29	GEN 1:29	Da Anutu ini, “Watsangan! Dzi tangin nam santan ntapan kapa nidzun mara maran da gai kapa nidzun mara maran isu agam nanggam gadan.
54	GEN 2:23	Gubuꞌ garam tsangandan da itsauꞌ tsiraꞌ angu da ini, “Mai! Aruani da dzi gangꞌ mangan sangꞌa dzi iwaꞌ. Urungunggan iwaꞌ imingꞌ dzi urungunggangꞌ; paiꞌ gan iwaꞌ imingꞌ dzi paiꞌ gangꞌ. Anutu itip arangan iwaꞌ imingꞌ garamin, ibinigi da dzi nafaringꞌ arangan nabi ‘sagat.’”
57	GEN 3:1	Apu buman santan Anutu Yawe tangindan ugu da mur isu apu mararuru tsiraꞌ i nan umpur iyuꞌan. Gubuꞌ mangan da mur iwaꞌ da sagat da igutin, “Amaꞌ! Nan nidzun i Anutu nidan da agam i anungꞌ gada gai nidzun santan mingꞌa gum ani?”
60	GEN 3:4	Da mur ini binaꞌ, “Imaꞌ! Nan umpur! Agam wasangꞌ i mampan u.
78	GEN 3:22	Da Anutu Yawe ini ibiani, “Watsangan! Garam ugu ibasangꞌ agi mangan sib, isruꞌ i nam bini da nam maisan sib wa. Agi anungꞌ rungꞌ tusa marangꞌ i arangan da uda gai rima marantaꞌan nidzunggan da gadan u, i ribarangan bungꞌ ampa ratar nanting i!”
89	GEN 4:9	Raiyi da Yawe igut i Kein ini binaꞌ, “Da u rainggam Abel anungꞌ?” Da arangan ini, “Dzi wasruꞌgin u. Mai! Dzi masu wain i mpada tayangꞌ rainggangꞌ?”
94	GEN 4:14	Da waringantin! Aruani da u wat dzi rai i intap gum da gam maranggam. Da dzi bungꞌ asu garam kupa i asub rampan angu yungan, da bida manga tsanganda dzi da bungꞌ ais dzi funub.”
103	GEN 4:23	Gubuꞌ mangan da Lamek itsarif runggan da finin rusan ibiani, “Ada da Tsila, waringant i gabunggam dzi, Lamek, nan gangꞌ! Dzi bungꞌ ais garam mangan funub bida rima biꞌ da dzi. Da bungꞌ abinigi angu bida mamaꞌ rinifaꞌ mangan intingꞌa dzi.
151	GEN 6:13	Ibinigi da Anutu ini da Noa ibiani, “Dzi marangꞌ ifur i siata garam gar santan rai, i ribarangan isu gudzu uris i ruan iyus. Hai, nan nidzun! Dzi bungꞌ asiat garam gar da nam santan mingꞌa intap nampruꞌ.
215	GEN 9:9	“Waringantin! Aruani da dzi runggangꞌ dzi ni udzuda nan gangꞌ utusa i ruan gin da agam da yanginggam taptap
223	GEN 9:17	Ibinigi da Anutu ini da Noa ibiani, “Watsangan! Nigi Dzi birangꞌ nan utusa i ruan dzi tanginda muntida wasaꞌ i dzi Anutu da nam marantaꞌan sib angu mingꞌa intap.”
270	GEN 11:3	Da ribarangan ini da ruan, “Ariꞌ! Wauriꞌ da agi nau intap gur da natip brik gin da natai i dzaf i babampafan.” Ribarangan inang ibinigi da iwaꞌ da brik i rafa ungar gin, da iyu kolta i amitsa brik mpruꞌan da ruan.
271	GEN 11:4	Da itip ini da ruan ini binaꞌ, “Ariꞌ! Wasiri wampruꞌ ruam waba, da agi naraf gampangꞌ tsiraꞌ mangan da narim ungar guntiꞌ bingan angu, gudzun waꞌa gunungun, i nanga runggangꞌ binganggangꞌ muntida piapan da anungꞌ dzarangan da mpada sangꞌa intap bafadan u.”
