13988	PSA 5:9	Bsedle neda' gona' da' chawe' ḻawo' Le', X̱ana' Dios, dan' ẕžá'aḻe'egak benne' ka' neda', benne' ka' bi ẕḻé'egekle' neda' chawe'. Bche' neda' nez chawe' chio'.
14000	PSA 6:8	Ba nyejw yej ḻawa' dan' ẕbéžeḻi'a. Ba bebižkze nis dan' yožen yej ḻawa' dan' ẕžá'aḻe'egak benne' ka' žsáka'gake' neda'.
14129	PSA 17:14	Beslá neda' ḻo na'gak benne' ka' ḻen no'o waḻe, X̱ana' Dios. Beslá neda' ḻo na'gak benne' ka', benne' zej ze'e nich yekwásgake' yežlyó cheto' nga, benne' ka' žáwgake' da' záka'ḻe'e chio' na' ẕwáwgaken' ẕí'ngake' ka', na' ẕga'nkze da' gawgak ẕa'sógake' ka',
14143	PSA 18:13	Ḻo da' žákti'teḻe'e chie' bžojgak bejw gasj ka'. Bžojgak wzió' yi', na' yej nis.
14159	PSA 18:29	Le' wzaljo' yi' chia'. Le', X̱ana' Dios, wza'ni'o chia' gan zoa' ḻo da' choḻ.
14257	PSA 23:5	Wsí'ni'o da' ye'j gawa' ḻa'kze benne' ka', benne' ẕdíḻ-ḻengake' neda' zej nyechjle' neda'. Ẕgo'o set yichja' da' žeyonen neda' chawe', na' žeschá'ḻi'o da' žé'jḻena'.
14342	PSA 30:6	To chí'ido'ze ẕže'e, san to chi'ize zoa yeḻa' ži'i ḻaže' chie'. Kwéžežo to yelze, san zildo' yebéḻe'elžo.
14373	PSA 31:24	Le ži'il X̱anžon', ḻe'e nakle benne' chekze' Ḻe'. X̱anžon' žape chi'e benne' ka' bi ẕbej yíchjgake' Ḻe', na' žebí'iḻi'e da' ẕia dan' žaḻa' yezí'gak benne' ka' ẕka'n ẕen kwíngake'.
14506	PSA 37:35	Bḻe'ela' to benne' wen da' ẕinnj, benne' ẕente, na' góta'ḻe'e da' nape' ka da' ẕneẕjw to yag ẕente,
14600	PSA 44:3	Bchinnjo' yezika' yež ka' ḻawgak x̱a x̱na' gole cheto' ka', na' bnnito'o ḻégake' ḻo latje chegak benách ca'. Bsáka'ḻi'o benne' yež ka', san bzoa chocho' benne' chio' ka' ḻo yežlyó gan zoato' neto' na'a.
14633	PSA 45:9	Ẕḻa' ẕix̱ ẕa lano' ḻen da' ka' zej naken mirra, na' áloe, na' kasia, da' ka' ẕḻá'gaken ẕix̱. Ḻo ližo' da' záka'ḻe'en ẕzóagake' le' ḻo yeḻa' ba nez.
14639	PSA 45:15	Wché'gake'-be' ḻaw benne' wnná bian', nákwbe' ẕa lánabe' dan' nwa'ḻe'en da' x̱tan ka'. X̱kwide' nó'ledo' ka' chjakbe' x̱kóže'lbe'. Nó'ledo' ki, no'le lježbe' ka', wché'gakbe' ḻebe' ḻaw benne' wnná bian'.
14696	PSA 49:17	Bi kwe' zedlo' kate' no benne' ẕzí'ḻi'e yeḻa' wnni'a, na' kate' žone' liže' da' záka'ḻe'en.
14854	PSA 60:3	Dios, Le' bzo' neto' cheḻa'ale. Beno' ga bejchégwto', dan' bžá'aḻi'o neto'. Na'a, da gákḻeno' neto'.
14914	PSA 65:4	Nbága'ḻi'a da' ẕinnj da' bena', san ženít ḻawo' Le' da' bži'ito' chio' Le'.
14920	PSA 65:10	Ẕwio' yežlyó, na' žseḻo'o nis yejw. Žono' ga žonnḻe'en linne chen. Bnnito'o yegw ka' ḻo yežlyó da' zej nža'ḻe'en nis. Ẕkwezo' ẕoa' za da' gawgak benne' ka', kan wnnakzo' gono'.
