23215	MAT 1:2	Ri ralkꞌoꞌal ri Abraham, Isaac rubꞌiꞌ; ri ralkꞌoꞌal ri Isaac, Jacob rubꞌiꞌ; taq ri ralkꞌoꞌal ri Jacob, e ri Judá kukꞌ ri ratz-uchaqꞌ.
23216	MAT 1:3	Taq ri ralkꞌoꞌal ri Judá, e ri Fares y ri Zara yey rubꞌiꞌ ri kichu e Tamar; ri ralkꞌoꞌal ri Fares, Esrom rubꞌiꞌ; ri ralkꞌoꞌal ri Esrom, Aram rubꞌiꞌ.
23228	MAT 1:15	Ri ralkꞌoꞌal ri Eliud, Eleazar rubꞌiꞌ; ri ralkꞌoꞌal ri Eleazar, Matán rubꞌiꞌ; ri ralkꞌoꞌal ri Matán, Jacob rubꞌiꞌ.
23233	MAT 1:20	Ekꞌuchiriꞌ kuchꞌobꞌ raqan puwi waꞌ, xaqikꞌateꞌt jun ángel re ri Dios xukꞌut ribꞌ pa uwachikꞌ y xubꞌiꞌij che: «José, at ralkꞌoꞌal kan ri David, maxiꞌij awibꞌ che kakꞌam ri María re kuꞌan awixoqil, ma rumatzem rire, ukꞌulum ruma ri Santowilaj Ruxlabꞌixel ri Dios.
23237	MAT 1:24	Ekꞌuchiriꞌ xkꞌun saq chwach ri José, e xuꞌan ri xtaq che ruma ri ángel re ri Dios; xukꞌam kꞌu ri María re rixoqil.
23251	MAT 2:13	Echiriꞌ rachijabꞌ e aj naꞌoj ebꞌelinaq chubꞌi rukꞌ ri Jesús, xukꞌut ribꞌ jun ángel re ri Dios pa uwachikꞌ ri José y xubꞌiꞌij che: «Chatyaktajoq, chebꞌakꞌama bꞌi rakꞌa y ruchu. Chixanimaj bꞌi kꞌa Egipto y chixkanaja chilaꞌ kꞌate kambꞌiꞌij chiwe jampa kixpetik, ma ri Herodes kutaq utzukuxik rakꞌa chaꞌ kakamisaxik» xchaꞌ.
23256	MAT 2:18	Xtataj jun qulaj pa Ramá, oqꞌej y sikꞌ rukꞌ bꞌis. E ri Raquel keroqꞌej ri ralkꞌoꞌal y na karaj tane kabꞌochiꞌix ukꞌuꞌx ruma ri kikamik ri ralkꞌoꞌal xchaꞌ.
23257	MAT 2:19	Tekꞌuchiriꞌ kaminaq chi ri Herodes, jun ángel re ri Dios xukꞌut ribꞌ pa uwachikꞌ ri José chilaꞌ Egipto y xubꞌiꞌij che:
23266	MAT 3:5	Ri ejeqel pa ri tinamit Jerusalem kukꞌ konoje ri e kꞌo pa ri luwar re Judea y ri ejeqel chuchiꞌ ri nimayaꞌ Jordán, xebꞌel lo che utayik ri Juan.
23267	MAT 3:6	Kakitzꞌonoj kꞌu kuybꞌal kimak chwach ri Dios, y ri Juan kuya ri bautismo chike pa ri nimayaꞌ Jordán.
23272	MAT 3:11	»Riꞌin paqatzij wi kanya ri bautismo che alaq rukꞌ yaꞌ, kꞌutubꞌal re tzelem chi tzij alaq chwach ri Dios. Noꞌj kꞌu ri Jun katajin lo chwij riꞌin, kꞌo puqꞌabꞌ kuya ri bautismo che alaq rukꞌ ri Santowilaj Ruxlabꞌixel ri Dios y rukꞌ aqꞌ. Rire más kꞌo uchuqꞌabꞌ chinuwach riꞌin; na taqal tane chwe tobꞌ xa kanmolej ruxajabꞌ.
