26	GEN 1:26	Rarit Uisneno naꞌuab anteniꞌ mnak, “Iim he Hit tmoeꞌ mansian tatuin Hit huumk am Hit masak, Hit moeꞌk am Hit taok. Maut he sin es anpafaꞌ ma npainoet iikꞌ ein nbin tasi, areꞌ koro nbin neon goe tnanan, areꞌ muiꞌ aem, ma muꞌit bian reꞌ nmonin nbin pah-pinan.”
78	GEN 3:22	Rarit UISNENO naꞌuab am nak, “Oras ia mansian ein nahinin rais reko, ma rais reꞌuf, on reꞌ Hit. Kais-kaisaꞌ sin naah hau fuaꞌ reꞌ neiki ꞌhonis abar-barat.”
201	GEN 8:17	Misanut muiꞌt ein naan ok-okeꞌ! Esan reꞌ: muiꞌ aem, muiꞌ fui, anonok, ma koro. Maut he sin namsaꞌin, he naheun pah-pinan.”
400	GEN 17:2	Au he uhakeꞌ rais manbaꞌan ꞌok ko, ma ꞌmoeꞌ ho sufam-kauꞌm ein amfau-rutun.”
503	GEN 20:7	Oras ia, mnonaꞌ mufaniꞌ bifee naan meu in mone. Atoniꞌ reꞌ naan, Au mafefa kninuꞌ. Onaim amtoit je he nꞌonen henatiꞌ ho kaisaꞌ mmaet. Mes karu ho ka mnonaꞌ mufaniꞌ fa bifee naan, ho mumnau murek-rekoꞌ! Ho mok ho too ngguin of anmaet sapuꞌ-sapuꞌ.”
722	GEN 26:29	hi of ka mmoeꞌ fa rais reꞌuf meu kai, on reꞌ hai ka mmoeꞌ fa rais reꞌuf meu ki msaꞌ. Batuur hai neekm ein reko mok ki. Es naꞌ neon goes ii, hi misaitan hai pah ii nok mamut. Hai mihiin batuur-batuur, UISNENO es anfee ki tetus-athoen.”
970	GEN 33:9	Mes naiꞌ Esau nataah ee mnak, “Ako! Au ꞌmuiꞌk ein amfaun amsaꞌ. Onaim kais amfee kau saaꞌ-saaꞌ.”
1093	GEN 37:9	Rarit naiꞌ Yusuf namnei ntein. Onaim in natoon neu in taatf ein am nak, “Hae! Au umnei ꞌtein. Au ꞌiit manas, funan, ma kfuun boꞌes am meseꞌ. Sin naꞌruir ein ma naꞌbesan kau rek-reko.”
1240	GEN 41:44	Rarit uisf ee naꞌuab nok naiꞌ Yusuf am nak, “On nai. Ho muhiin main, au reꞌ ia usif. Au utoon aꞌrair too pah Masir ꞌak, karu ho ka mkonan sin fa te, sin ka nabeꞌin fa he nmoꞌen saaꞌ-saaꞌ.”
1320	GEN 43:29	Rarit naiꞌ Yusuf nait matan am ankius niit in orif naiꞌ Benjamin. Sin nua sin, ainaf ma amaf meseꞌ. Onaim in nak, “Ooo! Hi oriꞌ aheit susu reꞌ neon goes ii hi miton-toon ee ji, es reꞌ ia!” Rarit in naꞌuab neu naiꞌ Benjamin am nak, “Baꞌe! Au ꞌon-ꞌonen he Uisneno nfee ko tetus kouꞌ-koꞌu.”
1445	GEN 47:24	Oras sekit ma mnonut ate, hi mbait batis niim. Baits es neu usif. Neisk ein paaꞌ haa, bian hi mait fini, ma bian hi mait sin ntaam amnahat neu ki ok-okeꞌ.”
1528	GEN 50:21	Onaim oras ia, au utoon ki, he kais mimtau mten-teniꞌ. Au ufeek kuuk am ꞌak, au of aꞌkius ki, ma hi aanh ein ok-okeꞌ.” Nok uab naan ate, naiꞌ Yusuf nhaan mau in taatf ein.
23273	MAT 3:12	Fin In nnaaꞌ aꞌtupaꞌ reꞌ matuaꞌ maak aꞌtaum he nakrai ma nakpesaꞌ nain maak apaꞌ anbi naan. Rarit In nasaeb maak akniunꞌ ein neun poꞌof. Mes maak aap ein naan, In nait inporin nataam sin neun ai mapinaꞌ abar-barat.”
