26130	JHN 1:17	Mosesima Godinu darawadu iyabairo ma’iro nono Yesu Kerisoma iyabake Godinu imukari ukekaini ba irauaiai wakeini ma’i.
28106	ROM 4:16	Enoba i Godima eribaie i orouma Godi Danu wake nauisa ibake Godima i wake emuabairo we bou urie. Eno uiba ibake ie Godinu imukaro ukaada unu koreka iyabairo ma’i. Ibake Eibaramunu sisia sirorari orou yaisinabairo enaenari marie. I darawadu wake naukeibisa orouini i Eibaramuma Godi imukeibi i ari eno imukeibisa orouini emua yaisinabairo i we bou ukeka me marie. Eibaramu dawae iya i Godinu wake naukaisi orou yaisina iyanu babae.
28214	ROM 8:30	Adinaro Godima aina aina we mu’i ibake i orou iya idua u we mu’i. Iya u we mu’ikema iyanu imukaini ma gienabu ui. Iyanu imuka ma gienabu uiba ibake Danu arakeka idua iyabairo ma’i.
28283	ROM 11:6	Godi Danu arara daiwere ukaada ibake eno uke emua mune imusu odakune. Iyanu ukekae irauaiaibake eno uke dakaku. Danu ararae iya ibake unu ko’i. Iyanu ukekabake wefike eno ufironae Danu unu korekae ba unu kore da ufine.
28378	ROM 15:7	Yesu Kerisoma iya we mu’i. I ari eno yanu yanu we mune awawa uke makaewe. Eno ufoisaie emema ibai eraada Godinu ibi we ma daiwere ufeisa.
28890	2CO 1:22	Godima iya yawokada Danu Imumu Irau iyabairo makakuniie yae Nanua weada ibake widu uke odinao u’i. Eno u’i ibake iya iwoka sinaada Godima iyabairo aneme ufeku ibai iya iwoka sinaisiro nono Danu Imumu Irau we odaisakuro iyanu imuka ubarenaro isare aare ibinuba ibake iyae Godinu oroua weada awoena iwoka sinaisi.
28928	2CO 4:1	Godima iyabake imukari ukaada unu korakuni ibake yewa waiya iyabairo ma’i. Ibake yewa waiya ufene ukaadae imuka inimu bobo uke dakaisi.
28950	2CO 5:5	Godi Danu ararae iyama i me ibene ibene ibeka mufene weike iya ubu uke bou u’i. Iya ubu uke bou u’ike Danu Imumu Irau iya ma’iro iyanu imuka ubarenaro isare ibinuba ibake iyae ibai iwoka ukaisiba ibake Danu moi we bou u’ibai iini mamisiro yaisina mufeisi.
29128	GAL 1:4	Godima Danu arararo uike wei ibake Yesu Kerisoma iyanu merama ukekabake fearike yewa meramawere ukekabairoma iya ma wiro’i.
29182	GAL 3:13	Godinu bukaroma eno weaku, eme moi una korosi anaro ure ma dabame odifeisaie Godima i mibake fanisi makeka ma boroo yafeku. Godima i mi medifekuro Danu fanisi makeka i mibairo ibifekuro feafekua eno weaku. Enaenari iyae i darawadu yaisina ukenewaa dauisike sarawere uisiba ibake Godima iyabake fanisi mamine uiro Yesuma isare aarike Godima iya fanisi makeka daaba mune imusu odike Dawama korosiro fearike iya ma wiro’i.
29192	GAL 3:23	Yesu Keriso fare me i furoe i darawaduma iya yawokada ana ebaro odinao u’i. I Darawaduma iya eno uke yawokeibi ibake Godima Danu arara uike iya iyanu imuka yaisina Yesu Kerisobairo odifene ibake Yesu Keriso we odairo yewa dooro isare aari.
29277	EPH 1:4	Godima i doo ubu uke me i furo Yesu Keriso Dawama iya ma wiromine ibake iya we mune odii. Godi Danu ararae iya Danu ibooro enafeke irauaiai mane ufene ibake eno u’i.
