23451	MAT 9:3	E kꞌo kꞌu jujun chike raj kꞌutunel re ri tzijpixabꞌ jewaꞌ xkichꞌobꞌo: «Wa jun achi lik kamakun chirij ri Dios, ma na yaꞌtal ta puqꞌabꞌ junoq kubꞌiꞌij waꞌ.»
23469	MAT 9:21	Ma xuchꞌobꞌ pa ranimaꞌ: «Tobꞌ tane xew luꞌqꞌuꞌ kanchapo, rukꞌ riꞌ kinkunutajik.»
23898	MAT 21:3	We kꞌo kꞌu junoq kutzꞌonoj chiwe saꞌ ri kiꞌano, jewaꞌ chibꞌiꞌij che: “Rawaj kebꞌajawax che ri Qajawal, yey kꞌate kutaq tanchi uloq” kixchaꞌ.»
23925	MAT 21:30	Tekꞌuchiriꞌ, rachi xqibꞌ rukꞌ ri jun chik ukꞌajol y xubꞌiꞌij che pachaꞌ ri xubꞌiꞌij che ri ratzixel. »Ekꞌu rala xukꞌul uwach: “Utz riꞌ, tat, kinꞌek pa ri chak” xchaꞌ. Yey na xeꞌek ta kꞌu riꞌ.»
24026	MAT 23:39	Kambꞌiꞌij kꞌu chiwe riꞌix: Chwi kꞌu woꞌora na kiwil ta chi kꞌana nuwach riꞌin kꞌa echiriꞌ kopon na ruqꞌijol kibꞌiꞌij riꞌix: Lik nim uqꞌij ri jun petinaq chupa rubꞌiꞌ ri Dios Qajawxel kixchaꞌ.»
24171	MAT 26:48	Ekꞌu ri Judas, ri kayaꞌw bꞌi re pakiqꞌabꞌ, ubꞌiꞌim chi lo chike suꞌanik kaketaꞌmaj china ri kakichapo, jewaꞌ ubꞌiꞌim: «E ri jun kantzꞌubꞌ uchiꞌ, e riꞌ rire. Chapa kꞌu bꞌi alaq.»
24198	MAT 26:75	Ekꞌuchiriꞌ, xkꞌun lo chukꞌuꞌx ri Pedro ri xbꞌiꞌx lo che ruma ri Jesús: «Kꞌamajaꞌ ne kabꞌixon ri teren, riꞌat oxlaj chik abꞌiꞌim na awetaꞌam ta nuwach.» Ewi xel bꞌi ri Pedro chiriꞌ y lik xoqꞌik ruma rukꞌaxkꞌolil ukꞌuꞌx.
24235	MAT 27:37	Chwi kꞌu lo rucruz ri Jesús tzꞌibꞌitalik suꞌbꞌe xqꞌat tzij puwiꞌ, jewaꞌ kubꞌiꞌij: «E JESÚS WAꞌ, RI REY KE RAJ JUDIꞌABꞌ.»
24387	MRK 3:30	Xubꞌiꞌij waꞌ ma rike kibꞌiꞌim: «Rire kꞌo puqꞌabꞌ jun itzelilaj uxlabꞌixel.»
24461	MRK 5:28	ma xuchꞌobꞌ pa ranimaꞌ: «Tobꞌ tane xew luꞌqꞌuꞌ kanchapo, rukꞌ riꞌ kinkunutajik.»
24491	MRK 6:15	Yey e kꞌo jujun chik kebꞌiꞌn re: «Rire e Elías» y jujun chik kebꞌiꞌn re: «E juna qꞌalajisanel o laj junoq chike ri qꞌalajisanelabꞌ re ojertan.»
24569	MRK 7:37	Lik kꞌu kakam kanimaꞌ ri winaq che y jewaꞌ kakibꞌiꞌij: «Ronoje ri kuꞌano lik utz, ma ri e tꞌoꞌk kuꞌan chike ketanik yey ri e meꞌt kuꞌan chike kechꞌawik.»
24895	MRK 14:72	Ekꞌu ri teren xchꞌaw chukalaj. Ewi xkꞌun lo chukꞌuꞌx ri Pedro ri xbꞌiꞌx lo che ruma ri Jesús: «Kꞌamajaꞌ ne kabꞌixon ri teren chukalaj, riꞌat oxlaj chik abꞌiꞌim na awetaꞌam ta nuwach.» Ekꞌu katajin waꞌ pujolom, xumaj roqꞌej.
