23229	MAT 1:16	Y ri ralkꞌoꞌal ri Jacob e ri José, ri rachijil ri María, ruchu ri Jesús. Yey ri Jesús e ri kabꞌiꞌx “Cristo” che.
23238	MAT 1:25	Pero xuchajij na ruchomal ri María ma na xkꞌojiꞌ ta rukꞌ kꞌa echiriꞌ xalax na ri ralko ralabꞌ. Y Jesús rubꞌiꞌ xukojo.
23262	MAT 3:1	Xopon ruqꞌijol echiriꞌ ri Juan Aj Yaꞌl Bautismo katzijon pa taq ri luwar katzꞌintzꞌotik re Judea.
23264	MAT 3:3	Ri qꞌalajisanel Isaías xutzꞌibꞌaj kan puwi waꞌ wa Juan echiriꞌ xubꞌiꞌij: Katataj uqul jun tzijonel kasikꞌin chupa ri luwar katzꞌintzꞌotik, jewaꞌ kubꞌiꞌij: “Yijbꞌaꞌ pana alaq ri bꞌe re ri Qanimajawal; sukꞌupij alaq rubꞌe Rire” xchaꞌ.
23270	MAT 3:9	»Y machꞌobꞌ ne alaq chi ibꞌil ibꞌ alaq waꞌ: “Riꞌoj utz qaꞌanom, ma oj ralkꞌoꞌal kan ri Abraham.” Ma riꞌin kambꞌiꞌij che alaq: We xraj ri Dios, utz kuꞌan ralkꞌoꞌal ri Abraham tobꞌ ne che taq waꞌbꞌaj.
23271	MAT 3:10	Yey jikil chi ne uwach ruqꞌatbꞌal tzij ri Dios pawiꞌ alaq, e pachaꞌ juna achi uyakom chi ri ikaj chwi ri ratzꞌayaq ri cheꞌ; ekꞌu taq ri cheꞌ na kuya ta chomilaj jiqꞌobꞌal, kapoqꞌix bꞌi y kakꞌaq pa aqꞌ.
23275	MAT 3:14	Pero ri Juan na xraj taj kuya ri bautismo che ri Jesús, jekꞌuwaꞌ xubꞌiꞌij che: —Ri lik usukꞌ e rilal ri kayaꞌw la ri bautismo chwe riꞌin. ¿Yey e kami kaꞌaj la riꞌ kanya riꞌin ri bautismo cheꞌla? —xchaꞌ.
23277	MAT 3:16	Tekꞌuchiriꞌ ri Jesús xukꞌul ri bautismo, xel lo pa ri yaꞌ. Y na jampatana kꞌu riꞌ xjaqataj ruwa kaj y xrilo echiriꞌ ri Ruxlabꞌixel ri Dios xqaj lo puwiꞌ pachaꞌ juna palomax.
23298	MAT 4:20	Y na jampatana xkiya kan ri ki atarraya y xeterej bꞌi chirij ri Jesús.
23300	MAT 4:22	Y na jampatana rike xkiya kan ri kibarco y ri kiqaw, y xeterej kꞌu bꞌi chirij ri Jesús.
23316	MAT 5:13	»Wara che ruwachulew riꞌix lik kixajawax chike ri tikawex jelaꞌ pachaꞌ ratzꞌam lik kajawaxik. Yey we xsach rutzayul ratzꞌam, ¿suꞌanik tanchi kaꞌan tza che? Riꞌ na jinta chi kꞌana uchak; keꞌkꞌaq kꞌu bꞌi y kaxajaxoꞌx kan uwiꞌ kuma ri tikawex.
23318	MAT 5:15	Yey na utz tane katzij juna aqꞌ y kachꞌuq uwiꞌ rukꞌ juna mulul re pajbꞌal, ma ri kaꞌan che e kayaꞌiꞌ lo chupa rukꞌolibꞌal chikaj chaꞌ jelaꞌ kutzij kiwiꞌ konoje ri e kꞌo pa ri ja.
23325	MAT 5:22	»Noꞌj riꞌin kambꞌiꞌij chiwe: China ri kape royowal chirij juna ratz-uchaqꞌ, riꞌ kaqꞌat tzij puwiꞌ. China kꞌu ri kukꞌaq bꞌi uqꞌij ri ratz-uchaqꞌ, riꞌ kakꞌam bꞌi chwach ri qꞌatbꞌal tzij re ri tinamit. Yey china ri kubꞌiꞌij che juna ratz-uchaqꞌ: “¡Na jinta kꞌana achak!”, riꞌ katewun puwiꞌ keꞌek pa aqꞌ chi xibꞌalbꞌaꞌ re tijbꞌal kꞌax.