273	GEN 11:6	Da Yawe ini, “Aitsangan! Bida garam ani garam utup bitsintaꞌ da nifu-nan bitsintaꞌ da nanga nam bida ani, da nam mangan wasangꞌ i barabindan da ribarangan u, imaꞌ. Da pas angu da bungꞌ anang nam mara maran i gan maranggan furan.
310	GEN 12:11	Nanga i atangꞌa intap Idzip da arangan ini da fininggan Sarai ibiani, “Waringantin! U sagat mara rifirif bingan iyus.
318	GEN 12:19	Wain idzuwai da u ni arangan u nafunggam da dzi yu arangan isu dzi fininggangꞌ? U fininggam aruani! Wau ya warut wafan!”
327	GEN 13:8	Ibinigi da Abram ini da Lot, “Agi biꞌ bitsintaꞌ! Da agi anungꞌ suda ufuai da ruangꞌ ma ufuai anungꞌ uriꞌa wasaꞌ i agu da dzi ma agi garam gumangꞌ u.
328	GEN 13:9	Watsangan! Intap ani tsiraꞌ bingan imingꞌ utaꞌ angu, da agi bungꞌ atangin runggangꞌ rai. Ibinigi da wapiriangꞌ nasangꞌ maranggam aridan. Bida u nida fada bida bangi yas, da dzi bungꞌ afa nabi bangi bini, da bida u nida fada bida bangi bini, da dzi bungꞌ afa nabi bangi yas.”
366	GEN 15:5	Da Yawe iyu Abram iwaꞌ ifa manaꞌ da ini rutin, “Wadantangꞌ wayab gunungun da wafaris ngantam santan aga, bida u sangꞌa i farisa sib angu fantsupan. Waringantin! U yanginggam bungꞌ awaꞌ nabinigi.”
374	GEN 15:13	Da Yawe ini da arangan imingꞌ nam puafuban ibiani, “Waringantin! U yangin rusam bungꞌ ampa nabi garam marawampua namingꞌ garam gamp mangan intapan. Da garam intap igi bungꞌ arasu da nanang i nanggan mpadan namais, da nabuaringꞌ gum barabin tsiraꞌ nasangꞌ udzuf 400.
388	GEN 16:6	Da Abram ini, “Ngarubini bingan! Da bitsintaꞌ waringantin, nigi u sagat gumam rururungan da imingꞌ da agu. U su wain gin. Nam u tsanganda bida dauman sangꞌa u maranggam aridan, wanang da arangan.” Ibinigi da Sarai inang Hagar nanggan mpadan imais wasi, da arangan irunt sinungꞌ Sarai.
393	GEN 16:11	Da itip ini, “Waringantin! U wangun sib da u bungꞌ arim narun marub. Da wafaringꞌ arangan binganggan Ismail, i wain ibiani, Yawe iringant i u wangu barabin gam sib.
395	GEN 16:13	Hagar ini da runggan, “Ai! Dzi matsanga Anutu Aru Tsanganda Dzi sib ugu da dzi rumpa marataꞌ?” Ibinigi da irim bingan da Yawe aru nida nan da arangan ibiani, “Agu Anutu Aru Tsanganda Dzi.”
415	GEN 17:17	Abraham itauf maran iruꞌ intap da irubungꞌ da ini i unggan angu, “Mai! Isangꞌ garam fufi udzufan waꞌa 100 sib rima narun? Da isangꞌ Sara rima mamaꞌ narun da gan udzufan sangꞌa 90?”
428	GEN 18:3	Da Abraham ini, “O dzi nifutsarifangꞌ! Dzi su u mamaꞌ gumam, da dzi marangꞌ yari iyus i agam bada dzi ungarangꞌ.
431	GEN 18:6	Ibinigi da Abraham yatangꞌ sung angu ifa ungar apu rini gangan da Sara da ini da arangan, “Ariꞌ Sara! Sung angu! Wayu parawaꞌ bini 20 kg ugu da wamuat da watai bret fain.”
