23268	MAT 3:7	Ekꞌu ri Juan echiriꞌ xrilo lik e kꞌi chike ri fariseos y ri saduceos xekꞌun ruma ri bautismo kuyaꞌo, xubꞌiꞌij chike: «¡Ralaq pachaꞌ alaq jupuq chi kumatz! ¿China xbꞌiꞌn re we utz kesaj ibꞌ alaq chwach ri unimal kꞌaxkꞌobꞌik kutaq lo ri Dios pawiꞌ alaq?
23549	MAT 11:21	«¡Lik toqꞌoꞌ iwach ri ix aj Corazín! ¡Lik toqꞌoꞌ iwach ri ix aj Betsaida! Ma we ta chupa ri tinamit Tiro y ri tinamit Sidón xilitaj wi wa kꞌutubꞌal re ruchuqꞌabꞌ ri Dios xinꞌan chiwach riꞌix, kꞌo tan qꞌij ta lo riꞌ xkitzelej kitzij chwach ri Dios, kikojom chi kꞌu kiqꞌuꞌ kꞌax rij y kitzꞌuyubꞌam kibꞌ pa chaaj ruma ri kibꞌis.
23904	MAT 21:9	Ekꞌu ri winaq e nabꞌe chwach kukꞌ ri eteran lo chirij xkijeqo lik kesikꞌinik, kakibꞌiꞌij: «¡Qayaka uqꞌij ri Ralkꞌoꞌal kan ri rey David! ¡Nim uqꞌij ralaxik ri jun petinaq chupa rubꞌiꞌ ri Dios Qajawxel! ¡Qayaka uqꞌij ri Dios kꞌo chilaꞌ chikaj!» kechaꞌ.
23910	MAT 21:15	Ri nimaq e aj chakunel pa Rocho Dios kukꞌ raj kꞌutunel re ri tzijpixabꞌ lik xpe koyowal echiriꞌ xkil wa milagros y xkito lik kesikꞌin rakꞌalabꞌ pa ri Rocho Dios, kakibꞌiꞌij: «¡Qayaka uqꞌij ri Ralkꞌoꞌal kan ri rey David!» kechaꞌ.
24341	MRK 2:12	Na jampatana xyaktaj rachi, xutelej bꞌi ruchꞌat y chikiwach konoje xel bꞌi. Konoje kꞌu riꞌ xkam kanimaꞌ che la xkilo y xkijeq kakiyak uqꞌij ri Dios, jewaꞌ kakibꞌiꞌij: «¡Na jinta kꞌana qilom wi waꞌ!» kechaꞌ.
24368	MRK 3:11	Ekꞌu ri winaq e kꞌo pakiqꞌabꞌ itzelilaj uxlabꞌixel, echiriꞌ kakil uwach ri Jesús, kexukiꞌ chwach y kesikꞌinik kakibꞌiꞌij: «¡Rilal lal Rukꞌajol ri Dios!» kechaꞌ.
24718	MRK 11:9	Ri winaq e nabꞌejinaq chwach kukꞌ ri eteran lo chirij xkijeqo lik kesikꞌinik, kakibꞌiꞌij: «¡Qayaka uqꞌij! ¡Nim uqꞌij ralaxik ri jun petinaq chupa rubꞌiꞌ ri Dios Qajawxel!
25056	LUK 2:14	«¡Nim uqꞌij ri Dios kꞌo chilaꞌ chikaj! Yey che ruwachulew, kꞌola ri utzil chomal re ri Dios kukꞌ ri kakikꞌul ri rutzil ukꞌuꞌx Rire» kechaꞌ.
25173	LUK 4:41	Jenelaꞌ xebꞌel bꞌi itzelilaj uxlabꞌixel chike ukꞌiyal winaq. Echiriꞌ kebꞌel bꞌi, kesikꞌinik, jewaꞌ kakibꞌiꞌij: «¡Rilal lal Rukꞌajol ri Dios!» kechaꞌ. Noꞌj ri Jesús xebꞌuqꞌatej y na xuya ta luwar chike kechꞌawik, ma rike ketaꞌam chik Rire e Uchaꞌoꞌn lo ri Dios.
