23233	MAT 1:20	Ekꞌuchiriꞌ kuchꞌobꞌ raqan puwi waꞌ, xaqikꞌateꞌt jun ángel re ri Dios xukꞌut ribꞌ pa uwachikꞌ y xubꞌiꞌij che: «José, at ralkꞌoꞌal kan ri David, maxiꞌij awibꞌ che kakꞌam ri María re kuꞌan awixoqil, ma rumatzem rire, ukꞌulum ruma ri Santowilaj Ruxlabꞌixel ri Dios.
23251	MAT 2:13	Echiriꞌ rachijabꞌ e aj naꞌoj ebꞌelinaq chubꞌi rukꞌ ri Jesús, xukꞌut ribꞌ jun ángel re ri Dios pa uwachikꞌ ri José y xubꞌiꞌij che: «Chatyaktajoq, chebꞌakꞌama bꞌi rakꞌa y ruchu. Chixanimaj bꞌi kꞌa Egipto y chixkanaja chilaꞌ kꞌate kambꞌiꞌij chiwe jampa kixpetik, ma ri Herodes kutaq utzukuxik rakꞌa chaꞌ kakamisaxik» xchaꞌ.
23253	MAT 2:15	Chilaꞌ kꞌut xekꞌojiꞌ wi kꞌa che rukamik ri Herodes. Xuꞌan kꞌu waꞌ chaꞌ e kuꞌana rubꞌiꞌim lo ri Dios ruma ri qꞌalajisanel echiriꞌ jewaꞌ xubꞌiꞌij: «Kꞌa chilaꞌ Egipto xinsikꞌij wi lo ri Nukꞌajol» xchaꞌ.
23258	MAT 2:20	«Chatyaktajoq, chebꞌakꞌama bꞌi rakꞌa junam rukꞌ ruchu y chixtzelej tanchi Israel, ma ya xekam konoje ri kakaj kakikamisaj rakꞌa» xchaꞌ.
23263	MAT 3:2	Jekꞌuwaꞌ kubꞌiꞌij: «Tzelej tzij alaq chwach ri Dios, ma rutaqanik ri Dios petinaq chilaꞌ chikaj lik xa naqaj chi kꞌo wuloq» kachaꞌ.
23268	MAT 3:7	Ekꞌu ri Juan echiriꞌ xrilo lik e kꞌi chike ri fariseos y ri saduceos xekꞌun ruma ri bautismo kuyaꞌo, xubꞌiꞌij chike: «¡Ralaq pachaꞌ alaq jupuq chi kumatz! ¿China xbꞌiꞌn re we utz kesaj ibꞌ alaq chwach ri unimal kꞌaxkꞌobꞌik kutaq lo ri Dios pawiꞌ alaq?
23278	MAT 3:17	Ekꞌuchiriꞌ, xchꞌaw lo Jun chilaꞌ chikaj, jewaꞌ xubꞌiꞌij: «E Nukꞌajol waꞌ ri lik kꞌax kannaꞌo y lik kinkiꞌkot che» xcha ri Dios.
23295	MAT 4:17	Chwi kꞌu lo riꞌ xujeq ri Jesús katzijonik, jewaꞌ kubꞌiꞌij: «Tzelej tzij alaq chwach ri Dios, ma rutaqanik ri Dios petinaq chilaꞌ chikaj lik xa naqaj chi kꞌo wuloq» kachaꞌ.
23306	MAT 5:3	«Nim kiqꞌij kalaxik ri kaketaꞌmaj lik chirajawaxik ri Ruxlabꞌixel ri Dios chike, ma rutaqanik ri Dios petinaq chilaꞌ chikaj kuꞌana ke.
23441	MAT 8:27	Rutijoꞌn lik xkam kanimaꞌ che y xkibꞌiꞌij: «¿Saꞌ ruwach waꞌ waꞌchi? ¡Ma tobꞌ ne e ri kaqjiqꞌ y ri yaꞌ kakikoj utzij!» xechaꞌ.
23451	MAT 9:3	E kꞌo kꞌu jujun chike raj kꞌutunel re ri tzijpixabꞌ jewaꞌ xkichꞌobꞌo: «Wa jun achi lik kamakun chirij ri Dios, ma na yaꞌtal ta puqꞌabꞌ junoq kubꞌiꞌij waꞌ.»
23469	MAT 9:21	Ma xuchꞌobꞌ pa ranimaꞌ: «Tobꞌ tane xew luꞌqꞌuꞌ kanchapo, rukꞌ riꞌ kinkunutajik.»
23481	MAT 9:33	Ekꞌuchiriꞌ ri Jesús xresaj bꞌi ri itzel uxlabꞌixel che, ri meꞌt xkunutajik y xujeq kachꞌaꞌtik. E taq kꞌu ri winaq lik xkam kanimaꞌ che waꞌ y xkibꞌiꞌij chikiwach: «Na qilom ta kꞌana waꞌ wara Israel pachaꞌ wa xqil woꞌora» xechaꞌ.
