23240	MAT 2:2	Jekꞌuwaꞌ kakibꞌiꞌij: —¿Pa kꞌo wi ri rey ke raj judiꞌabꞌ alaxinaq? Ma riꞌoj xqil ruchꞌumil kꞌa pa relebꞌal lo ri qꞌij; yey e waꞌ oj petinaq chaꞌ koꞌlqaloqꞌnimaj uqꞌij —kechaꞌ.
23440	MAT 8:26	Ri Jesús xukꞌul uwach: —¿Suꞌchak lik kixiꞌij iwibꞌ? Riꞌix lik xa jubꞌiqꞌ ri kubꞌulibꞌal ikꞌuꞌx wukꞌ —xchaꞌ. Ekꞌuchiriꞌ xyaktajik, xuqꞌatej ri kaqjiqꞌ y ri yaꞌ. Xtaniꞌ kꞌu riꞌ ri kaqjiqꞌ y ri yaꞌ xyeniꞌik.
23443	MAT 8:29	E taq kꞌu riꞌ waꞌ xkijeqo lik ko kesikꞌinik, jewaꞌ xkibꞌiꞌij: —¿Suꞌchak koꞌlmina ibꞌ la qukꞌ, Jesús, Lal Ukꞌajol ri Dios? ¿Petinaq kami la re kojya la pa kꞌax echiriꞌ kꞌamajaꞌ ne kopon ri qaqꞌij? —xechaꞌ.
23452	MAT 9:4	Noꞌj ri Jesús xunaꞌbꞌej saꞌ ri kakichꞌobꞌo; ruma kꞌu riꞌ, xubꞌiꞌij chike: —¿Suꞌchak kachꞌobꞌ alaq ri na utz taj?
23459	MAT 9:11	Echiriꞌ xkil waꞌ ri fariseos, xkibꞌiꞌij chike rutijoꞌn ri Jesús: —¿Suꞌchak ri tijonel iwe riꞌix kawaꞌ junam kukꞌ raj tzꞌonol puaq re tojonik y kukꞌ raj makibꞌ? —xechaꞌ.
23462	MAT 9:14	Ekꞌuchiriꞌ, rutijoꞌn ri Juan Aj Yaꞌl Bautismo xeqibꞌ rukꞌ ri Jesús y xkitzꞌonoj che: —¿Suꞌchak riꞌoj y ri fariseos lik kaqaꞌan ayuno yey ri tijoꞌn rilal na kakiꞌan taj? —xechaꞌ.
23463	MAT 9:15	Ri Jesús xukꞌul uwach: —¿Utz nebꞌa kekꞌojiꞌ pa bꞌis ri esikꞌim pa kꞌulanikil we kꞌa kꞌo rala kakꞌuliꞌik chikixoꞌl? Na utz taj. Noꞌj kopon na ri qꞌij echiriꞌ kesax bꞌi rala chikixoꞌl; kꞌa ekꞌuchiriꞌ kakiꞌan ayuno.
23476	MAT 9:28	Echiriꞌ xok ri Jesús chuchiꞌ jun ja, xeqibꞌ ri kaꞌibꞌ potzꞌ rukꞌ y Rire xubꞌiꞌij chike: —¿Kikoj riꞌix we riꞌin kꞌo panuqꞌabꞌ kanya ri itzuꞌnibꞌal? —xchaꞌ. Rike xkibꞌiꞌij: —Kaqakojo, Qajawal —xechaꞌ.
23531	MAT 11:3	chaꞌ keꞌkitzꞌonoj che: —¿E rilal Ruchaꞌoꞌn lo ri Dios, ri Jun bꞌiꞌtal chik kakꞌunik, o kaqoyꞌej chi junoq chik? —xechaꞌ.
23561	MAT 12:3	Ekꞌu ri Jesús xukꞌul uwach: —¿Na ajilam ta nebꞌa alaq ri xuꞌan ri David julaj echiriꞌ rire kukꞌ ri rachbꞌiꞌil xenumik?
23568	MAT 12:10	Kꞌo kꞌu jun achi chiriꞌ chaqijinaq jun uqꞌabꞌ. Yey e taq ri lik kakitzukuj suꞌanik kakitzꞌaq uchiꞌ ri Jesús, xkitzꞌonoj che: —¿Ubꞌe nawi kakunax juna yewaꞌ chupa ri qꞌij re uxlanibꞌal? —xechaꞌ.
23569	MAT 12:11	Ri Jesús xukꞌul uwach: —¿Kꞌo nawi junoq che alaq we pa ri qꞌij re uxlanibꞌal tzaqinaq juna ubꞌexex pa siwan, na keꞌresaj tuloq?
