23233	MAT 1:20	Ekꞌuchiriꞌ kuchꞌobꞌ raqan puwi waꞌ, xaqikꞌateꞌt jun ángel re ri Dios xukꞌut ribꞌ pa uwachikꞌ y xubꞌiꞌij che: «José, at ralkꞌoꞌal kan ri David, maxiꞌij awibꞌ che kakꞌam ri María re kuꞌan awixoqil, ma rumatzem rire, ukꞌulum ruma ri Santowilaj Ruxlabꞌixel ri Dios.
23237	MAT 1:24	Ekꞌuchiriꞌ xkꞌun saq chwach ri José, e xuꞌan ri xtaq che ruma ri ángel re ri Dios; xukꞌam kꞌu ri María re rixoqil.
23251	MAT 2:13	Echiriꞌ rachijabꞌ e aj naꞌoj ebꞌelinaq chubꞌi rukꞌ ri Jesús, xukꞌut ribꞌ jun ángel re ri Dios pa uwachikꞌ ri José y xubꞌiꞌij che: «Chatyaktajoq, chebꞌakꞌama bꞌi rakꞌa y ruchu. Chixanimaj bꞌi kꞌa Egipto y chixkanaja chilaꞌ kꞌate kambꞌiꞌij chiwe jampa kixpetik, ma ri Herodes kutaq utzukuxik rakꞌa chaꞌ kakamisaxik» xchaꞌ.
23252	MAT 2:14	Xyaktaj kꞌu bꞌi ri José chaqꞌabꞌ, xebꞌukꞌam bꞌi rakꞌa y ruchu, y xebꞌek Egipto.
23253	MAT 2:15	Chilaꞌ kꞌut xekꞌojiꞌ wi kꞌa che rukamik ri Herodes. Xuꞌan kꞌu waꞌ chaꞌ e kuꞌana rubꞌiꞌim lo ri Dios ruma ri qꞌalajisanel echiriꞌ jewaꞌ xubꞌiꞌij: «Kꞌa chilaꞌ Egipto xinsikꞌij wi lo ri Nukꞌajol» xchaꞌ.
23257	MAT 2:19	Tekꞌuchiriꞌ kaminaq chi ri Herodes, jun ángel re ri Dios xukꞌut ribꞌ pa uwachikꞌ ri José chilaꞌ Egipto y xubꞌiꞌij che:
23273	MAT 3:12	Ekꞌu Rire koluꞌqꞌata tzij pakiwi ri tikawex chaꞌ jelaꞌ kuya ri tojbꞌal taqal chike chikijujunal. E pachaꞌ juna achi rukꞌaꞌam chi ri puꞌbꞌal uwach ri trigo puqꞌabꞌ chaꞌ naꞌl kujosqꞌij waꞌ y karesaj rupukꞌ chupa. Tekꞌuchiriꞌ, kujok ri trigo y kukꞌol chupa rukꞌolibꞌal. Ekꞌu rupukꞌ kuporoj pa ri jun aqꞌ na jinta utaqexik katenowik» xcha ri Juan.
23284	MAT 4:6	Xubꞌiꞌij kꞌu che: —We qatzij at Ukꞌajol ri Dios, chakꞌaqa bꞌi awibꞌ kꞌa chuꞌlew y na jinta kꞌo kakꞌulumaj, ma jewaꞌ tzꞌibꞌital kan chupa Rutzij Upixabꞌ ri Dios: Ri Dios kebꞌutaq lo ru ángeles awukꞌ chaꞌ katkichajij. Katkichap kꞌu rukꞌ ri kiqꞌabꞌ chaꞌ na kaꞌchiqa ta rawaqan che juna abꞌaj —xchaꞌ.
23289	MAT 4:11	Ekꞌu ritzel winaq xuya kan ri Jesús y xel bꞌi chiriꞌ. Xekꞌun kꞌu lo jujun ángeles y xkijeqo kakinimaj ri Jesús.
23301	MAT 4:23	Ri Jesús xikꞌow che ronoje tinamit re Galilea. Kakꞌutun pa taq sinagogas chujujunal tinamit, kutzijoj ri Utzilaj Tzij re rutaqanik ri Dios y kukunaj ronoje uwach yabꞌil kꞌo chike ri winaq.
