338	GEN 14:1	Oras naan, usif haa nabuan. Sin esan reꞌ: Amrafel, usif pah Sinear; Ariok, usif pah Elasar; Kedarlaomer, usif pah Elam; ma Tidear, usif pah Goyim.
573	GEN 23:1	Ain Saraꞌ nmaet oras in nmoin naan toon nautn es boꞌ nua mhiut (127). Oras in nmate te, sin natuan nbin kuan Kiryat-Arba (es reꞌ Hebron), et pah Kanaꞌan. Naiꞌ Abraham ankae nsim-simak. Sin nbeꞌen amsaꞌ.
672	GEN 25:13	Naiꞌ Ismaꞌel in aan moen ne tuaf boꞌes am nua. In aanh ein esan reꞌ ia, nmaktun-tuin ein naꞌko moen unu ntea aheit susu, esan reꞌ: naiꞌ Nebayot, naiꞌ Kedar, naiꞌ Atbeel, naiꞌ Mibsam, naiꞌ Misma, naiꞌ Duma, naiꞌ Masa, naiꞌ Hadat, naiꞌ Tema, naiꞌ Yetur, naiꞌ Nafis, ma naiꞌ Ketma. Riꞌaan monen reꞌ ia, sin njarin aam uuf neu too pah boꞌes am nua, es-es ate, nmuiꞌ kuun in pah. Sin nakanab sin pah, es-es ate natuin sin beꞌi-naꞌi sin kaank ein.
783	GEN 28:9	Onaim in nnao neu in aam kouf naiꞌ Ismaꞌel, rarit in nsao naiꞌ Ismaꞌel aan feto bi Maharat. Bi Maharat naan, naiꞌ Nebayot fetof.
1039	GEN 35:27	Rarit naiꞌ Yakop nnao nmakius in amaf naiꞌ Isak anbi Mamre anpaumaak kuan Kiryat-Arba (kuan naan, oras ia, in kaan ee, Hebron). Unuꞌ te, in naꞌif naiꞌ Abraham natua nbi bare naan amsaꞌ.
1044	GEN 36:3	Naiꞌ Esau nsao naiꞌ Ismaꞌel in aan feot goes amsaꞌ, kaan ee bi Basmat. Bi Basmat in naof ee, es reꞌ naiꞌ Nebayot.
1065	GEN 36:24	Naiꞌ Sibeon in aanh ein, esan reꞌ: naiꞌ Aya, ma naiꞌ Anah. Naiꞌ Anah in es reꞌ niit oe maat maputuꞌ nbi baer ruman oras in natuuk in aamf ee bikaes keledai ngguin.
1400	GEN 46:13	Naiꞌ Isaskar nok in aanh ein esan reꞌ: naiꞌ Tora, naiꞌ Pua, naiꞌ Ayup, ma naiꞌ Simron.
23219	MAT 1:6	naiꞌ Isai nahonis naiꞌ Daut. Naꞌko naiꞌ Daut tar antea too Israꞌel nmoufun nbin Babel, sin ar-arsin naan, batan boꞌes am haa ntein. Sin esan reꞌ: naiꞌ Daut nahonis naiꞌ Soleman (in ainf ee, nahunu te, naiꞌ Uria in fee). Naiꞌ Soleman nahonis naiꞌ Rahabeam, naiꞌ Rahabeam nahonis naiꞌ Abia, naiꞌ Abia nahonis naiꞌ Asaf, naiꞌ Asaf nahonis naiꞌ Yosafat, naiꞌ Yosafat nahonis naiꞌ Yoram, naiꞌ Yoram nahonis naiꞌ Usia, naiꞌ Usia nahonis naiꞌ Yotam, naiꞌ Yotam nahonis naiꞌ Ahas, naiꞌ Ahas nahonis naiꞌ Heskia, naiꞌ Heskia nahonis naiꞌ Manase, naiꞌ Manase nahonis naiꞌ Amos, naiꞌ Amos nahonis naiꞌ Yosias, naiꞌ Yosias nahonis naiꞌ Yekonya ma in oirf ein oras sin nmoufun nbin Babel.
23225	MAT 1:12	Naꞌko oras sin nmoufun nbin Babel antean naiꞌ Yesus, sin ar-arsin batan boꞌes am haa. Sin esan reꞌ: Naiꞌ Yekonya nahonis naiꞌ Saltiel, naiꞌ Saltiel nahonis naiꞌ Serubabel, naiꞌ Serubabel nahonis naiꞌ Abihut, naiꞌ Abihut nahonis naiꞌ Elyakim, naiꞌ Elyakim nahonis naiꞌ Asor, naiꞌ Asor nahonis naiꞌ Sadok, naiꞌ Sadok nahonis naiꞌ Akim, naiꞌ Akim nahonis naiꞌ Eliut, naiꞌ Eliut nahonis naiꞌ Eliaser, naiꞌ Eliaser nahonis naiꞌ Matan, naiꞌ Matan nahonis naiꞌ Yakop, rarit naiꞌ Yakop nahonis naiꞌ Yusuf. Naiꞌ Yusuf ansao bi Maria. Bi Maria reꞌ naan, es reꞌ nahonis Yesus Kristus.