14998	PSA 69:10	Žeye ẕla ḻáẕda'wa' dan' žé'ḻi'a wnné yoe che ližo'. Da' ẕnnégak benne' ka' chio' Le', Dios, naken ka ẕnnégaken' chia' neda'.
15005	PSA 69:17	Bechebe chia', X̱ana' Dios, dan' cháwe'ḻe'e nak yeḻa' žeyache' ḻaže' chio'. Da, gokḻen neda', dan' ẕente nak yeḻa' žeyache' ḻaže' chio'.
15071	PSA 72:16	Gázgake' to ẕíga'do'ze ẕoa' stribe ḻo yežlyó, na' ḻaw ya'ado' chégake' ka', na' kwíaḻe'e linne chen kan ẕbian ḻaw Ya'a Líbano, na' benne' ka' nníta'gake' ḻo yež ka' yángake' kan žon yix̱e' da' žen' yežlyó.
15073	PSA 72:18	Cháwe'ḻe'e nak X̱anžo Dios. Nake' Dios chegak benne' Israel ka', na' toze' Ḻe' žone' da' ka' žóngaken ga žebánležo.
15074	PSA 72:19	Cháwe'ḻe'e nak La la'y chie' dan' náktezen ẕen, na' dot yežlyó nga ḻé'egekle' yeḻa' ẕen chie'. Ka'kze naken, na' ka'kze gaken.
15196	PSA 78:25	Bdáwgake' da' žawgak wbás che ya'abá ka'. Bséḻa'ḻi'e da' bdáwgake', na' béljgekle'.
15220	PSA 78:49	Bene' ga wẕáka'ḻe'egak benne' Egipto ka', dan' bžá'aḻi'e ḻégake', na' bseḻe'e da' ka' gókgaken ka wbás zan che ya'abá nich wsaka' zí'gake' ḻégake'.
15229	PSA 78:58	Béngake' ga bže'e Ḻe' ḻen bkog ka' gan bka'n ẕéngake' lo'a ka', na' ni'a che lo'a chégake' ka' bžá'aḻe'e Dios.
15323	PSA 84:3	Ẕdan ḻaža'a soa' ḻo yodo' chio', X̱ana' Dios, na' žak ḻáže'ḻi'a soa' ga na'. Ḻen dot da' naka', na' dot ḻaža'a žoḻa' chio' Le', Dios ban.
15379	PSA 88:8	Žekla' ẕžá'aḻi'o neda'. Da' žak chia' naken kan žetja' ẕan nisdo' dan' ẕgo'nḻe'en.
15387	PSA 88:16	Ẕzáka'ḻi'a, na' ba zoa' gata'. Kate' ne naktia' bi' kwide' ẕzáka'ḻi'a dan' bsako'o Le' neda', na' žedó ḻaža'a.
15388	PSA 88:17	Žekla' ẕžá'aḻi'o neda'. Da' ẕchebo' neda' benen ga bedó ḻaža'a.
15400	PSA 89:10	Ẕnna bi'o nisdo' dan' ẕgo'nen. Kate' ẕgo'nḻe'en Le' ẕbek žion'.
15429	PSA 89:39	Le', Dios, wléj yichjo', na' bzo' cheḻa'ale bennen' wžío', na' ẕžá'aḻi'o ḻe'.
15447	PSA 90:4	Chio' Le' to mil yiz zej naken ka neje, žan' da' ba wdén, na' ka to chí'ido'ze gachje yele.
15450	PSA 90:7	Ẕbia yi'to' dan' ẕžo'o neto'. Že' zedlto' dan' ẕžá'ḻi'o neto'.
15458	PSA 90:15	Benn cheto' yiz zan nich yebelto' ka zej nak yiz bsáka'ḻi'o neto', na' ka zej nak yiz wžé' zedlto'.
15548	PSA 97:4	Yes wzió' chie' ka' žsa'ní'gaken yežlyó. Yežlyó nga ẕḻe'elen, na' žẕon'.
15593	PSA 102:6	Dan' ẕbeže wé'ḻi'a ba nžítḻi'a.
15758	PSA 106:40	Che ḻen bžá'aḻe'e Dios benách chie' ka', na' bi bḻe'ele' chawe' benne' ka' zej nake' chekze'.
15778	PSA 107:12	Bedó ḻáže'gake' ḻo žin zi'iḻe'e da' béngake'. Bchégwgake' ẕan ywa' da' zej noe'e, na' bi wzóa no benne' gákḻene' ḻégake'.