23482	MAT 9:34	Noꞌj ri fariseos xkibꞌiꞌij: «Laꞌ la Jesús kebꞌeresaj bꞌi itzel uxlabꞌixel ruma ruchuqꞌabꞌ ri kajawal ri itzel uxlabꞌixel» xechaꞌ.
23485	MAT 9:37	Xubꞌiꞌij kꞌu chike rutijoꞌn: «Paqatzij wi kambꞌiꞌij chiwe: Ri molonik kajawax uꞌanik, lik nim; noꞌj raj chak na e kꞌi taj.
23491	MAT 10:5	Ri Jesús xebꞌutaq bꞌi ri kabꞌlajuj y e pixabꞌanik waꞌ xuya bꞌi chike: «Mixꞌek pa taq ri luwar ke ri na e ta aj judiꞌabꞌ, mixok ne pa taq ri tinamit re Samaria.
23535	MAT 11:7	Ekꞌuchiriꞌ xebꞌek rike, ri Jesús xujeq kachꞌaꞌt puwi ri Juan chike ri winaq, jewaꞌ xubꞌiꞌij: «¿Saꞌ ri xeꞌila alaq pa ri luwar katzꞌintzꞌotik? ¿Xeꞌila nebꞌa alaq jun achi na jinta ukowil xa pachaꞌ tani kajabajoꞌx ruma ri tew?
23549	MAT 11:21	«¡Lik toqꞌoꞌ iwach ri ix aj Corazín! ¡Lik toqꞌoꞌ iwach ri ix aj Betsaida! Ma we ta chupa ri tinamit Tiro y ri tinamit Sidón xilitaj wi wa kꞌutubꞌal re ruchuqꞌabꞌ ri Dios xinꞌan chiwach riꞌix, kꞌo tan qꞌij ta lo riꞌ xkitzelej kitzij chwach ri Dios, kikojom chi kꞌu kiqꞌuꞌ kꞌax rij y kitzꞌuyubꞌam kibꞌ pa chaaj ruma ri kibꞌis.
23553	MAT 11:25	Ekꞌu laꞌ la joqꞌotaj ri Jesús xuꞌan orar chwach Ruqaw, jewaꞌ xubꞌiꞌij: «Nuqaw, kanyak qꞌij la, Lal Rajaw ruwa kaj y ruwachulew, ma ri qꞌalajisam la chike ri lik kakiꞌan chꞌutiꞌn che kibꞌ, waꞌ ewam la chikiwach ri lik kꞌo kinaꞌoj y lik kꞌo kimajom.
23555	MAT 11:27	Tekꞌuchiriꞌ, xubꞌiꞌij chike ri tikawex: «Ronoje taq ri kꞌolik yaꞌtal lo panuqꞌabꞌ ruma ri Nuqaw. Na jinta kꞌu junoq lik umajom usukꞌ chi utz saꞌ ruwach Rukꞌajol ri Dios, xew ri Qaqaw Dios etaꞌmayom re. Y na jinta ne junoq umajom usukꞌ chi utz saꞌ ruwach ri Qaqaw Dios, xew Rukꞌajol ri Dios etaꞌmayom re; yey puqꞌabꞌ kꞌu riꞌ Rukꞌajol kꞌo wi china chike karaj kuqꞌalajisaj wi waꞌ.
23581	MAT 12:23	Konoje kꞌu ri winaq lik xkam kanimaꞌ che y xkibꞌiꞌij: «¿Kꞌaxtaj e rire ri Ralkꞌoꞌal kan ri rey David?» xechaꞌ.
23582	MAT 12:24	Ekꞌu ri fariseos echiriꞌ xkita waꞌ, xkibꞌiꞌij: «Waꞌ wa jun achi kebꞌeresaj bꞌi ri itzel uxlabꞌixel ruma ruchuqꞌabꞌ ri Beelzebú, ri kajawal ri itzel uxlabꞌixel» xechaꞌ.
23583	MAT 12:25	Ri Jesús retaꞌam saꞌ ri kakichꞌobꞌo; ruma kꞌu riꞌ, xubꞌiꞌij chike: «We ri taqanelabꞌ re juna tinamit kijachom kipa ruma kechꞌoꞌjin chikiwach, riꞌ na kanajtir ta ri kitaqanik. Yey we ri ejeqelel pa juna tinamit o pa juna ja kijachom kipa ruma kechꞌoꞌjin chikiwach, riꞌ na ketikiꞌ ta chi utz.