23235	MAT 1:22	Rasi reꞌ ia of anjair on naan, natuin Uisneno natoon nain naꞌko afi unuꞌ. In npaek niit In mafefa kninuꞌ naiꞌ Yesaya he ntui mnak,
23249	MAT 2:11	Rarit sin ntaman neun umi naan. Sin nitan kuuk Riꞌanaꞌ naan nok In ainaf bi Maria. Onaim sin nriꞌtuun he naꞌbesan neun Ne. Rarit sin nfei sin ook-soun ein reꞌ mamasaꞌ ma maꞌosaꞌ, ma annonaꞌ sin neun Riꞌanaꞌ naan. Sin nfeen noni mnatuꞌ, kemenyaan, ma hau oef foo meniꞌ.
23264	MAT 3:3	Afi unuꞌ Uisneno In mafefa kninuꞌ tuaf es, kaan ee naiꞌ Yesaya, antui nmatoom nok naiꞌ Yohanis am nak, “Of anmuiꞌ tuaf reꞌ annao neu bare reꞌ ka matuaꞌ fa, anhunun ma nkoaꞌ am nak, ‘Hi ar-arki ro he mibarab ma miroitan ranan, he mseun ma mtoup Uisneno In amneman! Mineo ma minoon ranan he mseun Goe!’ ”
23292	MAT 4:14	Nok ranan naan, In nmoeꞌ natuin saaꞌ reꞌ Uisneno In mafefa kninuꞌ naiꞌ Yesaya antui nain je mnak,
23431	MAT 8:17	In nmoeꞌ rasin reꞌ ia, he natuin saaꞌ reꞌ mafefa kninuꞌ Uisneno naiꞌ Yesaya antui nain je mnak, “In narekoꞌ hit menas. Ma In nasaah hit haꞌmuꞌit.”
23532	MAT 11:4	Anneen on naan ate, Naiꞌ Yesus nataah am nak, “Hi mneen amrair ma miit kiim. Onaim amfain nai ma meu te mitonan naiꞌ Yohanis am mak, areꞌ saaꞌ-saaꞌ ii njari nrarin, natuin saaꞌ reꞌ mafefa kninuꞌ Uisneno naiꞌ Yesaya antui nain je mnak,
23575	MAT 12:17	In nmoeꞌ on reꞌ naan, natuin saaꞌ reꞌ Uisneno natoon nain neu In mafefa kninuꞌ naiꞌ Yesaya mnak,
23622	MAT 13:14	Sin reꞌ naan on reꞌ mafefa kninuꞌ Uisneno naiꞌ Yesaya antui nain je mnak, ‘Hi of amneen ma mitniin, mes hi ka mroim fa he mihiin. Hi of amkius ma miit, mes hi ka mroim he mihiin fa saaꞌ reꞌ njair naan.
23709	MAT 15:7	Etun feꞌe na Au ꞌak, hi reꞌ ia atoniꞌ reꞌ naꞌuab ate, aꞌtetaꞌ, ma nmoꞌe te, aꞌtetaꞌ! Naan natai nok saaꞌ reꞌ mafefa kninuꞌ Uisneno naiꞌ Yesaya antui nain je anmatoom nok ki naꞌko un-unuꞌ! Fin Uisneno npaek je he ntui mnak,
24126	MAT 26:3	Neno naan, aꞌnaak pirsait Yahudi sin aꞌnaakt ein, ma atoni mnais haart ein nabuan nbin naiꞌ Kayafas in umi. Naiꞌ Kayafas naan, es reꞌ aꞌnaak pirsait Yahudi sin aꞌnaak koꞌu.
24180	MAT 26:57	Rarit tuaf ein reꞌ nheek Naiꞌ Yesus, sin neik Je neu aꞌnaak pirsait Yahudis sin aꞌnaak koꞌu, naiꞌ Kayafas in umi, natuin aꞌnaakt ein nabuan nbin naan. Abuat ein naan, sin esan reꞌ: aꞌnaak pirsait Yahudi sin aꞌnaakt ein, tunggur agaam ein, atoni mnais haart ein.
24286	MRK 1:2	Nahuun naꞌko Naiꞌ Yesus nait In mepu, Uisneno anreek haefan atoin es neem nahuun. Atoniꞌ reꞌ naan, kaan ne naiꞌ Yohanis. Naiꞌ Yohanis reꞌ ia, ro he neem nahuun he nfei ranan neu Naiꞌ Yesus. Mes nahuun naꞌko naiꞌ Yohanis he neem, Uisneno ansonuꞌ nahunun In mafefa kninuꞌ tuaf es, kaan ne naiꞌ Yesaya. Naꞌko afi ahunut, naiꞌ Yesaya antui nrair, nak on nai: “Amneen, oo! Au of aꞌreek haefan Au tuaf es, he nnao nfei ranan neu Ko.