23353	MAT 6:2	E uwariꞌche, echiriꞌ kiya limoxna che juna nibꞌaꞌ, mitzijoj chike ri tikawex, pachaꞌ ri kakiꞌan ri xa kebꞌ kipalaj pa taq sinagogas y pa taq bꞌe. Ma rike jelaꞌ kakiꞌano xew chaꞌ kayak kiqꞌij. Noꞌj riꞌin paqatzij wi kambꞌiꞌij chiwe: Rukꞌ kꞌu wa yakbꞌal kiqꞌij, ya e laꞌ xkikꞌul ri rajil ukꞌaxel ri xkiꞌano.
23356	MAT 6:5	»Echiriꞌ kixchꞌaꞌt rukꞌ ri Dios, miꞌan iweꞌix pachaꞌ ri kakiꞌan ri xa kebꞌ kipalaj. Ma rike lik kukꞌul kikꞌuꞌx ri kakibꞌololej oración e laꞌ e takꞌal pa taq sinagogas y pa taq jachbꞌal bꞌe chaꞌ jelaꞌ kebꞌilitaj kuma ri tikawex. Noꞌj riꞌin paqatzij wi kambꞌiꞌij chiwe: Rukꞌ kꞌu wa yakbꞌal kiqꞌij, ya e laꞌ xkikꞌul ri rajil ukꞌaxel ri xkiꞌano.
23401	MAT 7:16	Ekꞌu riꞌix kiwetaꞌmaj saꞌ ri kꞌo pa kanimaꞌ ri tikawex ruma ri kakiꞌano, we utz o na utz taj. »E pachaꞌ taq ri cheꞌ: ri kꞌiix, na uva ta rujiqꞌobꞌalil kuyaꞌo; yey ri xulukej, na higos ta rujiqꞌobꞌalil kuyaꞌo.
23407	MAT 7:22	Kopon kꞌu ruqꞌijol echiriꞌ ri Dios kuqꞌat tzij pakiwi ri tikawex, yey chupa laꞌ la qꞌij lik e kꞌi ri kakibꞌiꞌij chwe: “Wajawal, Wajawal, riꞌoj xqaꞌan qꞌalajisanik chupa ri bꞌiꞌ la chike ri tikawex. Yey chupa ri bꞌiꞌ la xeqesaj bꞌi ri itzel uxlabꞌixel y pa ri bꞌiꞌ la xqaꞌan ukꞌiyal milagros” kechaꞌ.
23457	MAT 9:9	Xel kꞌu bꞌi ri Jesús chiriꞌ y xril jun achi aj tzꞌonol puaq re tojonik, Mateo rubꞌiꞌ, tzꞌul pa ri luwar pa kaꞌan wi ri tojonik che ri gobierno, y xubꞌiꞌij che: —Chat-terej lo chwij —xchaꞌ. Y ri Mateo xyaktajik y xterej bꞌi chirij.
23483	MAT 9:35	Echiriꞌ ri Jesús xikꞌow pa taq ronoje tinamit y aldeas, kakꞌutun chupa taq ri sinagogas chujujunal luwar, kutzijoj ri Utzilaj Tzij re rutaqanik ri Dios y kukunaj ronoje yabꞌil y kꞌaxkꞌobꞌik.
23503	MAT 10:17	»Lik chichajij kꞌu iwibꞌ chikiwach ri winaq, ma kixkikꞌam bꞌi pa taq qꞌatbꞌal tzij y kakijichꞌ ipa pa taq sinagogas.
23548	MAT 11:20	Ekꞌuchiriꞌ, ri Jesús lik xebꞌuyaj ri winaq re taq ri tinamit pa uꞌanom wi ukꞌiyal milagros, ma rike na xkitzelej ta kitzij chwach ri Dios. Jekꞌuwaꞌ xubꞌiꞌij:
23551	MAT 11:23	»Yey ri ix aj Capernaúm, e chiwach riꞌix lik yakom chi iqꞌij kꞌa chikaj; yey na e ta riꞌ, ma lik kakꞌaq ne bꞌi iqꞌij y kixkꞌaq ne bꞌi kꞌa chi xibꞌalbꞌaꞌ re tijbꞌal kꞌax. Ma we ta pa ri tinamit Sodoma xilitaj wi wa milagros xinꞌan chiwach riꞌix ix aj Capernaúm, riꞌ laꞌ la tinamit kꞌa kꞌo tane woꞌora.
