23219	MAT 1:6	Ri ralkꞌoꞌal ri Isaí, e ri rey David y ri ralkꞌoꞌal ri David, Salomón rubꞌiꞌ yey ruchu ri Salomón e ri rixoqil ri Urías.
23221	MAT 1:8	Ri ralkꞌoꞌal ri Asa, Josafat rubꞌiꞌ; ri ralkꞌoꞌal ri Josafat, Joram rubꞌiꞌ; ri ralkꞌoꞌal ri Joram, Uzías rubꞌiꞌ.
23222	MAT 1:9	Ri ralkꞌoꞌal ri Uzías, Jotam rubꞌiꞌ; ri ralkꞌoꞌal ri Jotam, Acaz rubꞌiꞌ; ri ralkꞌoꞌal ri Acaz, Ezequías rubꞌiꞌ.
23281	MAT 4:3	Xqibꞌ kꞌu ritzel winaq rukꞌ ri Jesús re kukꞌam upa chaꞌ katzaq pa mak, jewaꞌ xubꞌiꞌij che: —We qatzij at Ukꞌajol ri Dios, chat-taqan che chaꞌ taq waꞌbꞌaj kuꞌan wa —xchaꞌ.
23282	MAT 4:4	Ri Jesús xukꞌul uwach: —Jewaꞌ tzꞌibꞌital kan chupa Rutzij Upixabꞌ ri Dios: Na xew ta ruma ri wa e kꞌas ri tikawex, ma e kꞌaslik ruma ronoje taq chꞌaꞌtem kel lo puchiꞌ ri Dios —xchaꞌ.
23284	MAT 4:6	Xubꞌiꞌij kꞌu che: —We qatzij at Ukꞌajol ri Dios, chakꞌaqa bꞌi awibꞌ kꞌa chuꞌlew y na jinta kꞌo kakꞌulumaj, ma jewaꞌ tzꞌibꞌital kan chupa Rutzij Upixabꞌ ri Dios: Ri Dios kebꞌutaq lo ru ángeles awukꞌ chaꞌ katkichajij. Katkichap kꞌu rukꞌ ri kiqꞌabꞌ chaꞌ na kaꞌchiqa ta rawaqan che juna abꞌaj —xchaꞌ.
23285	MAT 4:7	Ri Jesús xukꞌul uwach: —Jewaꞌ tzꞌibꞌital kan chupa Rutzij Upixabꞌ ri Dios: Makꞌam upa ri Dios Qajawxel —xchaꞌ.
23288	MAT 4:10	Ekꞌu ri Jesús xubꞌiꞌij che: —Chatela chinuwach Satanás, ma jewaꞌ tzꞌibꞌital kan chupa Rutzij Upixabꞌ ri Dios: Lik chaloqꞌnimaj uqꞌij ri Dios Qajawxel y xew Rire chanimaj uqꞌij —xchaꞌ.
23301	MAT 4:23	Ri Jesús xikꞌow che ronoje tinamit re Galilea. Kakꞌutun pa taq sinagogas chujujunal tinamit, kutzijoj ri Utzilaj Tzij re rutaqanik ri Dios y kukunaj ronoje uwach yabꞌil kꞌo chike ri winaq.
23320	MAT 5:17	»Michꞌobꞌ kꞌu riꞌix we riꞌin in kꞌuninaq re koꞌlnusacha uwach Rutzij Upixabꞌ ri Dios tzꞌibꞌital kan kuma ri Moisés y ri qꞌalajisanelabꞌ. Ma na in kꞌuninaq ta che usachik uwach waꞌ; e in kꞌuninaq re koꞌlnuqꞌalajisaj rusukꞌ.
23321	MAT 5:18	Paqatzij wi kambꞌiꞌij chiwe: Xaloqꞌ kꞌa tikil ruqꞌijol ruwa kaj y ruwachulew, na kesax ta kꞌana juna letra yey na kesax tane tobꞌ xa juna ralko juchꞌ che Rutzij Upixabꞌ ri Dios, ma e kuꞌana na ronoje ri tzꞌibꞌitalik.
23322	MAT 5:19	»Ruma kꞌu waꞌ, china ri kupalajij juna taqanik tobꞌ ne lik chꞌutiꞌn chwach rire yey e tanchi ukꞌutik kuꞌan chikiwach ri tikawex, riꞌ na jinta uwach chupa rutaqanik ri Dios petinaq chilaꞌ chikaj. China kꞌu ri kukoj Rutzij Upixabꞌ ri Dios yey jelaꞌ kukꞌut chikiwach jujun chik chaꞌ e kakiꞌano, riꞌ lik kꞌo uwach chupa rutaqanik ri Dios.