23611	MAT 13:3	Yey Rire xujeq uyaꞌik ukꞌiyal kꞌutunik chikiwach rukꞌ taq kꞌambꞌal naꞌoj, jewaꞌ xubꞌiꞌij chike: «Jun awanel xel bꞌi chaꞌ keꞌawanoq.
23632	MAT 13:24	Ri Jesús xutzijoj tanchi jun kꞌambꞌal naꞌoj chike: «Ri kuꞌana pa rutaqanik ri Dios petinaq chilaꞌ chikaj e jelaꞌ pachaꞌ ri xuꞌano echiriꞌ jun achi xutik chomilaj ijaꞌ trigo chwa ri rulew.
23639	MAT 13:31	Ri Jesús xutzijoj tanchi jun kꞌambꞌal naꞌoj chike: «Rutaqanik ri Dios petinaq chilaꞌ chikaj e pachaꞌ juna ijaꞌ re moxtasa xutik jun achi chwa ri rulew.
23641	MAT 13:33	Ri Jesús xutzijoj wa jun chik kꞌambꞌal naꞌoj chike: «Rutaqanik ri Dios petinaq chilaꞌ chikaj e pachaꞌ ri levadura. Ma echiriꞌ juna ixoq kuꞌan pam, kukꞌam jubꞌiqꞌ levadura y kutuk chuxoꞌlibꞌal oxibꞌ pajbꞌal harina; yey ri levadura kusipowirisaj upa ronoje ri qꞌor» xchaꞌ.
23652	MAT 13:44	«Rutaqanik ri Dios petinaq chilaꞌ chikaj e pachaꞌ jun bꞌeyomalil ewatal kan chupa juna ulew. Kꞌo kꞌu jun achi keꞌtzaq lo puwiꞌ y karewaj tanchi kanoq. Keꞌek kꞌu chirocho y kuꞌkꞌayij ronoje rubꞌitaq re; tekꞌuchiriꞌ, kuloqꞌ ri ulew pa kꞌo wi ri bꞌeyomalil.
23668	MAT 14:2	Ri Herodes xubꞌiꞌij kꞌu chike ri raj chakibꞌ: «Laꞌ e Juan Aj Yaꞌl Bautismo xkꞌastaj lo chikixoꞌl ri ekaminaq; e uwariꞌche kꞌo uchuqꞌabꞌ che uꞌanik wa milagros» xchaꞌ.
23670	MAT 14:4	Jewaꞌ ri xubꞌiꞌij ri Juan che: «Lik na ubꞌe taj ꞌanom ixoqil la che ri rixoqil ri chaqꞌ la» xchaꞌ.
23674	MAT 14:8	Ekꞌu rali nabꞌe na xuꞌtzꞌonoj che ruchu y waꞌ xuya lo itzel naꞌoj che. Xubꞌiꞌij kꞌu rali che ri Herodes: «Yaꞌa la rujolom ri Juan Aj Yaꞌl Bautismo chwe pa juna plato» xchaꞌ.
23743	MAT 16:2	Ekꞌu ri Jesús xukꞌul uwach: «Echiriꞌ keꞌek la qꞌij, ralaq kabꞌiꞌij alaq: “Lik utz ri qatiempo ma kaq ruwa kaj.”
23748	MAT 16:7	Rutijoꞌn xa chikiwach xkibꞌiꞌij: «Rire kubꞌiꞌij waꞌ, ma na xqakꞌam ta lo pam» xechaꞌ.
23774	MAT 17:5	Kꞌa kachꞌaꞌt ne ri Pedro echiriꞌ jun sutzꞌ lik kawonik xuchꞌuq kiwiꞌ. Y chupa kꞌu ri sutzꞌ xkita ruqul ri Dios, jewaꞌ xubꞌiꞌij: «E Nukꞌajol waꞌ ri lik kꞌax kannaꞌo y lik kinkiꞌkot che. E chita utzij Rire» xchaꞌ.
23791	MAT 17:22	Ekꞌuchiriꞌ e kꞌo pa taq ri luwar re Galilea, ri Jesús xubꞌiꞌij chike rutijoꞌn: «Ralaxel Chikixoꞌl Tikawex kayaꞌiꞌ pakiqꞌabꞌ rachijabꞌ
23845	MAT 19:14	Noꞌj ri Jesús xubꞌiꞌij chike: «Chiyaꞌa luwar chike ri raltaq ko akꞌalabꞌ chepeta na wukꞌ. Mebꞌiqꞌatej; ma ri kakiꞌan e jelaꞌ pachaꞌ rike, riꞌ kuꞌan ke rutaqanik ri Dios petinaq chilaꞌ chikaj» xchaꞌ.