25520	LUK 11:46	Ri Jesús xubꞌiꞌij: «¡Lik toqꞌoꞌ wach ralaq alaq aj kꞌutunel re ri tzijpixabꞌ! Lik kaꞌan alaq kꞌax chike ri winaq rukꞌ ri taqanik alaq. Ma wa taqanik alaq e pachaꞌ nimaq taq eqaꞌn lik al y lik kꞌayew rukꞌaxik; ketaq kꞌu alaq ri winaq chaꞌ kakeqaj bꞌi yey ralaq na kaꞌaj tane alaq katoꞌbꞌ kꞌana alaq rukꞌ waꞌ.
25637	LUK 14:15	Echiriꞌ xuta waꞌ jun chike ri etzꞌul chwa ri mexa, jewaꞌ xubꞌiꞌij che: «¡Nim uqꞌij ralaxik china ri kawaꞌ pa ri nimalaj nimabꞌal kuya ri Dios pa rutaqanik!» xchaꞌ.
25838	LUK 19:38	jewaꞌ kakibꞌiꞌij: «¡Lik nim uqꞌij ri Rey petinaq chupa rubꞌiꞌ ri Dios Qajawxel! ¡Utzil chomalil kꞌo chilaꞌ chikaj y lik nim uwach uqꞌij ri Dios chilaꞌ chikaj!» kechaꞌ.
25842	LUK 19:42	jewaꞌ xubꞌiꞌij: «¡Toqꞌoꞌ iwach riꞌix aj Jerusalem! ¡We ta kꞌu kiwetaꞌmaj waqꞌij ora saꞌ ri kakꞌamaw lo utzil chomal chiwe! Noꞌj waꞌ pachaꞌ ewatal chiwach woꞌora.
26094	LUK 24:34	Y rike xkibꞌiꞌij chike wa kaꞌibꞌ: «¡Paqatzij wi kꞌastajinaq lo ri Qanimajawal Jesucristo ma xilitaj uwach ruma ri Simón!» kechaꞌ.
26662	JHN 12:13	Xkiqꞌat kꞌu uxaq palma y xebꞌel bꞌi che ukꞌulik. Ekꞌuchiriꞌ, xkijeqo lik kesikꞌinik, jewaꞌ kakibꞌiꞌij: «¡Qayaka uqꞌij! ¡Nim uqꞌij ri jun petinaq chupa rubꞌiꞌ ri Dios Qajawxel! ¡Rire e ri Rey re Israel!» kechaꞌ.
27025	ACT 2:7	Ekꞌu laꞌ lik kaminaq kanimaꞌ che, xkijeq kakibꞌiꞌij chikiwach: «¡Chilape alaq! ¿Na e ta nebꞌa aj Galilea konoje wa kechꞌaꞌtik?
27115	ACT 4:24	Echiriꞌ rike xkita waꞌ, konoje xa jun kikꞌuꞌx xkijeq kakiꞌan orar chwach ri Dios, jewaꞌ kakibꞌiꞌij: «¡Lal Dios Qajawxel, Lal ꞌanayom la ruwa kaj, ruwachulew, ri mar y ronoje ri kꞌo che taq waꞌ!
27241	ACT 7:56	Xubꞌiꞌij kꞌu rire: «¡Riꞌin kanwilo jaqal ruwa kaj y kanwil pana Ralaxel Chikixoꞌl Tikawex kꞌo puwikiqꞌabꞌ ri Dios!» xchaꞌ.