23559	MAT 12:1	Chupa taq kꞌu riꞌ laꞌ la qꞌij pa jun qꞌij re uxlanibꞌal, ri Jesús kukꞌ rutijoꞌn e riꞌ kebꞌikꞌow pa taq tikoꞌn re trigo. Ekꞌu rutijoꞌn, ruma lik kenumik, xkijeq kakichꞌupilaꞌ bꞌi ri trigo; tekꞌuchiriꞌ, kakiqil rukꞌ ri kiqꞌabꞌ y kakitijo.
23567	MAT 12:9	Echiriꞌ xel ri Jesús chiriꞌ, xok chupa ri sinagoga re ri tinamit.
23632	MAT 13:24	Ri Jesús xutzijoj tanchi jun kꞌambꞌal naꞌoj chike: «Ri kuꞌana pa rutaqanik ri Dios petinaq chilaꞌ chikaj e jelaꞌ pachaꞌ ri xuꞌano echiriꞌ jun achi xutik chomilaj ijaꞌ trigo chwa ri rulew.
23633	MAT 13:25	Ekꞌuchiriꞌ kewar konoje ri tikawex, xopon jun achi tzel karil ri rajaw rulew; xeꞌlaqꞌay kꞌu riꞌ xutik kan raqꞌes cizaña chuxoꞌl ri trigo y xeꞌek kꞌut.
23634	MAT 13:26	Xel kꞌu lo ri trigo y echiriꞌ xpoqꞌik, xqꞌalajin raqꞌes kꞌo chupa.
23637	MAT 13:29	»Ekꞌu ri rajaw ri tikoꞌn xubꞌiꞌij chike: “Na kiꞌmichꞌa taj; ma we ximichꞌ raqꞌes, kꞌaxtaj kimichꞌ ri trigo rukꞌ.
23638	MAT 13:30	Chiyaꞌa luwar chekꞌiy na junam, kopon na ruqꞌijol ri molonik. Ma kꞌa e chiriꞌ kebꞌenutaq ri waj chak chaꞌ kakimol na raqꞌes nabꞌe, kakiꞌan chiyataꞌj y kakixim upa re kaporoxik. Tekꞌuchiriꞌ, kakimol ri trigo y keꞌkiyaꞌa pa kakꞌoliꞌ wi ri trigo weꞌin”» xchaꞌ.
23647	MAT 13:39	Ri jun itzel ukꞌuꞌx xutik raqꞌes e ritzel winaq. Ri molonik e ri kꞌisbꞌal re ruwachulew, yey ri keꞌanaw re ri molonik e ri ángeles.
23649	MAT 13:41	Ralaxel Chikixoꞌl Tikawex kebꞌutaq bꞌi ru ángeles chaꞌ kekimolo y kekesaj chupa rutaqanik konoje ri ekiminom jujun chik pa mak y ri kakiꞌan ri na utz taj.
23657	MAT 13:49	»Jekꞌulaꞌ kuꞌana che ri kꞌisbꞌal re ruwachulew. Kebꞌel bꞌi ri ángeles y kekesaj kꞌu ri tikawex itzel kikꞌuꞌx chikixoꞌl ri e jusukꞌ chwach ri Dios.
23662	MAT 13:54	Echiriꞌ xopon pa rutinamit, xujeq kakꞌutun chiriꞌ pa ri sinagoga. Ekꞌu ri winaq lik xkam kanimaꞌ che y xkibꞌiꞌij: —¿Pa xuꞌmaja wi waꞌchi luꞌnaꞌoj? ¿Suꞌanik kuꞌan taq wa milagros?
23666	MAT 13:58	Y ri Jesús na xuꞌan ta ukꞌiyal milagros chiriꞌ ruma na xkikoj taj china Rire.
23668	MAT 14:2	Ri Herodes xubꞌiꞌij kꞌu chike ri raj chakibꞌ: «Laꞌ e Juan Aj Yaꞌl Bautismo xkꞌastaj lo chikixoꞌl ri ekaminaq; e uwariꞌche kꞌo uchuqꞌabꞌ che uꞌanik wa milagros» xchaꞌ.
23741	MAT 15:39	Ekꞌuchiriꞌ, ri Jesús xebꞌuchꞌaꞌbꞌej kan ri winaq; xok bꞌi pa jun barco y xeꞌek pa taq ri luwar re Magdala.