23879	MAT 20:18	«Chitapeꞌ: E waꞌ kojpaqiꞌ Jerusalem, yey ekꞌu Ralaxel Chikixoꞌl Tikawex kayaꞌ pakiqꞌabꞌ ri nimaq e aj chakunel pa Rocho Dios y raj kꞌutunel re ri tzijpixabꞌ chaꞌ kakiqꞌat tzij puwiꞌ re kamik.
23897	MAT 21:2	jewaꞌ xubꞌiꞌij chike: «Jix pa raldea kꞌo pan chiqawach. Chiriꞌ kiꞌriqa jun axna yuqulik yey kꞌo ri ral rukꞌ. Chikira loq y chebꞌikꞌama lo chwe.
23904	MAT 21:9	Ekꞌu ri winaq e nabꞌe chwach kukꞌ ri eteran lo chirij xkijeqo lik kesikꞌinik, kakibꞌiꞌij: «¡Qayaka uqꞌij ri Ralkꞌoꞌal kan ri rey David! ¡Nim uqꞌij ralaxik ri jun petinaq chupa rubꞌiꞌ ri Dios Qajawxel! ¡Qayaka uqꞌij ri Dios kꞌo chilaꞌ chikaj!» kechaꞌ.
23908	MAT 21:13	Xubꞌiꞌij kꞌu chike: «Ri Dios jewaꞌ kubꞌiꞌij chupa Ruchꞌaꞌtem: Che ri Wocho kabꞌiꞌxik: “E luwar re oración” kachaꞌ. Noꞌj ralaq ꞌanom alaq che ri Wocho e jun luwar ke eleqꞌomabꞌ» xchaꞌ.
23910	MAT 21:15	Ri nimaq e aj chakunel pa Rocho Dios kukꞌ raj kꞌutunel re ri tzijpixabꞌ lik xpe koyowal echiriꞌ xkil wa milagros y xkito lik kesikꞌin rakꞌalabꞌ pa ri Rocho Dios, kakibꞌiꞌij: «¡Qayaka uqꞌij ri Ralkꞌoꞌal kan ri rey David!» kechaꞌ.
23920	MAT 21:25	¿China kꞌu xtaqaw re ri Juan kuya ri bautismo? ¿E ri Dios o e rachijabꞌ? —xchaꞌ. Ekꞌu rike xkijeq kechꞌaꞌt chikiwach puwi waꞌ: «We xqakꞌul uwach che: “E ri Dios xtaqaw re”, riꞌ kubꞌiꞌij rire chiqe: “¿Suꞌchak kꞌu riꞌ na xkoj ta alaq ri xubꞌiꞌij?” kacha chiqe.
23922	MAT 21:27	Xkibꞌiꞌij kꞌu che ri Jesús: —Na qetaꞌam taj —xechaꞌ. Ekꞌu ri Jesús xubꞌiꞌij chike: «Jekꞌuriꞌlaꞌ, riꞌin na kambꞌiꞌij ta che alaq china yaꞌyom panuqꞌabꞌ kanꞌan taq waꞌ.
23926	MAT 21:31	Xutzꞌonoj kꞌu ri Jesús chike ri e aj wach: —Chiwach ralaq, ¿china nawi chike wa kaꞌibꞌ alabꞌo e xuꞌan ri karaj ri kiqaw? —xchaꞌ. Xkibꞌiꞌij kꞌu rike: —E ri nabꞌe —xechaꞌ. Ekꞌu ri Jesús xubꞌiꞌij chike: «Paqatzij wi kambꞌiꞌij chiwe: E raj tzꞌonol puaq re tojonik y rixoqibꞌ na chom ta ri kibꞌinik kisilabꞌik, e rike ri nabꞌe nenareꞌ kebꞌok chupa rutaqanik ri Dios chiwach ralaq.
23943	MAT 22:2	«Ri kuꞌana chupa rutaqanik ri Dios petinaq chilaꞌ chikaj e pachaꞌ ri xukꞌulumaj jun rey echiriꞌ xuꞌan jun nimalaj nimaqꞌij re rukꞌulanikil rukꞌajol.
23989	MAT 23:2	«Raj kꞌutunel re ri tzijpixabꞌ y ri fariseos yaꞌtal pakiqꞌabꞌ kakiqꞌalajisaj taq rutzijpixabꞌ kan ri Moisés.
24024	MAT 23:37	Tekꞌuchiriꞌ, xubꞌiꞌij: «¡Jerusalem, Jerusalem, riꞌix kebꞌikamisaj ri qꞌalajisanelabꞌ y kebꞌiꞌan paꞌbꞌaj janipa ri ebꞌutaqom lo ri Dios iwukꞌ! E riꞌin, ukꞌiyal laj lik xuaj xinmol kichiꞌ riwalkꞌoꞌal riꞌix, jelaꞌ pachaꞌ kuꞌan juna atiꞌ akꞌ chike taq ruwiꞌch echiriꞌ kumol kichiꞌ chuxeꞌ taq ruxikꞌ; pero riꞌix na xiwaj ta kꞌenoq.