23278	MAT 3:17	Rarit sin nnenan Uisneno In hanan naꞌko neon goe tnanan naan am nak, “In reꞌ ia, Au Aan nekaꞌ. In nmoeꞌ Au neek ii nmariin piut-piut.”
23329	MAT 5:26	Au uꞌuab batuur! Ho of mutua mbi bui naan piut tar antea ho mbaen mufeek ho tuus ein ok-okeꞌ.”
23355	MAT 6:4	Nok ranan naan, tuaf-tuaf anbin pah-pinan ia ka nahiin je fa. Mes hi Amaꞌ abit sonaf neno tunan es reꞌ nahiin saaꞌ reꞌ hi mmoeꞌ je mninuꞌ-mninuꞌ naan. In of anbaras neu ki tetus-athoen.”
23369	MAT 6:18	Onaim tuaf ankius ki on naan ate, sin ka nahinin fa nak, hi minaah om. Mes hi Amaꞌ nahiin. In of anbaras neu ki nok tetus-athoen.”
23412	MAT 7:27	Aꞌroo-ꞌroo te, uur kouꞌ gui neem tar antea noe saok gui nsae. Ain kouꞌ gui nkataas umi naan amsaꞌ. Onaim umi naan ntaikobi kratiꞌ-kratiꞌ.”
23517	MAT 10:31	Onaim hi kais mimtau! Natuin Uisneno naan ki maꞌosaꞌ nneis naꞌko koor maak ein ok-okeꞌ.”
23658	MAT 13:50	Sin of nait inporin amaufiunt ein ok-okeꞌ neun ai abar-barat. Anbi bare naan, naꞌ sin nnaben niit susat ma nanaꞌrenat maꞌtaniꞌ, ma kurut-kaet abar-barat.”
23755	MAT 16:14	Sin natahan am nak, “Bian nak, Ho reꞌ ia, naiꞌ Yohanis Asranit reꞌ anmoni nfain. Bian nak, of oniꞌ Ho reꞌ ia, kaꞌo Elia. Bian anteniꞌ nak, kaꞌo Yermias. Karu kaah fa te, mafefa kninuꞌ Uisneno tuaf es naꞌko un-unuꞌ.”
23830	MAT 18:34	Usif naan natooꞌ, onaim in nreun sin he nheek je ma nataam atoniꞌ naan anbi bui je nanan, anbain he sin haꞌmuiꞌ je, tar antea in nbaen in tuus ein ok-okeꞌ.”
24028	MAT 24:2	Mes In nataah sin im nak, “Umi ia batuur reokn ii kah een! Mes amneen mirek-rekoꞌ! Ka ꞌroo fa nteniꞌ te, sin naseer fatun ia ok-okeꞌ.”
24057	MAT 24:31	Rarit Au ꞌpaek toꞌis reꞌ in haan ee maꞌtaniꞌ he uprenat Uisneno In ameupt ein etan sonaf neno tunan annaon naꞌbuaꞌ tuaf reꞌ Au ꞌpiir ꞌaan sin naꞌkon pah-pinan ia pani-mpain, naꞌko pasaꞌ maans ee ꞌsaen tar antea pasaꞌ neon-teas, naꞌko pasaꞌ ponain tar antea pasaꞌ haaꞌ-nua.”
24123	MAT 25:46	Rarit atoin maufiun ein napenin haꞌmuꞌit ma maꞌneꞌat piut-piut tar antea nabar-baar. Mes neu tuaf reꞌ neek amneot ma amnonot, sin napenin ꞌmonit piut-piut nok Uisneno tar antea nabar-baar.”
24171	MAT 26:48	Naiꞌ Judas ansenen nain sin im nak, “Amkius mirek-rekoꞌ, oo! Tuaf reꞌ au ꞌhoo ma ꞌneek Ee naan, hi mheek Je nai! Fin tuaf reꞌ naan, es reꞌ tuaf reꞌ hi mam-mami.”
24813	MRK 13:27	Rarit Au of aꞌreun Uisneno In ameupt ein naꞌkon sonaf neno tunan, he nnaon nabuabaꞌ areꞌ tuaf ein reꞌ Au ꞌpiri ꞌrair sin, naꞌkon pah-piin ii tuuk am tuuk, naꞌkon pasaꞌ neon-saet tar antea pasaꞌ neon-teas, naꞌkon pasaꞌ ponain tar antea pasaꞌ haaꞌ-nua.”