23274	MAT 3:13	Ekꞌuchiriꞌ ri Jesús petinaq Galilea, xopon chuchiꞌ ri nimayaꞌ Jordán chaꞌ ri Juan kuya ri bautismo che.
23284	MAT 4:6	Xubꞌiꞌij kꞌu che: —We qatzij at Ukꞌajol ri Dios, chakꞌaqa bꞌi awibꞌ kꞌa chuꞌlew y na jinta kꞌo kakꞌulumaj, ma jewaꞌ tzꞌibꞌital kan chupa Rutzij Upixabꞌ ri Dios: Ri Dios kebꞌutaq lo ru ángeles awukꞌ chaꞌ katkichajij. Katkichap kꞌu rukꞌ ri kiqꞌabꞌ chaꞌ na kaꞌchiqa ta rawaqan che juna abꞌaj —xchaꞌ.
23288	MAT 4:10	Ekꞌu ri Jesús xubꞌiꞌij che: —Chatela chinuwach Satanás, ma jewaꞌ tzꞌibꞌital kan chupa Rutzij Upixabꞌ ri Dios: Lik chaloqꞌnimaj uqꞌij ri Dios Qajawxel y xew Rire chanimaj uqꞌij —xchaꞌ.
23289	MAT 4:11	Ekꞌu ritzel winaq xuya kan ri Jesús y xel bꞌi chiriꞌ. Xekꞌun kꞌu lo jujun ángeles y xkijeqo kakinimaj ri Jesús.
23290	MAT 4:12	Ri Jesús, echiriꞌ xuto kꞌo ri Juan pa cárcel, xeꞌek tanchi Galilea.
23293	MAT 4:15	Pa ri luwar re Zabulón y re Neftalí, ri kꞌo pa rubꞌeyal ri mar, chꞌaqa yaꞌ che ri nimayaꞌ Jordán, pa taq ri luwar re Galilea pa ejeqel wi ukꞌiyal winaq na e ta aj judiꞌabꞌ;
23303	MAT 4:25	Lik e kꞌi kꞌu ri xeterej bꞌi chirij. Waꞌ e petinaq Jerusalem y che jujun chik luwar re Judea, kukꞌ ri e petinaq pa taq ri tinamit re Galilea, re Decápolis y che jujun chik tinamit e kꞌo chꞌaqa yaꞌ che ri nimayaꞌ Jordán.
23323	MAT 5:20	»Paqatzij wi kambꞌiꞌij chiwe: Xew kixok riꞌix chupa wa taqanik petinaq chilaꞌ chikaj, we ribꞌinik isilabꞌik e más jusukꞌ chwa ri kibꞌinik raj kꞌutunel re ri tzijpixabꞌ y ri fariseos. Noꞌj we na je ta laꞌ, riꞌ na taqal ta chiwe.
23328	MAT 5:25	»We kꞌo junoq kukoj amak y katukꞌam bꞌi pa qꞌatbꞌal tzij, nabꞌe chaꞌana pan utzil chomal rukꞌ pa bꞌe chaꞌ jelaꞌ na katuꞌyaꞌa ta chi puqꞌabꞌ raj qꞌatal tzij. Ma we na xaꞌan ta riꞌ, raj qꞌatal tzij katuya bꞌi puqꞌabꞌ ri ausiliar chaꞌ katuꞌyaꞌa pa cárcel.
23329	MAT 5:26	Paqatzij wi kambꞌiꞌij chawe: Na katel tana lo pa ri cárcel we na xatoj ta kan ronoje ramak.
23376	MAT 6:25	»E uwariꞌche kambꞌiꞌij chiwe riꞌix: Mubꞌisoj ikꞌuꞌx rikꞌaslem; mubꞌisoj ne ikꞌuꞌx saꞌ riwa y rimiqꞌinaꞌ kitijo o saꞌ riqꞌuꞌ kikojo. ¿Na e ta nebꞌa más kꞌo uwach rikꞌaslem riꞌix chwach ri kitijo? ¿Yey na e ta nebꞌa más kꞌo uwach ri cuerpo chwach riqꞌuꞌ kikojo?
23377	MAT 6:26	»Chebꞌiwilape ri tzꞌikin kexikꞌikꞌ che ruwa kaj. Rike na ketikoꞌnaj taj, na kakiꞌan tane kimolonik y na jinta ne pa kakikꞌol wi ri kimolonik. Na rukꞌ ta kꞌu riꞌ, Riqaw Dios kꞌo chilaꞌ chikaj kebꞌutzuqu. ¡Makꞌuwariꞌ riꞌix, ri Dios kixuchajij, ma e más kꞌo iwach riꞌix chikiwa ri tzꞌikin!