24030	MAT 24:4	Ekꞌu ri Jesús xukꞌul uwach: «Lik chichajij iwibꞌ chaꞌ na jinta junoq kasokow iweꞌix.
24125	MAT 26:2	«Riꞌix iwetaꞌam pa kebꞌ qꞌij kakꞌun lo ri nimaqꞌij Pascua; chupa kꞌu riꞌ wa nimaqꞌij, Ralaxel Chikixoꞌl Tikawex kayaꞌ pa kamik chwa cruz» xchaꞌ.
24128	MAT 26:5	Xkibꞌiꞌij kꞌu chikiwach: «Na kaqaꞌan ta pa ri nimaqꞌij chaꞌ ri tinamit na ketukuk ta ruma waꞌ» xechaꞌ.
24162	MAT 26:39	Tekꞌuchiriꞌ, Rire xqibꞌ chi pan jubꞌiqꞌ chwach, xuxukubꞌaꞌ ribꞌ y xuqasaj umejelem kꞌa chuꞌlew, y xuꞌan kꞌu orar, jewaꞌ xubꞌiꞌij: «Lal Nuqaw, ꞌana ko la riꞌ chinkolobꞌej ko la chaꞌ na kinikꞌow ta chupa waꞌ wa kꞌaxkꞌobꞌik. Noꞌj na e ta kꞌu chuꞌana ri kuaj riꞌin, ma e chuꞌana janipa ri kaꞌaj Rilal» xchaꞌ.
24165	MAT 26:42	Xeꞌek tanchi chukalaj, xuꞌana orar, jewaꞌ xubꞌiꞌij: «Lal Nuqaw, we lik chirajawaxik kinikꞌow na che wa kꞌaxkꞌobꞌik, e chuꞌana kꞌu riꞌ janipa ri kaꞌaj Rilal» xchaꞌ.
24171	MAT 26:48	Ekꞌu ri Judas, ri kayaꞌw bꞌi re pakiqꞌabꞌ, ubꞌiꞌim chi lo chike suꞌanik kaketaꞌmaj china ri kakichapo, jewaꞌ ubꞌiꞌim: «E ri jun kantzꞌubꞌ uchiꞌ, e riꞌ rire. Chapa kꞌu bꞌi alaq.»
24198	MAT 26:75	Ekꞌuchiriꞌ, xkꞌun lo chukꞌuꞌx ri Pedro ri xbꞌiꞌx lo che ruma ri Jesús: «Kꞌamajaꞌ ne kabꞌixon ri teren, riꞌat oxlaj chik abꞌiꞌim na awetaꞌam ta nuwach.» Ewi xel bꞌi ri Pedro chiriꞌ y lik xoqꞌik ruma rukꞌaxkꞌolil ukꞌuꞌx.
24204	MAT 27:6	Ri nimaq e aj chakunel pa ri Rocho Dios xeꞌkimolo ri puaq y xkibꞌiꞌij: «Waꞌ wa puaq na ubꞌe ta kꞌenoq kaqaya pa ri kaxa re qasaꞌn, ma waꞌ rajil ukikꞌel jun achi» xechaꞌ.
24217	MAT 27:19	Ekꞌuchiriꞌ tzꞌul ri Pilato pa ri qꞌatbꞌal tzij, ri rixoqil xutaq ubꞌiꞌxikil che: «Makꞌo maꞌan la che wa jun achi jusukꞌ ubꞌinik usilabꞌik, ma waqꞌij lik kabꞌison nukꞌuꞌx ruma xinꞌan jun wachikꞌ puwi rire yey lik xibꞌibꞌal uwach ri xinwachikꞌaj» xchaꞌ.
24235	MAT 27:37	Chwi kꞌu lo rucruz ri Jesús tzꞌibꞌitalik suꞌbꞌe xqꞌat tzij puwiꞌ, jewaꞌ kubꞌiꞌij: «E JESÚS WAꞌ, RI REY KE RAJ JUDIꞌABꞌ.»
24277	MAT 28:13	y xekitaq che jewaꞌ kakibꞌiꞌij: «Echiriꞌ okinaq lo qawaram chaqꞌabꞌ, xekꞌun rutijoꞌn ri Jesús y xkelaqꞌaj bꞌi rucuerpo.
24291	MRK 1:7	Jekꞌuwaꞌ ri tzijonik kuꞌano: «Kꞌo Jun katajin lo chwij más nim ruchuqꞌabꞌ chinuwa riꞌin, ma na taqal tane chwe kinyuxiꞌik re kankir ruwach ruxajabꞌ.