24817	MRK 13:31	Maski neno tunan ma pah-pinan namneuk, mes Au uabk ii of antahan nabar-baar.”
24903	MRK 15:8	Natuin fesat Paska naan anpaumaak een, es naꞌ atoni mfaun ein nnaon neun gubernur Pilatus ma nhuun ein am nak, “Amaꞌ gubernur! Neon koꞌu Paska anpaumaak een. Karu reko te, mufetin atoin bui tuaf es, on reꞌ toon-toon.”
24930	MRK 15:35	Tuaf fauk reꞌ anhaumakan anbin naan, sin nnenan neu Naiꞌ Yesus In hanan naan. Onaim sin naꞌuab ein am nak, “Hoe! Hi mneen feꞌ! In nkoaꞌ kaꞌo Elia, Uisneno In mafefa kninuꞌ un-unuꞌ.”
24995	LUK 1:33	In of es reꞌ annaaꞌ aprenat piut-piut neu too Israelas sin. Ma In aprenat naan nabar-baar.”
25017	LUK 1:55	Unuꞌ te, In nahakeꞌ rais manbaꞌan nok hit beꞌi-naꞌi sin, es reꞌ, kaꞌo Abraham ma in sufan-kauꞌn ein ok-okeꞌ. Oras ia, rais manbaꞌan naan nmafutuꞌ ma nhaek nabar-baar.”
25111	LUK 3:17	In nhukun tuaf reꞌ anmoꞌe nsaan, nahuum on reꞌ atoin tani reꞌ anpaek anin he natpeneb makaꞌ taum. Rarit in napaan makaꞌ anbi ꞌponi, mes nout nakratiꞌ maak taꞌuk ma maak apaꞌ. On naan amsaꞌ Kristus of anhukun tuaf-tuaf reꞌ anmoꞌen sanat, ma nait inporin sin neu ai mararaꞌ abar-barat.”
25180	LUK 5:4	Nanoniꞌ nrari te, In naꞌuab neu naiꞌ Simon am nak, “Simon! Meik ho kofaꞌ ia meu neof goe tnaan ee kreꞌo, he ho musanut ho pukat ia meu naan. Hi of mipein ikaꞌ mfa-faun.”
25253	LUK 6:38	Karu ho mfee meu tuaf saaꞌ reꞌ sin nperluu, ho of amtoup mufaniꞌ sin. Fin of Uisneno anꞌator he ho mtoup mufaniꞌ sin anho-hoen. Naan nahuum on reꞌ tuaf anꞌoop aknaaꞌ neu bree-ukur, rarit anhasuꞌ ma nneen je. Rarit nꞌopaꞌ nteinꞌ ein tar antea naheun ma natꞌoop. Reꞌ ho mtoup sin naan, nahuum on reꞌ naan. Karu ho mfee kreꞌ-reꞌo, ho mtoup mufaniꞌ sin kreꞌo msaꞌ. Mes karu ho mfee kouꞌ-koꞌu, ho mtoup mufaniꞌ sin anho-hoen.”
25344	LUK 8:30	Naiꞌ Yesus nataan ee mnak, “Ho kaan maan sekau?” Onaim nitu naan nataah am nak, “Legion, natuin hai mimfau, on reꞌ sorarus nifun-nifun.” In naꞌuab on naan, natuin nmuiꞌ nitu mfaun antaman ma natuan et na.
25535	LUK 12:7	On naan amsaꞌ, Uisneno nkius ki. In nahiin namnuut hi ꞌnaak fuun ein, fauk. Onaim hi kais mimtau, natuin Uisneno ntao osaf neu ki te, anneis nain kor-maak ein ok-okeꞌ.”
25702	LUK 16:13	Tuaf ameput meseꞌ ka bisa ntuthae fa usif tuaf nua. Fin in of ka nneek fa tuaf es, ma anneek tuaf es. In naꞌkiiꞌ anbi tuaf es, mes ka nrae natuin fa tuaf es. On naan amsaꞌ hi arki. Hi ka bisa mneek fa Uisneno nata-tai nok hi mneek noni-roit.”