23335	MAT 5:32	»Noꞌj riꞌin kambꞌiꞌij: We rachi kuya bꞌi ruwujil re jachbꞌal ibꞌ che ri rixoqil tobꞌ rixoq na makuninaq ta chirij ri kꞌulanikil, riꞌ e kumin ri rixoqil pa ri mak. Ma we rixoq jachom bꞌi kukꞌam jun chik achi, kamakun kꞌu riꞌ chirij ri kꞌulanikil. Yey e rachi kakꞌuliꞌ rukꞌ rixoq jachom bꞌi, riꞌ jenelaꞌ kamakun chirij ri kꞌulanikil.
23362	MAT 6:11	Yaꞌa ko la waqꞌij ri qawa, ri kajawax chiqe ronoje qꞌij.
23364	MAT 6:13	Y maya ko la luwar chiqe kojtzaq pa mak; e lik chojkolobꞌej la chwach ritzel winaq. Ma paqꞌabꞌ Rilal kꞌo wi ronoje taqanik y chuqꞌabꞌ; y xew che Rilal taqal wi ri yakbꞌal qꞌij na jinta utaqexik. Amén.
23376	MAT 6:25	»E uwariꞌche kambꞌiꞌij chiwe riꞌix: Mubꞌisoj ikꞌuꞌx rikꞌaslem; mubꞌisoj ne ikꞌuꞌx saꞌ riwa y rimiqꞌinaꞌ kitijo o saꞌ riqꞌuꞌ kikojo. ¿Na e ta nebꞌa más kꞌo uwach rikꞌaslem riꞌix chwach ri kitijo? ¿Yey na e ta nebꞌa más kꞌo uwach ri cuerpo chwach riqꞌuꞌ kikojo?
23380	MAT 6:29	Yey riꞌin kambꞌiꞌij chiwe: Ri rey Salomón, tobꞌ lik kꞌo uchomal ruqꞌuꞌ xukojo, waꞌ na xumaj ta kꞌana ruchomalil taq ri kotzꞌiꞌj.
23384	MAT 6:33	»Ri lik chirajawaxik chiwe nabꞌe e lik chixok il che rutaqanik ri Dios y che ri jusukꞌ bꞌinik silabꞌik karaj Rire chiwe. Yey ronoje taq kꞌu ri kajawaxik, xa uwiꞌ chik kayaꞌtaj chiwe.
23389	MAT 7:4	Y we qꞌebꞌel la jun cheꞌ chupa rawach riꞌat, ¿utz nawi kabꞌiꞌij che rawatz-achaqꞌ: “Chayaꞌa luwar chwe kanwesaj la jun ukꞌaj cheꞌ kꞌo chupa rawach”? ¡Na utz taj!
23404	MAT 7:19	Yey ronoje cheꞌ we na chom ta rujiqꞌobꞌalil kuyaꞌo, kachet bꞌi y kaporox pa aqꞌ.
23407	MAT 7:22	Kopon kꞌu ruqꞌijol echiriꞌ ri Dios kuqꞌat tzij pakiwi ri tikawex, yey chupa laꞌ la qꞌij lik e kꞌi ri kakibꞌiꞌij chwe: “Wajawal, Wajawal, riꞌoj xqaꞌan qꞌalajisanik chupa ri bꞌiꞌ la chike ri tikawex. Yey chupa ri bꞌiꞌ la xeqesaj bꞌi ri itzel uxlabꞌixel y pa ri bꞌiꞌ la xqaꞌan ukꞌiyal milagros” kechaꞌ.
23423	MAT 8:9	Ma e pachaꞌ riꞌin, in kꞌo puqꞌabꞌ jun taqanel y rire ebꞌuyaꞌom ukꞌiyal soldados panuqꞌabꞌ. We kambꞌiꞌij kꞌu che junoq “Jat”, keꞌek; o kambꞌiꞌij che junoq chik “Chatpetoq”, kapetik. Yey we kambꞌiꞌij che juna waj chak “Chaꞌana waꞌ”, kuꞌano —xchaꞌ.
23438	MAT 8:24	Tekꞌuchiriꞌ, xpe jun nimalaj kaqjiqꞌ chwi ri mar y xujeqo kanoj ri barco che yaꞌ. Yey ri Jesús kawarik.
23447	MAT 8:33	Ekꞌu ri e chajinel ke ri aq xebꞌanimajik. Y echiriꞌ xebꞌopon pa ri tinamit, xkijeq utzijoxik ronoje ri xkikꞌulumaj ri aq y ri xuꞌan ri Jesús chike ri kebꞌ achijabꞌ echiriꞌ xebꞌeresaj pakiqꞌabꞌ ri itzel uxlabꞌixel.