24538	MRK 7:6	Mes Naiꞌ Yesus nataah sin im nak, “Hi reꞌ ia on reꞌ atoniꞌ reꞌ naꞌuab ate, aꞌtetaꞌ, mes hi mmoꞌe te, aꞌtetaꞌ! Nahunu te, kaꞌo Yesaya antui nain Uisneno In kabin am nak, ‘Sin npures ma nboꞌis Kau, npaekn ahaa sin ruruk koitk ein, mes ka npoin fa naꞌkon sin neek ein. Sin aꞌmoeꞌk ein on reꞌ naan ruum am parsuum aah. Sin ka nfairoir fa Au romik, mes sin natuin ahaa mansian ii in romin.’ Hi humaꞌ meseꞌ on reꞌ sin imsaꞌ.
25095	LUK 3:1	Oras naan, naiꞌ Tiberius anjair uis koꞌu keser ma nnaaꞌ aprenat anbi pah Roma toon boꞌes am niim een. Naiꞌ Pontius Pilatus anjair gubernur anbi propinsi Yudea. Naiꞌ Herodes anjair gubernur anbi propinsi Galilea. Naiꞌ Herodes tataf naiꞌ Felipus, anjair gubernur anbi propinsi Iturea ma propinsi Trakonitis. Ma naiꞌ Lisanias anjair gubernur anbi propinsi Abilene. Oras naan amsaꞌ, naiꞌ Hanas ma naiꞌ Kayafas anjarin aꞌnaak rais pirsait Yahudi sin aꞌnaak koꞌu nbi kota Yerusalem. Oras naan, naiꞌ Yohanis, naiꞌ Sakarias in anah, natua nbi baer ruman naꞌroo naꞌko kuan. Anbi bare naan, Uisneno naꞌuab ma nbaasn ee.
25098	LUK 3:4	Un-unuꞌ te, Uisneno In mafefa kninuꞌ kaꞌo Yesaya antui anmatoom nok naiꞌ Yohanis reꞌ ia mnak, “Anmuiꞌ tuaf reꞌ of annao neu bare reꞌ ka matuaꞌ fa, rarit anhunun ma nkoaꞌ am nak, ‘Areꞌ too mfaun ein ro he mibarab ma miroitan ranan, he mseun ma mtoup Usiꞌ In amneman! Mikninuꞌ ranan he mseun Goe.
25124	LUK 3:30	Naiꞌ Lewi in aamf ee, naiꞌ Simeon. Naiꞌ Simeon in aamf ee, naiꞌ Yahuda. Naiꞌ Yahuda in aamf ee, naiꞌ Yusuf. Naiꞌ Yusuf in aamf ee, naiꞌ Yonam. Naiꞌ Yonam in aamf ee, naiꞌ Elyakim.
25125	LUK 3:31	Naiꞌ Elyakim in aamf ee, naiꞌ Melea. Naiꞌ Melea in aamf ee, naiꞌ Mena. Naiꞌ Mena in aamf ee, naiꞌ Matata. Naiꞌ Matata in aamf ee, naiꞌ Natan. Naiꞌ Natan in aamf ee, naiꞌ Daut.
25149	LUK 4:17	Onaim sin naꞌnaaꞌt Ee kaꞌo Yesaya in tuis. In nfei, he naim resat, onaim In nrees nak,
25286	LUK 7:22	Rarit Naiꞌ Yesus natoon neu naiꞌ Yohanis in haef ein am nak, “Hi mnao mfain ma mitonan naiꞌ Yohanis, areꞌ kanan rasi reꞌ hi miit ma mneen kiim sin, natai on reꞌ Uisneno In mafefa kninuꞌ naiꞌ Yesaya antui mnak, ‘Aforot, niit anfain. Abuat, anfeen ma nnao. Ameen nui-atroki, nareko kninuꞌ. Akosot, anneen anfain. Amates, anmoni nfain. Atoin kasian, anneen Rais Reko.’
25970	LUK 22:37	Natuin atoin Yahudis sin naan Kau on reꞌ atoin maufinu. Kreoꞌ goes anteniꞌ te, sin neman he nheek Kau. Naan natai nok saaꞌ reꞌ kaꞌo Yesaya antui nain je, mnak: ‘Sin nsoiꞌ Je on reꞌ atoin maufinu!’ ”
26136	JHN 1:23	Onaim in naꞌuab natuin saaꞌ reꞌ kaꞌo Yesaya ntui nain je mnak, “Au reꞌ ia, es reꞌ tuaf reꞌ anhunun ma nkoaꞌ anbi bare ꞌroo ma maꞌkoroꞌ mnak, ‘Hi ar-arki ro he mraip ma miꞌsonaꞌ ranan, he mseun ma mtoup Usiꞌ In amneman! Amꞌoop ma mnae ranan he mseun Goe.’ ”
26641	JHN 11:49	Toon naan, naiꞌ Kayafas es anjair aꞌnaak rais pirsait Yahudi sin aꞌnaak koꞌu. In naꞌuab am nak, “Amonot! Hi ka mihiin fa saaꞌ-saaꞌ!