450	GEN 18:25	U Garam atsungꞌa sanampun rururungan angu i raruda garam intap santan. Da anungꞌ isangꞌ u, i U siata garam rururungan mpruꞌa da garam maisan sangꞌa ruan angu, yaba i garam nanga asub nanggan. Imaꞌ!”
463	GEN 19:5	Da inuꞌ Lot ini binaꞌ, “Lot! Garam iruꞌ bada ungaram da idziang aruani impai anungꞌ? Watangin ribarangan nawaꞌ ba da aga nararaꞌ gin.”
467	GEN 19:9	Garam Sodom iringant i nan arigi da ini binaꞌ, “Wafa manaꞌ i agai! Aga tus marangꞌ i agu garam gamp manga arigi da aruani da u ni nanga runggam bida garam raruda agai i gangꞌ uwayantangꞌ. Wafa manaꞌ i agai! I aga bungꞌ awaya agu nidzun angu nayus rib iruꞌ aga.” Ribarangan iyut Lot rai da yusu ruan ifa i branga muantsi.
473	GEN 19:15	Da maratait da angira yaga Lot ini ibiani, “Wauriꞌ sung! Wau fininggam da narum rusam finam iruꞌ igi da watangin gamp ani rai sung, i agam bungꞌ antsup nampruꞌ da garam gamp ani da gubuꞌ Yawe siata rai.”
475	GEN 19:17	Angira uda ribarangan waꞌa sib da gan mangan ini binaꞌ, “Agam wafa sung angu! Da anungꞌ tipa taningꞌan da raraba fada gamp aga u, ma mpada asap mangan mingꞌa bump ani u. Warunt sung angu nayab mamai aga i agam mantsup sib nampruꞌ i.”
476	GEN 19:18	Da bitsintaꞌ Lot ini binaꞌ, “O dzi nifutsarifangꞌ. Dzi maragab wasangꞌ nanga bida u nidan igi u!
480	GEN 19:22	Ariꞌ! Wafa sung angu, i dzi wasangꞌ nanga nam mangan nasangꞌ u waꞌan nigi.” (Lot ini gamp igi isiꞌ angu, i wain igi da garam ifaringꞌ gamp igi Tsoar, wainggan ibi isiꞌ ma nam utaꞌ angu.)
531	GEN 21:17	Anutu iringantin i mamaꞌ rangan da Anutu angira gan inuꞌ Hagar imingꞌ gunungun ini binaꞌ, “Hagar! Ibi anungꞌ? Agu anungꞌ ratan u. Anutu iringant i mamaꞌ rangan aga sib.
549	GEN 22:1	Udzuf fain ifa sib raiyi, da Anutu yintsaꞌ Abraham nanggan muarutsan i tsanganda bida arangan atangꞌa warangꞌ i Arangan ma imaꞌ. Da inuꞌ arangan ibiani, “Abraham!” Da Abraham itaga ruan da ini binaꞌ, “Dzi rumpai.”
559	GEN 22:11	Da bitsintaꞌ Yawe angira gan inuꞌ arangan imingꞌ gunungun ini binaꞌ, “Abraham! Abraham!” Da Abraham ini, “Hai. Dzi rumpai.”
615	GEN 24:23	Da igut i arangan, “Mai! Manga narunggan agu? Da mumai wasaꞌ bits rumingꞌ u ramanggam ungaran i aga gingꞌa gin da idziang aruani?”
652	GEN 24:60	Da gubuꞌ Rebeka nida tanginda utupan rai i fadan, da ribarangan ifinti arangan i nan fintidan ani, “Nafungꞌ, agu bungꞌ asu tausen da tausen ampi bingan rinanggan! Da agu tafam rusam bungꞌ ampa riri i gan garam ipiapan da nasu wain i gan gampan.”