23457	MAT 9:9	Xel kꞌu bꞌi ri Jesús chiriꞌ y xril jun achi aj tzꞌonol puaq re tojonik, Mateo rubꞌiꞌ, tzꞌul pa ri luwar pa kaꞌan wi ri tojonik che ri gobierno, y xubꞌiꞌij che: —Chat-terej lo chwij —xchaꞌ. Y ri Mateo xyaktajik y xterej bꞌi chirij.
23462	MAT 9:14	Ekꞌuchiriꞌ, rutijoꞌn ri Juan Aj Yaꞌl Bautismo xeqibꞌ rukꞌ ri Jesús y xkitzꞌonoj che: —¿Suꞌchak riꞌoj y ri fariseos lik kaqaꞌan ayuno yey ri tijoꞌn rilal na kakiꞌan taj? —xechaꞌ.
23472	MAT 9:24	Xubꞌiꞌij kꞌu ri Jesús chike: —Chixelubꞌi, ma wa ralko ali na kaminaq taj, xa kawarik —xchaꞌ. Yey xa xkitzeꞌej kꞌu ri xubꞌiꞌij.
23539	MAT 11:11	»Paqatzij wi kambꞌiꞌij che alaq: Na jinta junoq chike ri tikawex ebꞌalaxinaq wara che ruwachulew más kꞌo uwach chwa ri Juan Aj Yaꞌl Bautismo. Pero chwi kꞌu riꞌ waꞌ wa keꞌek, china ri kok chupa rutaqanik ri Dios petinaq chilaꞌ chikaj, tobꞌ na jinta uwach, más nim uqꞌij ralaxik chwa ri Juan.
23540	MAT 11:12	»Rukꞌ ri Juan Aj Yaꞌl Bautismo xjeq lo utzijoxik ri Utzilaj Tzij puwi rutaqanik ri Dios petinaq chilaꞌ chikaj, y waꞌ kꞌa katajin utzijoxik waqꞌij ora, tobꞌ e kꞌo ri kakitij uqꞌij kakiqꞌatej waꞌ. Na rukꞌ ta kꞌu riꞌ, e ri lik kakitij uqꞌij kakitzukuj wa taqanik, kayaꞌtaj chike kebꞌok chupa.
23546	MAT 11:18	»Jekꞌulaꞌ kakiꞌan taq ri winaq, ma echiriꞌ xkꞌun ri Juan Aj Yaꞌl Bautismo, rire lik kuꞌan ayuno y na kutij tane vino. Yey ri winaq kakibꞌiꞌij: “Waꞌ waꞌchi kꞌo puqꞌabꞌ jun itzel uxlabꞌixel” kechaꞌ.
23551	MAT 11:23	»Yey ri ix aj Capernaúm, e chiwach riꞌix lik yakom chi iqꞌij kꞌa chikaj; yey na e ta riꞌ, ma lik kakꞌaq ne bꞌi iqꞌij y kixkꞌaq ne bꞌi kꞌa chi xibꞌalbꞌaꞌ re tijbꞌal kꞌax. Ma we ta pa ri tinamit Sodoma xilitaj wi wa milagros xinꞌan chiwach riꞌix ix aj Capernaúm, riꞌ laꞌ la tinamit kꞌa kꞌo tane woꞌora.
23555	MAT 11:27	Tekꞌuchiriꞌ, xubꞌiꞌij chike ri tikawex: «Ronoje taq ri kꞌolik yaꞌtal lo panuqꞌabꞌ ruma ri Nuqaw. Na jinta kꞌu junoq lik umajom usukꞌ chi utz saꞌ ruwach Rukꞌajol ri Dios, xew ri Qaqaw Dios etaꞌmayom re. Y na jinta ne junoq umajom usukꞌ chi utz saꞌ ruwach ri Qaqaw Dios, xew Rukꞌajol ri Dios etaꞌmayom re; yey puqꞌabꞌ kꞌu riꞌ Rukꞌajol kꞌo wi china chike karaj kuqꞌalajisaj wi waꞌ.
23568	MAT 12:10	Kꞌo kꞌu jun achi chiriꞌ chaqijinaq jun uqꞌabꞌ. Yey e taq ri lik kakitzukuj suꞌanik kakitzꞌaq uchiꞌ ri Jesús, xkitzꞌonoj che: —¿Ubꞌe nawi kakunax juna yewaꞌ chupa ri qꞌij re uxlanibꞌal? —xechaꞌ.