26643	JHN 11:51	Naiꞌ Kayafas ka naꞌuab fa natuin in romin kuun. Fin Uisneno npaek in fefan, natuin in njair aꞌnaak rais pirsait Yahudi sin aꞌnaak koꞌu anbi toon naan. Es naan ate, naiꞌ Kayafas natoon nain nak, Naiꞌ Yesus of anmaet neu atoin Yahudis sin ok-okeꞌ.
26645	JHN 11:53	Natuin naiꞌ Kayafas in uab naan, es naan ate, nmurai oras naan, atoin Yahudis sin aꞌnaet ma kaes kouꞌn ein namin ranan he naꞌmaet Naiꞌ Yesus.
26687	JHN 12:38	Naan on reꞌ Uisneno In mafefa kninuꞌ, naiꞌ Yesaya, natoon nani mnak, “Usiꞌ, oo! Ka nmuiꞌ fa tuaf reꞌ npirsai hai uab ein! Fin maski Ho mururuꞌ ma mukriraꞌ mrair Ho kuasam, mes mansian ii nforon nmaten, tua!”
26688	JHN 12:39	Es naan ate, atoin Yahudis bian sin ka bisa npirsai fa Uisneno oras ia, on reꞌ naiꞌ Yesaya ntui nbi bare bian am nak,
26690	JHN 12:41	Naiꞌ Yesaya naꞌuab on naan, natuin in nkisu nrair Naiꞌ Yesus In pinan ma krahan, rarit in naretaꞌ nain anmatoom nok Naiꞌ Yesus.
26867	JHN 18:13	Rarit sin neik Je nahuun neu naiꞌ Anas feꞌ. Naiꞌ Anas reꞌ naan, es reꞌ naiꞌ Kayafas in aam babaf. Toon naan, naiꞌ Kayafas es reꞌ anjair aꞌnaak rais pirsait Yahudi sin aꞌnaak koꞌu.
26868	JHN 18:14	Naiꞌ Kayafas reꞌ ia, es reꞌ nfaineek niit atoin Yahudis sin aꞌnaet ma kaes kouꞌn ein am nak, “Reko nneis neu ki, karu suma tuaf meesꞌ aah, es reꞌ anmaet neu too mfaun ein.”
26878	JHN 18:24	Rarit naiꞌ Anas anreun sin he sin neik Je neu naiꞌ Kayafas, reꞌ njair aꞌnaak pirsait Yahudi sin aꞌnaak koꞌu. Oras sin nnaon naat Ee naan, In mafutuꞌ feꞌ.
26882	JHN 18:28	Rarit kik-kiku te, sin neik Naiꞌ Yesus naꞌko naiꞌ Kayafas in umi. Sin nnaon neun gubernur ee in uim jabatan, anbi sorarus Roma sin benteng. Atoin Yahudis sin kuuk ka ntaman fa nbin atoin Romas sin bare naan, natuin rasi naan anꞌoemetab sin tuak ein, he sin ka bisa nbukaen fa fesat Paska.
27097	ACT 4:6	Aꞌnaak rais pirsait Yahudi sin aꞌnaak kouꞌ goe msaꞌ nok anbi naan. In kaan ee, naiꞌ Hanas. Aꞌnaet bian antein, esan reꞌ naiꞌ Kayafas, naiꞌ Yohanis, naiꞌ Aleksander, ma naiꞌ Hanas in uim je nanan sin nokan anbin naan amsaꞌ.
27272	ACT 8:27	Oras in nneen on naan ate, naiꞌ Felipus anpoi nnao nain. Oras in nbi ranan naan, in niit atoin es. Atoniꞌ reꞌ naan kaes kouꞌ goes naꞌko pah Etiopia. In es reꞌ anpao ma nꞌurus aꞌmuiꞌf ein naꞌko uis bifee pah Etiopia. Uis bifee naan, sin nteek ee te nak, Kandake. Kaes koꞌu reꞌ naan, feꞌ nok anꞌonen anbi kota Yerusalem, ma oras naan in nsae kreet he nfain neu sin pah. Oras naiꞌ Felipus niit ee, kase naan antook ma nrees anbi kreet ee in nanan. In nrees anbi surat naꞌko kaꞌo Yesaya, Uisneno In mafefa kninuꞌ.
27275	ACT 8:30	Ma oras in nhaumaak ate, in nneen atoniꞌ naan anrees naꞌko kaꞌo Yesaya in surat. Onaim in nataan am nak, “Aam! Ho muhiin saaꞌ reꞌ ho mrees ee naan, aiꞌ kaah?”
27279	ACT 8:34	Anrees anrair on naan ate, kaes koꞌu naan nataan naiꞌ Felipus am nak, “On mee? Kaꞌo Yesaya antui neu in tuan ii oo, aiꞌ in ntui anmatoom nok atoniꞌ ꞌtetaꞌ?”
