81	GEN 4:1	Nunia Adánka ni nuwarin japrumtikiamiayi. Turam japruk uchi eemkaurin Caín naartinun jurermiayi. Tura Eva chichaak: —Yus surusu asamtai aishmangkun jurerjai —timiayi.
82	GEN 4:2	Tura ukunam Evaka Caínka yachiin Abelan jurermiayi. Abelka tsakar ovejan wainuyayi. Tura Caínka tsakar ajan takauyayi.
83	GEN 4:3	Tura ukunam Caín Yusen warinak susataj tusa, ningki nintimias ni ajarinia arak ainaun juuk: —Ainchiksha Yusen susataj —tusa epeamiayi.
85	GEN 4:5	Antsu Caínnaka pengkerka nintimtuschamiayi, tura ni susamurinka jiis, pengkerka awajsachmiayi. Tura asamtai Caínka napchau nintimiar yachiin kajerkamiayi.
86	GEN 4:6	Turamtai Yus Caínkan chicharak: —¿Waruka napchau nintimsamsha kajekume?
88	GEN 4:8	Yuska tamaitiat jumchik arus Caín yachiin chicharak: —Ajanam iijai wemi —timiayi. Tamati Abel ayu tusa yachiijai ajanam wemiayi. Tura jea Caín yachiin awati maamiayi.
89	GEN 4:9	Caín yachiin mau asamtai Yus Caínkan iniak: —¿Yachim tuning puja? —tu iniam Caín ayaak: —Chaa, nekatsjai. ¿Wikia yatsurun wainukitaj? —timiayi.
93	GEN 4:13	Tama Caín Yusen chicharak: —Wikia timiá wait wajaktinnaka pengké atsantrachminuitjai.
95	GEN 4:15	Tamaitiat Apu Yus ayaak: —Atsa, turutmachartinuitai. Antsu amin mantaminamtaikia siete wait wajaktintrin susatnuitjai —timiayi. Nunia aints ainau maawarai tusa, Apu Yus Caínkian maachmin awajsamiayi.
96	GEN 4:16	Tura Caín Yusjai chichas Edénnumia jiinki, tsaa winitinmanini nungka Nod tutainum pujustas wemiayi.
97	GEN 4:17	Caín nuwan nuwatkau asamtai, nuwari japrukmiayi. Tura uchirin jureramtai, naari Enoc inaikiamiayi. Ukunam Caín yaktama nu yaaktanka ni uchiri naarinak inaikiamiayi.
102	GEN 4:22	Lamecka nuwari Zila naartin uchin Tubal-caín naartinun jurermiayi. Tubal-caínka jiru bronce tutain, tura chikich hierro tutaincha takakminuyayi. Tubal-caín umaji Naama naartinuyayi.
104	GEN 4:24	Yus Caín chicharak: Amin mantamunka siete wait wajaktintrin susatnuitjai timiayi. Tura wina mantuawaramtaikia nuna nangkamas setenta y siete yapaijkiartin ainawai —timiayi.
105	GEN 4:25	Nunia Adánka nuwari Eva ataksha japruk, chikich uchin jurermiayi. Tura nintimias: Caín nii yachiin Abelan mau asamtai, yamaikia Yus chikich uchin surusi tusa, uchirin Set inaikiamiayi.
154	GEN 6:16	Tura pata ainau tres najanata. Tura paantin ati tusam, wenurmau angkaakurincha yakí patanam nukukmaunmaya metro japchiri chingkiata. Tura kichik yantamen waaiti najanata.
241	GEN 10:6	Cama uchiri ju armiayi: Cus, Mizraím, Fut tura Canaán.
246	GEN 10:11	Nu nungkanam aints Asur naartin pujumiayi. Nuka ju yakat ainaun yaktamamiayi: Nínive, Rehobot, Ir, Cala nunia juun yakat Resén tutai. Nu yaktaka Nínive yaktanmaya Cala weamunam japen ayayi.
248	GEN 10:13	Tura Mizraíma weari ainau ju armiayi: Ludeo ainau, ananeo ainausha, lehabita ainausha, naftuhita ainausha,
254	GEN 10:19	Tura ni nungkari Gerar nungkanam jeakuyayi. Tura Sidón yaktanmaya Gazanam jeakuyayi. Tura tsaa winitinmanini yakat Sodoma tura Gomorrasha, tura Admasha, tura Zeboímsha timiá arák Lasa yaktanam jeakuyayi.