25895	LUK 20:47	Mes ampanat hi tuam ein naan, natuin sin nputa-kriu bifee baun ein ma ntetak naan sin umin. Mes anbi too mfaun ein sin maatk ein, sin naꞌkubaꞌ rais maufinu naan anpaek ranan, anꞌonen amnanu-mnanuꞌ. Sin nromin he biak ein nak, sin reꞌ naan tuaf reꞌ anmakoe nbi Uisneno In rasin. Mes Uisneno nahiin nain sin saant ein, onaim In of nasanut hukun neu sin maꞌfenaꞌ anneis-neis.”
25928	LUK 21:33	Maski neon goe ma pah-pinan ia namnekun, mes Au Aaꞌt ein antahan nabar-baran.”
25941	LUK 22:8	Rarit Naiꞌ Yesus anreun naiꞌ Petrus ma naiꞌ Yohanis am nak, “Hi nua ki mnao mihuun he mibarab bukaet, he hit tbukae tbi fesat Paska buꞌ-buaꞌ.”
26045	LUK 23:41	Hit nua kit tapein hukun natai nok hit maufinu. Mes Atoniꞌ reꞌ ia ka nmaufiun kuun fa saaꞌ-saaꞌ.”
26078	LUK 24:18	Rarit tuaf es, kaan ee naiꞌ Klopas nataan Ee mnak, “Ho on reꞌ atoin feꞌu reꞌ ka muhiin fa saaꞌ-saaꞌ reꞌ anjari nbi Yerusalem. Airoo, rasi ia feꞌ, feꞌ-feꞌu.”
26164	JHN 1:51	Batuur! Au utoon ꞌain ki. Hi of amkius neon goe natfeꞌi. Onaim Uisneno In ameupt ein abitan sonaf neno tunan ansae-nsanun nbin Au aok-bian. Ma Au reꞌ ia, Mansian Batuur-Batuur.”
26219	JHN 3:30	Reꞌ pentiing ii, In ro he naꞌnae piut anjair atoin koꞌu ma kaes koꞌu. On nai te, maut he au ꞌbi ꞌkuran ma ꞌjair atoin ba-baun.”
26239	JHN 4:14	Mes karu atoniꞌ niun oe reꞌ Au ꞌfee je te, of ka nmeno ntein fa. Fin oe reꞌ Au ꞌfee je naan, on reꞌ oe mataꞌ es, reꞌ nboor ma npuur anpoi. Oe naan, neiki ꞌhonis abar-barat.”
26514	JHN 9:5	Oras Au ꞌbi pah-pinan ia feꞌ, Au on reꞌ meꞌu reꞌ ꞌtanaꞌ mansian ii ok-okeꞌ.”
26709	JHN 13:10	Rarit Naiꞌ Yesus nataah ee mnak, “Atoniꞌ reꞌ naniu nrair, suma nafanu haa in haek ein. Fin in aon ee kninuꞌ nrair. Batuur, hi neekm ein kniunꞌ ein anrarin, mes hi ka kninuꞌ ki fa ok-okeꞌ.”
26983	JHN 21:16	Rarit Naiꞌ Yesus nataan anteinꞌ ee mnak, “Simon, naiꞌ Yohanis in anah. On mee? Ho mneek Kau, oo?” In nataah am nak, “Batuur, Usiꞌ! Ho muhiin amrair mak, au ꞌneek Ko, tua.” Onaim Naiꞌ Yesus anbaasn ee mnak, “Karu on naan ate, mpijaar ma mpairoir murek-rekoꞌ Au ꞌbib-kasen.”
27462	ACT 13:31	Oras Naiꞌ Yesus anmoni nfain, In nakriir On fani-fani neu tuaf amfaun. Sin esan reꞌ neman buꞌ-buaꞌ nok Ne naꞌkon propinsi Galilea neun Yerusalem. Ma oras ia, sin es reꞌ ansaksii ma natoon neu too Israelas sin ok-okeꞌ.”
27588	ACT 16:36	Anneen on naan ate, aꞌnaak bui naan naꞌuab neu naiꞌ Paulus am nak, “Sin amaꞌ arki! Aꞌnaet ein nafeek anrarin he nafetin ki. Es naan ate, hi mnao nai nok ao-minaꞌ.”
