan' ḻawo' Le', X̱ana' Dios, na' benít ḻawo'o Le' che x̱toḻa'a.
14385	PSA 32:11	Ḻe'e, benne' chawe' ka', le yebele na' le soa ḻo yeḻa' ba nez, dan' gokḻen X̱anžon' ḻe'e. Ḻo yeḻa' žebele le goḻ, dan' nakle ḻi ḻaže' ḻawe' Ḻe'.
14391	PSA 33:6	X̱anžo Dios bene' ya'abá ḻen x̱tiže'e, na' yógo'te belj ka' da' zej nla' ẕan ya'abá bene' ḻen be' da' ẕžojen žoe'e.
14405	PSA 33:20	Žx̱en ḻáže'žo X̱anžo Dios. Ḻe' žákḻene' žo'o, na' žape chi'e žo'o.
14437	PSA 35:7	Bkáche'gake' to do yeḻj nich senen neda', na' bi be bena' chégake'. Bché'ngake' to yežw gan chejbix̱a' neda', na' bi be da' ẕia nbaga'a.
14449	PSA 35:19	Bi go'o latje yebégekle benne' ka' bi ẕḻé'egekle' neda' chawe', na' bi be bena' chégake'. Bi go'o latje benne' ka' gon dítjgekle neda', benne' ka' ẕžá'agake' neda', na' bi be ẕia nbaga'a.
14460	PSA 36:2	Da' ẕinnj da' žon bennen' ẕzoe' Dios cheḻa'ale ẕcháḻjḻenen ḻe' ḻo yichj ḻáẕda'we'. Bi ẕdan ḻáže'kze' gape' Dios ba la'ne.
14464	PSA 36:6	X̱ana' Dios, ẕente nak yeḻa' žeyache' ḻaže' chio' dan' ẕžinten ẕan ya'abá. Yeḻa' ḻi ḻaže' chio' ẕžinten ḻo bejw.
14475	PSA 37:4	Wyáz ḻaže' X̱anžon', na' Ḻe' gonnkze' chio' da' ẕdan ḻažo'o.
14479	PSA 37:8	Bzoa cheḻa'ale yeḻa' yichj ža'a, na' bi žo'o. Bi gak ḻažo'o yebi'o che bennen' bi nake' chawe',
14489	PSA 37:18	Nonbia' X̱anžon' baḻ ža sóagake' nbángake'. Da' zej nape benne' chawe' ka' soan to chi'ize.
14507	PSA 37:36	san wdé chie', na' biž zoe' na'a. Bejdilja' ḻe', san bi bežeḻ-la'-ne'.
14520	PSA 38:9	Nat ni'a na'a, na' žekla' zej nžoẕjen žit yoa'a. Ẕbeže ḻaža'a dan' že' zedle yichj ḻáẕda'wa'.
14525	PSA 38:14	san neda' bi ženla', kan žak che to benne' kwežw, na' naka' ka to benne' bi žak nne', benne' bi žsaljwe' žoe'e.
14530	PSA 38:19	Che ḻen yex̱óalapa' da' bi nak chawe' da' bena', na' gak nyache' ḻaža'a ni'a che doḻa' da' nbaga'a.
14537	PSA 39:3	Wzóa' žize ka to benne' bi žak nnie' na' bi be wnnía', na' bi bchaḻja' da' naken chawe' da' žaḻa' nnia', na' bgolže da' ẕzaka'a.
14541	PSA 39:7	“Da' li zej nak benne' ka' ka to ẕóḻdo'ze. Da' likze dáche'ze zej že' benne' ka' wnné yoe ni'a che yeḻa' nban chégake'. Ẕdan ḻáže'gake' yeḻa' wnni'a, na' bi zej nnezle' no benne' gaken chie'.
14542	PSA 39:8	Na'a, X̱ana' Dios, ¿biẕkze wx̱én ḻaža'a? Toze Le' žaḻa' wx̱én ḻaža'a.
14555	PSA 40:7	Bi chaz ḻažo'o biado' ka' gota' ḻawo' Le', cha' to da' gonna' chio'. Bi ẕnnabo' biado' ka' wzeya' ḻawo' Le', na' žen chegak biado' ka' da' ko'an ḻawo' Le' ni'a che doḻa' chia', san bsaljo' naga' nich yenla' chi'o.
14561	PSA 40:13	Nyéchjgekle da' bi nak chawe' ka' neda', na' da' bi nak chawe' ka' da' bena' zej žian neda'. Che ḻen bi gak chis ḻawa' ḻawo' Le'. Zej nyanžen ka zej nak yicha' yichja' na' žedó ḻaža'a.
14579	PSA 41:13	Le' nóx̱wkzo' neda' dan' naka' gaẕjw ḻaže', na' bzo' neda' ḻawo' Le' to chi'ize.
14580	PSA 41:14	¡Ga'n ẕen X̱anžon'! Nake' Dios chegak benne' Israel ka' yógo'te yiz nníta'gake', na' to chi'ize. Ka'kze naken, na' ka'kze gaken.
14585	PSA 42:5	Žezá' ḻaža'a da' ki, na' ẕbeže ḻaža'a. Žezá' ḻaža'a kan wyá'aḻena' benne' zan ka', na' wneẕwa' ḻáwgake' ḻo liž Dios, Beḻžo ḻo yeḻa' žebele, na' bka'n ẕenžo Dios ḻo lni.
14600	PSA 44:3	Bchinnjo' yezika' yež ka' ḻawgak x̱a x̱na' gole cheto' ka', na' bnnito'o ḻégake' ḻo latje chegak benách ca'. Bsáka'ḻi'o benne' yež ka', san bzoa chocho' benne' chio' ka' ḻo yežlyó gan zoato' neto' na'a.
14610	PSA 44:13	Bdezo' neto', benne' chio' ka', ḻo ná'gake', na' bi be bezi'o.
14613	PSA 44:16	Tža tža žedoé'etezla', na' žé'teza' ḻo da' zedḻe'e.
14614	PSA 44:17	Ẕnnégake' chia', na' ẕzóagake' neda' cheḻa'ale. Benne' ka' bi ẕḻé'egekle' neda' chawe' ẕži'igake' chia', na' žóngake' neda' ẕia.
14627	PSA 45:3	Nako' le' x̱tánle'eže ka yógo'te benne' ka'. Nak cheto' yeḻa' ba nez ni'a che da' ẕchaḻjo', dan' Dios ben cháwe'kze' le' to chi'ize.
14631	PSA 45:7	Gan ži'o, Dios, žen' to chi'ize, na' sóatezen. Chawe' nak ka ẕnna bi'o.
14642	PSA 45:18	Gona' ga chejsá' ḻáže'gak yógo'te benne' ka' lo'. Che ḻen wká'n ẕengak benne' ka' le' yógo'te yiz so', na' to chi'ize.