23578	MAT 12:20	Yey Rire na kusach tane uwach ri xa chꞌitil chik. E pachaꞌ junoq na keꞌek ta che uqꞌepik juna suꞌ kotokik y na kuyubꞌij tane juna mecha xa kabꞌutzutz chik; ma kukꞌut ri rutzil ukꞌuꞌx chike taq ri paxinaq kikꞌuꞌx y ri na jinta chi kichuqꞌabꞌ. Jekꞌuriꞌlaꞌ kuꞌano kopon na ri qꞌij echiriꞌ na jinta chi junoq kachꞌijow uchuqꞌabꞌ ri lik usukꞌ kanꞌan Riꞌin.
23583	MAT 12:25	Ri Jesús retaꞌam saꞌ ri kakichꞌobꞌo; ruma kꞌu riꞌ, xubꞌiꞌij chike: «We ri taqanelabꞌ re juna tinamit kijachom kipa ruma kechꞌoꞌjin chikiwach, riꞌ na kanajtir ta ri kitaqanik. Yey we ri ejeqelel pa juna tinamit o pa juna ja kijachom kipa ruma kechꞌoꞌjin chikiwach, riꞌ na ketikiꞌ ta chi utz.
23588	MAT 12:30	»China kꞌu ri na uꞌanom ta re wukꞌ riꞌin, riꞌ aj chꞌaꞌoj chwij. Yey china ri na katoꞌbꞌ ta wukꞌ riꞌin che kikꞌamik lo jujun chik, riꞌ e kuwulij wa chak kanꞌano.
23593	MAT 12:35	Jekꞌulaꞌ e junoq utz ukꞌuꞌx, echiriꞌ kachꞌaꞌtik, e karesaj lo ri chom ukꞌolom chupa ri ranimaꞌ. Yey e junoq itzel ukꞌuꞌx, echiriꞌ kachꞌaꞌtik, e karesaj lo ri na chom taj ukꞌolom chupa ri ranimaꞌ.
23601	MAT 12:43	»Echiriꞌ juna itzelilaj uxlabꞌixel kel bꞌi che juna tikawex, ri kuꞌano e kasutin pa taq luwar katzꞌintzꞌotik, kutzukuj pa kajeqiꞌ wi. Yey we na kuriq taj,
23610	MAT 13:2	Y ukꞌiyal winaq kꞌut xemolotaj chiriꞌ pa kꞌo wi Rire. Ruma laꞌ, ri Jesús xok chupa jun barco, xtzꞌuyiꞌ chupa y konoje ri winaq xekanaj kan chuchiꞌ ri mar.
23611	MAT 13:3	Yey Rire xujeq uyaꞌik ukꞌiyal kꞌutunik chikiwach rukꞌ taq kꞌambꞌal naꞌoj, jewaꞌ xubꞌiꞌij chike: «Jun awanel xel bꞌi chaꞌ keꞌawanoq.
23636	MAT 13:28	»Yey ri rajaw ri tikoꞌn xubꞌiꞌij chike: “Kꞌo junoq laꞌ tzel kinrilo xoluꞌtika chupa.” Xkibꞌiꞌij kꞌu ri raj chakibꞌ che: “We kaꞌaj la, keꞌqamichꞌa ronoje raqꞌes chupa.”
23666	MAT 13:58	Y ri Jesús na xuꞌan ta ukꞌiyal milagros chiriꞌ ruma na xkikoj taj china Rire.
23668	MAT 14:2	Ri Herodes xubꞌiꞌij kꞌu chike ri raj chakibꞌ: «Laꞌ e Juan Aj Yaꞌl Bautismo xkꞌastaj lo chikixoꞌl ri ekaminaq; e uwariꞌche kꞌo uchuqꞌabꞌ che uꞌanik wa milagros» xchaꞌ.
23674	MAT 14:8	Ekꞌu rali nabꞌe na xuꞌtzꞌonoj che ruchu y waꞌ xuya lo itzel naꞌoj che. Xubꞌiꞌij kꞌu rali che ri Herodes: «Yaꞌa la rujolom ri Juan Aj Yaꞌl Bautismo chwe pa juna plato» xchaꞌ.
23679	MAT 14:13	Echiriꞌ ri Jesús xretaꞌmaj puwi rukamik ri Juan, xok bꞌi pa jun barco re keꞌek pa jun luwar katzꞌintzꞌotik pa na e jinta wi winaq. Yey ri winaq echiriꞌ xketaꞌmaj, xebꞌel lo pa taq ri tinamit y chaqan xebꞌek chaꞌ koꞌlkiriqa ri Jesús.
23708	MAT 15:6	Yey chiwach ralaq, china ri kabꞌiꞌn re waꞌ, na chirajawaxik ta chi che kebꞌutoꞌ ruchu-uqaw. Jekꞌulaꞌ ꞌanom alaq che Rutzij Upixabꞌ ri Dios pachaꞌ na jinta uchak, ma e taqem alaq ri xa noꞌjibꞌal alaq.