23618	MAT 13:10	Ekꞌu rutijoꞌn xeqibꞌ rukꞌ ri Jesús y xkitzꞌonoj che: —¿Suꞌbꞌe kakꞌutun la chikiwach ri winaq rukꞌ taq kꞌambꞌal naꞌoj? —xechaꞌ.
23659	MAT 13:51	Ekꞌuchiriꞌ, ri Jesús xutzꞌonoj chike: —¿Kimaj usukꞌ riꞌix ronoje taq waꞌ? —xchaꞌ. Rike xkikꞌul uwach che ri Jesús: —Kaqamaj usukꞌ, Qajawal —xechaꞌ.
23662	MAT 13:54	Echiriꞌ xopon pa rutinamit, xujeq kakꞌutun chiriꞌ pa ri sinagoga. Ekꞌu ri winaq lik xkam kanimaꞌ che y xkibꞌiꞌij: —¿Pa xuꞌmaja wi waꞌchi luꞌnaꞌoj? ¿Suꞌanik kuꞌan taq wa milagros?
23704	MAT 15:2	—¿Suꞌchak ri tijoꞌn la kakipalajij ri kikꞌutuꞌn kan ri qatiꞌ-qamam? Ma rike na kakichꞌaj ta ri kiqꞌabꞌ nabꞌe na echiriꞌ kewaꞌik —xechaꞌ.
23705	MAT 15:3	Ekꞌu ri Jesús xutzꞌonoj chike: —¿Suꞌchak ralaq kapalajij alaq Rutzij Upixabꞌ ri Dios ruma e kaꞌan alaq taq ri kikꞌutuꞌn kan ri mam alaq?
23718	MAT 15:16	Xubꞌiꞌij kꞌu ri Jesús chike: —¿Ix nebꞌa kukꞌil ri na jinta kinaꞌoj puwi waꞌ?
23735	MAT 15:33	Xkibꞌiꞌij kꞌu rutijoꞌn che: —¿Pa keꞌqariqa wi wa re kebꞌeqatzuq wa ukꞌiyal tikawex? Ma chupa wa luwar na jinta ne kꞌo e jeqelik —xechaꞌ.
23736	MAT 15:34	Ri Jesús xutzꞌonoj chike: —¿Janipa chi pam kꞌo iwukꞌ? —xchaꞌ. Rike xkibꞌiꞌij: —Wuqubꞌ pam kꞌo qukꞌ y jujun raltaq ko kar —xechaꞌ.
23779	MAT 17:10	Ekꞌuchiriꞌ, rutijoꞌn xkitzꞌonoj che: —¿Suꞌbꞌe kꞌut kakibꞌiꞌij raj kꞌutunel re ri tzijpixabꞌ: “Lik chirajawaxik wi kakꞌun na ri Elías nabꞌe”? —xechaꞌ.
23788	MAT 17:19	Tekꞌuchiriꞌ, rutijoꞌn ri Jesús xeqibꞌ rukꞌ re kechꞌaꞌt rukꞌ kitukel y xkitzꞌonoj kꞌu che: —¿Suꞌbꞌe riꞌoj na xqachꞌij ta resaxik bꞌi waꞌ wa itzel uxlabꞌixel? —xechaꞌ.
23793	MAT 17:24	Echiriꞌ ri Jesús kukꞌ rutijoꞌn xebꞌopon pa ri tinamit Capernaúm, raj tzꞌonol puaq re ri tojonik xeꞌkila ri Pedro y xkitzꞌonoj che: —¿Ri tijonel iweꞌix na kutoj ta kami riꞌ ri tojonik kaꞌanik re ri Rocho Dios? —xechaꞌ.
23797	MAT 18:1	Chupa kꞌu laꞌ la qꞌij, rutijoꞌn ri Jesús xeqibꞌ rukꞌ y xkitzꞌonoj che: —¿China ri más kꞌo uwach chupa rutaqanik ri Dios petinaq chilaꞌ chikaj? —xechaꞌ.
23834	MAT 19:3	E kꞌo kꞌu jujun chike ri fariseos xeqibꞌ rukꞌ ri Jesús xa re kakikꞌam upa y xkitzꞌonoj che: —¿Ubꞌe nawi che juna achi, xa tobꞌ saꞌ ri kujal wi uchiꞌ ri rixoqil, kuya bꞌi ruwujil re jachbꞌal ibꞌ che? —xechaꞌ.