23759	MAT 16:18	Riꞌin kambꞌiꞌij kꞌu chawe: Riꞌat at Pedro. Y chwi kꞌu waꞌ waꞌbꞌaj kantik wubꞌi ri nu iglesia, yey ruchuqꞌabꞌ ri kamik na kuchꞌij tane kꞌana usachik uwach ri nu iglesia.
23768	MAT 16:27	»Ma Ralaxel Chikixoꞌl Tikawex kakꞌun rukꞌ runimal yakbꞌal uqꞌij Ruqaw y kukꞌ taq ru ángeles. Ekꞌuchiriꞌ kuya chike chikijujunal ri tikawex, ri rajil ukꞌaxel e chirij taq ri kiꞌanom.
23806	MAT 18:10	»Mikꞌaq bꞌi uqꞌij junoq chike wa e chꞌutiꞌq kubꞌul kikꞌuꞌx wukꞌ. Ma kambꞌiꞌij kꞌu chiwe, ri ángeles e chajal ke rike xaqi e kꞌo chwach ri Nuqaw Dios chilaꞌ chikaj.
23874	MAT 20:13	»Noꞌj ri rajaw chak xukꞌul uwach, jewaꞌ xubꞌiꞌij che jun chike: “Wamigo, mabꞌiꞌij we na usukꞌ ta ri xinꞌan chawe. ¿Na xojkanaj ta nebꞌa laꞌ katintoj jun denario?
23896	MAT 21:1	Ri Jesús kukꞌ rutijoꞌn xa naqaj chik e kꞌo che ri tinamit Jerusalem, ya e riꞌ kebꞌok pa raldea Betfagé, ri kꞌo chwach ri juyubꞌ Olivos. Ekꞌuchiriꞌ, ri Jesús xebꞌutaq bꞌi kaꞌibꞌ chike rutijoꞌn chaꞌ kenabꞌej apanoq,
23910	MAT 21:15	Ri nimaq e aj chakunel pa Rocho Dios kukꞌ raj kꞌutunel re ri tzijpixabꞌ lik xpe koyowal echiriꞌ xkil wa milagros y xkito lik kesikꞌin rakꞌalabꞌ pa ri Rocho Dios, kakibꞌiꞌij: «¡Qayaka uqꞌij ri Ralkꞌoꞌal kan ri rey David!» kechaꞌ.
23914	MAT 21:19	Xril kꞌu jun cheꞌ re higo kꞌo chuchiꞌ ri bꞌe. Xeꞌrilaꞌ kꞌut yey na xuriq ta tobꞌ xa juna uwach ri cheꞌ, xew ruxaq kꞌolik. Ekꞌuchiriꞌ, xubꞌiꞌij ri Jesús che ri cheꞌ: —¡Na jinta chi kꞌana ajiqꞌobꞌalil kayaꞌo! —xchaꞌ. Y na jampatana xchaqij ri cheꞌ.
23916	MAT 21:21	Ri Jesús xukꞌul uwach: —Paqatzij wi kambꞌiꞌij chiwe: We ta lik kꞌo kubꞌulibꞌal ikꞌuꞌx rukꞌ ri Dios y na kebꞌ ta kꞌana ipa rukꞌ, riꞌ na xew ta jewaꞌ kiꞌan riꞌix pachaꞌ wa xinꞌan riꞌin che ri higo. Ma utz ne riꞌ kibꞌiꞌij che wa juyubꞌ: “Chatela wara y jateꞌkꞌola chupa ri mar” kixchaꞌ y e kuꞌano.
23953	MAT 22:12	»Xubꞌiꞌij kꞌu che: “Wamigo, ¿chaꞌtaj xatok lo wara we na akojom ta raqꞌuꞌ re kꞌulanikil?” xchaꞌ. Noꞌj rachi na xchꞌaw ta kꞌenoq.
23971	MAT 22:30	Ma echiriꞌ kekꞌastaj lo ri ekaminaq, na kekꞌuliꞌ ta chik yey na kekiya ta chi ne ri kalkꞌoꞌal pa kꞌulanikil; kebꞌuꞌana kꞌu pachaꞌ ri ángeles re ri Dios chilaꞌ chikaj, ma ri ángeles na kekꞌuliꞌ taj.
23993	MAT 23:6	Pa taq ri sinagogas y pa taq waꞌim, lik e kukꞌul kikꞌuꞌx ketzꞌuyiꞌ chupa ri tzꞌulibꞌal ke ri lik kꞌo kiwach.