23716	MAT 15:14	Mixok il chike, ma rike pachaꞌ e potzꞌ e kꞌamal kiwach kach e potzꞌ. Yey we juna potzꞌ kukꞌam uwach juna chik potzꞌ, kikabꞌichal kꞌu riꞌ kebꞌeꞌtzaq bꞌi pa siwan —xchaꞌ.
23732	MAT 15:30	Ukꞌiyal kꞌu winaq xebꞌopon chilaꞌ pa kꞌo wi Rire. Yey xekikꞌam lo ri e sik, ri e potzꞌ, ri e meꞌt, ri e tꞌum kaqan kiqꞌabꞌ y ukꞌiyal yewaꞌibꞌ chik. Xekiya kꞌu chwach ri Jesús, y Rire xebꞌukunaj konoje.
23733	MAT 15:31	Ekꞌu ri winaq lik xkam kanimaꞌ che echiriꞌ xkilo xechꞌaw ri e meꞌt, ri e tꞌum kaqan kiqꞌabꞌ kekunutajik, ri e sik kebꞌinik, ri e potzꞌ ketzuꞌnik. Y xkijeq kꞌu kakiyak uqꞌij ri Dios re Israel.
23751	MAT 16:10	¿Yey na kakꞌun ta nebꞌa chikꞌuꞌx echiriꞌ xebꞌenutzuq kajibꞌ mil chi achijabꞌ rukꞌ wuqubꞌ pam y janipa lo chakach xinojisaj rukꞌ ri kiqax?
23755	MAT 16:14	Rutijoꞌn xkibꞌiꞌij che: —Kꞌo kebꞌiꞌn re e Juan Aj Yaꞌl Bautismo; jujun chik kakibꞌiꞌij e Elías; y jujun chik, e Jeremías o junoq chik chike ri qꞌalajisanelabꞌ re ojertan —xechaꞌ.
23756	MAT 16:15	Ekꞌuchiriꞌ, xubꞌiꞌij chike rutijoꞌn: —Yey chiwach riꞌix, ¿in china riꞌin? —xchaꞌ.
23759	MAT 16:18	Riꞌin kambꞌiꞌij kꞌu chawe: Riꞌat at Pedro. Y chwi kꞌu waꞌ waꞌbꞌaj kantik wubꞌi ri nu iglesia, yey ruchuqꞌabꞌ ri kamik na kuchꞌij tane kꞌana usachik uwach ri nu iglesia.
23760	MAT 16:19	Y riꞌin kanya paqꞌabꞌ riꞌat ri lawe re rutaqanik ri Dios petinaq chilaꞌ chikaj. Ekꞌu janipa ri kaxim wara che ruwachulew, kaximitaj chilaꞌ chikaj; yey janipa ri kakir wara che ruwachulew, kakiritaj chilaꞌ chikaj —xchaꞌ.
23774	MAT 17:5	Kꞌa kachꞌaꞌt ne ri Pedro echiriꞌ jun sutzꞌ lik kawonik xuchꞌuq kiwiꞌ. Y chupa kꞌu ri sutzꞌ xkita ruqul ri Dios, jewaꞌ xubꞌiꞌij: «E Nukꞌajol waꞌ ri lik kꞌax kannaꞌo y lik kinkiꞌkot che. E chita utzij Rire» xchaꞌ.
23782	MAT 17:13	Ekꞌu rutijoꞌn xketaꞌmaj e kachꞌaꞌt puwi ri Juan Aj Yaꞌl Bautismo.
23787	MAT 17:18	Ekꞌuchiriꞌ, ri Jesús xutaq ri itzel uxlabꞌixel chaꞌ kel bꞌi che rala. Y chwi kꞌu riꞌ asu xkunutaj rala.
23801	MAT 18:5	Yey china ri kukꞌul chupa ri nubꞌiꞌ junoq na jinta uwach pachaꞌ wa ralko kꞌoꞌm, e junam rukꞌ e in ri kinukꞌulu.
23805	MAT 18:9	Yey we rawach e katzaqisan awe pa mak, chawesaj bꞌi y chakꞌaqa bꞌi. Ma xa ne kuya tobꞌ xa jun rawach katopon pa ri kꞌaslemal chilaꞌ chikaj, chwa ri kꞌo ukabꞌichal rawach yey katkꞌaq bꞌi pa aqꞌ chi xibꞌalbꞌaꞌ re tijbꞌal kꞌax.