23419	MAT 8:5	Echiriꞌ xopon ri Jesús pa ri tinamit Capernaúm, xopon jun capitán ke ri soldados aj Roma rukꞌ y xujeq lik kelaj che,
23422	MAT 8:8	Ekꞌu ri capitán xubꞌiꞌij che: —Wajawal, riꞌin lik na taqal ta chwe kok la chiwocho. Xew bꞌiꞌij la: “Chatkunutajoq”, y rukꞌ ri chꞌaꞌtem la, kakunutaj ri waj chak.
23427	MAT 8:13	Ekꞌuchiriꞌ, xubꞌiꞌij ri Jesús che ri capitán: —Oj chi ocho la, ma jelaꞌ kuꞌanaꞌ pachaꞌ ri xkubꞌiꞌ kꞌuꞌx la che —xchaꞌ. Chupa kꞌu laꞌ la joqꞌotaj xkunutaj ri raj chak.
23464	MAT 9:16	Na jinta junoq kukꞌojoj ruqꞌuꞌ qꞌeꞌl rukꞌ kꞌojobꞌal kꞌasaq, ma ri kꞌojobꞌal kꞌasaq, we xkꞌolotaj upa, e kujekꞌ ri kꞌul qꞌeꞌl y más ne kurichꞌij bꞌi.
23489	MAT 10:3	Felipe, Bartolomé, Tomás, Mateo ri aj tzꞌonol puaq re tojonik, Jacobo rukꞌajol ri Alfeo, Lebeo ri kabꞌiꞌx Tadeo che,
23501	MAT 10:15	Ma paqatzij wi kambꞌiꞌij chiwe: Chupa ruqꞌijol ri qꞌatbꞌal tzij, más lik kꞌax ri kape pakiwi ri tinamit na xkikꞌul ta ri Utzilaj Tzij, chwa ri kape pakiwi ri e aj Sodoma y ri e aj Gomorra.
23510	MAT 10:24	»Na jinta juna tijoꞌn más kꞌo uwach chwa rutijonel y na jinta ne juna aj chak más kꞌo uwach chwa ri rajaw.
23517	MAT 10:31	E uwariꞌche, mixiꞌij iwibꞌ; ma riꞌix más kꞌo iwach chikiwach ri raltaq ko tzꞌikin.
23523	MAT 10:37	»China ri más lik e kꞌax kebꞌunaꞌ ruchu-uqaw chinuwach riꞌin, na taqal ta che katerej chwij; jekꞌulaꞌ china ri más lik e kꞌax kebꞌunaꞌ ri ralkꞌoꞌal chinuwach riꞌin, riꞌ na taqal ta che katerej chwij.
23530	MAT 11:2	Ri Juan kꞌo pa cárcel echiriꞌ xuta ri kuꞌan ri Cristo. Xebꞌutaq kꞌu lo kaꞌibꞌ chike rutijoꞌn rukꞌ Rire,
23537	MAT 11:9	Kantzꞌonoj kꞌu riꞌ: ¿Saꞌ ri xeꞌila alaq? ¿Xeꞌila alaq jun qꞌalajisanel? Areꞌ, yey paqatzij wi kambꞌiꞌij che alaq: Rire e más kꞌo uwach chikiwa ri jujun chik qꞌalajisanelabꞌ.
23539	MAT 11:11	»Paqatzij wi kambꞌiꞌij che alaq: Na jinta junoq chike ri tikawex ebꞌalaxinaq wara che ruwachulew más kꞌo uwach chwa ri Juan Aj Yaꞌl Bautismo. Pero chwi kꞌu riꞌ waꞌ wa keꞌek, china ri kok chupa rutaqanik ri Dios petinaq chilaꞌ chikaj, tobꞌ na jinta uwach, más nim uqꞌij ralaxik chwa ri Juan.
23550	MAT 11:22	E uwariꞌche kambꞌiꞌij chiwe: Echiriꞌ kopon ri qꞌij re ri qꞌatbꞌal tzij, más nim ri kꞌaxkꞌobꞌik kape piwi riꞌix chwa ri kꞌaxkꞌobꞌik kape pakiwi ri winaq re ri tinamit Tiro y ri tinamit Sidón.
23564	MAT 12:6	»Kambꞌiꞌij kꞌu riꞌin chiwe: Kꞌo jun wara más nim uqꞌij chwa ri Rocho Dios.
23570	MAT 12:12	¿China kꞌu ri más kꞌo uwach, e rachi o e ri bꞌexex? Ruma kꞌu riꞌ, taqalik kaꞌan ri utz chupa ri qꞌij re uxlanibꞌal —xchaꞌ.