24295	MRK 1:11	Y xchꞌaw lo Jun chilaꞌ chikaj, jewaꞌ kubꞌiꞌij: «At riꞌat Nukꞌajol y lik kꞌax katinnaꞌo. Lik kinkiꞌkot chawe» xcha che.
24299	MRK 1:15	jewaꞌ kubꞌiꞌij: «Xopon kꞌu ruqꞌijol echiriꞌ rutaqanik ri Dios xa naqaj chi kꞌo lo wi; tzelej kꞌu tzij alaq chwach ri Dios y kojo alaq ri Utzilaj Tzij» kachaꞌ.
24311	MRK 1:27	Konoje kꞌu ri tikawex lik xkam kanimaꞌ che y kakitzꞌonobꞌej taq chikiwach: «¿Saꞌ waꞌ? ¿Saꞌ chi kꞌakꞌ kꞌutunik waꞌ? Ma kꞌo ne puqꞌabꞌ kataqan pakiwi itzelilaj uxlabꞌixel y waꞌ kakikoj utzij» kechaꞌ.
24336	MRK 2:7	«¿Suꞌchak jewaꞌ kachꞌaꞌt waꞌchi? Rukꞌ wa kubꞌiꞌij kamakun chirij ri Dios. Ma ¿na xew ta nebꞌa ri Dios aj kuyul mak?»
24341	MRK 2:12	Na jampatana xyaktaj rachi, xutelej bꞌi ruchꞌat y chikiwach konoje xel bꞌi. Konoje kꞌu riꞌ xkam kanimaꞌ che la xkilo y xkijeq kakiyak uqꞌij ri Dios, jewaꞌ kakibꞌiꞌij: «¡Na jinta kꞌana qilom wi waꞌ!» kechaꞌ.
24368	MRK 3:11	Ekꞌu ri winaq e kꞌo pakiqꞌabꞌ itzelilaj uxlabꞌixel, echiriꞌ kakil uwach ri Jesús, kexukiꞌ chwach y kesikꞌinik kakibꞌiꞌij: «¡Rilal lal Rukꞌajol ri Dios!» kechaꞌ.
24379	MRK 3:22	Noꞌj raj kꞌutunel re ri tzijpixabꞌ, ri e petinaq Jerusalem, xkibꞌiꞌij: «Ri Jesús kꞌo puqꞌabꞌ ri Beelzebú» y «Ruma kꞌu ruchuqꞌabꞌ waꞌ wa kajawal ri itzel uxlabꞌixel, kebꞌeresaj bꞌi itzel uxlabꞌixel» xechaꞌ.
24380	MRK 3:23	Ekꞌu ri Jesús xebꞌusikꞌij y rukꞌ kꞌambꞌal naꞌoj xubꞌiꞌij chike: «¿Saꞌ nawi we ta ri Satanás karesaj bꞌi ri Satanás chike ri winaq?
24387	MRK 3:30	Xubꞌiꞌij waꞌ ma rike kibꞌiꞌim: «Rire kꞌo puqꞌabꞌ jun itzelilaj uxlabꞌixel.»
24395	MRK 4:3	«¡Chitapeꞌ! Kꞌo jun awanel xel bꞌi chaꞌ keꞌawanoq.
24401	MRK 4:9	Ekꞌuchiriꞌ, ri Jesús xubꞌiꞌij tanchi chike: «China kꞌu ri kꞌo utanibꞌal che utayik, ¡chuta kꞌu riꞌ!» xchaꞌ.
24403	MRK 4:11	Ekꞌu ri Jesús xubꞌiꞌij chike: «Chiwe riꞌix yaꞌtalik kaqꞌalajisax runaꞌoj ri Dios chwi rutaqanik. Noꞌj chike taq ri winaq na e jinta chupa rutaqanik, xa rukꞌ taq kꞌambꞌal naꞌoj kabꞌiꞌx ronoje chike.
24405	MRK 4:13	Ekꞌuchiriꞌ, xutzꞌonoj chike: «¿Na kimaj ta kami usukꞌ riꞌ wa kꞌambꞌal naꞌoj? ¿Saꞌ kꞌu uꞌanik riꞌ kimaj usukꞌ ronoje taq ri kꞌambꞌal naꞌoj kankꞌut chiwach?
24413	MRK 4:21	Ri Jesús xubꞌiꞌij tanchi chike: «¿Kꞌo nebꞌa junoq kutzij juna aqꞌ y kuchꞌuq uwiꞌ rukꞌ juna mulul re pajbꞌal o kujuꞌ chuxeꞌ ruwarabꞌal? ¿Na re ta nebꞌa kuya lo chupa rukꞌolibꞌal chikaj?
