28099	ROM 4:9	Echiriꞌ kubꞌiꞌij «nim kiqꞌij kalaxik», ¿xew nawi kachꞌaꞌt pakiwi ri kikojom ri retalil re circuncisión? ¡Na xew taj! Ma kachꞌaꞌt pakiwi ri kikojom ri retalil re circuncisión y pakiwi ri na kikojom taj. Yey qabꞌiꞌim puwi ri Abraham: Xꞌaniꞌ jusukꞌ che rire ruma ri kubꞌulibꞌal ukꞌuꞌx rukꞌ ri Dios.
28648	1CO 10:13	We kakꞌam pa alaq, mabꞌiꞌij alaq: «Xew riꞌin kinikꞌowibꞌen waꞌ», ma qonoje ri oj tikawex kojikꞌow chupa waꞌ. Na rukꞌ ta kꞌu riꞌ, kubꞌul qakꞌuꞌx rukꞌ ri Dios, ma Rire na kojroqꞌotaj ta kꞌenoq y na kuya ta luwar kape juna kꞌambꞌal qapa we na yaꞌtal ta chiqe kaqachꞌij rukꞌ ruchuqꞌabꞌ Rire.
29185	GAL 3:16	Ekꞌu ri Dios xuya rubꞌiꞌtisinik che ri Abraham y che kan ri Jun ralkꞌoꞌal. Rutzij Upixabꞌ ri Dios na jetawaꞌ kubꞌiꞌij «chike kan rawalkꞌoꞌal», pachaꞌ e ukꞌiyal tikawex, ma jewaꞌ kubꞌiꞌij «che kan ri Jun awalkꞌoꞌal»; waꞌ keꞌelawi e ri Cristo.
29348	EPH 4:9	Echiriꞌ kubꞌiꞌij «xeꞌek chilaꞌ chikaj», waꞌ keꞌelawi xtzelej chilaꞌ chikaj, ma nabꞌe xpe chilaꞌ y xkꞌun wara che ruwachulew.
30685	1JN 4:15	E junoq kuqꞌalajisaj: «Ri Jesús e Ukꞌajol ri Dios», riꞌ jeqel ri Dios pa ranimaꞌ yey rire kꞌo puqꞌabꞌ ri Dios.