23324	MAT 5:21	»Riꞌix itom ri xbꞌiꞌx lo chike ri tikawex ojertan chupa Rutzij Upixabꞌ ri Dios: “Matkamisanik”; yey china kꞌu ri kakamisanik, riꞌ kaqꞌat tzij puwiꞌ.
23330	MAT 5:27	»Riꞌix itom ri xbꞌiꞌx lo ojertan chupa Rutzij Upixabꞌ ri Dios: “Matmakun chirij ri kꞌulanikil.”
23397	MAT 7:12	»Ekꞌu riꞌix chiꞌana chike ri tikawex jelaꞌ pachaꞌ ri kiwaj kakiꞌan rike chiwe. Ma e utaqanik waꞌ Rutzij Upixabꞌ ri Dios tzꞌibꞌital kan kuma ri Moisés y ri qꞌalajisanelabꞌ.
23443	MAT 8:29	E taq kꞌu riꞌ waꞌ xkijeqo lik ko kesikꞌinik, jewaꞌ xkibꞌiꞌij: —¿Suꞌchak koꞌlmina ibꞌ la qukꞌ, Jesús, Lal Ukꞌajol ri Dios? ¿Petinaq kami la re kojya la pa kꞌax echiriꞌ kꞌamajaꞌ ne kopon ri qaqꞌij? —xechaꞌ.
23463	MAT 9:15	Ri Jesús xukꞌul uwach: —¿Utz nebꞌa kekꞌojiꞌ pa bꞌis ri esikꞌim pa kꞌulanikil we kꞌa kꞌo rala kakꞌuliꞌik chikixoꞌl? Na utz taj. Noꞌj kopon na ri qꞌij echiriꞌ kesax bꞌi rala chikixoꞌl; kꞌa ekꞌuchiriꞌ kakiꞌan ayuno.
23483	MAT 9:35	Echiriꞌ ri Jesús xikꞌow pa taq ronoje tinamit y aldeas, kakꞌutun chupa taq ri sinagogas chujujunal luwar, kutzijoj ri Utzilaj Tzij re rutaqanik ri Dios y kukunaj ronoje yabꞌil y kꞌaxkꞌobꞌik.
23501	MAT 10:15	Ma paqatzij wi kambꞌiꞌij chiwe: Chupa ruqꞌijol ri qꞌatbꞌal tzij, más lik kꞌax ri kape pakiwi ri tinamit na xkikꞌul ta ri Utzilaj Tzij, chwa ri kape pakiwi ri e aj Sodoma y ri e aj Gomorra.
23533	MAT 11:5	Ma ri e potzꞌ ketzuꞌnik, ri e sik kebꞌinik, ri kꞌo yabꞌil lepra chike kekunutajik, ri e tꞌoꞌk ketanik, ri ekaminaq kekꞌastajik y chike ri nibꞌaꞌibꞌ katzijox ri Utzilaj Tzij.
23540	MAT 11:12	»Rukꞌ ri Juan Aj Yaꞌl Bautismo xjeq lo utzijoxik ri Utzilaj Tzij puwi rutaqanik ri Dios petinaq chilaꞌ chikaj, y waꞌ kꞌa katajin utzijoxik waqꞌij ora, tobꞌ e kꞌo ri kakitij uqꞌij kakiqꞌatej waꞌ. Na rukꞌ ta kꞌu riꞌ, e ri lik kakitij uqꞌij kakitzukuj wa taqanik, kayaꞌtaj chike kebꞌok chupa.
23568	MAT 12:10	Kꞌo kꞌu jun achi chiriꞌ chaqijinaq jun uqꞌabꞌ. Yey e taq ri lik kakitzukuj suꞌanik kakitzꞌaq uchiꞌ ri Jesús, xkitzꞌonoj che: —¿Ubꞌe nawi kakunax juna yewaꞌ chupa ri qꞌij re uxlanibꞌal? —xechaꞌ.
23681	MAT 14:15	Ekꞌuchiriꞌ ya kok raqꞌabꞌ, rutijoꞌn ri Jesús xeqibꞌ rukꞌ y xkibꞌiꞌij che: —Qajawal, wa luwar oj kꞌo wi lik katzꞌintzꞌotik y bꞌenaq qꞌij chik. Utz we ketaq bꞌi la ri winaq chaꞌ kebꞌek pa taq raldeas re keꞌkiloqꞌo kiwa —xechaꞌ.