353	GEN 14:16	warí ainaun yaruakmaunka mash atankiar, Lotnasha tura chikich aints ainauncha tura nuwa ainauncha mesatak jukiarmaun mash angkanmamtikiarmiayi.
356	GEN 14:19	Tura chicharak: —Yus yakí puja nuka yainmakti.
371	GEN 15:10	Tama Abramka Yus tímia nunisang nu tangku ainaun ikiaanak maa, tangku namangken jimia akanak japen nakak matsarmiayi. Antsu tangku nanamtin ainaun nakatsuk inaisamiayi.
381	GEN 15:20	hititas, ferezeos, refaítas,
388	GEN 16:6	Tamati Abram ayaak: —Watska, inatirmeka tuke aminuitai. Warí wakerame nuka turata —timiayi. Tama Sarai ni inatirin pase awajsau asamtai, Agar tupikiakmiayi.
439	GEN 18:14	Warí, ¿Yuse tujinkamuri kichkisha awak? Chikich musachtin ataksha jiitjame. Tura nuni Saraka uchirin takakun wainkatjai, —timiayi.
466	GEN 19:8	Antsu wina nawantur jimiar aints takashtai pujuina juna jirkitjarme. Turamtai atum warí wakerarme nuka turataram. Antsu irau juni wayawaruka wi ipiaamu asaramtai, nuka takasairap —timiayi.
478	GEN 19:20	Antsu chikich yaktawach arakchichu aa nuni tupikiakminuitjai. Wait aneasrum, nuni uwemrataram tusaram tsangkatruktaram. Warí, nu yaktaka nekas tuupchitai, —timiayi.
511	GEN 20:15	Tura chicharak: —Jiisia, juka mash wina nungkaruitai. Tura asamtai ame tuní pujustasam wakerame nunisha pujusta —timiayi.
640	GEN 24:48	Tura Apu Yus wi jintá wekaamurnasha yainkau asamtai, tura apuru yachí tirangki Isaacka nuwari at tusa nekamtikrau asamtai, apuru Abrahama Yusrin maaketai titasan tikishman: Apu Yus, nekasam pengkeraitme, timiajai.
677	GEN 25:18	Tura ni weari ainauka Ejipto nungka ayaamsar, Havila nungka tura Shur nungka japen pujuu armiayi. Nu nungkanam jinta Asirianam jeatniuka amaktinuitai. Tura nuni pujuinayat, ni yachí ainaujai tuke kajernain armiayi.
685	GEN 25:26	Tura ekeri yachí sangkanin achimiak jurentrau asamtai, naarinka Jacob inaikiarmiayi. (Nuka sangkannum achimkau taku tawai.) Rebeca uchin mai jereramtai, Isaac sesenta musach pujumiayi.
691	GEN 25:32	Tamati Esaú yachiin chicharak: —¿Warí, tsukajai timiá wait wajaknasha nukap arusan jukitnuitja nuka yamaikia itiurak yainkat? —timiayi.
765	GEN 27:37	Tamaitiat Isaac ayaak: —Uchiru, nintimrata. Ameka eemkam akiinamiame wainiatun, wina angkruau asamtai, yachim amin inatmarti tusan, tura ami wearam ainau mash ni inatiri wajasarti timiajai. Tura ni ajarnia trigon tura vinoncha nukap juukti tinu asan, uchiru, ¿amincha yamai warí titajmek? —timiayi.
830	GEN 29:34	Tura ataksha uchin jerer chichaak: —Yamaikia uchin tres jereru asamtai, aishur wijai tsaning pujustatui, —tusa, naari Leví ati tusa inaikiamiayi.
833	GEN 30:2	Tamati Jacob Raquelan kajerak: —¿Warí, wi Yuskaitaj? ¿Uchin jerechu awajtamsauka Yuskechukai? —timiayi.
846	GEN 30:15	Tamaitiat Lea ayaak: —¿Warí, aishruka atantrukmiame nuka maakchaukai? ¿Turayatmek yamaisha mandrágora ainaun uchir surusma nusha atantruktaj tamek? —timiayi. Tamati Raquel chicharak: —Uchiram mandrágoran itarma nuka surusakminkia, arum kashi Jacob amijai kanurtatui, —timiayi.
992	GEN 34:11	Tura apari chichas umisamtai, Siquemsha Dina aparin tura umaji ainaun chicharak: —Wait aneasrum ayu titaram. Turaram atum warí wakerarme nunaka seatkurminkia susatjarme, —timiayi.