15791	PSA 107:25	Wnnaze X̱anžon', na' wzó ḻaw žak be' bdone', na' wyás nis ẕgó'nḻe'en ḻo nisdo'.
15955	PSA 118:18	Bsaka' zi'ḻe'e X̱anžon' neda', san bi bdie' neda' ḻo na' yeḻa' got.
15964	PSA 118:27	X̱anžon' nakkze' Dios, na' ba bsa'ni'e žo'o. Le wchéj biado' ka' gótele ḻawe' Ḻe' ḻawgak loz bkog la'y.
15971	PSA 119:5	Žak ḻáže'ḻi'a gónteza' kakze ẕnna x̱tižo'o,
16105	PSA 119:139	Žedó ḻaža'a dan' žé'ḻi'a wnné yoe dan' goḻ ḻáže'gak benne' ka' bi ẕḻé'egekle' neda' chawe' ka ẕnna x̱tižo'o.
16147	PSA 120:5	Da' nyáche'ḻe'e žaken chia' neda'. Zoakza' ladjw benne' Mesek ka', na' zoa' to yo'o laže' chegak benne' Sedar ka'.
16160	PSA 122:3	Jerusalén naken to yež da' béngake', na' naken x̱tanḻe'e, na' že'ḻe'en chawe'.
16234	PSA 132:15	Gona' gáta'ḻe'e linne chegak benne' ka'. Gona' ga yéljgekle benne' yache' ka' yet.
16238	PSA 133:1	Le wia nga, x̱tanḻe'e nak, na' cháwe'ḻe'e nak, kate' zej ndobe benne' ka' che Dios, zej nake' toze.
16273	PSA 136:9	Bene' byo', na' belj ka' nich wsa'ní'gaken žel. Zóateze yeḻa' žeyache' ḻaže' chie'.
16328	PSA 139:21	X̱ana' Dios, bi ẕḻe'ela' chawe' benne' ka' ẕzóagake' Le' cheḻa'ale, na' ẕžá'aḻi'a benne' ka' ẕží'igake' chio' Le'.
16342	PSA 140:11	Ben ga yex̱jw yi' ḻo yichjgak benne' ka'. Ben ga chejchazgak benne' ka' ḻo yin'. Ben ga chejchazgake' ḻo da' gže'ḻe'e gan batkle yežójgake'.
23315	MAT 5:12	Le yebél, na' le chaž ḻaže', dan' gak da' cháwe'ḻe'e chele kate' žinle ya'abá che Dios. Kan žaken chele, ḻezka' goken chegak benne' ka' bcháḻjgake' ḻo wláz Dios, benne' ka' wnníta'gake' zgá'alegake' ka ḻe'e, dan' ḻezka' wžía ḻáže'gak benách ka' ḻégake'.
23376	MAT 6:25	Ḻezka' wnná Jesusen': —Ḻezka' žapa' ḻe'e: bi kwe' zédlele ni'a che da' gawle o ni'a che da' ye'jle, da' ka' nbánḻenle, o ni'a che laže' da' gákwle. Záka'ḻe'eže yeḻa' nban chele ka da' ye'j gawle, na' záka'že beḻa' žen chele ka laže' da' gákwle.
23378	MAT 6:27	¿Noẕ benne' ládjwle ḻe'e gak gone' ga soe' nbane' yetó chí'ido'ze dan' že' zedle' nich gak ki chie'?
23380	MAT 6:29	Neda' žapa' ḻe'e, Salomón, bennen' wnná bi'e, ḻa'kze góta'ḻe'e yeḻa' wnni'a chie', laže' da' gokwe' bi gokžen x̱tan ka žnna'gak yéjedo' ka'.