23835	MAT 19:4	Ri Jesús xukꞌul uwach: —¿Na ajilam ta nebꞌa alaq saꞌ ri tzꞌibꞌital kan pa Ruchꞌaꞌtem ri Dios? Ma jewaꞌ kubꞌiꞌij: Che ri jeqebꞌal lo ruwachulew echiriꞌ ri Dios xebꞌuꞌan ri tikawex, chi achi chi ixoq xebꞌuꞌano.
23838	MAT 19:7	Ekꞌuchiriꞌ, xkitzꞌonoj che: —¿Suꞌchak kꞌu riꞌ ri Moisés xubꞌiꞌij we juna achi karaj kujach bꞌi ri rixoqil, xew chuyaꞌa bꞌi ruwujil re jachbꞌal ibꞌ che y jekꞌulaꞌ na rixoqil ta chik? —xechaꞌ.
23848	MAT 19:17	Ri Jesús xukꞌul uwach: —¿Suꞌbꞌe kabꞌiꞌij la “utz” chwe? Ma xa jun ri lik utz kꞌolik, waꞌ e ri Dios. Yey we kaꞌaj la kok la pa ri kꞌaslemal na jinta utaqexik rukꞌ Rire, e taqej la Rutzij Upixabꞌ —xchaꞌ.
23849	MAT 19:18	Rachi xubꞌiꞌij che ri Jesús: —¿Pachike kꞌu riꞌ ri tzijpixabꞌ? —xchaꞌ. Ri Jesús xubꞌiꞌij che: —“Matkamisanik. Matmakun chirij ri kꞌulanikil. Mateleqꞌik. Maꞌan raqꞌubꞌal chirij junoq.
23882	MAT 20:21	Ri Jesús xutzꞌonoj che: —¿Saꞌ ri kaꞌaj la? —xchaꞌ. Rixoq xukꞌul uwach: —Wajawal, yaꞌa la chike wa kebꞌ walabꞌ ketzꞌuyiꞌ ukꞌ la pa ri taqanik la, jun pawikiqꞌabꞌ la y ri jun chik, pa mox la —xchaꞌ.
23893	MAT 20:32	Ekꞌuchiriꞌ, xtakꞌiꞌ ri Jesús, xebꞌusikꞌij y xutzꞌonoj chike: —¿Saꞌ ri kiwaj kanꞌan chiwe? —xchaꞌ.
23905	MAT 21:10	Echiriꞌ xok ri Jesús Jerusalem, xetukuk konoje ri winaq re ri tinamit y lik e kꞌi ri kakitzꞌonobꞌej chikiwach: —¿China nawi wa jun achi? —kechaꞌ.
23911	MAT 21:16	Xkibꞌiꞌij kꞌu riꞌ che ri Jesús: —¿Kata la saꞌ ri kakibꞌiꞌij rakꞌalabꞌ cheꞌla? —xechaꞌ. Ekꞌu ri Jesús xukꞌul uwach: —Qatzij wi kanto. ¿Na ajilam ta nebꞌa alaq ri kubꞌiꞌij Ruchꞌaꞌtem ri Dios pakiwi rakꞌalabꞌ? Ma jewaꞌ kubꞌiꞌij: Chikichiꞌ rakꞌalabꞌ y ri ketzꞌumanik yijbꞌam la ri chomilaj bꞌix re yakbꞌal qꞌij la —xcha ri Jesús.
23915	MAT 21:20	Echiriꞌ xkil waꞌ rutijoꞌn, lik xkam kanimaꞌ che y xkitzꞌonoj kꞌu che: —¿Chaꞌtaj xchaqij tan wa cheꞌ? —xechaꞌ.
23918	MAT 21:23	Echiriꞌ xopon ri Jesús pa ri Rocho Dios, xujeq kakꞌutunik. Ekꞌu ri nimaq e aj chakunel re ri Rocho Dios kukꞌ ri nimaq winaq re ri tinamit xeqibꞌ rukꞌ y xkitzꞌonoj che: —¿China xyaꞌw paqꞌabꞌ la kaꞌan taq la waꞌ? ¿China xtaqaw la che kaꞌan taq la waꞌ? —xechaꞌ.
23937	MAT 21:42	Tekꞌuchiriꞌ, xubꞌiꞌij ri Jesús chike: —¿Na ajilam ta nebꞌa ralaq ri tzꞌibꞌital kan chupa Ruchꞌaꞌtem ri Dios? Ma jewaꞌ kubꞌiꞌij: E rabꞌaj kꞌaqital kan kuma raj yakal ja, e abꞌaj waꞌ lik xajawaxik chaꞌ katikiꞌ lo ri ja. Waꞌ e ri Dios Qajawxel xꞌanaw re y riꞌoj lik kakam qanimaꞌ che kachaꞌ.