23699	MAT 14:33	Ekꞌuchiriꞌ, ri e kꞌo pa ri barco xeqibꞌ rukꞌ ri Jesús y xkiloqꞌnimaj uqꞌij, jewaꞌ xkibꞌiꞌij: —Paqatzij wi lal Ukꞌajol ri Dios —xechaꞌ.
23705	MAT 15:3	Ekꞌu ri Jesús xutzꞌonoj chike: —¿Suꞌchak ralaq kapalajij alaq Rutzij Upixabꞌ ri Dios ruma e kaꞌan alaq taq ri kikꞌutuꞌn kan ri mam alaq?
23707	MAT 15:5	»Noꞌj ralaq kabꞌiꞌij alaq: “Utz we junoq kubꞌiꞌij chike ruchu-uqaw: Na utz taj kantoꞌ alaq, ma ri toꞌbꞌal kajawax che alaq, nubꞌiꞌtisim chik re nuqasaꞌn chwach ri Dios.”
23708	MAT 15:6	Yey chiwach ralaq, china ri kabꞌiꞌn re waꞌ, na chirajawaxik ta chi che kebꞌutoꞌ ruchu-uqaw. Jekꞌulaꞌ ꞌanom alaq che Rutzij Upixabꞌ ri Dios pachaꞌ na jinta uchak, ma e taqem alaq ri xa noꞌjibꞌal alaq.
23732	MAT 15:30	Ukꞌiyal kꞌu winaq xebꞌopon chilaꞌ pa kꞌo wi Rire. Yey xekikꞌam lo ri e sik, ri e potzꞌ, ri e meꞌt, ri e tꞌum kaqan kiqꞌabꞌ y ukꞌiyal yewaꞌibꞌ chik. Xekiya kꞌu chwach ri Jesús, y Rire xebꞌukunaj konoje.
23834	MAT 19:3	E kꞌo kꞌu jujun chike ri fariseos xeqibꞌ rukꞌ ri Jesús xa re kakikꞌam upa y xkitzꞌonoj che: —¿Ubꞌe nawi che juna achi, xa tobꞌ saꞌ ri kujal wi uchiꞌ ri rixoqil, kuya bꞌi ruwujil re jachbꞌal ibꞌ che? —xechaꞌ.
23848	MAT 19:17	Ri Jesús xukꞌul uwach: —¿Suꞌbꞌe kabꞌiꞌij la “utz” chwe? Ma xa jun ri lik utz kꞌolik, waꞌ e ri Dios. Yey we kaꞌaj la kok la pa ri kꞌaslemal na jinta utaqexik rukꞌ Rire, e taqej la Rutzij Upixabꞌ —xchaꞌ.
23903	MAT 21:8	Ukꞌiyal winaq xkiwiq ri bꞌe pa kikꞌow wi ri Jesús, xkilikꞌ taq ri kimanta pa ri bꞌe; yey e kꞌo jujun chik xkiqꞌat raltaq ko uqꞌabꞌ cheꞌ y xkilem pa la bꞌe re yakbꞌal uqꞌij.
23925	MAT 21:30	Tekꞌuchiriꞌ, rachi xqibꞌ rukꞌ ri jun chik ukꞌajol y xubꞌiꞌij che pachaꞌ ri xubꞌiꞌij che ri ratzixel. »Ekꞌu rala xukꞌul uwach: “Utz riꞌ, tat, kinꞌek pa ri chak” xchaꞌ. Yey na xeꞌek ta kꞌu riꞌ.»
23958	MAT 22:17	Bꞌiꞌij kꞌu la chiqe: ¿Usukꞌ nawi kaqaꞌan tojonik che ri nimalaj taqanel re Roma o na usukꞌ taj? —xechaꞌ.
23977	MAT 22:36	—Lal tijonel, chupa Rutzij Upixabꞌ ri Dios, ¿pachike ri taqanik más chirajawaxik? —xchaꞌ.
23979	MAT 22:38	Waꞌ e nabꞌe tzijpixabꞌ lik chirajawaxik y e ukꞌuꞌxibꞌal Rutzij Upixabꞌ ri Dios.
23981	MAT 22:40	Ukabꞌichal waꞌ e ukꞌuꞌxibꞌal Rutzij Upixabꞌ ri Dios tzꞌibꞌital kan ruma ri Moisés y kuma ri qꞌalajisanelabꞌ —xchaꞌ.
24021	MAT 23:34	E uwariꞌche riꞌin kebꞌenutaq lo ukꞌ alaq qꞌalajisanelabꞌ, waj chak lik kꞌo kinaꞌoj y aj kꞌutunel re Rutzij Upixabꞌ ri Dios. Pero ralaq kekamisaj alaq jujun chike rike. E kꞌo ne ri kekamisaj alaq chwa cruz, jujun chik kajichꞌ alaq kipa pa taq sinagogas y jujun chik keternabꞌej alaq rukꞌ kꞌaxkꞌobꞌik pa taq tinamit.