23584	MAT 12:26	Jekꞌulaꞌ, we ta ri Satanás karesaj bꞌi ri Satanás chike ri winaq, riꞌ e pachaꞌ kachꞌoꞌjin chiribꞌil ribꞌ y utukel kujach upa rutaqanik. ¿Saꞌ kꞌu uꞌanik riꞌ kanajtir rutaqanik?
23597	MAT 12:39	Ri Jesús xukꞌul uwach: —Ri kakitzꞌonoj kꞌutubꞌal re ruchuqꞌabꞌ ri Dios e ri winaq re waqꞌij ora, ri itzel kikꞌuꞌx y na jusukꞌ ta ri kanimaꞌ chwach ri Dios. Noꞌj na kayaꞌtaj ta kꞌu waꞌ chike, ma xew kayaꞌtaj ri kꞌutubꞌal xꞌaniꞌ ojertan rukꞌ ri qꞌalajisanel Jonás.
23598	MAT 12:40	Ma jelaꞌ pachaꞌ ri Jonás xkꞌojiꞌ oxibꞌ qꞌij y oxibꞌ aqꞌabꞌ chupa ri nimalaj kar, jekꞌulaꞌ Ralaxel Chikixoꞌl Tikawex oxibꞌ qꞌij y oxibꞌ aqꞌabꞌ kamuqiꞌ pulew.
23599	MAT 12:41	»Ri winaq aj Nínive re ojertan keyaktaj chupa ri qꞌij re qꞌatbꞌal tzij y kakikoj kimak ri tikawex re waqꞌij ora. Ma rike xkitzelej kitzij chwach ri Dios ruma ri tzijonik xuꞌan ri Jonás chikiwach. Noꞌj ri tikawex re waqꞌij ora, kꞌo jun chikixoꞌl más kꞌo uwach chwa ri Jonás, yey na kebꞌok tane il che.
23600	MAT 12:42	»Jekꞌulaꞌ echiriꞌ kopon ri qꞌij re ri qꞌatbꞌal tzij, kayaktaj lo ri reina re pa sur y kukoj kimak ri tikawex re waqꞌij ora. Ma rojertan lik naj petinaq wi rire chaꞌ koluꞌxikinaj runaꞌoj ri rey Salomón. Noꞌj ri tikawex re waqꞌij ora, kꞌo jun chikixoꞌl más kꞌo uwach chwa ri Salomón, yey na kebꞌok tane il che.
23603	MAT 12:45	Keꞌek kꞌut, kebꞌuꞌkꞌama chi lo wuqubꞌ rach itzelilaj uxlabꞌixel más itzel kiwachlibꞌal chwa rire; y konoje kꞌu riꞌ kebꞌokik y kejeqiꞌ chiriꞌ. Jekꞌuriꞌlaꞌ, rubꞌinik rachi más kayojtaj chwa ri petinaq loq. Ekꞌu kakikꞌulumaj waꞌ ri winaq itzel kikꞌuꞌx waqꞌij ora —xcha ri Jesús.
23620	MAT 13:12	Ma china ri kꞌo umajom chik, riꞌ kayaꞌtaj ne che chaꞌ más kꞌo kumajo. Noꞌj china ri na jinta kꞌo umajom, kamaj ne che ri kuchꞌobꞌo umajom chik.
23640	MAT 13:32	Paqatzij wi, laꞌ liꞌjaꞌ e más chꞌutiꞌn chwa taq rijaꞌ; noꞌj we xkꞌiyik, más kanimar chwa taq raqꞌes y kuꞌana pachaꞌ jun cheꞌ. Kekꞌun ne ri tzꞌikin kexikꞌikꞌ che ruwa kaj y kakiꞌan kisok puwi taq ruqꞌabꞌ» xchaꞌ.
23647	MAT 13:39	Ri jun itzel ukꞌuꞌx xutik raqꞌes e ritzel winaq. Ri molonik e ri kꞌisbꞌal re ruwachulew, yey ri keꞌanaw re ri molonik e ri ángeles.
23649	MAT 13:41	Ralaxel Chikixoꞌl Tikawex kebꞌutaq bꞌi ru ángeles chaꞌ kekimolo y kekesaj chupa rutaqanik konoje ri ekiminom jujun chik pa mak y ri kakiꞌan ri na utz taj.