24921	MRK 15:26	Chwi kꞌu lo rucruz ri Jesús tzꞌibꞌitalik suꞌbꞌe xqꞌat tzij puwiꞌ, jewaꞌ kubꞌiꞌij: «RI REY KE RAJ JUDIꞌABꞌ.»
24987	LUK 1:25	«E ri Nuqaw Dios ꞌanayom waꞌ chwe ma xinjuchꞌ kaꞌn che y xresaj ri chꞌamibꞌal we.»
25025	LUK 1:63	Ekꞌu ruqaw rakꞌa xutzꞌonoj juperaj tzꞌalam re tzꞌibꞌanik y jewaꞌ xutzꞌibꞌaj chwach: «Juan rubꞌiꞌ kakojik.» Y konoje lik xkam kanimaꞌ che.
25155	LUK 4:23	Y ri Jesús xubꞌiꞌij chike: «Laj ne kabꞌiꞌij alaq chwe: “Kunanel, chakunaj awibꞌ chawibꞌil awibꞌ. Chaꞌana kꞌu riꞌ chupa wa tinamit taq ri kꞌutubꞌal re ruchuqꞌabꞌ ri Dios jelaꞌ pachaꞌ ri qatom xaꞌan chilaꞌ Capernaúm” kacha alaq chwe.»
25272	LUK 7:8	Ma e pachaꞌ riꞌin, in kꞌo puqꞌabꞌ jun taqanel y rire ebꞌuyaꞌom ukꞌiyal soldados panuqꞌabꞌ. We kambꞌiꞌij kꞌu che junoq: “Jat”, keꞌek; o kambꞌiꞌij che junoq chik: “Chatpetoq”, kapetik. Yey we kambꞌiꞌij che juna waj chak: “E chaꞌana waꞌ”, kuꞌano.»
25303	LUK 7:39	Echiriꞌ xril waꞌ ri fariseo, ri sikꞌiyom re ri Jesús, xuchꞌobꞌo: «We ta waꞌchi paqatzij wi qꞌalajisanel, kunaꞌbꞌej riꞌ saꞌ rubꞌinik usilabꞌik wiꞌxoq kachapaw re, ma waꞌ wiꞌxoq lik aj mak.»
25378	LUK 9:8	Yey e kꞌo jujun kakibꞌiꞌij: «Rire e Elías xwinaqir loq.» Y e kꞌo jujun chik kakibꞌiꞌij: «E junoq chike ri qꞌalajisanelabꞌ re ojertan xkꞌastaj loq» kechaꞌ.
25467	LUK 10:35	Echiriꞌ xel chiriꞌ chukaꞌm qꞌij, xresaj lo kaꞌibꞌ denarios pubꞌolxa y xuya kan che ri rajaw ri mesón, y jewaꞌ xubꞌiꞌij che: “Chajij ko la waꞌchi chwe. We na xuꞌan ta kꞌu wa puaq kanya kan cheꞌla, echiriꞌ kintzelej loq, kanyijbꞌaꞌ cheꞌla” xchaꞌ.»
25596	LUK 13:9	Kꞌaxtaj kuya ujiqꞌobꞌalil; noꞌj we na xuya taj, kꞌa ekꞌuchiriꞌ utz kachet bꞌi” xchaꞌ.»
25622	LUK 13:35	»Chitape kꞌut, kꞌo jun qꞌij echiriꞌ ri iwocho riꞌix kawulix kanoq. Kambꞌiꞌij kꞌu chiwe na kiwil ta chi nuwach kꞌa echiriꞌ kopon na ruqꞌijol kibꞌiꞌij: Lik nim uqꞌij ri jun petinaq chupa rubꞌiꞌ ri Dios Qajawxel kixchaꞌ.»
25646	LUK 14:24	Yey paqatzij wi kambꞌiꞌij chawe: Na jinta junoq chike ri xenusikꞌij nabꞌe, kutij re ri nimabꞌal nuyijbꞌam” xchaꞌ.»
25689	LUK 15:32	Noꞌj woꞌora lik chirajawaxik wi kaqaꞌan nimaqꞌij y kojkiꞌkotik, ma waꞌchaqꞌ e junam rukꞌ kaminaq chik yey woꞌora xkꞌastaj loq. Rire sachinaq chik pero xriqitajik” xchaꞌ.»