1035	GEN 35:23	Lea jerermau ainauka Rubén, Simeón, Leví, Judá, Isacar, tura Zabulón, ju armiayi.
1036	GEN 35:24	Raquel jerermauka José tura Benjamín armiayi.
1099	GEN 37:15	Tura yachii ainau pujuinamunam jeatatkama, waak wekai aints wainak: —¿Warí eakmea wekaame? —tu iniam,
1114	GEN 37:30	Nunia ni yachii pujuinamunam we chichaak: —¡Yatsurka waanmangka atsawai! ¿Tura asamtai aparnasha warí titajak? —timiayi.
1136	GEN 38:16	Tura asa jeari, chicharak: —Iijai tepesmi —timiayi. Tama ayaak: —¿Wijai tepesmesha warí surustatam? —timiayi.
1137	GEN 38:17	Tu iniam Judá ayaak: —Cabra uchirin akuptuktatjame, —timiayi. Tamati niisha chicharak: —Pengkeraitai. Antsu warí ame takakme nu ukurtukta. Tura cabra uchiri akupturkakmin awangtukmijam —timiayi.
1143	GEN 38:23	Tamati Judá ayaak: —Maj, warinchun wi susamja nunaksha jukiti. Warí, ataksha werir eakrinkia wishikrurchartimpiash. Tura nu nuwaka wainkachu asam, wikia cabra uchirin akuptukja nuka susachume. Nuka nekasaintai tusam amesha nekame, —timiayi.
1180	GEN 40:7	—¿Waruka yamaikia timiá wake mesekrumsha tsawaarurme? —tu iniam, mai chichainak: —Mesekramraji. Antsu mesekramramuka warimpita tusar nekamtikramatnuka pengké atsawai, —tiarmiayi. Tinamtai José ayaak: —¿Warí, Yusek mesekramramunka nekatsuash? Watska, mesekramramurmesha wina ujatkataram, —timiayi.
1190	GEN 40:17	Tura changkin yakí aa nuni pang yumin nekas pengker najanamu chumpiamun faraónnaun wainkamjai. Tura wainiatun chingki ainau kautkar nuna yuwinaun wainkamjai —timiayi.
1248	GEN 41:52	Tura: —Ju nungkanam wake mesekan pujai, Yus uchin surusi —tusa ekerin Efraín inaikiamiayi.
1250	GEN 41:54	José tímia nunisang mash nungka ainamunam tsuka nangkamnamiayi. Antsu Ejiptonam trigo nukap irumramu asamtai, tsukaka atsumiayi.
1257	GEN 42:4	Antsu Benjamínnaka, José nekas pataa yachinka jintá itiurkachminum jeai tusa akupkachmiayi.
1289	GEN 42:36	Tura Jacob ni uchiri ainaun chicharak: —Winaka pengké uchirtichu awajtusrume. Joséka mengkaakawaitai. Tura Simeónsha atsawai. Tura nuna nangkamasrumek yamaisha Benjamín jurutkitasrum wakerarme. ¡Chua, aitkau asakrumin, wikia itiurkachmin nekapeajai! —timiayi.
1290	GEN 42:37	Tamati Rubén aparin chicharak: —Napchauka nintimtsuk asata, apaachi. Wikia Benjamínkan tenapkesan wainkatatjai. Tura ataksha awaingkin itartatjame. Antsu niin itaachmataikia, wina uchir jimiar aina nu maata, —timiayi.
1305	GEN 43:14	Yuse tujinkamuri atsau asamtai, nu apu wait anengkratinu nintin susati. Turamtai wait anentramak atumi yachi emetama nuna angkan awajsati, tura Benjamíncha emetsuk akupkati. Kame, akupachmataikia, uchirtichu pujuschatjash. ¿Wisha itiurkatjak? —tusa uchiri ainaun akupkamiayi.
1306	GEN 43:15	Tura akupkamtai, Jacobo uchriri ainau apun warinchu nangkami susatniuncha tura kuik waingkimuncha tura chikich kuikiajai trigon sumaktinnasha jukiarmiayi. Tura Benjamíncha jukiar Ejiptonam wearmiayi. Tura nuni jearamtai,
1369	GEN 45:10	Tura uchirtuk tura tirangkrintuk, tura tangkurtuk ni takaka nunaka mash yaruak, winí Gosén nungkanam taa, arakchichu pujusti.
1397	GEN 46:10	Simeónka uchiri ju armiayi: Jemuel, Jamín, Ohad, Jaquín, Zohar, tura Saúl. Nu Saúlka nukuri Canaánnumia nuwa ayayi.