27394	ACT 11:18	Ekꞌuchiriꞌ xkita taq waꞌ, na jinta chi xkibꞌiꞌij chirij ri Pedro, e xkijeq kakiyak uqꞌij ri Dios, jewaꞌ xkibꞌiꞌij: «¡Uyaꞌom ne riꞌ ri Dios chike ri na e ta aj judiꞌabꞌ kakitzelej kitzij chwach chaꞌ jelaꞌ kꞌo kikꞌaslemal!» xechaꞌ.
27428	ACT 12:22	Ekꞌu ri winaq xkijeqo lik ko kesikꞌinik kakibꞌiꞌij: «¡Waꞌ wa kaqato, na uqul ta juna achi; e uqul jun tiox!» kechaꞌ.
27441	ACT 13:10	y jewaꞌ xubꞌiꞌij che: «¡Rilal lal nojinaq che ronoje sokosoꞌnik y che ronoje itz! ¡Lal ralkꞌoꞌal ritzel winaq, ri jun aj retzelal kꞌuꞌx chirij ronoje ri jusukꞌ! ¿Suꞌchak na koqꞌotaj ta la ri kajechꞌij la ri jusukꞌ bꞌe re ri Qanimajawal?
27494	ACT 14:11	Ekꞌu ri winaq echiriꞌ xkilo saꞌ ri xuꞌan ri Pablo, xkijeq kesikꞌin pa kichꞌaꞌtem rike, waꞌ e ri chꞌaꞌtem re Licaonia. Jewaꞌ kakibꞌiꞌij: «¡Waꞌ e tiox kiꞌanom lo achijabꞌ che kibꞌ y xeqaj lo wara qukꞌ!» kechaꞌ.
27598	ACT 17:6	Pero na xekiriq taj. Xekikꞌam kꞌu lo ri Jasón y jujun chike ri kikojom rubꞌiꞌ ri Cristo, y xeꞌkiyaꞌa chikiwach ri e aj wach re ri tinamit. Kesikꞌin kꞌu riꞌ, kakibꞌiꞌij: «¡Waꞌ waꞌchijabꞌ e kisachom kinaꞌoj konoje ri tikawex che ruwachulew rukꞌ ri kikꞌutunik, yey woꞌora e kꞌuninaq wara!
27682	ACT 19:28	Echiriꞌ xkita taq waꞌ, lik xpe koyowal y xkijeq kesikꞌinik: «¡Nim uqꞌij ri tiox Diana ke ri aj Éfeso!» kechaꞌ.
27688	ACT 19:34	Pero echiriꞌ ri winaq xketaꞌmaj rire e kukꞌil raj judiꞌabꞌ, konoje xa jun ubꞌiꞌxikil kesikꞌinik, laj kebꞌ ora xkichꞌijo kakibꞌiꞌij: «¡Nim uqꞌij ri tiox Diana ke ri aj Éfeso!» kechaꞌ.
27760	ACT 21:28	Kesikꞌin kꞌu che ubꞌiꞌxikil: «¡Achijabꞌ alaq aj Israel, chojtoꞌo alaq! E achi waꞌ ikꞌowinaq pa taq ronoje luwar y kakꞌutun chikiwach konoje ri winaq rukꞌ taq chꞌaꞌtibꞌenik chirij ri qatinamit, chirij ri Tzij Pixabꞌ y chirij ri Rocho Dios. Yey na xew ta waꞌ, ma uꞌanom che wa Santowilaj Luwar pachaꞌ na jinta chi uqꞌij echiriꞌ xebꞌukoj lo jujun na e ta aj judiꞌabꞌ pa ri Rocho Dios, yey waꞌ xebꞌok pa ri luwar na taqal ta chike» kechaꞌ.
30722	2JN 1:10	We kꞌo junoq kopon ukꞌ alaq yey ri kukꞌutu na e ta ri saqil kꞌutunik puwi ri Cristo, makꞌul alaq pa ocho alaq y mabꞌiꞌij ne alaq che: «¡Utzilaj kꞌunem!»
30723	2JN 1:11	Ma e ri kabꞌiꞌn che: «¡Utzilaj kꞌunem!» riꞌ e jun rukꞌ che uꞌanikil ri kichak na chom ta uwach.