23391	MAT 7:6	’Bi cho'nle da' zej naken la'y nich gaw beko' ka' ḻen, ka chéchjgakba', na' gáwya'agakba' ḻe'e. Bi cho'nle da' záka'ḻe'en chele nich gaw koch ka' ḻen, ka wléj chóchjgakban'.
23429	MAT 8:15	Jesusen' wdane' na' no'len', na' ḻa' bežojte da' ḻa dan' yoe'e. Naž beyás no'len', na' bsí'ni'e da' bdáwgake'.
23536	MAT 11:8	Cha' kege, ¿biẕ gónelele ḻé'elele? ¿Gónelele ḻé'elele to benne' nakwe' laže' da' záka'ḻe'en? Nnézkzelele benne' ka' zej nakwe' laže' da' záka'ḻe'en nníta'gake' ližgak benne' wnná bia' ka'.
23549	MAT 11:21	Gože' ḻégake': —Da' nyáche'ḻe'e gaken chele ḻe'e, benách ka' che yež Korazín. Da' nyáche'ḻe'e gaken chele ḻe'e, benách ka' che yež Betsaida. Chela' gokgak yeḻa' wak ẕen ka' ḻo yež Tiro, na' ḻo yež Sidón ka da' ka' bena' gan zoale, ža ni'tel yeyát ḻáže'gak benne' ka' che yež Tiro na', na' che yež Sidón na', na' gákwgake' laže' zeche', na' wžíagake' de yíchjgake', da' wḻoe'elen žeyát ḻáže'gake'.
23558	MAT 11:30	Yogon' dan' x̱oa' ḻe'e, dan' naken da' wchi'la' ḻe'e, bi naken zede, na' ywa' wa'a ḻe'e da' naken da' žsedla', žá'ado'ze naken.
23620	MAT 13:12	No benne' ẕzi'e x̱tiža' Dios, Dios wneẕjwe' chie' yelate', na' gáta'ḻe'en chie', san no benne' bi ẕzi'en, da' do'ze dan' ba nzi'e yegá'n.
23771	MAT 17:2	Kate' ne nníta'gake' ga na' bža' kan ẕnna' ḻaw Jesusen' ḻáwgake'. Wyép yes baní' ḻaw Jesusen' kan ža'ní' wbíž, na' beyák ẕíla'do'ze laže' nakwe', na' wnnán' ka baní'.
23803	MAT 18:7	Da' nyáche'ḻe'e gaken chegak benne' ka' nníta'gake' yežlyó nga, benne' ka' žóngake' ga bága'gak ljéžgake' ka' doḻa'. Nníta'tezgak da' ka' žóngaken ga bága'gak benách ka' doḻa', san da' nyáche'ḻe'e gaken che bennen' žone' da' gonen ga no benne' bage'e doḻa'.
23873	MAT 20:12	na' wnnágake': “Benne' ka' bžíngake' kate' ze ḻawte, to chí'ido'ze béngake' žin, na' toze ka wdiẕjo' ḻégake' ka neto', na' neto' bento' žin dot ža, na' wyéyeḻe'eto' ḻo wbá.”
23945	MAT 22:4	Naž bseḻe'e yebaḻe ni'a ne'e ka', na' gože' ḻégake': “Le chejzenle benne' ka' ba bḻiža', na' ye'le ḻégake': Le wia nga, ba nzí'ni'a da' gawžo. Ba betto' x̱peža' ka', na' ḻezka' bia beže ženne' chia' ka'. Yógo'te ba wẕí'ni'a. Le da, soažo lni che x̱kwide' chia', bin' ẕchag na'be'.”
23949	MAT 22:8	Naž benne' wnná bian' gože' ni'a ne'e ka', na' wnné': “Da' li ba wẕí'ni'a che lni na', san benne' ka' bḻiža' bi gókgake' zi yedjénḻengake' neda' tẕen lni.
23991	MAT 23:4	Da' ẕchí'igekle' benách ka' naken ka to ywa' zí'iḻe'e da' bi gak no benne' we'e, na' ẕgó'ogaken' ža' yengak benách ka', san ḻégake' bi žénegekle' wchá'gaken', kege ḻen toze x̱ben ná'gake'.
