23233	MAT 1:20	Josep hiy Maria ke lokriy ha e nanpanan menkin, sawk Hakamay so ensel prueyn hiykwe hyo owh mon lousne, hiy now ma liawon non. Ensel sohokwe Josep se senkin mekow, “Josep, Devit so ney-nona, hunkwe Maria ke huon e peie hok o. Payhokuaw, ney hoko swaw mon ma lwak sohokwe, Niohney Pekney-weys hiykiaw mon moyo moyo ousne kow.
23242	MAT 2:4	Sa king Herot hiykwe pris karmay lowpwarowp o, Juda mo sow ke hiymon-sorasor uwr o, hme me-huonok okrar. Hiykwe sa hme senkin mesopok, “Ama, uwr Krais ok ma me se kokwe, yier perey mon liwak ey so?”
23251	MAT 2:13	Enekwei nonkway-uwr hom ma-ley menkin, sawk Hakamay so ensel prueyn hiykwe Josep so owh mon lousne, hiy now ma liawon non. Hiykwe senkin mekow, “Josep, pokon kokwe hunkwe loksian nok, ney o, pouh o, hehe huonok nok, Isip mon kwa hiy-hakan ney. Hunkwe Isip mon-aw kwa hiynuw-wayr, sa omok hne ha ma mekow non kwa mahiy-e. Herot hiykwe pau, ney sehe lokin kwor e kiy-anio pawk.”
23258	MAT 2:20	“Sei, Josep, hunkwe loksian nok, hno ney sa me makiy-huonok nok, mahiy-ey, Israel mo yier arian mon. Uwr, ney sehe ma lokin kwor okrue e ma mon liok somokwe, papo lokrue.”
23264	MAT 3:3	Profet Aisaia hiykwe mo Jon hu mon prouk uwr se kokwe papo me, hiy ok senkin ma me hokwe, “Kipay, uwrsa ma lwayr lopa mon kokwe, uwr prueyn so wouk-ok kokwe senkin lanio iwowr me ey, ‘Hakamay so yerki se meio kow koruay e, yerki luw-luw-aw hiy lanio ey me meio e.’”
23276	MAT 3:15	Sa Jisas hiykwe Jon se kokwe senkin ma-sahre onuayk me, “Ohow, pokon kokwe hunkwe ha ma kiy-me, senkin mon ey. Payhokuaw, hrorkwe senkin meio ankin, sohokwe God so yor luw-luw-aw lowpwarowp me meio ousne hrahra.” Sa Jon hiykwe ipan sehe lon.
23281	MAT 4:3	Sawk Leykawn-uwr hiykwe Jisas so owh mon lousne nok, senkin kiy-me, “Ara, hwon God so ney-ar lwak hokwe, mein eme ihey mo naw kwa kiy-me hre.”
23282	MAT 4:4	Sawk Jisas hiykwe Satan se kokwe senkin ma-sahre onuayk me, “Ara, God so ok kokwe mo senkin po mey, ‘Ihey mo naw me-aw la mokwe, uwrsa me kokwe su liy mon wayr ley. Sawk God so ok lowpwarowp God hiy ma lohruw-a kow seme nuw-nakruok ankin, uwrsa homkwe su liy lwayr.’”
23287	MAT 4:9	Hai, hiy makiy-me, “Ara, hunkwe hane pamuow kampueys nak-me-ihey ankin, omeme lowpwarowp omokwe, hakwe hne-aw nuw-kow ey.”
23288	MAT 4:10	Sawk Jisas hiykwe sa senkin me, “Satan, hunkwe ley kora, payhokuaw, God so ok kokwe mo senkin po mey, ‘Hunkwe hno God Hakamay se-aw kampueys me-ihey nok, hyo ouon mon-aw nak-wak.’”
23293	MAT 4:15	“Ama, uwrsa Sebulun ko om, seyr uwrsa Naptali ko om, hmo ki limon hokwe sour-yawp-ar sok lwak, seyr yawp-menki Jordan mon ma lwak sohiy seyn, hmo ki. Hmo kipay Galili hokwe, uwrkayn irweyk mokwe kraiar non-wayr.
23297	MAT 4:19	Sa Jisas hiy hehe me, “Oue, hohkwe hano meyki pyay e. Sa hakwe hehekwe uwrsa me swakeyn wawk uwr mon wak ey.”
23306	MAT 5:3	“Unsaney, hmo niohney krai lopa ma lwak somokwe, God so uron ihey-ar so ouon mon lwak. Payhokuaw, Nonkumey so Wayr-hre-yier hokwe, seyr hmo.