689	GEN 25:30	da ini da Yakop, “Mangits yis dzi funub angu! Warim nam biꞌ igi fain da dzi nagan!” (I wain igi da ifaringꞌ arangan binganggan Idom, i wainggan ibi biꞌ.)
691	GEN 25:32	Da Isau ini, “Oiyo! U tsangan dzi nang i mampan! Da dzi nanggangꞌ miamun dzi suda wain gin igi burima dzi sib bida anungꞌ? Isangꞌ i!”
762	GEN 27:34	Da gubuꞌ Isau ringanta i raman nan gan igi da iyaiꞌ da irang tsiraꞌ bingan ruta wangun barabindan da ini binaꞌ, “Ramangꞌ, wafinti dzi nabinigi!”
764	GEN 27:36	Da Isau ini ibiani, “Ramangꞌ! Bingan Yakop isangꞌ arangan rururungan. Mungꞌ da arangan isu umpur da dzi, da iyu dzi nanggangꞌ suda mamaꞌ miamun gan. Da aruani da itip isu umpur da agu, da iyu dzi nan gangꞌ fintidan. Da ramangꞌ, nan fintidan pas u mamida riman da rumingꞌan, da warim da dzi.”
766	GEN 27:38	Da Isau ini da raman, “Ramangꞌ, nan fintidan igi mani bitsintaꞌ angu, ma? Wafinti dzi wampruꞌ!” Ibinigi da arangan irang tsiraꞌ bingan angu.
817	GEN 29:21	Udzuf 7 arigi intsup sib da Yakop ini da Laban, “Yaꞌ! Dzi udzufangꞌ nanga gum i agu ugu iba ntsup sib, da warim dzi fininggangꞌ ba da dzi i dzi udan.”
833	GEN 30:2	Yakop nugun isasus i arangan da ini binaꞌ, “Isangꞌ i dzi uda Anutu mumai gan i nanga nam Anutu nangan? Imaꞌ! Arangan runtaꞌ angu isu wain i udzuda agu i mamida rima narum.”
846	GEN 30:15	Da bitsintaꞌ Lia ini da Retsel, “Mani nidzun arangan igi i u uda dzi gabunggangꞌ sinungꞌ dzi? Da aruani da u ni tipa uda dzi narunggangꞌ nanggan uda badan da dzi ani mpruꞌan, a!” Da Retsel ini, “Isangꞌ. Bida u rima narunggam nam nidzunggan fain da dzi, da Yakop bungꞌ arut agu nagingꞌ da idziang aruani.”
917	GEN 31:43	Ibinigi da Laban ini Yakop nan gan mungaꞌ ibiani, “Sagat iruꞌ igi isu dzi narungꞌ rusangꞌ. Da narun rusan isu dzi gangꞌ, da apu igi isu dzi apu gangꞌ. Watsangan! Nam santan aru u udan igi isu dzi nanggangꞌ. Da bitsintaꞌ dzi nanang nabi anungꞌ i dzi narungꞌ rusangꞌ finam iruꞌ igi da narun rusan?
955	GEN 32:27	Da garam igi ini da Yakop, “Watangin dzi da dzi nafan. Gubuꞌ inang i pisan.” Da bitsintaꞌ Yakop idudunting i arangan da irim udzungꞌ da arangan ini binaꞌ, “Wasangꞌ u! Bida u fintida dzi sib da dzi bungꞌ atangin bangingꞌ rai i agu da wafan.”
1103	GEN 37:19	Da ini da ruan ini binaꞌ, “Ariꞌ tsangan! Garam puafuba funub angu ugu iba.
1104	GEN 37:20	Yaꞌ! Agi isa arangan funub da tapuda ruꞌa ntsuf utaꞌ ani mangan, da nani apu buman mangan igara arangan funub. Da agi natsanga i gan nanggan puafuban igi nakap nidzun nabi anungꞌ.”
1114	GEN 37:30	Da arangan itip ifan da rain rusan da ini, “Ai! Yosef anungꞌ rungꞌ impa ntsuf aga u. Dzi nabu ni nan nabi anungꞌ?”