23961	MAT 22:20	Ekꞌu ri Jesús xutzꞌonoj chike: —¿China re wa kꞌaxwach y china re wa bꞌiꞌaj kꞌo chwach wa meyo? —xchaꞌ.
23983	MAT 22:42	—¿Saꞌ ri kachꞌobꞌ alaq chwi ri Cristo, Ruchaꞌoꞌn lo ri Dios? ¿China che upetebꞌem wi lo rire? —xchaꞌ. Xkikꞌul kꞌu uwach: —E ralkꞌoꞌal kan ri rey David —xechaꞌ.
23984	MAT 22:43	Ekꞌuchiriꞌ, ri Jesús xutzꞌonoj chike: —¿Chaꞌtaj kabꞌiꞌx che ri Cristo e ralkꞌoꞌal kan ri David? Ma ruma ri Ruxlabꞌixel ri Dios, ri David xubꞌiꞌij “Wajawal” che ri Cristo echiriꞌ rire xubꞌiꞌij:
24028	MAT 24:2	Ekꞌu ri Jesús xukꞌul uwach: —¿Kiwil riꞌix ronoje waꞌ? Paqatzij wi kambꞌiꞌij chiwe, wara na kakanaj ta chi kan juna abꞌaj puwi juna chik, ma ronoje kawulixik —xchaꞌ.
24131	MAT 26:8	Echiriꞌ xkil waꞌ rutijoꞌn, lik xpe koyowal che y jewaꞌ xkibꞌiꞌij chikiwach: —¿Suꞌchak wa kunabꞌal xtzꞌiloꞌxik?
24133	MAT 26:10	Ekꞌu ri Jesús retaꞌam saꞌ ri kakibꞌiꞌij chikiwach; ruma kꞌu riꞌ, jewaꞌ xubꞌiꞌij chike: —¿Suꞌchak kixchꞌaꞌt chirij ri xuꞌan wiꞌxoq? Ma ri xuꞌan chwe e jun utzilaj chak.
24138	MAT 26:15	y jewaꞌ xubꞌiꞌij chike: —¿Saꞌ ri kaya alaq chwe we kanya ri Jesús paqꞌabꞌ alaq? —xchaꞌ. Ekꞌu rike xkibꞌiꞌij kakitoj treinta saqil puaq re plata che.
24140	MAT 26:17	Chupa kꞌu ri nabꞌe qꞌij re ri nimaqꞌij echiriꞌ katij ri pam na jinta levadura che, rutijoꞌn ri Jesús xeqibꞌ rukꞌ y xkitzꞌonoj che: —¿Pa kaꞌaj wi la keꞌqayijbꞌaꞌ wi ri cena re ri nimaqꞌij Pascua? —xechaꞌ.
24163	MAT 26:40	Tekꞌuchiriꞌ, xtzelej lo pa e kꞌo wi kan rutijoꞌn y xebꞌoꞌluꞌriqaꞌ kewarik. Xubꞌiꞌij kꞌu che ri Pedro: —¿Lik kami na xichꞌij ta kꞌana ri waram chaꞌ kiꞌan orar wukꞌ, tobꞌ tane xa juna ora?
24168	MAT 26:45	Ekꞌuchiriꞌ, xeꞌek tanchi pa e kꞌo wi kan rutijoꞌn y xubꞌiꞌij chike: —¿Kꞌa kixwar kami riꞌ riꞌix? ¿Kꞌa kixuxlanik? Ma e waꞌ xopon ruꞌorayil chaꞌ Ralaxel Chikixoꞌl Tikawex kayaꞌ pakiqꞌabꞌ raj makibꞌ.
24178	MAT 26:55	Ekꞌuchiriꞌ, xubꞌiꞌij chike ri soldados: —¿Suꞌchak petinaq alaq rukꞌ espada y cheꞌ? ¿Petinaq kami alaq che ukꞌamik bꞌi juna eleqꞌom? Wa petinaq loq ronoje qꞌij waꞌ kꞌut in tzꞌuyiꞌnaq chiwach alaq, e laꞌ kinkꞌutun pa ri Rocho Dios. ¿Suꞌchak kꞌu riꞌ kꞌa e laꞌ kinoꞌlchapa alaq?
24185	MAT 26:62	Ewi ri kajawal raj chakunel pa Rocho Dios xyaktajik y xubꞌiꞌij che ri Jesús: —¿E kami laꞌ na jinta kꞌana kabꞌiꞌij riꞌat? ¿Saꞌ kꞌu ri kakꞌulubꞌej uwach puwi wa ketajin che ukojik chawij? —xchaꞌ.