27280	ACT 8:35	Rarit naiꞌ Felipus nanoniꞌ kaes koꞌu naan neik Usif Yesus In Rais Reko. In nmurai naꞌko kaꞌo Yesaya in tuis reꞌ naan, ma in natoon ranan neu Usif Yesus.
27478	ACT 13:47	Fin Uisneno anreek haefan kai, nahuum on reꞌ kaꞌo Yesaya antui nain je mnak, ‘Au ꞌait ki nahuum on reꞌ paku reꞌ ntanaꞌ neu atoniꞌ ꞌtetaꞌ nteniꞌ, reꞌ ka atoin Yahudis fa, he hi mtanaꞌ ranan reꞌ neem neu Kau, he Au ꞌsoi ufetin sin naꞌko sin sanat. Rarit hi ro he miruruꞌ ranan naan amsaꞌ, anbi pah-pinan anfuun am nateef.’ ”
27638	ACT 18:12	Oras naan, sin nasaeb tuaf es njair gubernur anbi propinsi Akaya. In kaan ee, naiꞌ Galio. Onaim atoin Yahudis sin anmaꞌakoran ma sin nheer neik naiꞌ Paulus annao neu gubernur feꞌu, anbi bare feek rasi.
27653	ACT 18:27	Rarit naiꞌ Apolos nafeek he nnao neu propinsi Akaya. Apirsait ein kota Efesus anneek mesen nok in romin. Rarit sin ntui suurt es neu sin aok-bian sin abitan Akaya, ma ntotin he sin ntoup naiꞌ Apolos nok reko. Antoup surat naan, rarit in nnao ntea Akaya. Anbi naan, in nturun apirsait ein batuur-batuur.
27655	ACT 19:1	Oras naiꞌ Apolos nbi kota Korintus et propinsi Akaya feꞌ, naiꞌ Paulus annao nfuun kuan ein abitan aꞌtoeꞌf ein. Rarit in ntea kota Efesus. Anbi naan, in nateef nok tuaf fauk reꞌ npirsain nrarin neun Usif Yesus.
27675	ACT 19:21	Rarit naiꞌ Paulus nafeek he nfain neu kota Yerusalem. Mes in nroim he nnao nahuun neu propinsi Makedonia ma propinsi Akaya, rarit naꞌ in he nnao nkoon neu Yerusalem. In natenab anrair nak, “Reko nneis au ꞌnao ꞌkius apirsait ein anbi baren reꞌ ia feꞌ, fin maski on mee msaꞌ, au ro he ꞌtea kota Roma.”
27683	ACT 19:29	Too mfaun ein anneen sakanat naan, ma sin naen neman, tar antea kota naan naheun nok too mfaun. Sin ntakaꞌnaan ein. Onaim atoin ein anmurai nmoꞌen taisibu npeꞌ-peoꞌn ahaa ranan, tar antea kota naan in amneer koꞌu. Sin nheek naan tuaf nua, ma nheer neik sin neu bare naan. Sin kaank ein: naiꞌ Gayus ma naiꞌ Aristarkus. Atoin ein anheek sin, natuin sin nua sin reꞌ naan, naiꞌ Paulus in soob ein naꞌkon Makedonia.
27698	ACT 20:4	Puuk aan es annao nabua nok naiꞌ Paulus. Sin esan reꞌ: naiꞌ Timotius, aam Pirus in anah naiꞌ Sopater naꞌko kota Berea; tuaf nua naꞌkon kota Tesalonika, sin esan reꞌ naiꞌ Aristarkus ma naiꞌ Sekundus; tuaf es naꞌko kota Derbe, kaan ee naiꞌ Gayus; ma tuaf nua naꞌkon propinsi Asia, esan reꞌ naiꞌ Tekikus ma naiꞌ Trofimus.
27936	ACT 27:13	Oras anin haaꞌ-nuaꞌ anmurai nfuu kreꞌo-kreꞌo, sin nak, aiꞌ ain reko he sin bisa npaek je, he nnaon neu kota Feniks. Sin nak, “Anin ia, reko. Iim he tnao nai!” Onaim sin nasaeb bonit, ma nasaeb layar, ma hai mnao mibnono haa tais je ninin.
27963	ACT 27:40	Onaim sin nreif nafeek boint ein nabaran anbin tasi. Rarit sin nasanut kemudi neu tasi, he sin bisa nastiir abnao naan. Rarit sin nasaeb layar anaꞌ abit maatn ee, he ain ee nfuu bnao goe nnao neu tais je ninin.