1117	GEN 37:33	Raman isruꞌgin da ini, “Hai, dzi narunggangꞌ ngarukui gan arangan ani. Apu buman mangan igara arangan funub da itsiar fafarab da iga sib. O dzi narunggangꞌ Yosef!”
1158	GEN 39:8	Da bitsintaꞌ Yosef ibugin da ini, “U tsangan sib wa! Dzi garam gudzunggangꞌ itangin dzi i mpada tayangꞌ arangan ungaran da gan nanggan santan, da maran wafur i nam mangan u.
1162	GEN 39:12	Potifar fininggan impung arangan ngarukui gan ufiak da ini rutin, “Waba da agi gingꞌ!” Da bitsintaꞌ Yosef isagruꞌ ngarukui gan rai imingꞌ arangan banginggan da irunt iwaꞌ sinungꞌ ungar.
1239	GEN 41:43	King Farau irim karis mangan i Yosef mpada gin yatsungꞌ king da garam singaari imungꞌ i arangan da inuꞌ ini binaꞌ, “Wawaꞌ manaꞌ i sanab da frap anuf! Garam tsiraꞌ iba!” I sanab bida nigi da itangin Yosef isu gudzun i intap Idzip santan.
1254	GEN 42:1	Gubuꞌ Yakop ringanta i nan bida wit mingꞌa Idzip, da ini da narun rusan ibiani, “Amaꞌ! Agam ibumpa irarab rumaram ibinigi?
1274	GEN 42:21	Da ribarangan ini nan da runggan ibiani, “Nan nidzun bingan! Agi nanggangꞌ nanga yaba i rainggangꞌ Yosef ugu mungaꞌ gan ani. Agi tsanga rainggangꞌ wangu barabin gan da gubuꞌ maragab ranga gampunda ruan da agi ugu, da agi wagaib arangan u. Ibinigi da barabin ani iwaꞌ da agi.”
1281	GEN 42:28	Da inuꞌ rain rusan ini binaꞌ, “Aitsangan! Rib aga tip ifarangꞌ dzi silva gangꞌ iruꞌ dzi bekangꞌ.” Ribarangan nugun isantan ruan da irat da irarab ru maran da ini da ruan, “Nam idzuwai gan ani da Anutu inang ibiani da agi?”
1289	GEN 42:36	Ribarangan ramanggan Yakop ini da ribarangan ibiani, “Agam angu inang da dzi narungꞌ rusangꞌ iruꞌrun maran imaꞌ. Yosef maran imaꞌ, da Simion maran imaꞌ. Da aruani da agam ini tipa uda Benyamin fada sinungꞌ dzi. Agam nanggam nangan bida nigi da dzi buaringꞌ barabin gin!”
1334	GEN 44:9	Garam tsiraꞌ! Bida u tsanganda aga gangꞌ bits udan, da wais arangan funub. Da aga santan aruani nasu u garam gumam utaꞌ angu.”
1343	GEN 44:18	Yuda ifa uts da Yosef da ini binaꞌ, “O garam tsiraꞌ! Dzi gaib runggangꞌ da agu i u ringanta i garam gumam dzi nan gangꞌ. U garam tsiraꞌ bingan isangꞌ King Farau, da u nugum anungꞌ ruaꞌa i garam gumam dzi u.
1359	GEN 44:34	Dzi butipa fadan da ramanggangꞌ bida anungꞌ bida mamaꞌ igi mamida ruta dzi fadan? Imaꞌ! Dzi bugin i tsanganda ramanggangꞌ buaringꞌa barabin igi.”
1362	GEN 45:3	Da Yosef ini da rain rusan ibiani, “Dzi Yosef! Dzi ramanggangꞌ rungꞌ impai ma imaꞌ?” Da bitsintaꞌ rain ruas wangun isantan ruan sib, da irat i arangan da wasangꞌ i nida nan mangan u.
1363	GEN 45:4	Da Yosef ini da rain rusan ini binaꞌ, “Agam waba uts angu da dzi.” Ribarangan iba uts da rainggan Yosef da arangan ini ibiani, “Dzi Yosef, agam rainggam aru agam uda nam ntsuman gin da tangindan da garam nam bunump uda bada Idzip ugu ani!