25697	LUK 16:8	»Ekꞌu ri rajaw, echiriꞌ xretaꞌmaj saꞌ ri xuꞌan ri raj chak, jewaꞌ xubꞌiꞌij: “¡Jaꞌ! ¡Lik kꞌo unaꞌoj wa jun achi, tobꞌ na jusukꞌ ta ri uꞌanom!” xchaꞌ.» Xubꞌiꞌij kꞌu ri Jesús chike rutijoꞌn: «Paqatzij wi ri winaq na e ta jusukꞌ, más kꞌo kinaꞌoj che uchapabꞌexik rubꞌitaq ke, chikiwa ri e kꞌo pa ri Qꞌijsaq.
25720	LUK 16:31	»Ekꞌuchiriꞌ xubꞌiꞌij ri Abraham che: “We rike na kebꞌok ta il che ri kitzꞌibꞌam kan ri Moisés y ri qꞌalajisanelabꞌ, na kakijalkꞌatij ta ri kibꞌinik kisilabꞌik tobꞌ ne kawinaqir chikiwach junoq kꞌastajinaq bꞌi chikixoꞌl ri ekaminaq” xcha ri Abraham.»
25730	LUK 17:10	Jekꞌulaꞌ riꞌix, echiriꞌ iꞌanom chi ronoje ri ixtaqom che uꞌanik ruma ri Dios, jewaꞌ chibꞌiꞌij: “Riꞌoj xa oj mokom, na taqal ta ko chiqe kayak qaqꞌij ma xew qaꞌanom ri ubꞌiꞌim ri Dios chiqe” kixchaꞌ.»
25762	LUK 18:5	kanꞌan na kꞌu wa qꞌatbꞌal tzij kutzꞌonoj wiꞌxoq malkaꞌn. Ma we na kantoꞌ taj, xaqi kinoꞌluchꞌichꞌaꞌ yey waꞌ na kankuy ta chik” xcha raj qꞌatal tzij.»
25827	LUK 19:27	Ekꞌu woꞌora, chebꞌikꞌama lo wara ri winaq lik tzel kinkilo, ri na xkaj taj kinuꞌan rey pakiwiꞌ, y chebꞌikamisaj chinuwach” xchaꞌ.»
25831	LUK 19:31	We kꞌo kꞌu junoq katzꞌonow chiwe: “¿Suꞌchak kikiro?”, jewaꞌ kikꞌul uwach: “Ma kajawax che ri Qajawal” kixchaꞌ.»
25994	LUK 22:61	Ekꞌuchiriꞌ, ri Qanimajawal xtzuꞌn lo chirij y e xutzuꞌ lo uwach ri Pedro. Ekꞌu ri Pedro xkꞌun chukꞌuꞌx saꞌ rubꞌiꞌim kan ri Qanimajawal che: «Kꞌamajaꞌ ne kabꞌixon ri teren, riꞌat oxlaj chik abꞌiꞌim na awetaꞌam ta nuwach.»
26042	LUK 23:38	Chwi kꞌu lo ri cruz re ri Jesús, pa ri chꞌaꞌtem griego, pa ri chꞌaꞌtem latín y pa ri chꞌaꞌtem hebreo tzꞌibꞌital waꞌ: «WAꞌ E REY KE RAJ JUDIꞌABꞌ.»
26264	JHN 4:39	E kꞌi chike ri e aj Samaria xkubꞌiꞌ kikꞌuꞌx rukꞌ ri Jesús ruma ri xutzijoj rixoq echiriꞌ xubꞌiꞌij chike: «Rire xubꞌiꞌij chwe janipa ri nuꞌanom.»
26278	JHN 4:53	Jekꞌulaꞌ ruqaw rala xretaꞌmaj e ora riꞌ xubꞌiꞌij ri Jesús che: «Ri kꞌajol la na kakam taj.» Ruma kꞌu riꞌ laꞌ, rire kukꞌ konoje ri e kꞌo pa rocho xkubꞌiꞌ kikꞌuꞌx rukꞌ ri Jesús.