24040	MAT 24:14	»Yey wa Utzilaj Tzij re rutaqanik ri Dios katzijox na chike rukꞌiyal kiwach taq ri tikawex e kꞌo che ruwachulew chaꞌ konoje kaketaꞌmaj kꞌu riꞌ waꞌ; tekꞌuchiriꞌ, kakꞌun lo ri kꞌisbꞌal re ruwachulew.
24098	MAT 25:21	»Ri rajaw xubꞌiꞌij kꞌu che: “Utz riꞌ, riꞌat at utzilaj waj chak y lik at jusukꞌ; ma jusukꞌ xachakuj ri xa jubꞌiqꞌ yaꞌtal kan paqꞌabꞌ. E uwariꞌche woꞌora lik kꞌi ri kanya paqꞌabꞌ. Chatokoq y chatkiꞌkota wukꞌ” xchaꞌ.
24100	MAT 25:23	»Ri rajaw xubꞌiꞌij kꞌu che: “Utz riꞌ, at utzilaj waj chak y lik at jusukꞌ; ma jusukꞌ xachakuj ri xa jubꞌiqꞌ yaꞌtal kan paqꞌabꞌ. E uwariꞌche woꞌora lik kꞌi ri kanya paqꞌabꞌ. Chatokoq y lik chatkiꞌkota wukꞌ” xchaꞌ.
24136	MAT 26:13	Paqatzij wi kambꞌiꞌij chiwe: Pa taq katzijox wi wa Utzilaj Tzij che ronoje ruwachulew, kakuxtax kꞌu wiꞌxoq ruma ri xuꞌano —xchaꞌ.
24235	MAT 27:37	Chwi kꞌu lo rucruz ri Jesús tzꞌibꞌitalik suꞌbꞌe xqꞌat tzij puwiꞌ, jewaꞌ kubꞌiꞌij: «E JESÚS WAꞌ, RI REY KE RAJ JUDIꞌABꞌ.»
24238	MAT 27:40	y jewaꞌ kakibꞌiꞌij: —At peꞌ ri abꞌiꞌim kawulij ri Rocho Dios y xa pa oxibꞌ qꞌij kayak tanchik; chakolobꞌej kꞌu awibꞌ riꞌ. We paqatzij wi at Ukꞌajol ri Dios, chatqaj lo chwa ri cruz —kechaꞌ.
24240	MAT 27:42	—Lik waꞌ kꞌut e kꞌi ri xebꞌukolobꞌej che taq yabꞌil y che kamik, yey na kuriq ta waꞌ kꞌu ukolobꞌexik ribꞌ rire. We ta paqatzij wi e Rey re ri qatinamit Israel, qaja lo riꞌ utukel chwa ri cruz chaꞌ jelaꞌ kaqakojo e rire ri Uchaꞌoꞌn lo ri Dios.
24241	MAT 27:43	Ma lik waꞌ kꞌut xkubꞌiꞌ ukꞌuꞌx rukꞌ ri Dios. Yey we ta ri Dios lik kꞌax kunaꞌo, chukolobꞌej riꞌ woꞌora, ma rire ubꞌiꞌim e Ukꞌajol ri Dios —xechaꞌ.
24252	MAT 27:54	Ekꞌu ri capitán y ri soldados echajiyom re ri Jesús, echiriꞌ xkil ri kabꞌraqan y ronoje taq ri xuꞌano, lik xkixiꞌij kibꞌ y jewaꞌ xkibꞌiꞌij: —¡Paqatzij wi, waꞌ waꞌchi e Ukꞌajol ri Dios! —xechaꞌ.
24285	MRK 1:1	Waꞌ e jeqebꞌal re ri Utzilaj Tzij re ri Qanimajawal Jesucristo, Rukꞌajol ri Dios.
24298	MRK 1:14	Echiriꞌ yaꞌom chi ri Juan pa cárcel, ri Jesús xeꞌek Galilea che utzijoxik ri Utzilaj Tzij re rutaqanik ri Dios,
24299	MRK 1:15	jewaꞌ kubꞌiꞌij: «Xopon kꞌu ruqꞌijol echiriꞌ rutaqanik ri Dios xa naqaj chi kꞌo lo wi; tzelej kꞌu tzij alaq chwach ri Dios y kojo alaq ri Utzilaj Tzij» kachaꞌ.