23657	MAT 13:49	»Jekꞌulaꞌ kuꞌana che ri kꞌisbꞌal re ruwachulew. Kebꞌel bꞌi ri ángeles y kekesaj kꞌu ri tikawex itzel kikꞌuꞌx chikixoꞌl ri e jusukꞌ chwach ri Dios.
23669	MAT 14:3	Xubꞌiꞌij waꞌ ma e rire ri xutaq uchapik ri Juan chaꞌ kayaꞌiꞌ pa karena y keyoꞌq pa cárcel. Xuꞌan waꞌ ri Herodes ma ri Juan xuchꞌaꞌbꞌej upa ruma uꞌanom rixoqil che ri Herodías, yey waꞌ wiꞌxoq e rixoqil ri Felipe ruchaqꞌ ri Herodes.
23676	MAT 14:10	Xtaqan kꞌu che kakꞌatzix rujolom ri Juan pa ri cárcel.
23724	MAT 15:22	Kꞌo kꞌu jun ixoq aj Canaán jeqel chiriꞌ, rire kasikꞌinik xkꞌun chwach ri Jesús, jewaꞌ kubꞌiꞌij: —¡Wajawal, lal ri Ralkꞌoꞌal kan ri rey David, chinjuchꞌ kaꞌn ko cheꞌla! Ma kꞌo jun walit lik kꞌax ukꞌulumam ruma kꞌo puqꞌabꞌ jun itzel uxlabꞌixel —xchaꞌ.
23745	MAT 16:4	Ri kakitzꞌonoj kꞌutubꞌal re ruchuqꞌabꞌ ri Dios e ri winaq re waqꞌij ora, ri itzel kikꞌuꞌx y na jusukꞌ ta ri kanimaꞌ chwach ri Dios. Pero na kayaꞌtaj ta kꞌu waꞌ chike, ma xew kayaꞌiꞌ chikiwach ri kꞌutubꞌal xꞌaniꞌ ojertan rukꞌ ri qꞌalajisanel Jonás» xchaꞌ. Ekꞌuchiriꞌ, xebꞌuya kanoq y xeꞌek.
23758	MAT 16:17	Ri Jesús xukꞌul uwach: —Lik nim aqꞌij awalaxik riꞌat Simón at ukꞌajol ri Jonás; ma na e ta juna tikawex xqꞌalajisan waꞌ chawe, e ri Nuqaw kꞌo chilaꞌ chikaj.
23764	MAT 16:23	Ekꞌu ri Jesús xutzuꞌ lo uwach ri Pedro y xubꞌiꞌij che: —¡Chatel chinuwach, Satanás! Riꞌat at latzꞌanel chwe, ma na e ta kachꞌobꞌ puwi ri uchꞌobꞌom lo ri Dios, xew e kachꞌobꞌ jelaꞌ pachaꞌ ri kakichꞌobꞌ ri winaq —xchaꞌ.
23768	MAT 16:27	»Ma Ralaxel Chikixoꞌl Tikawex kakꞌun rukꞌ runimal yakbꞌal uqꞌij Ruqaw y kukꞌ taq ru ángeles. Ekꞌuchiriꞌ kuya chike chikijujunal ri tikawex, ri rajil ukꞌaxel e chirij taq ri kiꞌanom.
23797	MAT 18:1	Chupa kꞌu laꞌ la qꞌij, rutijoꞌn ri Jesús xeqibꞌ rukꞌ y xkitzꞌonoj che: —¿China ri más kꞌo uwach chupa rutaqanik ri Dios petinaq chilaꞌ chikaj? —xechaꞌ.
23802	MAT 18:6	»China ri kaminow pa mak junoq chike wa chꞌutiꞌq kubꞌul kikꞌuꞌx wukꞌ, e ne más utz katzayabꞌax bꞌi puqul juna nimalaj kaꞌ re keꞌem y kakꞌaq kꞌu bꞌi pa ri mar chaꞌ kamuqutaj kꞌa chuxeꞌ.
23806	MAT 18:10	»Mikꞌaq bꞌi uqꞌij junoq chike wa e chꞌutiꞌq kubꞌul kikꞌuꞌx wukꞌ. Ma kambꞌiꞌij kꞌu chiwe, ri ángeles e chajal ke rike xaqi e kꞌo chwach ri Nuqaw Dios chilaꞌ chikaj.
23809	MAT 18:13	We xuriq kꞌut, paqatzij wi kambꞌiꞌij chiwe: E más kakiꞌkot ruma ri jun bꞌexex chikiwa ri noventa y nueve na e ta sachinaq.