24416	MRK 4:24	Jewaꞌ xubꞌiꞌij tanchi chike: «Lik chita chi utz janipa ri kambꞌiꞌij chiwe, ma “rukꞌ ri pajbꞌal kixpajan wi riꞌix, rukꞌ tanchi wa pajbꞌal kaꞌan pajanik chiwe.” Ekꞌu ri Dios kuya na chiwe lik kimaj usukꞌ ri kambꞌiꞌij, we lik e kita ri nutzij.
24418	MRK 4:26	Xubꞌiꞌij tanchi ri Jesús chike: «Rutaqanik ri Dios e jelaꞌ pachaꞌ juna achi kutik rijaꞌ pulew.
24422	MRK 4:30	Xubꞌiꞌij tanchi ri Jesús: «¿Saꞌ rukꞌ kaqajunimaj wi rutaqanik ri Dios, o saꞌ juna kꞌambꞌal naꞌoj kuqꞌalajisaj waꞌ?
24441	MRK 5:8	Xubꞌiꞌij waꞌ ma ri Jesús xubꞌiꞌij che: «At itzelilaj uxlabꞌixel, chatelubꞌi che waꞌchi» xchaꞌ.
24461	MRK 5:28	ma xuchꞌobꞌ pa ranimaꞌ: «Tobꞌ tane xew luꞌqꞌuꞌ kanchapo, rukꞌ riꞌ kinkunutajik.»
24486	MRK 6:10	Y xubꞌiꞌij bꞌi chike: «We kixkꞌul pa juna ja, chixkꞌola chiriꞌ; kꞌate kixel bꞌi echiriꞌ kixꞌek pa jun chik tinamit.
24490	MRK 6:14	Ri rey Herodes xuta puwi ri chom uchꞌaꞌtibꞌexik ri Jesús, ma lik xetaꞌmax rubꞌiꞌ pa taq ronoje luwar. Ekꞌu ri Herodes xubꞌiꞌij: «Laꞌ e ri Juan Aj Yaꞌl Bautismo xkꞌastaj lo chikixoꞌl ri ekaminaq; e uwariꞌche kꞌo uchuqꞌabꞌ che uꞌanik wa milagros» xchaꞌ.
24491	MRK 6:15	Yey e kꞌo jujun chik kebꞌiꞌn re: «Rire e Elías» y jujun chik kebꞌiꞌn re: «E juna qꞌalajisanel o laj junoq chike ri qꞌalajisanelabꞌ re ojertan.»
24492	MRK 6:16	Echiriꞌ xuta waꞌ ri Herodes, xubꞌiꞌij: «Laꞌ e ri Juan ri jun xintaq uqꞌatik rujolom, xkꞌastaj lo chikixoꞌl ri ekaminaq» xchaꞌ.
24494	MRK 6:18	Jewaꞌ ri xubꞌiꞌij ri Juan che: «Lik na ubꞌe taj ꞌanom ixoqil la che ri rixoqil ri chaqꞌ la» xchaꞌ.
24498	MRK 6:22	Xok kꞌu bꞌi ri ralit rixoq Herodías pa kꞌo wi ri Herodes kukꞌ konoje taq ri e kꞌo chwa ri mexa, y xujeq kaxajaw chikiwach. Waꞌ lik xukꞌul kikꞌuꞌx konoje ri e kꞌo chiriꞌ. Ewi ri Herodes jewaꞌ xubꞌiꞌij che laꞌli: «Chatzꞌonoj saꞌ ri kawaj, ma riꞌin kanya chawe» xchaꞌ.
24499	MRK 6:23	Y xujikibꞌaꞌ kꞌu uwach che: «Ronoje ri katzꞌonoj, kanya chawe, tobꞌ ne pa nikꞌaj che taq ri kꞌo panuqꞌabꞌ» xchaꞌ.
24500	MRK 6:24	Ewi rali xel bꞌi chaꞌ kuꞌtzꞌonoj che luꞌchu: «¿Saꞌ nawi ri kantzꞌonoj?» xchaꞌ. «E chatzꞌonoj rujolom ri Juan Aj Yaꞌl Bautismo» xcha ruchu che.
24501	MRK 6:25	Na jampatana kꞌu riꞌ, rali lik kanik xok bꞌi chwa ri rey Herodes y jewaꞌ xubꞌiꞌij che: «Kuaj kaya la chwe woꞌora pa juna plato rujolom ri Juan Aj Yaꞌl Bautismo» xcha che.
24566	MRK 7:34	Xtzuꞌn chikaj, xukꞌis ukꞌuꞌx y jekꞌuwaꞌ xubꞌiꞌij che rachi: «¡Efata!» (Waꞌ pa ri chꞌaꞌtem arameo keꞌelawi “chatjaqatajoq”.)