24322	MRK 1:38	Ekꞌu Rire xubꞌiꞌij chike: —Joꞌ che utzijoxik ri Utzilaj Tzij pa taq ri luwar e kꞌo lo xa naqaj, ma e nuwach riꞌ in petinaq Riꞌin —xcha chike.
24348	MRK 2:19	Ri Jesús xukꞌul uwach: —¿Ubꞌe nawi kakiꞌan ayuno ri esikꞌim pa juna kꞌulanikil we rala kakꞌuliꞌik kꞌa kꞌo kukꞌ? Na ubꞌe taj, ma kꞌa kꞌo rala chikixoꞌl.
24361	MRK 3:4	Ekꞌuchiriꞌ, xutzꞌonoj chike ri kakitzutzaꞌ: —¿Saꞌ ri lik usukꞌ kaꞌaniꞌ pa ri qꞌij re uxlanibꞌal: E kaꞌaniꞌ ri utz o e ri na utz taj? ¿Utz kakolobꞌex rukꞌaslem junoq o kayaꞌ luwar che kakamik? —xchaꞌ. Yey na jinta kꞌu junoq chike xkꞌuluw uwach.
24371	MRK 3:14	Xebꞌuchaꞌ kꞌu kabꞌlajuj chike waꞌ chaꞌ kekꞌojiꞌ rukꞌ y kebꞌutaq bꞌi che utzijoxik ri Utzilaj Tzij.
24440	MRK 5:7	Y lik ko xchꞌawik, jewaꞌ xubꞌiꞌij: —¿Suꞌchak koꞌlmina ibꞌ la wukꞌ, Jesús lal Ukꞌajol ri Dios kꞌo chilaꞌ chikaj? Kantzꞌonoj kꞌu cheꞌla pa rubꞌiꞌ ri Dios, minya la pa kꞌax —xchaꞌ.
24487	MRK 6:11	Noꞌj we chupa juna tinamit na kixkꞌul taj y na kakꞌul tane ri Utzilaj Tzij kitzijoj, chixelubꞌi chiriꞌ yey chipupaꞌ kan rulew kꞌo che ri iwaqan; waꞌ e kꞌutubꞌal re na utz ta kiꞌanom ri ejeqel chiriꞌ. Paqatzij wi kambꞌiꞌij chiwe: Chupa ruqꞌijol ri qꞌatbꞌal tzij, más kꞌax ri kape pakiwi rike chwa ri kape pakiwi ri e aj Sodoma y Gomorra» xchaꞌ.
24506	MRK 6:30	Echiriꞌ rutaqoꞌn ri Jesús xetzelej lo che utzijoxik ri Utzilaj Tzij, xkimol kibꞌ rukꞌ Rire y xkitzijoj che janipa ri xkiꞌano y xkikꞌutu.
24512	MRK 6:36	Utz we ketaq bꞌi la ri winaq chaꞌ kebꞌek pa taq raldeas y pa taq ri luwar kꞌo lo xa naqaj re keꞌkiloqꞌo kiwa, ma ri wara na jinta kꞌo katijik —xechaꞌ.
24540	MRK 7:8	Ekꞌu ralaq e yaꞌom kan alaq Rutzij Upixabꞌ ri Dios y e lik kok alaq il che uꞌanik ri kikꞌutuꞌn kan ri tikawex, pachaꞌ kaꞌan alaq rukꞌ rujosqꞌixik ri tijbꞌal yaꞌ y ruchꞌajik upa ri xaro; yey kꞌo ne jujun chik pachaꞌ taq waꞌ kaꞌan alaq xa majom kan alaq —xchaꞌ.
24541	MRK 7:9	Je tanchi kꞌu waꞌ xubꞌiꞌij chike: —Ralaq ꞌanom alaq che Rutzij Upixabꞌ ri Dios pachaꞌ na jinta uchak, ruma e lik katajin alaq che uꞌanik ri kikꞌutuꞌn kan ri tikawex.
24543	MRK 7:11	»Noꞌj ralaq kabꞌiꞌij alaq: “Utz we juna achi xew kubꞌiꞌij chike ruchu-uqaw: Na utz taj kantoꞌ alaq, ma ri toꞌbꞌal kajawax che alaq, nubꞌiꞌtisim chik re nuqasaꞌn chwach ri Dios.”
24545	MRK 7:13	Jekꞌuriꞌlaꞌ ꞌanom alaq che Rutzij Upixabꞌ ri Dios pachaꞌ na jinta uchak, ruma taq ri noꞌjibꞌal petinaq lo chike ri chuꞌqaw alaq. Yey taqem alaq ukꞌiyal kꞌutunik pachaꞌ taq waꞌ —xchaꞌ.