30844	REV 4:8	Chikijujunal wa kajibꞌ kꞌo waqitaq kixikꞌ. Y lik kꞌo ukꞌiyal kiwach che ronoje ri kij y ruxeꞌ ri kixikꞌ. Yey na kekos ta kꞌu che ubꞌiꞌxikil chipaqꞌij chichaqꞌabꞌ: «¡Lik Santo, Santo, Santo ri Dios Qajawxel, ri kꞌo ronoje unimal chuqꞌabꞌ puqꞌabꞌ, ri xex chi kꞌo lo wi, ri kꞌo waqꞌij ora y ri kꞌo chiqawach apanoq!» kechaꞌ.
30908	REV 8:13	Tekꞌuchiriꞌ xinwil jun águila kaxikꞌikꞌ chikaj y xinto jewaꞌ kasikꞌin che ubꞌiꞌxikil: «¡Toqꞌoꞌ kiwach! ¡Toqꞌoꞌ kiwach! ¡Toqꞌoꞌ kiwach konoje ri ejeqel che ruwachulew ruma ri kakikꞌulumaj echiriꞌ ri oxibꞌ ángeles kakichꞌawisaj ri jujun chik trompetas! ¡Ma ya e kuꞌana waꞌ!» kachaꞌ.
31003	REV 14:8	Tekꞌuchiriꞌ, xkꞌun rukaꞌm ángel jewaꞌ kubꞌiꞌij: «¡E laꞌ xtzaqik! E laꞌ xtzaq ri nimalaj tinamit Babilonia, ri xebꞌuqꞌabꞌarisaj konoje taq ri tinamit y xebꞌumin pa mak chaꞌ rukꞌ ri kirayibꞌal kaketzꞌabꞌej kiqꞌij kukꞌ jujun chik na kikꞌulel taj» kachaꞌ.
31064	REV 18:2	Lik ko xsikꞌin che ubꞌiꞌxikil: «¡E laꞌ xtzaqik! ¡Xtzaq na ri nimalaj tinamit Babilonia! Y woꞌora uꞌanom kiluwar itzelilaj uxlabꞌixel, kijul chꞌulilaj uxlabꞌixel y kisok chꞌulilaj tzꞌikin qiꞌtzel ketzuꞌnik.
31072	REV 18:10	Lik chinimanaj kekꞌojiꞌ pan che utzutzuꞌxik rixoq ruma ruxibꞌrikil ri kꞌaxkꞌobꞌik kꞌo wi y jewaꞌ kakibꞌiꞌij: «¡Toqꞌoꞌ awach! ¡Toqꞌoꞌ awach at nimalaj tinamit Babilonia, ri lik kꞌo achuqꞌabꞌ, ma xa pa joqꞌotaj xkꞌun ri qꞌatbꞌal tzij pawiꞌ!» kechaꞌ.
31078	REV 18:16	jewaꞌ kakibꞌiꞌij: «¡Toqꞌoꞌ uwach! ¡Toqꞌoꞌ uwach ri nimalaj tinamit, ri pachaꞌ juna ixoq uwiqom ribꞌ rukꞌ chomilaj uqꞌuꞌ ꞌanatal rukꞌ lino, rukꞌ kꞌul morato y kaq; wiqital rukꞌ oro, rukꞌ chomilaj taq abꞌaj y perlas!
31081	REV 18:19	Y ri winaq kakipukꞌ ulew chwi kijolom ruma kibꞌis, kebꞌoqꞌik y ko kesikꞌinik, jewaꞌ kakibꞌiꞌij: «¡Toqꞌoꞌ uwach! ¡Toqꞌoꞌ uwach ri nimalaj tinamit! Ma konoje ri kꞌo barcos kukꞌ lik xebꞌeyomar rukꞌ wa tinamit; yey xa kꞌu pa joqꞌotaj xsach uwach ronoje.