23826	MAT 18:30	»Noꞌj rire na xraj taj xroyeꞌej waꞌ. Ri xuꞌano e xuꞌyaꞌa ri jun chik rach aj chak pa cárcel; yey kꞌa ekꞌu kesax loq we xutoj na rukꞌas.
23832	MAT 19:1	Echiriꞌ xukꞌis ubꞌiꞌxik waꞌ ri Jesús, xel bꞌi Galilea y xeꞌek pa taq ri luwar re Judea y xopon pa taq ri luwar kꞌo chꞌaqa yaꞌ che ri nimayaꞌ Jordán.
23841	MAT 19:10	Ekꞌu rutijoꞌn xkibꞌiꞌij che: —We jelaꞌ kukꞌulumaj rachi rukꞌ ri kꞌulanikil, más ne utz riꞌ we junoq na kakꞌuliꞌ taj —xechaꞌ.
23855	MAT 19:24	Kambꞌiꞌij tanchi kꞌu chiwe: E ne más kꞌayew ri kok juna bꞌeyom chupa rutaqanik ri Dios chwa ri kikꞌow juna camello chupa rutel juna akuxaꞌ —xchaꞌ.
23866	MAT 20:5	»Pa tikꞌil qꞌij kꞌu riꞌ, ri rajaw ri chak xel tanchi ubꞌi che kitzuquxik más aj chak. Yey je tanchi laꞌ xuꞌan che ri urox ora bꞌenaq qꞌij.
23871	MAT 20:10	Tekꞌuchiriꞌ, xekꞌun lo ri ebꞌokinaq nabꞌe pa chak. E chikiwa rike más kꞌi ri kajil kakikꞌulu. Noꞌj na je ta laꞌ xuꞌano, ma xkikꞌul chikijujunal jun denario, pachaꞌ ri xkikꞌul ri jujun chik.
23892	MAT 20:31	Ekꞌu ri winaq xekichꞌaꞌbꞌej kipa chaꞌ na kesikꞌin ta chik, noꞌj ri kaꞌibꞌ potzꞌ más ne ko xesikꞌinik, xkibꞌiꞌij: —¡Qajawal, lal ri Ralkꞌoꞌal kan ri rey David, choj-juchꞌ kaꞌn ko cheꞌla! —xechaꞌ.
23931	MAT 21:36	»Ekꞌu ri rajaw xebꞌutaq tanchi lo más aj chakibꞌ, yey waꞌ más e kꞌi chwa ri xebꞌutaq lo nabꞌe. Ewi raj tunulel je tanchi laꞌ xkiꞌano pachaꞌ ri xkiꞌan chike ri e nabꞌe.
23971	MAT 22:30	Ma echiriꞌ kekꞌastaj lo ri ekaminaq, na kekꞌuliꞌ ta chik yey na kekiya ta chi ne ri kalkꞌoꞌal pa kꞌulanikil; kebꞌuꞌana kꞌu pachaꞌ ri ángeles re ri Dios chilaꞌ chikaj, ma ri ángeles na kekꞌuliꞌ taj.
23977	MAT 22:36	—Lal tijonel, chupa Rutzij Upixabꞌ ri Dios, ¿pachike ri taqanik más chirajawaxik? —xchaꞌ.
24002	MAT 23:15	»¡Lik toqꞌoꞌ wach ralaq alaq aj kꞌutunel re ri tzijpixabꞌ y alaq fariseos! ¡Xa kebꞌ palaj alaq! Ralaq kaqꞌaxuj alaq uwi taq mar y kabꞌinibꞌej alaq taq ri luwar che ruwachulew chaꞌ juna tikawex kuꞌan tijoꞌn alaq. Yey echiriꞌ uꞌanom chi tijoꞌn alaq, kaꞌan alaq che ri tikawex kalaj más itzel uwachlibꞌal chiwach ralaq.
24004	MAT 23:17	»¡Na jinta naꞌoj alaq y alaq potzꞌ! ¿Pachike ri más kꞌo uwach? ¿E ri oro o e ri Rocho Dios, ri kuꞌan santo che ri oro?
24006	MAT 23:19	»¡Sachinaq ri naꞌoj alaq y alaq potzꞌ! ¿Pachike ri más kꞌo uwach? ¿E ri qasaꞌn o e raltar ri kuꞌan santo che ri qasaꞌn?