23813	MAT 18:17	We na xebꞌuta ta kꞌu wa kebꞌ oxibꞌ, ekꞌuchiriꞌ chatzijoj chikiwach rutinamit ri Dios. Yey we na xok ta kꞌu il chike waꞌ, chiꞌana kꞌu riꞌ che pachaꞌ e kukꞌil ri na ketaꞌam ta uwach ri Dios y e kukꞌil raj tzꞌonol puaq re tojonik.
23836	MAT 19:5	Y kubꞌiꞌij: Ruma kꞌu riꞌ, rachi echiriꞌ kakꞌuliꞌik, karesaj ribꞌ chikij ruchu-uqaw chaꞌ kajeqiꞌ rukꞌ ri rixoqil y kikabꞌichal kꞌu riꞌ kebꞌuꞌana xa e jun chwach ri Dios.
23840	MAT 19:9	Kambꞌiꞌij kꞌu riꞌin che alaq: China junoq kuya ruwujil re jachbꞌal ibꞌ che ri rixoqil tobꞌ ri rixoqil na makuninaq ta chirij ri kꞌulanikil, yey kakꞌuliꞌ tanchi rukꞌ juna chik ixoq, riꞌ kamakun chirij ri kꞌulanikil. Y china ri kakꞌuliꞌ rukꞌ rixoq jachom kanoq, riꞌ jenelaꞌ kamakun chirij ri kꞌulanikil —xchaꞌ.
23843	MAT 19:12	E kꞌo achijabꞌ na kekꞌuliꞌ taj ma kalaxibꞌem pachaꞌ e eunucos. E kꞌo jujun chik na kekꞌuliꞌ taj ma ꞌanom eunucos chike. Yey e kꞌo ri na kekꞌuliꞌ taj ma kiyaꞌom kibꞌ che ri chak re rutaqanik ri Dios petinaq chilaꞌ chikaj. China ri kachꞌijow uꞌanik waꞌ, chuchꞌija kꞌu riꞌ —xchaꞌ.
23844	MAT 19:13	E kꞌo jujun raltaq ko akꞌalabꞌ xekꞌam lo chwach ri Jesús chaꞌ kuya ruqꞌabꞌ pakiwiꞌ y jelaꞌ kutzꞌonoj che ri Dios kebꞌuchajij. Yey rutijoꞌn xekiyaj ri ekꞌamayom lo ke.
23848	MAT 19:17	Ri Jesús xukꞌul uwach: —¿Suꞌbꞌe kabꞌiꞌij la “utz” chwe? Ma xa jun ri lik utz kꞌolik, waꞌ e ri Dios. Yey we kaꞌaj la kok la pa ri kꞌaslemal na jinta utaqexik rukꞌ Rire, e taqej la Rutzij Upixabꞌ —xchaꞌ.
23860	MAT 19:29	Yey china kꞌu ri uyaꞌom kan rocho, ebꞌuyaꞌom kan ri ratz-uchaqꞌ, ruchu-uqaw, ri rixoqil, ri ralkꞌoꞌal o ri rulew ruma ukojom ri nubꞌiꞌ, riꞌ kukꞌul na jun ciento chik chwa ronoje laꞌ yey kukꞌul kꞌu ri kꞌaslemal na jinta utaqexik.
23866	MAT 20:5	»Pa tikꞌil qꞌij kꞌu riꞌ, ri rajaw ri chak xel tanchi ubꞌi che kitzuquxik más aj chak. Yey je tanchi laꞌ xuꞌan che ri urox ora bꞌenaq qꞌij.
23870	MAT 20:9	»Ekꞌuchiriꞌ, xekꞌun raj chak ri xebꞌok bꞌenaq qꞌij che ri uroꞌ ora. Y chikijujunal kꞌu riꞌ xkikꞌul jun denario.
23875	MAT 20:14	Chakꞌama kꞌu rawajil riꞌat y jat. Yey we riꞌin kuaj kanya che ri xok kꞌunaj pa chak, junam rukꞌ ri xinya chawe riꞌat,
23888	MAT 20:27	Yey e junoq chiwe karaj kuꞌana nabꞌe chixoꞌlibꞌal, e chuyaꞌa ribꞌ kuꞌan nimanel ke konoje
23914	MAT 21:19	Xril kꞌu jun cheꞌ re higo kꞌo chuchiꞌ ri bꞌe. Xeꞌrilaꞌ kꞌut yey na xuriq ta tobꞌ xa juna uwach ri cheꞌ, xew ruxaq kꞌolik. Ekꞌuchiriꞌ, xubꞌiꞌij ri Jesús che ri cheꞌ: —¡Na jinta chi kꞌana ajiqꞌobꞌalil kayaꞌo! —xchaꞌ. Y na jampatana xchaqij ri cheꞌ.