26367	JHN 6:41	Rukꞌ kꞌu riꞌ waꞌ, raj judiꞌabꞌ xkijeq kechꞌaꞌt chirij ri Jesús ruma ri xubꞌiꞌij: «In ri in pam petinaq chilaꞌ chikaj.»
26532	JHN 9:23	E uwariꞌche ruchu-uqaw rachi xkibꞌiꞌij: «Tzꞌonoj alaq che, ma rire nim chik.»
26595	JHN 11:3	Ekꞌu ri kebꞌ ixoqibꞌ kichaqꞌ kibꞌ jewaꞌ xkitaq ubꞌiꞌxikil che ri Jesús: «Qajawal, ri jun lik kꞌax kanaꞌ la, lik yewaꞌ.»
26678	JHN 12:29	Ri winaq e kꞌo chiriꞌ xkita waꞌ y xkibꞌiꞌij: «Laꞌ uchꞌawibꞌal jabꞌ.» Yey jujun chik xkibꞌiꞌij: «Jun ángel xchꞌaw lo che» xechaꞌ.
26863	JHN 18:9	E xubꞌiꞌij waꞌ ri Jesús chaꞌ e kuꞌana ri ubꞌiꞌim chik: «Na jinta junoq xsach chike ri ebꞌuyaꞌom ri Nuqaw chwe.»
26868	JHN 18:14	Yey e Caifás ri ubꞌiꞌim chike raj judiꞌabꞌ: «E más utz we ta e laꞌ xa jun chi achi kakam kuma konoje ri tinamit.»
26913	JHN 19:19	Ri Pilato utaqom chik katzꞌibꞌax waꞌ y kayaꞌ kꞌu lo chwi ri cruz: «JESÚS RI AJ NAZARET, RI REY KE RAJ JUDIꞌABꞌ.»
26990	JHN 21:23	Ruma kꞌu wa xubꞌiꞌij ri Jesús, xeꞌek utzijoxik chikixoꞌl ri kikojom rubꞌiꞌ ri Cristo: «Laꞌ la jun utijoꞌn na kakam taj.» Pero ri Jesús na xubꞌiꞌij ta che we na kakam taj, ma xew xubꞌiꞌij waꞌ: «¿Suꞌchak katzꞌonoj? We kuaj riꞌin kꞌa kꞌas rire echiriꞌ kinkꞌun tanchik, na jinta awe che.»
27323	ACT 9:38	Ekꞌu ri hermanos e kꞌo Lida xkito kꞌo ri Pedro pa ri tinamit Jope, yey waꞌ xa naqaj kꞌo wuloq. Xekitaq kꞌu bꞌi kaꞌibꞌ achijabꞌ chaꞌ kebꞌeꞌelaj che ri Pedro, jewaꞌ kakibꞌiꞌij: «ꞌAna ko la riꞌ, peta la wara qukꞌ yey mamayin la.»
27472	ACT 13:41	Chiwilapeꞌ, ix aj chꞌaminel re ri Nutzij, lik kakam na kꞌu iwanimaꞌ che y kasach ne iwach ruma waꞌ: Riꞌin kanꞌan jun chak chupa taq wa qꞌij ix kꞌo wi, jun chak na kikoj taj, tobꞌ ne kꞌo junoq katzijow re chiwe xcha ri Dios.» Rukꞌ waꞌ xukꞌisbꞌej ri Pablo.
27587	ACT 16:35	Ekꞌuchiriꞌ xsaqirik, ri e aj qꞌatal tzij xekitaq bꞌi jujun ausiliaribꞌ chilaꞌ rukꞌ raj chajal re ri cárcel chaꞌ keꞌkibꞌiꞌij waꞌ: «Chebꞌatzoqopij bꞌi laꞌ la achijabꞌ.»
27607	ACT 17:15	E kꞌo kꞌu jujun xkachbꞌilaj bꞌi ri Pablo y xkikꞌam bꞌi chupa ri tinamit Atenas. Chilaꞌ ri Pablo xubꞌiꞌij chike ri aj Berea: «Chibꞌiꞌij chike ri Silas y ri Timoteo kakilij loq chaꞌ kakiriq kibꞌ wukꞌ wara.» Y echiriꞌ xetzelej Berea, xkibꞌiꞌij waꞌ chike ri Silas y ri Timoteo.
