5	GEN 1:5	In nakanab meuꞌ gui nak, ‘manas’, ma meisꞌookn ii nak, ‘fai’. Neno naan, neon goes namsoup goen.
23340	MAT 5:37	Onaim karu hi he mihakeꞌ rais manbaꞌan ate, karu mak, ‘tua’, mitoon mak, ‘Tua’ goah. Mes karu kaah fa te, mak, ‘Kaah fa, tua’. Karu hi miꞌuab aꞌtetaꞌ naꞌko naan ate, naan naꞌuu ma naꞌbaaꞌ naꞌko niut reꞌuf.”
23996	MAT 23:9	Kais maikas tuaf ambi pah-pinan ia mmak, ‘aam’, natuin hi Amaꞌ abit sonaf neno tunan meseꞌ kuun.
23997	MAT 23:10	Atoniꞌ ka bole fa he nhaman ki mnak, ‘usiꞌ’, natuin hi Usiꞌ suma meseꞌ kuun, es reꞌ Au reꞌ ia, reꞌ Uisneno nruur ma nreek nain Kau naꞌko afi unuꞌ.
24373	MRK 3:16	Atoup noniꞌ tuaf boꞌes am nuaꞌ ein naan, esan reꞌ: naiꞌ Simon (reꞌ Naiꞌ Yesus anteek ee te nak, naiꞌ Petrus), naiꞌ Yakobus, nok in orif, naiꞌ Yohanis, (sin nua sin, naiꞌ Sebedius in aanh ein. Naiꞌ Yesus anteek nanesaꞌ sin nua sin nak, ‘Boanerges’, reꞌ neik hit uab ii te nak ‘ꞌroots ee naꞌpunuꞌ’.) naiꞌ Anderias, naiꞌ Felipus, naiꞌ Bertolomeos, naiꞌ Mateos, naiꞌ Tomas, naiꞌ Yakobus (naiꞌ Alfius in aan mone), naiꞌ Tadius, naiꞌ Simon (atoniꞌ naꞌko partei purtik Selot), ma naiꞌ Judas Iskariot (reꞌ of he naꞌsosaꞌ Naiꞌ Yesus).
24824	MRK 14:1	Rarit aꞌnaak rais pirsait Yahudi sin aꞌnaakt ein ma tunggur agaam ein namin raan maꞌnifaꞌ feꞌ he nheek Naiꞌ Yesus. Fin sin he nroor Goe. Ma sin anꞌaotr ein asraak am nak, “Kaisaꞌ feꞌ! Kais atmanaap he theek Je, fin neon kouꞌn ii anhaumaakn een. Kais-kaisaꞌ too mfaun ein napoitn ein taisibu.” Sin naꞌuab ein on naan, natuin anmeu te, atoin Yahudis sin nateef nok neon koꞌu ‘Paska’, ma ‘Fesat Utunuꞌ ka Maseor Muur fa’. Anbin nenon reꞌ naan, sin feest ein he namnau nafaniꞌ oras ahunut, reꞌ Uisneno napoitan sin beꞌi-naꞌi sin naꞌkon pah Masir.
24927	MRK 15:32	In nteek In tuan ii nak ‘Kristus’, Atoniꞌ reꞌ Uisneno anbaꞌan nain Je naꞌko un-unuꞌ. Bian nak, In reꞌ naan atoin Israelas sin Usif. Karu namneo on naan ate, maut he In nsaun naꞌko hau nehe he hai miit feꞌ. Rarit hai mpirsai meu Ne.” Tua nuaꞌ ein reꞌ naꞌpetiꞌ sin buꞌ-buaꞌ nok Naiꞌ Yesus anbi sin hau nehe meseꞌ-meseꞌ, sin nakreꞌet Naiꞌ Yesus amsaꞌ.
25053	LUK 2:11	Rais reko ia nak on nai: Neno ia, anbi Betlehem, et usif naiꞌ Daut in kota naan, anmuiꞌ naan bifee jes nahoniꞌ nrair Kristus! Kristus naan, Tuaf reꞌ Uisneno nbaꞌan nain Je naꞌko afi unuꞌ. Uisneno nreek haefn Ee neem, he nsoi nafetin tuaf naꞌko sin saant am penu sin! In reꞌ ia, reꞌ of tuaf anteek Ee nak, ‘Usiꞌ’, fin areꞌ prenat, In es reꞌ annaaꞌ sin!
26155	JHN 1:42	Rarit in annao naat In taatf ee neu Naiꞌ Yesus. Onaim Naiꞌ Yesus ankius goe, ma natoon ee mnak, “Ho reꞌ ia, naiꞌ Simon. Ho amaꞌ, es reꞌ naiꞌ Yohanis. Anmurai oras ia, atoniꞌ anhaman ko nak, ‘Kefas’ ” (In oten huma meseꞌ nok ‘Petrus’, es reꞌ ‘fatu’.)
26250	JHN 4:25	Bifee naan natoon am nak, “Au uhini ꞌrair Mesias naan he neem, reꞌ atoniꞌ nteek Ee mnak, ‘Kristus’, reꞌ Uisneno nbaꞌan he nreek Ee neem. Oras In neem, In of natoon nain areꞌ saaꞌ-saaꞌ neu kai.”
26783	JHN 15:15	Au ka ꞌroim fa he ꞌteek aꞌtein ki, ꞌak Au ‘aan renuꞌ’. Fin aan renuꞌ tuaf es ka nahiin fa batuur in uisn ee in romin. Mes Au ꞌteek ki, ꞌak Au ‘partei’, natuin Au ꞌfei maat-maat areꞌ saaꞌ ii ok-okeꞌ reꞌ Au Amaꞌ natoon anrair sin neu Kau.
27011	ACT 1:19	Oras naan, biak ein nmurai naꞌuab naktaur ein ma naktuut ein naꞌko es neu es, tar abitan kota Yerusalem nahinin rek-reko nmatoom nok naiꞌ Judas in aꞌmaten. Es naan ate, sin nakanab bare naan neik sin uab Aram nak ‘Hakeldama’, reꞌ neik hit uab ii te nak ‘Pooꞌ Naaꞌ’.)
27127	ACT 4:36	Taretaꞌ on reꞌ naiꞌ Yusuf. In reꞌ ia, naꞌko uuf naiꞌ Lewi, ma in naꞌko puru Siprus. (Uisneno In haef ein sin nteek ee te nak ‘Barnabas’, reꞌ in aꞌmoufn ii nbi hit uab ii te nak, ‘atoniꞌ reꞌ anhaꞌtain nekaf neu tuaf bian’.) In nnao ma naꞌsosaꞌ in afu piis es, rarit in nnonaꞌ roit ein naan neu Uisneno In haef ein.