23921	MAT 21:26	Yey kaqaxiꞌij qibꞌ kaqabꞌiꞌij: “Xa achijabꞌ xetaqaw re” ma konoje ri tinamit kakichꞌobꞌo ri Juan e jun qꞌalajisanel re ri Dios» xecha chikiwach.
23923	MAT 21:28	»Yey chiwach ralaq ¿saꞌ keꞌelawi waꞌ? Kꞌo jun achi e kꞌo kaꞌibꞌ ukꞌajol y xubꞌiꞌij che jun chike: “Nukꞌajol, jat waqꞌij pa chak, ma kanꞌan numolonik re uva.”
23925	MAT 21:30	Tekꞌuchiriꞌ, rachi xqibꞌ rukꞌ ri jun chik ukꞌajol y xubꞌiꞌij che pachaꞌ ri xubꞌiꞌij che ri ratzixel. »Ekꞌu rala xukꞌul uwach: “Utz riꞌ, tat, kinꞌek pa ri chak” xchaꞌ. Yey na xeꞌek ta kꞌu riꞌ.»
23927	MAT 21:32	Ma ri Juan Aj Yaꞌl Bautismo xkꞌun chiwach ralaq, xoluꞌkꞌutuꞌ suꞌanik kajeqiꞌ alaq chi jusukꞌ che ruwachulew, yey ralaq na xkoj ta alaq. Noꞌj kꞌu raj tzꞌonol puaq re tojonik y rixoqibꞌ na chom ta ri kibꞌinik kisilabꞌik, rike xkikojo. Ekꞌu ralaq, tobꞌ xil alaq waꞌ, na xjalkꞌatij ta ri naꞌoj alaq chaꞌ kakoj alaq rutzij.
23947	MAT 22:6	Yey jujun chik xekichap ri raj chakibꞌ ri rey, lik xkiꞌan kꞌax chike y jelaꞌ xekikamisaj.
23957	MAT 22:16	Xekitaq kꞌu bꞌi ri kitijoꞌn rike junam kukꞌ jujun chike ri kitaqem ri rey Herodes. Ekꞌu rike xkibꞌiꞌij che ri Jesús: —Lal tijonel, riꞌoj qetaꞌam lik qatzij ri kabꞌiꞌij la y lik jusukꞌ kakꞌutun la chwi ri bꞌe re ri Dios. Yey na kaxiꞌij tane ibꞌ la che taq ri kakibꞌiꞌij ri tikawex; ma rilal junam kiwach kebꞌil la konoje, tobꞌ kꞌo kiwach o na jinta kiwach.
23962	MAT 22:21	Rike xkikꞌul uwach: —Re ri nimalaj taqanel re Roma —xechaꞌ. Xubꞌiꞌij kꞌu ri Jesús chike: —Yaꞌa alaq che ri nimalaj taqanel re Roma janipa ri taqal che rire, yey yaꞌa kꞌu alaq che ri Dios janipa ri taqal che ri Dios —xchaꞌ.
23967	MAT 22:26	Jelaꞌ kꞌu riꞌ rukaꞌm xkamik y na e jinta kan ralkꞌoꞌal rukꞌ rixoq. Yey je tanchi laꞌ xukꞌulumaj rurox, rukaj y chikijujunal ri wuqubꞌ achijabꞌ.
23972	MAT 22:31	Yey puwi ri kꞌastajibꞌal ke ri ekaminaq, ¿na ajilam ta nebꞌa alaq rubꞌiꞌim ri Dios echiriꞌ xubꞌiꞌij:
23973	MAT 22:32	“In ri Dios re ri Abraham, re ri Isaac y re ri Jacob”? Yey ri Dios na e ta Dios ke ri ekaminaq, ma e Dios ke ri e kꞌaslik —xchaꞌ.
23980	MAT 22:39	Yey rukaꞌm jewaꞌ kubꞌiꞌij: “Kꞌax chanaꞌa rawatz-achaqꞌ jelaꞌ pachaꞌ ri kꞌax kanaꞌ awibꞌ riꞌat.”
23987	MAT 22:46	Y na jinta junoq xriqow ukꞌulik uwach. Chwi kꞌu riꞌ laꞌ la jun qꞌij, konoje kakixiꞌij kibꞌ kakiꞌan tzꞌonobꞌal che.
23994	MAT 23:7	Yey lik kukꞌul kikꞌuꞌx kayaꞌ rutzil kiwach pa kebꞌilitaj wi y kabꞌiꞌx chike: “¡Lal tijonel!”
23995	MAT 23:8	»Ekꞌu riꞌix miwoyꞌej kabꞌiꞌx “¡Lal tijonel!” chiwe, ma xa jun ri tijonel iwe, waꞌ e ri Cristo. Yey ruma Rire xixuꞌan iwatz-ichaqꞌ iwibꞌ.