28079	ROM 3:20	Es naan ate, ka tiit fa tuaf es, reꞌ bisa naꞌuab am nak, “Uisneno nmarak kau mnak, atoin neek amneꞌo ma amnonot, natuin au ꞌmoeꞌ utuin In Atoorn ein ok-okeꞌ.” Ka bisa fa, tua! Fin Uisneno In Atoran reꞌ naruruꞌ ma nakriraꞌ mnak, hit ar-arkit atmoꞌe tsaan.
28274	ROM 10:18	Au he utaan ꞌiit, on nai: of oniꞌ hi mitenab, mak, atoin Israelas sin ka nneen ma natniin niit fa anmatoom nok Kristus, aiꞌ? Sin nnenan anrarin! On reꞌ matuꞌi nbi Uisneno In Suur Akninuꞌ naꞌko unuꞌ mnak, “Mafefa kninuꞌ Uisneno sin beno reꞌ anmatoom nok Usiꞌ nasiin on ma nabeon on anfuun am nateef anbi pah-pinan; Sin uabk ein naan, antea nrair pah-pinan ia in pani-mpain.”
30041	HEB 1:11	Neon goe tnanan ma pah-pinan of anpunu nmaten. Neon goe tnanan ma pah-pinan of namnekun nkonon. Mes Ho kuum ammoin mubar-baar. Ho of mait imporin neon goe tnanan ma pah-pinan, nahuum on reꞌ tuaf nait inporin tai pake reꞌ nakroe reꞌ-reꞌuf. Ho of amsenuꞌ ma msekaꞌ neon goe tnanan ma pah-pinan, nahuum on reꞌ tuaf ansenuꞌ ma nsekaꞌ tai paek feꞌu. Mes Ho kuum ka on fa naan. Natuin Ho mmoin mubar-baar.”
30103	HEB 5:6	Anbi pisaꞌ bian naꞌko Suur Akninuꞌ, Uisneno naꞌuab am nak, “Ho mjair aꞌnaak rais pirsait reꞌ on reꞌ naiꞌ Melkisedek unuꞌ naan, mes Ho muꞌnaak rais pirsait naan tar antea nabar-baar.”
30132	HEB 7:1	Un-unuꞌ te, naiꞌ Melkisedek anjair usif kota Salem. In aꞌnaak rais pirsait neu tuaf-tuaf reꞌ naꞌruriꞌ ma naꞌbesan Uisneno Aꞌraat Reꞌuf amsaꞌ. In kanan naan, in oetn ii nak, “usif reꞌ neek amneot ma amnonot”. Ma usif Salem in oetn ii, “usif neu rais rameꞌ ma mamut”. Ka tiit fa tuaf nahiin naiꞌ Melkisedek in amneemn ii, naꞌko mee. Ka tiit fa tuaf nahiin in mahoint ein, in beif-naꞌif sin ma uuꞌk ein. Ka tiit fa tuaf nahiin in neon mahonin, ma in neno ꞌmaten. Atoniꞌ suma nahiin nak, in reꞌ naan, usif kota Salem, ma aꞌnaak rais pirsait neu Uisneno. Mes in on reꞌ Uisneno In Aanh amsaꞌ, natuin in aꞌnaak rais pirsait reꞌ nanaob in meup goe piut-piut amsaꞌ. Neot es, anmuiꞌ usif fauk neman nok sin soraurs ein, ma nasiik naan kuuk bareꞌ naꞌko kaꞌo Abraham in partei ngguin. Rarit kaꞌo Abraham annao nmakeen nabu-buan nok in partei ngguin, tar antea sin niis nain uisf ein naan. Onaim kaꞌo Abraham neik nafaniꞌ baerꞌ ein naan ok-okeꞌ. Oras kaꞌo Abraham annao nfain on naan ate, naiꞌ Melkisedek npoi naꞌko kota Salem ma nseun kaꞌo Abraham. Rarit in naꞌuab anfee tetus-athoen neu kaꞌo Abraham am nak, “Maut he Uisneno Aꞌraat Reꞌuf naan, In kuun es anfee ko tetus-athoen.” Rarit kaꞌo Abraham anbati nfeen naiꞌ Melkisedek sapaaf es naꞌko sapaaf boꞌes naꞌko areꞌ kanan baer siikn ein reꞌ sin nasiik nafaniꞌ sin naan. In nfee on reꞌ naan, natuin naiꞌ Melkisedek naan, aꞌnaak rais pirsait naꞌko Uisneno Aꞌraat Reꞌuf.