27615	ACT 17:23	Ma xaloqꞌ xinmalakat pa wa tinamit alaq, xinwil taq ri luwar pa keloqꞌnimaj taq wi ri tiox alaq, yey xineꞌtzaq ne chwi jun altar pa tzꞌibꞌital wi waꞌ: «CHE RI DIOS NA ETAꞌMATAL TA UWACH.» Ekꞌu riꞌ wa jun kaloqꞌnimaj alaq uqꞌij tobꞌ na etaꞌam ta alaq uwach, e waꞌ Rire ri kantzijoj che alaq.
27675	ACT 19:21	Ikꞌowinaq chi taq waꞌ, ri Pablo xutik pa ranimaꞌ keꞌek pa ri tinamit Jerusalem echiriꞌ ikꞌowinaq chi pa taq ri luwar re Macedonia y re Acaya. Jewaꞌ xubꞌiꞌij: «Echiriꞌ inikꞌowinaq chi chupa ri tinamit Jerusalem, lik chirajawaxik chwe kinopon pa ri tinamit Roma.»
27763	ACT 21:31	Ekꞌu riꞌ kakaj kakikamisaj. Xopon kꞌu ubꞌiꞌxikil che ri comandante ke ri soldados e aj Roma: «Konoje ri tinamit ketukukik.»
27914	ACT 26:23	Ma rike xkibꞌiꞌij chirajawaxik ri Cristo karikꞌowibꞌej na rukꞌaxkꞌolil ri kamik y kuꞌana ri nabꞌe kakꞌastaj lo chikixoꞌl ri ekaminaq, chaꞌ jelaꞌ kutzijoj ri Qꞌijsaq chike ri qatinamit y chike ri jujun chik tinamit na e ta aj judiꞌabꞌ.»
28018	ROM 1:20	Ma e janipa ri na kilitaj ta uwach che ri Dios, pachaꞌ ruchuqꞌabꞌ na jinta utaqexik y runimal uwach Rire, waꞌ lik xqꞌalajin lo chwi ri jeqebꞌal re ruwachulew ruma ronoje taq ri ꞌanatal ruma Rire. E uwariꞌche na usukꞌ taj we kꞌo junoq kubꞌiꞌij: «Na jinta kꞌo wetaꞌam puwi ri Dios.»
28078	ROM 3:19	Ronoje ri kubꞌiꞌij Rutzij Upixabꞌ ri Dios, waꞌ kubꞌiꞌij chike ri kꞌo wa Tzij Pixabꞌ pakiqꞌabꞌ. Jekꞌulaꞌ na jinta junoq kꞌo puqꞌabꞌ kubꞌiꞌij: «Na utz ta kuqꞌat tzij ri Dios panuwiꞌ ma riꞌin na jinta kꞌana numak.» Ma paqatzij wi konoje ri winaq e kꞌo che ruwachulew, tobꞌ e aj judiꞌabꞌ o na e ta aj judiꞌabꞌ, e kꞌo chuxeꞌ ri qꞌatbꞌal tzij re ri Dios.
28108	ROM 4:18	Ekꞌu ri Abraham xukojo kuꞌana kiqaw tikawex che ukꞌiyal tinamit jelaꞌ pachaꞌ ri bꞌiꞌtisinik ꞌanom che ruma ri Dios echiriꞌ xubꞌiꞌij che: «Lik e kꞌi kebꞌuꞌana rawalkꞌoꞌal.» Yey tobꞌ chwach ri Abraham waꞌ lik kꞌayew, na rukꞌ ta kꞌu riꞌ, lik xroyeꞌej rukꞌ kubꞌulibꞌal kꞌuꞌxaj jelaꞌ kuꞌanaꞌ.
28166	ROM 7:7	¿Saꞌ kꞌu riꞌ ri kaqabꞌiꞌij? ¿E nebꞌa keꞌeloq ri Tzij Pixabꞌ na utz taj ma kukꞌam lo ri mak? ¡Na e ta kꞌana riꞌ! Ma riꞌin xinwetaꞌmaj saꞌ ri mak ruma ri Tzij Pixabꞌ; yey we tamaji ri Tzij Pixabꞌ, na kanwetaꞌmaj ta kꞌu riꞌ saꞌ ri mak. Ma riꞌin na wetaꞌam taj we mak ri rayinik we tamaji ri Tzij Pixabꞌ kubꞌiꞌij: «Marayij uwach ri na awe taj.»