24604	MRK 8:35	Ma china ri na kuya ta ranimaꞌ rukꞌaslem, riꞌ e kujam ri chomilaj kꞌaslemal chwach ri Dios; noꞌj ri kuya ranimaꞌ rukꞌaslem wuma riꞌin y ruma ri Utzilaj Tzij, riꞌ e kuriq ri chomilaj ukꞌaslemal chwach ri Dios.
24619	MRK 9:12	Ekꞌu ri Jesús xukꞌul uwach: —Qatzij, lik chirajawaxik nabꞌe na kakꞌun ri Elías y kuyijbꞌaꞌ pan ronoje chwach rukꞌunibꞌal Ralaxel Chikixoꞌl Tikawex. Pero ¿saꞌ kichꞌobꞌ riꞌix puwi ri tzꞌibꞌital kan chupa Rutzij Upixabꞌ ri Dios? Ma kubꞌiꞌij lik chirajawaxik na, Ralaxel Chikixoꞌl Tikawex kutij kꞌax y na jinta uqꞌij kaꞌanik.
24629	MRK 9:22	Ukꞌiyal laj ukꞌaqom pa aqꞌ y pa yaꞌ re kamisaxik uwach. We kꞌo ko paqꞌabꞌ la katoꞌ la, kꞌutu ko ri kꞌaxnaꞌbꞌal kꞌuꞌx la chiqe y chojtoꞌo la —xchaꞌ.
24676	MRK 10:19	Rilal etaꞌam chi la saꞌ taq Rutzij Upixabꞌ ri Dios: “Matmakun chirij ri kꞌulanikil. Matkamisanik. Mateleqꞌik. Maꞌan raqꞌubꞌal chirij junoq. Makꞌo maꞌan xa rukꞌ sokosoꞌnik. Chaloqꞌoj kiqꞌij rachu-aqaw” —xcha che.
24686	MRK 10:29	Ri Jesús xubꞌiꞌij: —Paqatzij wi kambꞌiꞌij chiwe: China ri uyaꞌom kan rocho, ebꞌuyaꞌom kan ri ratz-uchaqꞌ, ruchu-uqaw, ri rixoqil, ri ralkꞌoꞌal o rulew, ruma ukojom ri nubꞌiꞌ riꞌin y ruma rutzijoxik ri Utzilaj Tzij,
24705	MRK 10:48	Ukꞌiyal winaq xkichꞌaꞌbꞌej upa chaꞌ na kasikꞌin ta chik, noꞌj rire más ne ko kasikꞌinik: —¡Lal ri Ralkꞌoꞌal kan ri rey David, chinjuchꞌ kaꞌn ko cheꞌla! —kachaꞌ.
24717	MRK 11:8	Ukꞌiyal winaq xkiwiq ri bꞌe pa kikꞌow wi ri Jesús, xkilikꞌ taq ri kimanta pa ri bꞌe; yey e kꞌo jujun chik xkiqꞌat raltaq ko uqꞌabꞌ cheꞌ y xkilem pa la bꞌe re yakbꞌal uqꞌij.
24733	MRK 11:24	Uwariꞌche kambꞌiꞌij chiwe: E janipa ri kitzꞌonoj che ri Dios yey kubꞌul kꞌu ikꞌuꞌx che kayaꞌtaj na chiwe, kikꞌul na kꞌu riꞌ.
24756	MRK 12:14	Ekꞌuchiriꞌ, xebꞌopon rukꞌ ri Jesús y xkibꞌiꞌij che: —Lal tijonel, riꞌoj qetaꞌam lik qatzij ri kabꞌiꞌij la. Na kaxiꞌij ta ibꞌ la che taq ri kakibꞌiꞌij ri tikawex, ma rilal junam kiwach kebꞌil la konoje, tobꞌ kꞌo kiwach o na jinta kiwach; yey lik jusukꞌ kakꞌutun la chwi ri bꞌe re ri Dios. Kaqatzꞌonoj kꞌu cheꞌla: ¿Usukꞌ nawi kaqaꞌan tojonik che ri nimalaj taqanel re Roma o na usukꞌ taj? ¿Kaqaya nawi o na kaqaya taj? —xechaꞌ.
24770	MRK 12:28	Ekꞌuchiriꞌ, xqibꞌ rukꞌ ri Jesús jun chike raj kꞌutunel re ri tzijpixabꞌ. Waꞌ waꞌchi xuto echiriꞌ ri Jesús lik xuriq ukꞌulik uwach ri tzꞌonobꞌal ke ri saduceos. Xutzꞌonoj kꞌu che: —Chupa Rutzij Upixabꞌ ri Dios, ¿pachike ri taqanik más chirajawaxik? —xchaꞌ.