24000	MAT 23:13	’Da' nyáche'ḻe'e naken chele ḻe'e, benne' yodo' wsedle ka', na' chele ḻe'e, benne' yodo' fariseo ka', benne' ẕḻoé'ezele chawe' kwinle. Žséjwle x̱nezgak benách ka' žénegekle' žíngake' gan ẕnna bia' Dios ya'abá chien'. Ḻe'ekzle bi žo'ole ga na', na' bi žonnle latje cho'ogak benne' ka' žénegekle' chó'ogake' ga na'.
24001	MAT 23:14	’Da' nyáche'ḻe'e naken chele ḻe'e, benne' yodo' wsedle ka', na' chele ḻe'e, benne' yodo' fariseo ka', benne' ẕḻoé'ezele chawe' kwinle. Ẕka'le ližgak no'le wzebdo' ka', na' nich wḻoé'ezele chawe' kwinle, scha žḻižle Dios. Che ḻen, ẕenḻe'e gak da' choge' chele da' sáka'le.
24002	MAT 23:15	’Da' nyáche'ḻe'e naken chele ḻe'e, benne' yodo' wsedle ka', na' ḻezka' chele ḻe'e, benne' yodo' fariseo ka', benne' ẕḻoé'ezele chawe' kwinle. Ẕdele dot ḻo nisdo', na' dot ḻo yežlyó nga nich gonle ga wká'n ẕen Dios to benne' ka žonle ḻe'e, na' katen' ba bžéḻ-lele-ne', žonle ga nbága'že' ẕia ka dan' nbága'le ḻe'e, dan' gonen ga chejchazle ḻo yi' gabíl.
24003	MAT 23:16	’Da' nyáche'ḻe'e naken chele. Nakle ḻo choḻe, na' žénelele wḻoé'elele benách ka' nez. Ki naken chele dan' ẕnnale: “Kate' bi da' ẕchebe ḻaže' no benne', cha' gon choche' x̱tiže'e ni'a che yodo', bi žon byenen, san cha' gon choche' x̱tiže'e ni'a che ya oro da' žen' ḻo yodo', na' gon byenen.”
24010	MAT 23:23	’Da' nyáche'ḻe'e naken chele ḻe'e, benne' yodo' wsedle ka', na' chele ḻe'e, benne' yodo' fariseo ka', benne' ẕḻoé'ezele chawe' kwinle. Ki naken chele dan' žíẕjwle che yodo' to kwe' che to chi kwe' da' ẕzi'le che yix̱e' weje, na' che yix̱e' anís, na' che komino yeḻa' waw, san ẕka'nle da' nakže blo da' bchi'le Dios, dan' bi žonle da' naken chawe', na' bi žeyache' ḻáže'lele lježle ka', na' bi žejḻe'le che Dios. Da' ki žon byenen gonle, na' ḻezka' bi žaḻa' wka'nle yezika' da' ka' žonle, da' ka' žíẕjwle che yodo'.
24012	MAT 23:25	’Da' nyáche'ḻe'e naken chele ḻe'e, benne' yodo' wsedle ka', na' chele ḻe'e, benne' yodo' fariseo ka', benne' ẕḻoé'ezele chawe' kwinle. Nakle ka to ẕíga'do' da' žé'jḻenle, na' ka to ye'n da' žáwḻenle. Žible da' sban da' nwa' kwitle, san yichj ḻáẕdo'le nžan' da' ẕbanle, na' da' kegle ka' da' žonle.
24014	MAT 23:27	’Da' nyáche'ḻe'e naken chele ḻe'e, benne' yodo' wsedle ka', na' chele ḻe'e, benne' yodo' fariseo ka', benne' ẕḻoé'ezele chawe' kwinle. Ki naken chele dan' nakle ka yežw ba ka' chegak benne' gat ka', da' ka' zej naken ẕíla'do'ze kwitle, na' da' li x̱tan ẕnná'gaken, san nžá'gaken žit chegak benne' gat ka', na' yógo'te da' zgot.