27992	ACT 28:25	Sin nasurin es nok es, tar tuaf bian he nfanin. Mes naiꞌ Paulus naꞌuab am nak, “Tebe! Hi surin reꞌ ia, natai nok saaꞌ reꞌ Uisneno In Asmaan Akniunꞌ ee natoon nain sin neu kaꞌo Yesaya
28250	ROM 9:27	Mafefa kninuꞌ bian es reꞌ naiꞌ Yesaya, nhunun ma nkoaꞌ niit anmatoom nok pah Israꞌel am nak, “Maski atoin Israelas nabuan anjarin tuunb es, on reꞌ snaen et tais je ninin, mes Uisneno of suma nsoi nafetin fauk aah, naꞌko sin sanat ma penu sin.
28252	ROM 9:29	Un-unuꞌ te, naiꞌ Yesaya natoon anmatoom nok atoin Yahudis sin im nak, “Hit tapein upan ma paꞌe, natuin Uisneno Akuasat Anneis-neis, ankonan he hit sufaf bian sin napenin aꞌmonif. Fin karu ka on fa naan ate, hit tamneku trair, on reꞌ abitan kota Sodom ma kota Gomora sin.”
28272	ROM 10:16	Mes hi mihini mrari mmak, anmuiꞌ atoin Israelas bian reꞌ ka nromin fa he nneen ma natniin Uisneno In Rais Reko. Fin Uisneno In mafefa kninuꞌ naiꞌ Yesaya ntui mnak, “Koi, Usiꞌ! Sin ka nromin fa he npirsain neun beno, reꞌ sin nneen ma natniin anrair je naꞌko kai!”
28276	ROM 10:20	Namuni te, kaꞌo Yesaya ntui maat-maat anmatoom nok ka atoin Yahudis fa mnak, “Anmuiꞌ tuaf reꞌ unuꞌ te ka naim niit Kau fa, mes sin nateef nok Kau goen. Anmuiꞌ tuaf reꞌ unuꞌ te ka natenab niit fa he nkius niit Kau, mes Au ukriir Ok aꞌrair ꞌeu sin.”
28383	ROM 15:12	Anbi bare bian anteniꞌ anbi Suur Akninuꞌ, kaꞌo Yesaya ntui mnak, “Naꞌko naiꞌ Isai in anah, usif naiꞌ Daut, of anpoi ma nboor neem anbi in sufan ma kaꞌun tuaf es. In of es reꞌ annaaꞌ aprenat neu uuf ma pah bian sin. Sin nahini nrarin neu In he nkoen On neem. Rarit sin anpa-pao Goe, fin sin nahinin nak, In reꞌ naan, sekau.”
28395	ROM 15:24	Karu au ꞌnao ꞌeu pah Spanyol, au he ꞌeisi ꞌkius ki. Rarit karu au ꞌeisi ꞌtahan ꞌbi naan, hi bisa mturun ma mbaab kau nok noni-roit he ꞌnao ꞌeu Spanyol.
28397	ROM 15:26	Fin hit aok-bian sin etan propinsi Makedonia ma propinsi Akaya nfee nrarin roi kolekte he nturun ma nbaab atoin kasian sin reꞌ npirsain neun Kristus etan Yerusalem.
28399	ROM 15:28	Onaim karu au ꞌmeup urair mepu ia, he ꞌfee roi kolekte ia ꞌeu hit aok-bian abitan Yerusalem, au he ꞌeisi ꞌkius ki oras au he ꞌnao ꞌeu Spanyol.
28427	ROM 16:23	Au, naiꞌ Paulus kau, utua ꞌbi naiꞌ Gayus in umi. Atoin asraint ein biasa nabuan he nakrein nbin in umi. In nsonuꞌ haan tabes ma haan buseet neu ki msaꞌ. Naiꞌ Erastus, reꞌ bendahara kota, ma hit aok-bian naiꞌ Kuartus, ansoun ein haan tabes ma haan buseet amsaꞌ.
28445	1CO 1:14	Au ꞌtoit makasi ꞌeu Uisneno, fin oras au ꞌbi naan ꞌok ki, au ka usrain fa tuaf. Suma au usrani haa naiꞌ Krispus ma naiꞌ Gayus.
28450	1CO 1:19	Naan on reꞌ Uisneno In mafefa kninuꞌ naiꞌ Yesaya ntui niit am nak, “Uisneno nak, ‘Areꞌ kanan rasi reꞌ ahiint ein nahiin sin, Au of aꞌpukai ma ꞌsisaꞌen ꞌain sin, he njair rasi reꞌ ka maꞌosaꞌ fa. Sin mahiink ein nahuumb on, on mee-mee msaꞌ, Au of ꞌait iꞌporin ꞌain sin, he njair rasi reꞌ ka mapakeꞌ fa.’ ”
28859	1CO 16:15	Aok-bian manekat arki! Hi arki mihiin mak, naiꞌ Stefanus nok in uim je nanan, anjarin apirsait ein ahun-hunut neun Kristus anbin propinsi Akaya. Ma sin nmepun nbain-ꞌaetn ok amsaꞌ he ntuthae apirsait ein ok-okeꞌ nbin naan. Onaim au ꞌtoit he
28869	2CO 1:1	Surat reꞌ ia naꞌko au naiꞌ Paulus kau. Uisneno nreek kau he au ꞌnao ꞌeu mee-mee he utoon ꞌeu tuaf anmatoom nok Yesus Kristus, reꞌ Uisneno naruruꞌ ma nakriraꞌ nain Je naꞌko unuꞌ. Hit oriꞌ naiꞌ Timotius es ia msaꞌ. In nsonuꞌ haan tabes ma haan buseet. Au ꞌtui surat reꞌ ia ꞌeu apirsait ein ok-okeꞌ reꞌ biasa nabuan nbin kota Korintus ma propinsi Akaya.