24772	MRK 12:30	Kꞌax kꞌu chanaꞌa ra Dios Qajawxel rukꞌ ronoje awanimaꞌ, rukꞌ ronoje akꞌuꞌx, rukꞌ ronoje anaꞌoj y rukꞌ ronoje achuqꞌabꞌ. E ukꞌuꞌxibꞌal waꞌ Rutzij Upixabꞌ ri Dios.
24795	MRK 13:9	»Lik chichajij kꞌu iwibꞌ, ma kixkꞌam bꞌi pa taq qꞌatbꞌal tzij y kajichꞌ ne ipa chupa taq ri sinagogas. Y ruma kꞌu ikojom ri nubꞌiꞌ, kixkꞌam bꞌi chikiwach ri taqanelabꞌ y chikiwach ri reyes, chaꞌ jelaꞌ kiqꞌalajisaj ri Utzilaj Tzij chikiwach.
24796	MRK 13:10	Lik kꞌut chirajawaxik nabꞌe na katzijox ri Utzilaj Tzij chike konoje rukꞌiyal kiwach taq ri tikawex e kꞌo che ruwachulew.
24832	MRK 14:9	Paqatzij wi kambꞌiꞌij chiwe: Pa taq katzijox wi wa Utzilaj Tzij che ronoje ruwachulew, kakuxtax kꞌu wiꞌxoq ruma ri xuꞌano —xchaꞌ.
24921	MRK 15:26	Chwi kꞌu lo rucruz ri Jesús tzꞌibꞌitalik suꞌbꞌe xqꞌat tzij puwiꞌ, jewaꞌ kubꞌiꞌij: «RI REY KE RAJ JUDIꞌABꞌ.»
24923	MRK 15:28	Ekꞌu xuꞌana riꞌ ri tzꞌibꞌital kan chupa Rutzij Upixabꞌ ri Dios: E jun Rire xajilax bꞌi kukꞌ ri winaq itzel kikꞌuꞌx.
24927	MRK 15:32	Laꞌ laꞌchi kabꞌiꞌx “Cristo, Rey ke Raj Israel” che, qaja lo riꞌ utukel chwa ri cruz chaꞌ kaqilo y jelaꞌ kaqakojo e rire ri Uchaꞌoꞌn lo ri Dios —kechaꞌ. Y jenelaꞌ ri kaꞌibꞌ eyaꞌom chwa cruz junam rukꞌ, lik xkichꞌamij Rire.
24934	MRK 15:39	Ekꞌu ri capitán takꞌal chwach ri Jesús, echiriꞌ xuto xsikꞌinik yey xrilo saꞌ rukamik, jewaꞌ xubꞌiꞌij: —¡Paqatzij wi, waꞌ waꞌchi e Ukꞌajol ri Dios! —xchaꞌ.
24957	MRK 16:15	Xubꞌiꞌij kꞌu chike: —Jix che ronoje ruwachulew y chitzijoj ri Utzilaj Tzij chike konoje ri tikawex.
24962	MRK 16:20	E taq kꞌu rutijoꞌn xebꞌel bꞌi che utzijoxik ri Utzilaj Tzij pa taq ronoje luwar. Yey ri Qanimajawal xebꞌutoꞌo, xuya chike kakikꞌut ruchuqꞌabꞌ ri Dios chaꞌ rukꞌ waꞌ kujikibꞌaꞌ uwach ri Utzilaj Tzij. Amén.
24963	LUK 1:1	Ukꞌiyal tikawex kitzꞌibꞌam chi puwi saꞌ taq ri uꞌanom ri Dios chiqaxoꞌl riꞌoj, ri nabꞌe qakojom rubꞌiꞌ ri Jesucristo.
24964	LUK 1:2	Kitzꞌibꞌam kꞌu ri kꞌutum lo chiqe kuma ri raj chak ri Dios, ri xebꞌilow chi utz ri xuꞌan ri Qanimajawal Jesucristo chwi xujeq lo ruchak. Yey e rike ri xkitzijoj ri Utzilaj Tzij puwi Rire.
24968	LUK 1:6	Ri Zacarías y ri Elizabet junam lik e jusukꞌ chwach ri Dios, yey lik kebꞌok il che ronoje Rutzij Upixabꞌ ri Dios Qajawxel y na jinta junoq katzꞌaqaw mak chikij.