30137	HEB 7:6	Mes naiꞌ Melkisedek naan, ka naiꞌ Lewi in suuf na fa. Maski on naan amsaꞌ, mes kaꞌo Abraham anbati nfeen ee bait boꞌ, natuin naiꞌ Melkisedek naan, atoniꞌ reꞌ mapinaꞌ-makrahaꞌ ma aꞌnaet. Oras naan, kaꞌo Abraham antoupu nrair rais manbaꞌan naꞌko Uisneno he nfee ne tetus-athoen. Mes maski on naan amsaꞌ naiꞌ Melkisedek naꞌuab am nak, “Maut he Uisneno Aꞌraat Reꞌuf anfee ko tetus-athoen.”
30148	HEB 7:17	Fin Uisneno In Surat matuꞌi mnak, “Ho mjair aꞌnaak rais pirsait humaꞌ meseꞌ on reꞌ naiꞌ Melkisedek afi unuꞌ naan, mes Ho mjair aꞌnaak rais pirsait tar antea nabar-baar.”
30151	HEB 7:20	Afi unuꞌ, oras Uisneno nasaeb naiꞌ Lewi in sufan-kauꞌn ein anjarin aꞌnaak rais pirsait, In ka nbaꞌan fa, ma ka nahakeꞌ fa supat saaꞌ-saaꞌ nok sin. Mes oras Uisneno nasaeb Naiꞌ Yesus anjair aꞌnaak rais pirsait, In nbaꞌan am nak, “Au reꞌ ia, Usiꞌ! Au ꞌsuup, ro tebes Au ka ubaniꞌ ma ꞌsenuꞌ fa saaꞌ reꞌ Au ꞌbaꞌan aꞌrari. Au usaeb Ko mjair aꞌnaak rais pirsait, he Ho munaob Ho mepu piut-piut.”
30171	HEB 8:12	Natuin Au ꞌroim he ukiriraꞌ Au rais kasian ꞌeu sin, es naan ate, Au ꞌnikan ma ꞌniahan ꞌain sin saant ein ok-okeꞌ.”
30192	HEB 9:20	Oras kaꞌo Musa anbisin naaꞌ naan, in naꞌuab am nak, “Naaꞌ reꞌ ia, anjair tanar nak, Uisneno nahakeꞌ rais manbaꞌan nok ki. Karu hi mmoeꞌ mituin In apreent ein ok-okeꞌ, In of anfee ki areꞌ saaꞌ-saaꞌ reꞌ In nbaꞌan nain sin naan ok-okeꞌ.”
30472	1PE 2:6	Fin matuꞌi et Suur Akninuꞌ mnak, “Amkius feꞌ! Fin Au ꞌtao faut fua meseꞌ, anbi kota Yerusalem ia, reꞌ sin nteek ee mnak, ‘kota Sion’. Au es reꞌ aꞌpiir aan kuuk fatu naan. In ro maꞌoos reꞌuf neu Kau. Onaim tuaf reꞌ anpirsai Je, of ka napein fa rais mae saaꞌ-saaꞌ.”
30473	1PE 2:7	Naiꞌ Yesus naan, nahuum on reꞌ fatu naan. Rarit, neu tuaf reꞌ anpirsai Je, In maꞌosaꞌ batuur amsaꞌ. Mes neu tuaf reꞌ ka npirsai Je fa, matuꞌi et Uisneno In Suur Akninuꞌ mnak, “Fatu reꞌ tuukn ein nait inporin, oras ia njair faut fua meseꞌ, reꞌ pentiing anneis-neisi.”
30593	2PE 3:4	Sin naꞌuab ein am nak, “Phueh! Naiꞌ Yesus anbaꞌan am nak, In he nkoen On anfain neem, aiꞌ? Karu on naan, In et mee? Fin anmurai naꞌko hit beꞌi-naꞌi sin anmaten, tar antea oras ia msaꞌ, ka naꞌbaniꞌ niit fa. Saaꞌ ii ok-okeꞌ nnao piut, anmurai naꞌko Uisneno nmoeꞌ neno tunan ma pah-pinan.”
30844	REV 4:8	Muiꞌ haaꞌ ein naan, es-es ate, maninif nee. Anbi niinf ein naan koti-mnaan, naheun nok mataf. Fai-manas sin nsiin piut-piut am nak, “Hai mboꞌis miꞌnaeb Uisneno! Hai maikas ma miꞌratan Uisneno In kanan! Uisneno naan, akniun ii kah een! Uisneno naan, In kuasan maꞌtain besi. Uisneno nbi nain naa, naꞌko un-unuꞌ. Uisneno nbi ia, oras ma eti ia. Ma Uisneno reꞌ tar antea nabar-baar.”