28248	ROM 9:25	Ma jewaꞌ ri xutzꞌibꞌaj kan ri qꞌalajisanel Oseas puwi ri xubꞌiꞌij ri Dios: Chike ri na e ta nutinamit ojertan, woꞌora kambꞌiꞌij: «Riꞌix, ix nutinamit.» Y chike ri na kꞌax ta kenaꞌik, woꞌora kambꞌiꞌij: «Riꞌin kꞌax kixinnaꞌo.»
28343	ROM 13:9	Ma chupa ri Tzij Pixabꞌ re ri Dios kubꞌiꞌij waꞌ: «Matmakun chirij ri kꞌulanikil. Matkamisanik. Matelqꞌanik. Maꞌan raqꞌubꞌal chirij junoq. Marayij uwach ri na awe taj.» Waꞌ wa taqanik rukꞌ ronoje ri nikꞌaj chik taqanik re ri Dios, kuꞌana xa jun rukꞌ wa chꞌaꞌtem: «Kꞌax chanaꞌa rawatz-achaqꞌ jelaꞌ pachaꞌ ri kꞌax kanaꞌ awibꞌ riꞌat.»
28443	1CO 1:12	Nutom e kꞌo jujun che alaq kakibꞌiꞌij: «In re ri Pablo.» E kꞌo jujun chik kakibꞌiꞌij: «In re ri Apolos,» jujun chik: «In re ri Pedro» y e kꞌo ne jujun chik kakibꞌiꞌij: «Riꞌin in re ri Cristo.»
28482	1CO 3:4	Ma chixoꞌl alaq e kꞌo ri kakibꞌiꞌij: «In re ri Pablo» yey jujun chik kakibꞌiꞌij: «In re ri Apolos.»
28591	1CO 7:36	Laj kꞌo junoq kꞌo umiꞌal na jinta rachijil y kuchꞌobꞌ kꞌu raqan: «Laj na usukꞌ taj we na kanya ta luwar che ri numiꞌal kakꞌuliꞌik, ma kꞌo chi rujunabꞌ.» We rachi kuchꞌobꞌ kꞌu raqan taqal che rumiꞌal kakꞌuliꞌik, e chuꞌana riꞌ, ma na mak taj.
28617	1CO 9:9	Ma chupa ri taqanik tzꞌibꞌital kan ruma ri Moisés, jewaꞌ kubꞌiꞌij: «Makoj bꞌozal che ri bꞌoyex echiriꞌ kuqil uwi ri trigo, ma taqal che katzuqik.» ¿Xubꞌiꞌij nebꞌa waꞌ ri Dios xew ruma kꞌax kebꞌunaꞌ ri bꞌoyexabꞌ?
28642	1CO 10:7	Maꞌan kꞌu ralaq alaq aj tioxabꞌ pachaꞌ xkiꞌan jujun chike rike ojertan. Ma jelaꞌ tzꞌibꞌital kan chupa Rutzij Upixabꞌ ri Dios: «Rutinamit ri Dios xetzꞌuyiꞌik, xewaꞌik y xeqꞌabꞌarik. Tekꞌuchiriꞌ xeyaktajik y xkiya kibꞌ chupa ri na utz taj.»
28717	1CO 12:15	Ma we ta kachꞌaw ri aqanaj y kubꞌiꞌij kꞌu riꞌ: «Riꞌin na in ta re ri cuerpo ma na in ta qꞌabꞌaj.» Tobꞌ ne jelaꞌ riꞌ kubꞌiꞌij, lik rewi che ri cuerpo kꞌo wi.
28718	1CO 12:16	Jekꞌulaꞌ we ta ri xikinaj kubꞌiꞌij: «Riꞌin na in ta re ri cuerpo ma na in ta wachaj.» Tobꞌ ne jelaꞌ riꞌ kubꞌiꞌij, lik rewi che ri cuerpo kꞌo wi.
28723	1CO 12:21	E uwariꞌche ri wachaj na utz taj we kubꞌiꞌij che ri qꞌabꞌaj: «Riꞌat na katajawax ta chwe.» Jekꞌulaꞌ na utz ta nenareꞌ we ri jolomaj kubꞌiꞌij che raqanaj: «Riꞌat na katajawax ta chwe.»