23352	MAT 6:1	Jisas hiy makiy-me, “Ama, kwa nak-iray-iray, yor luw-luw-aw senkin senkin mokwe uwrsa mo inour mon-aw peie mon o. Payhokuaw, hwon, hno yor luw-luw-aw me uwrsa ki ko mo nene mon-aw meio ankin, hno Aio nonkumey ko hiykwe hne maym liy ma-sahre kow ley.
23422	MAT 8:8	Sawk Rom mo kepten hiykwe Jisas se senkin ma-sahre mekow, “Hakamay, hunkwe uwr ipey-ar, hakwe hne hieyn-ar korey, hwon hano a mon ma le e ma mon sohokwe. Sawk hunkwe ok ke-aw me-ha ankin, peik sokukwe hano mey-uwr se liy lokriy hain.
23427	MAT 8:13	Sa Jisas hiykwe Rom mo kepten se senkin kiy-mekow ha, “Ara, hunkwe kwa ma-ley, hno uron God se ma nan kiykiy-ay mesopok sohokwe, hno owh mon liy-liy-awaw ka lousne.” Peypey pa, enekwei sohiy nonaw kokwe Rom mo kepten so mey-uwr sohokwe po mon sasowriy sow kow ihey.
23432	MAT 8:18	Sa Jisas hiy uwrsa popua hay hyo owh mon ma lawndiy kawk seme lira menkin, hiy sawk hyo ki-wayh me senkin sehe kiy-mekow kraiay, “Ama, hromkwe howk-menki mon ley e.”
23441	MAT 8:27	Hyo ki-wayh hom meir sokwe lira preiryay menkin, sa homkiaw-ayay-aw seme nuw-ohruw-a, “Hai, uwr sohokwe penkin uwr soney? Payhokuaw, howniy o, hu-par o, hyo ok me-aw lonuayk me.”
23452	MAT 9:4	Sawk Jisas hiykwe hmo uron me papo nonkway. Hiykwe sawk hme senkin sehe mesopok, “Hai, hmo uron piap-araw senkin somokwe payhokuaw nanpanan o?
23459	MAT 9:11	Sawk Farisi hom uwr senkin seme lira menkin, hom sa Jisas so ki-wayh me senkin seme kiy-mesopok, “Hai, hmo hiymon sorasor-uwr hiykwe takis lonok uwr o, uwr yor piap-araw non o, hme nion kokwe ayay panoke non-wawwaw a o?”
23462	MAT 9:14	Enekwei sohiy non kokwe seyr Jon hu mon prouk uwr so ki-wayh hom Jisas so owh mon le nok, Jisas se senkin mesopok, “Hai, suw penkin mo, hrom Jon so ki-wayh o, Farisi o, hrom lowpwarowp sa ayay la lopa God se mesopok wayr. Hai, hno ki-wayh homkwe ayay la lopa yor sokukwe mon lopa panoke lwak o?”
23466	MAT 9:18	Jisas hiy ok senkin me lohruw-a nonaw lwak menkin, sawk Juda mo makwey-uwr prueyn hiy Jisas so owh mon le. Hiykwe Jisas se pamuow kampueys wakiawk nok, kiy-mesopok, “Ara, hano ney swanyo kokwe arakwon serey-ar kiy-okrue. Hunkwe hno iha non hoko owh mon kwa le nekie e, hokwe su liy ma-loksian wayr.”
23476	MAT 9:28	Jisas hiy a mon lyawriy menkin, uwr nene kopyo prueysyar sohokwe seyr hyo owh mon nuw-ey. Jisas hiykwe sa hehe senkin kiy-mesopok, “Hai, ha senkin mon ey hokwe, hohkwe hano krai se pankaw nan kiykiy-ay o?” Hohkwe sa hye senkin ma-sahre mekow, “Hunkwe liy.”
23481	MAT 9:33	Jisas hiy niohney piap-araw sehe me-su ha menkin, uwr woki prorpam ma lwak sohokwe sawk ok pa ma-lohruw. Uwrsa popua hay homkwe sa seme lira preiryay nok, lohruw-a, “Ama, paraw kokwe Israel mo kipay mon kokwe mey enkin okukwe lousne pa.”
23482	MAT 9:34	Sawk Farisi homkwe Jisas se kokwe senkin lira nanpanan ohruw-a, “Ama, hiykwe niohney piap-araw me ma me-su ha mokwe, hiykwe niohney piap-araw mo makwey-uwr-ar so krai non me-su ha.”