24016	MAT 23:29	’Da' nyáche'ḻe'e naken chele ḻe'e, benne' yodo' wsedle ka', na' chele ḻe'e, benne' yodo' fariseo ka', benne' ẕḻoé'ezele chawe' kwinle. Ẕzoale yo'o x̱tando' ka' ḻo ba ka' gan zej ngache' benne' ka' bcháḻjgake' ḻo wláz Dios, na' ḻezka' žonle x̱tan gan zej ngache' benne' chawe' ka'.
24045	MAT 24:19	Da' nyáche'ḻe'e gaken chegak no'le ka', no'le zej noe'e bi'do' ka' chégake', na' ḻezka' no'le ka' ẕgáẕe'gake' bi' že'ndo' ka' chégake' kate' žin ža na'.
24098	MAT 25:21	X̱anen' gože' ḻe': “Nak chawe'. Nako' benne' wen žin dot ḻi ḻaže'. Cháwe'do' beno' katen' wyó'o láte'do'ze ḻo no'o. Na'a da' ẕénḻe'eže wdía' ḻo no'o. Wyó'o ga zoa' ni, na' yebéḻenlo' neda' tẕen.”
24147	MAT 26:24	Da' li neda', Benne' Golje' Benách, cha'a gan gak kan nyejw ḻe'e yiche la'y kan žaḻa' gaken chia', san da' nyáche'ḻe'e gaken che bennen' wdíe' neda' nich gótgake' neda'. Gakže chawe' che bennen' chela' bi golje'.
24196	MAT 26:73	Yeláte'do'ze wžé, wbíga'gak benne' ka' nníta'gake' ga na' gan zoa Bedon', na' góžgake' ḻe': —Da' li le' žónḻeno' ḻégake' tẕen dan' yeḻa' ẕnneze chio' nak bian' ga benne' le'.
24253	MAT 27:55	Wnníta'gak no'le zan zí'to'ze ga na', no'le ka' wdáḻengake' Jesusen' katen' bezé'e gan nbab Galilea, na' béngake' x̱chine', na' bnéẕjwgake' da' bdawgak Jesusen' na' benne' ka' žónḻengake' Ḻe' tẕen. Wnníta'gake' ga na', ẕwíagake' Jesusen'.
24267	MAT 28:3	Ẕnna' ḻaw wbás che ya'abán' ka yes baní', na' ẕíla'do'ze nak laže' da' nakwe'.
24315	MRK 1:31	Naž wbiga' Jesusen', na' bex̱we' ne'e, na' bechise' ḻe'. Ḻa' bežojte da' ḻa da' yoe'en, na' bsí'ni'e da' bdáwgake'.
24409	MRK 4:17	San bi žazen ḻo yichj ḻáẕdo'gake', na' to chí'ido'ze ẕzí'gaken'. Kate' bi da' žak chégake' o cha' zoa benne' ẕbia ḻaže'e ḻégake' dan' ẕze nággaken', ḻa' žsan ḻáže'tegaken'.
24417	MRK 4:25	No benne' nzi'e x̱tiže'e, we'e yelate' chie', san no benne' bi nzi'e x̱tiže'e, da' láte'do'ze da' benle', yegá'n.
24459	MRK 5:26	Ba wẕáka'ḻi'e ḻo na'gak benne' zan, benne' ka' žeyóngake' benách ka'. Dáche'ze ba btie' dot da' wdape', na' bi be gókḻenen ḻe', san žyáḻa'žen chie'.
24497	MRK 6:21	Naž bžin to ža wẕáka'le Herodías na', da' naken ža žon lni Herodes na' che ža wye'ele' yiz. Bsí'ni'e da' ye'j gawgak benne' ka' nzi' ḻo ná'gake' ḻo wlaze' ḻe', na' benne' ka' ẕché'gake' benne' ka' žjake' ḻo wdiḻe, na' ḻezka' benne' ka' zej nake' blo gan nbab Galilea.
24566	MRK 7:34	Naž bwie' ya'abale, na' bka'ḻe'e chi'e, na' wnné': —Efata. Diža' hebreo ni ẕnnan ḻen diža' x̱iža': “Beyaljw.”
24581	MRK 8:12	Bka'ḻe'e chi'i Jesusen', na' wnné': —Želnnable benne' ki neda' gona' to da' gak bian' da' zan' ya'abá che Dios. Da' li žapa' ḻe'e, bi ḻé'elele nitó da' gak bian' da' zan' ya'abá che Dios.