24569	MRK 7:37	Lik kꞌu kakam kanimaꞌ ri winaq che y jewaꞌ kakibꞌiꞌij: «Ronoje ri kuꞌano lik utz, ma ri e tꞌoꞌk kuꞌan chike ketanik yey ri e meꞌt kuꞌan chike kechꞌawik.»
24581	MRK 8:12	Ekꞌu ri Jesús lik xukꞌis ukꞌuꞌx y xubꞌiꞌij chike: «¿Suꞌbꞌe ri tikawex re waqꞌij ora e kakitzꞌonoj kanꞌan juna kꞌutubꞌal chaꞌ kaqꞌalajinik we intaqom lo ruma ri Dios? Paqatzij wi kambꞌiꞌij chiwe: Na jinta juna kꞌutubꞌal kayaꞌtaj chike» xchaꞌ.
24584	MRK 8:15	Ewi ri Jesús xebꞌupixabꞌaj, jewaꞌ xubꞌiꞌij chike: «Lik chichajij iwibꞌ chwa ri “levadura” ke ri fariseos y chwa ri “levadura” re ri Herodes» xchaꞌ.
24585	MRK 8:16	Rutijoꞌn xkibꞌiꞌij kꞌu chikiwach: «Kubꞌiꞌij waꞌ ma retaꞌam na jinta pam xqakꞌam loq» xechaꞌ.
24600	MRK 8:31	Xujeq kꞌu ubꞌiꞌxikil chike: «Lik chirajawaxik che Ralaxel Chikixoꞌl Tikawex kutij na ri kꞌax y kakꞌaq bꞌi uqꞌij kuma ri nimaq winaq re ri tinamit, ri nimaq e aj chakunel pa Rocho Dios y raj kꞌutunel re ri tzijpixabꞌ. Tekꞌuchiriꞌ, kakamisaxik; noꞌj churox qꞌij kakꞌastaj loq» xchaꞌ.
24603	MRK 8:34	Ekꞌuchiriꞌ, xebꞌusikꞌij ri winaq y rutijoꞌn, y jekꞌuwaꞌ xubꞌiꞌij chike: «We kꞌo junoq karaj katerej lo chwij, lik chirajawaxik che muꞌan xew ri karaj rire, e chukuyu ri kꞌax kape puwiꞌ ruma ukojom ri nubꞌiꞌ yey tereja lo chwij.
24614	MRK 9:7	Ekꞌuchiriꞌ, xqaj lo jun sutzꞌ y xuꞌan muꞌj pakiwiꞌ. Chupa kꞌu riꞌ ri sutzꞌ xkita ruqul ri Dios, jewaꞌ xubꞌiꞌij: «E Nukꞌajol waꞌ ri lik kꞌax kannaꞌo; e chita utzij Rire» xchaꞌ.
24633	MRK 9:26	Ewi ri itzel uxlabꞌixel xsikꞌinik y lik ko xujabꞌajaꞌ rala; tekꞌuchiriꞌ, xel bꞌi. Ekꞌu rala xkanaj kanoq pachaꞌ kaminaq chik. Ruma riꞌ, lik e kꞌi ri xebꞌiꞌn re: «Ya xkamik» xechaꞌ.
24638	MRK 9:31	ma kakꞌutun chikiwach rutijoꞌn. Jekꞌuwaꞌ kubꞌiꞌij chike: «Ralaxel Chikixoꞌl Tikawex kayaꞌiꞌ pakiqꞌabꞌ rachijabꞌ y kakamisax kuma, noꞌj echiriꞌ kaminaq chik, kakꞌastaj lo churox qꞌij» xchaꞌ.
24671	MRK 10:14	Ri Jesús, echiriꞌ xril waꞌ, xpe royowal y jewaꞌ xubꞌiꞌij chike: «Chiyaꞌa luwar chike ri raltaq ko akꞌalabꞌ chepeta na wukꞌ. Mebꞌiqꞌatej; ma ri kakiꞌan e jelaꞌ pachaꞌ rike, riꞌ kuꞌan ke rutaqanik ri Dios.
24683	MRK 10:26	Rike lik xkam kanimaꞌ che waꞌ y xkibꞌiꞌij kꞌu chikiwach: «We e riꞌ, ¿china kꞌu riꞌ ri kakolobꞌetajik?» xechaꞌ.
24718	MRK 11:9	Ri winaq e nabꞌejinaq chwach kukꞌ ri eteran lo chirij xkijeqo lik kesikꞌinik, kakibꞌiꞌij: «¡Qayaka uqꞌij! ¡Nim uqꞌij ralaxik ri jun petinaq chupa rubꞌiꞌ ri Dios Qajawxel!