54	GEN 2:23	Turamtai nuna wainak Adán chichaak: —¡Maj, juka nekas wina namangkruitai. Turasha nekas wina ukunchruitai! Wina namangkrunia jukimu asa, nuwa tutai atinuitai, —timiayi.
62	GEN 3:6	Tamati nuna antuk, nuwasha numin jiij pujurmiayi. Tura nintimias: —¡Nekas shiirmapita! Juna yuwanka Yus neka nunasha nekaawainjapi —tusa numi yurangken wakerak akak yuwamiayi. Tura: —Amesha yuwata —tusa aishrincha susamiayi.
145	GEN 6:7	chichaak: —Aints ainaun tura pachim ainaun, tura kuntin ainauncha, tura netsepejai wekain ainauncha tura nanamtin ainauncha mash amuktatjai. ¿Warukanak aintsarang arti tutsuksha najankaya? ¡Nunaka pengké nakitajai! —timiayi.
231	GEN 9:25	Turamtai Canaánkan pachis chichaak: —¡Canaánka yumingkramuitai! Nuka chikich inati nangkamasang ni yachii ainaun inatiri atinuitai, —timiayi.
467	GEN 19:9	Tamaitiat Lotan kajerinak: —¡Engkasta! ¿Chikich nungkanmaya aintsutiatmesha ii apuri wajastasmesha wakerame? Antsu ipiaamurmin nangkamasrik aminka timiá pase awajsatnuka nekamata tusar, Lotan pase awajsatnuncha nangkamawar, jea waitirincha kupiktai tusar wakeriarmiayi.
505	GEN 20:9	Nunia Abimelec Abrahaman untsuk chicharak: —¿Waruka aitkamame? Wina tura wina aintsur ainaunka nekas juun tunaun turataram tusam ¿itiur amatiya nuwaram au wainiatum umaaruitai turutmame? ¡Nuka pengké turachminuitai!
619	GEN 24:27	—¡Apu Yus, nekasam pengkeraitme. Wina apur Abrahama Yusrinme! Tura niin pengker awajsau asam, tura wait anengkratin asam, wi jinta winamtai waitkau asakmin, wina apuru weari pujamurin jeajai, —timiayi.
623	GEN 24:31	chicharak: —Yus yainmaku asamtai taume. Tura asam pujutirun winita. ¿Warukamtai aanumsha pujame? ¡Atumi kanurtintrin tura camello kanurtintrincha yanchuk umisjai! —timiayi.
764	GEN 27:36	Tamati Esaú ayaak: —Maj, yamaikia jujaingkia jimiaran anangkruayi. Nuiksha wi eemkauri au wainiat, eemkaurinu atiniun atantruk, yamaisha ame winaka pengker awajtustincha atantruki. ¡Naari Jacob inaikiamuka timiá nekasketai! ¿Antsu winaka pengker awajsatniuka kichkiksha pengké atsawak? —timiayi.
898	GEN 31:24	Tura wainiat nu kashi Yus Labánkan karanam wantintuk: —¡Antukta! Jacob pase chicharkaip, —timiayi.
911	GEN 31:37	Warir ainauka mash jiisume. ¿Antsu aminun wi jukimusha tuwa waitrukume? ¡Watska, nu yaruakam, ami wearam ainau tura wi wear ainau irunina juni ikiaunkam: Ju jurutkinume turuttia! —timiayi.
920	GEN 31:46	Tura ni weari ainauncha chicharak: —¡Kaya irumrataram! —tamati kayan irumramiayi. Tura kaya irumramunam pujusar mash iruntrar yuwarmiayi.
1103	GEN 37:19	Tura mai nuwamtak chichainak: —¡Jiistaram, karamin winawai!
1114	GEN 37:30	Nunia ni yachii pujuinamunam we chichaak: —¡Yatsurka waanmangka atsawai! ¿Tura asamtai aparnasha warí titajak? —timiayi.
1144	GEN 38:24	Tura tres nantu nangkamaramtai, aints ainau Judán tariar ujainak: —Najatim Tamar chikich aintsnau japruki, —tiarmiayi. Tu tinam Judá kajek: —¡Maj, aa jiikrum keemaktaram! —timiayi.
1169	GEN 39:19	¡Ainuka ami yainmin! —tusa ujakmiayi. Tura ujakam José apuri nuna antuk nukap kajekmiayi.
1267	GEN 42:14	Tinamaitiat José ayaak: —¡Aichua taja! Atumka nekasrum anangmakrum ju nungkanam wekaarme.
1289	GEN 42:36	Tura Jacob ni uchiri ainaun chicharak: —Winaka pengké uchirtichu awajtusrume. Joséka mengkaakawaitai. Tura Simeónsha atsawai. Tura nuna nangkamasrumek yamaisha Benjamín jurutkitasrum wakerarme. ¡Chua, aitkau asakrumin, wikia itiurkachmin nekapeajai! —timiayi.