24057	MAT 24:31	Kebꞌutaq kꞌu ru ángeles rukꞌ unimal uchꞌawibꞌal trompeta re kakimol kichiꞌ konoje ri ebꞌuchaꞌom ri Dios pa taq ronoje luwar che rukajchal rajlibꞌal ruwachulew.
24062	MAT 24:36	»Ekꞌu chwi ruqꞌijol y ruꞌorayil waꞌ, na jinta junoq etaꞌmayom re; na ketaꞌam tane ri ángeles e kꞌo chilaꞌ chikaj, ma xew ri Nuqaw etaꞌmayom re.
24106	MAT 25:29	Ma china ri lik kꞌi kꞌo rukꞌ, kayaꞌiꞌ más che y jelaꞌ kakꞌojiꞌ ne uwiꞌ ri kꞌo rukꞌ. Noꞌj ri na jinta kꞌo rukꞌ, kamaj ne che ri xa jubꞌiqꞌ kꞌo rukꞌ.
24108	MAT 25:31	»Echiriꞌ Ralaxel Chikixoꞌl Tikawex kakꞌun rukꞌ runimal uchuqꞌabꞌ kukꞌ konoje ri santowilaj ángeles, katzꞌuyiꞌ na kꞌu riꞌ chupa ri chomilaj tzꞌulibꞌal re rutaqanik.
24113	MAT 25:36	Na jinta ko nuqꞌuꞌ y riꞌix xiya nuqꞌuꞌ; xinkꞌojiꞌ pa yabꞌil y xixeꞌbꞌina wukꞌ; xinkꞌojiꞌ pa cárcel y xiniꞌwilaꞌ” kachaꞌ.
24116	MAT 25:39	¿Jampalaꞌ xqil la lal yewaꞌ o kꞌo la pa cárcel yey xeꞌqila la?” kechaꞌ.
24118	MAT 25:41	»Ekꞌuchiriꞌ, kubꞌiꞌij ri rey chike ri e kꞌo pumox: “Riꞌix itzel iwachlibꞌal, chixela wukꞌ; kixꞌek kꞌu chupa ri aqꞌ na kachup ta chik, ri yijbꞌital chi pan che ritzel winaq kukꞌ konoje ru ángeles eteran chirij.
24120	MAT 25:43	Xintzukuj pa kinkanaj kan wi, yey riꞌix na xinikꞌul ta pa iwocho. Na jinta ko nuqꞌuꞌ, yey riꞌix na xiya ta nuqꞌuꞌ. Xinkꞌojiꞌ pa yabꞌil y xinkꞌojiꞌ pa cárcel, yey riꞌix na xiniꞌwila taj” kachaꞌ.
24121	MAT 25:44	»Ekꞌuchiriꞌ, kakibꞌiꞌij rike che: “Qajawal, ¿jampalaꞌ xqil la kanum la yey katzajin chiꞌ la? ¿Jampalaꞌ xqil la katzukuj la pa kakanaj kan wi la? ¿Jampalaꞌ xqil la na jinta qꞌuꞌ la? ¿Jampalaꞌ xqil la lal yewaꞌ o kꞌo la pa cárcel, yey riꞌoj na xqanimaj ta la?” kechaꞌ.
24126	MAT 26:3	Ekꞌu ri nimaq e aj chakunel pa Rocho Dios kukꞌ raj kꞌutunel re ri tzijpixabꞌ y ri nimaq winaq e aj wach re ri tinamit, xkimol kibꞌ che ruwa ja re ri palacio re ri Caifás, ri kajawal raj chakunel pa Rocho Dios.
24147	MAT 26:24	Paqatzij wi Ralaxel Chikixoꞌl Tikawex e katajin che rikꞌowibꞌexik janipa ri tzꞌibꞌital kan puwi Rire chupa Ruchꞌaꞌtem ri Dios. Pero ¡lik toqꞌoꞌ uwach rachi kakꞌayin re! E ne más utz che waꞌchi tamaji xalaxik —xchaꞌ.
24176	MAT 26:53	¿Na awetaꞌam ta kami, we ta kuaj riꞌin kantzꞌonoj che ri Nuqaw woꞌora, Rire kebꞌutaq lo juna kabꞌlajuj legiones re ángeles wukꞌ?
24180	MAT 26:57	Ri xechapaw bꞌi ri Jesús xkikꞌam bꞌi chwach ri Caifás, ri kajawal raj chakunel pa Rocho Dios, pa kimolom wi kibꞌ raj kꞌutunel re ri tzijpixabꞌ y ri nimaq winaq re ri tinamit.