24021	MAT 23:34	E uwariꞌche riꞌin kebꞌenutaq lo ukꞌ alaq qꞌalajisanelabꞌ, waj chak lik kꞌo kinaꞌoj y aj kꞌutunel re Rutzij Upixabꞌ ri Dios. Pero ralaq kekamisaj alaq jujun chike rike. E kꞌo ne ri kekamisaj alaq chwa cruz, jujun chik kajichꞌ alaq kipa pa taq sinagogas y jujun chik keternabꞌej alaq rukꞌ kꞌaxkꞌobꞌik pa taq tinamit.
24050	MAT 24:24	Ma kekꞌun ri kakiꞌan “Cristo” che kibꞌ y ri kakiꞌan “e qꞌalajisanelabꞌ re ri Dios” che kibꞌ, pero xa e sokosoꞌnel. Ekꞌu rike kakiꞌan nimaq taq kꞌutubꞌal y milagros re kesokosoꞌn rukꞌ, yey kꞌo ne pa saq kesokotaj jujun chike ri ebꞌuchaꞌom ri Dios.
24057	MAT 24:31	Kebꞌutaq kꞌu ru ángeles rukꞌ unimal uchꞌawibꞌal trompeta re kakimol kichiꞌ konoje ri ebꞌuchaꞌom ri Dios pa taq ronoje luwar che rukajchal rajlibꞌal ruwachulew.
24058	MAT 24:32	»E chimaja ri jun kꞌambꞌal naꞌoj puwi ri cheꞌ re higo: Echiriꞌ kujeq katux lo kꞌakꞌ uqꞌabꞌ y kujeq kꞌut katux ruxaq, ruma kꞌu laꞌ kiwetaꞌmaj xa naqaj chi kꞌo wi lo ruqꞌijol echiriꞌ kabꞌukbꞌutik y na jinta jabꞌ.
24062	MAT 24:36	»Ekꞌu chwi ruqꞌijol y ruꞌorayil waꞌ, na jinta junoq etaꞌmayom re; na ketaꞌam tane ri ángeles e kꞌo chilaꞌ chikaj, ma xew ri Nuqaw etaꞌmayom re.
24108	MAT 25:31	»Echiriꞌ Ralaxel Chikixoꞌl Tikawex kakꞌun rukꞌ runimal uchuqꞌabꞌ kukꞌ konoje ri santowilaj ángeles, katzꞌuyiꞌ na kꞌu riꞌ chupa ri chomilaj tzꞌulibꞌal re rutaqanik.
24118	MAT 25:41	»Ekꞌuchiriꞌ, kubꞌiꞌij ri rey chike ri e kꞌo pumox: “Riꞌix itzel iwachlibꞌal, chixela wukꞌ; kixꞌek kꞌu chupa ri aqꞌ na kachup ta chik, ri yijbꞌital chi pan che ritzel winaq kukꞌ konoje ru ángeles eteran chirij.
24173	MAT 26:50	Ekꞌu ri Jesús xubꞌiꞌij che: —Wamigo, ¿saꞌ ri kolaꞌanaꞌ? —xchaꞌ. Tekꞌuchiriꞌ, xeqibꞌ ri winaq rukꞌ y xkichapo chaꞌ kakikꞌam bꞌi pa qꞌatbꞌal tzij.
24176	MAT 26:53	¿Na awetaꞌam ta kami, we ta kuaj riꞌin kantzꞌonoj che ri Nuqaw woꞌora, Rire kebꞌutaq lo juna kabꞌlajuj legiones re ángeles wukꞌ?
24231	MAT 27:33	Ekꞌuchiriꞌ, xebꞌopon pa ri luwar Gólgota rubꞌiꞌ, waꞌ keꞌelawi “luwar re ubꞌaqil ujolom animaꞌ”.
24232	MAT 27:34	Xkiya kꞌu che ri Jesús vinagre yijbꞌam rukꞌ aqꞌes lik kꞌa; pero Rire echiriꞌ xunaꞌ waꞌ, na xraj taj xutijo.
24246	MAT 27:48	Y na jampatana, kꞌo jun chike rike lik kanik xeꞌek, xuꞌkꞌama lo jun esponja y xumuꞌ pa vinagre. Xuxim kꞌu chutzaꞌm jun tani y xuya pan che ri Jesús re kutzꞌubꞌu.