1398	GEN 46:11	Leví uchiri ju armiayi: Gersón, Coat tura Merari.
1404	GEN 46:17	Tura Asera uchiri ju armiayi: Imna, Isúa, Isúi tura Bería, tura nuna umaji Sera naartin. Bería uchiri jimiar armia nuka Heber tura Malquiel armiayi.
1406	GEN 46:19	Jacobo nuwari Raquela uchiri ju armiayi: José tura Benjamín.
1407	GEN 46:20	José Asenatnum yajutmarmia nusha ju armiayi: Manasés tura Efraín. Nuka Ejipto nungkanam akiinawarmiayi. Tura Asenatka Potifera nawantri ayayi. Tura Potiferaka yakat Onta sacerdoteri ayayi.
1420	GEN 46:33	Nuniangka faraón atumin untsurmak: ¿Atumsha warí takakminuitrume tusa ininmataikia?,
1424	GEN 47:3	Tura asamtai faraón José yachi ainaun iniak: —¿Atumsha warí takakminuitrume? —timiayi. Tamati aiminak: —Apuru, iikia ii juuntrijai metek oveja wainin ainaji.
1432	GEN 47:11	Turamtai faraón tímia nunisang Joséka Ejipto nungkanam timiá pengker irunnia nuni nungka Ramsés tutainum ni aparin tura ni yachi ainaun pujsamiayi.
1453	GEN 48:1	Chikich kintati Josén ujainak: —Aparam jaawai, —tiarmiayi. Tu tinam Joséka uchiri Manasésan tura Efraínkan ayas juki aparin jiistas wemiayi.
1457	GEN 48:5	Turutin asamtai wi taatsaing, juni Ejipto nungkanam uchiram Efraín tura Manasés yajutmarmiame nuka wina uchir Rubén, tura Simeón ainawa nunisarang wina uchirua tumau ainawai.
1458	GEN 48:6	Tura chikich uchi yajutmartatme nuka aminu artinuitai. Tura ame jakakminkia, niisha ni yachi asar, Efraínjai tura Manasésjai aminu atinun akankar metek jukiartin ainawai.
1465	GEN 48:13	Nunia Efraínkan untsurijai achik, tura Manasésnasha menarijai achik juki ayaamtukmiayi. Turamtai Efraínka apachri menarinini tura Manaséska apachri untsurinini wajasmiayi.
1466	GEN 48:14	Tura Israel tirangkin mai pengker awajsatas ni kunturin mai takunmiayi. Tura nekayat yapajiasang Efraín ekeri au wainiat, ni muuken untsur uwejejai achik, tura Manasés eemkauri au wainiat, ni muuken mena uwejejai achikmiayi.
1469	GEN 48:17	Antsu apari Efraínka muuken untsur uwejjai achikmaun Joséka wainak: Mianchawaitai, tu nintimias, apari uwejen Efraínka muukenia jusa, Manasésa muuken achimtikiatas takuimiayi.
1472	GEN 48:20	Tura Jacob ni tirangkin mai pengker awajsatas chichaak: —Israela weari ainauka chikich aints ainaun pengker awajsartas atumi naarin pachisar tu chichasartin ainawai: Yus Efraínkan tura Manasésnasha pengker awajsamia nunisang amincha pengker awajtamsati tinu artinuitai, —timiayi. Nuna taku nekas Efraínka ekerintai tusa nekayat, naarin eemak inaik timiayi.
1479	GEN 49:5	Tura Simeónkan tura yachi Levíncha chicharak: —Atumka mai metek maanin aints asaram, itiurkachmin amataikia, wári meset najanatasrum wakerarme.
1495	GEN 49:21	Nunia Neftalín chicharak: —Ameka japa angkan wekaawa nunisketme. Tura ami uchiram ainausha japa uchiria nunisarang shiiram artinuitai, —timiayi.
1530	GEN 50:23	Efraínka tirangki uchirin wainkamiayi. Tura Manasésa uchiri Maquir naartinu uchiri ainaun ni jeen tsakarmiayi.
14007	PSA 7:4	Apuru ameka wina Yusruitme. ¿Wisha warí tunauna takasuitja? ¿Wikia kasakitaj?
14030	PSA 8:9	tura nanamtin yakí nanamin ainausha tura namak ainausha tura juun entsanmaya ainausha mash aints ainau inararti tusam tsangkamkamiame.