23485	MAT 9:37	Sawk Jisas hiykwe hyo ki-wayh me kokwe senkin mekow, “Ama, wueir hokwe laylay kraiar non. Sawk mey-uwr mokwe kraiar-ar korey.
23531	MAT 11:3	hye senkin mesopok e, “Hmey, uwr seirpey-ar, Juda hrom ma naruok wayr hokwe, mo hwon-ar pak? Sa hromkwe uwr prueyn irweyk se ma-naruok e?”
23549	MAT 11:21	Hiykwe senkin me, “Woiow, om Korasin o, om Betsaida o, homkwe kwa nak-hok, hme kokwe aw-mar ipey-ar nuw-ohre ey. Payhokuaw, mey poya-poya krai non, hmo owh mon ma mon ousne mokwe, om Tair mon o, om Saidon mon o, serey mon ousne hokwe, uwrsa somokwe uron paraw po nuw-kankoum sow. Seyr omeme uron lowk ey me liy nak-owk peyk iwak sir kay. Seyr ihuan liy louh wakiawk, hmo weynpaweyn piap-araw hom ma mon somokwe.
23553	MAT 11:25	Enekwei sohokwe Jisas hiykwe senkin me, “Aio, hunkwe nonkumey o, ki ohiy o, hoho Hakamay, hakwe hne me-ihey, payhokuaw hunkwe hno nonkway omokwe uwr, ney nopre me hieyn ma lwak me papo mesair kow. Sawk uwr nonkway non me kokwe, hunkwe papo kawk sue, homkwe liy kiy-nonkway ley.
23560	MAT 12:2	Sawk Farisi hom senkin lira menkin, homkwe sa Jisas se senkin seme mekow, “Ara, kwa lira, hno ki-wayh homkwe hromo sow me kiy-kamaun sow, ayay sabat-enekwei sok ma lanio a omokwe.”
23569	MAT 12:11	Sawk hiykwe senkin ma-sahre onuayk me, “Hai, sa hmo uwr prueyn so sipsip kamon hokwe ki-saw aiopey hay mon sabat-enekwei sok lokuayk kwawk ankin, hiykwe hyo sipsip sehe liy lokriy hain o? Korey law. Hiykwe hyo sipsip sohokwe makyor-nekie way nok nok, ki yaprue mon lway yay kow ok.
23576	MAT 12:18	Aisaia hiykwe senkin me, “Ama, kwa lonuayk, ohokwe hano mey-uwr, hakiaw ma nuw-iaup hiy non. Hiykwe hano uron-pi ko-ar, hano uron hokwe hye kokwe kar nuw-ey. Hano niohney hokwe hakwe hyo owh mon wanohyay kow ey. Sa hiykwe hano lira anon anon mey kokwe uwrsa kipay lowpwarowp ko me mesor sanion sow kow ey.
23582	MAT 12:24	Sawk Farisi hom ok sokwe lonuayk menkin, homkwe sa senkin lohruw-a, “Ohow, hyo krai, poup piap-araw uwrsa mo owh ko me ma me-su ha sohokwe, hye kokwe poup makwey-uwr Belsebul hiy kow.”
23583	MAT 12:25	Jisas hiykwe hmo uron ko me papo saw-nonkway, hiy sa hme seme mekow, “Hai, king so kipay, yier kreys non kane ha ono wayr ankin, king so yier senkin sohokwe nuw-mon piapay ha ey. Seyr om aiopey hay kamon seyn, seyr uwrku nioh sirawaw seyn, homkwe homkiaw-ayay irweyk irweyk-aw kane ha ono wayr ankin, homkwe liy nakrok kraiay ley, korey law.
23605	MAT 12:47	Sawk uwr prueyn hiy ley nok, Jisas se senkin mekow, “Ara, hno ipey o, hno oryay-om o, emie, ki apau mon lwak. Homkwe hne nion non-ohruw-a e mesopok.”
23607	MAT 12:49	Hyo iha kokwe sawk hyo ki-wayh me ka-nakray me, “Ama, erey lira, hano ipey-om, oryay-om mokwe eme.
23626	MAT 13:18	Jisas hiy makiy-sahre me, “Sei, homkwe uwr, wit-i ma louh say so owhnan-ok ko meyk-ar ke kwa lonuayk popriy.
23639	MAT 13:31	Enekwei sohokwe Jisas hiykwe seyr owhnan-ok kamon kokwe hme senkin makiy-sahre mesor kow, “Ama, Nonkumey so Wayr-hre-yier hokwe, uwr prueyn hiy now mastet-i se hyo wueir mon ma nakey saro se hieyn.
