14253	PSA 23:1	Arrawartalu warndu andyi Thai, Sheperd-anghali, ivili adi tha urrunha warndu.
14254	PSA 23:2	Anghatalia ngurru marraakan thadi anhangha warndu matyiai wirlaaiulu awi urlanyi ngawungha anhangha warndu yapaatyu awi.
14255	PSA 23:3	Valu Marrakanirnakai vuldha udu adni vanhaatyu ngatyu wirlaninha warndu mathanha yapa apinhangha valuutyu inha ngunindhai ngandya vanhaatyu vani mityi warndu wartanha.
14256	PSA 23:4	Ngukanhangkai apunha anhawartanha widlyawartanha inbiringha virdnininhangha uta wairnai virdninguni. Ngandya nina idla ngai ngawungha. Arrawartanha nhurnghu wirti (-ha) nhurngu andyininha wirti wawarriwartanhangha udu vindhapaii.
14257	PSA 23:5	Nurnghu mai ngarlaka nguthangakai minangha nurnghu marni ngarl dingha vapardla nhawikai nurnghu mityi wanghakai tha ngartu yapaninha vula wandi-ngandha.
14258	PSA 23:6	Udungha ilkandatyu, yutha warndu ikandina ngai thadi Ngadlapaiutu yulupa yulupa ngatyu ikaninha vatyuapinha uta.
25048	LUK 2:6	Josephalu, Maryinhangha watipandha arnghu Bethlahamangha ilkandha. Maryilu bivi idla mia wanditha kadla wardlingha.
25049	LUK 2:7	Mary-ilu bivi andyitha anhangha valu uriuripandhawa yardu mardla yaralangha yutha utyumathanha ngami apinhanghali valu yundhulanghu miru biviapa kadla mai wartanhangha.
25050	LUK 2:8	Arngadhali anha widlyanha miru apinha ngurru yartangha ivi apinha mina warndatha andyianghu yadnaru irrapinha
25051	LUK 2:9	Tha mandakadna irra yurra idla ngawarla wartanha vidinhand-ha wikudaurtun hanguni ardla marrangha watya ikadna tha vani wairnikada watya.
25052	LUK 2:10	Tha irra yura wanghakadnanha uta wairnikadna andyitatyu vani warndu ngawarla inhangha mangi mangita nuda.
25053	LUK 2:11	Inha vatyu nudaru irraninha ngadanghu Davidaru yartangha vanaatyu arrawartanha maatha.
25054	LUK 2:12	Ngukakadna anharu, nakundyuda yaralangha uri urilpi wandirtamakua kadla mai wartanhangha ngurrungha, tha idanha idla nakundyuda arrawartalu idanha inhawartanha miruupa varndanhanghua Yuribandhanavirdna.