1329	GEN 44:4	Tura arákka wetsuk wekainai, José ni inatirin chicharak: —Nu aints yamai wearuka papeekam tura mankiam: ¿Waruka atumin pengker awajsamaitiatrum pase awajkartukurme? ¿Winia apuru umutiri tura nekaamatiri piningk kuik najanamusha waruka kasarturkarume? ¡Atumka pengké pase aitkararme! tita —tusa akupkamiayi.
1360	GEN 45:1	Maj, nuna antuk, Joséka ni anengkratairin tsantratatkama tujintak, ni inatiri ainaun kakar chicharak: ¡Atumka juniangka mash jiinkitaram! —timiayi. Tamati inati ainauka mash jiinkiar, kichkiksha juwakchamiayi. Tuminamtai aya yachii ainaujaing juwak: —Wikia atumi yachiintjai, —timiayi.
1481	GEN 49:7	¡Atumka timiá kajeu asakrumin, nuka pengké paseetai tusan, atumi yumingkiajrume! Tura asamtai Israel nungkanmaka iruntraram pujutsuk, kanakrum pujusartin ainarme, —timiayi.
1498	GEN 49:24	Antsu ameka kakaram wajastinuitme. Tura asam aints tishimkurin achikua nunisketme. ¡Maj, wina Yusur timiá kakaram asamtai, tenukap maaketai tajai! Nuka nekas oveja wainua nunisang wi wear ainaunka nekas ayamruktinuitai.
14240	PSA 22:20	Antsu ametme wina kakamtikrurtin. ¡Yusru ukurkiip! ¡Wina yainkatin asam wári tarata!
14707	PSA 50:7	Yus Israel ainautin chichartamak: “Wina aintsur ainautiram anturtuktaram. Atumjaingkia tépaan chichastatjarme: ¡Wikia Yusetjai, atumi Yusrinjai!
14747	PSA 52:3	¿Warukaya timiá kakaram autiatmesha pasé turamiame nu pachismesha wi aitkajai tame? ¡Yuse wait anengkratairingkia nangkaankashtinuitai!
14851	PSA 59:18	Yusru wina kakamtikrurtinmeka ametme. Tura ametme ejarkatnumka. ¡Yusru ameka winaka tuke anentin asakmin, kantan kantamruatjame!
14883	PSA 62:9	Wi wear ainautiram, Yus tuke nintimtustaram. Tura Yus seakrumka, pengker nintimsaram nijai chichastaram. ¡Ningkitai iin waitmaktinka!
14952	PSA 67:8	¡Yus iincha pengker awajkartamtai, mash nungkanmaya ainau niincha: Ameketme Yusem tiarti!
15322	PSA 84:2	¡Apuru ameketme kakarmam! Ami pujutirmeka nekas shiirmaitai tajame.
15542	PSA 96:11	¡Nayaim tura nungka ainausha ii Yusrin mash wararsarti! ¡Turasha juun entsa tampaarisha tura juun entsa nitkarin irunusha ii Yusrin mash wararsarti!
15543	PSA 96:12	¡Tura nungkanam wekain ainausha ii Yusrin mash wararsarti! ¡Tura ii Apuri tatin asamtai, numi ainausha mash ii Yusrin wararsarti! Ii Apuringkia nekas ii nungkarin tatinuitai. Tura taa aints ainaun mash nekas pengker inartinuitai.
15556	PSA 97:12	¡Pengke aints ainautirmeka atumi Apuri warartustaram! ¡Tura ni naari pachisrum: Ameketme Yusem titaram!
15557	PSA 98:1	¡Ii Apuringkia wainchati takatan untsuri takasu asamtai, yamaram kanta kantamruami! Ni nemase ainaun ni kakarmarijai nepetkamiayi.
15568	PSA 99:3	Tura asamtai mash nungkanmaya aints ainau: Ameketme juuntam tura ameketme timiá kakarmam tiarti. ¡Yuska pengké tunaarinchawaitai!
15570	PSA 99:5	Ii Apuri ii Yusri asamtai, warartustasrum tikishmatrataram. ¡Yuska pengké tunaarinchawaitai!
15574	PSA 99:9	Ii Apuri ii Yusri asamtai, warartusrum ni murarin nekas pengker aa nuni wakaram maaketai titasrum tikishmatrataram. ¡Ii Yusri, ii Apuri aa nuka pengké tunaarinchawaitai!
15612	PSA 102:25	Tura asan Yusrun chicharkun: “Jumchik musaach pujusu asan, wina pujutruka jurutkiip”, tajai. ¡Ameka tuke pujuwitme!
15717	PSA 105:44	Nunia Yus wina nuikiarturmaurun umirkarti tusa, ni aintsri ainaun chikich aints pujuarmia nuna nungkarin susarmiayi. Tura ninu yaktari ainia nunasha mash susarmiayi. ¡Ii Apuri warartusmi!
15862	PSA 111:1	¡Ii Apuri warartusmi! Anangkartichu ainau iruntramunam tura mash aints ainau kawengmaunum Apurun tuke nintirjai maaketai titatjai.