1385	GEN 45:26	Waꞌa sib da ramanggan da ini rutin ibiani, “Ramangꞌ, Yosef wamamp u; rumpa marataꞌ! Arangan isu garam gudzun tsiraꞌ impa tayangꞌ intap Idzip santan.” Yakop iringantin da wangun isantan ruan sib, da wamuaruts nan igi u.
1387	GEN 45:28	Da Israil ini ibiani, “Nan nidzun bingan! Dzi narunggangꞌ Yosef rungꞌ impa marataꞌ. Dzi nafan da natsanga arangan sib raiyi, ida dzi namus mampan.”
1389	GEN 46:2	Da Anutu ini nan da arangan imingꞌ nam puafuban da idziang ibiani, “Yakop! Yakop!” Da Yakop ini, “Dzi aruani!”
1436	GEN 47:15	Gubuꞌ ampan Idzip da Kanan santan moni gan ntsupan, da rib Idzip iba da Yosef da ini, “Warim aga sib i nam gadan, i aga bungꞌ amamp i mangits. I aga moni gangꞌ santan intsup sib wa!”
1439	GEN 47:18	Gubuꞌ udzuf arigi ntsupan da atupa udzuf faꞌ da ribarangan itip iba da Yosef da ini, “O garam tsiraꞌ! Aga wasangꞌ dziginda barabin gangꞌ i agu u. Aga moni gangꞌ da apu gangꞌ santan intsup sib da isu agu gam. Da aga nanggangꞌ mangan ruwamingꞌ i riman da agu i suba nam gadan gin u. Imaꞌ, agai angu da gangꞌ intapangꞌ.
1451	GEN 47:30	gubuꞌ dzi mampa sib da watip wau dzi nawaꞌ sinungꞌ gamp Idzip da wafarim dzi nampruꞌ da ramangꞌ rusangꞌ i gampan gingꞌa gin.” Da Yosef ini, “Hai, ramangꞌ! Dzi bungꞌ anang nabi u nidan.”
1461	GEN 48:9	Da Yosef ini, “Ramangꞌ! Mamaꞌ iruꞌ ani dzi narungꞌ rusangꞌ Anutu riman da dzi mingꞌa ani.” Da Israil ini, “Da wayu mamaꞌ igi waba da dzi nafinti.”
1470	GEN 48:18	Da ini, “A̛a ramangꞌ! Nani mamaꞌ miamun. Da warim bangim bini nayab i arangan gudzun.”
1471	GEN 48:19	Da bitsintaꞌ Israil ibugin da ini, “Dzi sruꞌgin, dzi narungꞌ! Dzi sruꞌgin i arangan yanginggan bungꞌ awaꞌ nasu garam utup tsiraꞌ mangan nabinigi. Da bitsintaꞌ arangan rainggan isiꞌ ani yanginggan bungꞌ awaꞌ nayus arangan gan da nasu garam utup ampi bingan angu.”
22606	JON 1:6	Garam gudzun madzung gan ifawaꞌ da Yona da ini rutin ibiani, “Amaꞌ! U bugingꞌ ibinigi? Wauriꞌ da waugin da anutu gam! Mani arangan maran bungꞌ agaib agi da narim agi sib i agi anungꞌ mampan u.”
22608	JON 1:8	Da ribarangan igut i Yona ini binaꞌ, “Wani da agai! Mabi u su wain i barabin waꞌan da agi ani? Da agu nang gumam idzuwai? Da u ba imingꞌ anungꞌ? Da u garam utup idzuwai?”
22610	JON 1:10	Da dzi runt sinungꞌ Arangan.” Gubuꞌ ribarangan ringanta gin da irat nam tsiraꞌ bingan angu da ini da Yona, “U nang asub tsiraꞌ bingan angu!”