24994	LUK 1:32	Rire lik nim uqꞌij y kabꞌiꞌx che e Ukꞌajol ri Jun kataqan chwi ronoje. Ekꞌu ri Dios Qajawxel kuya puqꞌabꞌ kuꞌan rey jelaꞌ pachaꞌ ri rey David, rumam re ojertan.
24997	LUK 1:35	Ri ángel xukꞌul uwach: —E ri Santowilaj Ruxlabꞌixel ri Dios kaqaj lo pawiꞌ y ruchuqꞌabꞌ ri Jun kataqan chwi ronoje, kuchꞌuq awiꞌ pachaꞌ sutzꞌ. E uwariꞌche rakꞌa kalaxik kabꞌiꞌx che e Santowilaj Ukꞌajol ri Dios.
25013	LUK 1:51	Rire e ꞌanayom ukꞌiyal chak rukꞌ ruchuqꞌabꞌ. Usachisam ri kinaꞌoj ri kakiꞌan nim che kibꞌ,
25033	LUK 1:71	Ubꞌiꞌim kojoꞌlukolobꞌej pakiqꞌabꞌ ri tzel kebꞌilow qe y pakiqꞌabꞌ ri kechꞌamin qeꞌoj
25036	LUK 1:74	Ubꞌiꞌtisim kojoꞌlresaj pakiqꞌabꞌ ri tzel kebꞌilow qe chaꞌ jelaꞌ na rukꞌ ta xiꞌin ibꞌ kaqaloqꞌnimaj
25065	LUK 2:23	Xkiꞌan waꞌ ma jewaꞌ tzꞌibꞌital chupa Rutzij Upixabꞌ ri Dios Qajawxel: «Konoje ri raltaq ko alabꞌo kebꞌalax nabꞌe, keyaꞌ puqꞌabꞌ ri Dios Qajawxel» kachaꞌ.
25066	LUK 2:24	Xebꞌek kꞌu riꞌ chaꞌ keꞌkiyaꞌa ri kiqasaꞌn pachaꞌ ri kubꞌiꞌij chupa Rutzij Upixabꞌ ri Dios Qajawxel: «Jukꞌulaj xmukur o jukꞌulaj raltaq ko palomax» kachaꞌ.
25081	LUK 2:39	Echiriꞌ ruchu-uqaw ri Jesús xkikꞌis uꞌanik ronoje ri tzꞌibꞌital chupa Rutzij Upixabꞌ ri Dios, xetzelej tanchi Galilea chupa ri tinamit Nazaret.
25101	LUK 3:7	Ukꞌiyal kꞌu winaq xekꞌun rukꞌ ri Juan chaꞌ kakikꞌul ri bautismo kuya rire. Ekꞌu rire jewaꞌ xubꞌiꞌij chike: —¡Ralaq pachaꞌ alaq jupuq chi kumatz! ¿China xbꞌiꞌn re we utz kesaj ibꞌ alaq chwach ri unimal kꞌaxkꞌobꞌik kutaq lo ri Dios pawiꞌ alaq?
25112	LUK 3:18	Jekꞌulaꞌ, rukꞌ ukꞌiyal pixabꞌanik ri Juan kutzijoj ri Utzilaj Tzij chike ri winaq.
25135	LUK 4:3	Ekꞌuchiriꞌ, ritzel winaq jewaꞌ xubꞌiꞌij che: —We qatzij at Ukꞌajol ri Dios, chat-taqan che chaꞌ waꞌbꞌaj kuꞌan wa —xcha che.
25136	LUK 4:4	Ri Jesús xukꞌul uwach: —Jewaꞌ tzꞌibꞌital kan chupa Rutzij Upixabꞌ ri Dios: Na xew ta ruma ri wa e kꞌas ri tikawex; ma e kꞌaslik ruma taq ronoje rubꞌiꞌim ri Dios —xchaꞌ.
25140	LUK 4:8	Ri Jesús xukꞌul uwach: —Chatela chinuwach Satanás, ma jewaꞌ tzꞌibꞌital kan chupa Rutzij Upixabꞌ ri Dios: Lik chaloqꞌnimaj uqꞌij ri Dios Qajawxel y xew Rire chanimaj uqꞌij —xchaꞌ.
25141	LUK 4:9	Tekꞌuchiriꞌ, ritzel xukꞌam bꞌi ri Jesús chupa ri tinamit Jerusalem kꞌa chikaj che ruwi ri Rocho Dios y jewaꞌ xubꞌiꞌij che: —We qatzij at Ukꞌajol ri Dios, chakꞌaqa bꞌi awibꞌ kꞌa chuꞌlew