24209	MAT 27:11	Ekꞌuchiriꞌ xkꞌam bꞌi ri Jesús chwach ri taqanel Pilato, rire xutzꞌonoj che ri Jesús: —¿Lal kami riꞌ ri rey ke raj judiꞌabꞌ? —xchaꞌ. Ri Jesús xubꞌiꞌij che: —Lal kabꞌiꞌn la re —xchaꞌ.
24211	MAT 27:13	Ruma kꞌu riꞌ, ri Pilato xutzꞌonoj che ri Jesús: —¿Na kata ta kami la janipa ri kakibꞌiꞌij chiꞌij la? —xchaꞌ.
24215	MAT 27:17	Ekꞌuchiriꞌ ri winaq kimolom chi kibꞌ, ri Pilato xutzꞌonoj chike: —¿China ri kiwaj riꞌix kanyolopij bꞌi, e ri Barrabás o e ri Jesús, ri kabꞌiꞌx che “e ri Cristo”, Ruchaꞌoꞌn lo ri Dios? —xchaꞌ.
24219	MAT 27:21	Ri taqanel xchꞌaꞌt tanchi kukꞌ ri winaq, jewaꞌ xutzꞌonoj chike: —¿China chike wa kaꞌibꞌ kiwaj kanyolopij bꞌi? —xchaꞌ. Rike xkibꞌiꞌij: —E yolopij bꞌi la ri Barrabás —xechaꞌ.
24220	MAT 27:22	Tekꞌuchiriꞌ, xutzꞌonoj ri Pilato chike: —¿Yey saꞌ kꞌu riꞌ kanꞌan che ri Jesús, ri kabꞌiꞌx che “e ri Cristo”, Ruchaꞌoꞌn lo ri Dios? —xchaꞌ. Konoje xkikꞌul uwach: —¡Kamisax chwa cruz! —xechaꞌ.
24221	MAT 27:23	Ekꞌu riꞌ ri Pilato xubꞌiꞌij chike: —¿Saꞌ kꞌu rumak uꞌanom? —xchaꞌ. Pero ri winaq más ko xesikꞌinik: —¡Kamisax chwa cruz! —xechaꞌ.
24337	MRK 2:8	Chupa kꞌu laꞌ la joqꞌotaj, ri Jesús xunaꞌbꞌej saꞌ la kakichꞌobꞌo; ruma kꞌu riꞌ, xubꞌiꞌij chike: —¿Suꞌchak jelaꞌ katajin chikꞌuꞌx alaq?
24345	MRK 2:16	Ekꞌu raj kꞌutunel re ri tzijpixabꞌ kukꞌ ri fariseos, echiriꞌ xkilo kawaꞌ ri Jesús kukꞌ raj makibꞌ y raj tzꞌonol puaq re tojonik, xkibꞌiꞌij chike rutijoꞌn ri Jesús: —¿Suꞌchak ri tijonel iwe riꞌix kawaꞌ junam kukꞌ raj tzꞌonol puaq re tojonik yey kukꞌ raj makibꞌ? —xechaꞌ.
24347	MRK 2:18	Rutijoꞌn ri Juan Aj Yaꞌl Bautismo y ri kitijoꞌn ri fariseos echiriꞌ e kꞌo pa ayuno, xebꞌopon rukꞌ ri Jesús y xkitzꞌonoj che: —¿Suꞌbꞌe rutijoꞌn ri Juan y ri kitijoꞌn ri fariseos lik kakiꞌan ayuno, yey ri tijoꞌn rilal na kakiꞌan ta waꞌ? —xechaꞌ.
24348	MRK 2:19	Ri Jesús xukꞌul uwach: —¿Ubꞌe nawi kakiꞌan ayuno ri esikꞌim pa juna kꞌulanikil we rala kakꞌuliꞌik kꞌa kꞌo kukꞌ? Na ubꞌe taj, ma kꞌa kꞌo rala chikixoꞌl.
24354	MRK 2:25	Ekꞌu ri Jesús xukꞌul uwach: —¿Na ajilam ta nebꞌa alaq ri xuꞌan ri David kukꞌ ri rachbꞌiꞌil echiriꞌ kꞌo xajawax chike y xenumik?
24361	MRK 3:4	Ekꞌuchiriꞌ, xutzꞌonoj chike ri kakitzutzaꞌ: —¿Saꞌ ri lik usukꞌ kaꞌaniꞌ pa ri qꞌij re uxlanibꞌal: E kaꞌaniꞌ ri utz o e ri na utz taj? ¿Utz kakolobꞌex rukꞌaslem junoq o kayaꞌ luwar che kakamik? —xchaꞌ. Yey na jinta kꞌu junoq chike xkꞌuluw uwach.