24254	MAT 27:56	Chikixoꞌl waꞌ wiꞌxoqibꞌ kꞌo ri María ri aj Magdala, kꞌo ri María ri kichu ri Jacobo y ri José, yey kꞌo ri kichu ri kebꞌ ukꞌajol ri Zebedeo.
24259	MAT 27:61	E kꞌo kꞌu chiriꞌ ri María ri aj Magdala y ri jun chik María, etzꞌul chwach ri muqubꞌal.
24265	MAT 28:1	Ikꞌowinaq chi ri qꞌij re uxlanibꞌal, e riꞌ katajin usaqirik ri nabꞌe qꞌij che ri semana, ri María ri aj Magdala y ri jun chik María xeꞌkila ri muqubꞌal.
24266	MAT 28:2	Xaqikꞌateꞌt xpe jun nimalaj kabꞌraqan, yey waꞌ e xꞌanaw jun ángel re ri Dios xqaj lo chikaj. Echiriꞌ xopon chwach ri muqubꞌal, xresaj rabꞌaj utzꞌapim uchiꞌ ri muqubꞌal y xtzꞌuyiꞌ kꞌu puwiꞌ.
24267	MAT 28:3	Ri ángel lik kawolqꞌinik, katzuꞌn jelaꞌ pachaꞌ ruxeꞌ kaj echiriꞌ kayokꞌ kaꞌnik; yey ruqꞌuꞌ lik saq pachaꞌ ri nieve.
24268	MAT 28:4	Ri soldados echiriꞌ xkil ri ángel, lik xkixiꞌij kibꞌ che; xkijeq kebꞌirbꞌotik y xekanaj kanoq pachaꞌ chi ekaminaq.
24269	MAT 28:5	Ekꞌuchiriꞌ, xubꞌiꞌij ri ángel chike rixoqibꞌ: —Mixiꞌij iwibꞌ. Ma riꞌin wetaꞌam e kitzukuj ri Jesús, ri xkamisax chwa cruz.
24297	MRK 1:13	Ri Jesús xkꞌojiꞌ chilaꞌ cuarenta qꞌij chikixoꞌl itzel taq awaj. Yey chupa taq laꞌ la qꞌij, lik xkꞌam upa ruma ri Satanás. Ikꞌowinaq chi kꞌu waꞌ, ri ángeles xkijeq kakinimaj ri Jesús.
24305	MRK 1:21	Xebꞌok kꞌu pa ri tinamit Capernaúm. Y chupa ri qꞌij re uxlanibꞌal ri Jesús xok pa ri sinagoga y xujeq kakꞌutunik.
24307	MRK 1:23	Chupa kꞌu ri sinagoga kꞌo jun achi kꞌo puqꞌabꞌ jun itzelilaj uxlabꞌixel. Waꞌ xujeq kasikꞌinik, jewaꞌ xubꞌiꞌij:
24313	MRK 1:29	Echiriꞌ ri Jesús kukꞌ ri Jacobo y ri Juan xebꞌel bꞌi chupa ri sinagoga, xebꞌek chirocho ri Simón y ri Andrés.
24323	MRK 1:39	Xebꞌek kꞌu riꞌ, y ri Jesús katzijon chupa taq ri sinagogas che taq ronoje ri luwar re Galilea yey kebꞌeresaj kꞌu bꞌi itzel uxlabꞌixel.
24343	MRK 2:14	Ekꞌu riꞌ katajin rikꞌowik pa ri luwar pa kaꞌan wi ri tojonik che ri gobierno, xril pana jun aj tzꞌonol puaq re tojonik tzꞌul chiriꞌ. Waꞌ Leví rubꞌiꞌ yey ukꞌajol ri Alfeo. Xubꞌiꞌij kꞌu ri Jesús che: —Chat-terej lo chwij —xchaꞌ. Xyaktajik kꞌu ri Leví y xterej bꞌi chirij.
24352	MRK 2:23	Chupa kꞌu jun qꞌij re uxlanibꞌal, ri Jesús kukꞌ rutijoꞌn e riꞌ kebꞌikꞌow pa taq tikoꞌn re trigo. Ekꞌu rutijoꞌn xkijeq kakichꞌupilaꞌ bꞌi ri trigo.