29279	EPH 1:6	Godi Danu ararae iyama Danu irau unu koreka we ma daiwere ufene ibake Danu Amara ubi iyabairo ma’i.
29281	EPH 1:8	Danu ararae iya Danu imukeka yaisina idua iwoka sifene ibake Danu unu koreka iyabairo makenewaa u’i.
29300	EPH 2:4	Godi Dawa arara me eme fanisi makeka. Danu ararae emebake imukari ukeka. Ibake iyama merama imukanu arara ukaada Godibake koroko uisike feareka orou ari sine ibisiro Dawama iyabake dino uke yare dauike imukari daiwere ukaada feare ibeka ari eno iroma Yesuini iyaini yaisina ma uya’iro awoenae irauaiai me ibinisi. Godi Danu mane iya unu koraada ma wiro’i.
29303	EPH 2:7	Godima iyabake imukari daiwere u’i ibake Yesu Keriso we odairo yewa dooro isare aarike iya ma wiro’i. Godi Danu ararae i feareifeisa orou yaisina Danu imukari ukeka efisake iwoka ufisane ibake i ari eno ui.
29306	EPH 2:10	Godima iya ubu u’ike iyama irauaiai mane ukefene ibake Yesu Kerisobairo ma dakaa u’i. Dawama adinaro i irau ukeka odike i mane ukeifene ibake Yesu Kerisobairo ma dakaa u’i.
29574	COL 2:13	Nono adinaro ya oroue feareka orou ari eno sine ibeibisa. Yae ba me merama mane ukaada yanu merama imuka ofe kuureka ari eno uke kuure dauisa ibake feareka orou ari eno sine ibeibisa. Nono awoenae Godima Yesu Dawaini iyaini ma uya’ike awoena me irauaiai ibeka iyabairo ma’i. Dawa iyanu ba me merama ukeka yaisina munike imuke medike i darawaduma iya wayai weeka owaowa yanake oisabai oba uike mune imusu odaada korosiro ure odi.
29885	2TI 1:9	Adinami nauwaro Godima Danu arara uike iyama irauaiai mane ufene ibake Danu irau unu koreka mi Yesu Keriso iyabairo ma’i. Nono awoenae iyanu ma wirokeka Mi Yesu Kerisoma yewa dooro farike i fearekanu buna ma bereike mune eka sianike Godinu irau wakeroma me ibene ibene ibeka wirokeka ma boroo yariro ibai iyama eraada iwoka sinaisi.
29936	2TI 3:16	Godinu bukaro wake yaisina ie Godinu imukeka wake. Enoba Godima iya we ma iwoka umiro iwoka sifeke iyanu meramawere imukeka medifeke meramawere ukeka medifeke irauaiai mane ufene ibake Danu buka iyabairo ma’i.
29994	TIT 3:4	Eno ukeibisiro iyanu ma wirokeka Godi Dawama iyabake imukari ukaada irauaiai uike iya ma wiro’i.
29995	TIT 3:5	Iyanu irau ukekabake Dawa iya ma wiroke mero Dawae iyabake imukari daiwere ukaada ibake iya ma wiro’i. Dawama iyanu ba me merama ukeka yaisina imuke medike Danu Imumu Irau iyabairo we odairo iya irauaiai mane ufene ibake iyanu imuka ubarenaro isare aarike ibinu.
29996	TIT 3:6	Enoba Dawae Yesu Kerisonu eme ma wirokekabake Danu Imumu Irau iya yaisinabairo makenewaa u’i.
29997	TIT 3:7	Enoba Danu ararae iya ma wiromike iya ma irauaiai umiro me ibene ibene ibeka imufeke mufene ibake eno u’i.
30129	HEB 6:18	Ibake Danu we bou ukekaini Danu ibiro bunawere weekaini i ari eno ukekabaima ure owere ma owere da ufekuro Godi Dawae meo da wefeku. Enoba iya Godibairo ane me irauaiai ibinisi orou iyama iyanu imukeka ma buna ufeke Godinu imukaisi i eraerabusa we bou ui ibai yaisina imukenewaa ufene ibake Godima iyabake eno u’i.
30239	HEB 10:39	Iyae i owere i meramawere orofaro anaisa orou ari eno me ibake iyae emua ari eno me. Iyanu imuka yaisina Godibairo oisiro Godima iya ma wiro’i.
30490	1PE 2:24	Enoba Yesu Keriso Danu ararae iya iyanu meramawere ukeka ibake fanisi munike korosiro feari. Dawa usima ukaro biobao sini ibaima iya ma wiro’i.