24390	MRK 3:33	Ekꞌu ri Jesús xukꞌul uwach: —¿China ri nuchu y china taq ri nuchaqꞌ? —xchaꞌ.
24432	MRK 4:40	Tekꞌuchiriꞌ, xubꞌiꞌij chike rutijoꞌn: —¿Suꞌchak lik kixiꞌij iwibꞌ? ¿Suꞌbꞌe na kubꞌul ta ikꞌuꞌx wukꞌ? —xcha chike.
24433	MRK 4:41	Ewi xok lo jun xiꞌin ibꞌ kukꞌ y xkibꞌiꞌij chikiwach: —¿Saꞌ ruwach waꞌ waꞌchi? ¡Ma tobꞌ ne e ri kaqjiqꞌ y ri yaꞌ kakikoj utzij! —xechaꞌ.
24440	MRK 5:7	Y lik ko xchꞌawik, jewaꞌ xubꞌiꞌij: —¿Suꞌchak koꞌlmina ibꞌ la wukꞌ, Jesús lal Ukꞌajol ri Dios kꞌo chilaꞌ chikaj? Kantzꞌonoj kꞌu cheꞌla pa rubꞌiꞌ ri Dios, minya la pa kꞌax —xchaꞌ.
24442	MRK 5:9	Ekꞌu ri Jesús xutzꞌonoj che: —¿Saꞌ rabꞌiꞌ? —xcha che. Rire xukꞌul uwach: —Legión ri nubꞌiꞌ, ma lik oj kꞌi —xchaꞌ.
24463	MRK 5:30	Ekꞌu ri Jesús echiriꞌ xunaꞌ chiribꞌil ribꞌ kꞌo uchuqꞌabꞌ xelik, xebꞌutzuꞌ konoje ri winaq y xutzꞌonoj: —¿China xchapaw ri nuqꞌuꞌ? —xchaꞌ.
24472	MRK 5:39	Ekꞌu ri Jesús xok bꞌi y xubꞌiꞌij chike: —¿Suꞌbꞌe lik kixtukukik y kixoqꞌik? Ri ralko ali na kaminaq taj, xa kawarik —xcha chike.
24478	MRK 6:2	Echiriꞌ xopon ri qꞌij re uxlanibꞌal, xujeq kakꞌutun chupa ri sinagoga. Yey ukꞌiyal winaq xkito y lik xkam kanimaꞌ che, jekꞌuwaꞌ kakibꞌiꞌij: —¿Pa xuꞌmaja wi waꞌchi ronoje taq waꞌ? ¿Saꞌ chi naꞌoj wa yaꞌtal che, yey suꞌanik kuꞌan taq wa milagros?
24513	MRK 6:37	Noꞌj ri Jesús xukꞌul uwach: —Chebꞌitzuqu riꞌix —xcha chike. Rike xkibꞌiꞌij che: —¿E kami kaꞌaj la riꞌ keꞌqaloqꞌo kiwa konoje wa tikawex chaꞌ keqatzuqu? ¡Ri rajil waꞌ e junam rukꞌ kebꞌ ciento qꞌij re chak! —xechaꞌ.
24514	MRK 6:38	Ri Jesús xubꞌiꞌij chike: —¿Janipa chi pam kꞌo iwukꞌ? Jix jiꞌwilapeꞌ —xcha chike. Echiriꞌ xketaꞌmaj, xkibꞌiꞌij che: —Xa woꞌobꞌ chi pam y kaꞌibꞌ chi kar —xechaꞌ.
24537	MRK 7:5	Ruma kꞌu laꞌ ri fariseos y raj kꞌutunel re ri tzijpixabꞌ xkitzꞌonoj che ri Jesús: —¿Suꞌbꞌe ri tijoꞌn la na kitaqem ta ri kikꞌutuꞌn kan ri qatiꞌ-qamam? Ma rike kewaꞌik tobꞌ e laꞌ na kichꞌajom ta ri kiqꞌabꞌ —xechaꞌ.
24550	MRK 7:18	Ewi rire xubꞌiꞌij chike: —¿Ix nebꞌa jun riꞌix chike ri na jinta kinaꞌoj puwi waꞌ? ¿Na kimaj ta nebꞌa usukꞌ e ri kachꞌulan ri ranimaꞌ ri tikawex na e ta ri kutij bꞌi?