24358	MRK 3:1	Jumul chik ri Jesús xok chupa ri sinagoga y chiriꞌ kꞌo jun achi chaqijinaq jun uqꞌabꞌ.
24374	MRK 3:17	Jacobo y ruchaqꞌ Juan (rike e ukꞌajol ri Zebedeo y xkoj ne kibꞌiꞌ “Boanerges”, waꞌ keꞌelawi “E ralkꞌoꞌal ruchꞌawibꞌal jabꞌ”),
24442	MRK 5:9	Ekꞌu ri Jesús xutzꞌonoj che: —¿Saꞌ rabꞌiꞌ? —xcha che. Rire xukꞌul uwach: —Legión ri nubꞌiꞌ, ma lik oj kꞌi —xchaꞌ.
24455	MRK 5:22	Xkꞌun kꞌu lo jun achi Jairo rubꞌiꞌ, rire e jun chike ri e aj wach re ri sinagoga. Xew kꞌu xril uwach ri Jesús, xukꞌaq ribꞌ xeꞌraqan uqꞌabꞌ.
24468	MRK 5:35	Kꞌa kachꞌaꞌt ne ri Jesús echiriꞌ xekꞌun lo jujun achijabꞌ e petinaq chirocho ri aj wach re ri sinagoga y xoꞌlkibꞌiꞌij che: —Ri miꞌal la ya xkamik; na jinta chi kutiqoj kabꞌayabꞌaꞌ la ri tijonel —xecha che.
24469	MRK 5:36	Ekꞌu ri Jesús, echiriꞌ xuta wa xoꞌlbꞌiꞌxoq, xubꞌiꞌij che raj wach re ri sinagoga: —Muxiꞌij ribꞌ kꞌuꞌx la, xew lik kubꞌula kꞌuꞌx la wukꞌ —xcha che.
24471	MRK 5:38	Ekꞌuchiriꞌ xopon chirocho raj wach re ri sinagoga, xeril ri winaq ketukukik, kebꞌoqꞌik y rukꞌ sikꞌ ketunanik.
24478	MRK 6:2	Echiriꞌ xopon ri qꞌij re uxlanibꞌal, xujeq kakꞌutun chupa ri sinagoga. Yey ukꞌiyal winaq xkito y lik xkam kanimaꞌ che, jekꞌuwaꞌ kakibꞌiꞌij: —¿Pa xuꞌmaja wi waꞌchi ronoje taq waꞌ? ¿Saꞌ chi naꞌoj wa yaꞌtal che, yey suꞌanik kuꞌan taq wa milagros?
24481	MRK 6:5	Chupa kꞌu riꞌ rutinamit xa e kebꞌ oxibꞌ ri xuya ruqꞌabꞌ pakiwiꞌ y xebꞌukunaj, noꞌj na utz taj xuꞌan juna chik milagro
24490	MRK 6:14	Ri rey Herodes xuta puwi ri chom uchꞌaꞌtibꞌexik ri Jesús, ma lik xetaꞌmax rubꞌiꞌ pa taq ronoje luwar. Ekꞌu ri Herodes xubꞌiꞌij: «Laꞌ e ri Juan Aj Yaꞌl Bautismo xkꞌastaj lo chikixoꞌl ri ekaminaq; e uwariꞌche kꞌo uchuqꞌabꞌ che uꞌanik wa milagros» xchaꞌ.
24607	MRK 8:38	»Mixkꞌix kꞌu chwe riꞌin y che ri nuchꞌaꞌtem chikiwach raj makibꞌ re waqꞌij ora, ri na jusukꞌ ta ri kanimaꞌ chwach ri Dios. Ma ri kaꞌanaw waꞌ, ri in Alaxel Chikixoꞌl Tikawex kinkꞌix che rire echiriꞌ kinkꞌun lo rukꞌ runimal uchomalil ri Nuqaw y kukꞌ taq ri santowilaj ángeles» xchaꞌ.
24646	MRK 9:39	Ri Jesús xukꞌul uwach: —We kꞌo kaꞌanaw waꞌ, miqꞌatej, ma na jinta junoq kuꞌan juna milagro chupa ri nubꞌiꞌ yey pa joqꞌotaj kꞌu riꞌ kachꞌaꞌt lo chwij.