29026	2CO 9:2	Fin au uhiin aꞌrair ꞌak, hi mmuiꞌ neek marine he mturun tuaf on naan. Au ꞌromi msaꞌ he utoon ꞌeu apirsait ein abitan Makedonia anmatoom nok hi nekam arekot. Au utoon am ꞌak, hi abit propinsi Akaya mibarab amrair miꞌko toon es ii, he msonuꞌ hi roit turun-babat. Au utoon anmatoom nok hi neek marine msaꞌ reꞌ nmoeꞌ tuaf bian anromin he nturun ma nbaab atoin asuust ein.
29067	2CO 11:10	Kristus In Kabin ma Prenat sin naan, ro batuur. Au uhiin amsaꞌ ꞌak, au uab ein batuur amsaꞌ, natuin au ꞌmafuut ꞌok Kristus. Ka tiit fa tuaf es anbi propinsi Akaya reꞌ bisa nafreu au fefak, ma ntaar kau he kais uꞌuab am ꞌak, au ka usaeb fa maꞌfenaꞌ ꞌeu ki on naan.
29634	1TH 1:7	Nok ranan naan, hi mikriraꞌ ꞌtopeꞌ meu apirsait ein ok-okeꞌ abitan propinsi Makedonia ma propinsi Akaya.
29792	1TI 2:9	Bifee ngguin on naan amsaꞌ. Au ꞌroim he sin nꞌator sin tuak ein te, suuk nahuum, ma npaken amsaꞌ seor nahuum. Kaisaꞌ nbagaya he biak ein antarun mataf neu sin, aꞌnaak fuun ein reꞌ ansoiꞌ ma nbuiꞌ sin humaꞌ-humaꞌ, aiꞌ npaken tai maꞌosaꞌ reꞌ ka natuin fa atoran, aiꞌ natoon ok bainesiꞌ nok sin npaken moroꞌ-mutiꞌ ma mutiara sin. Reꞌ nmoeꞌ bifee ngguin namasan naan, es reꞌ neek akninuꞌ, ma sin aꞌmoeꞌk ein rekon. Reꞌ naan es reꞌ natai neu bifee ngguin he naꞌbesan neun Uisneno.
30176	HEB 9:4	Anbi tai-enoꞌ naan in matan, anmuiꞌ naan mei noni es, anpaek je he noutun kemenyaan foo meniꞌ neu Uisneno. Ma anbi Keꞌen Akninuꞌ nneis-neis reꞌ naan, anmuiꞌ peit noni es, reꞌ sin nteek ee nak, Peit Rais Manbaꞌan. Anbi peti naan in nanan, sin natunuꞌ baer unuꞌ he namnaub mansian anmatoom nok Uisneno In rais manbaꞌan reꞌ in nahakeꞌ ma nfutuꞌ nrair je nok sin. Anbi peti naan in nanan amsaꞌ anmuiꞌ naan ook beit noni es, reꞌ matuaꞌ nok utunuꞌ reꞌ anteek ee nak, manna. Utunuꞌ naan es reꞌ unuꞌ feꞌe te, Uisneno nasaunt ee naꞌko neon goe tnanan neu sin hit beꞌi-naꞌi sin oras sin namnahan nmaten anbin baer ruman. Anbi peti in nanan amsaꞌ sin ntao kaꞌo Harun in teas ametos reꞌ unuꞌ feꞌe te natoor. Ma anmuiꞌ faut benaꞌ reꞌ Uisneno anpaek je he nruun In atoran reꞌ In nfee je neu kaꞌo Musa neno naan.
30432	JAS 5:11	Karu anmuiꞌ tuaf reꞌ bisa naran anbi susat ma nanaꞌrenat, hit troim he tboꞌis taꞌnaeb in kanan. On reꞌ kaꞌo Ayup. In napein susat humaꞌ-humaꞌ, mes in naran maꞌtaniꞌ. Rarit Uisneno neekn ee nmouf neu ne, onaim In nmurai nꞌator neu naiꞌ Ayup saaꞌ-saaꞌ reꞌ reko. Uisneno nmoeꞌ on naan, natuin In Amanekat ma Amahoet.
30494	1PE 3:3	Bifee ngguin sin namasan, ka naꞌko fa saaꞌ reꞌ tkius tiit ee. On reꞌ: nbagaya nmoeꞌ ꞌnaak fuun ein, ansoiꞌ ma nbuiꞌ sin humaꞌ-humaꞌ, aiꞌ, natoon ok bainesiꞌ nok sin npaken moroꞌ-mutiꞌ, aiꞌ npaken tai maꞌosaꞌ reꞌ ka pantas fa.