22614	JON 1:14	Ibinigi da ribarangan iyugin da Yawe ini binaꞌ, “O Yawe! Aga gampun runggangꞌ da Agu. Bida garam ani asuban maꞌan, da anungꞌ rima nam mungaꞌ da agai i arangan nanggan mampan u. Da anungꞌ raruda agai bida U raruda garam yatsa garam biꞌ gan rai u, i wain, Agu, O Yawe, U rim barabin ani da agai, yatsungꞌ U rugam uwayantam.”
22619	JON 2:3	ibiani, “O Yawe! Dzi waꞌ da barabin tsiraꞌ bingan, da dzi nuꞌ Agu i U rima dzi sib, da U ringant i dzi. Dzi mpa iruꞌ garam mampan gampan, da dzi rang ibiaꞌ da Agu, da U ringant i dzi nanggangꞌ rangan.
22631	JON 3:4	Yona iyung gubuꞌ mangan sib imingꞌ gamp igi da iyaiꞌ nifun tsiraꞌ bingan ini ibiani, “Agam waringantin! Gubuꞌ 40 angu rungꞌ imingꞌ i Anutu siata gamp ani rai!”
22639	JON 4:2	Ibinigi da arangan yugin da Yawe ibiani, “O Yawe! Gubuꞌ dzi rungꞌ mpada gamp ugu da dzi sruꞌ gin sib ibi U bungꞌ anang nam bida nigi. Ibinigi da dzi runt sinungꞌ Agu i fada gamp Tarsis. I dzi sruꞌ gin i Agu Anutu maraampi da maran gaiban. U anungꞌ inang da isantingꞌ nugu sasusam sung u, da maran aridan wain Agu. Da U nang da U parim i uwayantam i anungꞌ wayada garam u.
22645	JON 4:8	Gubuꞌ impa wasaꞌ da Anutu irim manis sasusan imingꞌ gubuꞌ yaban iba. Gubuꞌ tsiraꞌ itai Yona gudzun, da maran ididirunt da inang i mampa asub. Da arangan ini biani, “Ngarubini bingan angu i dzi mampan. Dzi bugin i rungꞌ mpada marataꞌ!”
22646	JON 4:9	Da Anutu ini da Yona ibiani, “Nigi madaum i u uda wangum i bruꞌ maringꞌan igi?” Da Yona ini binaꞌ, “Hai, idaum! Dzi gurungur iyus da dzi ni mampan!”
25005	LUK 1:43	Dzi sagat utaꞌ bingan! Da ibi anungꞌ da dzi Nifutsarifangꞌ rinanggan maran yari i dzi da iyung ampi da dzi?
25022	LUK 1:60	da bitsintaꞌ rinanggan Elisabet ini ibiani, “Imaꞌ! Wafaringꞌ i binganggan Yowanis.”
25052	LUK 2:10	Da bitsintaꞌ angira ini rutin, “Watangin ratan. Waringantin! Dzi yu sisingꞌ bini iba da agam i rima nugun tsiaꞌan tsiraꞌ da garam santan.
25101	LUK 3:7	Da Yowanis ini da ampi tsiraꞌ badan i arangan ruruban igi ibiani, “Muntsir narun rusan agam! Mangan ini sisingꞌ da agam i runta sinungꞌ Anutu nugu tsakia gan da agam iba da dzi?
25154	LUK 4:22	Da garam santan irunt fafun da itsauꞌ i nan bini bingan Yisu nidan, da ini nan bini angu i Arangan. Da bitsintaꞌ itip ini da ruan, “Ibi anungꞌ da arangan ifis i nan ibinigi? Yosef narunggan angu igi!”
25155	LUK 4:23	Da Yisu ini da ribarangan, “Nan nidzun, agam bungꞌ ani nan bida ani da dzi, ‘Dudaꞌ, watip runggam!’ Da agam bungꞌ ani nabiani, ‘U madanang nam u nanga mingꞌa Kapenaum, da aga ringantagin ugu, damingꞌ gam gampam ani?’