24574	MRK 8:5	Ri Jesús xutzꞌonoj kꞌu chike: —¿Janipa chi pam kꞌo iwukꞌ? —xcha chike. —Wuqubꞌ —xecha rike.
24586	MRK 8:17	Ri Jesús xretaꞌmaj saꞌ la kakichꞌaꞌtibꞌej chikiwach y xubꞌiꞌij kꞌu chike: —¿Suꞌbꞌe kichꞌaꞌtibꞌej chiwach puwi ri na xikꞌam ta lo pam? ¿Kꞌamajaꞌ nebꞌa kimaj usukꞌ? ¿Lik kami kꞌa chꞌuqutal rinaꞌoj?
24590	MRK 8:21	Jekꞌuwaꞌ xukꞌisbꞌej kukꞌ: —¿Suꞌbꞌe kꞌu riꞌ kꞌamajaꞌ kꞌana kimaj usukꞌ? —xcha chike.
24618	MRK 9:11	Ekꞌuchiriꞌ, xkitzꞌonoj che ri Jesús: —¿Suꞌbꞌe raj kꞌutunel re ri tzijpixabꞌ kakibꞌiꞌij lik chirajawaxik nabꞌe na kakꞌun ri Elías chwach pan rukꞌunibꞌal Ralaxel Chikixoꞌl Tikawex? —xechaꞌ.
24623	MRK 9:16	Xutzꞌonoj kꞌu Rire chike: —¿Saꞌ puwi kachapalaꞌ wi ibꞌ alaq kukꞌ rike? —xchaꞌ.
24628	MRK 9:21	Ri Jesús xutzꞌonoj kꞌu che ruqaw rala: —¿Jampa ujeqom lo waꞌ che? —xchaꞌ. Rachi xukꞌul uwach: —Chuchꞌutiꞌnal upetebꞌem loq.
24630	MRK 9:23	Ri Jesús xukꞌul uwach: —¿Suꞌbꞌe kabꞌiꞌij la chwe we kꞌo panuqꞌabꞌ kanꞌan waꞌ? Ma we kꞌo junoq lik kubꞌul ukꞌuꞌx wukꞌ, ronoje kel pana rukꞌ —xchaꞌ.
24635	MRK 9:28	Ekꞌuchiriꞌ, xok bꞌi ri Jesús chuchiꞌ jun ja. Ekꞌu rutijoꞌn xechꞌaꞌt rukꞌ xa kitukel chik, jewaꞌ xkitzꞌonoj che: —¿Suꞌbꞌe riꞌoj na xqachꞌij tubꞌi resaxik waꞌ wa itzel uxlabꞌixel? —xechaꞌ.
24640	MRK 9:33	Xebꞌopon kꞌu chupa ri tinamit Capernaúm y echiriꞌ e kꞌo chi chuchiꞌ jun ja, xutzꞌonoj chike rutijoꞌn: —¿Saꞌ puwi kichapalaꞌ wi iwibꞌ chiwach echiriꞌ kixtajin lo chi bꞌe? —xcha chike.
24659	MRK 10:2	Xeqibꞌ kꞌu ri fariseos rukꞌ y xkiꞌan jun tzꞌonobꞌal che xa re kꞌambꞌal upa: —¿Yaꞌtal nawi puqꞌabꞌ juna achi kuya bꞌi ruwujil re jachbꞌal ibꞌ che ri rixoqil? —xechaꞌ.
24660	MRK 10:3	Ekꞌu ri Jesús xukꞌul uwach: —¿Saꞌ kubꞌiꞌij ri taqanik xuꞌan kan ri Moisés che alaq? —xchaꞌ.
24675	MRK 10:18	Ri Jesús xukꞌul uwach: —¿Suꞌbꞌe kabꞌiꞌij la “utz” chwe? Ma xa jun ri lik utz kꞌolik, waꞌ e ri Dios.
24693	MRK 10:36	—¿Saꞌ ri kiwaj kanꞌan chiwe? —xcha ri Jesús chike.
24708	MRK 10:51	Ri Jesús xubꞌiꞌij kꞌu che: —¿Saꞌ ri kawaj kanꞌan chawe? —xchaꞌ. Ri potzꞌ xukꞌul uwach: —Lal tijonel, kuaj kintzuꞌn tanchik —xchaꞌ.
24714	MRK 11:5	Jujun kꞌu chike ri e kꞌo chiriꞌ xkitzꞌonoj: —¿Saꞌ ri kiꞌano? ¿Suꞌbꞌe kikir ri qꞌapoj buru? —xechaꞌ.
24737	MRK 11:28	Xkitzꞌonoj kꞌu che: —¿China xyaꞌw paqꞌabꞌ la kaꞌan taq la waꞌ? ¿China xtaqaw la che kaꞌan taq la waꞌ? —xechaꞌ.