23641	MAT 13:33	Jisas hiykwe owhnan-ok kamon kokwe seyr senkin makiy-mesor kow, “Ama, Nonkumey so Wayr-hre-yier hokwe, yis, sa prueyn hok ihey mo naw non ma nak-onhwayh me hieyn. Ihey mo naw, hok yis non ma nak-onhwayh mokwe, sankaw nakyay sowkriy, yowr krompri. Peypey lopa, yis somokwe sawk ihey mo naw seme nuw-mon oun sian liyay lowpway.”
23644	MAT 13:36	Jisas hiykwe uwrsa popua hay seme kiy-okriy hain nok, a mon ley. Sa hyo ki-wayh homkwe le nok, hye ma-mesopok, “Ara, hunkwe hreme kokwe pan piap-araw wueir mon ma swar ohniy sohok ko owhnan-ok ko meyk-ar ke liy mesor kumay kow o?”
23645	MAT 13:37	Jisas hiy sa senkin ma-sahre-me, “Ama, owhnan-ok sohok ko meyk-ar kokwe senkin, uwr prueyn wit-i yaprue me wueir mon ma lanio ouh say sohokwe mo Uwrsa mo Ney hiykiaw.
23659	MAT 13:51	Jisas hiy makiy-mesopok, “Homkwe owhnan-ok somokwe papo kiy-nonkway popriy o?” Homkwe sawk hye senkin ma-sahre onuayk me, “Oo, hromkwe papo kiy-nonkway popriy.”
23674	MAT 14:8	Sa sa-ney sokruan sokukwe, hoko pouh Herodias ko uron har me lonuayk nok, Herot se senkin me, “Ara, hunkwe Jon hu mon prouk uwr so huei makwey non se lokiane yay nok, plet mon lyay nok, hane nake kow.”
23681	MAT 14:15	Ey hiy pa lokin eym ohriar lwak menkin, hyo ki-wayh hom hyo owh mon le nok, hye senkin mekow, “Hakamay, ki ohokwe uwrsa lopa, seyr ey pau eyrowpwar kiynuw-wak. Hunkwe uwrsa eme kwa me-ha, homkwe hmo ayay arian me yier har mon ka ley neyney nakway a.”
23684	MAT 14:18	Jisas hiy kiy-me, “Sei, ayay seme hane kwa nake kow.”
23694	MAT 14:28	Sa hyo ki-wayh prueyn Pita hiykwe Jisas se kokwe senkin ma-sahre me, “Hakamay, sa hwon-ar lwak ankin, hunkwe hane kwa mekow, hu eir mon lanio ne e, hno owh mon kokwe.”
23702	MAT 14:36	Sawk uwrsa peik non homkwe Jisas se senkin nuw-mesopok kraiay, “Hai, hno owh mon ma lie ey ko kopi sokukwe, hunkwe hromo uwrsa peik non me ipan liy lon nekie sapou sapou o?” Seseyn, uwrsa peik non sohom nekie sapou sapou menkin, homkwe yaprue ma-lwak.
23712	MAT 15:10	Seyr Jisas hiykwe uwrsa popua hay me ka-me-huonokyaw nok, hme senkin kiy-mesor kow, “Ama, hano ok ke lonuayk nok, seyr nak-nonkway popriy.
23714	MAT 15:12	Sawk Jisas so ki-wayh homkwe Jisas so owh mon le nok, hye senkin mesor kow, “Ara, hunkwe papo nonkway? Ok hwon ma mesor somokwe Farisi hom ma lonuayk mokwe, sawk hmo uron me mon piapay.”
23717	MAT 15:15	Sawk Pita hiykwe Jisas se senkin makiy-mesopok, “Ara, owhnan-ok sohok ko meyk-ar kokwe, hunkwe hreme liy makiy-me sorasor kumay kow o?”
23718	MAT 15:16	Jisas hiy sa senkin makiy-sahre me, “Mekwey, homkwe hano ki-wayh me, sawk homkwe nonkway paswaw nopre non payhokuaw lwak o?
23724	MAT 15:22	Wo, sa prueyn Kenan ko, kipay serey ma lwak sokukwe, hokwe sawk Jisas se kokwe senkin lokre me huon, “Hakamay, Devit so ney, hunkwe hane uron wawk owk kara! Now-awruw piap-araw hiykwe hano ney swanyo ke nuw-mon piapay wayr.”