25166	LUK 4:34	“Ai, Yisu garam Nasaret! U ni mantuda i agai? U maba i wayada agai? Dzi itsangan wa, i Anutu Garaman Mararam agu.”
25167	LUK 4:35	Da Yisu ini nan babampafan, “Wasimprim nifum da wawaꞌ sinungꞌ arangan!” Da marapayam maisan iyut garam arangan iruꞌ rib igi maranggan, da iwaꞌ sinungꞌ arangan da anungꞌ irim tsakia mangan da garam igi u.
25168	LUK 4:36	Da garam santan irunt fafun gin da ini da ruan, “Nan gan fisagin ani ibianung? Garam ani ini nan nampang isangꞌ garam nifutsarif da marapayam maisan iringantin da irunt sinungꞌ!”
25173	LUK 4:41	Da marapayam maisan iwaꞌ sinungꞌ garam ampi bingan da inuꞌ tsiraꞌ ibiani, “Agu Anutu Narunggan!” Da bitsintaꞌ Yisu ipaꞌ ribarangan i anungꞌ nida nan u, i ribarangan isruꞌ i Arangan Kristus, Garam Anutu Ragadan.
25197	LUK 5:21	Da garam Farisai da garam gudzupuꞌ i nan faidagin ini angu i wangunggan, “Garam aruani nam idzuwai? Itsarif runggan i uda Anutu mumai gan! Manga sangꞌ i siata nam maisan? Anutu runtaꞌ angu isangꞌ i siata nam maisan.”
25254	LUK 6:39	Da Yisu itip ini nan raman mangan ibiani, “Amaꞌ, isangꞌ garam maran gampaman mangan mungꞌa i maran gampaman mangan? Imaꞌ! Bungꞌ aruaꞌ ntsuf!
25338	LUK 8:24	Da ifa nuꞌ Yisu marataꞌ da ini, “Tsiraꞌ, agi bungꞌ amamp!” Ibinigi da Yisu yuriꞌ da impiꞌ fifingꞌ da mpui iyamiyam tsiraꞌ igi da intung.
25339	LUK 8:25	Da Yisu igut i gan riban atsungꞌa gin igi, “Agam nanggam muarutsan imingꞌ anungꞌ?” Tuas arangan irat da igara bangin gin da igut i ruan ifa iba. Da ini, “Garam idzuwai aruani? Arangan ini nan angu da fifingꞌ da mpui iyamiyam tsiraꞌ ugu iringant i gan nan gan!”
25342	LUK 8:28	Da gubuꞌ ampi bingan da garam idzur arangan bangin da fagan i tsen da impa tayangꞌ arangan. Da bitsintaꞌ marapayam maisan intap tsen da iyu arangan ifa nam manaꞌ dadauntan. Gubuꞌ arangan tsanganda Yisu da Yisu yaga marapayam maisan i waꞌa sinungꞌ arangan. Da arangan iyaiꞌ da itatapuang iruꞌ Yisu fagan, da inuꞌ nifun tsiraꞌ bingan da ini, “Yisu, Anutu Mpada Wagungꞌ Narunggan, U buni mantuda i dzi? Dzi gaib runggangꞌ da Agu, anungꞌ rima tsakia da dzi u!”
25368	LUK 8:54	Da bitsintaꞌ Yisu igif mamaꞌ igi bangin da ini, “Dzi narungꞌ, wauriꞌ wayab!”
25383	LUK 9:13	Da Yisu ini nan mungaꞌ, “Agam runggam warim nam gadan rutin.” Da ribarangan itip ini, “Aga yu bret isiꞌ 5 da yafas iruꞌ angu, da bida agai nida rima nam gadan da rib ani, da agai nafa baim nam asangꞌ ampi tsiraꞌ bingan ani!”
25411	LUK 9:41	Da Yisu ini nan mungaꞌ, “Agam garam nanggam muarutsan maꞌan da mamida atsungꞌa sanab rururungan! Dzi rut agam impai gubuꞌ guntiꞌ bingan, da gubuꞌ idzuwai igi da agam muarutsan? Wayu narunggam igi naba.”