30933	REV 10:4	Oras aꞌroots ein nataah anrarin ate, au he ꞌtui sin uabk ein. Mes au ꞌneen haanf es naꞌko sonaf neno tunan nak, “Hae! Ho kais mutoon meu tuaf, aꞌrotos hiut sin uabk ein naan, joo! Kais amtui saaꞌ-saaꞌ.”
30955	REV 11:15	Rarit Uisneno In ameput naꞌko sonaf neno tunan no hiutn ii nfuu in toꞌis. Nok askeken ate, au ꞌneen aꞌroots ii neman naꞌkon sonaf neno tunan am nak, “Oras ia, anaaꞌ aprenat anbi pah-pinan, suma arahaa Uisneno ma Yesus Kristus, es reꞌ Tuaf reꞌ Uisneno npiir ma mbetis nain Je naꞌko afi unuꞌ. Uisneno of annaaꞌ aprenat piut-piut on reꞌ Usif, tar antea nabar-baar.”
31002	REV 14:7	In nhunun naher-heer am nak, “Hi ro he mhormaat Uisneno! Hi ro he mait miꞌrat-ratan In kanan reꞌ mapinaꞌ-makrahaꞌ! Natuin In oors aa ntea goen, he Uisneno nparikas areꞌ kanan mansian ein sin aꞌmoeꞌk ein. Pures-boꞌis meu Uisneno! Maikas miꞌrat-ratan In kanan! Natuin In es anmoeꞌ ma npakae neno tunan ma pah-pinan. Ma In es reꞌ naprenat he tasi ma oe mataꞌ njarin ok-okeꞌ.”
31006	REV 14:11	Paraꞌ te, areꞌ kanan mansian reꞌ naꞌbesan neu muiꞌ fui apisut naan ma in faut marunaꞌ, aiꞌ antoup in marak, sin of napenin haꞌmuꞌit on reꞌ naan tar nabar-baar. Masuꞌ naꞌko sin haꞌmuꞌit naan ansae fai-manas nabar-baar.”
31024	REV 16:1	Rarit au ꞌneen hanaf maꞌtain es npoi naꞌko Uim Onen, he naprenat ameput tuaf hiut naan am nak, “Amnao nai! Mait meik bookr ein naan, ma mꞌopaꞌ main Uisneno In toꞌos meu pah-pinan.”
31062	REV 17:18	Onaim bifee aꞌhakeꞌ reꞌ ho mkius miit ee naan, es reꞌ kota maꞌtain reꞌuf naan, reꞌ naprenat areꞌ kanan usif anbi pah-pinan.”
31104	REV 19:18	Hi mipein mainuan he meuk areꞌ kanan amaets ein sin siisk ein: es reꞌ uisf ein, meo-paꞌe sin, ma soraurs ein. Hi bole meuk bikaes ein ma soraurs ein reꞌ ansaen nbin bikaes ein naan sin siisk ein. Hi bole meuk sisi naꞌko ate aiꞌ atoin farei, aiꞌ aꞌnaet ein sin siisk ein. Taꞌparan uab ate tak, hi bole meuk main sisin naan ok-okeꞌ.”
31127	REV 21:5	Rarit In reꞌ antuun On anbi ꞌtoko prenat naan, naꞌuab am nak, “Amkius mirek-rekoꞌ, natuin Au uꞌfeꞌu areꞌ kanan saaꞌ-saaꞌ.” Rarit In naꞌuab antein neu kau mnak, “Amtui nai! Areꞌ kanan mansian bisa npirsai Au Uabk ein, natuin uab ein naan, ro batuur!”
31160	REV 22:11	Areꞌ kanan mansian reꞌ anhaiꞌnisib ma nꞌoemetab, amkonan sin he sin nꞌoemetan piut-piut. Mes areꞌ kanan mansian reꞌ anmonin nok akninuꞌ, sin arsin ro he nmonin nok akninuꞌ piut. Areꞌ kanan mansian reꞌ anmaufinun, amkonan sin he nmaufinun piut. Mes areꞌ kanan mansian reꞌ anmoꞌen reko, sin ro he nmoꞌen rais reko piut-piut.”