28965	2CO 5:20	E uwariꞌche oj taqom lo ruma ri Cristo. Ma quma riꞌoj ri Dios lik kelaj chike ri tikawex chaꞌ keqibꞌ rukꞌ. Kojelaj kꞌu pa rubꞌiꞌ ri Cristo, jewaꞌ kaqabꞌiꞌij: «Yijbꞌaꞌ ibꞌ alaq chwach ri Dios chaꞌ kakꞌojiꞌ alaq chi utzil chomal chwach.»
29112	2CO 13:1	Rutzij Upixabꞌ ri Dios jewaꞌ kubꞌiꞌij: «We e kꞌo kebꞌ oxibꞌ kakijikibꞌaꞌ uwach rumak junoq ma xkilo echiriꞌ kamakunik, kaqꞌat kꞌu tzij riꞌ puwi raj mak.» E urox laj waꞌ kinopon ukꞌ alaq,
29147	GAL 1:23	xew kitom kabꞌiꞌxik: «E rachi xojuternabꞌej rukꞌ kꞌax ruma qakojom rubꞌiꞌ ri Qanimajawal, woꞌora katajin che utzijoxik ri Utzilaj Tzij, yey e ne rire ri lik xraj kusachisaj uwach waꞌ.»
29238	GAL 5:9	Masach chikꞌuꞌx alaq waꞌ: «Echiriꞌ keꞌek jubꞌiqꞌ levadura chupa ri qꞌor re pam, waꞌ kusipowirisaj upa ronoje.» Waꞌ e keꞌeloq: E junoq na saqil ta runaꞌoj, kusachisaj ri kinaꞌoj ri jujun chik.
29626	COL 4:17	Jewaꞌ bꞌiꞌij alaq che ri Arquipo: «Lik chok la il che uꞌanik chi utz ruchak ri Dios yaꞌtal paqꞌabꞌ la.»
29755	2TH 3:10	Ma echiriꞌ kꞌa oj kꞌo ne chilaꞌ ukꞌ alaq, xqataq alaq che waꞌ: «We kꞌo junoq na karaj taj kachakunik, na taqal ta che katzuqik.»
29848	1TI 5:18	Ma jewaꞌ tzꞌibꞌital kan chupa Rutzij Upixabꞌ ri Dios: «Makoj bꞌozal che ri bꞌoyex echiriꞌ kuqil uwi ri trigo, ma taqal che katzuqik.» Y kubꞌiꞌij: «E junoq kachakunik, lik taqal che katojik.»
29857	1TI 6:2	Yey we juna aj chak kꞌo upatrón ukojom chi rubꞌiꞌ ri Cristo, muchꞌobꞌo: «Na chirajawaxik taj kanꞌan ri karaj ri nupatrón ma junam qawach qachaqꞌ qibꞌ chwach ri Dios.» Na ubꞌe taj kuchꞌobꞌ raqan waꞌ; ri lik usukꞌ e chuꞌana más chi utz ruchak ma ri kunimaj e jun ukojom rubꞌiꞌ ri Cristo y taqal kꞌu riꞌ che kꞌax kanaꞌik. Waꞌ e kꞌutunik y pixabꞌanik chaꞌana riꞌat chike ri e aj chak.
29913	2TI 2:19	Na rukꞌ ta kꞌu riꞌ, rutinamit ri Dios lik tikil chi utz pa ri Qꞌijsaq, ma rike e pachaꞌ juna kowilaj utikibꞌal juna ja pa tzꞌibꞌital wi: «Ri Dios lik retaꞌam china ri e re Rire» y «Konoje kꞌu ri kakibꞌiꞌij e re ri Cristo, chirajawaxik kakesaj kibꞌ che taq ri na jusukꞌ taj.»
30208	HEB 10:8	Nabꞌe kubꞌiꞌij: «Ri Dios na xcha ta ukꞌuꞌx che taq rawaj ekamisam chwa raltar y taq ri qasaꞌn y rawaj eporom chwi raltar y taq rawaj ekamisam re kuybꞌal mak.» Ekꞌu taq waꞌ na xukꞌul ta ukꞌuꞌx tobꞌ e ne Rire xtaqan che uꞌanik waꞌ.