23725	MAT 15:23	Sawk Jisas hiykwe hoke kokwe ok namon pase ma-sahre onuayk me e. Sa hyo ki-wayh homkwe hye senkin sehe nuw-mesopok kraiay, “Ara, hunkwe sa sokwe me-ha e, payhokuaw, hokwe hromo meyki lanio okre me ne.”
23727	MAT 15:25	Sawk sa sokukwe Jisas so ohriar mon ley nok, hyo inour mon pamuow kampueys nok, senkin mesopok, “Hakamay, hane kwa hiymon.”
23730	MAT 15:28	Jisas hiykwe sawk hoke senkin makiy-mekow, “Akwa, hakwe hne senkin kiynuw-ira, hunkwe hane kokwe ipey-ar nuw-nan kiykiy-ay, hakwe hwon ma mesopok senkin liy-liy-aw kiynuw-mon ey.” Jisas hiy senkin me nonaw, hoko ney swanyo sokukwe yaprue ma-lwak, enekwei sohiy nonaw kokwe.
23748	MAT 16:7	Sawk hyo ki-wayh homkwe homkiaw-ayay-aw senkin nan ohruw-a, “Ama, hiykwe mo sehe me, hromkwe ihey mo naw mokwe siraw nak-onokyaw nok pa.”
23749	MAT 16:8	Sawk Jisas hiykwe hyo ki-wayh mo ok somokwe po nonkway, hiy sa hme senkin kiy-mekow, “Ama, homkwe ok senkin panoke lohruw-a o, ‘Hromkwe ihey mo naw mokwe nak-onokyaw nok pa’? Hmo nan kiykiy-ay yor mokwe paswaw-aw nopre.
23754	MAT 16:13	Jisas hiykwe sawk kipay, taun Sisaria Filipai ma lwak mon ley, hyo ki-wayh siraw. Enekwei sohiy non kokwe hyo ki-wayh me kokwe senkin kiy-mesopok, “Hai, uwrsa homkwe Uwrsa mo Ney se kokwe penkin kiy-ohruw me o?”
23756	MAT 16:15	Jisas hiykwe hyo ki-wayh me nian makiy-mesopok, “Hai, homkiaw kokwe hane penkin kiy-ohruw me a, hakwe posokwaw so?”
23758	MAT 16:17	Sawk Jisas hiykwe Pita se kokwe senkin mekow, “Saimon, Jona so ney ara, hunkwe God so uron ihey-ar so ouon mon lwak. Payhokuaw, ok hwon ma kiy-me somokwe, hne kokwe uwr prueyn ki ko hiy hiy-mon nanpanan ohruw-a kumay pa. Sawk hne kokwe hano Aio arian nonkumey ko hiykiaw hiymon nanpanan ohruw-a kumay kow.
23779	MAT 17:10	Sawk ki-wayh homkwe hye senkin ma-mesopok, “Hai, sow ke hiymon-sorasor uwr homkwe senkin panoke me mo, Elaija hiykwe Krais so peyrmawk le pie ey?”
23788	MAT 17:19	Sehiy so meyki mon kokwe, Jisas so ki-wayh homkiaw, Jisas so owh mon le nok, hye senkin mesopok, “Hai, niohney piap-araw sohokwe hromkwe me-su ha pa, panoke lwak so?”
23789	MAT 17:20	Sawk Jisas hiykwe hyo ki-wayh mo mesopok sokukwe senkin ma-sahre onuayk me, “Payhokuaw, hmo uron hokwe God se kokwe aiopey hay nan kiykiy-ay pa. Hakwe hme ok-ar kiy-mekow, sa hmo nan kiykiy-ay hokwe now-mastet-i nopre me hieyn lwak mokwe, homkwe mnuw ehe senkin liy kiy-me, ‘Mnuw ohi, hunkwe loksian nok, kipay kamon mon ka-ley’, mnuw sohokwe hno ok ko memeir nonaw liy ka-ley. Mey lowpwarowp senkin somokwe hme kokwe honon honon liy lwak ley.”
23791	MAT 17:22	Enekwei hyo ki-wayh lowpwarowp hom Galili mo kipay mon ma hokruw mokwe, Jisas hiykwe hyo ki-wayh me senkin mekow, “Ama, Uwrsa mo Ney se kokwe uwr piap-araw mo iha mon ya seyn kiy-kow a.
23793	MAT 17:24	Wo, Jisas hiykiaw o, hyo ki-wayh hom o, taun Kaperneam mon lousne iwak menkin, sawk God so a pekney-weys so takis meinowon lanio onokyaw uwr hom Pita so owh mon le nok, hye senkin kiy-mesopok, “Hmey, hno hiymon sorasor uwr hiykwe God so a pekney-weys so takis mein-owon mokwe senaw kow?”