15871	PSA 111:10	Tura asamtai nekasar nintip ainauka iinu Apurinka: Ameketme juuntam tinu ainawai. Aints tu nintimsar pujuinauka pengker nintimsar pujuinawai. ¡Ii Yusringkia tuke warartusmi!
15872	PSA 112:1	¡Ii Apuri warartusmi! Yusen pengkeraitme tinauka tura ni chicham akupamuri umirinak pujuinauka warasartin ainawai.
15882	PSA 113:1	¡Ii Apuri warartusmi! Ii Apuri inatiri ainautiram, ni naari pachisrum: Yus juuntaitai titaram.
15890	PSA 113:9	Nuwa kaa ainausha uchin jurerarti tusa, tura ni uchiri ainaujai pujusarti tusa Yus waramtiksartinuitai. ¡Ii Apuri warartusmi!
15916	PSA 115:18	Antsu iikia iinu Apuringka yamaikia tuke maaketai titatji. ¡Ii Apuri warartusmi!
15934	PSA 116:18	Apuru Jerusalén yakta japen ami jeemin wayaan, wi amincha nunaka turatatjai timiaja nunaka mash aints antinamunam umiktatjai. ¡Ii Apuri warartusmi!
15936	PSA 117:1	Ii Apuringkia iincha timiá anenmau asamtai, mash nungkanmaya aints ainautiram, ii Apuringkia: Ameketme juuntam titaram. Ningkia pengké yapaijmiamachminuitai. ¡Ii Apuri warartusmi!
15978	PSA 119:12	¡Apuru aminka pengkeraitme tajame. Tura asamtai ame chicham akupamuram nuiturta!
15983	PSA 119:17	Apuru wikia aminu inatiram asamtai ¡tuke pujut surusta! Turakminka ami chichammin umiktatjai.
15992	PSA 119:26	Wikia itiur pujaja tusan amin ujakmajme. Wi turamtai ameka airkamame. ¡Wait aneasam ami wakeramuram nuiturta!
16412	PSA 146:1	¡Ii Apuri warartusmi! Tuke wina nintirjai Apurun maaketai titatjai.
16421	PSA 146:10	Yuse aintsri ainautirmin ii Apuri tuke inatmartinuitrume. Tura atumi Yusri tuke inangnatsuk mash nungkanmaya ainaun inartinuitai. ¡Ii Apuri warartusmi!
16422	PSA 147:1	¡Ii Apuri warartusmi! Ii Yusri kantamruatnuka nekas shiirmaitai. Tura ii Yusri warartustinka nekas pengkeraitai.
16441	PSA 147:20	Antsu chikich nungkanmaya ainaunka ni chichamenka nekamtikiachmiayi. Tura asamtai ni umirkatin chichamnaka pengké nekaacharmiayi. ¡Ii Apuri warartusmi!
16900	PRO 15:23	Aints ainau inintrinamtai, nekau aints nekas pengker aimkamurin antukar warasartinuitai. Kame, aints aneachmau antujamnau chichaamtai, ¡nekas pengkerapita! timinuitai.
17385	PRO 31:31	¡Yaktanam pujuinautiram, mash nu nuwa ainaun pachisrum: Nekasar pengker ainawai titaram! ¡Tura ni turamurijai metek pengker awajsataram! Maaketai.
25590	LUK 13:3	¡Atsa! Antsu atumi nintimauri yapajiachkurmeka, atumsha nunisrumek jakatnuitrume tusan tajarme.
25592	LUK 13:5	¡Atsa! Antsu atumi nintimauri yapajiachkurmeka, atumsha nunisrumek jakatnuitrume tusan tajarme, —Jesús timiayi.
27441	ACT 13:10	Tura chicharak: —¡Maj! Ameka anangkartinuitme, tura tsanukratin asam Satanása uchirinme. Tura asam pengker aa nuka mash tsuutame. ¿Warukaya ii Apuri chichame nekas pengker au wainiatmesha tuke inaitsuk paseetai tame?
28223	ROM 8:39	tura yakí iruna nusha, tura nungkanam nitak iruna nusha, tura Yus mash najanamu iruna nusha, waring achat mash Yuse anengkratairin pengké jurutramkishtinuitji. ¡Yus ni anengkratairin ii Apuri Cristo Jesúsa turamurijai paan inakturmasmiaji!
28382	ROM 15:11	Tura chikich aarmausha nuwaitai: “¡Mash nungkanmaya aints ainautiram ii Apuringkia: Ameketme juuntam titaram!”
29225	GAL 4:27	Tura asamtai tu aarmawaitai: “¡Kaa ayatmek warasta! Uchiram atsau wainiatmek, tura uchi jurertasam jatemam nekapchau ayatmek, pengker nintimsam nukap warasta. Nuwa japamu ayat, aishrintin ainaun nangkamasang uchin untsuri wainkatnuitai.” Tu aarmawaitai.