30209	HEB 10:9	Tekꞌuchiriꞌ xubꞌiꞌij: «Riꞌ in kꞌo Riꞌin re koꞌlnuꞌana janipa ri rajawal ukꞌuꞌx ri Dios.» Ri keꞌelawi e kel ri kaꞌan ojertan re kekamisax awaj chwach ri Dios y pukꞌaxel waꞌ e katikiꞌ kan ri xuꞌan ri Cristo.
30368	JAS 2:8	Lik utz we paqatzij wi kaꞌan alaq rukꞌuꞌxibꞌal ri taqanik tzꞌibꞌital kan chupa Rutzij Upixabꞌ ri Dios, ri kubꞌiꞌij: «Kꞌax chanaꞌa rawatz-achaqꞌ jelaꞌ pachaꞌ ri kꞌax kanaꞌ awibꞌ riꞌat.»
30378	JAS 2:18	Laj kꞌo junoq jewaꞌ kubꞌiꞌij: «Rilal kꞌo kubꞌulibꞌal kꞌuꞌx la rukꞌ ri Dios; ekꞌu riꞌin e kankꞌut ri utz kanꞌano. ¿Kariq nawi la kaqꞌalajisaj la chinuwach riꞌin ri kubꞌulibꞌal kꞌuꞌx la we na jinta kꞌutubꞌal re? ¡Na kariq ta la! Noꞌj riꞌin utz kanqꞌalajisaj ri kubꞌulibꞌal nukꞌuꞌx chiwach la rukꞌ taq ri kanꞌano.»
30383	JAS 2:23	Yey Ruchꞌaꞌtem ri Dios kuqꞌalajisaj waꞌ echiriꞌ kubꞌiꞌij: «Ri Abraham lik xkubꞌiꞌ ukꞌuꞌx rukꞌ ri Dios y ruma kꞌu riꞌ, xꞌaniꞌ jusukꞌ che.» Y xbꞌiꞌx kꞌu che: «Rire e ramigo ri Dios.»
30639	1JN 2:22	¿China taq ri lik e aj raqꞌul? E taq ri kakibꞌiꞌij: «Ri Jesús na e ta Ruchaꞌoꞌn lo ri Dios.» Ekꞌu taq ri kakibꞌiꞌij waꞌ, na xew ta eyaktajinaq chirij Rukꞌajol ri Dios, ma jenelaꞌ eyaktajinaq chirij ri Qaqaw Dios.
30672	1JN 4:2	¿Suꞌanik kaqetaꞌmaj we rukꞌutunik junoq petinaq rukꞌ ri Ruxlabꞌixel ri Dios? Petinaq rukꞌ ri Dios we e kujikibꞌaꞌ waꞌ: «Ri Jesucristo e Ruchaꞌoꞌn lo ri Dios yey xuꞌan achi echiriꞌ xkꞌun che ruwachulew.»
30755	JUD 1:15	Xkꞌunik re koluꞌqꞌata tzij pakiwi konoje ri winaq yey kebꞌuya pa kꞌaxkꞌobꞌik raj makibꞌ e titzꞌitaq ruma ronoje taq ri mak kiꞌanom y ruma ronoje taq ri kꞌaxlaj chꞌaꞌtem kibꞌiꞌim chirij ri Dios.»
30758	JUD 1:18	Rike xkibꞌiꞌij che alaq: «Chupa taq rukꞌisbꞌal qꞌij keyaktaj lo winaq e chꞌaminel, e kakitaqej ri kirayibꞌal na chom ta uwach.»
30836	REV 3:22	China kꞌu ri kꞌo utanibꞌal, e chuta ri kubꞌiꞌij ri Ruxlabꞌixel ri Dios chike taq riglesias, kachaꞌ.»
31102	REV 19:16	Che kꞌu ruqꞌuꞌ chwi raꞌ jewaꞌ tzꞌibꞌitalik: «TAQANEL PAKIWI RI TAQANELABꞌ Y AJ WACH PAKIWI TAQ RI KꞌO KIWACH.»
31166	REV 22:17	Ri Ruxlabꞌixel ri Dios y ri rixoqil ri Qꞌapoj Bꞌexex, jewaꞌ kakibꞌiꞌij: «Peta la» kechaꞌ. Y china ri kataw re, chubꞌiꞌij: «Peta la.» China kꞌu ri katzajin uchiꞌ y karaj kapetik, petoq y chutija re ri yaꞌ re kꞌaslemal, yey waꞌ xa kasipax che.