23794	MAT 17:25	Sa Pita hiykwe senkin makiy-mekow, “Oo, hiykwe God so a so takis meinowon mokwe senaw kow.” Enekwei Pita hiy a mon lyawriy menkin, sawk hye kokwe Jisas so peyr-aw saw-mesopok pie, senkin, “Saimon, hunkwe penkin kiy-nanpanan o? Hai, king ki ko omokwe senkin senkin takis ma lonokyaw omokwe, uwrsa penkin ko mo iha ko me lonokyaw o? Hmo ney mo iha ko arian pak, o, uwrsa har mo pak?”
23808	MAT 18:12	“Hai, homkwe penkin nan o? Sa hmo uwr prueyn hiykwe sipsip 100 sankaw kow-a wayr. Sawk kamon se lanyan ankin, hiykwe ley anio pawk lopa lwak ey so? Korey. Hiykwe sipsip 99 me mnuw mon lokriy hain nok, sipsip ma lanyan sehe nuw-anio pawk nok.
23817	MAT 18:21	Sa Pita hiy Jisas so owh mon le nok, Jisas se senkin mesopok, “Hakamay, sawk hano wayh hiy hane yor piap-araw mon mokwe, hyo yor sokukwe hakwe enekwei pankaw lorionay ha ey so? Hmey, enekwei 7, sankaw lorionay ha e?”
23834	MAT 19:3	Sawk Farisi-uwr homkwe Jisas so owh mon le nok, hye mon-ir ey hokwe homkwe senkin mesopok, “Hmey, hromo sow mokwe, senkin po mekow pak, uwr prueyn hiykwe hyo sah ke liy lour swaweyr yay ha o, hok yor senkin senkin nopre me piap eyn meio hokwe?”
23835	MAT 19:4	Jisas hiykwe sawk hmo ok mokwe senkin ma-sahre onuayk me, “Hmey, homkwe God so ok, mamey porih ko mokwe pankaw lira mesor? Paraw God hiy ki ehe ma monhre pie hokwe, hiykwe iwar mokwe senkin monhre pie, uwr o, sa o.
23838	MAT 19:7	Farisi hom sawk hye senkin ma-mesopok, “Hai, suw penkin so, Moses hiy senkin ma mekow hokwe, uwr prueyn hiy hyo sah ke lokriy ha ankin, hiykwe sa sokwe lokriy-ha-mamey kamon ke mey kow nok, nak-me-ha.”
23849	MAT 19:18	Uwr sohiy makiy-mesopok, Jisas se, “Hai, God so sow pohom non mo?” Sa Jisas hiy makiy-sahre me, “Hunkwe uwrsa me peie lokin kwor krue o, yokun nweyh kane yor peie meio o, uwrsa har mo omeme me yokun peie lopri o, uwrsa me okrei-ok peie lokin lor-a-lor kow o.
23856	MAT 19:25	Ki-wayh hom ok seme lonuayk menkin, homkwe ipey-ar nuw-preiryay. Sa homkiaw-ayay senkin lohruw-a, “Hai, sa uwr penkin me huonok prosue ey mo?”
23879	MAT 20:18	“Ama, hromkwe Jerusalem mon liau ey. Sawk Uwrsa mo Ney se kokwe pris karmay o, sow ke hiymon-sorasor uwr o, hmo iha mon isay kow ey. Uwr somokwe hye senkin lira me-sakon kawk popriy ey, hye lokin kwor krue e.
23882	MAT 20:21	Sawk Jisas hiykwe hoke senkin makiy-mesopok, “Hunkwe payay se nan o?” Hokwe sa senkin mekow, “Ara, hakwe senkin nan, hunkwe hano ney prueysyar ehe, hno Wayr-hre-yier mon kwa me-say iwak, prueyn hokwe iha sayar mon, prueyn hokwe iha irayh mon.”
23883	MAT 20:22	Sawk Jisas hiykwe hme senkin mekow, “Homkwe nonkway kiy-wak popriy pey, ok hom hane ma kiy-mesopok sokukwe. Hmey, hohkwe yiawk ha ma lowswa ey ohokwe, hohkwe seyr liy lowswa o?” Hohkwe sa hyo ok kokwe senkin lonuayk me, “Oo, hrorkwe liy lowswa.”