24710	MRK 11:1	Ri Jesús kukꞌ rutijoꞌn xa naqaj chi e kꞌo lo che ri tinamit Jerusalem, ya e riꞌ kebꞌopon chwach ri juyubꞌ Olivos pa taq raldeas Betfagé y Betania. Ekꞌuchiriꞌ, ri Jesús xebꞌutaq bꞌi kaꞌibꞌ chike rutijoꞌn chaꞌ kenabꞌej apanoq,
24722	MRK 11:13	Y chinimanaj xril pana jun cheꞌ re higo lik kꞌo uxaq. Ewi xeꞌek xeꞌrilaꞌ we kꞌo ujiqꞌobꞌalil kuriqo. Yey echiriꞌ xopon rukꞌ, na jinta kꞌo xuriq che, xew ruxaq kꞌolik, ma na uqꞌijol taj kꞌo uwach ri higos.
24723	MRK 11:14	Ewi ri Jesús xubꞌiꞌij che ri cheꞌ re higo: —Na jinta chi kꞌana junoq kutij jiqꞌobꞌal chawe —xchaꞌ. Yey wa xubꞌiꞌij, xkita rutijoꞌn.
24729	MRK 11:20	Chukaꞌm qꞌij anim echiriꞌ xebꞌikꞌow ri Jesús kukꞌ rutijoꞌn pa kꞌo wi ri cheꞌ re higo, xkilo chaqijinaq lo kꞌa pa ratzꞌayaq.
24730	MRK 11:21	Ewi ri Pedro xkꞌun lo chukꞌuꞌx taq ri chꞌaꞌtem xubꞌiꞌij kan ri Jesús che ri cheꞌ. Xubꞌiꞌij kꞌu riꞌ che ri Jesús: —Wajawal, chilape la, ri cheꞌ re higo ri xbꞌiꞌij la che na kuya ta chi ujiqꞌobꞌalil, waꞌ chaqijinaq chik —xchaꞌ.
24767	MRK 12:25	Ma echiriꞌ kekꞌastaj lo ri ekaminaq, na kekꞌuliꞌ ta chik yey na kekiya ta chi ne ri kalkꞌoꞌal pa kꞌulanikil; kebꞌuꞌana kꞌu pachaꞌ ri ángeles e kꞌo chilaꞌ chikaj, ma ri ángeles na kekꞌuliꞌ taj.
24781	MRK 12:39	Yey pa taq sinagogas y pa taq waꞌim lik kukꞌul kikꞌuꞌx ri ketzꞌuyiꞌ chupa ri tzꞌulibꞌal ke ri lik kꞌo kiwach.
24795	MRK 13:9	»Lik chichajij kꞌu iwibꞌ, ma kixkꞌam bꞌi pa taq qꞌatbꞌal tzij y kajichꞌ ne ipa chupa taq ri sinagogas. Y ruma kꞌu ikojom ri nubꞌiꞌ, kixkꞌam bꞌi chikiwach ri taqanelabꞌ y chikiwach ri reyes, chaꞌ jelaꞌ kiqꞌalajisaj ri Utzilaj Tzij chikiwach.
24808	MRK 13:22	Ma kekꞌun ri kakiꞌan “Cristo” che kibꞌ y ri kakiꞌan e qꞌalajisanelabꞌ re ri Dios che kibꞌ, pero xa e sokosoꞌnel. Ekꞌu rike kakiꞌan nimaq taq kꞌutubꞌal y milagros re kesokosoꞌn rukꞌ, yey kꞌo ne pa saq kesokotaj jujun chike ri ebꞌuchaꞌom ri Dios.
24813	MRK 13:27	Kebꞌutaq kꞌu ru ángeles che umolik kichiꞌ konoje ri ebꞌuchaꞌom ri Dios pa taq ronoje luwar che rukajchal rajlibꞌal ruwachulew. Kujeq kꞌu riꞌ che jun luwar, yey kukꞌisbꞌej che jun chik.
24814	MRK 13:28	»E chimaja ri jun kꞌambꞌal naꞌoj puwi ri cheꞌ re higo: Echiriꞌ kujeq katux lo kꞌakꞌ uqꞌabꞌ y kujeq kꞌut katux ruxaq, ruma kꞌu laꞌ kiwetaꞌmaj xa naqaj chi kꞌo wi lo ruqꞌijol echiriꞌ kabꞌukbꞌutik y na jinta jabꞌ.
24818	MRK 13:32	»Ekꞌu chwi ruqꞌijol y ruꞌorayil waꞌ, na jinta junoq etaꞌmayom re; na ketaꞌam tane ri ángeles e kꞌo chilaꞌ chikaj, na retaꞌam tane ri Kꞌajolaxel, ma xew ri Qaqaw Dios etaꞌmayom re.