30726	3JN 1:1	Baꞌe Gayus reꞌ au ꞌneek ko batuur-batuur. Tabe ma haan buseet naꞌko kau naiꞌ Yohanis, aꞌnaak akrei.
30839	REV 4:3	In masnaaf mamateꞌ ma meꞌe, on reꞌ faut arimat reꞌ maꞌosaꞌ, reꞌ sin nteek ee nak, yaspis ma sardius. Anmuiꞌ enous es, anfuun naan aꞌtoko prenat naan. In asnaaf ee mamateꞌ on reꞌ faut arimat samrut.
30855	REV 5:8	Oras ꞌBib-kaes Anaꞌ naan nait je te, muiꞌ haaꞌ ein reꞌ maꞌtain besin naan, nok amnasit boꞌ nua mhaa, nriꞌtuun ma naꞌbesan anbi In human ma In matan. Sin arsin meseꞌ-meseꞌ annaꞌan baer musiik on reꞌ aꞌreuk sasando, ma aꞌpika-kbuub noin moroꞌ es, reꞌ matuaꞌ nok kemenyaan reꞌ sin nout goe he nfoo menin. Kemenyaan foo meniꞌ naan, es reꞌ areꞌ oen ein naꞌkon Uisneno Iin na.
31087	REV 19:1	Ameput sonaf neno tunan naan naꞌuab anrair on naan ate, au ꞌneen hanaf kouꞌ goes nahuum on reꞌ pukan asiit koꞌu, ansiin et sonaf neno tunan. Sin nsiin am nak, “Haleluya! Haleluya! Hit tait siit pures-boꞌis teu hit Uisneno, natuin In mapinaꞌ-makrahaꞌ. Haleluya! Haleluya! Hit tait siit pures-boꞌis teu hit Uisneno, natuin In kuun, ro akuasat anneis-neisi. Uisneno es reꞌ ansoi nafetin kit, naꞌko areꞌ kanan hit saant am penu sin. Uisneno es reꞌ nanoon ma naneo kit, naꞌko areꞌ kanan monit apenut-abeot.
31089	REV 19:3	Rarit sin nsiin nteinꞌ ein siit bian anbin sonaf neno tunan am nak, “Haleluya! Pures ma boꞌis meu Uisneno! Haleluya! Maikas miꞌrat-ratan In kanan! Natuin masuꞌ naꞌko ai reꞌ nout niis bifee naan in aon amates, nsae piut-piut ma ka natfeek niit fa. Ma masuꞌ naꞌko ai reꞌ nout niis kota maꞌtaniꞌ naan, ansae piut-piut ka nasnaas niit fa.”
31090	REV 19:4	Rarit amnasit tuaf boꞌ nua mhaa nok muiꞌ maꞌtain haaꞌ ein naan, nriꞌtuun ma naꞌruir ein naꞌbesan neun Uisneno In aꞌtoko prenat. Sin anbaisenun neik rais hormaat am nak, “Batuur! Iim nai he hit arkit atpures ma tboꞌis Uisneno! Haleluya! Iim nai he hit arkit tait ma ttunaꞌ taꞌratan In kanan!”
31092	REV 19:6	Rarit au ꞌneen on reꞌ too mfaun naꞌuab ein. Sin haank ein on reꞌ oe ꞌboniꞌ, ma koꞌu on reꞌ ꞌrotos naꞌroot ka natfeek fa. Sin naꞌuab ein am nak, “Haleluya! Hai msii ma mboꞌis Uisneno. Haleluya! Hai mtunaꞌ miꞌrat-ratan In kanan. Natuin In kuun es reꞌ akuaas reꞌuf. Ma In kuun es reꞌ naprenat areꞌ kanan saaꞌ-saaꞌ.
31140	REV 21:18	Rameꞌ naan, sin nmoeꞌ je naꞌko faut arimat, reꞌ in kaan ee, yaspis. Ma areꞌ kanan saaꞌ-saaꞌ reꞌ anbi kota naan in nanan, sin nmoeꞌ je naꞌko mnaut afaꞌ reꞌ nrear on reꞌ ninu.
31141	REV 21:19	Faut fanderen fuaꞌ boꞌes am nua reꞌ naan, anmoeꞌ sin naꞌkon faut arimat humaꞌ-humaꞌ reꞌ maꞌosaꞌ. Faut fuaꞌ ahunut naan, npaek faut yaspis reꞌ anpiin snaa mamateꞌ. Faut fuaꞌ nuan ii, npaek faut nilam reꞌ anpiin snaa biru. Faut fuaꞌ teun ii npaek faut mirah reꞌ anpiin snaa meꞌe. Faut fuaꞌ haan ii npaek faut samrut reꞌ anpiin snaa mamateꞌ.