24001	MAT 23:14	»¡Lik toqꞌoꞌ wach ralaq alaq aj kꞌutunel re ri tzijpixabꞌ y alaq fariseos! ¡Xa kebꞌ palaj alaq! Ma kamaj alaq ri kocho rixoqibꞌ e malkaꞌnibꞌ. Yey chaꞌ na kaqꞌalajin ta ri na utz taj kaꞌan alaq, e kawererej alaq unimal chꞌabꞌal echiriꞌ kaꞌan alaq orar. Ruma kꞌu wa kaꞌan alaq, lik unimal kꞌaxkꞌolil kakꞌul na alaq echiriꞌ kaqꞌat tzij pawiꞌ alaq ruma ri Dios.
24002	MAT 23:15	»¡Lik toqꞌoꞌ wach ralaq alaq aj kꞌutunel re ri tzijpixabꞌ y alaq fariseos! ¡Xa kebꞌ palaj alaq! Ralaq kaqꞌaxuj alaq uwi taq mar y kabꞌinibꞌej alaq taq ri luwar che ruwachulew chaꞌ juna tikawex kuꞌan tijoꞌn alaq. Yey echiriꞌ uꞌanom chi tijoꞌn alaq, kaꞌan alaq che ri tikawex kalaj más itzel uwachlibꞌal chiwach ralaq.
24017	MAT 23:30	Yey kabꞌiꞌij kꞌu alaq: “We ta oj kꞌo chi riꞌoj echiriꞌ xekꞌasiꞌ ri qatiꞌ-qamam ojertan, na kaqaꞌan ta qeꞌoj riꞌ kukꞌ ri xekamisan ri qꞌalajisanelabꞌ” kacha alaq. Pero ¡na e ta kꞌana uꞌanom!
24029	MAT 24:3	Tekꞌuchiriꞌ, xebꞌopon chwa ri juyubꞌ Olivos. Yey echiriꞌ xtzꞌuyiꞌ ri Jesús, xeqibꞌ rutijoꞌn rukꞌ, y ekꞌu laꞌ xa kitukel xkijeq kakitzꞌonoj che: —Bꞌiꞌij ko la chiqe, ¿jampa nawi kuꞌana taq riꞌ waꞌ? ¿Yey saꞌ ri kꞌutubꞌal re ri kꞌunibꞌal la y re ri kꞌisbꞌal re ruwachulew? —xechaꞌ.
24031	MAT 24:5	Ma lik e kꞌi ri tikawex kekꞌunik y xa kakichiqꞌimaj uwach ri nubꞌiꞌ, jewaꞌ kakibꞌiꞌij: “In ri Cristo, Ruchaꞌoꞌn lo ri Dios” kechaꞌ. Y lik e kꞌi ri kesokotaj kuma rike.
24040	MAT 24:14	»Yey wa Utzilaj Tzij re rutaqanik ri Dios katzijox na chike rukꞌiyal kiwach taq ri tikawex e kꞌo che ruwachulew chaꞌ konoje kaketaꞌmaj kꞌu riꞌ waꞌ; tekꞌuchiriꞌ, kakꞌun lo ri kꞌisbꞌal re ruwachulew.
24044	MAT 24:18	Yey china ri kꞌo lo pa juyubꞌ, matzelej ne lo che ukꞌamik bꞌi ruqꞌuꞌ re pisbꞌal rij.
24117	MAT 25:40	»Y ri rey kukꞌul uwach chike: “Paqatzij wi kambꞌiꞌij chiwe: Ronoje kꞌu ri xiꞌan chike wa watz-nuchaqꞌ na jinta ko kiwach, chwe riꞌin xiꞌan wi” kachaꞌ.
24135	MAT 26:12	Yey wa xuꞌan wiꞌxoq echiriꞌ xuqꞌej wa kunabꞌal panuwiꞌ, waꞌ re uyijbꞌaxik pan ri nucuerpo re ri muqubꞌal we.
24152	MAT 26:29	Y kambꞌiꞌij kꞌu chiwe: Chwi woꞌora na kantij ta chi ruwaꞌal uva kꞌate kiꞌntija tanchi junam iwukꞌ chupa ruqꞌijol rutaqanik ri Nuqaw —xchaꞌ.
24157	MAT 26:34	Yey ri Jesús xukꞌul uwach: —Paqatzij wi kambꞌiꞌij chawe: Wa jun aqꞌabꞌ echiriꞌ kꞌamajaꞌ ne kabꞌixon ri teren, riꞌat oxlaj chik abꞌiꞌim na awetaꞌam ta nuwach —xchaꞌ.