14064	PSA 10:12	Apuru wajakim uwejem yakí takuim ami aintsrum ainau ayamrukta. Tura aints wait wajainauka kajinmakiip.
14141	PSA 18:11	Tura ni awemamuri querubínnum keemas Yus nanamua tumauyayi. Tura querubínkia nanapejai nasenam pachinak nanaamiayi.
14188	PSA 19:7	Tsaangka yakí waka nunia ataksha jeawai. Tura tsaa timiá tsuwer asamtai, pengké anumkachminuitji.
14202	PSA 20:6	Ami nemasem ainaun nepetkakmin iisha nu wainkar warastatji. Tura ii Yusri naari nintimsar ii banderari yakí takuitatji. Ami Yusrum seame nunaka mash metek umikti tusar seajai.
14261	PSA 24:3	¿Yuse murarin wakartin ainau warí aintsuk ainia? ¿Turasha ni jeen pengker aa nuni pujusartin ainia nusha warí aintsuk ainia?
14307	PSA 27:5	Itiurkachminum pujamtaisha wina Apurka winaka ejarkatnuitai. Tura ni jeen jeamtaisha winaka pengker nintimtursatnuitai. Wina Apurka tuke pujú asa, pampa nunisketai. Tumau asamtai wikia Apurun nintimsan aints pampanam yakí wajawa nunisnak uwemran angkan pujustinuitjai.
14330	PSA 29:5	Yus charpin tura nasencha akupak, numi juun wajainauncha tsairminuitai. Tura numi juun mura Líbanon tutainum wajainauncha tsairminuitai.
14331	PSA 29:6	Tura mura Líbanon tutaisha tura Sirión tutaisha muchitkarti tusa muchkamnawaitai. Waaka aishmangkri tura waaka uchiri ainau tsekena nunisarang muchitkarti tusa muran peakminuitai.
14444	PSA 35:14	Aints ni nukuri, tura ni amikri tura ni nekas yachí jakamtai, wake mesek pujawa nunisnak wisha ni jaak tepaun wainkau asan, napchau nintimsan pujuyajai.
14475	PSA 37:4	Apuram nukap aneamka, ame warí timiá wakerame nunaka suramsatnuitai.
14477	PSA 37:6	Tura tsaa yakí waakak etsantua nunisang ame pengker turamurmin tura ame tunaarinchau pujamurmin Yus chikich aints ainaun paan nekamtikiatnuitai.
14546	PSA 39:12	Aints ainauti tunau asakrin: Tunaarum inaisataram tusam, wait wajaktin sukartame. Aintstikia mash nangkamir nintimsar pujau asakrin, warí nukap wakeraji nuka nungka tsetseria tumau ati tusam tsairtinuitme.
14551	PSA 40:3	Tura jakatniunmaya wina uwemtikrurmiayi. Tura mengkaakai tusa ayamrutkamiayi. Tura aints mura yakí ayaatsuk wajawa nunisang angkan pujusti tusa, winaka angkanmamtikruamiayi.
14558	PSA 40:10	Ami aintsrum untsuri iruntramunam wikia nekas chichaman nekamtikiamiajai. Apuru wikia ami chichammin pengké uukchamiaja nusha nekame. Wikia amin pachisan: Ni tímia nunaka miatrusnak umikuitjai. Nunia iincha tuke uwemtikramratnuitji timiajai. Ami aintsrum untsuri iruntramunam aminu anengkratairmin tu awai tusan nekamtikiamiajai. Turasha aminu chichamem nekas chicham asamtai, pengké uukchamiajai.
14720	PSA 50:20	Tura atumi yachí pachisrum aujmatu wearme nunia jiyaa wearme.
14748	PSA 52:4	Ameka tuke tunau nintimsam pujau asam, ami inaijmikia kuchí ere tsakamua tumawaitai. Tumau asamtai anangkartutai chicham chichaame.
14886	PSA 62:12	Yus tímia nunaka untsuri antinuyajai. Wi anturnuyaja nuka nuwaitai: Kakarmaka tura wait anengkrataisha Yusnumiayaintai. Tura ningki aints ainautin ii turamurijai metek yapaijtamkiatnuitai.
14892	PSA 63:5	Tura iwiaaku pujaknaka: Ameketme pengkeram titatjame. Tura asan amin seakun uwejrun yakí takurtatjame.
15159	PSA 77:9	¿Turasha ni anengkratairingkia amukamkia? ¿Turasha Yus yaanchuik wi turatatjai tímia nunaka tuke umitsuk pujustatuak?