23891	MAT 20:30	Wo, yerki hiy ma hiy-ey sohokwe uwr nene kopyo prueys-ar sohokwe yerki meykyay serey mon non-wakiawkeyn huon. Enekwei sohokwe hoh Jisas hiy le se lonuayk menkin, hohkwe sawk ok aiopey hay senkin lokre me-huon, “Hakamay, Devit so ney-nona ara, hrere uron wawk owk kara.”
23892	MAT 20:31	Uwrsa kraiar Jisas se nion ma non-ey somokwe sawk hehe senkin me-sous lokruok, “Hohkwe ok lopa non-wakiawkeyn e.” Sawk liy-ar so, hohkwe sawk ok aiopey hay-ar ma-lokre me, “Hakamay, Devit so ney-nona ara, hrere uron wawk owk kara.”
23904	MAT 21:9	Uwrsa popua hay Jisas so peyr mon ma ley o, har meyki ma le o, somokwe lowpwarowp yu senkin nak-me aun sian nok, “Hosana, Devit so ney-nona so uru hokwe ayaw-ar mon ka lwak. Uwr, Hakamay so uru non ma le ohokwe, God hiy ka hiy-mon ihey. Hosana, hyo uru hokwe eir-arar mon ka aynuw-wak.”
23911	MAT 21:16	Hom sawk Jisas se senkin mesopok, “Hunkwe ok, ney senkin sohom ma lokre me seme po lonuayk o?” Jisas hiy sa hme senkin makiy-mekow, “Oo, hakwe mo po lonuayk. Sawk homkwe ok, God so mamey mon enkin ma me kokwe lira mesor pa mo? ‘God hiykwe, ney nopre o, ney mu la ey o, hme po me sian, hyo uru se ayaw mon lowk nakie e, hmo woki non.’”
23923	MAT 21:28	Sawk Jisas hiykwe Juda mo karmay me senkin makiy-mesopok, “Hai, homkwe owhnan-ok, ha ma kiy-me ey okukwe, penkin nan a? Enekwei kamon hokwe uwr prueyn hiykwe ney norwayo prueys non. Hiykwe ney prueyn so owh mon ley pie nok, hye mesopok, ‘Ney ara, pokon kokwe hunkwe wain-wueir mon kwa ley meio.’
23926	MAT 21:31	Owhnan-ok sokwe mesor lowpway menkin, Jisas hiy sa senkin mesopok, “Hai, ney prueysyar sohokwe hoho orih so uron so meyki mon posokwaw ley so?” Hom me, “Ney peyr-mon ma mesopok pie hiykiaw.” Jisas hiykwe hme senkin mekow, “Hakwe hme ok-ar kiy-mekow, uwr takis meinowon lonok uwr o, yokun-sa o, homkwe God so Wayr-hre-yier mon kokwe ya lyawriy a, sawk homkiaw kokwe liy lyawriy ley.
23935	MAT 21:40	Jisas hiy makiy-mesopok, “Hai, homkwe penkin nanpanan o? Enekwei wain-wueir se ma iaup uwr hiykiaw le ankin, hiykwe bisnis-uwr seme penkin lon ey mo?”
23937	MAT 21:42	Jisas hiykwe seyr hme senkin ma-mesopok, “Hmey, homkwe God so mamey porih ko ok, enkin ma me ke, pankaw lira mesor? ‘Mein, a meio uwr hom ma me-puar hokwe, ipey-ar po lousne, a se hiymon kraipakrai ey. Hakamay hiykwe senkin meio, sa sohokwe hromo nene mon kokwe ihey-ar nuw-wak.’
23961	MAT 22:20	Sa Jisas hiykwe hme senkin ma-mesopok, “Hai, uwr ine-kasaw ohiy o, uru o, poso mo?”
23983	MAT 22:42	“Ama, homkwe Krais se kokwe penkin nan o, hiykwe poso ney so?” Hom kiy-onuayk me, “Devit so ney-nona.”
24000	MAT 23:13	“Woiow, Juda mo sow ke hiymon-sorasor uwr om, Farisi om, homkwe woki seys non uwr moma. Payhokuaw, Nonkumey so Wayr-hre-yier hokwe homkiaw po swapoumay sous, uwrsa me kokwe. Homkiaw kokwe lyawriy e mon pey. Sawk homkwe uwrsa yier serey ma lyawriy e ma mon seme liy isay yawriy e ko.