24600	MRK 8:31	Naž wzó ḻaw Jesusen' ẕzejni'ile' benne' ka' žónḻengake' Ḻe' tẕen, na' wnné': —Žon byenen sáka'ḻi'a neda', Benne' Golje' Benách. Benne' gole ka', na' bx̱oz wnná bia' ka' ḻen benne' yodo' wsedle ka' wzóagake' neda' cheḻa'ale. Gótgake' neda', san kate' gak chonne ža yebana'.
24610	MRK 9:3	Wyép yes baní' laže' da' nakw Jesusen', na' goken chícheḻe'e. Ẕíla'do'ze goken, na' no benne' žibe' laže' yežlyó nga, bi gak gone' laže' ẕíla'do'ze kan gok ẕen'.
24722	MRK 11:13	Zí'to'le bḻe'ele' to yag higo da' žian x̱lage'. Wbige'e gan zoa yagen' cha' chejx̱ake'e late' da' ẕbian. Kate' bžine' ga na', bi be bejx̱ake'e da' ẕbian. X̱láge'ze žian dan' bi na' žin ža kwian.
24803	MRK 13:17	Da' nyáche'ḻe'e gaken chegak no'le ka' ža na', no'le ka' zej noe'e x̱kwide' ka', na' ḻezka' no'le ka' ẕgáẕe'gekle' bi' že'n ka'.
24838	MRK 14:15	Naž wḻoe'ele' ḻe'e to yo'o ẕen gan nak da' chope kwia gan ba nba'a. Le wsí'ni'a da' gawžo ga na'.
24844	MRK 14:21	Cha'a gan gótgake' neda', Benne' Golje' Benách, kan nyejw ḻe'e yiche la'y kan gaken chia', san da' nyáche'ḻe'e gaken che bennen' wdíe' neda' ḻo na'gak benne' ka' gótgake' neda'. Gakže chawe' che bennen' chéla'kze bi golje'.
24858	MRK 14:35	Naž Jesusen' wzé'e yeláte'do' na'le, na' bzechw ḻawe' ḻo yo, na' bcháḻjḻene' Dios. Wnnable' Ḻe', cha' wak, kwase' chie' da' žaḻa' sáka'ḻi'e ža na'.
24935	MRK 15:40	Ḻezka' wnníta'gak no'le ka' ga na', na' zí'to'le ẕwíagake'. Wnníta'gak Lia Madlen, na' Salomé, na' Lia, x̱na'gak Jakob kwide', na' Jwsé ládjwgak no'le ka'.
25041	LUK 1:79	Ḻekze' wza'ni'e chegak benne' ka' nak choḻ yichj ḻáẕdo'gake', na' za' gátgake', nich yegoé'e žo'o to nez gan ga'n cháwe'žo.
25137	LUK 4:5	Naž da' x̱iwen' bchen' Jesusen' gan nak to ḻaw ya'a sibe. To chí'ido'ze bḻoe'elen Ḻe' yógo'te latje gan ẕnna bia'gak benne' ka' dot yežlyó nga.
25171	LUK 4:39	Wbiga' Jesusen' gan die', na' bḻiže' da' ḻa da' yoe'e. Ḻa' bežojten. No'len' ḻa' wyastie', na' bsí'ni'e da' bdáwgake'.
25179	LUK 5:3	Wžén Jesusen' to ḻo barkwn', dan' naken che Smon Bedw, na' wnnable' ḻe' kweken' yeláte'do' zí'to'le gan de yo bižen'. Naž Jesusen' wži'e ḻo barkwn', na' že'ze' ka', bsedle' benne' zan ka' nníta'gake' ḻo yo bižen'.
25239	LUK 6:24	’Da' nyáche'ḻe'e gaken chele ḻe'e, benne' wnni'a ka', dan' ba de da' yebéḻenlele.
25240	LUK 6:25	’Da' nyáche'ḻe'e gaken chele ḻe'e, žéljelele na'a, dan' tonle. ’Da' nyáche'ḻe'e gaken chele ḻe'e, žẕížele na'a, dan' gak nyache' ḻáže'le, na' kwež nyáche'le.