24757	MRK 12:15	Ekꞌu ri Jesús, ruma retaꞌam rike xa kebꞌ kipalaj, jewaꞌ xubꞌiꞌij chike: —¿Suꞌchak kakꞌam alaq nupa? Kꞌama pe lo alaq juna meyo re kaꞌan tojonik rukꞌ chaꞌ kanwilo —xchaꞌ.
24758	MRK 12:16	Rike xkikꞌam lo jun meyo che. Ewi ri Jesús xubꞌiꞌij chike: —¿China re wa kꞌaxwach y china re wa bꞌiꞌaj kꞌo chwach wa meyo? —xchaꞌ. Rike xkikꞌul uwach: —Re ri nimalaj taqanel re Roma —xechaꞌ.
24777	MRK 12:35	Echiriꞌ kakꞌutun ri Jesús chupa ri Rocho Dios, jewaꞌ xubꞌiꞌij: —¿Suꞌbꞌe raj kꞌutunel re ri tzijpixabꞌ kakibꞌiꞌij: “Ri Cristo, Ruchaꞌoꞌn lo ri Dios, e Ralkꞌoꞌal kan ri rey David”?
24788	MRK 13:2	Ri Jesús xukꞌul uwach: —¿Kawil waꞌ wa nimaq taq ja? Wara na kakanaj ta kan juna abꞌaj chwi juna chik, ma ronoje kawulixik —xchaꞌ.
24827	MRK 14:4	E kꞌo kꞌu jujun chike ri e kꞌo chiriꞌ xpe koyowal echiriꞌ xkil waꞌ, y jewaꞌ xkibꞌiꞌij chikiwach: —¿Suꞌchak wa kunabꞌal xtzꞌiloꞌxik?
24835	MRK 14:12	Chupa kꞌu ri nabꞌe qꞌij re ri nimaqꞌij echiriꞌ katij ri pam na jinta levadura che y kekamisax chwi raltar taq ri qꞌapoj bꞌexex re ri Pascua, rutijoꞌn ri Jesús xkitzꞌonoj che: —¿Pa kaꞌaj wi la keꞌqayijbꞌaꞌ wi ri cena re Pascua? —xechaꞌ.
24842	MRK 14:19	Ewi rike xkijeq lik kebꞌisonik y chikijujunal kakitzꞌonoj che: —¿Kꞌaxtaj in riꞌ? —kacha jun. —¿Kꞌaxtaj in riꞌ? —kacha jun chik.
24860	MRK 14:37	Tekꞌuchiriꞌ, xtzelej lo pa e kꞌo wi kan rutijoꞌn y xebꞌoꞌluꞌriqaꞌ kewarik. Xubꞌiꞌij kꞌu che ri Pedro: —¿Katwar kami riꞌ? ¿Na xakuy ta kꞌana ri waram chaꞌ kaꞌan orar wukꞌ, tobꞌ tane xa juna ora?
24864	MRK 14:41	Xtzelej kꞌu lo churox laj y xubꞌiꞌij chike: —¿Kꞌa kixwar kami riꞌ riꞌix? ¿Kꞌa kixuxlanik? ¡Kuꞌan na kꞌu laꞌ! Ma e waꞌ xopon ruꞌorayil chaꞌ Ralaxel Chikixoꞌl Tikawex kayaꞌ pakiqꞌabꞌ raj makibꞌ.
24871	MRK 14:48	Xubꞌiꞌij kꞌu ri Jesús chike: —¿Suꞌchak petinaq alaq rukꞌ espada y cheꞌ? ¿Petinaq kami alaq che ukꞌamik bꞌi juna eleqꞌom?
24883	MRK 14:60	Ewi ri kajawal raj chakunel pa Rocho Dios xyaktaj chikixoꞌl y xutzꞌonoj che ri Jesús: —¿E kami laꞌ na jinta kꞌana kabꞌiꞌij riꞌat? ¿Saꞌ kꞌu ri kakꞌulubꞌej uwach puwi wa ketajin che ukojik chawij? —xchaꞌ.
24884	MRK 14:61	Pero ri Jesús xa xuto y na jinta kꞌo xubꞌiꞌij. Tekꞌuchiriꞌ, xuꞌan jun chik tzꞌonobꞌal che ri Jesús: —¿At bꞌa riꞌ ri Cristo, Rukꞌajol ri Dios, ri Jun lik nim uqꞌij? —xcha che.