24028	MAT 24:2	Sawk hiykwe hyo ki-wayh me senkin kiy-mesopok, “Ama, homkwe God so a pekney-weys seme po lira? Hakwe hme okar-ar kiy-mekow, omeme lowpwarowp hom ma kiy-ira omokwe, enekwei ya le a, a sohiy so mein mokwe hmo yop arian mon eirposapos ma liawon sowkway ey lopa. Somokwe ki mon-aw nuw-mon housay makuayk sakuayk lowpway ey.”
24029	MAT 24:3	Jisas hiykwe mnuw Oliv mon wakiawk menkin, sawk hyo ki-wayh homkiaw-aw hyo owh mon le nok, hye senkin mesopok, “Ara, hreme kwa kiy-mekow nonkway, weynpaweyn somokwe pohiy sok lousne ey mo? Seyr hno le enekwei o, ki ohiy so enekwei pariawey-ar o, meir penkin hok lousne pie a?”
24078	MAT 25:1	Jisas hiykwe owhnan kamon ke makiy-mesor kow, “Ama, enekwei sohiy sok kokwe, Nonkumey so Wayr-hre-yier hokwe sa sokruan iha seysyar non mo okpey ke hieyn. Sa sokruan somokwe hmo lam me siraw nake nok, sa-huon-uwr se nakey onyay huon.
24090	MAT 25:13	Sawk Jisas hiykwe hyo ki-wayh arian me kokwe, senkin me-nonkway kow, “Ama, homkwe iray-iray non kwa lwak, payhokuaw Uwrsa mo Ney hiy le ey so enekwei-ar hokwe, homkwe nonkway lopa.”
24138	MAT 26:15	hme senkin mesopok, “Hai, ha hme Jisas se hmo iha mon kow ankin, homkwe hane omeme penkin se kow ey so?” Wo, pris makwey-uwr homkwe Judas se kokwe mein-owon silva non ma mon-hre mokwe, 30, sankaw kow ha.
24140	MAT 26:17	Juda mo hokruw enekwei peyr-ar ko, ihey mo naw yis lopa la ey hiy lousne menkin, ki-wayh homkwe Jisas so owh mon le nok, hye mesopok, “Ara, hunkwe hreme kokwe, a perey hremon lunay-a how-say kow e nanpanan o, Pasova-ayay hwon la ey mokwe?”
24144	MAT 26:21	Sawk hom ayay seme la nonaw, Jisas hiykwe sa hyo ki-wayh me senkin kiy-mekow, “Ama, hakwe hme ok-ar kiy-mekow, hmo prueyn erey ma lwak hiykwe, hane kokwe wei kow ey.”
24145	MAT 26:22	Wo, hyo ki-wayh hom ok senkin ke lonuayk menkin, homkwe sawk uron kiynuw-owk kworpakwor iwak sir, sawk hmo prueyn prueynyaw homkwe Jisas se senkin mesopok, “Hakamay, hunkwe hane nanpanan me pak?”
24146	MAT 26:23	Jisas hiykwe sa hyo ki-wayh me senkin makiy-sahre mekow, “Ama, uwr hane ma wei kow ey hokwe, hiykwe hyo ihey mo naw kokwe hane nion siraw po non-sakeyn prouk a, yowr kamon-aw mon.
24148	MAT 26:25	Sawk uwr Judas, Jisas se aw-uwr mo iha mon ma kow ey sohokwe, Jisas se senkin kiy-mesopok, “Hiymon sorasor-uwr, hunkwe hane nanpanan me pak?” Jisas hiykwe sawk Judas se senkin ma-sahre me, “Ara, mo sehe, hunkiaw ma kiy-me he.”
24163	MAT 26:40	Hiykwe hyo orih God se senkin non-ohruw-a hain nok, hyo ki-wayh pruompri-ar mo owh mon ma-ley. Sawk hiykwe senkin amor-ira ne, homkwe anwaw hawon sowkway nayr. Wo, hiykwe sa Pita se senkin kiy-me, “Pita, mo sehe, homkwe hane nion iray-iray nonaw inaw liy liwak nayr ley, aua kamon-aw ohokwe?
24171	MAT 26:48	Wei-kow-uwr sohokwe uwr seme meir kamon ke papo lohruw-a sakon kawk koruay kow, senkin, “Uwr, ha ma way neyr-a-neyr hokwe mo hiy. Hye kwa nekie.”
24185	MAT 26:62	Sawk Pris Makwey-uwr hiykwe loksian iarok nok, Jisas se senkin mesopok, “Hai, hunkwe ma-sahre onuayk me ey lopa so? Uwr prueysyar hoh hno ok eyn ke ma kiy-me-kumay eme me, ok sokukwe pay ok ke kiy-me ko?”