24188	MAT 26:65	Ekꞌu ri kajawal raj chakunel pa Rocho Dios xurichꞌij ruqꞌuꞌ y xubꞌiꞌij: —Waꞌ waꞌchi lik xmakun chirij ri Dios rukꞌ wa xubꞌiꞌij. ¡Na jinta chi uchak más e aj kojol umak! Ma lik e laꞌ xta alaq xubꞌiꞌij ri na taqal ta che.
24213	MAT 27:15	Chupa kꞌu ri nimaqꞌij Pascua, ri taqanel romano xex kuꞌan wi kuyolopij bꞌi jun chike ri e kꞌo pa cárcel, yey e ri winaq kechaꞌwik china ri kakaj kayolopix bꞌi.
24214	MAT 27:16	Kꞌo kꞌu jun achi pa cárcel lik etaꞌmatal uwach, Barrabás rubꞌiꞌ.
24215	MAT 27:17	Ekꞌuchiriꞌ ri winaq kimolom chi kibꞌ, ri Pilato xutzꞌonoj chike: —¿China ri kiwaj riꞌix kanyolopij bꞌi, e ri Barrabás o e ri Jesús, ri kabꞌiꞌx che “e ri Cristo”, Ruchaꞌoꞌn lo ri Dios? —xchaꞌ.
24218	MAT 27:20	Noꞌj ri nimaq e aj chakunel pa Rocho Dios kukꞌ taq ri nimaq winaq re Israel xkikoj pa kijolom ri ukꞌiyal winaq chaꞌ e kakitzꞌonoj kayolopix bꞌi ri Barrabás yey e kakamisax ri Jesús.
24219	MAT 27:21	Ri taqanel xchꞌaꞌt tanchi kukꞌ ri winaq, jewaꞌ xutzꞌonoj chike: —¿China chike wa kaꞌibꞌ kiwaj kanyolopij bꞌi? —xchaꞌ. Rike xkibꞌiꞌij: —E yolopij bꞌi la ri Barrabás —xechaꞌ.
24221	MAT 27:23	Ekꞌu riꞌ ri Pilato xubꞌiꞌij chike: —¿Saꞌ kꞌu rumak uꞌanom? —xchaꞌ. Pero ri winaq más ko xesikꞌinik: —¡Kamisax chwa cruz! —xechaꞌ.
24222	MAT 27:24	Ri Pilato xrilo na jinta kutiqoj kuꞌan más tzꞌonobꞌal chike ma más ne ketukuk ri winaq; ruma kꞌu riꞌ, xutaq ukꞌamik yaꞌ y ekꞌu laꞌ chikiwach ri winaq xuchꞌaj ruqꞌabꞌ, y jewaꞌ xubꞌiꞌij: —Na jinta kꞌu numak riꞌin che rukamik waꞌchi jusukꞌ rubꞌinik, ma waꞌ imak riꞌix —xchaꞌ.
24224	MAT 27:26	Ewi ri Pilato xuyolopij bꞌi ri Barrabás. Tekꞌuchiriꞌ, xtaqan che kajichꞌ upa ri Jesús y xuya pakiqꞌabꞌ ri soldados chaꞌ kakikamisaj chwa cruz.
24252	MAT 27:54	Ekꞌu ri capitán y ri soldados echajiyom re ri Jesús, echiriꞌ xkil ri kabꞌraqan y ronoje taq ri xuꞌano, lik xkixiꞌij kibꞌ y jewaꞌ xkibꞌiꞌij: —¡Paqatzij wi, waꞌ waꞌchi e Ukꞌajol ri Dios! —xechaꞌ.
24262	MAT 27:64	E uwariꞌche, taqa la uchajixik chi utz ri muqubꞌal kꞌa che rurox qꞌij, chaꞌ na kekꞌun ta rutijoꞌn chaqꞌabꞌ, koꞌlkelaqꞌaj bꞌi rucuerpo y tekꞌuchiriꞌ, kakibꞌiꞌij chike ri winaq: “Xkꞌastaj lo chikixoꞌl ri ekaminaq.” We ekꞌu xuꞌan riꞌ, kuꞌana ne más unimal raqꞌubꞌal riꞌ chwa ri nabꞌe uꞌanom loq echiriꞌ xubꞌiꞌij e Ruchaꞌoꞌn lo ri Dios —xechaꞌ.